పాపం తల్లిదండ్రులు

రోడ్డు ప్రమాదంలో పల్లవి తల్లిదండ్రులు ఇద్దరు తీవ్రంగా గాయపడ్డారు. దీంతో ఇద్దరు కదల్లేని స్థితిలో ఆస్పత్రిలో చికిత్స పొందుతున్నారు. కన్న బిడ్డను కడసారి చూసేందుకు కదల్లేని స్థితిలో అంబులెన్సులో స్ట్రెచర్‌పై మురపాక గ్రామానికి చేరుకున్నారు. విగత జీవిగా మారిన బిడ్డను చూసి కన్నీరుకార్చారు. అవయవదానానికి అంగీకరించిన పల్లవి తల్లిదండ్రుల పెద్దమనసును తిరుమల మెడికవర్‌ ఐసీయూ ఇన్‌చార్జి డాక్టర్‌ పి.ఎస్‌.వి.రామారావు అభినందించారు. ఇటీవల కాలంలో ప్రజల్లో అవయవ దానంపై అవగాహన పెరిగిందని తెలిపారు. వైద్యానికి సహకరించని పరిస్థితుల్లో అవయవదానం చేయడం వల్ల మరొకరికి పునర్జన్మనిచ్చినట్టు అవుతుందన్నారు.