నవంబర్ నుంచి మహిళా బ్యాంక్ కార్యకలాపాలు

 

 ఈ ఏడాది అక్టోబర్ 15 కల్లా ఆరు చోట్ల బ్రాంచీలను ఏర్పాటు చేయాలని భారత మహిళా బ్యాంక్ ప్రయత్నాలు చేస్తోంది. ముంబై, ఢిల్లీ, కోల్‌కతా, చెన్నై, ఇండోర్, గువాహటిల్లో ఈ బ్రాంచీలను ఏర్పాటు చేస్తారు. వీటితో పాటు బెంగళూరు, జైపూర్, లక్నో, మైసూర్‌లో కూడా బ్రాంచీలను ఏర్పాటు చేయడానికి ప్రయత్నాలు జరుగుతున్నాయి. ఢిల్లీ కేంద్రంగా కార్యకలాపాలు నిర్వహించే ఈ బ్యాంక్ కోసం ప్రభుత్వం ఇప్పటికే రూ.1,000 కోట్ల ప్రారంభ పెట్టుబడిని  కేటాయించింది. మహిళల బ్యాంకింగ్ అవసరాలు తీర్చడం, ఆర్థిక సాధికారతకు తోడ్పడం లక్ష్యంగా భారత మహిళా బ్యాంక్ ఏర్పాటు చేశారు.