క్రీడా స్ఫూర్తిని పెంపొందించుకోవాలి

సూర్యాపేట: ప్రతి క్రీడాకారుడు క్రీడాస్ఫూర్తిని పెంపొందించుకోవాలని, చెస్‌ పోటీల్లో పాల్గొనడం ద్వారా మేధాశక్తి పెరుగుతుందని మాజీ మంత్రి సూర్యాపేట ఎమ్మెల్యే గుంటకండ్ల జగదీష్‌రెడ్డి అన్నారు. జిల్లా చెస్‌ అసోసియేషన్‌ ఆధ్వర్యంలో ఆదివారం సూర్యాపేట టీటీడీ కల్యాణ మండపంలో ఓపెన్‌, అండర్‌–11, 15 విభాగాల్లో ఏర్పాటు చేసిన ఉమ్మడి నల్లగొండ జిల్లా చదరంగ పోటీల్లో గెలుపొందిన విజేతలకు ఆయన బహుమతులు అందజేసి మాట్లాడారు. సూర్యాపేట జిల్లా నుంచి ఎంతో మంది చెస్‌ క్రీడాకారులు జాతీయ, అంతర్జాతీయ స్థాయిలో మెడల్స్‌ సాధించడం జిల్లాకు గర్వకారణమన్నారు. అనంతరం ఓపెన్‌ కేటగిరీ, అండర్‌–11, 15 పోటీల్లో విజేతలైన బాలబాలికలకు షీల్డులతో పాటు నగదు ప్రోత్సాహక బహుమతులు అందజేశారు.

మాజీ మంత్రి గుంటకండ్ల జగదీష్‌రెడ్డి