అంతరవర్సిటీ వెయిట్‌ లిఫ్టింగ్‌ పోటీల్లో పతకం

అంతరవర్సిటీ వెయిట్‌ లిఫ్టింగ్‌ పోటీల్లో పతకం

విజయనగరం అర్బన్‌: ఆంధ్రా యూనివర్సిటీలో శనివారం నుంచి జరుగుతున్న ఇంటర్‌ యూనివర్సిటీ వెయిట్‌ లిఫ్టింగ్‌ పోటీలలో విజయనగరంలోని ప్రభుత్వ డిగ్రీ కళాశాల విద్యార్థిని జి.శ్రావణి సిల్వర్‌ మెడల్‌ సాధించింది. ఈ మేరకు కళాశాల ప్రిన్సిపాల్‌ డాక్టర్‌ కె.రేఖ ఆదివారం విడుదల చేసిన ప్రకటనలో పేర్కొన్నారు. శ్రావణి గతంలో రెండుసార్లు రాష్ట్రస్థాయిలో బహుమతులు, పైడితల్లమ్మ వారి ఉత్సవంలో భాగంగా నిర్వహించిన క్రీడోత్సవంలో జిల్లా స్థాయిలో మొదటి బహుమతిని గెలుచుకున్నట్లు తెలిపారు. విద్యార్థిని స్వస్థలం నెల్లిమర్ల మండలంలోని టెక్కలి గ్రామమని తెలియజేశారు. శ్రావణికి సిల్వర్‌ మెడల్‌ రావడం పట్ల ప్రిన్సిపాల్‌ డాక్టర్‌ కె. రేఖ, ఫిజికల్‌ డైరెక్టర్‌ డాక్టర్‌.పి.జయలక్ష్మి, కళాశాల అధ్యాపకులు అభినందనలు తెలియజేశారు.