భద్రకాళిలో కార్తీక దీపోత్సవం

భద్రకాళిలో కార్తీక దీపోత్సవం

హన్మకొండ కల్చరల్‌ : రాష్ట్ర దేవాదాయ ధర్మాదాయశాఖ ఆధ్వర్యంలో శ్రీభద్రకాళి దేవాలయంలో సోమవారం కార్తీక దీపోత్సవం జరిగింది. ఈఓ శేషుభారతి దేవాలయ ఆవరణలో దీపోత్సవ కార్యక్రమం నిర్వహించారు. పలువురు మహిళాభక్తులు, సేవాసమితి సభ్యులు పాల్గొన్నారు.

కార్తీక సోమవారం పూజలు

వేయిస్తంభాల దేవాలయంలో కార్తీకమాసోత్సవాల్లో భాగంగా మూడవ సోమవారం పురస్కరించుకుని శ్రీరుద్రేశ్వరస్వామికి ప్రత్యేక పూజలు చేశారు. ప్రధానార్చకులు గంగు ఉపేంద్రశర్మ అధ్వర్యంలో వేదపండితులు గంగు మణికంఠశర్మ, అర్చకులు సందీప్‌శర్మ, ప్రణవ్‌లు ఉదయంనుంచి నిత్యపూజా కార్యక్రమాలు నిర్వహించారు. ఉత్తిష్టగణపతికి అభిషేకాలు, శ్రీరుద్రేశ్వరస్వామి వారికి మహాన్యాసపూర్వక రుద్రాభిషేకం నిర్వహించారు. భక్తులు సామూహిక రుద్రాభిషేకాలు జరుపుకున్నారు. రాత్రి 8గంటలకు మహాహారతి శోభాయమానంగా జరిగింది. భక్తులు కార్తీకదీపాలు వెలిగించారు.