కాటన్‌ మిల్లులో అగ్ని ప్రమాదం

కాటన్‌ మిల్లులో అగ్ని ప్రమాదం

పెద్దేముల్‌: మండల పరిధిలోని మారేపల్లి శివారులో ఉన్న సుమిత్ర కాటన్‌ మిల్లులో గురువారం సాయంత్రం అగ్ని ప్రమాదం చోటు చేసుకుంది. ఈ ఘటనలో నిల్వఉన్న సుమారు 3,550 క్వింటాళ్లలో కొంతభాగం కాలిపోయింది. దాదాపు రూ.70లక్షల నుంచి రూ.80లక్షల వరకు నష్టం వాటిల్లిందని యజమాని ఆవేదన వ్యక్తం చేశారు. ప్రమాదానికి గల కారణం తెలియరాలేదు. రైతుల నుంచి కొనుగోలు చేసి, నిల్వ ఉంచిన పత్తి కాలిపోవడంతో తీరని నష్టం వాటిల్లిందన్నారు. ప్రమాదం జరిగిన వెంటనే అగ్ని మాపక శాఖ అధికారులకు ఫిర్యాదు చేయడంతో ఫైర్‌ ఇంజన్‌ వచ్చి మంటలు ఆర్పిందని చెప్పారు. ఈ మేరకు పోలీసులకు ఫిర్యాదు అందజేస్తామన్నారు.

రూ.70 లక్షల వరకు ఆస్తి నష్టం