వాషింగ్టన్: ప్రతిష్టాత్మక ఫుల్‌బ్రైట్-నెహ్రూ డిస్టింగ్విష్డ్ ప్రోగ్రామ్(విశిష్ట కార్యక్రమం) చైర్మన్‌గా ప్రముఖ భారతీయ అమెరికన్ వైద్యుడు రాహుల్ జిందాల్ ఎంపికయ్యారు. అహ్మదాబాద్‌కు చెందిన హెచ్‌ఎల్ త్రివేదీ ఇన్‌స్టిట్యూట్ ఆఫ్ ట్రాన్స్‌ప్లాంటేషన్ సెన్సైస్ ఈ ప్రోగ్రామ్‌ను నిర్వహించనుంది. ఏటా 400 మూత్రపిండ మార్పిడి శస్త్రచికిత్సలు చేస్తూ, అవయవ మార్పిడి విధానంలో కొత్త విధానాలను ఈ సంస్థ ఆవిష్కరిస్తోంది. డాక్టర్ జిందాల్ మేరీల్యాండ్‌లోని యూనిఫామ్డ్ సర్వీసెస్ వర్సిటీలో శస్త్రచికిత్సల విభాగం ప్రొఫెసర్‌గా ఉన్నారు.