‘ఓ వ్యక్తి ప్రేమ, పెళ్లి పేరుతో నన్ను మోసం చేశాడు’ అన్నారు బాలీవుడ్‌ నటి సన్నీలియోన్ . హిందీతో పాటు తెలుగు, తమిళ, కన్నడ, మరాఠి, బెంగాలి, మలయాళ భాషల్లోని పలు చిత్రాల్లో ప్రత్యేక పాటలతో పాటు క్యారెక్టర్‌ ఆర్టిస్ట్‌గా నటించి తనకంటూ ఓ గుర్తింపు సొంతం చేసుకున్నారు ఈ బ్యూటీ. ‘కరెంట్‌ తీగ’(2014) సినిమాతో తెలుగులో ఎంట్రీ ఇచ్చిన సన్నీలియోన్‌ ‘పీఎస్‌వీ గరుడవేగ’, ‘జిన్నా’ వంటి సినిమాల్లో నటించారు. ప్రస్తుతం ఆమె ‘రంగీలా’, ‘వీరమదేవి’, ‘కొటేషన్  గ్యాంగ్‌’, ‘షీరో’, ‘కోకా కోలా’, ‘యుఐ’ వంటి చిత్రాలతో బిజీగా ఉన్నారు. అదేవిధంగా ‘స్ల్పీట్స్‌విల్లా’ అనే ఓ రియాలిటీ షోకి వ్యాఖ్యాతగా వ్యవహరిస్తున్నారు సన్ని. తాజాగా ఈ షోలో ఆమె మాట్లాడుతూ–‘‘కొన్నేళ్ల క్రితం ఒక వ్యక్తిని చాలా ప్రేమించాను. తన కూడా నన్ను ప్రేమించాడు. మా ఇద్దరికీ నిశ్చితార్థం కూడా జరిగింది. ఆ తర్వాత ఏదో తప్పు జరుగుతోందని, అతడు నన్ను మోసం చేస్తున్నాడేమోనని నా మనసుకు అనిపించింది. దీంతో ‘నువ్వు నన్ను ఇంకా ప్రేమిస్తున్నావా?’ అని ప్రశ్నిస్తే లేదన్నాడు. మరో రెండు నెలల్లో మా పెళ్లిని ప్లాన్‌ చేసుకున్నాం. హవాయి దీవుల్లో గ్రాండ్‌గా, జీవితాంతం గుర్తుండిపోయేలా వివాహం జరగాలని ప్లాన్  చేసుకున్నాం. ఇందుకోసం అన్నీ బుక్‌ చేసుకుని డబ్బులు కూడా ఇచ్చేశాను. పైగా పెళ్లి షాపింగ్‌ కూడా అయిపోయింది. ఇలాంటి సమయంలో తను అలా చెప్పడంతో నా మనసు ముక్కలైంది.. ఎంతో బాధపడ్డాను. ఆ తర్వాత భగవంతుడు నా జీవితంలో అద్భుతమైన మార్పులు తీసుకువచ్చాడు. డానియల్‌ వెబర్‌ను పరిచయం చేశాడు. నా తల్లితండ్రులు చనిపోయినప్పుడు తను ఎంతో అండగా నిలిచాడు. మా ఇద్దరి మనసులు కలవడంతో పెళ్లి (2011) చేసుకున్నాం. ఎప్పటికీ నా భర్త చేయి వదలను’’ అన్నారు.

హాలీవుడ్‌ హారర్‌ బ్లాక్‌బస్టర్‌ ఫిల్మ్‌ ‘ది మమ్మీ’ రీ రిలీజ్‌కు సన్నాహాలు మొదలయ్యాయి. స్టీఫెన్‌ సోమర్స్‌ దర్శకత్వంలో 1999లో విడుదలైన ‘ది మమ్మీ’ చిత్రానికి ప్రేక్షకుల నుంచి విశేష ఆదరణ లభించింది. ఈ యాక్షన్‌ అడ్వెంచరస్‌ హారర్‌ ఫిల్మ్‌లో బ్రెండెన్‌ ఫ్రేజర్, రాచెల్‌ వీజ్, జాన్‌ హాన్యా, ఆర్నాల్డ్‌ వోస్లూ, జోనాథన్‌ హైడ్‌ లీడ్‌ రోల్స్‌లో నటించారు. జేమ్స్‌ జాక్స్, సీన్‌ డేనియల్‌ నిర్మించిన ‘ది మమ్మీ’ సినిమాను 1999 మే 7న యూనివర్సల్‌ పిక్చర్స్‌ పంపిణీ చేసింది. ఈ సినిమా విడుదలై పాతిక సంవత్సరాలు సమీపిస్తున్న సందర్భంగా ఏప్రిల్‌ 26న థియేటర్స్‌లో రీ రిలీజ్‌ చేస్తున్నట్లుగా యూనివర్సల్‌ పిక్చర్స్‌ అధికారికంగా ప్రకటించింది.  

దాదాపు రెండు నెలల తర్వాత తిరిగి నటిగా మేకప్‌ వేసుకున్నారు ప్రియాంకా చోప్రా. ఇద్రిస్‌ ఎల్బా, జాన్‌ సెనా, ప్రియాంకా చోప్రా, జాక్‌ క్వాయిడ్, స్టీఫెన్‌ రూట్‌ ప్రధాన పాత్రధారులుగా హాలీవుడ్‌లో ‘హెడ్స్‌ ఆఫ్‌ స్టేట్‌’ అనే కామెడీ యాక్షన్‌ థ్రిల్లర్‌ మూవీ తెరకెక్కుతోంది. ఈ సినిమాకు ఇలియా నైషుల్లర్‌ దర్శకత్వం వహిస్తున్నారు. ఈ సినిమా కొత్త షెడ్యూల్‌ చిత్రీకరణ అమెరికాలో మొదలైంది. ‘‘..అండ్‌ వుయ్‌ ఆర్‌ బ్యాక్‌..’’ అంటూ ‘హెడ్స్‌ ఆఫ్‌ స్టేట్‌’ సినిమా స్క్రిప్ట్‌ను తన ఇన్‌స్టా స్టేటస్‌లో షేర్‌ చేశారు ప్రియాంకా చోప్రా. దీంతో ‘హెడ్స్‌ ఆఫ్‌ స్టేట్‌’ షూట్‌లో ఆమె పాల్గొంటున్నారని స్పష్టమైంది. ఇక రెండు నెలల క్రితం తన వ్యక్తిగత పనుల కోసం ప్రియాంకా చోప్రా ఇండియా వచ్చారు. సోదరుడు సిద్ధార్థ్‌ చోప్రా నిశ్చితార్థం వేడుకలో చురుగ్గా పాల్గొన్నారు ప్రియాంక. ఈ వేడుకతో పాటు మరికొన్ని పనులను చక్కబెట్టుకుని ప్రియాంకా చోప్రా మళ్లీ నటిగా బిజీ అవుతున్నారు. 

హాలీవుడ్‌ బ్లాక్‌బస్టర్‌ ఫిల్మ్‌ ‘ది లయన్‌ కింగ్‌’ (2019) కు ప్రీక్వెల్‌ రానుంది. ‘ముఫాసా: ది లయన్‌ కింగ్‌’ టైటిల్‌తో రానున్న ఈ ప్రీక్వెల్‌ ఈ ఏడాది క్రిస్మస్‌ సందర్భంగా విడుదల కానుందని సమాచారం. ‘ది లయన్‌ కింగ్‌’ సినిమాకు జోన్‌ ఫావ్రూ దర్శకత్వం వహించగా, ప్రీక్వెల్‌ను ఆస్కార్‌ విన్నింగ్‌ డైరెక్టర్‌ బార్రీ జెన్కిన్స్‌ తెరకెక్కిస్తున్నారు. ఇక ‘ది లయన్‌ కింగ్‌’ సినిమాలో ముఫాసా పాత్ర ఓ దశలో చనిపోతుంది. ముఫాసా కొడుకు సింబా, అతని సోదరుడు, శత్రువు స్కార్‌ల దృష్టి కోణంలో ఈ చిత్రకథ సాగుతుంది. కానీ ముఫాసా రాజుగా ఎలా ఎదిగాడు? ఆ సమయంలో అతని సోదరుడు స్కార్‌ ఎలాంటి పన్నాగాలు పన్నాడు? అనే అంశాల నేపథ్యంలో ‘ముఫాసా: ది లయన్‌ కింగ్‌’ సినిమా కథ ఉంటుందని హాలీవుడ్‌ టాక్‌. ఈ సినిమా కొత్త పోస్టర్‌ విడుదలైంది. ‘ది లయన్‌ కింగ్‌’కు రచయితగా చేసిన జెఫ్‌ నాథన్సన్‌ ‘ముఫాసా: ది లయన్‌ కింగ్‌’కూ వర్క్‌ చేస్తున్నారు. ముఫాసా పాత్రకు ఆరోన్‌ పైర్రీ, స్కార్‌ పాత్రకు కెల్విన్‌ హార్రిసన్‌ వంటివారు వాయిస్‌ ఓవర్‌ ఇవ్వనున్నారని హాలీవుడ్‌ టాక్‌.  

హాలీవుడ్‌ సూపర్‌ డూపర్‌హిట్‌ సూపర్‌ హీరో ఫ్రాంచైజీ ‘అవెంజర్స్‌’. ఈ ఫ్రాంచైజీ నుంచి తాజాగా ‘అవెంజర్స్‌: సీక్రెట్‌ వార్స్‌’ సినిమా రానుంది. అయితే ఈ సినిమాకు దర్శకత్వం వహించే చాన్స్‌ తనకు దక్కితే బాగుంటుందని దర్శక–నిర్మాత, రచయిత శ్యాముల్‌ ఎమ్‌ రైమి చేసిన వ్యాఖ్యలు హాలీవుడ్‌లో చర్చనీయాంశమయ్యాయి. ఇక దర్శకుడిగా ‘ది ఈవిల్‌ డెడ్‌’, ‘ది ఈవిల్‌ డెడ్‌  2’, ‘స్పైడర్‌ మేన్‌’, ‘స్పైడర్‌ మేన్‌ 2’, ‘స్పైడర్‌ మేన్‌ 3’ వంటి సినిమాలను తెరకెక్కించారు శ్యాముల్‌. మరి.. ‘అవెంజర్స్‌: సీక్రెట్‌ వార్స్‌’ చిత్రానికి దర్శకత్వం వహించే చాన్స్‌ శ్యాముల్‌ కోరుకున్నట్లు ఆయనకు దక్కుతుందా? అనేది చూడాలి. మరోవైపు ‘అవెంజర్స్‌: సీక్రెట్‌ వార్స్‌’ సినిమాలోని ప్రధాన తారాగణాన్ని ఇంకా ప్రకటించలేదు మార్వెల్‌ సంస్థ. అయితే టామ్‌ హాలండ్, క్రిస్‌ హెమ్‌వర్త్, ఆంథోనీ మాకీ లీడ్‌ రోల్స్‌లో కనిపిస్తారనే ప్రచారం సాగుతోంది.

తానిక ఎక్కువ రోజులు బతకనని  ఆమెకు తెలుసు .అందుకే లెజెండరీ స్టార్ షానెన్ డోహెర్టీ షానెన్ డోహెర్టీ గుండెలు పిండే విషాదాన్ని షేర్‌ చేసింది. ‘‘లెట్స్ బి క్లియర్" అనే పోడ్‌కాస్ట్‌లో తన జీవితానికి సంబంధించిన కీలక అప్‌డేట్‌ను పంచుకుంది. కేన్సర్‌ చికిత్సలో భాగంగా . "కేన్సర్ ఇన్ఫ్యూషన్"  అనే కొత్త చికిత్స  గురించి కూడా మాట్లాడింది. ఆశాభావాన్ని కూడా వ్యక్తం చేసింది. అయినా కూడా తన చనిపోయిన తర్వాత తన తల్లి రోసా డోహెర్టీకి అండగా నిలబడేలా, ఆమెకు భారం కాకుండా ఉండేలా, తనను ప్రేమించిన వారికి  కొన్ని జ్ఞాపకాలను మిగిల్చేలా  కొన్ని కీలక నిర్ణయాలను తీసుకున్నట్టు వెల్లడించింది. ఫోర్త్‌ స్టేజ్‌ రొమ్ము క్యాన్సర్‌తో  బాధపడుతున్న షానెన్‌కు ఇపుడది మెదడు, ఎముకలకు  కూడా వ్యాపించింది. దీంతో తనకిక త్వరలోనే చనిపోతానని తెలిసినా మనోనిబ్బరం కోల్పోలేదు. మరణాన్ని ధైర్యంగా ఆహ్వానించేందుకు సిద్ధపడుతోంది. అంతేకాదు...తల్లిని ఆదు కోవాల్సిన  తను ముందే చనిపోతే, ఆమె ఒంటరిదైపోతుందనీ,అందుకే ఆస్తులను అమ్మి తల్లికివ్వాలని , తద్వారా తన మరణం తర్వాత  ఆమెకు ఆర్థికంగా ఆదుకునేలా ఉండాలని చూస్తోంది.తన కెంతో ఇష్టంగా సేకరించుకున్న వస్తువులను విక్రయిస్తోంది.ఇదే సరైంది అని భావిస్తోంది.  కేన్సర్‌తో పోరాడుతున్నప్పటికీ, డోహెర్టీ  ఉన్న కొద్ది సమయాన్ని సద్వినియోగం చేసుకోవాలని అడుగులువేస్తోంది.భవిష్యత్తు కోసం సిద్ధం కావాలని నిశ్చయించుకుంది. ఆఖరికి అంత్యక్రియల ఏర్పాట్లను ప్లాన్ చేసుకుంటోంది.  కేన్సర్‌ తన జీవితాన్ని మార్చసిందనీ, నిజంగా జీవితాన్ని, తన ప్రాధాన్యతలను మార్చేసిందని తెలిపింది అందుకే ఏళ్లుగా సేకరించిన పురాతన వస్తువులు, ఇతర వస్తువులను విక్రయించడమో  లేదా విరాళంగా ఇవ్వడమో చేస్తోంది. "ప్రస్తుతానికి నా ప్రాధాన్యత నా తల్లి - నేను ఆమె కంటే ముందే చనిపోతే అది ఆమెకు కష్టమని నాకు తెలుసు" ఇది  ఆమెకు చాలా కష్టంగా ఉంటుంది కాబట్టి, అందుకే ఆమకోసం ఏదైనా  చేయాలని నిర్ణయించాను అని తెలిపింది. అలాగే షానెన్ ఆమె సంపాదించిన డబ్బుతో తన తల్లిని సెలవులకు తీసుకెళ్లేందుకు ఆమెను ఆనందంగా ఉంచేందుకు ప్రయత్నిస్తోంది.  కాగా షానెన్ డోహెర్టీ బాల్యం నుండి నటిస్తోంది. 1981లో తన పదేళ్ల వయసులో "ఫాదర్ మర్ఫీ" అనే టీవీ షోలో గెస్ట్ స్టార్‌గా తన కెరీర్‌ను ప్రారంభించింది. టీనేజ్ డ్రామా బెవర్లీ హిల్స్, 90210 , చార్మ్డ్ టీవీ  సీరియల్స్‌  ప్రపంచ వ్యాప్తంగా పాపులర్‌ అయింది.1983  లిటిల్ హౌస్ ఆన్ ది ప్రైరీ  18 ఎపిసోడ్‌లలో జెన్నీ వైల్డర్‌గా నటించిన ప్రశంసలు పొందింది. అనేక  అవార్డులను గెల్చుకుంది.  2015లో డోహెర్టీకి రొమ్ము క్యాన్సర్ ఉన్నట్లు నిర్ధారణ అయింది. అప్పట్లో కేన్సర్‌తగ్గినా మళ్లీ వచ్చిందని ఆమె 2017లో వెల్లడించింది. 2020లో మరింత విస్తరించిందని తెలిపింది. 2023 నవంబర్ 29 న పీపుల్‌కి ఇచ్చిన ఇంటర్వ్యూలో  మెదడుకు, ఎముకలకు కూడా పాకిందని తెలిపింది.

హాలీవుడ్‌లో సీక్వెల్‌ అనగానే దాదాపు అందరి దృష్టి ‘అవతార్‌’ మీద ఉంటుంది. దర్శకుడు జేమ్స్‌ కామెరూన్‌ అద్భుత సృష్టి ‘అవతార్‌’ తొలి భాగం 2009లో రాగా, రెండో భాగం రావడానికి పదమూడేళ్లు (2022) పట్టింది. మూడు, నాలుగు, ఐదు భాగాలను ప్రకటించారు కామెరూన్‌. మూడో భాగం ఈ ఏడాది విడుదల కావాల్సి ఉండగా వచ్చే ఏడాదికి వాయిదా పడింది. ‘అవతార్‌’ అభిమానులను ఇది నిరాశపరిచే విషయమే. అయితే ఈ ఏడాది దాదాపు పది సీక్వెల్స్‌ రానున్నాయి. పలు హిట్‌ చిత్రాలకు కొనసాగింపుగా రానున్న ఆ సీక్వెల్స్‌ గురించి తెలుసుకుందాం.  సమ్మర్‌లో సైన్స్‌ ఫిక్షన్‌  ఈ వేసవికి రానున్న సైన్స్‌ ఫిక్షన్‌ చిత్రం ‘కింగ్‌డమ్‌ ఆఫ్‌ ది ప్లానెట్‌ ఆఫ్‌ ది ఏప్స్‌’. ‘వార్‌ ఫర్‌ ది ప్లానెట్‌ ఆఫ్‌ ది ఏప్స్‌’ (2017)కి సీక్వెల్‌గా ఈ చిత్రం రూపొందింది. ‘ప్లానెట్‌ ఆఫ్‌ ది ఏప్స్‌’ ఫ్రాంచైజీలో ఇది నాలుగో భాగం. మూడు భాగాలూ సూపర్‌ హిట్టయిన నేపథ్యంలో తాజా చిత్రంపై భారీ అంచనాలు ఉన్నాయి. వెస్‌ బాల్‌ దర్శకత్వం వహించిన ఈ చిత్రంలో విలియమ్‌ టీగ్, ఫ్రెయా అలన్‌ తదితరులు నటించారు. మే 10న ఈ చిత్రం రిలీజ్‌ కానుంది.  ఫుల్‌ యాక్షన్‌తో బ్యాడ్‌ బాయ్స్‌  జూన్‌లో బ్యాడ్‌ బాయ్స్‌ తెరపైకి రానున్నారు. బడ్డీ కాప్‌ యాక్షన్‌ కామెడీ నేపథ్యంలో రూపొందిన చిత్రం ‘బ్యాడ్‌ బాయ్స్‌: రైడ్‌ ఆర్‌ డై’. 2003లో వచ్చిన ‘బ్యాడ్‌ బాయ్స్‌’కి నాలుగో భాగం ఇది. మూడో భాగం ‘బ్యాడ్‌ బాయ్స్‌ ఫర్‌ లైఫ్‌’ (2020) విడుదలైన నాలుగేళ్లకు వస్తోన్న సీక్వెల్‌ ఇది. ఈ చిత్రంలో డిటెక్టివ్‌ ల్యూటినెంట్‌ మైఖేల్‌గా లీడ్‌ రోల్‌ని విల్‌ స్మిత్‌ చేశారు. రెండో, మూడో భాగానికి దర్శకత్వం వహించిన ఆదిల్, బిలాల్‌ ద్వయం తాజా చిత్రాన్ని కూడా తెరకెక్కించారు. నాలుగు భాగాల్లోనూ మైఖేల్‌ పాత్రను విల్‌ స్మిత్‌నే చేశారు. యాక్షన్, కామెడీతో రూపొందిన ఈ చిత్రం జూన్‌ 7న రిలీజ్‌ కానుంది.   ఆరేళ్లకు డెడ్‌పూల్‌  ఈ ఏడాది అత్యంత భారీ అంచనాలు ఏర్పడ్డ సీక్వెల్‌ చిత్రాల్లో ‘డెడ్‌పూల్‌ 3’ది ప్రముఖ స్థానం. ర్యాన్‌ రేనాల్డ్స్‌ టైటిల్‌ రోల్‌లో షానీ లెవీ దర్శకత్వంలో రూపొందిన చిత్రం ఇది. మార్వెల్‌ కామిక్‌ బుక్స్‌లోని డెడ్‌పూల్‌ క్యారెక్టర్‌ ఆధారంగా రూపొందిన తొలి చిత్రం ‘డెడ్‌పూల్‌’ (2016). టిమ్‌ మిల్లర్‌ దర్శకత్వం వహించిన ఈ సూపర్‌ హీరో ఫిల్మ్‌ సూపర్‌ హిట్టయింది. ఈ చిత్రానికి సీక్వెల్‌గా షానీ లెవీ దర్శకత్వంలో రూపొందిన ‘డెడ్‌పూల్‌ 2’ (2018) కూడా బంపర్‌ హిట్‌. ఆరేళ్లకు మూడో భాగం ‘డెడ్‌పూల్‌ అండ్‌ వుల్వరిన్‌’ వస్తోంది. మూడు భాగాల్లోనూ డెడ్‌పూల్‌ పాత్రను ర్యాన్‌ రేనాల్డ్స్‌ చేశారు. జూలై 26న ఈ చిత్రం రిలీజ్‌ కానుంది.  హారర్‌ జూయిస్‌   దాదాపు మూడు దశాబ్దాల క్రితం వచ్చిన ఫ్యాంటసీ హారర్‌ కామెడీ మూవీ ‘బీటిల్‌ జూయిస్‌’ (1988) సంచలన విజయం సాధించింది. టిమ్‌ బర్టన్‌ దర్శకత్వంలో రూపొందిన ఈ చిత్రంలో బీటిల్‌ జూయిస్‌ పాత్రను మైఖేల్‌ కీటన్‌ పోషించారు. దాదాపు 35 ఏళ్లకు ఈ చిత్రానికి సీక్వెల్‌గా టిమ్‌ బర్టన్‌ దర్శకత్వంలోనే ‘బీటిల్‌ జూయిస్‌ 2’ రూపొందింది. సీక్వెల్‌లోనూ బీటిల్‌ జూయిస్‌ పాత్రను మైఖేల్‌ కీటన్‌ చేశారు. సెప్టెంబర్‌ 6న ఈ చిత్రం విడుదల కానుంది.   అక్టోబర్‌లో జోకర్‌  అక్టోబర్‌ నెల రెండు సీక్వెల్స్‌ని చూపించనుంది. ఒకటి ‘జోకర్‌’ సీక్వెల్‌... మరోటి ‘వెనమ్‌’ సీక్వెల్‌. అమెరికన్‌ కామిక్స్‌ ఆధారంగా మ్యూజికల్‌ సైకలాజికల్‌ థ్రిల్లర్‌గా రూపొందిన చిత్రం ‘జోకర్‌’ (2019). టాడ్‌ ఫిలిప్స్‌ దర్శకత్వంలో రూపొందిన ఈ చిత్రంలో జోకర్‌ అనే ఆర్థర్‌ ఫ్లెక్స్‌ పాత్రను జోక్విన్‌ ఫీనిక్స్‌ పోషించారు. ఇప్పుడు ఇదే కాంబినేషన్‌లో ‘జోకర్‌’కి సీక్వెల్‌గా ‘జోకర్‌: ఫోలీ ఎ డ్యూక్స్‌’ చిత్రం రూపొందింది. అక్టోబర్‌ 4న ఈ జోకర్‌ తెరపైకి రానున్నాడు.   ఇదే ఆఖరి వెనమ్‌  కొలంబియా పిక్చర్స్‌ నిర్మించిన స్పైడర్‌మేన్‌ యూనివర్స్‌లో ఆరో చిత్రం ‘వెనమ్‌: ది లాస్ట్‌ డ్యాన్స్‌. ‘వెనమ్‌’ (2018), ‘వెనమ్‌: లెట్‌ దేర్‌ బీ కార్నేజ్‌’ (2021) చిత్రాలకు సీక్వెల్‌ ఇది. ఈ మూడో భాగంతో ‘వెనమ్‌’ సీక్వెల్‌ ముగుస్తుందని టాక్‌. కెల్లీ మార్సెల్‌ దర్శకత్వంలో రూపొందిన ఈ చిత్రంలో ఇన్వెస్టిగేటివ్‌ జర్నలిస్ట్‌ వెనమ్‌ పాత్రను టామ్‌ హార్డీ పోషించారు. ఈ చిత్రం జూలైలోనే రిలీజ్‌ కావాల్సింది. అయితే వేతనాల పెంపుకి రచయితలు చేపట్టిన సమ్మె వల్ల వాయిదా పడింది. అక్టోబర్‌ 25న ఈ చిత్రం రిలీజ్‌ కానుంది. రెండు దశాబ్దాలకు గ్లాడియేటర్‌   రెండు దశాబ్దాల క్రితం వచ్చిన హిస్టారికల్‌ డ్రామా ‘గ్లాడియేటర్‌’ (2000)  అనూహ్యమైన విజయం సాధించింది. రిడ్లీ స్కాట్‌ దర్శకత్వం వహించిన ఈ చిత్రంలో రసెల్‌ క్రో, జోక్విన్‌ ఫీనిక్స్‌ తదితరులు నటించారు. పెట్టిన పెట్టుబడికి నాలుగింతలు వసూలు చేసింది. ఈ చిత్రానికి సీక్వెల్‌గా రిడ్లీ స్కాట్‌ దర్శకత్వంలోనే రూపొందిన ‘గ్లాడియేటర్‌ 2’ నవంబర్‌ 22న రిలీజ్‌ కానుంది. పౌల్‌ మెస్కల్, డెంజల్‌ వాషింగ్టన్‌ తదితరులు నటించారు. ఈ చిత్రాలతో పాటు యాక్షన్‌ అడ్వెంచర్‌ కామెడీ మూవీ ‘సోనిక్‌ ది హెడ్‌హాగ్‌ 3’ డిసెంబర్‌ 20న, అదే రోజున యానిమేటెడ్‌ మూవీ ‘హూ ఫ్రేమ్డ్‌ రాగర్‌ రాబిట్‌ 2’, ‘ది కరాటే కిడ్‌’ ఆరో భాగం డిసెంబర్‌  13న... ఇంకా వీటితో పాటు ఈ ఏడాది మరికొన్ని సీక్వెల్స్‌ వచ్చే చాన్స్‌ ఉంది. 

పొద్దున్నే నిద్ర లేవడం లేవడమే పెద్ద రూమర్‌ విన్నాను అంటూ సామాజిక మాధ్యమం ద్వారా స్పందించారు హాలీవుడ్‌ నటి సిడ్నీ స్వీనీ. జానీ డెప్‌ హీరోగా రూపొందనున్న తాజా చిత్రం ‘డే డ్రింకర్‌’లో హీరోయిన్‌గా సిడ్నీ స్వీనీ నటించనున్నారనే ప్రచారం హాలీవుడ్‌లో జరుగుతోంది. ఈ వార్తను ఉద్దేశించే నో నో... అంటూ సిడ్నీ పై విధంగా స్పందించారు. అది మాత్రమే కాదు... ‘‘రూమర్స్‌ వస్తుంటాయి. వాటిని వదిలేయండి. మీరు (ప్రేక్షకులు) మాత్రం థియేటర్‌కు వెళ్లి ఈ మధ్య విడుదలైన నా ‘ఇమ్మాక్యులేట్‌’ మూవీ చూడండి’’ అన్నారు సిడ్నీ. మైఖేల్‌ మోహన్‌ దర్శకత్వంలో సిడ్నీ స్వీనీ లీడ్‌ రోల్‌లో సైకలాజికల్‌ హారర్‌ మూవీగా రూపొందిన ‘ఇమ్మాక్యులేట్‌’ మంచి టాక్‌తో దూసుకెళుతోంది.   View this post on Instagram A post shared by Sydney Sweeney (@sydney_sweeney)

అరడజను ఆస్కార్‌ అవార్డులు గెలుచుకున్న హాలీవుడ్‌ బ్లాక్‌బస్టర్‌ ఫిల్మ్‌ ‘ఫారెస్ట్‌ గంప్‌’. టామ్‌ హాంక్స్‌ టైటిల్‌ రోల్‌లో, రాబిన్‌ రైట్‌ ఓ లీడ్‌ రోల్‌లో నటించిన ఈ సినిమాకు రాబర్ట్‌ జెమెక్కిస్‌ దర్శకత్వం వహించారు. 1994 జూన్‌లో విడుదలైన ‘ఫారెస్ట్‌ గంప్‌’ చిత్రం బ్లాక్‌బస్టర్‌గా నిలిచింది. ఇప్పుడు ఈ సినిమా ప్రస్తావన ఎందుకంటే.. దాదాపు మూడు దశాబ్దాల తర్వాత యాక్టర్స్‌ టామ్‌ హాంక్స్‌–రాబిన్‌ రైట్, దర్శకుడు రాబర్ట్‌ కలిసి ‘హియర్‌’ అనే సినిమా చేస్తున్నారు. అంతేకాదు... ‘ఫారెస్ట్‌ గంప్‌’కు రైటర్‌గా చేసిన ఎరిక్‌ రోత్‌ ఈ సినిమాకు వర్క్‌ చేస్తున్నారు. ఇంకో విశేషం ఏంటంటే... ‘ఫారెస్ట్‌ గంప్‌’ సినిమాను ఇదే టైటిల్‌తో ఉన్న ‘ఫారెస్ట్‌ గంప్‌’ అనే నవల ఆధారంగా తెరకెక్కించారు. ఇప్పుడు ‘హియర్‌’ సినిమాను కూడా ఇదే టైటిల్‌తో ఉన్న ఓ గ్రాఫిక్‌ నవల ఆధారంగా తెరకెక్కిస్తున్నారని టాక్‌. ఇక ‘హియర్‌’ చిత్రాన్ని నవంబరులో రిలీజ్‌ చేయాలనుకుంటున్నారు.

హాలీవుడ్‌లో విషాదం చోటు చేసుకుంది. అమెరికన్‌ ప్రముఖ నటుడు, ఆస్కార్‌ అవార్డు విజేత లూయిస్‌ గోసెట్‌ జూనియర్‌ (87) కాలిఫోర్నియాలో కన్నుమూశారు. లూయిస్‌ మరణాన్ని ఆయన కుటుంబ సభ్యులు ధృవీకరించినట్లుగా హాలీవుడ్‌లో వార్తలు వస్తున్నాయి. ఇక 1936లో లూయిస్‌ గోసెట్‌ సీనియర్, హెలెన్‌ రెబక్కా దంపతులకు మే 27న న్యూయార్క్‌లో జన్మించారు లూయిస్‌ గోసెట్‌ జూనియర్‌. చిన్నతనంలోనే లూయిస్‌కు నటన పట్ల ఆసక్తి ఉండేది. అలా 17ఏళ్ల వయసులోనే రంగస్థల నటుడిగా మారాడు లూయిస్‌. ఆ తర్వాత సినిమాల్లోకి వచ్చారు.<blockquote class="twitter-tweet"><p lang="en" dir="ltr">BP Breaking| Rest in peace, Louis Gossett Jr!! A true legend of the stage and screen—the first Black man to win the Oscar for Best Supporting Actor. Thank you for paving the way! Your legacy lives on… <a href="https://t.co/HPRTAQJciu">pic.twitter.com/HPRTAQJciu</a></p>— Bahamas Press (@Bahamaspress) <a href="https://twitter.com/Bahamaspress/status/1774043230062931975?ref_src=twsrc%5Etfw">March 30, 2024</a></blockquote> <script async src="https://platform.twitter.com/widgets.js" charset="utf-8"></script>ఎ రైసిన్‌ ఇన్‌ ది సన్, ది బ్లాక్స్, ది పనిషర్, స్కిన్‌గేమ్‌’ వంటి సినిమాల్లో నటించారు. ‘ది బుక్‌ ఆఫ్‌ నీగ్రోస్‌’ వంటి టెలివిజన్‌ సిరీస్‌లలో కూడా నటించారు లూయిస్‌. ఇక 1982లో వచ్చిన ‘యాన్‌ ఆఫీసర్‌ అండ్‌ ఏ జెంటిల్‌మేన్‌’ సినిమాలోని నటనకుగాను 55వ ఆస్కార్‌ అవార్డ్స్‌లో లూయిస్‌ ఉత్తమ సహాయనటుడు విభాగంలో అవార్డు అందుకున్నారు. కాగా ఈ విభాగంలో ఆస్కార్‌ అవార్డు అందుకున్న తొలి నల్లజాతి నటుడు లూయిస్‌నే అని హాలీవుడ్‌ సమాచారం. అలాగే ఇదే సినిమాకు ఉత్తమ సహాయ నటుడు విభాగంలో గోల్డెన్‌ గ్లోబ్‌ అవార్డు కూడా దక్కించుకున్నారు. 1977లో వచ్చిన మినీ సిరీస్‌ ‘రూట్స్‌’లోని నటన లూయిస్‌కి మంచి పేరు తెచ్చిపెట్టడంతో పాటు ఎమ్మీ అవార్డు కూడా అందుకునేలా చేసింది. <iframe width="100%" height="360" src="https://www.youtube.com/embed/8FOG4vhc8q8" title="Nijame Ne Full Video| Ooru Peru Bhairavakona |Sundeep Kishan | Sid Sriram | VI Anand| ShekarChandra" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>2️⃣ high quality shots 2️⃣ maximum resultsPredict Virat Kohli's final score tonight 👇Watch the match LIVE on @JioCinema and @StarSportsIndia 💻📱Match Updates ▶️ https://t.co/CJLmcs7aNa#TATAIPL | #RCBvKKR | @RCBTweets pic.twitter.com/WUuarIrM2m— IndianPremierLeague (@IPL) March 29, 2024

హాలీవుడ్‌ ఫిల్మ్‌ ‘టాప్‌గన్‌’ ఫ్రాంచైజీ నుంచి మూడోభాగం ‘టాప్‌గన్‌ 3’ సెట్స్‌పైకి వెళ్లే అవకాశాలు కనిపిస్తున్నాయి. మొదటి రెండు భాగాలు ‘టాప్‌గన్‌’, ‘టాప్‌గన్‌: మావెరిక్‌’ లో హీరోగా నటించిన టామ్‌క్రూజ్‌యే ‘టాప్‌ గన్‌ 3’లోనూ హీరోగా నటించనున్నారని తెలుస్తోంది. ‘‘టాప్‌గన్‌ 3’ బేసిక్‌ కథ సిద్ధంగా ఉంది. టామ్‌ క్రూజ్‌కు స్టోరీలైన్‌ చెప్పాం. ఆయన నచ్చిందని చెప్పారు. కథకు మెరుగులు దిద్దే పనిలో ఉన్నాం’’ అని ‘టాప్‌గన్‌’ ఫ్రాంచైజీ నిర్మాతల్లో ఒకరైన జెర్రీ బ్రూమ్‌ హైమర్‌ పేర్కొన్నారు. 

హాలీవుడ్‌లో విషాదం చోటు చేసుకుంది. అమెరికన్‌ ప్రముఖ నటుడు, ఆస్కార్‌ అవార్డు విజేత లూయిస్‌ గోసెట్‌ జూనియర్‌ (87) కాలిఫోర్నియాలో కన్నుమూశారు. లూయిస్‌ మరణాన్ని ఆయన కుటుంబ సభ్యులు ధృవీకరించినట్లుగా హాలీవుడ్‌లో వార్తలు వస్తున్నాయి. ఇక 1936లో లూయిస్‌ గోసెట్‌ సీనియర్, హెలెన్‌ రెబక్కా దంపతులకు మే 27న న్యూయార్క్‌లో జన్మించారు లూయిస్‌ గోసెట్‌ జూనియర్‌. చిన్నతనంలోనే లూయిస్‌కు నటన పట్ల ఆసక్తి ఉండేది. అలా 17ఏళ్ల వయసులోనే రంగస్థల నటుడిగా మారాడు లూయిస్‌. ఆ తర్వాత సినిమాల్లోకి వచ్చారు. ‘ఎ రైసిన్‌ ఇన్‌ ది సన్, ది బ్లాక్స్, ది పనిషర్, స్కిన్‌గేమ్‌’ వంటి సినిమాల్లో నటించారు. ‘ది బుక్‌ ఆఫ్‌ నీగ్రోస్‌’ వంటి టెలివిజన్‌ సిరీస్‌లలో కూడా నటించారు లూయిస్‌. ఇక 1982లో వచ్చిన ‘యాన్‌ ఆఫీసర్‌ అండ్‌ ఏ జెంటిల్‌మేన్‌’ సినిమాలోని నటనకుగాను 55వ ఆస్కార్‌ అవార్డ్స్‌లో లూయిస్‌ ఉత్తమ సహాయనటుడు విభాగంలో అవార్డు అందుకున్నారు. కాగా ఈ విభాగంలో ఆస్కార్‌ అవార్డు అందుకున్న తొలి నల్లజాతి నటుడు లూయిస్‌నే అని హాలీవుడ్‌ సమాచారం. అలాగే ఇదే సినిమాకు ఉత్తమ సహాయ నటుడు విభాగంలో గోల్డెన్‌ గ్లోబ్‌ అవార్డు కూడా దక్కించుకున్నారు. 1977లో వచ్చిన మినీ సిరీస్‌ ‘రూట్స్‌’లోని నటన లూయిస్‌కి మంచి పేరు తెచ్చిపెట్టడంతో పాటు ఎమ్మీ అవార్డు కూడా అందుకునేలా చేసింది. 

ఆస్కార్‌ అవార్డు దక్కించుకున్న 'అనాటమీ ఆఫ్ ఎ ఫాల్' అనే సినిమా 2023లో విడుదలైంది. ఫ్రెంచ్ లీగల్ డ్రామా చిత్రంగా ఇది తెరకెక్కింది. ఇటీవ‌ల ప్ర‌క‌టించిన 96వ ఆస్కార్ అవార్డుల్లో బెస్ట్ ఒరిజిన‌ల్ స్క్రీన్‌ప్లే విభాగంలో అనాట‌మీ ఆఫ్ ఏ ఫాల్ అవార్డును గెలుచుకున్న‌ది. ఆస్కార్‌తో పాటు ప్రపంచవ్యాప్తంగా వంద‌కుపైగా అవార్డుల‌ను గెలుచుకున్న‌ సినిమాగా ఇది రికార్డుకెక్కింది.  ఇప్పటికే అమెజాన్‌ ప్రైమ్‌లో ఈ సినిమా ఇంగ్లీష్‌ వర్షన్‌లో స్ట్రీమింగ్‌ అవుతుంది. తాజాగా రిజనల్‌ భాషలు అయిన తెలుగు,తమిళ్‌,కన్నడ,మలయాళంలో అందుబాటులోకి వచ్చింది. ఈ సినిమాలో కీలక పాత్రలో కనిపించిన సాండ్ర హ‌ల్ల‌ర్ ప్రేక్షకులను మెప్పించింది. ఈ ఏడాది బెస్ట్‌ నటిగా ఆమెకే ఆస్కార్‌ అవార్డు దక్కుతుందని అందరు భావించారు కానీ తృటిలో అవార్డును మిస్స‌యింది. ఈ చిత్రంలో సాండ్రా హుల్లర్ తన భర్త మరణంలో తన నిర్దోషిత్వాన్ని నిరూపించుకోవడానికి ప్రయత్నిస్తున్న రచయితగా నటించారు. మంచుకొండ‌ల్లోని త‌న ఫ్యామిలీతో ఒంట‌రిగా సాండ్రా జీవిస్తుంటుంది. తన భ‌ర్త అనుమాన‌స్ప‌ద రీతిలో అక్కడ మరణించడం. ఆ ప్రాంతంలో సాండ్రా తప్ప మ‌రెవ‌రూ లేక‌పోవ‌డంతో ఆమె ఈ హ‌త్య చేసింద‌ని పోలీసులు అనుమానిస్తుంటారు. ఊహలకు అందని ట్విస్ట్‌లతో నడిచే ఈ కథలో అస‌లు ఈ హ‌త్య ఎవ‌రు చేశారు? ఈ నేరం నుంచి సాండ్రా ఎలా బ‌య‌ట‌ప‌డుతుంది అనేది అసలు కథ.

హాలీవుడ్‌ బ్యాడ్‌ బాయ్స్‌ మళ్లీ వస్తున్నారు. హాలీవుడ్‌ హిట్‌ ఫ్రాంచైజీలో ఒకటైన ‘బ్యాడ్‌ బాయ్స్‌’ నుంచి రానున్న తాజా చిత్రం ‘బ్యాడ్‌ బాయ్స్‌: రైడ్‌ ఆర్‌ డై’. ‘బ్యాడ్‌ బాయ్స్‌’ ఫ్రాంచైజీలో వస్తోన్న నాలుగో చిత్రం ఇది. విల్‌ స్మిత్, మార్టిన్‌ లారెన్స్‌ లీడ్‌ రోల్స్‌ చేస్తున్నారు. మూడో భాగానికి దర్శకత్వం వహించిన అదిల్‌–శ్రీశ్రీబిలాల్‌ దర్శకత్వ ద్వయమే ‘బ్యాడ్‌ బాయ్స్‌ 4’ను డైరెక్ట్‌ చేశారు. తాజాగా ఈ చిత్రం ట్రైలర్‌ను విడుదల చేసి, సినిమాను జూన్‌ 7న విడుదల చేయనున్నట్లుగా మేకర్స్‌ అధికారికంగా ప్రకటించారు. సిటీలో జరుగుతున్న డ్రగ్‌ మాఫియా ఆగడాలను ఇద్దరు డిటెక్టివ్‌లు ఏ విధంగా అడ్డుకున్నారు? అనే ఇతివృత్తంతో ఈ సినిమా కథనం ఉంటుందని హాలీవుడ్‌ సమాచారం.

టామ్‌ హాలండ్, జెండయా హిట్‌ జోడీ. ‘స్పైడర్‌ మేన్‌’ సిరీస్‌లో వెండితెరపై ప్రేమికులుగా కనిపించిన ఈ ఇద్దరూ నిజంగానే ప్రేమికులు కూడా. అయితే బ్రేకప్‌ చెప్పుకున్నారనే వార్తలు ఈ మధ్య వస్తే... ‘అలాంటిదేం లేదు’ అంటూ ఈ జంటను ఇష్టపడేవారిని ఖుషీ చేశారు టామ్‌. ఇప్పుడు హాలీవుడ్‌ నుంచి మరో ఖుషీ కబురు అందింది. ‘స్పైడర్‌మేన్‌’ సిరీస్‌లోని నాలుగో భాగంలోనూ ఈ ఇద్దరూ జంటగా నటించనున్నారన్నది ఆ కబురు. నిజానికి ‘యుఫోరియా’ సిరీస్‌లోని మూడో సీజన్‌లో నటిస్తున్నందున జెండయా ‘స్పైడర్‌మేన్‌ 4’లో నటించడానికి వీలుపడని పరిస్థితి. అయితే ‘యుఫోరియా’ కథ ఇంకా పూర్తి కాకపోవడంతో ఆ సిరీస్‌ కమిట్‌ అయిన నటీనటులకు వేరే ప్రాజెక్ట్‌ ఒప్పుకునే వెసులుబాటుని ఇచ్చిందట యూనిట్‌. దాంతో తాను ఎంతగానో ఇష్టపడే ‘స్పైడర్‌మేన్‌’ చిత్రానికి డేట్స్‌ కేటాయించే పని మీద ఉన్నారట జెండయా. ఇక టామ్‌ హాలండ్‌ తాను ఇష్టపడే చిత్రాల్లో ‘స్పైడర్‌మేన్‌’కి ప్రముఖ స్థానం ఉందని అంటుంటారు. సో.... పీటర్‌ పార్కర్‌ (టామ్‌ చేసే స్పైడర్‌మేన్‌ పాత్ర పేరు), ఎమ్‌జె (పీటర్‌ గాళ్‌ ఫ్రెండ్‌గా జెండయా చేసే పాత్ర పేరు)ల ప్రేమను మరోసారి ‘స్పైడర్‌మేన్‌ 4’లో చూడొచ్చన్న మాట. ఈ హిట్‌ జోడీ రిపీట్‌ అయ్యే విషయం గురించి అధికారిక ప్రకటన రావాల్సి ఉంది. జస్టిన్‌ లిన్‌ దర్శకత్వం వహించనున్న ఈ చిత్రం షూటింగ్‌ సెప్టెంబర్‌ లేదా అక్టోబరులో ఆరంభం కానుంది.

అమెరికన్  ప్ర‌ముఖ ర్యాప‌ర్ డిడ్డీ (54) అమ్మాయిల ట్రాఫికింగ్‌కు పాల్పడుతున్నాడని న్యూయార్క్‌లోని ఫెడరల్ అధికారులు కేసు నమోదు చేసి దర్యాప్తు చేస్తున్నారు.  ర్యాప‌ర్ అసలు పేరు సీన్ కాంబ్స్.. కాగా డిడ్డీగా సుప్ర‌సిద్ధుడు. పలువురు ఫిర్యాదులు చేయడంతో  లాస్ ఏంజిల్స్, మయామిలోని  ర్యాపర్‌ డిడ్డీకి చెందిన రెండు నివాసాలను ఫెడరల్ హోమ్‌ల్యాండ్ సెక్యూరిటీ ఇన్వెస్టిగేషన్స్ ఏజెంట్లు శోధించారు. ఆ వివరాలను అక్కడి అధికారులు బహిరంగంగా చర్చించడానికి ముందుకు రాలేదు. త‌న ప్ర‌తిభ‌తో గ్రామీ అవార్డులను సొంతం చేసుకుని మ్యూజిక్ మొఘ‌ల్ గా కీర్తిని అందుకున్నాడు. కానీ కొన్ని నెలల క్రితం ఓ యువ‌తి వేసిన దావాలో డిడ్డీపై అత్యాచారం, కిడ్నాప్, మానవ అక్రమ రవాణా, మాదక ద్రవ్యాల దుర్వినియోగం, బహిరంగ అసభ్యత వంటి అభియోగాలు ఉన్నాయి. ఎవరు ఈ కేసు వేశారు? ఎవ‌రు ఈ అభియోగాలు నమోదు చేశారు? అనే దానిపై అక్కడి ప్రభుత్వం స్పష్టత ఇవ్వలేదు. దీని వెనుక అతడి మాజీ ప్రియురాలు కాసాండ్రా వెంచురా ఉన్నట్లు సమాచారం. 54 ఏళ్ల రాపర్ డిడ్డీపై మరో ఐదుగురు మహిళలు కూడా తాజాగా అత్యాచారం, లైంగిక వేధింపులు వంటి ఆరోపణలు చేశారు. శృంగారం సమయంలో అందుకు సంబంధించిన వీడియోలను తన స్నేహితులకు కూడా చూపించే వాడని వారు పేర్కొన్నారు. తన స్నేహితుల వద్దకు పలువురి అమ్మాయిలను కూడా పంపుతాడని అక్కడి అధికారులకు సమాచారం అందింది. ఇలాంటి కార్యక్రమాలన్నీ ఆయన ఇంట్లోనే జరుగుతాయని పలు ఫిర్యాదులు రావడంతో డిడ్డీ ఇంట్లో శోధించి పలువురిని అరెస్ట్‌ చేశారు. ఆ సమయంలో డిడ్డీ ఇంట్లో లేరని తెలుస్తోంది. 2016లో డిడ్డీ త‌న ప్రియురాలు కాసాండ్రా వెంచురా నుంచి బ్రేక‌ప్ అయ్యాడు. కానీ ఆ సమయంలో ఆమె డిడ్డీపై పలు ఆరోపణలు చేసింది. తనపై అత్యాచారం చేశాడని ఫిర్యాదు చేసింది. తనను తీవ్రంగా హింసించాడని పేర్కొంది. అత్యాచారం- దాడి -మానవ అక్రమ రవాణా స‌హా చాలా కేసులు కూడా ఆ సమయంలో పెట్టింది. పురుష వేశ్యలతో లైంగిక సంబంధం పెట్టుకోమని డిడ్డీ బలవంతం చేశాడని కూడా కాసాండ్రా ఆరోపించింది. BREAKING: Rapper Diddy's Los Angeles home has been raided by Homeland Security in connection to a federal s*x trafficking investigation. According to investigators, Diddy's Miami home was also raided. Multiple women have come forward accusing Diddy of beatings, s*xual assault… pic.twitter.com/pZeSuyqc5S — Collin Rugg (@CollinRugg) March 25, 2024

చూస్తుండగానే మార్చి నెల అయిపోవడానికి వస్తోంది. ఈ నెలలో కొన్ని సినిమాలు అదుర్స్‌ అనిపిస్తే మరికొన్ని యావరేజ్‌ అనిపించాయి. ఈ ఆఖరి వారంలో ప్రేక్షకులను ఎంటర్‌టైన్‌ చేసేందుకు మరిన్ని చిత్రాలు విడుదలకు రెడీ అయ్యాయి. ఓటీటీలు కూడా కొత్త సిరీస్‌లతో సిద్ధమయ్యాయి. అందులో ఇన్‌స్పెక్టర్‌ రిషిపై మంచి హైప్‌ ఉంది. మరి అటు థియేటర్‌లో, ఇటు ఓటీటీలో రిలీజ్‌ కానున్న చిత్రాలు, సిరీస్‌లేంటో చూసేద్దాం... థియేటర్‌లో విడుదలయ్యే సినిమాలు ► ఆడుజీవితం (ది గోట్‌ లైఫ్‌) - మార్చి 28 ► టిల్లు స్క్వేర్‌ - మార్చి 29 ► కలియుగ పట్టణం - మార్చి 29 ► గాడ్జిల్లా వర్సెస్‌ కాంగ్‌: ది న్యూ ఎంపైర్‌ - మార్చి 29 ఓటీటీ రిలీజెస్‌.. అమెజాన్‌ ప్రైమ్‌ ► టిగ్‌ నొటారో (వెబ్‌ సిరీస్‌) - మార్చి 26 ► ది బాక్స్‌టర్స్‌ (వెబ్‌ సిరీస్‌) - మార్చి 28 ► ఇన్‌స్పెక్టర్‌ రిషి (వెబ్‌ సిరీస్‌) - మార్చి 29 హాట్‌స్టార్‌ ► ట్రూ లవర్‌ - మార్చి 27 (సింప్లీ సౌత్‌, టెంట్‌కొట్టా ప్లాట్‌ఫామ్స్‌లోనూ స్ట్రీమింగ్‌ కానుంది) ► పట్నా శుక్లా (హిందీ చిత్రం) - మార్చి 29 ► మధు (డాక్యుమెంటరీ) - మార్చి 29 ► రెనెగడె నెల్ల్‌ (వెబ్‌ సిరీస్‌) - మార్చి 29 ► ద బ్యూటిఫుల్‌ గేమ్‌ - మార్చి 29 నెట్‌ఫ్లిక్స్‌ ► టెస్టామెంట్‌: ద స్టోరీ ఆఫ్‌ మోసెస్‌ (వెబ్‌ సిరీస్‌) - మార్చి 27 ► రోంజా ద రాబర్స్‌ డాటర్‌ (సిరీస్‌) - మార్చి 28 ► ద బాక్స్‌టర్స్‌ (సిరీస్‌) - మార్చి 28 ► ది బ్యూటిఫుల్‌ గేమ్‌ (హాలీవుడ్‌) - మార్చి 29 ► హార్ట్‌ ఆఫ్‌ ది హంటర్‌ (హాలీవుడ్‌) - మార్చి 29 ► ది గ్రేట్‌ ఇండియన్‌ కపిల్‌ షో (హిందీ) - మార్చి 30 బుక్‌ మై షో ► ది హోల్డోవర్స్‌ (హాలీవుడ్‌) - మార్చి 29 జియో సినిమా ► ఎ జెంటిల్‌మెన్‌ ఇన్‌ మాస్క్‌ (వెబ్‌ సిరీస్‌) - మార్చి 29 చదవండి: నా గుండె నిండిపోయింది అంటూ సమంత ఎమోషనల్‌

ఓవెన్‌ టీగ్, ఫ్రెయా అల్లన్, కెవిన్‌ డురాండ్, పీటర్‌ మకాన్, విలియమ్‌ హెచ్‌. మేసీ ప్రధాన పాత్రల్లో నటించిన హాలీవుడ్‌ సైన్స్‌ ఫిక్షన్‌ యాక్షన్‌ ఫిల్మ్‌ ‘కింగ్‌డమ్‌ ఆఫ్‌ ది ప్లానెట్‌ ఆఫ్‌ ది ఏప్స్‌’. వెస్‌ బాల్‌ దర్శకత్వంలో రూపొందిన ఈ చిత్రం మే 10న థియేటర్స్‌లో రిలీజ్‌ కానుంది. ఈ సందర్భంగా ఈ సినిమాకు సంబంధించిన కొత్త టీజర్‌ను విడుదల చేశారు మేకర్స్‌. ‘వెల్‌కమ్‌ టు మై కింగ్‌డమ్‌’, ‘బెండ్‌ ఫర్‌ యువర్‌ కింగ్‌’, ‘..నెవర్‌’ అనే డైలాగ్స్‌ ఈ టీజర్‌లో ఉన్నాయి. ‘ప్లానెట్‌ ఆఫ్‌ ది ఏప్స్‌’ రీ బూట్‌ సిరీస్‌లో వస్తోన్న నాలుగో చిత్రం ఇది. ఈ సిరీస్‌ నుంచి గతంలో వచ్చిన ‘రైజ్‌ ఆఫ్‌ ది ప్లానెట్‌ ఆఫ్‌ ది ఏప్స్‌ (2011)’, ‘డ్వాన్‌ ఆఫ్‌ ది ప్లానెట్‌ ఆఫ్‌ ది ఏప్స్‌ (2014), ‘వార్‌ ఫర్‌ ది ప్లానెట్‌ ఆఫ్‌ ది ఏప్స్‌’ (2017) చిత్రాలు ప్రేక్షకులను అలరించాయి.

హాలీవుడ్‌  బ్లాక్‌బస్టర్‌ ‘ఓపెన్‌హైమర్‌’ తెలుగు అభిమానులకు గుడ్‌న్యూస్‌. ఈ హిట్‌ సినిమా తాజాగా ఓటీటీలో తెలుగు వర్షన్‌ అందుబాటులోకి వచ్చేసింది. క్రిస్టఫర్‌ నోలన్‌ దర్శకత్వం వహించిన ఈ చిత్రంలో సిలియన్ మర్ఫీ ప్రధాన పాత్రలో నటించారు. శాస్త్రవేత్త జె.రాబర్ట్ ఓపెన్‌హైమర్  జీవితం ఆధారంగా తెరకెక్కిన ఈ సినిమా ప్రపంచవ్యాప్తంగా ఘన విజయాన్ని అందుకుంది. అణు బాంబును కనుగొన్న శాస్త్రవేత్త జె.రాబర్ట్ ఓపెన్‌హైమర్ జీవితం ఆధారంగా చేసుకుని ‘ఓపెన్‌ హైమర్‌’ను రూపొందించారు.  ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌ వీడియో వేదికగా ఇంగ్లీష్‌,హిందీ వర్షన్‌లో రూ. 119 రెంట్‌ విధానంలో ఇప్పటికే అందుబాటులో ఉన్న ఓపెన్‌హైమర్‌.. మార్చి 21 నుంచి జియో సినిమాలో కూడా స్ట్రీమింగ్‌ అవుతుంది. తెలుగుతో పాటుగా ఇంగ్లీష్,తమిళం, కన్నడ, మరాఠీ, బెంగాలీ, హిందీ భాషల్లో అందుబాటులో ఉంది. జియో సినిమా వినియోగదారులు అయితే ఎలాంటి రెంట్‌ లేకుండా ఈ చిత్రాన్ని చూడొచ్చు. 96వ ఆస్కార్‌ వేడుకల్లో  ‘ఓపెన్‌హైమర్‌’ సత్తా చాటింది. ఉత్తమ చిత్రం సహా ఏడు విభాగాల్లో అవార్డును దక్కించుకుంది. ఈ చిత్రానికే ఉత్తమ దర్శకుడిగా క్రిస్టఫర్‌ నోలన్‌, ఉత్తమ నటుడిగా సిలియన్‌ మర్ఫీలు పురస్కారాలు అందుకున్నారు. ఉత్తమ సహాయ నటుడు, ఉత్తమ సినిమాటోగ్రఫి, ఉత్తమ ఎడిటింగ్‌, ఉత్తమ నేపథ్య సంగీతం విభాగాల్లోనూ ఈ సినిమా అవార్డులు గెలుచుకుంది. రూ. 835 కోట్ల బడ్జెట్‌తో నిర్మించిన ఈ సినిమా బాక్సాఫీస్‌ వద్ద రూ.7,600 కోట్లకు పైగానే కలెక్షన్స్‌ సాధించి రికార్డ్‌ క్రియేట్‌ చేసింది.

అమీ జాక్సన్‌.. తెలుగు ప్రేక్షకులకు ఈమె సుపరిచితురాలే! ఎవడు సినిమాతో టాలీవుడ్‌లో అడుగుపెట్టిన ఈ బ్యూటీ ఐ మూవీతో మెప్పించింది. అభినేత్రి సినిమాలో చల్‌ మార్‌ అనే స్పెషల్‌ సాంగ్‌లో సందడి చేసింది. తమిళ, హిందీలోనే ఎక్కువ సినిమాలు చేసిన ఈ సుందరాంగి బిజినెస్‌మెన్‌ ఆండ్రియాస్‌ పనయిటో కుమారుడు జార్జ్‌తో లవ్‌లో పడింది. ప్రియుడి ప్రపోజల్‌ 2015 డిసెంబర్‌లో వీరు నిశ్చితార్థం చేసుకున్నారు. కానీ పెళ్లి మాత్రం చేసుకోలేదు. 2019లో వీరికి ఓ కుమారుడు జన్మించాడు. తర్వాత పలు కారణాల వల్ల బ్రేకప్‌ చెప్పుకున్నారు. 2022లో బ్రిటీష్‌ యాక్టర్‌ ఎడ్‌ వెస్ట్‌విక్‌తో మరోసారి ప్రేమలో పడింది అమీ జాక్సన్‌. అప్పటినుంచి చెట్టాపట్టాలేసుకుని తిరుగుతున్న ఈ లవ్‌ బర్డ్స్‌ ఈ ఏడాది జనవరి 29న ఎంగేజ్‌మెంట్‌ చేసుకున్నారు. మంచుకొండల్లో ప్రియుడు ఉంగరం తొడిగి ప్రపోజ్‌ చేయడంతో సంతోషంతో ఓకే చెప్పింది హీరోయిన్‌. అదే అతడిలో నచ్చింది తాజాగా కుటుంబసభ్యులు, బంధుమిత్రులందరికీ ఎంగేజ్‌మెంట్‌ డిన్నర్‌ పార్టీ ఇచ్చింది. అందుకు సంబంధించిన ఫోటోలను సోషల్‌ మీడియాలో షేర్‌ చేసింది. అమీ మాట్లాడుతూ.. 'నా కుమారుడు ఆండ్రియాకు ఎడ్‌ చాలాకాలం నుంచే తెలుసు. ఈ సెలబ్రేషన్స్‌ చూసి తను చాలా ఎగ్జయిట్‌ అవుతున్నాడు. ఎడ్‌.. నా కొడుకుతో ఎంతో బాగా కలిసిపోతాడు. తనకు, నాకు చాలా సపోర్ట్‌గా ఉంటాడు. ఈ అంశాలే అతడిలో నాకు బాగా నచ్చాయి. తనే ముందుకొచ్చి మాట్లాడతానన్నాడు నా కుమారుడు రెండు నెలల క్రితం నా చేతికి ఉన్న ఉంగరం చూసి అమ్మా.. నీకింకా పెళ్లి కాలేదా? అని అడిగాడు. ఎడీని ఎందుకింకా పెళ్లి చేసుకోలేదని అడిగితే తను వివాహం గురించి ఎప్పుడూ మాట్లాడలేదన్నాను. అది విన్న ఆండ్రియా.. అయితే నేను వెళ్లి చెప్తానుండు అన్నాడు. అంత ఎంకరేంజ్‌మెంట్‌ ఎక్కడి నుంచి వచ్చిందో నాకు తెలియదు. మా బంధానికి అతడు ఎప్పుడో గ్రీన్‌ సిగ్నల్‌ ఇచ్చేశాడు' అని చెప్పుకొచ్చింది. View this post on Instagram A post shared by Amy Jackson (@iamamyjackson) View this post on Instagram A post shared by Amy Jackson (@iamamyjackson) చదవండి: 'ఏజెంట్‌' బాటలో భారీ డిజాస్టర్‌ సినిమా

క్రిస్టోఫర్‌ నోలన్  దర్శకత్వంలో వచ్చిన ‘ఆపెన్  హైమర్‌’ చిత్రంలో మంచి నటన కనబరచి 96వ ఆస్కార్‌ అవార్డ్స్‌లో ఉత్తమ నటుడిగా తొలి ఆస్కార్‌ అవార్డు అందుకున్నారు నటుడు సీలియన్  మర్ఫీ. దీంతో సీలియన్  తర్వాతి చిత్రాలపై హాలీవుడ్‌లో ఫోకస్‌ పెరిగింది. కాగా సీలియన్  నటించనున్న కొత్త చిత్రం సెప్టెంబరులో స్టార్ట్‌ కానున్నట్లు హాలీవుడ్‌ సమా చారం. హాలీవుడ్‌ హిట్‌ సిరీస్‌ ‘పీకీ బ్లైండర్స్‌’ ఆధారంగా ఓ సినిమా తీయాలనుకుంటున్నారు ఈ సిరీస్‌ రూపకర్త స్టీవెన్  నైట్‌.  ‘పీకీ బ్లైండర్స్‌’ ఆధారంగా ఈ సినిమాను సెప్టెంబరులో స్టార్ట్‌ చేయాలనుకుంటున్నారు. ‘పీకీ బ్లైండర్స్‌’ సిరీస్‌లో థామస్‌ షేల్బేగా నటించిన సీలియన్  మర్ఫీ ఈ సినిమాలోనూ నటిస్తారన్నట్లుగా స్టీవెన్  ఇటీవల పాల్గొన్న ఓ కార్యక్రమంలో వెల్లడించారు. రెండో ప్రపంచయుద్ధం నేపథ్యంలో సాగే ఈ సినిమా 2025 చివర్లో విడుదలయ్యే అవకాశం ఉన్నట్లు తెలుస్తోంది.

హాలీవుడ్‌ సూపర్‌హిట్‌ సూపర్‌ హీరో ‘స్పైడర్‌ మేన్‌’ మళ్లీ థియేటర్స్‌కు వస్తున్నాడు. స్పైడర్‌మేన్‌ ఫ్రాంచైజీలో ఇప్పటివరకూ ఎనిమిది సినిమాలు వచ్చాయి. ‘స్పైడర్‌మేన్‌’ (2002), ‘స్పైడర్‌మేన్‌ 2’  (2004), ‘స్పైడర్‌మేన్‌ 3’ (2007), ‘ది అమేజింగ్‌ స్పైడర్‌మేన్‌’ (2007), ‘ది అమేజింగ్‌ స్పైడర్‌మేన్‌ 2’  (2014), ‘స్పైడర్‌మేన్‌: హోమ్‌ కమింగ్‌’ (2017), ‘స్పైడర్‌మేన్‌: ఫార్‌ ఫ్రమ్‌ హోమ్‌’ (2019), ‘స్పైడర్‌మేన్‌: నో వే హోమ్‌’ (2021)... ఈ 8 చిత్రాలూ రీ రిలీజ్‌ కానున్నాయి. ప్రముఖ నిర్మాణ సంస్థ కొలంబియా పిక్చర్స్‌ వంద సంవత్సరాలను పూర్తి చేసుకున్న సందర్భంగా ‘స్పైడర్‌మేన్‌’ ఫ్రాంచైజీ సినిమాలను రీ రీలీజ్‌ చేస్తోందని హాలీవుడ్‌ సమాచారం. ఈ 8 సినిమాలకు సంబంధించి ఓ కామన్‌ ట్రైలర్‌ను కూడా రిలీజ్‌ చేశారు. ఈ చిత్రాలు కూడా ఏప్రిల్‌ 15 నుంచి వారానికి ఒక్కొక్కటి చొప్పున జూన్‌ 3 వరకు విడుదలవుతాయి. ప్రతి చిత్రం కూడా సోమవారమే రీ –రిలీజ్‌ కానుండటం విశేషం. ఎంపిక చేసిన థియేటర్స్‌లోనే ఈ సినిమాలు రీ రిలీజ్‌ కానున్నాయి.

హాలీవుడ్‌ చిత్రాల్లో గాడ్జెల్లా వర్సెస్‌ కాంగ్‌ చిత్రాలకు ప్రత్యేక ఆదరణ ఉంటుంది. ఈ తరహా చిత్రాలు పిల్లలను, పెద్దలను విపరీతంగా అలరిస్తాయి. అలా ఇంతకు ముందు వచ్చిన గాడ్జెల్లా వర్సెస్‌ కాంగ్‌ చిత్రాలు విశేష ఆదరణ పొంది వసూళ్ల వర్షం కురిపించాయి. వాటికి ప్రాంఛైంజీగా వస్తున్న ఐదో చిత్రం 'గాడ్జెల్లా వర్సెస్‌ కాంగ్‌. ది ఎంపైర్‌'. ఆడమ్‌ వింగార్డ్‌ దర్శకత్వం వహించిన ఈ చిత్రాన్ని లెజెండరీ పిక్చర్స్‌ సంస్థ నిర్మించింది. రెబాకా హాల్‌, వ్రియాన్‌ టైరీహెన్ని, డన్‌ స్ట్రీవెన్స్‌ తదితరులు ముఖ్య పాత్రలు పోషించిన ఈ చిత్రాన్ని వార్నర్‌ బ్రదర్స్‌ సంస్థ ఈ నెల 29వ తేదీన తెలుగు, తమిళం, హిందీ, ఇంగ్లిషు భాషల్లో విడుదల చేయనుంది. కాగా ఈ చిత్రంలో ప్రధాన పాత్రను పోషించిన రెబాకా హాల్‌ చిత్ర దర్శకురాలి గురించి తన అభిప్రాయాన్ని తెలుపుతూ ఆడమ్‌ వింగార్డ్‌ దర్శకత్వంలో నటించడం తనకు ఎప్పుడూ సంతోషం అన్నారు. తను సెట్‌లో చాలా జాలీగా ఉంటారని, అదే సమయంలో దర్శకత్వంలో అత్యంత ప్రతిభ కలిగిన వారని చెప్పారు. తాను తెరకెక్కించే సన్నివేశాల విషయంలో చాలా క్లియర్‌గా ఉంటారన్నారు. అదే తనను చాలా ప్రశాంతంగా ఉండేలా చేసిందన్నారు. ఈ చిత్రాన్ని చాలా అద్భుతంగా తెరకెక్కించారని చెప్పారు. చిత్రంలో గ్రాఫిక్స్‌ సన్నివేశాలను ప్రేక్షకులు ఎంజాయ్‌ చేస్తారని అన్నారు. కచ్చితంగా ఈ చిత్రం సమ్మర్‌కు చాలా స్పెషల్‌గా ఉంటుందనే అభిప్రాయాన్ని ఆమె వ్యక్తం చేశారు.

హాలీవుడ్‌ ‘జేమ్స్‌ బాండ్‌’ ఫ్రాంచైజీ సూపర్‌హిట్‌. ‘జేమ్స్‌ బాండ్‌’ సినిమా ఎప్పుడు వచ్చినా ప్రేక్షకాదరణ ఉంటుంది. ఈ ఫ్రాంచైజీలో ఇప్పటివరకు 25 సినిమాలు వచ్చాయి. హాలీవుడ్‌ నటుడు డేనియల్‌ క్రెగ్‌ ఎక్కువ సార్లు జేమ్స్‌ బాండ్‌గా సిల్వర్‌ స్క్రీన్‌పై కనిపించారు. 2021లో వచ్చిన జేమ్స్‌ బాండ్‌ 25వ చిత్రం ‘జేమ్స్‌ బాండ్‌: నో టైమ్‌ టు డై’లోనూ డేనియల్‌ క్రెగ్‌ బాండ్‌గా కనిపించారు. తాజాగా జేమ్స్‌ బాండ్‌ 26వ సినిమా గురించిన వార్తలు హాలీవుడ్‌లో వినిపిస్తున్నాయి. ఈ సినిమాకు తొలుత డేనియల్‌ క్రెగ్‌ పేరు వినిపించింది. కానీ మరోసారి బాండ్‌గా కనిపించేందుకు డేనియల్‌ ఆసక్తికరంగా లేరట. దీంతో కొత్త జేమ్స్‌ బాండ్‌గా ఎవరు కనిపిస్తారు? అనే చర్చ హాలీవుడ్‌లో మొదలైంది. ఈ క్రమంలో ఆరోన్‌ టేలర్‌ జాన్సన్‌ పేరు తెరపైకి వచ్చింది. యాక్షన్‌ సీక్వెన్స్‌లు చేయడం, వయసు రీత్యా కూడా జేమ్స్‌ బాండ్‌గా ఆరోన్‌ పర్‌ఫెక్ట్‌ చాయిస్‌ అంటున్నారు కొందరు హాలీవుడ్‌ సినీ ప్రేమికులు. అలాగే ‘జేమ్స్‌బాండ్‌ 26’వ చిత్రానికి క్రిస్టోఫర్‌ నోలన్‌ దర్శకత్వం వహిస్తారనే ప్రచారం సాగుతోంది. ఇక హాలీవుడ్‌ చిత్రాలు ‘కిక్కాస్‌’, ‘చాట్‌ రూమ్‌’, ‘గాడ్జిల్లా’, ‘అవెంజర్స్‌’ వంటి సినిమాల్లో నటించి మెప్పించారు ఆరోన్‌ టేలర్‌.

ఇటీవల ప్రకటించిన 96వ ప్రతిష్టాత్మక ఆస్కార్‌ అవార్డుల్లో ఈసారి 'ఓపెన్ హైమర్' సత్తా చాటింది. ఉత్తమ నటుడు, దర్శకుడు, చిత్రం, సహాయ నటుడు, ఒరిజినల్ స్కోర్, ఫిల్మ్ ఎడిటింగ్, సినిమాటోగ్రఫీ ప్రధాన విభాగాల్లో పురస్కారాలు కైవసం చేసుకుంది. హాలీవుడ్ దర్శకుడు క్రిస్టోఫర్ నోలన్ గురించి ప్రత్యేకంగా పరిచయం అక్కర్లేదు. ఇప్పటివరకు క్లాసిక్స్ తీసిన ఇతడు.. తొలిసారి 'ఓపెన్ హైమర్' అనే బయోపిక్ తీశాడు. దాదాపు మూడేళ్ల పాటు ఈ సినిమా కోసం కష్టపడ్డాడు. ఇప్పుడు ఆ కష్టానికి తగ్గ ప్రతిఫలం దక్కింది. దాదాపు ఎనిమిది సార్లు నామినేషన్స్‌లో ఉన్న ఆయన.. తొలిసారి ఉత్తమ దర్శకుడిగా ఆస్కార్ అందుకున్నాడు. తాజాగా ఈ సూపర్‌ హిట్‌ మూవీ ఓటీటీకి స్ట్రీమింగ్‌కు సిద్ధమైంది. ఈ నెల 21 నుంచి జియో సినిమాలో స్ట్రీమింగ్ కానుంది. ఆస్కార్‌లో అవార్డులు కొల్లగొట్టిన ఓపెన్ హైమర్ ఇప్పటికే అమెజాన్‌ ప్రైమ్‌లో అందుబాటులో ఉంది. కానీ రెంట‍ల్ విధానంలో మాత్రమే స్ట్రీమింగ్ అవుతోంది. ఇక నుంచి జియో సినిమాలో ఉచితంగానే చూసేయొచ్చు. ప్రస్తుతం హిందీ, ఇంగ్లీష్‌ భాషల్లో మాత్రమే స్ట్రీమింగ్ కానున్నట్లు తెలుస్తోంది. త్వరలోనే దక్షిణాది భాషల్లోనూ అందుబాటులోకి వచ్చే అవకాశముంది.  Keep the awards season spirit alive by binge-watching these cult movies! 🏆✨ Get ready to witness the cinematic phenomenon of Oppenheimer, streaming on #JioCinema March 21 onwards. pic.twitter.com/PUBSIFn94m — JioCinema (@JioCinema) March 18, 2024