అక్కడికెళితే స్వర్గంలో ఉన్నట్లే!

అక్కడికెళితే స్వర్గంలో ఉన్నట్లే!

కిచిడి అంటే అనుష్కా శర్మకు బోల్డంత ఇష్టం. అది కూడా అమ్మ చేతి కిచిడీ అంటే చాలు ఇష్టంగా లాగించేస్తారు. జీన్స్, టీ-షర్ట్ ఆమె ఫేవరెట్ డ్రెస్. సౌందర్య సాధనాలంటే చాలా ప్రీతి. ముఖ్యంగా లిప్‌స్టిక్ అంటే చాలా చాలా ఇష్టం. ఇంకా అనుష్కా శర్మకు ‘ఫేవరెట్స్’ చాలా ఉన్నాయి. అవేంటో తెలుసుకుందాం...
 
►రంగుల్లో అనుష్కా శర్మకు ఎరుపు, నలుపు, తెలుపు ఫేవరెట్స్.
►ఆల్ టైమ్ ఫేవరెట్ మూవీస్ అంటే ‘కుచ్ కుచ్ హోతా హై, ‘దిల్ తో పాగల్ హై’, ‘దిల్‌వాలే దుల్హనియా లే జాయేంగే’.
►అమితాబ్ బచ్చన్, షారుక్ ఖాన్, ఆమిర్ ఖాన్ అంటే అనుష్కా శర్మకు చాలా ఇష్టం. హాలీవుడ్ స్టార్స్‌లో జానీ డెప్‌కి ఫేవరెట్. నటీమణుల్లో రాణీ ముఖర్జీ, రేఖ, కాజోల్ అంటే అభిమానం.
►ఫేవరెట్ పెర్‌ఫ్యూమ్స్ ‘డోల్స్ అండ్ గబ్బన్నా లైట్ బ్లూ’,  ‘బర్బెర్రీ’.
► ‘ఫెరారీ’, ‘రేంజ్ రోవర్’ కార్స్ అంటే ఇష్టం.
►ఫేవరెట్ హాలిడే స్పాట్స్ గోవా, లండన్, ప్యారిస్. ఈ మూడు ప్లేసెస్‌ని స్వర్గం అంటారు అనుష్కా శర్మ. అక్కడికెళితే స్వర్గంలో ఉన్నట్లే అనిపిస్తుందట.
►ఫేవరెట్ మ్యూజిక్ డెరైక్టర్ ఎ.ఆర్. రహమాన్, గాయకుడు హరిహరన్.
►ఫేవరెట్ డిషెస్‌లో హైదరాబాద్ బిర్యానీ ఉండటం విశేషం. భాగ్యనగరానికి వచ్చినప్పుడల్లా హైదరాబాద్ బిర్యానీని ఓ పట్టుపడతారు. చికెన్ బటర్ మసాలాని ఇష్టంగా తింటారు.
► టామ్ అండ్ జెర్రీ అంటే ఇష్టం. ఈ కార్టూన్ షో తన ఆల్ టైమ్ ఫేవరెట్‌గా అనుష్కా శర్మ చెబుతారు.
► జె.డి. సలింగర్ రాసిన ‘ది క్యాచర్ ఇన్ ది రై’ నవలను ఇప్పటివరకూ చాలాసార్లు చదివారు. ఎన్ని నవలలు చదివినా ఆల్ టైమ్ ఫేవరెట్ మాత్రం అదే.