అంతర్జాతీయ విద్యుత్‌ సదస్సుకు ట్రాన్స్‌కో సీఈ

నెల్లూరు(అర్బన్‌) : పరిశ్రమల సమాఖ్య, గుజరాత్‌ రాష్ట్ర ప్రభుత్వ ఆధ్వర్యంలో ఈ నెల 6 నుంచి 10వ తేదీ వరకు ఆ రాష్ట్రంలోని వడోదర పట్టణంలో నిర్వహించే అంతర్జాతీయ విద్యుత్‌ సాంకేతిక సదస్సుకు ఏపీఎస్‌పీడీసీఎల్‌ నుంచి సీఈ కె.నందకుమార్‌ హాజరు కానున్నారు. ఈ సదస్సులో వివిధ దేశాల విద్యుత్‌ శాఖ మంత్రులు, నిపుణులు, విద్యుత్‌ కంపెనీల ప్రతినిధులు, పరిశ్రమల అధినేతలు పాల్గొంటారు. ఈ సదస్సులో వివిధ అంశాలపై కొత్త ఆవిష్కరణలు, సాంకేతిక అంశాలపై చర్చ జరుగుతుందని వివరించారు. పర్యావరణానికి హాని కలుగకుండా తక్కువ ఖర్చుతో విద్యుదుత్పత్తి, సంప్రదాయేతర ఇందన వనరులను ప్రోత్సహించడం, పాత విద్యుత్‌ ప్రాజెక్టులను ఆధునీకరించడం లాంటి అంశాలపై చర్చ జరుగుతుందన్నారు.