రాష్ట్రస్థాయి వీవీఎం పోటీలకు సిక్కోలు విద్యార్థులు

రాష్ట్రస్థాయి వీవీఎం పోటీలకు సిక్కోలు విద్యార్థులు

శ్రీకాకుళం న్యూకాలనీ: విద్యార్థి విజ్ఞాన్‌ మంథన్‌ (వీవీఎం) ప్రతిభా పరీక్షల్లో జిల్లాకు చెందిన నలుగురు విద్యార్థులు ప్రతిభ కనబర్చి రాష్ట్రస్థాయి పోటీలకు ఎంపికయ్యారు. కేంద్ర ప్రభుత్వ సంస్థలు ఎన్‌సీఈఆర్‌టీ, విజ్ఞాన్‌ ప్రసార్‌, ఎన్‌సీఎస్‌ఎమ్‌లు సంయుక్తంగా గత నెల దేశవ్యాప్తంగా పాఠశాలల విద్యార్థులకు నిర్వహించిన ఈ పోటీల్లో వి.హరిణి(9వ తరగతి, గుజరాతీపేటలోని వరం మున్సిపల్‌ స్కూల్‌), బలివాడ నవీన, సీఎల్‌ఎన్‌ వైష్ణవి, జామి వేదశ్రీ (శ్రీకాకుళం హౌసింగ్‌బోర్డ్‌ కాలనీలో ఉన్న ఆక్స్‌ఫర్డ్‌ స్కూల్‌), రాష్ట్ర స్థాయికి ఎంపికైనవారిలో ఉన్నారని వీవీఎం పరీక్షల జిల్లా సమన్వయకర్త అన్నెపు పున్నయ్య తెలిపారు. వచ్చే నెల 15న రాజమండ్రి వేదికగా జరిగే రాష్ట్ర స్థాయి పోటీల శిబిరానికి వీరు హాజరవుతారని పేర్కొన్నారు. విద్యార్థులను జిల్లా విద్యాశాఖధికారి డాక్టర్‌ ఎస్‌.తిరుమల చైతన్య, ఉప విద్యాశాఖాధికారి ఆర్‌.విజయకుమారి, కౌషల్‌ కో ఆర్డినేటర్లు మధుబాబు, ఉమేష్‌కుమార్‌, సమగ్రశిక్ష సెక్టోరియల్‌ అధికారులు అభినందించారు.

1/1

రాష్ట్రస్థాయి వీవీఎం పోటీలకు సిక్కోలు విద్యార్థులు