తాను స్లీప్‌వాకర్‌ స్నాకర్‌ని అంటున్నారు గోవా బ్యూటీ ఇలియానా. ‘దేవదాస్‌’ సినిమాతో టాలీవుడ్‌లో ఎంట్రీ ఇచ్చిన ఇల్లీ బేబీ.. ప్రస్తుతం బాలీవుడ్‌లో పాగా వేసిన సంగతి తెలిసిందే. అయితే కొంతకాలంగా సినిమాల కన్నా వ్యక్తిగత విషయాలతోనే వార్తల్లో నిలుస్తున్నారు ఇలియానా. ఆస్ట్రేలియాకు చెందిన ఆండ్రూ నీబోన్‌తో చెట్టాపట్టాలేసుకుని విహరించిన ఆమె..కొన్ని రోజుల కిత్రం అతడిని అన్‌ఫాలో చేయడంతో పాటు తామిద్దరం కలిసి ఉన్న ఫొటోలను తన ఇన్‌స్టా అకౌంట్‌ నుంచి తొలగించారు. దీంతో ఈ ప్రేమజంట విడిపోయిందనే నిర్ధారణకు వచ్చారు ఫ్యాన్స్‌.  అంతేగాకుండా...‘మనకు ఎవరూ లేరనుకున్నప్పుడు, మనల్ని విడిచి ఎవరైనా వెళ్లిపోతున్నారు అని అనుకున్నప్పుడు మనల్ని మనం ప్రేమించుకోగలగాలి. మనతో మనం ఉండగలగాలి’ అంటూ సెల్ఫ్‌ లవ్‌ కొటేషన్లతో ఇలియానా వేదాంత ధోరణిలో పోస్టులు పెట్టడంతో ఒకింత ఆందోళనకు గురయ్యారు. అయితే తాజాగా ఆమె చేసిన ఫన్నీ ట్వీట్‌ అభిమానులకు నవ్వు తెప్పిస్తోంది. ‘ నాకు నిద్రలో నడిచే అలవాటు ఉందేమో. ఉందా. ఉండే ఉంటుంది. నా కాళ్లపై దర్శనమిస్తున్న గాయాలు, వాటి తాలూకు మచ్చలు చూస్తుంటే అంతే అనిపిస్తోంది మరి. బహుశా ఫ్రిడ్జ్‌లో ఉన్న స్నాక్స్‌ తినేందుకు అర్ధరాత్రి ట్రిప్‌ వేశానేమో. నేనో స్లీప్‌వాకింగ్‌ స్నాకర్‌ని’ అని ఇలియానా ట్వీట్‌ చేశారు. అదే విధంగా..‘ నేనొక ‘మూర్ఖురాలిని’.. అంటే అర్ధరాత్రి స్నాక్స్‌ తినే పిచ్చిదానిని’ అంటూ మరో ట్వీట్‌లో పేర్కొన్నారు. ఇందుకు స్పందించిన అభిమానులు.. ఫన్నీ మీమ్స్‌తో ఆమెకు రిప్లై ఇస్తున్నారు. ఇక కొంతమంది మాత్రం... ‘ఏదో ఒక విధంగా వార్తల్లో ఉండటానికి.. అందరినీ ఆకర్షించడానికి ఇలా చేయడం ఇలియానాకు అలవాటే’ అంటూ ట్రోల్‌ చేస్తున్నారు. I’m almost entirely convinced that I sleep walk..... Almost. Maybe. Probably. - There’s no other way to explain how I wake up with mysterious bumps and bruises on my legs 🤷🏻‍♀️ — Ileana D'Cruz (@Ileana_Official) September 14, 2019

‘‘మనకు ఎవ్వరూ లేరనుకున్నప్పుడు, మనల్ని విడిచి ఎవరైనా వెళ్లిపోతున్నారు అని అనుకున్నప్పుడు మనల్ని మనం ప్రేమించుకోగలగాలి. మనతో మనం ఉండగలగాలి’’ అని అర్థం వచ్చే ‘సెల్ఫ్‌ లవ్‌’ (మనల్ని మనం ప్రేమించుకోవడం) కొటేషన్లను తన సోషల్‌ మీడియాలో షేర్‌ చేస్తున్నారు ఇలియానా. హఠాత్తుగా ఈ ‘సెల్ఫ్‌ లవ్‌’ వెనక కారణం ఏంటబ్బా? అంటే బాయ్‌ఫ్రెండ్‌ ఆండ్రూ నీబోన్‌తో బ్రేకప్పే కారణమయ్యుంటుంది అని ఊహిస్తున్నారు కొందరు. ఇటీవలే ఆండ్రూకి, ఇలియానాకు బ్రేకప్‌ జరిగిందట. ఒకరినొకరు తమ సోషల్‌ మీడియాలో అన్‌ఫాలో అవ్వడమే కాకుండా ఇద్దరూ కలసి దిగిన ఫొటోలను డిలీట్‌ చేశారు కూడా. అందుకే సడెన్‌గా సెల్ఫ్‌ లవ్‌ గురించిన కొటేషన్లను ఇలియానా షేర్‌ చేస్తున్నారు అంటున్నారు కొందరు. ‘నీ జీవితం నుంచి ఎవ్వరు బయటకు వెళ్లిపోయినా నిన్ను నువ్వు మాత్రం కోల్పోవద్దు’, ‘కంట్లో నిప్పులు చెలరేగుతున్నా, స్వర్గంలాంటి చిరునవ్వు మాత్రం తనతోనే ఉంది’’ అంటూ పలు కొటేషన్లను షేర్‌ చేశారు ఇలియానా. ఈ విషయం ఇలా ఉంటే కొరటాల శివ దర్శకత్వంలో చిరంజీవి హీరోగా చేయబోయే సినిమాలో హీరోయిన్‌గా ఇలియానా పేరును పరిశీలిస్తున్నారని టాక్‌.

‘ఐ వానా ఫాలో ఫాలో ఫాలో ఫాలో యు’.. అంటూ ఇన్ని రోజులు ఒకరినొకరు ఫాలో అయ్యారు హీరోయిన్‌ ఇలియానా, ఆస్ట్రేలియన్‌ ఫొటోగ్రాఫర్‌ అండ్రూ నీబోన్‌. చేతిలో చేతులు వేసుకుని ఇన్ని రోజులు చెట్టాపట్టాలేసుకుని తిరిగిన ఈ జంట తాజాగా చేతులు దులుపుకుని విడిపోయారని ప్రచారం జరుగుతోంది. ఆండ్రూతో కలిసి ఉన్న ఫొటోలను తన ఇన్‌స్టా అకౌంట్‌ నుంచి తొలగించారు ఇలియానా. అలాగే ఇన్‌స్టాలో ఒకరినొకరు అన్‌ ఫాలో చేసుకున్నారు. దీంతో ఆమెకు, ఆండ్రూకు మధ్య విభేదాలు వచ్చాయన్న వార్తలు నిజమేనని ఊహించుకోవచ్చు. ఇలియానా ఓ సందర్భంలో ఆండ్రూని ‘హబ్బీ’ (భర్త) అంటూ ఇన్‌స్టాలో క్యాప్షన్‌ కూడా ఇచ్చిన సంగతి తెలిసిందే. మరి... ఈ బ్రేకప్‌ ప్రచారం గురించి ఇలియానా స్పందిస్తే కానీ ఊహాగానాలకు ఫుల్‌స్టాప్‌ పడదు. ఇక సినిమాల విషయానికి వస్తే... హిందీలో ఇలియానా కథానాయికగా నటించిన ‘పాగల్‌ పాంతీ’ సినిమా విడుదలకు రెడీగా ఉంది.

గోవా సుందరి, నటి ఇలాయానా తరచూ ఏదో ఓ పోస్టుతో సోషల్‌ మీడియాలో టౌక్‌ ఆప్‌ ది టౌన్‌గా ఉంటారన్న విషయం తెలిసిందే. విదేశీ ఫొటోగ్రాఫర్‌ ఆండ్రూ నీబోన్‌తో డేటింగ్‌లో ఉన్న ఇలియానా చాలారోజుల కిందట హబ్బీ అని పోస్ట్‌ చేసి, ఇటీవల పోస్ట్‌లో మాత్రం మై లవ్‌ అని సంబోధించారు నటి. తాజాగా ప్రియుడు నీబోన్‌తో డేటింగ్‌, పెళ్లి లాంటి విషయాలపై ఓ నెటిజన్‌ అడిగిన ప్రశ్నకు ఇలాయానా చక్కటి బదులిచ్చారు. అది నెటిజన్లను ఆకట్టుకుంటోంది. ఓ విదేశీయుడితో మీరు ఎందురు డేటింగ్‌ చేస్తున్నారు, అతడిని మీ జీవిత భాగస్వామిగా ఎందుకు ఎంచుకున్నారని ప్రశ్నిస్తూ పోస్ట్‌ చేశారు. ‘ఓ వ్యక్తి మనసుతో నా మనసు ప్రేమలో పడింది. అతడి శరీర రంగు, జాతీయత (ఏ దేశం) లాంటి విషయాలు నాకు అనవసరం’ అంటూ ఇలియానా బదులిచ్చారు. ప్రేమ, పెళ్లి గురించి తనను అడిగిన ప్రశ్నకు నటి దిమ్మతిరిగే రిప్లై ఇచ్చారంటూ ఇలియానా ఫ్యాన్స్‌ కామెంట్‌ చేస్తున్నారు. మరోవైపు ఆండ్రూ నిబోన్‌తో వివాహం జరిగిందా అన్న ప్రశ్నకు సమాధానాన్ని మాత్రం ఎప్పటికప్పుడూ చాలా అందంగా దాటవేస్తున్నారు. రీల్‌ లైఫ్‌తో పాటు రియల్‌ లైఫ్‌ చాలా బాగుందని మాత్రం సెలవిస్తున్నారు.

మీరు ఇలియానాను ఫాలో అవుతున్నారా? అంటే ఆమె సినిమాలను, యాక్టింగ్‌ను అని కాదు. సోషల్‌ మీడియాలో ఆమెను ఫాలో అవుతున్నారా? అయితే తప్పకుండా ఆండ్రూ నీబోన్‌ని మీరు చాలాసార్లు చూసి ఉంటారు. అతనొక మంచి ఫొటోగ్రాఫర్‌. ఇలియానా కొద్దికాలంగా పోస్ట్‌ చేస్తున్న ప్రతీ ఫొటో అతను తీసిందే అయి ఉంటుంది. లేదా వీరిద్దరూ కలిసి ఆ ఫొటోలో ఉంటారు. మొన్న ఆండ్రూ బర్త్‌డే సందర్భంగా ఒక ఫొటో పోస్ట్‌ చేసి, ‘హ్యాపీ బర్త్‌డే మై లవ్‌’ అంది ఇలియానా.  అంతవరకు బాగుంది. అంతకుముందు ఎప్పుడో చేసిన ఒక పోస్ట్‌లో బాయ్‌ఫ్రెండ్‌ అని అంటుంది. అంతకు చాలా ముందు చేసిన ఒక పోస్ట్‌లో ‘హబ్బీ’ (హజ్బండ్‌కి ముద్దుపేరు) అని పిలుచుకుంటుంది. ‘వీరిద్దరికీ ఇప్పటికే పెళ్లైపోయిందా?’ ఇది అందరికీ అప్పట్నుంచీ ఉన్న అనుమానం. ఆమెనే అడిగిస్తే పోతుంది కదా అని అడిగేశారు కొంతమంది. ‘అది పర్సనల్‌. పర్సనల్‌ లైఫ్‌ చాలా బాగుంది. ప్రొఫెషనల్‌ లైఫ్‌ లాగే!’ అంటుంది ఇలియానా. అంటే అతను హబ్బీనా? బాయ్‌ఫ్రెండా? ఇలియానే చెప్పాలి ఇంకెప్పుడైనా!  

తమిళసినిమా: ఇటీవల నటి ఇలియానా వార్తల్లో ఎక్కువగా నానుతోందనే చెప్పాలి. దక్షిణాదిలో ముఖ్యంగా టాలీవుడ్‌లో క్రేజీ కథానాయకిగా రాణిస్తున్న సమయంలోనే హిందీ చిత్రాల మోహంతో ముంబైకి మకాం మార్చిన ఈ అమ్మడికి అక్కడ పరిస్థితి ఆశాజనకంగా లేకపోవడంతో పునరాలోచనలో పడి ఎక్కడ వదిలేసింది అక్కడే తిరిగి పొందాలని ఇప్పుడు దక్షిణాది చిత్రపరిశ్రమపై దృష్టి సారించింది. ఆ విధంగా టాలీవుడ్‌లో రీఎంట్రీకి సిద్ధమైంది కూడా. ఈ విషయం పక్కన పెడితే ఇలియానా ప్రేమ వ్యవహారం ప్రేక్షకుల మధ్య కుతూహలాన్నే రేకెత్తిస్తోంది. ఈ అమ్మడు ఆస్ట్రేలియాకు చెందిన ఆండ్రూ నీపోన్‌ అనే ఫొటోగ్రాఫర్‌తో ప్రేమకలాపాలు సాగిస్తున్న విషయం తెలిసిందే. అతనితో చెట్టాపట్టాలేసుకుని తిరుగుతున్న ఫొటోలను తరచూ ట్విట్టర్‌లో పోస్ట్‌ చేస్తూ వార్తల్లో ఉంటోంది. అయితే తన ప్రేమ వ్యవహారం గురించి బహిరంగంగా ప్రకటించకపోవడంతో రకరకాల ప్రసారం సామాజిక మాధ్యమాల్లో హల్‌చల్‌ చేస్తోంది. దీంతో ఇలియానా అలాంటి ప్రసారాలకు మీడియా వర్గాలపై ఆగ్రహంతో రంకెలు వేయడం పరిపాటిగా మారింది. అయితే ఇన్నాళ్లకు తన బాయ్‌ఫ్రెండ్‌ గురించి నోరు తెరిసింది. దీని గురించి ఇలియానా తెలుపుతూ ఆండ్రూ తన బాయ్‌ఫ్రెండ్‌ అని అంగీకరించింది. అయితే మాకు పెళ్లి అయ్యిందని, గర్భం దాల్చానని రకరకాల వదంతులు ప్రచారం అవుతుండడం మాత్రం ఇబ్బందికరంగా ఉందని చెప్పింది. నిజం చెప్పాలంటే తమకు పెళ్లి జరగలేదని, తాను గర్భం దాల్చలేదని స్పష్టం చేసింది. ఇంకా చెప్పాలంటే అలాంటి సంఘటన జరిగితే సంతోషమేనని, త్వరలోనే అది జరగాలని తానూ కోరుకుంటున్నానని అంది. అయితే అందుకు ఇంకా సమయం ఉందని చెప్పింది. నాకు నన్ను అర్థం చేసుకునే ప్రేమికుడు లభించాడని అంది. ప్రేమలో నమ్మకం చాలా ముఖ్యం అని చెప్పింది. తన మనసుకు బాధ కలిగినప్పుడు తాను వెతికే మొదటి వ్యక్తి అండ్రూ అని పేర్కొంది. సాధారణంగా తాను మనోవేదనకు గురైనప్పుడు ఎవరినీ కలవనని చెప్పింది. ఇంటిలోనే ఒంటరిగా కూర్చుని ఏడ్చేస్తానని అంది. ఆ సమయంలో ఎవరైనా తనను కలవాలని ప్రయత్నిస్తే వారిని గట్టిగా తిట్టేస్తానని చెప్పింది. అలాంటి తనను పూర్తిగా మార్చింది ఆండ్రూనేనని అంటోంది ఇలియానా.

తమిళసినిమా: నేను గర్భం దాల్చానా? అంటూ ఆగ్రహం వ్యక్తం చేస్తోంది నటి ఇలియానా. ఒకప్పుడు టాలీవుడ్‌ను ఏలిన ఈ జాణ ఆ తరువాత కోలీవుడ్‌ అవకాశాలను కాదనుకని బాలీవుడ్‌లో రాణించాలన్న ఆకాంక్షతో అక్కడ మకాం పెట్టింది. అక్కడ ఒకటి రెండు అవకాశాలు అమ్మడిని వరించడంతో దక్షిణాది చిత్ర పరిశ్రమపై విమర్శలు కురిపించింది. ముఖ్యంగా దక్షిణాదిలో అదేం టేస్టో గానీ నా నడుమునే ఎక్కువ చూపించేవారని వెటకారపు వ్యాఖ్యలు చేసి అడ్డంగా బుక్కయ్యింది కూడా. అయితే అక్కడ బర్ఫీ, హిమ్మత్‌వాలా లాంటి చిత్రాల్లో నటించినా పెద్దగా పట్టించుకోలేదు. దీంతో మళ్లీ దక్షిణాదిలోనే అవకాశాల వేట సాగించింది. అలా టాలీవుడ్‌లో తాజాగా ఒక అవకాశాన్ని పట్టేసింది. రవితేజకు జంటగా అమర్‌ అక్బర్‌ ఆంటోని అనే చిత్రంలో నటించడానికి రెడీ అవుతోంది. ఇది తమిళంలో విజయ్‌ నటించిన తెరి చిత్రానికి రీమేక్‌ అన్నది గమనార్హం. చేతిలో అవకాశాలు లేకపోయినా ఇలియానా వార్తల్లో నానుతూనే ఉంది. తన బాయ్‌ఫ్రెండ్‌ ఆండ్రూతో చెటాపట్టాలేసుకుని తిరిగిన ఫొటోలను సోషల్‌ మీడియాల్లో విడుదల చేస్తూ సంచలనం కలిగిస్తూనే ఉంది. ఇటీవల తన బాయ్‌ఫ్రెండ్‌ను రహస్యంగా పెళ్లి చేసుకుందని, గర్భం దాల్చిందనే ప్రచారం హోరెత్తుతోంది. ఈ విషయాల గురించి నోరెత్తని ఇలియానా తాజాగా వివరణ ఇవ్వడం మంచిదనుకుందో ఏమో, తాను గర్భం దాల్చలేదనీ, ఇప్పుడే పిల్లల్ని కనే ఆలోచన లేదని చెప్పింది. తాను హీరోయిన్‌గా మరి కొంత కాలం నటించాలని కోరుకుంటున్నానని అంది. అంతేకానీ తనకు పెళ్లి కాలేదని మాత్రం చెప్పలేదు. సో తను బాయ్‌ఫ్రెండ్‌ను పెళ్లి చేసుకున్న మాట నిజమేనని అంటున్నారు నెటిజన్లు.

తమిళసినిమా: సంచలన నటీమణుల్లో ఇలియానా ఒకరని ప్రత్యేకంగా చెప్పనవసరం లేదు. అలాగే మీడియాపై విరుచుకుపడటం కూడా ఈ అమ్మడికి అలవాటే. టాలీవుడ్‌లో హీరోయిన్‌గా నటిస్తున్నప్పుడు ఎలాంటి ఆరోపణలు చేయని ఈ బ్యూటీ ఎప్పుడైతే బాలీవుడ్‌కు మూటాముల్లు సర్దుకుందో అప్పటి నుంచి దక్షిణాది చిత్రపరిశ్రమపై విమర్శలు గుప్పించడం మొదలెట్టింది. ఒక టైమ్‌లో కోలీవుడ్‌ను పట్టించుకోలేదు. అలాంటిది బాలీవుడ్‌లోనూ ఈ జాణను పక్కన పెట్టేయడంతో ఇప్పుడు మళ్లీ దక్షిణాదిపై దృష్టి సారించింది. అలా ఒక తెలుగు చిత్రంలో నటించే అవకాశాన్ని కూడా దక్కించుకుంది. తమిళంలో విజయ్‌ నటించిన తెరి చిత్ర తెలుగు రీమేక్‌లో రవితేజకు జంటగా నటించనుంది. ఇలియానా ఆస్ట్రేలియాకు చెందిన ఆండ్రూ నిపోన్‌ అనే అతనితో ప్రేమ కలాపాలు సాగిస్తున్నట్లు మీడియా కోడైకూస్తోంది. ఇలియానా ఆండ్రూతో చెట్లాపట్టాలేసుకుని తిరుగుతుండడమే ఈ ప్రచారానికి కారణం. అయితే ఇటీవల ఇలియానా తన బాయ్‌ఫ్రెడ్‌ను రహస్యంగా పెళ్లి చేసుకుందనే ప్రచారం సోషల్‌మీడియాల్లో హల్‌చల్‌ చేస్తోంది. దీని గురించి అడిగితే ఇలియానా ఆగ్రహంతో ఊగిపోతోంది. ఆమె ఏమంటుందో చూద్దాం. ప్రేమ,పెళ్లి అన్నది నా వ్యక్తిగతం. ఈ విషయం గురించి మీడియా, సినిమా వాళ్లు ఎందుకు ఆసక్తి చూపుతున్నారు?  పెళ్లయిన నటి అని అక్క, వదిన పాత్రల్లో నటింపజేయాలని చూస్తున్నారా? నేను ఇంకా చాలా కాలం కథానాయకిగానే నటిస్తాను. దీన్ని నిరూపించి చూపిస్తాను. నా ప్రేమ గురించి ఇప్పటి వరకూ ఎక్కడా వెల్లడించలేదు. ఇకపై కూడా చెప్పను. ఇంకా చెప్పాలంటే నా వ్యక్తగత వ్యవహారాల గురించి చర్చంచడానికి ఇష్టపడను. అంటున్న ఇలియానా తన బాయ్‌ఫ్రెండ్‌లో సన్నిహితంగా ఉన్న ఫొటోలను తరచూ ఇంటర్నెట్‌లో విడుదల చేయడం ఎందుకు అని నెటిజన్ల ఇలియానాపై ఎదురుదాడి చేస్తున్నారు.

ప్రముఖ నటి ఇలియానా తల్లి కాబోతోందా..? అంటూ బీటౌన్ వర్గాలు గుసగుసలాడుతున్నాయి. గత కొంత కాలంగా ఆస్ట్రేలియన్ ఫొటోగ్రాఫర్‌ ఆండ్రూ నీబోన్‌ తో ఇలియానా సహజీవనం చేస్తున్న సంగతి తెలిసిందే. అయితే వివాహం గురించి ఎలాంటి క్లారిటీ ఇవ్వని ఇలియానా సోషల్ మీడియాలో ఫోటోలు పోస్టు చేస్తూ, ‘హబ్బీ’ (భర్త) అని కామెంట్‌ చేస్తూ ఉంటుంది. అయితే ఇపుడు ఇలియానా తల్లి కాబోతున్నారని తాజా రూమర్‌. అజ‌య్ దేవ‌గ‌ణ్‌తో కలిసి రైడ్ చిత్రంలో కథానాయిక‌గా న‌టించింది ఇలియానా. ఇటీవ‌లే ఈ మూవీ ప్రేక్ష‌కుల ముందుకు వ‌చ్చి మంచి విజ‌యం సాధించింది. దీంతో  సినిమా ప్రచార కార్యక్రమాలు జరుగుతున్నాయి. ఈ ప్రమోషన్స్‌లో పాల్గొంటున్న ఇలియానా, తాను గర్భం దాల్చిన సంగతి బయటపడకుండా ఉండేందుకు లూజు, తేలికైన డ్రస్సుల్లో కనిపిస్తున్నారని బాలీవుడ్‌లో ప్రచారం జరుగుతోంది. అంతేకాకుండా ఆండ్రూ తన ఇన్‌ స్టాగ్రామ్‌లో ఇలియానా ఫొటోను షేర్‌ చేశాడు. బాత్‌ టబ్‌ లో కాఫీ తాగుతూ ఉన్న ఇలియానా ఫోటోకు ఆండ్రూ ‘ఇలియానా ఒంటరిగా మధురమైన సమయాన్ని గడుపుతున్నారు’  అంటూ క్యాప్షన్‌ పెట్టాడు. దీంతో ఆమె నిజంగానే గర్భం దాల్చినట్లు నెటిజన్లు కామెంట్లు చేస్తున్నారు. అయితే పెళ్లి గురించే ఇప్పటివరకూ స్పందించని ఇలియానా తాజా ప్రచారంపై ఏమంటారో చూడాలి.

రావాలని ఉంది అంటున్నారు ఇలియానా. తెలుగు సినిమా ‘దేవదాసు’తో కథానాయిక అయ్యి, దాదాపు ఆరేళ్లు ఇక్కడ హవా సాగించారీ బ్యూటీ. సడెన్‌గా హిందీకి వెళ్లిపోయి, మళ్లీ వెనక్కి రాలేదు. నాలుగేళ్లుగా హిందీలో ఏడాదికో సినిమా చేస్తూ వస్తున్నారు. ఆమె నటించిన ‘రైడ్‌’ శుక్రవారం విడుదలైంది. వాట్‌ నెక్ట్ప్‌? మళ్లీ హిందీ సినిమాయేనా? తెలుగులో చేసే ఉద్దేశం ఉందా? అనే ప్రశ్న ఇలియానా ముందుంచితే – ‘తెలుగుకి రావాలని ఉంది. మంచి స్క్రిప్ట్‌ కోసం వెయిట్‌ చేస్తున్నా. తెలుగులో నేను పెద్ద పెద్ద స్టార్స్‌ పక్కన పెద్ద సినిమాలు చేశాను. పెద్ద డైరెక్టర్స్‌తో సినిమాలు చేశా. మళ్లీ తెలుగులో చేస్తే అలాంటి బిగ్‌ ప్రాజెక్ట్సే చేయాలి. త్వరలో అలాంటి అవకాశం వస్తుందనుకుంటున్నా’ అన్నారు. ఇంతకీ సౌత్‌ ఇండస్ట్రీ మీకేం నేర్పించింది అంటే – ‘నన్ను మంచి నటిని చేసింది. స్ట్రాంగ్‌ ఉమన్‌ని చేసింది. నటిగా ఎదుగుతూనే వ్యక్తిగా కూడా ఎదిగాను. నా ఆలోచనా పరిధిని పెంచింది. జీవితం అంటే ఏంటో నేర్పించింది. ఇక్కడ వచ్చిన పాపులార్టీ వల్లే హిందీ నుంచి పిలుపొచ్చింది. ఇంత చేసిన సౌత్‌ ఇండస్ట్రీకి దూరమవ్వాలని నేను అనుకోవడంలేదు. మళ్లీ సౌత్‌కి రావాలనుంది’ అని పేర్కొన్నారు ఇలియానా. మరి.. ‘రామ్మా’ అని ఇక్కణ్ణుంచి ఇలియానాను ఏదైనా అవకాశం పిలుస్తుందా? వేచి చూడాలి. సినిమాల సంగతి పక్కన పెడితే ప్రస్తుతం ఆస్ట్రేలియన్‌ ఫొటోగ్రాఫర్‌ ఆండ్రూ నీబోన్‌తో ఇలియానా లవ్‌లో ఉన్నారు. పెళ్లి చేసుకున్నారని వార్త వస్తున్నా ఇలియానా మాత్రం క్లారిటీ ఇవ్వడంలేదు.

ముంబై: హీరోయిన్‌ ఇలియానా పెళ్లిపై గత కొంతకాలంగా ఊహాగానాలు వెల్లువెత్తాయి. అయితే ఆమె రహస్యంగా పెళ్లి చేసుకున్నట్టు తెలుస్తోంది. ఆస్ట్రేలియా ఫొటోగ్రాఫర్‌ ఆండ్రూ నీబొనెతో ప్రేమాయణం సాగిస్తున్న ఆమె చెప్పాపెట్టకుండా పెళ్లి చేసుకున్నట్టు సమాచారం. ఈ విషయాన్ని స్వయంగా ఆమె పరోక్షంగా వెల్లడించింది. తాజాగా తన ఇన్‌స్టాగ్రామ్‌లో ఇలియానా పెట్టిన పోస్ట్‌ ఈ విషయాన్ని ధ్రువీకరించింది. క్రిస్మస్‌ పండుగ సందర్భంగా ఒక ఫొటోను ఆమె షేర్‌ చేసింది. క్రిస్మస్ అంటే తనకెంతో ఇష్టమని, కుటుంబ సభ్యులతో సెలవులు గడపడం సంతోషంగా ఉంటుందని పోస్ట్‌ చేసింది. తాను షేర్‌ చేసిన ఫొటో తన భర్త(హబ్బీ) ఆండ్రూ తీశాడని పేర్కొంది. అతడితో పెళ్లిపోయింది కాబట్టే ఆండ్రూను భర్తగా సంబోధించిందని అభిమానులు అంటున్నారు. కొంతకాలంగా వీరిద్దరూ సహజీవనం చేస్తున్నారు. 2014లో ముంబై రెస్టారెంట్‌లో జంటగా కెమెరా కంటికి చిక్కారు. అప్పటి నుంచి బాలీవుడ్‌ కార్యక్రమాలు, వేడుకలకు జంటగానే హాజరవుతూ వచ్చారు. తామిద్దరి ఫొటోలను ఇలియానా ఇన్‌స్ట్రాగామ్‌లో పోస్ట్‌ చేస్తుండటంతో వీరిద్దరూ త్వరలోనే పెళ్లి చేసుకోవడం ఖాయమని అప్పట్లోనే అంతా అనుకున్నారు.   My favourite time of the year ♥️ #christmastime #happyholidays #home #love #family Photo by hubby @andrewkneebonephotography ♥️ A post shared by Ileana D'Cruz (@ileana_official) on Dec 23, 2017 at 3:54am PST


 ప్రేమంటేనే పిచ్చి.. ఆ పిచ్చిలోకంలో స్వేచ్ఛగా విహరిస్తున్నామంటోంది ఇలియానా.. తన బాయ్‌ఫ్రెండ్‌ ఆండ్ర్యూ నీబోన్‌తో పీకల్లోతు ప్రేమలో మునిగిపోయిన ఈ అమ్మడు.. తాజాగా ఇన్‌స్టాగ్రామ్‌లో తమ 'ప్రేమ' ఫొటోలను షేర్‌ చేసుకుంది. నీబోన్‌తో సన్నిహితంగా విహరిస్తున్న దృశ్యాలను కెమెరాలో బంధించి అభిమానులతో పంచుకుంది. నీబోన్‌తో లిప్‌లాక్‌ చేస్తున్న ఫొటోను పోస్టు చేసి.. 'ప్రేమ అనే పిచ్చిలోకంలో..' అంటూ కామెంట్‌ పెట్టింది. అంతేకాదు ప్రియుడికి సంబంధించిన మరికొన్ని ఫొటోలను ఈ హాట్‌ భామ షేర్‌ చేసింది.
 
 ప్రముఖ ఆస్ట్రేలియన్‌ ఫొటోగ్రాఫర్‌ ఆండ్రూ నీబోన్, ఇలియానా సహజీవనం చేస్తున్న సంగతి తెలిసిందే. ఇద్దరూ కలసి షికార్లకు వెళ్లడం.. అప్పుడప్పుడు ఫొటోలు తీసి సోషల్‌ మీడియాలో షేర్‌ చేసుకోవడం తెలిసిందే. తన బాయ్‌ఫ్రెండ్‌ గురించి ఈ మధ్య ఇలియానా మాట్లాడుతూ.. అతని గురించి తరచూ మాట్లాడటం నాకు ఇష్టం ఉండదని, అతను సాదాసీదాగా ఉండటానికి ఇష్టపడతానని, అతని ప్రైవసీకి భంగం కలిగించకూడదని తెలిపింది. ‘‘నటీనటులను ప్రేక్షకులు ఎంతగా ప్రేమిస్తారో ఒక్కోసారి అంతకు రెండింతలు ద్వేషిస్తారు. ఏ కారణం లేకుండానే తిడతారు. ఏవేవో మాటలంటారు. కొన్నిసార్లు వాళ్ల మాటలు మరీ దారుణంగా ఉంటున్నాయి. 11 ఏళ్లుగా ఇండస్ట్రీలో ఉంటున్నా. ఇవన్నీ నాకు తెలుసు. నటిస్తున్నాను కాబట్టి నాకు తప్పదు. అతనూ మాటలు పడడం మంచిది కాదు. అందుకే, అతని గురించి పబ్లిగ్గా మాట్లాడను’’  అని పేర్కొంది.
 
  కొన్నాళ్ల క్రితం వరకు టాలీవుడ్‌లో అగ్ర హీరోయిన్‌గా వెలుగొందిన ఇలియానా.. ఇప్పుడు బాలీవుడ్‌లో నటనపరంగా మంచి పేరు తెచ్చుకుంటున్న సంగతి తెలిసిందే. 2012లో 'బర్ఫీ' సినిమాతో ఎంట్రీ ఇచ్చిన ఈ అమ్మడు తాజాగా 'ముబారకన్‌', 'బాద్‌షాహో' చిత్రాల్లో ప్రేక్షకులను అలరించింది.
 
 
 
  
 
 
 A moment. In a world of madness.
 
 A post shared by Ileana D'Cruz (@ileana_official) on
 
 Sep 17, 2017 at 2:29am PDT
 
 
 
 
 
  
 
 
 
 


 కొన్నాళ్ల క్రితం వరకు టాలీవుడ్‌లో అగ్ర హీరోయిన్‌గా వెలుగొందిన ఇలియానా.. ఇప్పుడు బాలీవుడ్‌లో నటనపరంగా మంచి పేరు తెచ్చుకుంటోంది. 2012లో 'బర్ఫీ' సినిమాతో ఎంట్రీ ఇచ్చిన ఈ అమ్మడు నటనకు ప్రాధాన్యమున్న పాత్రల్లో ఎక్కువగా కనిపిస్తోంది. కమర్షియల్‌, గ్లామరస్‌ హీరోయిన్‌గానూ అడపాదడప చాన్స్‌లు దొరుకుతున్నాయి.
 
 ఇలియానా అందరిలాంటి నటి కాదు. బాలీవుడ్‌లో ఇతర నటీమణుల్లాగా ఆమె తన ప్రేమ వ్యవహారాన్ని దాచిపెట్టలేదు. వీలు చిక్కినప్పుడల్లా తన ప్రేమికుడి ఫొటోలను సోషల్‌ మీడియాలో పంచుకుంటూనే ఉంది. ఆస్ట్రేలియాకు చెందిన 29 ఏళ్ల ఫొటోగ్రాఫర్‌ ఆండ్ర్యూ నీబోన్‌తో ఇలియానా సహజీవనం చేస్తోంది. వీరిద్దరూ సరదాగా దిగిన ఫొటోలు అప్పుడప్పుడు సోషల్‌ మీడియాలో దర్శనమిస్తూనే ఉంటాయి. తాజాగా ఇలియానా 'మిడ్‌-డే' పత్రికకు ఇంటర్వ్యూ ఇస్తూ తన ప్రియుడి గురించి పలు విషయాలు తెలిపింది. అతని గురించి తరచూ మాట్లాడటం తనకు ఇష్టం ఉండదని, అతను మామూలుగా ఉండటానికి ఇష్టపడతానని, అతని ప్రైవసీకి భంగం కలిగించకూడదని తెలిపింది.
 
 'చిత్ర పరిశ్రమలో నేను 11 ఏళ్లుగా కొనసాగుతున్నాను. ఇక్కడి పని సంస్కృతి గురించి ఎన్నో విషయాలు తెలుసుకున్నాను. నటులుగా మాకు ఎంతో ప్రేమ లభిస్తుంది. అదే సమయంలో కారణం లేకున్నా ఎంతో వ్యతిరేకతను మూటగట్టుకుంటాం. మేం చేసే వ్యాఖ్యలు కూడా కొన్నిసార్లు ఇబ్బందులు సృష్టిస్తాయి. ఇదంతా ఆండ్ర్యూ భరించాల్సి రావడం సరికాదనేది నా భావన. అతను సాధారణ వ్యక్తి. ప్రైవసీని ఇష్టపడతాడు. కొంతమంది వచ్చి అతను భారతీయుడు కాదు అంటూ ఏవేవో చెప్తుంటారు. కానీ, అతను నాకు ప్రత్యేకమైన వ్యక్తి. ఏ తప్పు లేకపోయినా నా కుటుంబాన్ని ఒకరు వేలెత్తిచూపే పరిస్థితి రాకూడదని నేను కోరుకుంటాను' అని ఇలియానా తెలిపింది. మరీ ఆండ్ర్యూను ఎప్పుడూ పెళ్లి చేసుకుంటారని ప్రశ్నించగా.. ప్రస్తుతానికి తాము సహజీవనంలో గడుపుతూ ఆనందంగా ఉన్నామని, పెళ్లి, సహజీవనానికి మధ్య భేదం చాలా చిన్నదని పేర్కొంది.
  


  పెళ్లైన ఆడవాళ్లను ‘శ్రీమతి’ అని, కానివాళ్లను ‘కుమారి’ అని సంబోధించడం, గౌరవించడం మన భారతీయ సంప్రదాయం. ఆ లెక్కన ఇలియానాకి పెళ్లి కాలేదు కనుక ‘కుమారి ఇలియానా’ అనడం సబబు. మరి, శ్రీమతి అంటున్నారేంటి అని ఆలోచిస్తున్నారా! ఈ గోవా బ్యూటీకి పెళ్లైందనేది తాజా ఖబర్. ఆస్ట్రేలియన్ ఫొటోగ్రాఫర్ ఆండ్రూ నీబోన్, ఇలియానా ప్రేమలో ఉన్నారనే విషయం ప్రతి ఒక్కరికీ తెలుసు. ఆండ్రూతో తన ప్రేమాయణం బయటకు రాకుండా దాచేయాలని ఇలియానా ఎప్పుడూ ప్రయత్నించలేదు.
  
  ఈ ప్రేమ పక్షులు బహిరంగంగా  చెట్టాపట్టాలేసుకుని తిరుగుతుంటారు. అటు ముంబై, ఇటు హైదరాబాద్ ఫిల్మ్ సర్కిల్స్‌లో వినిపిస్తున్న గుసగుసల ప్రకారం.. గతేడాది డిసెంబర్ లోనే ఆస్ట్రేలియాలో ఆండ్రూ, ఇలియానాల పెళ్లి జరిగిందట. పెళ్లికి హాజరైన అతిథులతో ఎక్కడా తమ పెళ్లి విషయం చెప్పొద్దని ప్రామిస్ చేయించుకున్నారట. ప్రేమ, శృంగారం వంటి విషయాల గురించి పలు సందర్భాల్లో ఓపెన్‌గా మాట్లాడిన ఇలియానా పెళ్లైన సంగతి ఎందుకు దాచారు? ఒకవేళ అందరూ అనుకుంటున్నట్లుగా.. పెళ్లి జరగలేదా?
 
  


 బిపాసాబసు బాటలోనే ఇలియానా పయనిస్తోందా అంటే అవుననే అంటున్నాయి బాలీవుడ్ వర్గాలు. కరణ్‌ గ్రోవర్ ను ప్రేమించి పెళ్లి చేసుకుంది. ఇలియానా కూడా ఇప్పుడు ఇదే దారిలో నడుస్తున్నట్టు కనబడుతోంది. ఇప్పటివరకు తన ప్రేమ వ్యవహారాన్ని రహస్యంగా ఉంచిన ఇలియానా తన ప్రియుడు ఆండ్రూ నీబోన్ తో కలిసివున్న ఫొటోలను బయటపెట్టింది.
 
 మొనాకోలో తన బాయ్ ఫ్రెండ్ తో దిగిన ఫొటోలను ఇన్స్టాగ్రామ్ లో పోస్ట్ చేసింది. మొనాకో చాలా బాగుందని, ఇక్కడి అందాలను వర్ణించడానికి మాటల చాలవని పేర్కొంది. ఈ ఫొటోలు చూసినవాళ్లందరూ ఇలియానా తొందరలోనే పెళ్లిపీటలు ఎక్కడం ఖాయమని అంటున్నారు. అయితే పెళ్లి గురించి ఆమె మాత్రం ఏమీ చెప్పలేదు.
 
 ప్రస్తుతం హిందీలో అక్షయ్‌కుమార్‌తో 'రుస్తూమ్' చిత్రంలో నటిస్తోంది. మంచి పాత్రలు వస్తే తప్పకుండా తెలుగులో నటిస్తానని ఇటీవల హైదరాబాద్ కు వచ్చినప్పుడు ఇలియానా చెప్పింది. సినిమా కెరీర్ కు ఇప్పుడప్పుడే ముగింపు పలికే ఉద్దేశం లేదని ఆమె స్పష్టం చేసింది.


  ఇలియానా ప్రేమలో పడిందా? ఔనని కొన్నాళ్ల క్రితం బాలీవుడ్ కోడై కూసింది. కానీ, ఇలియానా మాత్రం ఔననలేదు.. కాదనలేదు. తను ఔనన్నా, కాదన్నా.. ప్రేమలో పడిందని చాలామంది  నిర్ధారణకు వచ్చేశారు. ఎందుకంటే, ఇటీవల ముంబయ్‌లో ఎక్కడ పడితే అక్కడ తన బోయ్‌ఫ్రెండ్ ఆండ్రూ నీబోన్‌తో కనిపిస్తోందట ఈ గోవా బ్యూటీ. ఓ రెస్టారెంట్‌లో కూర్చుని ఇద్దరూ గంటల కొద్దీ కబుర్లు చెప్పుకున్నారట. కప్ కేక్స్, బ్రెడ్ తింటూ కప్పుల మీద కప్పులు కాఫీ లాగిస్తూ ఈ ఇద్దరూ చాలామంది దృష్టిలో పడిపోయారు. ఇన్నాళ్లూ ఇంత బాహాటంగా తన ప్రియుడితో కనిపించని ఇలియానా ఇప్పుడీ విధంగా ప్రత్యక్షం కావడంతో.. నలుగురికీ తెలిస్తే తెలిసిందిలే అని ఆమె బలంగా ఫిక్స్ అయ్యుంటారని ఊహించవచ్చు. ఆండ్రూతో ఆమె ప్రేమ కచ్చితంగా పెళ్లి వరకూ వెళుతుందని కొంతమంది ఊహిస్తున్నారు. కానీ, బాలీవుడ్‌లో ఇలా గాఢంగా ప్రేమించుకుని, విడిపోయినవాళ్లు చాలామంది ఉన్నారని, ఇలియానా వ్యవహారం ఏమవుతుందో చూడాలని చెప్పుకుంటున్నారు.