అంతర్జాతీయ టెన్నిస్‌ సమాఖ్య డబ్ల్యూ50 టోర్నీ మహిళల డబుల్స్‌ విభాగంలో అంకిత రైనా–రుతుజా భోస్లే (భారత్‌) జోడీ రన్నరప్‌గా నిలిచింది. జపాన్‌లో శనివారం జరిగిన ఫైనల్లో అంకిత–రుతుజా ద్వయం 3–6, 5–7తో ఇరీనా హయాషి–సాకి ఇమామురా (జపాన్‌) జంట చేతిలో ఓడిపోయింది. 86 నిమిషాలపాటు జరిగిన ఈ మ్యాచ్‌లో అంకిత, రుతుజా తమ సర్విస్‌ను నాలుగుసార్లు కోల్పోయింది.   

అంతర్జాతీయ టెన్నిస్‌ సమాఖ్య (ఐటీఎఫ్‌ – డబ్ల్యూ35) మహిళల ఓపెన్‌ టోర్నమెంట్‌ డబుల్స్‌ విభాగంలో భారత క్రీడాకారిణి అంకిత రైనా తన భాగస్వామితో కలిసి విజేతగా నిలిచింది. కజకిస్తాన్‌కు చెందిన జిబెక్‌ కులంబయెవాతో కలిసి అంకిత డబుల్స్‌ బరిలోకి దిగింది. శనివారం  జరిగిన ఫైనల్లో అంకిత – జిబెక్‌ ద్వయం 6–4, 6–2 స్కోరుతో జాక్‌లిన్‌ కబాజ్‌ (స్వీడన్‌) – జస్టినా మికుల్‌సైట్‌ (లిథుయేనియా)పై విజయం సాధించింది. అయితే సింగిల్స్‌ విభాగంలో అంకితకు సెమీ ఫైనల్లోనే చుక్కెదురైంది. సెమీస్‌లో కొరియాకు చెందిన యెన్‌ వూ కూ 7–6 (7/4), 6–3 తేడాతో అంకితను ఓడించింది. మరో సెమీస్‌లో దలిలా జకుపొవిక్‌ (స్లొవేకియా)ను 6–4, 2–6, 7–6 (7/0)తో ఓడించి ఫైనల్‌కు అర్హత సాధించిన జస్టినా మికుల్‌సైట్‌ (లిథుయేనియా) తుది పోరులో యెన్‌ వూ కూతో తలపడేందుకు సిద్ధమైంది.     

ఆ్రస్టేలియన్‌ ఓపెన్‌ గ్రాండ్‌స్లామ్‌ టెన్నిస్‌ క్వాలిఫయింగ్‌ టోర్నీ లో భారత స్టార్‌ అంకిత రైనా శుభారంభం చేసింది. మెల్‌బోర్న్‌లో మంగళవారం జరిగిన మహిళల సింగిల్స్‌ తొలి రౌండ్‌లో ప్రపంచ 221వ ర్యాంకర్‌ అంకిత 6–4, 5–7, 7–6 (10/7)తో ప్రపంచ 158వ ర్యాంకర్‌ జెస్సికా బుజస్‌ మనెరో (స్పెయిన్‌)పై గెలిచింది. 2 గంటల 49 నిమిషాలపాటు జరిగిన ఈ మ్యాచ్‌లో ఇద్దరూ తమ సర్విస్‌లను ఎనిమిదిసార్లు కోల్పోయారు. నిర్ణాయక మూడో సెట్‌ టైబ్రేక్‌లో అంకిత పైచేయి సాధించి విజేతగా నిలిచింది. రెండో రౌండ్‌లో ప్రపంచ 132వ ర్యాంకర్‌ సారా బెజ్‌లెక్‌ (చెక్‌ రిపబ్లిక్‌)తో అంకిత తలపడుతుంది.   

జపాన్‌ ఓపెన్‌ డబ్ల్యూటీఏ–250 టెన్నిస్‌ టోర్నీలో భారత నంబర్‌వన్‌ అంకిత రైనా పోరాటం  తొలి రౌండ్‌లోనే ముగిసింది. ఒసాకాలో మంగళవారం జరిగిన మహిళల సింగిల్స్‌ మొదటి  రౌండ్‌ మ్యాచ్‌లో ప్రపంచ 181వ ర్యాంకర్‌ అంకిత 4–6, 2–6తో ప్రపంచ 174వ  ర్యాంకర్‌ మొయుక ఉచిజుమా (జపాన్‌) చేతిలో ఓడిపోయింది. 80 నిమిషాలపాటు జరిగిన ఈ మ్యాచ్‌లో అంకిత తన సరీ్వస్‌ను మూడుసార్లు కోల్పోయింది. తొలి రౌండ్‌లో ఓడిన అంకితకు 2,804 డాలర్ల (రూ. 2 లక్షల 32 వేలు) ప్రైజ్‌మనీ లభించింది. 

న్యూయార్క్‌: భారత టాప్‌ టెన్నిస్‌ క్రీడాకారిణి అంకితా రైనా ఈ ఏడాది చివరి గ్రాండ్‌స్లామ్‌ టోర్నీ యూఎస్‌ ఓపెన్‌ మెయిన్‌ ‘డ్రా’కు అర్హత సాధించడంలో విఫలమైంది. క్వాలిఫయింగ్‌ మ్యాచ్‌లలో తొలి రెండు నెగ్గిన అంకిత మూడో క్వాలిఫయింగ్‌ మ్యాచ్‌లో ఓటమిపాలైంది. ఈ మ్యాచ్‌లో అంకిత వరుస సెట్లలో 2–6, 2–6 స్కోరుతో మిర్జమ్‌ జొర్‌క్లండ్‌ (స్వీడన్‌) చేతిలో పరాజయంపాలైంది. 1 గంటా 37 నిమిషాల పాటు సాగిన ఈ మ్యాచ్‌లో ప్రపంచ 154వ ర్యాంకర్‌ అంకిత తన ప్రత్యర్థి ముందు నిలవలేకపోయింది. జొర్‌క్లండ్‌ 3 ఏస్‌లు సంధించగా, అంకిత ఒకే ఒక ఏస్‌ కొట్టింది.    

యూఎస్‌ ఓపెన్‌ గ్రాండ్‌స్లామ్‌ టెన్నిస్‌ క్వాలిఫయింగ్‌ టోర్నీ మహిళల సింగిల్స్‌లో భారత నంబర్‌వన్‌ అంకిత రైనా మూడో రౌండ్‌లోకి ప్రవేశించింది. న్యూయార్క్‌లో గురువారం జరిగిన రెండో రౌండ్‌లో ప్రపంచ 182వ ర్యాంకర్‌ అంకిత 6–4, 6–3తో ప్రపంచ 114వ ర్యాంకర్‌ అలియోనా బొల్సోవా (స్పెయిన్‌)పై గెలిచింది.  

వార్సా (పోలాండ్‌): భారత మహిళా టెన్నిస్‌ నంబర్‌వన్‌ అంకిత రైనా వార్సా ఓపెన్‌ డబ్ల్యూటీఏ–250 టోరీ్నలో మెయిన్‌ ‘డ్రా’కు అర్హత సాధించింది. ప్రపంచ ర్యాంకింగ్స్‌లో 200వ ర్యాంక్‌లో ఉన్న అంకిత సోమవారం జరిగిన క్వాలిఫయింగ్‌ చివరి రౌండ్‌ మ్యాచ్‌లో 4–6, 6–3, 6–1తో జోనా గార్లాండ్‌ (చైనీస్‌ తైపీ)పై విజయం సాధించింది. 2 గంటల 15 నిమిషాలపాటు జరిగిన ఈ మ్యాచ్‌లో అంకిత ప్రత్యర్థి సరీ్వస్‌ను ఏడుసార్లు బ్రేక్‌ చేసి తన సర్వీస్‌ను నాలుగుసార్లు కోల్పోయింది. అంతకుముందు క్వాలిఫయింగ్‌ తొలి రౌండ్‌ మ్యాచ్‌లో అంకిత 6–3, 6–1తో ఒలివియా లిన్సెర్‌ (పోలాండ్‌)పై గెలిచింది. డబుల్స్‌ విభాగంలో చైనా ప్లేయర్‌ యు యువాన్‌తో జతకట్టి అంకిత బరిలోకి దిగనుంది.

బెంగళూరు: ఐటీఎఫ్‌ మహిళల ఓపెన్‌ టోర్నీలో భారత అమ్మాయి, నాలుగో సీడ్‌ అంకితా రైనా ఫైనల్లోకి ప్రవేశించింది. శనివారం జరిగిన సెమీఫైనల్లో అంకిత 6–1, 6–1 స్కోరుతో భారత్‌కే చెందిన రుతుజ భోస్లేపై ఘనవిజయం సాధించింది. నేడు జరిగే ఫైనల్లో చెక్‌ రిపబ్లిక్‌కు చెందిన టాప్‌ సీడ్‌ బ్రెండా ఫ్రుహ్‌విర్టోవాతో తలపడుతుంది. సెమీస్‌లో 15 ఏళ్ల ఫ్రుహ్‌విర్టోవా 7–6 (7/2), 6–2 తేడాతో దలీలా జకుపోవిచ్‌ (చెక్‌ రిపబ్లిక్‌)ను ఓడించింది. ఐటీఎఫ్‌ మహిళల వరల్డ్‌ టెన్నిస్‌ టూర్‌లో భాగంగా ఈ టోర్నమెంట్‌ జరుగుతోంది.  

అంతర్జాతీయ టెన్నిస్‌ సమాఖ్య (ఐటీఎఫ్‌) మహిళల టోర్నీలో హైదరాబాద్‌ అమ్మాయి సహజ యామలపల్లి పోరాటం తొలి రౌండ్‌లోనే ముగిసింది. బెంగళూరులో బుధవారం జరిగిన మహిళల సింగిల్స్‌ తొలి రౌండ్‌ మ్యాచ్‌లో సహజ 6–7 (8/10), 3–6తో డయానా మర్సిన్‌కెవిచా (లాతి్వయా) చేతిలో ఓడిపోయింది. గంటా 38 నిమిషాలపాటు జరిగిన ఈ మ్యాచ్‌లో సహజ తన సర్వీస్‌ను ఐదుసార్లు కోల్పోయి ప్రత్యర్థి సర్వీస్‌ను నాలుగుసార్లు బ్రేక్‌ చేసింది. మరో మ్యాచ్‌లో భారత నంబర్‌వన్‌ అంకితా రైనా 6–3, 6–0తో వన్షిత (భారత్‌)పై నెగ్గి రెండో రౌండ్‌కు చేరింది.    

బెంగళూరు: అంతర్జాతీయ టెన్నిస్‌ సమాఖ్య (ఐటీఎఫ్‌) మహిళల టోర్నీ డబుల్స్‌ విభాగంలో హైదరాబాద్‌ క్రీడాకారిణులు భమిడిపాటి శ్రీవల్లి రష్మిక, సహజ యామలపల్లిలకు నిరాశ ఎదురైంది. మంగళవారం జరిగిన తొలి రౌండ్‌ మ్యాచ్‌ల్లో రష్మిక–వైదేహి (భారత్‌) ద్వయం 6–7 (5/7), 7–5, 5–10తో హెసీ అమండైన్‌ (ఫ్రాన్స్‌)–దాలియా జకుపోవిచ్‌ (స్లొవేనియా) జోడీ చేతిలో... సహజ–సోహా సాదిక్‌ (భారత్‌) ద్వయం 4–6, 6–7 (3/7)తో ఎలీనా టియోడోరా (రొమేనియా)–డయానా మర్సిన్‌కెవికా (లాత్వియా) జోడీ చేతిలో ఓడిపోయాయి. రెండో సీడ్‌ అంకిత రైనా–రుతుజా భోస్లే (భారత్‌) ద్వయం 5–7, 6–3, 10–6తో షర్మదా బాలు (భారత్‌)–సారా రెబెకా (జర్మనీ) జోడీని ఓడించి క్వార్టర్‌ ఫైనల్లోకి ప్రవేశించింది.     

ఐదేళ్ల తర్వాత భారత మహిళల టెన్నిస్‌ సింగిల్స్‌లో నంబర్‌వన్‌గా కొత్త క్రీడాకారిణి వచ్చింది. 2017 నుంచి భారత టాప్‌ ర్యాంకర్‌గా కొనసాగుతున్న అంకితా రైనా సోమవారం విడుదల చేసిన సింగిల్స్‌ ర్యాంకింగ్స్‌లో రెండో స్థానానికి పడిపోయింది. చెన్నై ఓపెన్‌ లో ప్రిక్వార్టర్‌ ఫైనల్‌ చేరిన కర్మన్‌ కౌర్‌ భారత కొత్త నంబర్‌వన్‌గా అవతరించింది. కర్మన్‌ 37 స్థానాలు ఎగబాకి 322వ ర్యాంక్‌కు చేరగా... చెన్నై ఓపెన్‌లో తొలి రౌండ్‌లోనే ఓడిన అంకిత నాలుగు స్థానాలు పడిపోయి 329వ ర్యాంక్‌లో నిలిచింది. 

అంటాల్యా (టర్కీ): బిల్లీ జీన్‌ కింగ్‌ కప్‌ ఆసియా ఓసియానియా గ్రూప్‌–1 మహిళల టీమ్‌ టెన్నిస్‌ టోర్నీలో భారత్‌ మూడో స్థానంలో నిలిచింది. ఆరు జట్లు పాల్గొన్న ఈ టోర్నీలో భారత్‌ మూడు జట్లపై (ఇండోనేసియా, న్యూజిలాండ్, కొరియా) గెలిచి, రెండు జట్ల (చైనా, జపాన్‌) చేతిలో ఓడిపోయింది. తొలి రెండు స్థానాల్లో నిలిచిన చైనా, జపాన్‌ ప్రపంచ గ్రూప్‌ ప్లే ఆఫ్‌ పోటీలకు అర్హత పొం దాయి. కొరియాతో జరిగిన చివరిదైన ఐదో లీగ్‌ మ్యాచ్‌లో భారత్‌ తొలి రెండు సింగిల్స్‌లో నెగ్గి విజయాన్ని ఖరారు చేసుకుంది. తొలి సింగిల్స్‌లో రియా భాటియా 6–3, 2–6, 6–3తో నా రి కిమ్‌పై నెగ్గగా... రెండో సింగిల్స్‌లో అంకిత రైనా 6–2, 6–3తో దాబిన్‌ కిమ్‌ ను ఓడించి టీమిండియాకు విజయాన్ని అందించింది.

టోక్యో ఒలింపిక్స్‌ తొలి రోజే మీరాబాయి చాను రజత పతకంతో భారత్‌ బోణీ కొట్టగా... రెండో రోజు ఆదివారం మాత్రం భారత శిబిరాన్ని బాగా కుంగదీసింది. ఉదయం షూటింగ్‌లో గురి తప్పగా...టెన్నిస్‌లో భారత జోడీ చేజేతులా ఓడింది. మధ్యాహ్నం స్విమ్మింగ్‌లో బోల్తా కొడితే... హాకీలో పురుషుల జట్టూ ఘోరంగా ఓడింది. బాక్సింగ్, రోయింగ్‌ కాస్త ఊరటనిచ్చాయి అంతే! టోక్యో: భారత శిబిరంలో అత్యంత ఒలింపిక్స్‌ అనుభవమున్న క్రీడాకారిణి ఎవరైనా ఉంటే అది హైదరాబాద్‌ టెన్నిస్‌ స్టార్‌ సానియా మీర్జానే! ఇప్పటికే మూడుసార్లు విశ్వ క్రీడల్లో ఆడింది. కెరీర్‌లో నాలుగో ఒలింపిక్స్‌ ఆడుతున్న ఈ విశేష అనుభవజ్ఞురాలు గెలవాల్సిన మ్యాచ్‌ను చేజేతులా ఓడిపోయింది. ఒలింపిక్స్‌లో అరంగేట్రం చేసిన అంకిత రైనాతో కలిసి మహిళల డబుల్స్‌లో బరిలోకి దిగిన సానియా ఆట అద్భుతంగా మొదలైనా... చివరకు ఫలితం మాత్రం తొలి రౌండ్లోనే ముగించింది. ఆదివారం జరిగిన మహిళల డబుల్స్‌ తొలి రౌండ్‌ మ్యాచ్‌లో సానియా–అంకిత జోడీ 6–0, 6–7 (0/7), 8–10తో ‘సూపర్‌ టైబ్రేక్‌’లో ఉక్రెయిన్‌ సోదరి ద్వయం నదియా–లిద్మిలా కిచెనోక్‌ చేతిలో కంగుతింది. తొలి సెట్‌ను కేవలం 21 నిమిషాల్లోనే వశం చేసుకున్న భారత జంట రెండో సెట్‌ను, మ్యాచ్‌ను గెలిచే స్థితిలో నిలిచింది. 5–3తో ఆధిక్యంలో ఉండగా సర్వీస్‌ సానియా జోడీదే కాగా... ఈ సర్వీస్‌ నిలబెట్టుకుని ఉంటే భారత్‌కు విజయం ఖాయమయ్యేది. అనూహ్యంగా భారత జంట సర్వీస్‌ చేసిన ఈ గేమ్‌ చేజారడంతో ప్రత్యర్థుల పోరాటంతో ఆట టైబ్రేక్‌కు వెళ్లింది. అక్కడా భారత జోడి ఓడింది. ఒలింపిక్స్‌ నిబంధనల ప్రకారం డబుల్స్‌లో నిర్ణాయక మూడో సెట్‌ ఉండదు. విజేతను తేల్చేందుకు సూపర్‌ టైబ్రేక్‌ నిర్వహిస్తారు. ఇందులో 1–8తో దాదాపు ఓడే దశలో ఉన్నప్పటికీ సానియా–అంకిత జోడీ వరుసగా 7 పాయింట్లు నెగ్గి స్కోరును 8–8 వద్ద సమం చేసింది. కానీ ఆ వెంటనే వరుసగా 2 పాయింట్లు కోల్పోవడంతో ఓటమి తప్పలేదు.

టోక్యో: ఒలింపిక్స్‌ పతకాల వేటలో ఈసారి భారత టెన్నిస్‌ క్రీడాకారులకు ఆరంభం నుంచే కఠిన సవాల్‌ ఎదురుకానుంది. మహిళల డబుల్స్‌లో సానియా మీర్జా–అంకిత రైనా జంట తొలి రౌండ్‌లో నదియా–లైద్మిలా కిచెనోక్‌ (ఉక్రెయిన్‌) జంటతో తలపడనుంది. ఒకవేళ తొలి రౌండ్‌ అడ్డంకిని సానియా ద్వయం అధిగమిస్తే రెండో రౌండ్‌లో ఎలీనా వెస్నినా–వెరోనికా కుదెర్మెతోవా (రష్యా ఒలింపిక్‌ కమిటీ) జోడీతో ఆడే అవకాశముంది. వెస్నినా 2016 రియో ఒలింపిక్స్‌లో మకరోవా జోడీగా మహిళల డబుల్స్‌లో స్వర్ణం సాధించింది. మరోవైపు పురుషుల సింగిల్స్‌లో భారత ప్లేయర్‌ సుమిత్‌ నగాల్‌ తొలి రౌండ్లో ఇస్టోమిన్‌ (ఉజ్బెకిస్తాన్‌)తో ఆడతాడు. 

పారిస్‌: ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ క్వాలిఫయింగ్‌ టోర్నమెంట్‌లో భారత నంబర్‌వన్‌ క్రీడాకారిణి అంకిత రైనా రెండో రౌండ్‌లోకి ప్రవేశించింది. సోమవారం జరిగిన మహిళల సింగిల్స్‌ తొలి రౌండ్‌లో ప్రపంచ 182వ ర్యాంకర్‌ అంకిత 2 గంటల 9 నిమిషాల్లో 3–6, 6–1, 6–4తో ప్రపంచ 169వ ర్యాంకర్‌ అనస్తాసియా రొడియోనోవా (ఆస్ట్రేలియా)పై గెలిచింది. వర్షం పలుమార్లు అంతరాయం కలిగించిన ఈ మ్యాచ్‌లో అంకిత నెట్‌వద్దకు 27 సార్లు దూసుకొచ్చి 18 సార్లు పాయింట్లు సంపాదించింది. తన సర్వీస్‌ను ఐదుసార్లు కోల్పోయిన అంకిత ప్రత్యర్థి సర్వీస్‌ను ఏడుసార్లు బ్రేక్‌ చేసింది. రొడియోనోవా పది డబుల్‌ఫాల్ట్‌లతోపాటు 39 అనవసర తప్పిదాలు చేసింది. రెండో రౌండ్‌లో ప్రపంచ 125వ ర్యాంకర్‌ గ్రీట్‌ మినెన్‌ (బెల్జియం)తో అంకిత ఆడుతుంది. చదవండి: Telangana Boxer: క్వార్టర్‌ ఫైనల్లో హసాముద్దీన్‌

ఫ్రెంచ్‌ ఓపెన్‌ గ్రాండ్‌స్లామ్‌ టెన్నిస్‌ క్వాలిఫయింగ్‌ టోర్నీ పురుషుల సింగిల్స్‌ తొలి రౌండ్‌లో భారత నంబర్‌వన్‌ సుమిత్‌ నగాల్‌ 191వ ర్యాంకర్‌ మార్కోరా (ఇటలీ)తో ఆడనున్నాడు. నేడు మొదలయ్యే ఈ టోర్నీలో భారత్‌కే చెందిన ప్రజ్నేశ్‌ గుణేశ్వరన్‌ 152వ ర్యాంకర్‌ ఆస్కార్‌ ఒట్టె (జర్మనీ)తో... రామ్‌కుమార్‌ 168వ ర్యాంకర్‌ మైకేల్‌ మోమో (అమెరికా)తో తలపడతారు. మహిళల క్వాలిఫయింగ్‌ సింగిల్స్‌ తొలి రౌండ్‌లో అరీనా రొడియోనోవా (ఆస్ట్రేలియా)తో అంకిత రైనా ఆడుతుంది. చదవండి: Asian Boxing Championship: భారత్‌కు 7 పతకాలు ఖాయం Monaco Grand Prix: విజేత వెర్‌స్టాపెన్‌

పారిస్‌: గ్రాండ్‌స్లామ్‌ టెన్నిస్‌ టోర్నీ మెయిన్‌ డ్రాలో ఆడాలనుకున్న భారత మహిళల నంబర్‌వన్‌ క్రీడాకారిణి అంకిత రైనా నిరీక్షణ మరింత కాలం కొనసాగనుంది. ఫ్రెంచ్‌ ఓపెన్‌ గ్రాండ్‌స్లామ్‌ క్వాలిఫయింగ్‌ టోర్నీలో 27 ఏళ్ల అంకితకు మరోసారి నిరాశే ఎదురైంది. గురువారం జరిగిన మహిళల సింగిల్స్‌ రెండో రౌండ్‌లో ప్రపంచ 176వ ర్యాంకర్‌ అంకిత 3–6, 2–6తో 22వ సీడ్‌ కురిమి నారా (జపాన్‌) చేతిలో వరుస సెట్లలో ఓటమి పాలైంది. గంటా 21 నిమిషాల పాటు ఈ మ్యాచ్‌ జరిగింది. ‘మ్యాచ్‌లో మరీ చెత్తగా ఆడలేదు. నా ప్రత్యర్థి గొప్పగా ఆడి నా సర్వీస్‌ గేమ్‌ల్ని దక్కించుకుంది. అవి గెలిచుంటే ఫలితం మరోలా ఉండేది. అక్కడ గాలి కూడా ప్రభావం చూపింది’ అని మ్యాచ్‌ అనంతరం అంకిత వ్యాఖ్యానించింది. అంకిత ఓటమితో ఫ్రెంచ్‌ ఓపెన్‌ సింగిల్స్‌ కేటగిరీలో భారత ప్రాతినిధ్యం లేనట్లయింది. ఇప్పటికే పురుషుల సింగిల్స్‌ విభాగంలో సుమీత్‌ నాగల్, రామ్‌కుమార్‌ రామనాథన్, ప్రజ్నేశ్‌ గుణేశ్వరన్‌ క్వాలిఫయర్స్‌లోనే ఓటమి పాలయ్యారు.

న్యూఢిల్లీ: భారత అగ్రశ్రేణి టెన్నిస్‌ క్రీడాకారులు అంకితా రైనా, దివిజ్‌ శరణ్‌ కేంద్ర ప్రభుత్వ పురస్కారం ‘అర్జున’ అవార్డు బరిలో నిలవనున్నారు. 2018 ఆసియా క్రీడల పతక విజేతలైన వీరిద్దరి పేర్లను అర్జున అవార్డు కోసం అఖిల భారత టెన్నిస్‌ సంఘం (ఏఐటీఏ–ఐటా) సిఫారసు చేయనుంది. వీరిద్దరితో పాటు భారత డేవిస్‌ కప్‌ మాజీ కోచ్‌ నందన్‌ బాల్‌ పేరును ధ్యాన్‌చంద్‌ అవార్డు కోసం ‘ఐటా’ నామినేట్‌ చేయనున్నట్లు సమాచారం. 

దుబాయ్‌: టెన్నిస్‌ అభిమానులకు భారత మహిళల జట్టు తీపి కబురు అందించింది. ఫెడ్‌ కప్‌ మహిళల టీమ్‌ టెన్నిస్‌ టోర్నమెంట్‌లో తొలిసారి భారత జట్టు వరల్డ్‌ గ్రూప్‌ ప్లే ఆఫ్‌ దశకు అర్హత సాధించింది. శనివారం ముగిసిన ఆసియా ఓసియానియా గ్రూప్‌–1 టోర్నీలో భారత జట్టు రెండో స్థానంలో నిలిచి ఈ ఘనత సాధించింది. చైనా టాప్‌ ర్యాంక్‌లో నిలిచి భారత్‌తో కలిసి ప్లే ఆఫ్‌ దశకు బెర్త్‌ దక్కించుకుంది. శనివారం ఇండోనేసియాతో జరిగిన మ్యాచ్‌లో భారత్‌ 2–1తో గెలిచింది. తొలి మ్యాచ్‌లో రుతుజా 3–6, 6–0, 3–6తో ప్రిస్కా చేతిలో ఓడిపోయింది. రెండో మ్యాచ్‌లో అంకిత రైనా 6–3, 6–3తో అల్దీలా సుత్‌జియాదిపై నెగ్గి స్కోరును 1–1తో సమం చేసింది. నిర్ణాయక డబుల్స్‌ మ్యాచ్‌లో సానియా మీర్జా–అంకిత రైనా ద్వయం 7–6 (7/4), 6–0తో సుత్‌జియాది–నుగ్రోహో జంటను ఓడించి భారత్‌ విజయాన్ని ఖాయం చేసింది. ఆరు జట్లు రౌండ్‌ రాబిన్‌ లీగ్‌ పద్ధతిలో తలపడిన ఈ టోర్నీలో సానియా, రుతుజా, అంకిత, రియా భాటియా, సౌజన్య భవిశెట్టిలతో కూడిన భారత జట్టు నాలుగు మ్యాచ్‌ల్లో గెలిచింది. ఏప్రిల్‌లో జరిగే ప్లే ఆఫ్‌లో లాత్వియా లేదా నెదర్లాండ్స్‌ జట్టుతో భారత్‌ ఆడుతుంది.   

పారిస్‌: ఫ్రెంచ్‌ ఓపెన్‌ గ్రాండ్‌స్లామ్‌ క్వాలిఫయింగ్‌ టోర్నమెంట్‌లో భారత నంబర్‌వన్‌ అంకిత రైనా తొలి రౌండ్‌లోనే నిష్క్రమించింది. మంగళవారం జరిగిన మొదటి రౌండ్‌ మ్యాచ్‌లో 26 ఏళ్ల అంకిత 4–6, 4–6తో అమెరికాకు చెందిన 15 ఏళ్ల అమ్మాయి, ప్రపంచ 320వ ర్యాంకర్‌ కోరి గౌఫ్‌ చేతిలో ఓడిపోయింది. 84 నిమిషాలపాటు జరిగిన ఈ మ్యాచ్‌లో ప్రపంచ 172వ ర్యాంకర్‌ అంకిత ఏకంగా 36 అనవసర తప్పిదాలు చేసింది.  

న్యూఢిల్లీ: కున్‌మింగ్‌ ఓపెన్‌ డబ్ల్యూటీఏ టెన్నిస్‌ టోర్నమెంట్‌లో బుధవారం తొలి రౌండ్‌లో యూఎస్‌ ఓపెన్‌ మాజీ చాంపియన్‌ సమంత స్టోసుర్‌ (ఆస్ట్రేలియా)పై సంచలన విజయం నమోదు చేసిన భారత నంబర్‌వన్‌ అంకిత రైనా... గురువారం మాత్రం అనూహ్య పరాజయం చవిచూసింది. మహిళల సింగిల్స్‌ రెండో రౌండ్‌లో 178వ ర్యాంకర్‌ అంకిత 6–1, 6–7 (2/7), 6–7 (7/9)తో 209వ ర్యాంకర్‌ కై లిన్‌ జాంగ్‌ (చైనా) చేతిలో ఓడిపోయింది. 2 గంటల 55 నిమిషాలపాటు జరిగిన ఈ మ్యాచ్‌లో అంకిత నిర్ణాయక మూడో సెట్‌లో 5–1తో ఆధిక్యంలో నిలిచి విజయం అంచున నిలిచింది. అయితే కై లిన్‌ జాంగ్‌ పట్టువదలకుండా పోరాడింది. ఒత్తిడికి లోనైన అంకిత కీలకదశలో అనవసర తప్పిదాలు చేసి మూల్యం చెల్లించుకుంది. 

అస్తానా (కజకిస్తాన్‌): ఫెడ్‌ కప్‌ ఆసియా ఓసియానియా గ్రూప్‌ ‘ఎ’లో భారత మహిళల టెన్నిస్‌ జట్టు నాలుగో స్థానంతో సరిపెట్టుకుంది. 3–4 స్థానాల కోసం దక్షిణ కొరియాతో శనివారం జరిగిన ప్లే ఆఫ్‌ మ్యాచ్‌లో భారత్‌ 1–2తో ఓడిపోయింది. గాయం కారణంగా కర్మన్‌ కౌర్‌ ఈ పోటీలో ఆడలేదు. ఆమె స్థానంలో జాతీయ చాంపియన్‌ మహెక్‌ జైన్‌ను బరిలోకి దించారు. తొలి సింగిల్స్‌లో మహెక్‌ 2–6, 6–3, 1–6తో నా రి కిమ్‌ చేతిలో ఓటమి పాలైంది. రెండో సింగిల్స్‌లో భారత నంబర్‌వన్‌ అంకిత రైనా 6–3, 6–3తో సునమ్‌ జియోంగ్‌ను ఓడించి స్కోరును 1–1తో సమం చేసింది. నిర్ణాయక డబుల్స్‌ మ్యాచ్‌లో అంకిత రైనా–ప్రార్థన తొంబారే ద్వయం 4–6, 4–6తో సు జియోంగ్‌ జాంగ్‌–నా రి కిమ్‌ జంట చేతిలో పరాజయం పాలైంది. 

న్యూఢిల్లీ: భారత టెన్నిస్‌ క్రీడాకారిణి అంకిత రైనా 2019 సీజన్‌కు టైటిల్‌తో శుభారంభం పలికింది. సింగపూర్‌లో జరిగిన టోర్నమెంట్‌లో ఆమె సింగిల్స్‌లో విజేతగా నిలిచింది. ఆస్ట్రేలియన్‌ ఓపెన్‌ క్వాలిఫయర్స్‌లో వెనుదిరిగిన ఆమె... వెంటనే సింగపూర్‌ టోర్నీ బరిలోకి దిగింది. ఫైనల్లో అంకిత 6–3, 6–2తో ప్రపంచ 122 ర్యాంకర్, టాప్‌ సీడ్‌ అరంటా రుస్‌ (నెదర్లాండ్స్‌)ను కంగుతినిపించింది. ఈ టోర్నీలో భారత క్రీడాకారిణి నలుగురు సీడెడ్‌ ప్లేయర్లకు షాకిచ్చింది. రెండో రౌండ్లో ఎనిమిదో సీడ్‌ లెస్లీ కెర్కొవ్‌ (నెదర్లాండ్స్‌), ప్రిక్వార్టర్స్‌లో రెండో సీడ్‌ సబినా షరిపొవా (ఉజ్బెకిస్తాన్‌), క్వార్టర్స్‌లో మూడో సీడ్‌ కాని పెరిన్‌ (స్విట్జర్లాండ్‌)లను కంగుతినిపించింది. టైటిల్‌ విజయంతో 50 రేటింగ్‌ పాయింట్లు పొందిన 25 ఏళ్ల అంకిత సోమవారం విడుదల చేసే డబ్ల్యూటీఏ ర్యాంకింగ్స్‌లో 168వ స్థానానికి ఎగబాకనుంది.