గంజాయి విక్రయిస్తున్న ముఠా అరెస్టు

గంజాయి విక్రయిస్తున్న ముఠా అరెస్టు

బద్వేలు అర్బన్‌ : గంజాయి విక్రయిస్తున్న ఐదుగురు సభ్యుల ముఠాను అరెస్టు చేసి వారి వద్ద ఐదు కిలోల గంజాయి స్వాధీనం చేసుకున్నట్లు అర్బన్‌ సీఐ రాజగోపాల్‌ తెలిపారు. స్థానిక అర్బన్‌ స్టేషన్‌ ఆవరణలో నిర్వహించిన విలేకరుల సమావేశంలో ఆయన మాట్లాడుతూ జిల్లా టాస్క్‌ఫోర్స్‌ సిబ్బంది, అర్బన్‌ ఎస్‌ఐలు, చెన్నంపల్లె ఎస్టీకాలనీ సమీపంలోని కాశినాయన గుడి వద్ద తనిఖీలు నిర్వహించారన్నారు. గంజాయి విక్రయిస్తున్న బి.కోడూరు మండలానికి చెందిన ఓరుగంటినరసింహులు, అల్లూరి సీతారామరాజు జిల్లా జి.కె.వీధి మండలం వంతెవాండ్లపల్లె గ్రామానికి చెందిన గమ్మొల్ల కామేశ్వరరావు, మూర్లచంటిబాబు, బద్వేలు పట్టణం శివానగర్‌కు చెందిన పొదిలిరాంబాబు, గుంతపల్లెకు చెందిన తిరుపతిలను అరెస్టు చేసి వారి వద్ద రూ.35 వేల విలువ చేసే ఐదు కిలోల గంజాయిని స్వాధీనం చేసుకున్నట్లు తెలిపారు. అల్లూరి సీతారామరాజు జిల్లాకు చెందిన కామేశ్వర్‌రావు, చంటిబాబుల ద్వారా గంజాయిని తెప్పించి పట్టణ పరిసర ప్రాంతాల్లో విక్రయిస్తున్నట్లు విచారణలో తేలిందన్నారు. సమావేశంలో అర్బన్‌ ఎస్‌ఐలు ఎం.సత్యనారాయణ, జె.రవికుమార్‌, కానిస్టేబుళ్లు పాల్గొన్నారు.