లాస్‌ ఏంజిల్స్‌ : ప్రియాంక చోప్రా హాలీవుడ్‌లో నటించిన తొలి చిత్రం బేవాచ్‌ చెత్తసినిమాల జాబితాలో టాప్‌లో నిలిచింది. ప్రతి ఏడాది చెత్త సినిమాలకు ర్యాంకులనిచ్చే గోల్డెన్‌ రాస్‌బెర్రి 'వరస్ట్‌ ఫిల్మ్‌ ఆఫ్‌ ది ఇయర్' జాబితాలో 2017 ఏడాదికిగానూ బేవాచ్‌ ఎంపికైంది. చెత్త సినిమా, చెత్త స్క్రీన్‌ ప్లే, చెత్త రీమేక్‌, సీక్వెల్‌, చెత్త నటుడు కేటగిరీల్లో బేవాచ్‌ను ఎంపిక చేశారు.   ప్రియాంక చోప్రా, డ్వేన్ జాన్సన్ లు జంటగా తెరకెక్కిన బేవాచ్ గత ఏడాది మే లో రిలీజ్ అయ్యింది. అయితే బుల్లితెర మీద ఘనవిజయం సాధించిన ఈ స్టోరి వెండితెర మీద మాత్రం ఆ స్థాయిలో ఆకట్టుకోలేకపోయింది.  బేవాచ్‌ ఫ్లాప్‌ అయినా అందులో ప్రియాంక నటనకు మంచి మార్కులేపడ్డాయి. ఆ తర్వాత వచ్చిన క్వాంటికో సిరీస్‌లోనూ తన నటనతో ప్రియాంక అంతర్జాతీయ స్థాయిలో స్టార్ స్టేటస్ అందుకున్న విషయం తెలిసిందే.  చెత్త సినిమా విభాగంలో నామినీలు బేవాచ్‌ ది ఈమోజీ మూవీ ఫిఫ్టీ షేడ్స్‌ డార్కర్‌ ది మమ్మీ ట్రాన్స్‌ ఫార్మర్స్‌ : ది లాస్ట్‌ నైట్‌ చెత్త హీరోయిన్‌ విభాగంలో నామినీలు కేథరిన్‌ హిగ్‌(అన్‌ఫర్గటబుల్‌) డకోటా జాన్సన్‌(ఫిఫ్టీ షేడ్స్‌ డార్కర్‌) జెన్నీఫర్‌ లారెన్స్‌(మథర్‌) టైలర్‌ పెర్రీ(బూ 2 ఏ మాడీ హల్లోవీన్‌) చెత్త నటుల విభాగంలో నామినీలు టామ్‌ క్రూస్‌ (ది మమ్మీ) జాన్‌ డెప్‌ ( పైరెట్స్‌ ఆఫ్‌ ది కరేబియన్స్‌ : డెడ్‌ మెన్‌ టెల్‌ నో టేల్స్‌) జామీ డోర్నన్‌ (ఫిఫ్టీ షేడ్స్‌ డార్కర్) జాక్‌ ఎఫ్రాన్‌ (బేవాచ్‌) మార్క్‌ వేల్‌ బర్గ్‌( డాడీస్‌ హోమ్‌ 2, ట్రాన్స్‌ ఫార్మర్స్‌ : ది లాస్ట్‌ నైట్‌)

హాలీవుడ్ను దున్నేస్తున్న బాలీవుడ్ బ్యూటీ ప్రియాంక చోప్రా మరో రికార్డ్ సృష్టించారు. బేవాచ్ మూవీతో హాలీవుడ్ ఎంట్రీ ఇచ్చిన ఈ బ్యూటి మూవీతో పాటు క్వాంటికో సిరీస్‌తో అంతర్జాతీయ స్థాయిలో స్టార్ స్టేటస్ అందుకున్నారు. ఎక్కువగా హాలీవుడ్ మీదే కాన్సన్ ట్రేట్ చేస్తున్న ప్రియాంక ఎక్కవుగా అక్కడే సమయం గడుపుతున్నారు. అయితే  బేవాచ్ సినిమా రిజల్ట్ పరంగా నిరాశపరిచినా.. తాజాగా ఈ సినిమా ఖాతాలో ఓ రికార్డ్ చేరింది. ప్రియాంక చోప్రా, డ్వేన్ జాన్సన్ లు జంటగా తెరకెక్కిన బేవాచ్ ఈ ఏడాది మే లో రిలీజ్ అయ్యింది. అయితే బుల్లితెర మీద ఘనవిజయం సాధించిన ఈ స్టోరి వెండితెర మీద మాత్రం ఆ స్థాయిలో ఆకట్టుకోలేకపోయింది. తాజాగా 2017 ఇప్పటి వరకు అతి ఎక్కువగా డౌన్ లోడ్ చేసుకున్న చిత్రాల్లో గత నెలలో బేవాచ్ తొలి స్థానంలో నిలిచింది. దీంతో వెండితెర మీద ఆకట్టుకోలేకపోయినా.. హోం థియేటర్లలో సత్తాచాటిన సినిమాగా రికార్డ్ సృష్టించింది బేవాచ్. ఈ సినిమా తరువాతి స్థానాల్లో గార్డియన్స్ ఆఫ్ ది గెలాక్సీ 2, మమ్మీ 2017 చిత్రాలు నిలిచాయి.


 హాలీవుడ్ను దున్నేస్తున్న బాలీవుడ్ బ్యూటీ ప్రియాంక చోప్రా మరో రికార్డ్ సృష్టించింది. బేవాచ్ మూవీతో హాలీవుడ్ ఎంట్రీ ఇచ్చిన ఈ బ్యూటి  బేవాచ్ మూవీతో పాటు క్వాంటికో సిరీస్‌తో అంతర్జాతీయ స్థాయిలో గుర్తింపు తెచ్చుకుంది. అంతేకాదు  సోషల్ మీడియాలోనూ మోస్ట్ పాపులర్ నటిగా నిలిచింది. ప్రియాంక తన బేవాచ్ కోస్టార్ డ్వేన్ జాన్సన్ తో పాటు వండర్ వుమెన్ స్టార్ గాల్ గాడెట్‌ను వెనక్కి నెట్టి ఫస్ట్ ప్లేస్‌లో నిలిచింది.
 
 సోషల్ మీడియా ఎనలిటిక్స్ సంస్థ ఎంవీ పిండిక్స్ తాజాగా ఫేస్‌బుక్, ఇన్‌స్ట్రాగ్రామ్, ట్విట్టర్, యూట్యూబ్, గూగుల్స్ ప్లస్ లాంటి సోషల్ మీడియా అకౌంట్లలో మోస్ట్ పాపులర్ ర్యాంకింగ్ నటీనటుల లిస్ట్‌ను విడుదల చేసింది. ఈ లిస్ట్‌లో ఫస్ట్ ప్లేస్‌లో ప్రియాంక చోప్రా, డ్వేన్ జాన్సన్ సెకండ్ ప్లేస్, యాక్టర్, కమెడియన్ కెవిన్ హర్ట్ థర్డ్ ప్లేస్‌లో నిలిచారు. వండర్ వుమెన్ స్టార్ గాల్ గాఢట్ నాలుగో స్థానంలో, కారా డెలివింగ్నే ఐదో ర్యాంక్ తో సరిపెట్టుకున్నారు. వీరి తరువాత స్థానాల్లో విన్ డీజిల్, జెన్నిఫర్ లోపేజ్ ఉన్నారు.


 బాలీవుడ్ నటి ప్రియాంకా చోప్రాకు అరుదైన గౌరవం దక్కుతోంది. హాలీవుడ్‌లో కూడా అడుగుపెట్టి అక్కడ క్వాంటికో సిరీస్ చేయడంతో పాటు బేవాచ్ సినిమా కూడా చేసిన ఆమెకు దాదాసాహెబ్ ఫాల్కే అకాడమీ అవార్డును త్వరలో ఇవ్వనున్నారు. 'అంతర్జాతీయంగా గుర్తింపు పొందిన నటి' విభాగంలో ఆమెకు ఈ అవార్డు ఇవ్వాలని జ్యూరీ నిర్ణయించింది. ఈ విభాగాన్ని ఈ సారే కొత్తగా ప్రవేశపెడుతున్నారు. గతంలో స్పోర్ట్స్ డ్రామా 'మేరీకోమ్' బయోపిక్‌లో నటించి విమర్శకుల ప్రశంసలు అందుకున్న ప్రియాంక.. అంతర్జాతీయంగా కూడా తన నటనకు మంచి మార్కులే కొట్టేసింది. ఇప్పుడు ఈ అవార్డు పొందుతున్న మొదటి మహిళగా ప్రియాంక నిలవబోతోంది. అయితే ఈ విషయాన్ని ఇంకా ఆమె స్వయంగా నిర్ధారించాల్సి ఉంది. ట్విట్టర్‌లో కూడా ప్రియాంక దీని గురించి ఏమీ వ్యాఖ్యానించలేదు. జూన్ ఒకటో తేదీన ఈ అవార్డు బహూకరణ కార్యక్రమం జరగనుంది.
 
 అంతేకాదు.. ప్రియాంక తల్లి మధు చోప్రాకు కూడా ఒక అవార్డు రాబోతోంది. తొలిసారి ఆమె నిర్మాతగా వ్యవహరించి తీసిన 'వెంటిలేటర్' సినిమాకు గాను ఉత్తమ తొలి చిత్రం అవార్డుకు ఆమె ఎంపికయ్యారు.
 
 హీరో సిద్దార్థ మండిపాటు
 అయితే ఈ అవార్డు విషయంలో ఒక వర్గం జాతీయ మీడియా వ్యవహరించిన తీరుపై హీరో సిద్దార్థ తీవ్రంగా మండిపడ్డాడు. శీర్షికలో 'అకాడమీ' అనే పేరును తీసేసి కేవలం దాదాసాహెబ్ ఫాల్కే అని మాత్రమే పెట్టడం పట్ల అతడు తీవ్ర అసంతృప్తి వ్యక్తం చేశాడు. ఇది చాలా బాధ్యతారహితమైన జర్నలిజం అన్నాడు.
  
 
 The word academy has been swallowed in the headline. Click bait. Irresponsible journalism. pic.twitter.com/gb46N93GJn
 
 — Siddharth (@Actor_Siddharth) 29 May 2017
 
  
  


 ప్రియాంకా చోప్రా పద్ధతి చూస్తుంటే భలే ముచ్చటేస్తోంది. ఎంత ఇంగ్లీష్‌ సినిమా చేసినా... అక్కడి ప్రేక్షకుల కోసం రెండు పీలికల దుస్తులు (బికినీలు) వేసినా... భారతీయులకు ఓ సందేశం ఇచ్చారు. నా సినిమాకు మీ పిల్లల్ని తీసుకురావద్దని పెద్దలకు భలే పద్ధతిగా చెప్పారామె. ప్రియాంక నటించిన ఫస్ట్‌ హాలీవుడ్‌ మూవీ ‘బేవాచ్‌’ జూన్‌ 2న విడుదలవుతోంది. అమెరికన్‌ ‘బేవాచ్‌’ టీవీ సిరీస్‌ను ఫాలో అయినవాళ్లకు అందులో నటించిన భామలు దాదాపు బికినీల్లో దర్శనిమిచ్చిన విషయం తెలుసు. ఒక్క లైన్‌లో చెప్పాలంటే, ‘బేవాచ్‌’ అంటే బికినీ బ్యూటీలకు ఫేమస్‌.
 
  ఆ సిరీస్‌కు కొన్ని మార్పులు చేసి, ‘బేవాచ్‌’ సినిమా తీశారు. ‘క్వాంటికో’ టీవీ సిరీస్‌లో హాట్‌ హాట్‌గా కనిపించిన ప్రియాంక, ఈ సినిమాలోనూ అదే స్థాయిలో నటించారు. అందుకేనేమో... ‘ఈ సినిమాకు మీ పిల్లల్ని తీసుకు వెళ్లకండి’ అనే స్టేట్మెంట్‌ ఇచ్చినట్టున్నారు. ఇందులో ప్రియాంక విలన్‌గా చేశారు.
 
  హాట్‌ విలన్‌ వేషాలు చూసి, పిల్లలు ఎక్కడ పాడవుతారోనని వాళ్లకు సినిమా చూపించొద్దని భలే పద్ధతిగా చెప్పారు కదా! ప్రస్తుతం ఈ సినిమా ప్రచారం కోసం అమెరికాలో ఉన్న ప్రియాంక విపరీతంగా అందాలను ఒలకబోస్తున్నారు. ఫ్లోరిడాలోని మియామీ బీచ్‌లో బికినీల్లో ప్రియాంక చేసిన సందడి, స్టిల్స్‌ ఇప్పుడు ఇంటర్నెట్‌లో హాట్‌ టాపిక్‌!!


 లక్‌ బలంగా ప్రియాంకా చోప్రా డోర్‌ తట్టినట్లుంది. ఒకదాని తర్వాత ఒకటి హాలీవుడ్‌ అవకాశాలు వెతుక్కుంటూ వస్తున్నాయి. ముందు అమెరికన్‌ టీవీ సిరీస్‌ ‘క్వాంటికో’లో ఛాన్స్‌. అది చేస్తున్నప్పుడు హాలీవుడ్‌ చిత్రం ‘బేవాచ్‌’కి ఛాన్స్‌ వచ్చింది. ఈ చిత్రం విడుదలకు సిద్ధమైంది. దాంతో ఇక ప్రియాంక హిందీ సినిమాలపై దృష్టి పెట్టక తప్పదని కొందరు భావించారు.
 కానీ, ఆ ఛాన్సే లేదని తెలుస్తోంది. ఎందుకంటే ఈ బ్యూటీ మరో హాలీవుడ్‌ చిత్రంలో నటించే అవకాశం కొట్టేశారు. చిత్రనిర్మాత పాల్‌ బెర్నన్‌ ఈ విషయాన్ని «ధృవీకరించారు. ఇందులో ప్రియాంక ఒంటరి తల్లి పాత్రలో కనిపిస్తారు. పాపులర్‌ టెలివిజన్‌ సిరీస్‌ ‘ది బిగ్‌ బ్యాంగ్‌ థియరీ’లో నటించిన జిమ్‌ పార్సన్స్‌ ఇందులో హీరో. అతని సరసనే ప్రియాంక నటించనున్నారు.


 ముంబై: బాలీవుడ్ లో విజయాలతో హాలీవుడ్ బాటపట్టిన ముద్దుగుమ్మ ప్రియాంక చోప్రా. క్వాంటికో అమెరికన్ టీవీ షోలతో అక్కడ కూడా ఎంతో పేరు తెచ్చుకుంది. ప్రస్తుతం బేవాచ్ అనే మూవీతో హాలీవుడ్ లో అరంగేట్రం చేసేందుకు సిద్ధంగా ఉంది ప్రియాంక. అయితే ప్రేక్షకుల అభిరుచిపై ఇటీవల ప్రియాంక మాట్లాడుతూ.. వారు తెరపై తమ నటనను మాత్రమే చూస్తారు, కానీ ఆన్ స్క్రీన్ వ్యక్తులతో అన్ని మూవీలలో అదే రిలేషన్ ను ఆశించనరని పేర్కొంది. రణవీర్, తాను మూడు మూవీలు చేసినా కేవలం ఆయా పాత్రల్లో మేము మెప్పించామా లేదా అన్నదే ప్రేక్షకులు గుర్తించారు.
 
 ’రణవీర్ సింగ్, నేను ఇప్పటికే మూడు సినిమాల్లో కలిసి నటించాం. గూండే మూవీలో నేను రణవీర్ గర్ల్ ఫ్రెండ్ పాత్రలో మెప్పించాను. ఆ తర్వాత ’దిల్ ధడ్ కనే దో’  మూవీలో అందర్నీ ఆశ్చర్యానికి గురిచేస్తూ ఆ హీరోకు సోదరిగా నటించాను. మేమిద్దం ముచ్చటగా మూడోసారి కలిసి నటించిన ప్రతిష్టాత్మక చిత్రం బాజీరావ్ మస్తానీ. దర్శకుడు సంజయ్ లీలా భన్సాలీ తెరకెక్కించిన ఈ మూవీలో రణవీర్, నేను భార్యాభర్తలుగా నటించాం. ప్రేక్షకులు నన్ను, రణవీర్ సోదరిగానూ, భార్యగానూ, గర్ల్ ఫ్రెండ్ పాత్రలోనూ ఆదరించారని అర్ధం చేసుకోవచ్చు’  నని మాజీ ప్రపంచ సుందరి ప్రియాంక చోప్రా చెప్పుకొచ్చింది. ప్రతి మూవీలో అదే పాత్రలు, రిలేషన్స్ చేయడం కుదరదని.. ప్రయోగాలు చేయడమూ ఆరోగ్యానికి మంచిదేనంటూ నవ్వేసింది ఈ బ్యూటీ.


 దేశీ తార ప్రియాంకా చోప్రా అమెరికాన్ టీవీ షో ‘క్వాంటికో’ ద్వారా విదేశాల్లో బాగా పాపులర్ అయిపోయారు. ప్రస్తుతం హాలీవుడ్ మూవీ ‘బేవాచ్’లో నటిస్తున్నారామె. ఈ షూటింగ్ కోసం అమెరికాలో ఎక్కువగా ఉంటున్నారు ప్రియాంక. అక్కడి టాక్ షోస్‌లో కూడా పాల్గొంటున్నారు. ఎలెన్ డిజినిరస్ నిర్వహించిన ఓ టాక్ షోలోనూ, చెల్‌సీ హ్యాండలర్స్ నిర్వహించిన మరో టాక్ షోలోనూ పాల్గొన్నారు. ఎలన్ నిర్వహించిన షోలో ప్రియాంక మాటలు చాలామందిని ఆగ్రహానికి గురి చేశాయి. చెల్‌సీ షోలో మాట్లాడిన మాటలు అభినందనలు తెచ్చిపెట్టాయి. ఆ విధంగా ఒక షో గుడ్.. మరో షో బ్యాడ్ నేమ్ తెచ్చింది.
 
 షో ఆరంభంలో ఎలెన్ డిజినిరస్ కూల్‌గా ప్రియాంకకు ‘టకీలా’ (మద్యపానం) ఆఫర్ చేసి, ‘మా అమెరికన్లు ఎక్కువ తాగుతారు’ అన్నారు. ప్రియాంక టకీలా లాగించి, ‘మా ఇండియన్స్ కూడా చాలా తాగుతారు’ అన్నారు. దేశం కాని దేశంలో ఇండియా గురించి ప్రియాంక అలా కామెంట్ చేయడం చాలామందిని ఆగ్రహానికి గురి చేసింది. ఈ షోలో ప్రియాంక ఓవర్ యాక్షన్ చేశారనీ, అదంతా టకీలా ప్రభావమేనని ఆమెను నిందిస్తున్నారు. ఇక.. చెల్‌సీ హ్యాండలర్స్ షోలో ప్రియాంక మాట్లాడిన మాటలు బ్రహ్మాండం అంటున్నారు. ‘వీకెండ్స్‌లో మీరెక్కువగా ఇండియాలో షూటింగ్ చేయడానికి కారణం?’ అని చెల్‌సీ అడిగితే - ‘‘వాస్తవానికి అమెరికా వచ్చి నేను చెడిపోయా. మీకులా మాకు వీకెండ్స్ ఉండవు. ఏడు రోజులూ పని చేస్తాం. కానీ, అమెరికాలో వారంలో రెండు రోజులు సెలవు ఇస్తున్నారు. నేనైతే మొదట్లో ఆశ్చర్యపోయా.
 
 ఆ రెండు రోజులూ వేస్ట్ చేయడకుండా ఇండియా వెళ్లి, షూటింగ్ చేస్తున్నా’’ అన్నారు ప్రియాంక. అమెరికా రాకముందే మీకు ఇంగ్లిష్ వచ్చా? అని చెల్‌సీ అడిగితే - ‘‘బాగా వచ్చు. నా ఫస్ట్ లాంగ్వేజ్ హిందీ, ఇంగ్లిష్. మీకో విషయం చెప్పనా? మా ఇండియన్ జనాభా సంఖ్య దాదాపు 130 కోట్లు. సుమారు పది శాతం మంది ఇంగ్లిష్ మాట్లాడతారు. ఆంగ్ల మాతృభాష కాని మిగతా దేశాలతో పోల్చితే మా దేశంలోనే ఎక్కువగా ఇంగ్లిష్ మాట్లాడుతున్నాం. మీరు ఇండియా వస్తే.. ఇంగ్లిష్ మాట్లాడేవాళ్లతో ఎన్‌కౌంటర్ చేయొచ్చు’’ అన్నారు. ఈ షోలో ప్రియాంక చెప్పిన సమాధానాలు చాలా బాగున్నాయి. మంచితో పాటు చెడు.. చెడుతో పాటు మంచి ఉంటుందంటారు. అలా.. ఒక షోతో మంచి.. మరో షోతో ప్రియాంక చెడు అనిపించుకున్నారు.


 చెడ్డ పనులు చేసినా.. చెడుమార్గం పట్టిన వారిని చూసినా సమాజం అంతంగా హర్షించదు. వారి మీద విలన్ ముద్ర వేస్తుంది. అలా చెడుపనులు చేస్తూ విలన్ ముద్ర వేయించుకోవడం తనకు వ్యసనం లాంటిదని దేశీగర్ల్ ప్రియాంక చోప్రా చెబుతోంది. అమెరికన్ టీవీ షో 'క్వాంటికో'లో నటించి ప్రపంచం దృష్టిని ఆకర్షించిన ఈ ముద్దుగుమ్మ ప్రస్తుతం హాలీవుడ్ మూవీ 'బేవాచ్'లో విలన్ పాత్ర పోషిస్తోంది. ఇలా విలన్ పాత్ర పోషించడంపై స్పందిస్తూ.. 'చెడ్డపనులు చేయడం నాకు వ్యసనం లాంటిది. నిజానికి అలాంటి వాటిని నిజజీవితంలో చేయలేం. కాబట్టి తెరపై చెడ్డపాత్రలో కనిపించడం నాకు ఇష్టమే' అంటోంది.
 
 90వ దశకంలో పాపులర్ అయిన టీవీ సిరీస్ 'బేవాచ్' ఆధారంగా తెరకెక్కుతున్న ఈ సినిమాలో.. విక్టోరియా లీడ్స్‌ పాత్ర ప్రియాంక పోషించింది. తాజాగా కెనడియన్ ఫ్యాషన్ మ్యాగజీన్‌కు ఇంటర్వ్యూ ఇచ్చిన ఆమె.. ఈ పాత్ర గురించి వివరిస్తూ హీరో ద్వేన్ జాన్సన్ పాత్ర మంచితనానికి ప్రతిరూపంగా ఉంటే.. విక్టోరియా పాత్ర మాత్రం కుళ్లుతో నిండి ఉంటుందని, ఎప్పుడూ చెడు తలపెడుతుందని, ఈ సినిమాలో నెగిటివ్ పాత్ర పోషించడం తన జీవితంలో బెస్ట్ థింగ్ అని పేర్కొంది.


 బాలీవుడ్ బ్యూటీ ప్రియాంక చోప్రా తాజాగా మ్యాగ్జిమ్ కవర్ పేజీపై బోల్డ్ పోజిచ్చింది. గురువారం జరిగిన ఈ కవర్ పేజీ ఆవిష్కరణ కార్యక్రమానికి హాజరైన ప్రియాంక తన స్టన్నింగ్ లుక్ తో అదరగొట్టింది. మోనిషా జైసింగ్ రూపొందించిన నేవి బ్లూ గౌన్ లో ఈ వేడుకకు వచ్చిన ఆమె ఈ సందర్భంగా తన హాలీవుడ్ తొలి చిత్రం  'బేవాచ్' గురించి ముచ్చటించింది.
 
 'బాజీరావు మస్తానీ'లో తన సహనటి అయిన దీపికా పదుకొణేతో తన 'ఈక్వెషన్స్' బాగానే ఉన్నాయని, తాము ఇప్పటికీ మంచి స్నేహితులమేనని ప్రియాంక చెప్పింది. అయితే హలీవుడ్ లో తనకన్నా దీపికకు మంచి ఆఫర్లు వస్తుండటంపై మాత్రం స్పందించడానికి నిరాకరించింది. ఒకరికి వస్తున్న ఆఫర్ల గురించి నేనెందుకు స్పందించాలి? ఆ అవసరం నాకు లేదంటూ ప్రియాంక తోసిపుచ్చింది. కాగా, మాగ్జిమ్ కవర్ పై ప్రియాంక బోల్డ్ పోజు టాక్ ఆఫ్ ది టౌన్ గా మారింది.
  


 సొంత ఇంట్లో లైట్ స్విచ్‌లు, ఫ్యాన్ స్విచ్‌లు వెతుక్కోవడం, వంట గదిలో పంచదార, ఉప్పు ఎక్కడున్నాయో వెతుక్కోవడం అంటే.. ఆ ఇంటి యజమానిలా కాదు.. గెస్ట్‌లా ఉన్నట్లే. ప్రస్తుతం ప్రియాంకా చోప్రా పరిస్థితి అదే. అమెరికన్ టీవీ సిరీస్ ‘క్వాంటికో’, హాలీవుడ్ చిత్రం ‘బేవాచ్’ షూటింగ్స్‌లో భాగంగా ఈ మధ్య ఆమె ఎక్కువగా అమెరికాలోనే ఉన్నారు. ‘బేవాచ్’ షూటింగ్ ముగిసింది. ‘క్వాంటికో’ రెండో సీజన్ చిత్రీకరణ ఆరంభం కావడానికి ఇంకాస్త టైమ్ పడుతుంది. అందుకని అమెరికా నుంచి ముంబయ్ వచ్చేశారామె. వచ్చీ రావడంతోనే తాను ఈ మధ్య కొత్తగా కట్టుకున్న ఇంటిని మురిపెంగా చూసుకున్నారట.
 
 ‘‘ఇలా గృహప్రవేశం అయ్యానో లేదో అలా షూటింగ్స్ కోసం విదేశాలు వెళ్లిపోయాను. దాంతో కొత్తింట్లో ఎక్కువ రోజులు ఉండలేదు. అందుకని నా ఇల్లు నాకే కొత్తగా అనిపిస్తోంది. కానీ, ఎంతైనా సొంత గూటిలో ఉంటే ఆ కంఫర్టే వేరబ్బా’’ అని పేర్కొన్నారు. గతేడాది విడుదలైన ‘బాజీరావ్ మస్తానీ’ తర్వాత ప్రియాంక వేరే హిందీ చిత్రాలు ఒప్పుకోలేదు. ఇప్పుడు విదేశీ కమిట్‌మెంట్స్ లేవు కాబట్టి, హిందీ చిత్రాలు సైన్ చేయాలనుకుంటున్నారట. ముంబయ్ వచ్చీ రాగానే తనకోసం ఎదురు చూస్తున్న దర్శకులకు, రచయితలకు కథలు చెప్పడానికి అపాయింట్‌మెంట్ ఇచ్చేశారట.


 హాలీవుడ్ ప్రాజెక్ట్‌లతో బిజీగా ఉన్న బాలీవుడ్ కథానాయిక ప్రియాంకా చోప్రా ఇండియాకు వస్తున్నారు. ఏకంగా 40 రోజుల పాటు ఆమె బస ఇక్కడే. అదేంటి ఇంత బిజీలో కూడా ఆమె ఎందుకోసం వస్తున్నారు? సినిమా షూటింగ్ కోసమా? ఏ సినిమాలో నటిస్తున్నారనేదేగా మీ ప్రశ్న. ఆమె వస్తోంది సినిమా కోసం కాదు. తమ బ్రాండ్స్‌కు ప్రచారకర్తగా వ్యవహరించాల్సిందిగా 24 బహుళజాతి సంస్థలు ప్రియాంకా చోప్రాతో ఒప్పందం కుదుర్చుకున్నాయి. ఈ ఒప్పందాల విలువ ఏకంగా రూ. 100 కోట్లట. వీటికి సంబంధించిన షూటింగ్స్, ఫొటోషూట్స్ ఇండియాలోనే జరగనున్నాయి.
 అందుకే ప్రియాంక పెట్టె బేడా సర్దుకొని ఇండియా రానున్నారు. ప్రస్తుతం ‘బేవాచ్’ టీవీ సిరీస్‌కు తెర రూపంగా వస్తున్న చిత్రంలో ఆమె విలన్‌గా నటిస్తున్న సంగతి తెలిసిందే. వరుసగా అక్కడి షూటింగ్స్‌తో బిజీగా ఉన్న ప్రియాంక లాస్ ఏంజిల్స్‌లో ఇల్లు వెతుక్కొనే పనిలో పడ్డారు. అన్నట్లు ఆ మధ్య ఆమె ఇండియాకు వచ్చినప్పుడు దర్శకుడు సంజయ్‌లీలా భన్సాలీ కథ వినిపించారనీ, ఆమె గ్రీన్ సిగ్నల్ ఇచ్చారనీ వార్తలొచ్చాయి. మరి ఆమె ఇండియాకొచ్చినప్పుడు ఇంకెన్ని కబుర్లు బయటకొస్తాయో!


 భారీ అంచనాల మధ్య హాలీవుడ్‌లో తన అదృష్టాన్ని పరీక్షించుకోవాలనుకుంటోంది ప్రియాంక చోప్రా. ఆమె మొదటి హాలీవుడ్‌ చిత్రం 'బేవాచ్‌'. డ్వాయ్నె జాన్సన్‌, జాక్‌ ఎఫ్రాన్‌ ప్రధాన పాత్రల్లో నటిస్తున్న ఈ సినిమా షూటింగ్ ముగిసింది. ఇటీవల ఫస్ట్ పోస్టర్‌ కూడా విడుదల చేశారు. కానీ ఈ పోస్టర్‌లో బాలీవుడ్ భామ ప్రియాంక లేకపోవడం ఆమె అభిమానుల్ని షాక్‌ గురిచేసింది.
 
 'బేవాచ్‌' సినిమాలో ప్రియాంక నెగిటివ్‌ పాత్రలో విలన్‌గా కనిపిస్తుండటంతో ఆమెను ఫస్ట్ పోస్టర్‌లో చూపించలేదనే టాక్ వినిపించింది. ఈ ఊహాగానాలకు తెరదించుతూ ఈ చిత్ర యూనిట్‌ ప్రియాంక అభిమానుల్ని ఆనందంలో ముంచే విషయాన్ని తెలిపింది. ప్రియాంక కోసమే ఒక సెపరేట్ పోస్టర్‌ను చిత్ర యూనిట్ విడుదల చేయనుందట. 'సినిమా ప్రమోషనల్‌ విషయంలో చిత్ర యూనిట్ ఒక ప్లాన్ ప్రకారం ముందుకువెళుతోంది. ప్రియాంకను యూనిట్‌ పెద్ద ఎత్తున లాంచ్ చేయాలని భావిస్తోంది. అందులోభాగంగా తదుపరి వచ్చే పోస్టర్‌లో ప్రియాంక మాత్రమే ఉంటుంది. ఆమె విలన్ పాత్ర పోషించడంతో ఆమెకు ప్రత్యేక గుర్తింపు దక్కేలా ఈ పోస్టర్‌ను ప్లాన్ చేశారు' అని 'బేవాచ్‌'  చిత్రయూనిట్‌కు చెందిన విశ్వసనీయ వర్గాలు తెలిపాయి.
  


 తన భర్త ఎంతగానో ఇష్టపడే హీరోను కలిపిస్తే.. ఏ భార్యకైనా సంతోషమే కదా. సల్మాన్ ఖాన్ ముద్దుల చెల్లెలు అర్పితా ఖాన్ శర్మ కూడా ఇప్పుడు అలాగే ఆనందపడుతోంది. తన భర్త ఆయుష్ శర్మను హాలీవుడ్ స్టార్ డ్వేన్ జాన్సన్‌తో కలిపించినందుకు ప్రియాంకాచోప్రాకు బోలెడంత థాంక్స్ చెబుతోంది. డ్వేన్ జాన్సన్ చాలా స్వీట్‌గా ఉన్నారని కూడా చెప్పింది.
 
 క్వాంటికో స్టార్‌ను చూడటం చాలా సంతోషంగా అనిపించిందని, త్వరలోనే ముంబైలో ప్రియాంకను కూడా కలుస్తామని అర్పిత ట్వీట్ చేసింది. అర్పిత దంపతులు ఇద్దరినీ న్యూయార్క్ నగరంలో చూడటం చాలా బాగుందని, ఓ వారం రోజుల్లో ముంబైలో కలుద్దామని ప్రియాంక ఆమెకు సమాధానం ఇచ్చింది. డ్వేన్ జాన్సన్ కూడా సమయం కేటాయించినందుకు థాంక్స్ చెప్పింది. 'బే వాచ్‌'లో జాన్సన్ సరసన ప్రియాంకా చోప్రా నటిస్తోంది. అందులో విక్టోరియా లీడ్స్ అనే నెగెటివ్ పాత్రను ఆమె పోషిస్తోంది.
  
 
 Thank you @TheRock for being so sweet , thank you @priyankachopra for making this possible


 బాలీవుడ్, హాలీవుడ్ అవకాశాలతో తీరికలేకుండా గడుపుతున్న హీరోయిన్ ప్రియాంక చోప్రా షూటింగ్లో గాయపడింది. హాలీవుడ్ చిత్రం బేవాచ్ షూటింగ్లో ప్రియాంకకు గాయాలయ్యాయి. అయితే ఆమెకు ప్రమాదం ఏమీలేదని, స్వల్ప గాయాలయినట్టు సమాచారం. చిన్న ఫస్ట్ ఎయిడ్ కిట్ను ప్రియాంక ఇన్స్టాగ్రామ్లో పోస్ట్ చేసింది. పనిచేసేటపుడు తగిలే గాయాలకు మందులు అంటూ కామెంట్ రాసింది.
 
 33 ఏళ్ళ ప్రియాంక బేవాచ్ సినిమాలో విక్టోరియా లీడ్స్ అనే విలన్ పాత్రలో నటిస్తోంది.  వచ్చే ఏడాది మే 19న ఈ సినిమా రిలీజ్ కానుంది. బేవాచ్ టీవీ సిరీస్‌లో నటించిన డేవిడ్ హ్యాజెల్‌హాఫ్, పామెలా ఆండర్సన్‌లు ఈ సినిమాలో నటిస్తున్నారు.
  


 అవకాశాలు రానంత వరకు రాలేదని బాధపడతాం! ఒక్కసారిగా అవకాశాలు వెల్లువెత్తితే, క్షణం తీరిక లేదని ఇబ్బంది పడతాం. ఇది మానవ నైజం. హాలీవుడ్ దాకా ఎదిగిన మన భారతీయ నటి ప్రియాంకా చోప్రా ఇప్పుడు అచ్చంగా అలాంటి ఇబ్బందిలోనే ఉంది. ‘బేవాచ్’ సినిమా షూటింగ్‌తో ప్రస్తుతం హాలీవుడ్‌లో బిజీగా ఉన్న ప్రియాంకకు ఇప్పుడు నిద్ర చాలడం లేదట! వరుసగా రాత్రి వేళ షూటింగ్‌లతో కంటి మీద కునుకు లేకుండా పోయిందని ఆమె వాపోయారు. ఆ మాటే ఆమె సోషల్ మీడియాలో పంచుకున్నారు.
 
 ‘క్వాంటికో’ టీవీ సిరీస్‌తో హాలీవుడ్‌లో అందరి దృష్టినీ ఆకర్షించిన 33 ఏళ్ళ ప్రియాంక ‘బేవాచ్’ సినిమాలో విక్టోరియా లీడ్స్ అనే విలన్ పాత్ర పోషిస్తున్నారు. గతంలో టీవీ సిరీస్‌గా ఫేమస్ అయిన ‘బేవాచ్’ ఇప్పుడిలా సినిమాగా రూపొంది, వచ్చే ఏడాది మే 19న రిలీజ్ కానుంది. ‘బేవాచ్’ టీవీ సిరీస్‌లో నటించిన డేవిడ్ హ్యాజెల్‌హాఫ్, పామెలా ఆండర్సన్‌లు కూడా ఈ సినిమాలో నటిస్తున్నారు. మొత్తానికి, ఒకపక్క బాలీవుడ్, మరోపక్క హాలీవుడ్ - రెండిటికీ సమన్యాయం చేయడానికి ప్రియాంకా చోప్రా తంటాలు పడడం అర్థం చేసుకోదగిందే. పేరు, డబ్బు రావాలంటే ఎవరైనా కష్టపడక తప్పదు కదూ!


 పాపం ప్రియాంకా చోప్రా న్యూయార్క్‌లో రోడ్లు మీద కాళ్లు కందేలా, చెప్పులు అరిగేలా  తిరుగుతున్నారట. ఉన్న చెప్పులు అరిగిపోవడంతో రెండు జతల చెప్పులు కూడా కొనుక్కోవాల్సి వచ్చిందట. ఇంతకీ ఈ బ్యూటీకి అంత కష్టం ఏమొచ్చింది? మరేం లేదు.. న్యూయార్క్‌లో ఇల్లు కొనుక్కోవాలనుకుంటున్నారట. అందుకే ఇళ్ల వేటలో బిజీగా ఉన్నారు. అక్కడ ఎందుకు ఇల్లు కొనుక్కోవాలనుకుంటున్నారంటే..అమెరికన్ టీవీ సిరీస్ ‘క్వాంటికో’తో పాటు ‘బేవాచ్’ అనే హాలీవుడ్  చిత్రంలో ప్రియాంక నటిస్తున్నారు.
 
 ఈ షూటింగ్స్ నిమిత్తం న్యూయార్క్ వెళ్లినప్పుడల్లా హోటల్‌లో బస చేయాల్సి వస్తోందట. ఖర్చు నిర్మాతదే అయినా.. సేఫ్టీ మాటేంటి? రహస్య కెమెరాలున్నాయేమో అన్నది ఆమె భయం. అందుకే ఇల్లు కొనుక్కుంటే బాగుంటుందని అనుకున్నారట. మరి.. ఇల్లు దొరికేదెప్పుడో? ప్రియాంక ఓ ఇంటిది అయ్యేదెప్పుడో?


 న్యూయార్క్: ప్రముఖ బాలీవుడ్ నటి ప్రియాంక చోప్రాకు మరో అరుదైన గౌరవం దక్కింది. ఆమెకు వైట్ హౌస్ నుంచి డిన్నర్కు ఆహ్వానం అందింది. ప్రతి ఏటా ఒక సాధారణ డిన్నర్ కార్యక్రమాన్ని నిర్వహించడం అమెరికా శ్వేతభవనం పాటిస్తున్న ఆనవాయితీ. ది నాన్ ఫ్రాఫిట్ వైట్ హౌజ్ కరస్పాండెంట్ అసోసియేషన్ ప్రతి ఏటా ఒక డిన్నర్ నిర్వహిస్తుంటుంది. ఈ అసోసియేషన్ లో రిపోర్టర్లు, నిర్మాతలు, కెమెరా ఆపరేటర్లు, జర్నలిస్టులు ఉంటారు.
 
 జర్నలిజంలో స్కాలర్ షిప్పులు అందజేసేందుకు కావాల్సిన డబ్బుకోసం వైట్ హౌజ్ తరపున ఈ డిన్నర్కు ఆహ్వానిస్తుంటారు. అందులో భాగంగానే ఇప్పటికే క్వాంటికో అనే టీవీ కార్యక్రమంతోపాటు బే వాచ్ అనే హాలీవుడ్ చిత్రంలో నటిస్తూ అందరి దృష్టిని ఆకర్షించిన ప్రియాంకను వారు డిన్నర్కు ఆహ్వానించారు. ఈ విందు కార్యక్రమంలో అధ్యక్షుడు బరాక్ ఒబామాతోపాటు, మిషెల్లీ ఒబామా కూడా పాల్గొంటారు. ప్రియాంకతోపాటు ఇతర హాలీవుడ్ నటులు బ్రాడ్లీ కూపర్, ల్యూసీ లియూ, జేన్ ఫాండా, గ్లేడీస్ నైట్ కూడా ఈ విందుకు హాజరవుతారు.


 పుట్టిన గడ్డ గురించి నాలుగు మంచి మాటలు చెప్పే అవకాశం వస్తే, ఎవరూ వదులుకోరు. దేశ ప్రతిష్ఠ గురించి నాన్‌స్టాప్‌గా చెప్పేస్తారు. ప్రస్తుతం ప్రియాంకా చోప్రా అలానే చేస్తున్నారు. అమెరికన్ టీవీ షో ‘క్వాంటికో’లో నటించడం మొదలుపెట్టాక, ప్రియాంకకు ‘బేవాచ్’ అనే హాలీవుడ్ చిత్రంలో కూడా అవకాశం వచ్చింది. ఇది కాకుండా ఓ టాక్ షోకి కూడా అవకాశం దక్కించుకున్నారు. వీటి కోసం ఆమె అమెరికాలో ఎక్కువగా ఉంటున్నారు.
  
  అక్కడివాళ్లకి మన దేశ ప్రతిష్ఠ గురించి, హిందీ చిత్రాల గురించి అదే పనిగా చెబుతున్నారట. ఆ విషయం గురించి ప్రియాంకా చోప్రా చెబుతూ - ‘‘మన దేశం ఎందులోనూ తక్కువ కాదు. మన భారతీయ చిత్రాలు వేరే ఏ దేశం చిత్రాలకూ తీసిపోవు. ‘అక్కడి సినిమాల్లో పాటలూ, డ్యాన్సులూ కామన్ అట’ అని విదేశీయులు మన సినిమాల గురించి అన్నప్పుడు ‘మేమేమీ కావాలని పాటలు పెట్టం.
  
  కథ ముందుకు సాగడానికి పాటలు ఉపయోగపడతాయి. మా ప్రేక్షకులు వాటిని బాగా ఎంజాయ్ చేస్తారు. మా వాళ్ల ఆనందమే మాకు ముఖ్యం’ అని చెబుతుంటాను. మన దేశం గురించి ఎవరు చులకనగా మాట్లాడినా నేను సహించను’’ అని ఆవేశంగా అన్నారు.


 లాస్ ఏంజెలిస్: బాలీవుడ్ నుంచి హాలీవుడ్ స్థాయికి ఎదిగిన హీరోయిన్ ప్రియాంక చోప్రా. అయితే, ఈ మధ్య ఆమె కాస్త చిరాకు పడుతోందట. అసలు కారణం ఏంటని ఆరాతీస్తే.. ఓ చిన్న విషయంలో ఆమె అప్ సెట్ అయినట్లు తెలిసింది. తనను కేవలం బాలీవుడ్ ఇండస్ట్రీకి మాత్రమే పరిమితం చేయవద్దని, తనపై ఆ ముద్ర ఉండటం ఇష్టం లేదని పేర్కొంది. భారతీయ ఫిల్మ్ ఇండస్ట్రీకి చెందిన హీరోయిన్ గా తనను గుర్తించాలని.. అంతేకానీ, కేవలం ఓ ప్రాంతానికి చెందిన ఇండస్ట్రీకి ఆమె పరిధిని నిర్ణయించడం ఆమెకు నచ్చడం లేదని చెబుతోంది.
 
 'క్వాంటికో' సీరీస్తో సిరీస్ తో హాలీవుడ్ ఎంట్రీ ఇచ్చిన ఈ మాజీ ప్రపంచ సుందరి 1990లలో సూపర్ హిట్ అయిన టీవీ సిరీస్ 'బేవాచ్' పేరుతో తెరకెక్కిస్తోన్న సినిమాలో విలన్ రోల్లో నటిస్తున్న విషయం తెలిసిందే. ఇప్పటికే హాలీవుడ్ లోనూ మంచి మార్కులు కొట్టేసిన ప్రియాంక బాలీవుడ్ అనే 'మార్క్' పైనే అసహనం అంటూ పేర్కొంది. ఇందుకు ఉదాహరణగా... హాలీవుడ్ నటులను ఫ్రెంచ్ నటుడు, స్పెయిన్ స్టార్ అంటూ ప్రత్యేకంగా పిలవరని ఈ సుందరి చెప్పుకొచ్చింది. అక్కడ లేని ఈ తీరు భారత్ లో మాత్రం ఎందుకు కనిపిస్తోందంటూ ప్రియాంక ప్రశ్నించింది.


 బాలీవుడ్ టాప్ హీరోయిన్ ప్రియాంకా చోప్రా అమెరికన్ టీవీ షో ‘క్వాంటికో’తో హాలీవుడ్‌లోనూ మంచి గుర్తింపు తెచ్చుకున్నారు. ఆ గుర్తింపు ప్రియాంకకు హాలీవుడ్ చిత్రం ‘బేవాచ్’లో నటించే అవకాశం తెచ్చిపెట్టింది. అయితే, ఉత్సాహంగా దూసుకెళుతున్న ప్రియాంక ప్రస్తుతం ఇరుకున పడ్డారు. దానికి కారణం ఆమె నిర్మాతగా మారడమే. ‘పర్పుల్ పెబల్ పిక్చర్స్’ పతాకంపై భోజ్‌పురి, పంజాబీ, మరాఠీ భాషల్లో సినిమాలు తీయనున్నట్లు ప్రియాంక ప్రకటించారు.
  
 ఈ చిత్రాలకన్నా ముందే ఓ యాడ్ ఫిలిం నిర్మించడానికి ఆమె సన్నాహాలు చేశారు. దీని కోసం గతేడాది ఆమె కొంతమంది వర్కర్స్‌ను నియమించుకున్నారు. దాదాపు ఏడాది కాలంగా ప్రియాంక బేనర్‌కి పని చేస్తున్నామనీ, తమకు చెల్లించాల్సిన పారితోషికానికి ఆమె బాకీ పడ్డారని వర్కర్స్ యూనియన్‌కి కార్మికులు ఫిర్యాదు చేశారు. వారి ఫిర్యాదు పరిశీలించిన వర్కర్స్ యూనియన్.. ప్రియాంక మొత్తం 36 లక్షల్లో 20 లక్షలు మాత్రమే ఇచ్చారని, మిగతా మొత్తం ఇవ్వలేదని నిర్ధారించింది. కానీ, మాట్లాడిన పారితోషికం మొత్తం ఆర్ట్ డైరెక్టర్స్‌కి ఇచ్చేశామనీ, అతనే వర్కర్స్‌కి ఇవ్వలేదని ప్రియాంక  బేనర్‌కి సంబంధించిన కార్యకలాపాలు చూస్తున్న ఆమె అత్తయ్య, మరో ఇద్దరు వ్యక్తులు అంటున్నారు.
  
 ప్రియాంక తరఫున ‘ఇండియన్ మోషన్ పిక్చర్స్ ప్రొడ్యూసర్స్ అసోసియేషన్’ రంగంలోకి దిగింది. మొత్తం డబ్బు ఇచ్చినా, మరో ఐదు లక్షలు చెక్ కూడా ఇవ్వడానికి సంస్థ అధినేత సిద్ధపడ్డారని, ఆ చెక్ తీసుకోవడానికి ఆర్ట్ డైరెక్టరే రావడం లేదని పేర్కొంది. డబ్బులు ఇవ్వని ఆర్ట్ డైరెక్టర్ దగ్గర వర్కర్లు ఎందుకు పని చేయాలని, డబ్బులు ఇచ్చిన ‘పర్పుల్ పెబల్ పిక్చర్స్’ని ఎందుకు ఇరుకున పెట్టాలని సదరు అసోసియేషన్ ప్రశ్నించింది. మరి.. ఈ వివాదం ఎంతదాకా వెళుతుందో చూడాలి.


 బాలీవుడ్‌ బ్యూటీ ప్రియాంక చోప్రా హాలీవుడ్‌లోనూ తన హవా కొనసాగిస్తోంది. మొన్నటికిమొన్న ప్రతిష్టాత్మకమైన ఆస్కార్ వేదికపై తన స్టైలిష్ లుక్‌తో అదరగొట్టిన ఈ అమ్మడు.. తాజాగా ఫ్లోరిడాలోనూ తన అందచందాలతో హల్‌చల్ చేస్తోంది.
 
 ప్రస్తుతం ఫ్లోరిడాలోని బొకారాటన్‌ లో ప్రియాంక చోప్రా 'బేవాచ్‌' సినిమా షూటింగ్‌లో పాల్గొంటోంది. ఈ సినిమాలో లేడి విలన్‌గా పవర్‌ఫుల్‌ పాత్రలో తను కనిపించనుంది. ప్రఖ్యాత టీవీ షో అయిన 'బేవాచ్‌' సిరీస్‌ను సినిమా రూపంగా ప్రేక్షకుల ముందుకు తీసుకొస్తున్నారు. ఈ సినిమా ద్వారా హాలీవుడ్‌లో తన అదృష్టాన్ని పరీక్షించుకుంటున్న ప్రియాంక చోప్రా.. ఈ సినిమా షూటింగ్‌లోనూ తనదైన ప్రత్యేకత చాటుకుంటోంది. వైట్ లోకట్ బ్లౌజ్‌, వైట్ స్కర్ట్‌ లో క్రిస్పీ లుక్‌తో తొలిసారి షూటింగ్‌లో పాల్గొన్న ఈ మాజీ మిస్‌ వరల్డ్‌ హాట్ హాట్‌ ఫొటోలు ఇప్పుడు విదేశీ మీడియాలోనూ  హల్‌ చల్ చేస్తున్నాయి. ప్రియాంక విలన్‌గా నటిస్తున్న 'బేవాచ్' సినిమాలో డ్వేన్‌ జాన్సన్, జాక్ ఎఫ్రాన్‌, కెల్లీ రోహ్రబాక్, అలెజాండ్ర దాద్రిరియో వంటి హాలీవుడ్ స్టార్లు ప్రధాన పాత్రలో పోషిస్తున్నారు.
 
 
 
  


 లాస్ ఏంజెలిస్:  నెగెటివ్ షేడ్ ఉన్న పాత్రల్లో బాలీవుడ్ బ్యూటీ ప్రియాంక చోప్రా చాలా బాగా నటించగలదని హాలీవుడ్ నటుడు డ్వేన్ జాన్సన్ (రాక్ గా అందరికీ తెలుసు) పేర్కొన్నాడు. బాలీవుడ్ సుందరి ఇటీవలే హాలీవుడ్ ఎంట్రీ ఇచ్చిన విషయం తెలిసిందే. అమెరికాలోని టీవీ ప్రోగ్రామ్ 'క్వాంటికో' సీరీస్తో అంతర్జాతీయ స్థాయిలో గుర్తింపు తెచ్చుకుంది. ఆ వెంటనే ఈ బాలీవుడ్ హీరోయిన్ మరో హాలీవుడ్ ప్రాజెక్ట్కు సిద్ధం అవుతోంది. 1990లలో సూపర్ హిట్ అయిన టీవీ సిరీస్ 'బేవాచ్' ఆధారంగా అదే పేరుతో తెరకెక్కిస్తోన్న సినిమాలో విలన్ రోల్లో కనిపించనుంది. ఈ విషయంపై ఆ మూవీలో లీడ్ రోల్లో నటిస్తున్న డ్వేన్ జాన్సన్ అభిమానులతో మరిన్ని ముచ్చట్లు షేర్ చేసుకున్నాడు.
 
 మాజీ ప్రపంచ సుందరి ప్రియాంక బాలీవుడ్లో నెగెటివ్ రోల్ తోనే ఎంట్రీ ఇచ్చిన విషయం తెలిసిందే. ఆ తర్వాత అన్నీ లీడ్ రోల్స్ మాత్రమే చేస్తూ వచ్చింది. చాలా ఏళ్ల తరువాత మరోసారి హాలీవుడ్లో నెగెటివ్ రోల్ లో కనిపించనుంది. ఆమె విలన్ రోల్ లో నటిస్తుండటంపై డ్వేన్ జాన్సన్ ప్రశంసల వర్షం కురిపించాడు. ప్రపంచంలోని బిగ్గెస్ట్ స్టార్స్ లో ప్రియాంక ఒకరని పేర్కొన్నాడు. ఆమె చాలా తెలివైన నటి, ఈ మూవీకి ప్రియాంక ఫర్ఫెక్ట్ గా సరిపోతుందని పొగిడేశాడు. ప్రస్తుతం ప్రీ ప్రొడక్షన్ పనుల్లో బిజీగా ఉన్న ఈ సినిమా వచ్చే వారం నుంచి సెట్స్ మీదకు వెళ్లనుంది. డేవిడ్ హాస్సెల్ హోఫ్, పమేలా అండర్సన్ తదితర స్టార్స్ ఇందులో కనిపించనున్నారు. కాలిఫోర్నియా లోని లాస్ ఏంజెలిస్ బీచ్ లల్లో పనిచేసే సెక్యూరిటీ గార్డ్స్, పోలీసులను కథాంశంగా తీసుకుని 'బేవాచ్' చిత్రీకరించనున్నట్లు డ్వేన్ జాన్సన్ వెల్లడించాడు.


 క్వాంటికో సీరీస్తో అంతర్జాతీయ స్థాయిలో గుర్తింపు తెచ్చుకున్న బాలీవుడ్ హీరోయిన్ ప్రియాంక చోప్రా మరో హాలీవుడ్ ప్రాజెక్ట్కు రెడీ అవుతోంది. 1990లలో సూపర్ హిట్ అయిన టీవీ సీరిస్ బేవాచ్ ఆధారంగా అదే పేరుతో తెరకెక్కుతున్న సినిమాలో విలన్ రోల్లో నటిస్తోంది. ఈ విషయాన్ని ఆ మూవీలో లీడ్ రోల్లో నటిస్తున్న డెయాన్ జాన్సన్ ఆన్ లైన్ వీడియోలో ప్రకటించారు.
 
 బాలీవుడ్లో నెగెటివ్ రోల్ తోనే ఎంట్రీ ఇచ్చిన ప్రియాంక.. తరువాత మాత్రం పాజిటివ్ పాత్రలే చేస్తూ వచ్చింది. ఇన్నేళ్ల తరువాత మరోసారి హాలీవుడ్లో విలన్ రోల్లో నటిస్తుండటం టాక్ ఆఫ్ ద ఇండస్ట్రీగా మారింది. ప్రస్తుతం ప్రీ ప్రొడక్షన్ పనుల్లో బిజీగా ఉన్న ఈ సినిమా త్వరలోనే సెట్స్ మీదకు వెళ్లనుంది. బాలీవుడ్ సినిమాల్లోనే స్విమ్ సూట్ అందాలతో అలరించిన ప్రియాంక హాలీవుడ్ బేవాచ్లో ఎలా కనిపిస్తోందో అని అభిమానులు ఎదురుచూస్తున్నారు.


 బేవాచ్ మాజీ స్టార్ పమేలా ఆండర్సన్ పెళ్లి వైరాగ్యం వెల్లడించింది. మధ్య వయస్కురాలైన ఆమె రిక్ సాలొమొన్‌ను రహస్యంగా ద్వితీయ వివాహం చేసుకుంది. ఆ పెళ్లి రెండు నెలలకే పెటాకులవ్వడంతో ఫేస్‌బుక్‌లో పెళ్లి వైరాగ్య పద్యాన్ని అందుకుంది. ప్రేమను ప్రేమించినా సంతోషం దక్కలేదు, అది ఫ్యాషనో, ట్రెడిషనో  కాదు, కేవలం రొమాన్స్. డబ్బున్న వాడిని ఎప్పుడూ పెళ్లాడకూడదు, ఇక వ్యభిచారం వల్ల ఉన్న చిన్న ఆత్మను కోల్పోతారు అంటూ పమేలా గోడు
  వెళ్లబోసుకుంది.