జిల్లా స్థాయి విజ్ఞాన ప్రదర్శనలో ప్రతిభ

జిల్లా స్థాయి విజ్ఞాన ప్రదర్శనలో ప్రతిభ

● గజపతినగరం బాలికోన్నత పాఠశాలకు రెండవ బహుమతి

గజపతినగరం: జిల్లాస్థాయి సైన్స్‌ ఫెయిర్‌లో గజపతినగరం ప్రభుత్వ బాలికల ఉన్నత పాఠశాల విద్యార్థినులు ప్రతిభ కనబరిచినట్లు పాఠశాల ప్రధానోపాధ్యాయుడు చిప్పాడ రమేష్‌ కుమార్‌ తెలిపారు. ఈ మేరకు ఆయన విజ్ఞాన ప్రదర్శనలో ప్రతిభ కనబరిచి బహుమతి సాధించిన విద్యార్థినులను అభినందిస్తూ ఆదివారం సాయంత్రం విలేకరులతో మాట్లాడారు. విజయనగరం జిల్లా కేంద్రంలో నవంబరు 1న జిల్లా స్థాయి విజ్ఞాన ప్రదర్శన జరిగిందని ఈ ప్రదర్శనలో గజపతినగరంలోని పురిటి పెంట బాలికోన్నత పాఠశాల నుంచి సాయిశ్రుతి, జస్మితలు వారి గైడ్‌ సుజాత సహకారంతో ప్రాజెక్ట్‌ తయారుచేసి ప్రదర్శించి రెండవ బహుమతిని గెలుచుకున్నారని వివరించారు. ఇందుకు గాను ఆ విద్యార్థినులను హెచ్‌ఎం రమేష్‌ కుమార్‌తో పాటు ఇతర ఉపాధ్యాయ సిబ్బంది అభినందించారు.