వైఎస్ఆర్ సీపీ కార్యకర్తలపై టీడీపీ దాడులు

కడప : వైఎస్ఆర్ జిల్లా దువ్వూరు మండలం జిల్లేలలో ఉద్రిక్తత చోటుచేసుకుంది. తెలుగు తమ్ముళ్లు మరోసారి వీరంగం సృష్టించారు. వైఎస్ఆర్ కాంగ్రెస్ కార్యకర్తలపై దాడులు చేశారు. ఈ సంఘటనలో ముగ్గురు కార్యకర్తలు గాయపడ్డారు. కాగా ఎన్నికల్లో విజయం సాధించిన టీడీపీ నాయకులు, కార్యకర్తలు అధికారం వచ్చేసిందన్న అహంతో రెచ్చిపోతున్నారు.

పలు జిల్లాల్లో  వైఎస్సార్ కాంగ్రెస్ పార్టీ  శ్రేణులపై భౌతిక దాడులకు దిగుతున్నారు.  ఆస్తులను నష్టపరుస్తున్నారు. కాగా ఘర్షణల సమాచారం అందుకున్న పోలీసులు ఘటనా స్థలానికి చేరుకుని పరిస్థితిని అదుపులోకి తెచ్చారు. గాయపడినవారిని చికిత్స నిమిత్తం ఆస్పత్రికి తరలించారు.