తాడిమర్రి: అనంతపురం జిల్లా తాడిమర్రి మండలం ఏకపాదంపల్లి సమీపంలో శుక్రవారం ఉదయం ఓ సిమెంట్‌లారీ బోల్తా పడింది. ఈ ఘటనలో లారీ డ్రైవర్ నరేంద్ర(25) అక్కడికక్కడే మృతి చెందాడు. సిమెంట్ లారీ సాగర్ సిమెంట్ కంపెనీకి చెందినదిగా గుర్తించారు. లారీ తాడిపత్రి నుంచి ధర్మవరం వైపు వెళ్తుండగా ఈ ప్రమాదం చోటుచేసుకుంది. మృతుడు నరేంద్ర స్వస్థలం సింగనమల మండలం బండమీదిపల్లి. సంఘటనాస్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.