గిరి ప్రదక్షిణకు పోటెత్తిన భక్తులు

గిరి ప్రదక్షిణకు పోటెత్తిన భక్తులు

వికారాబాద్‌ అర్బన్‌: హిందూ జనశక్తి మాణిక్‌ ప్రభు సంస్థాన్‌ల సంయుక్త ఆధ్వర్యంలో ప్రతీ ఏడాది గిరిప్రదక్షిణ నిర్వహిస్తుంటారు. సోమవారం నిర్వహించిన ఈ ప్రదక్షిణకు వేలాదిగా భక్తులు తరలి వచ్చారు. మాణిక ప్రభు సంస్థాన్‌ బాల మార్తాండ మహరాజ్‌ అనంతగిరి పరిరక్షణ సమితి సభ్యులు, హిందూ జనశక్తి నాయకులతో ఈ యాత్ర ఉదయం 5గంటలకు రాజీవ్‌ నగర్‌లోని భవాని మాత ఆలయం నుంచి ప్రారంభమైన గిరి ప్రదక్షిణ మేకలగండి నుంచి శుభం ఫంక్షన్‌హాల్‌ గోధుమగూడా మీదుగా జైదుపల్లి, కెరెల్లీ సత్యసాయి కేంద్రం, బుగ్గరామలింగేశ్వర స్వామి ఆలయం, బండ బావి హనుమాన్‌ ఆలయం అనంతరం అనంత పద్మనాభ స్వామి ఆలయానికి యాత్ర చేరుకుంది. ఈ గిరి ప్రదక్షిణ యాత్రకు ఎమ్యెల్యే కాలె యాదయ్య, మాజీ ఎమ్మెల్యే మెతుకు ఆనంద్‌, రమేష్‌కుమార్‌, హాజరయ్యారు. ప్రదక్షిణలో హిందూ జనశక్తి రాష్ట్ర అధ్యక్షుడు శ్రీనివాస్‌ యాదవ్‌, హిందూ జనశక్తి రంగారెడ్డి జిల్లా లీగల్‌ సెల్‌ కన్వీనర్‌ మాధవ్‌రెడ్డి, అనంతగిరి పరిరక్షణ సమితి సభ్యులు నర్సింలు, అంజిరెడ్డి, శ్రీధర్‌రెడ్డి, నరోత్తంరెడ్డి, డాక్టర్‌ రాజశేఖర్‌, శివరాజ్‌, యాదగిరి, మోహన్‌రెడ్డి, విజయలక్ష్మి, మాధవి పాల్గొన్నారు.