ముగిసిన గ్రూప్‌–3

ముగిసిన గ్రూప్‌–3

● రెండో రోజు 43.8శాతం హాజరు ● 1,806 మంది గైర్హాజరు ● పరీక్ష కేంద్రాలను తనిఖీ చేసినసబ్‌–కలెక్టర్‌ ఉమాశంకర్‌ ప్రసాద్‌

తాండూరు టౌన్‌: గ్రూప్‌–3 పరీక్షలు ప్రశాంతంగా ముగిశాయి. పట్టణంలో 3,215 మంది అభ్యర్థులకు గాను 11 పరీక్ష కేంద్రాలు ఏర్పాటు చేశారు. సోమవారం నిర్వహించిన పరీక్షకు 1,806 మంది అభ్యర్థులు గైర్హాజరయ్యారు. కేవలం 43.8 శాతం మంది మాత్రమే పరీక్ష రాశారు. పరీక్ష కేంద్రాల వద్ద పోలీసులు గట్టి బందోబస్తు ఏర్పాటు చేశారు. పట్టణంలోని కేంద్రాలను తాండూరు సబ్‌–కలెక్టర్‌ ఉమాశంకర్‌ ప్రసాద్‌ తనిఖీ చేశారు.

ఏర్పాట్ల పరిశీలన

పూడూరు: మండల పరిధిలోని ఎన్కేపల్లి మాడల్‌ స్కూల్‌లో నిర్వహిస్తున్న గ్రూప్‌–3 పరీక్ష కేంద్రాన్ని సోమవారం కలెక్టర్‌ ప్రతీక్‌జైన్‌ సందర్శించారు. ఈ సందర్భంగా ఆయన పరీక్ష కేంద్రంలో ఏర్పాట్లను పరిశీలించారు. పరీక్షలు ప్రశాంతంగా నిర్వహించాలని సిబ్బందికి సూచించారు. కలెక్టర్‌ వెంట ట్రెయినీ కలెక్టర్‌ ఉమాహారతి పాల్గొన్నారు.