గాయని ఇసైవాణి, దర్శకుడు బి.రంజిత్‌పై ఫిర్యాదు

తిరువొత్తియూరు: అయ్యప్ప స్వామికి కళంకం కలిగించే రీతిలో పాటలు పాడిన గాయని గానా ఇసైవాణి, దర్శకుడు బి.రంజిత్‌పై చర్యలు తీసుకోవాలని పలువురు భక్తులు పోలీసులకు ఫిర్యాదు చేశారు. వివరాలు.. కోయంబత్తూరులోని మేట్టుపాళయం పోలీస్‌ స్టేషన్‌లో అయ్యప్ప భక్తుల సంఘం అధ్యక్షుడు సెల్వరాజ్‌ అధ్యక్షుడు శుక్రవారం ఫిర్యాదు చేశారు. అందులో స్వామి అయ్యప్పపై, అయ్యప్పను పూజించే భక్తులపై దూషిస్తూ పాటలు పాడిన గాయని ఇసైవాణి, నీలం కల్చరల్‌ సెంటర్‌ నిర్వాహకుడు, దర్శకుడు పా.రంజిత్‌పై చర్యలు తీసుకోవాలని కోరారు. ఎంతో మంది పూజించే స్వామిని కించపరిచే వారిపై చట్ట ప్రకారం కఠిన చర్యలు తీసుకోవాలని లేకుండే నిరసనలకు దిగుతామని స్పష్టం చేశారు.