TV
ఎదురెదురుగా వస్తున్న రెండు ద్విచక్రవాహనాలు ఢీకొన్న ఘటనలో ఒక వ్యక్తి ప్రాణాలు కోల్పోయాడు. చిత్తూరు జిల్లా కలికిరి మండల కేంద్రానికి చెందిన మూలింటి వెంకటరమణారెడ్డి(45) గురువారం ఉదయం కురబలకోట మండలం అంగళ్లు గ్రామానికి స్కూటర్‌పై వెళ్తున్నాడు. మదనపల్లె సమీపంలో ఆయనను ఎదురుగా వేగంగా వస్తున్న బైక్ ఢీకొంది. ఈ ఘటనలో వెంకటరమణారెడ్డి అక్కడికక్కడే చనిపోగా మరో వాహనంపైని వ్యక్తి తీవ్రంగా గాయపడ్డాడు. అతడిని తిరుపతి రుయాకు తరలించారు.
