మైసూర్‌కు నాగచైతన్య బై బై చెప్పారు. దర్శకుడు వెంకట్‌ ప్రభు, హీరో నాగచైతన్య కాంబినేషన్‌లో తెలుగు, తమిళ భాషల్లో ఓ సినిమా తెరకెక్కుతోన్న సంగతి తెలిసిందే. ఇందులో కృతీశెట్టి హీరోయిన్‌గా నటిస్తున్నారు. శ్రీనివాసా సిల్వర్‌స్క్రీన్‌ పతాకంపై పవన్‌కుమార్‌ సమర్పణలో శ్రీనివాసా చిట్టూరి నిర్మిస్తున్నారు. దాదాపు 25రోజుల క్రితం మైసూర్‌లో ప్రారంభమైన ఈ సినిమా షెడ్యూల్‌ ముగిసినట్లు చిత్రయూనిట్‌ పేర్కొంది. ఈ షెడ్యూల్‌లో నాగచైతన్యతో పాటు ప్రధాన తారాగణంపై కీలక సన్నివేశాలు చిత్రీకరించారు. ఈ సినిమా తర్వాతి షెడ్యూల్‌ చిత్రీకరణపై త్వరలో ఓ ప్రకటన రానుంది. అరవింద్‌ స్వామి, ప్రియమణి, శరత్‌కుమార్, ప్రేమ్‌ జీ అమరెన్, ప్రేమి విశ్వనాథ్, సంపత్‌ రాజ్, ‘వెన్నెల’ కిశోర్‌ కీలక పాత్రలు పోషిస్తున్న ఈ సినిమాకు తండ్రీ కొడుకులైన ఇళయ రాజా, యువన్‌ శంకర్‌ రాజా సంగీతం అందిస్తున్నారు.


 హైదరాబాద్‌:   అక్కినేని యంగ్‌ హీరో నాగ  చైతన్య రాఖీ పర‍్వదిన్నాన్ని పురస్కరించుకొని  అభిమానులకు మంచి గిఫ్ట్‌ అందించారు. తన రాబొయే చిత్రం  `యుద్ధం శ‌ర‌ణం` సినిమాలోని ఓ పాట‌ను రాఖీ బ‌హుమ‌తిగా అభిమానుల‌కు నాగ‌చైత‌న్య అంద‌జేశారు.  ఈ సినిమాలోని `ఎన్నో ఎన్నో భావాలే` అనే పాట లిరిక‌ల్ వీడియోను నాగచైత‌న్య ట్విట్ట‌ర్‌లో షేర్ చేశారు ఈ పాట‌ను ద‌ర్శ‌కుడు కృష్ణ వైర‌ముత్తుతో క‌లిసి రేడియో మిర్చిలో విడుద‌ల చేసిన‌ట్లు ఆయ‌న ట్విట్ట‌ర్‌లో పేర్కొన్నారు. రాఖీ ఎందుకు కడతారో తెలుసా.. అంటూ  సీనియర్‌  నటి రేవతి డైలాగ్‌.... నాగ‌చైత‌న్య‌కు రాఖీ క‌డుతున్న స‌న్నివేశంతోనే ఈ వీడియో మొద‌ల‌వుతోంది. అలాగే  హీరోయిన్‌ లావ‌ణ్య త్రిపాఠికి, నాగ‌చైత‌న్య‌కు మ‌ధ్య ఉన్న కొన్ని చ‌క్క‌ని స‌న్నివేశాల‌ను కూడా ఈ వీడియోలోలో పొందుపరిచారు. కుటుంబ బంధాల‌ను, వారితో గడిపిన సంతోష క్ష‌ణాల‌ను ఈ వీడియోలో  చూడొచ్చు.
 కాగా  హీరో, నటుడు  శ్రీకాంత్‌ విలన్‌ పాత్రను  పోషిస్తుండగా, నాగ‌చైత‌న్య త‌ల్లిదండ్రులుగా రావుర‌మేశ్‌, రేవ‌తిలు న‌టించారు. వివేక్‌సాగర్‌ సంగీతం అదించిన సంగతి తెలిసిందే.
  సంగతి తెలిసిందే.