ములాయం 'మూడో' పల్లవి

ములాయం 'మూడో' పల్లవి

లక్నో: బిహార్ అసెంబ్లీ ఎన్నికల్లో మహాకూటమికి టాటా చెప్పిన సమాజ్ వాది పార్టీ(ఎస్పీ) అధినేత ములాయం సింగ్ యాదవ్ 'మూడో' పల్లవి అందుకున్నారు. థర్ట్ ఫ్రంట్ తో కలిసి పోటీకి సై అంటున్నారు. సమాజ్ వాదీ జనతాదళ్ డెమొక్రటిక్(ఎస్ జేడీ-డీ), ఎన్సీపీ, నేషనల్స్ పీపుల్స్ పార్టీ(ఎన్ పీపీ) కూటమితో సమాజ్ వాదీ పార్టీ జతకట్టింది.

బిహార్ ప్రజలు మూడో ప్రత్యామ్నాయం కోరుకుంటున్నారని ఎస్పీ జాతీయ ప్రధాన కార్యదర్శి రాంగోపాల్ యాదవ్ తెలిపారు. కేంద్ర మాజీ మంత్రి, ఎస్ జేడీ-డీ అధ్యక్షుడు దేవేంద్ర ప్రసాద్ యాదవ్ నేతృత్వంలోని మూడో ఫ్రంట్ కలిసి తమ పార్టీ పోటీ చేస్తుందని ప్రకటించారు. తొలి విడతలో 49 అసెంబ్లీ స్థానాలకు అక్టోబర్ 12న ఎన్నికలు జరగనున్నాయి. నామినేషన్లు దాఖలు చేయడానికి సెప్టెంబర్ 23తో గడువు ముగుస్తుంది.