TV
విభిన్న ప్రేమకథతో ‘కాత్తు వాక్కుల ఒరు కాదల్‌’
తమిళసినిమా: చైన్నె ప్రొడక్షన్స్‌ పతాకంపై ఎళిల్‌ ఇనియన్‌ నిర్మించిన చిత్రం కాత్తు వాక్కుల ఒరు కాదల్‌. నటుడు మాస్‌ రవి కథానాయకుడిగా నటిస్తున్న ఇందులో నటి లక్ష్మీప్రియ, మంజుల, నాయికలుగా నటిస్తున్నారు. అదేవిధంగా సాయి దీనా, సత్య, కల్లూరి వినోద్‌, ఆదిత్య కదీర్‌, తంగదురై, పవర్‌స్టార్‌, కబాలి విశ్వనాథన్‌, మేన్షన్‌ మిప్పు, మోసకుట్టి ప్రియదర్శిని, ప్రియాంక, రోబో శంకర్‌ తదితరులు ముఖ్య పాత్రల ను పోషిస్తున్నారు. నటుడు మాస్‌ రవి దర్శకత్వం వహిస్తున్న ఈ చిత్రంలోని సింగిలా ఇరుందా సిఒగం మచ్చాన్‌( సింగల్‌గా ఉంటే సింహం మచ్చాన్‌) అనే పల్లవితో సాగే పాటను ఇటీవల ప్రముఖ సంగీత దర్శకుడు దేవా తన పుట్టిన రోజు సందర్భంగా విడు దల చేశారు. కాగా ఇప్పుడీ పాటతో కూడిన వీడియో 5 స్టార్‌ ఆడియోస్‌ యూట్యూబ్‌లో వైరల్‌ అవుతూ కుర్రకారును విపరీతంగా అలరిస్తోంది. కాగా ఈ పాటలో నటుడు మాస్‌ రవి, నటి సంజనా సింగ్‌, తంగదురై ఆడి పాడారన్నది గమనార్హం. కాగా ఈ చిత్రానికి ఛాయాగ్రహణం రాజాదురై ఎంఏ. సంగీతాన్ని జీకేవీ అందిస్తున్నారు. కాగా ఇది విభిన్న ప్రేమ కథా చిత్రంగా ఉంటుందని, ఈ చిత్ర వివరాలు త్వరలోనే వెల్లడించనున్నట్లు దర్శకుడు తెలిపారు.
కాత్తు వాక్కుల ఒరు కాదల్‌ చిత్రంలో మాస్‌ రవి, నటి సంజనా సింగ్‌ తదితరులు
Comments
Please login to add a commentAdd a comment