డాక్టర్‌ కాపాడిన కోతి పిల్ల జూలో మృతి

డాక్టర్‌ కాపాడిన కోతి పిల్ల జూలో మృతి

● పోస్టుమార్టం రిపోర్ట్‌ సమర్పించాలని హైకోర్టు ఆదేశం

సేలం : కుక్కల దాడికి గురై డాక్టర్‌ చేతిలో ప్రాణం పోసుకున్న కోతి పిల్ల వండలూరు జూలో మృతి చెందింది. చైన్నె హైకోర్టులో పశు వైద్యులు వల్లయప్పన్‌ దాఖలు చేసిన ఓ పిటిషన్‌లో.. 2023, డిసెంబర్‌ 4వ తేది రాణిపేటలో కుక్కలకు వ్యాక్సిన్‌ వేస్తున్న సమయంలో అక్కడ కుక్క కాటుకు గురైన కోతి పిల్లను తాను సుమారు 10 నెలలు చికిత్స చేసి కాపాడినట్టు తెలిపారు. అయితే గత నెల 26వ తేది ఆ కోతి పిల్లను అటవీ శాఖ అధికారులు తన నుంచి తీసుకువెళ్లి వండలూరు జూలో పెట్టినట్టు పేర్కొన్నారు. తనకు ఆ కోతి పిల్లను అప్పగించాలని కోరగా, అది వీలుపడదని, కావాలంటే అప్పుడప్పుడు వెళ్లి చూసుకోవచ్చని కోర్టు తెలిపిందన్నారు. ఈ స్థితిలో వండలూరు జూలో ఉన్న కోతి పిల్ల గత 21వ తేది మృతి చెందింది. కనుక దాని మృతిపై విచారణ జరపాలని పశువైద్యులు వల్లయప్పన్‌ తరపున న్యాయవాది శంకరసుబ్బు న్యాయమూర్తి కార్తికేయన్‌ ముందు విన్నవించుకున్నారు. ఈ కేసును విచారించిన న్యాయమూర్తి సి.వి.కార్తికేయన్‌ కోతి పిల్లకు ఎలాంటి వైద్యం చేశారు అని, మృతి చెందిన కోతి పిల్ల పోస్టుమా ర్టం రిపోర్ట్‌ను కోర్టులో దాఖలు చేయాలని ఆదేశిస్తూ కేసును 28వ తేదీకి వాయిదా వేశారు.

కోతి పిల్లతో డాక్టర్‌