ఉత్సాహంగా జిల్లాస్థాయి స్విమ్మింగ్‌ ఎంపికలు

ఉత్సాహంగా జిల్లాస్థాయి స్విమ్మింగ్‌ ఎంపికలు

శ్రీకాకుళం న్యూకాలనీ: జిల్లాస్థాయి స్విమ్మింగ్‌ క్రీడాకారుల ఎంపికలు ఆద్యంతం ఉత్సాహభరితంగా సాగాయి. శ్రీకాకుళం నగరంలోని శాంతినగర్‌కాలనీలో ఉన్న స్విమ్మింగ్‌ పూల్‌ వేదికగా ఆదివారం జరిగిన ఈ ఎంపికలకు జిల్లా నలుమూలల నుంచి బాలబాలికలు హాజరయ్యారు. ప్రతిభకనబర్చిన క్రీడాకారులను వచ్చే నెల 7, 8, 9 తేదీల్లో విశాఖలో జరిగే రాష్ట్రపోటీలకు ఎంపికచేశారు. అంతకుముందు ఈ ఎంపికలను జిల్లా స్విమ్మింగ్‌ అసోసియేషన్‌ అధ్యక్షుడు, రాష్ట్ర ఉపాధ్యాక్షుడు కేఎన్‌ఎస్‌వీ ప్రసాద్‌ ప్రారంభించారు. కార్యక్రమంలో జిల్లా కార్యదర్శి ఝాన్సీ, సంఘ ప్రతినిధులు ఎస్‌.కాంతారావు, ఎన్ని సూర్యారావు, మురళీధర్‌ తదితరులు పాల్గొన్నారు.

ఎంపికై న క్రీడాకారులు వీరే..

బాలురు విభాగంలో పి.అవినీష్‌, వీడీ దరహాస్‌, పి.ప్రేమ్‌కుమార్‌, ఆర్‌.మోహన్‌, వై.బొని, ఎన్‌.ప్రణీత్‌, ఎం.మనోజ్‌, ఎం.నీలేష్‌, బి.హన్షుల్‌రాజ్‌, సీహెచ్‌. సుశాంత్‌, పి.సమీర్‌, కె.ధైర్య, జశ్వంత్‌. బాలికల విభాగంలో పి.చేతన, పి.యోచన, ఎం.పురంధరి, బి.సారాక్షి.