TV
కేటీఆర్‌కు బీఆర్‌ఎస్‌ శ్రేణుల స్వాగతం
భూదాన్‌పోచంపల్లి : మహబూబాబాద్‌లో మహాధర్నాకు వెళ్తున్న బీఆర్‌ఎస్‌ పార్టీ వర్కింగ్‌ ప్రెసిడెంట్‌, మాజీ మంత్రి కేటీఆర్‌కు సోమవారం పార్టీ శ్రేణులు ఘన స్వాగతం పలికాయి. భూదాన్‌పోచంపల్లి మండల శివారులోని కొత్తగూడెం క్రాస్‌రోడ్డు వద్ద మాజీ మంత్రి, సూర్యాపేట ఎమ్మెల్యే గుంటకండ్ల జగదీశ్‌రెడ్డి, మాజీ ఎమ్మెల్యేలు పైళ్ల శేఖర్‌రెడ్డి, రవీంద్రనాయక్‌, బూడిద భిక్షమయ్యగౌడ్‌, జెడ్పీ మాజీ చైర్మన్‌ ఎలిమినేటి సందీప్‌రెడ్డి, బీఆర్‌ఎస్‌ రాష్ట్ర నాయకులు చింతల వెంకటేశ్వర్‌రెడ్డి, కొలుపుల అమరేందర్‌, మాజీ ఎంపీపీ మాడ్గుల ప్రభాకర్‌రెడ్డి, మాజీ జెడ్పీటీసీ కోట పుష్పలత మల్లారెడ్డి, మున్సిపల్‌వైస్‌ చైర్మన్‌ బాత్క లింగస్వామి, బీఆర్‌ఎస్‌ మండల పార్టీ అధ్యక్షుడు పాటి సుధాకర్‌రెడ్డి, మాజీ మార్కెట్‌ కమిటీ డైరెక్టర్లు పగిళ్ల సుధాకర్‌రెడ్డి, ముత్యాల మహిపాల్‌రెడ్డి, చిల్వేరు బాలనర్సింహ, మాధవరెడ్డి, మందాడి మహిపాల్‌రెడ్డి, గుర్రం బాల్‌రెడ్డి, సార బాలయ్యగౌడ్‌ తదితరులు స్వాగతం పలికారు. కేటీఆర్‌కు పుష్పగుచ్ఛం అందజేసి, శాలువా కప్పి సన్మానించారు. కేటీఆర్‌ నాయకత్వం వర్ధిల్లాలి, సీఎం, సీఎం అంటూ నినాదాలతో హోరెత్తించారు. కాగా కేటీఆర్‌ కారు దిగి కార్యకర్తలకు అభివాదం చేసి ముందుకు వెళ్లిపోయారు.
చౌటుప్పల్‌లో
చౌటుప్పల్‌ రూరల్‌: చౌటుప్పల్‌ పట్టణంలోని ఆర్టీసీ బస్టాండ్‌ వద్ద బీఆర్‌ఎస్‌ కార్యకర్తలు, నాయకులు కేటీఆర్‌కు స్వాగతం పలికారు. మునుగోడు మాజీ ఎమ్మెల్యే కూసుకుంట్ల ప్రభాకర్‌రెడ్డి పూలమాల వేసి, శాలువా కప్పి సన్మానించారు. రాష్ట్ర అభివృద్ధికి కేటీఆర్‌ నాయకత్వం కావాలని ఆయన పేర్కొన్నారు. స్వాగతం పలికిన వారిలో మాజీ జెడ్పీటీసీ పెద్దిటి బుచ్చిరెడ్డి, బీఆర్‌ఎస్‌ మండల అధ్యక్షుడు గిర్కటి నిరంజన్‌, మార్కెట్‌ మాజీ చైర్మన్‌ బొడ్డు శ్రీనివాస్‌రెడ్డి, నాయకులు ఢీల్లీ మాధవరెడ్డి, తాడూరి పరమేష్‌, గుండెబోయిన వెంకటేష్‌, బోరెం ప్రకాష్‌రెడ్డి, మునుకుంట్ల సత్యనారాయణ, ఉడుగు మల్లేష్‌, సుర్వి మల్లేష్‌, కొత్త పర్వతాలు, చిన్నం బాలరాజు, ముప్పిడి శ్రీనివాస్‌ తదితరులు ఉన్నారు.
కేటీఆర్‌కు బీఆర్‌ఎస్‌ శ్రేణుల స్వాగతం
Comments
Please login to add a commentAdd a comment