జోనల్‌ యూనివర్సిటీ పోటీలకు సత్య విద్యార్థులు

జోనల్‌ యూనివర్సిటీ పోటీలకు సత్య విద్యార్థులు

విజయనగరం అర్బన్‌: జమ్ముకశ్మీర్‌లో త్వరలో జరగనున్న జోనల్‌ యూనివర్సిటీ ఫెన్సింగ్‌ క్రీడలో రాష్ట్రం నుంచి పాల్గొనే జట్టులో పట్టణానికి చెందిన సత్య డిగ్రీ, పీజీ కళాశాల విద్యార్థులు ఎంపికయ్యారని కళాశాల ప్రిన్సిపాల్‌ డాక్టర్‌ సాయి దేవమణి శనివారం ఒక ప్రకటనలో తెలిపారు. ఇటీవల రాష్ట్రంలో వివిధ ప్రాంతాల్లో జరిగిన ఇంటర్‌ యూనివర్సిటీ స్థాయి ఫెన్సింగ్‌ మహిళా విభాగం పోటీలలో ఎండీవీ శ్రీరూప్య, పురుషుల విభాగంలో కె.పవన్‌కుమార్‌ పథకాలు సాధించి జోనల్‌ స్థాయి యూనివర్సిటీ పోటీలకు ఎంపికయ్యారని తెలిపారు. చైన్నెలో జరిగే జోనల్‌ యూనివర్సిటీ కబడ్డీ బాలికల విభాగం పోటీలకు ఎం.శ్రీవల్లి, ఎల్‌.వరలక్ష్మి ఎంపికయ్యారని పేర్కొన్నారు.