టీడీపీ జనసేన కార్యకర్తల మధ్య కొట్లాట

టెక్కలి రూరల్‌: మండలంలోని పరశురాంపురం గ్రామం వద్ద బుధవారం రాత్రి టీడీపీ, జనసేన కార్యకర్తల మధ్య కొట్లాట జరిగింది. స్థానికులు తెలిపిన వివరాలు ప్రకారం... పరశురాంపురం గ్రామంలో రోడ్ల నిర్మాణం చేపట్టారు. ఈ క్రమంలో గ్రామంలోని రైతు సేవా కేంద్రం వద్ద ఉన్న బోరును వాడుకునే క్రమంలో వచ్చిన చిన్నపాటి తగాదా కారణంగా టీడీపీ కార్యకర్తలు జనసేన కార్యకర్తలతో దురుసుగా ప్రవర్తించారు. దీంతో మొదలైన వివాదం కొట్టుకునే స్థితికి వెళ్లింది. సమాచారం అందుకున్న పోలీసులు ఘటనా స్థ లానికి చేరుకుని గొడవను సద్దుమణిగించినట్లు స్థానికులు తెలిపారు. అయితే ఈ ఘటనపై పోలీ సులను ఇరుపార్టీ కార్యకర్తలు ఆశ్రయించినట్లు సమాచారం. అయితే ఈ ఘటన వివరాల గురించి టెక్కలి సీఐ విజయ్‌కుమార్‌ను సంప్రదించగా ఆయన స్పందించలేదు.