పుట్లూరు : మండలంలోని చింతకుంట గ్రామానికి చెందిన గిరిప్రసాద్‌ రైలులో నుంచి కిందపడి తీవ్రంగా గాయపడ్డాడు. కుటుంబ సభ్యుల వివరాలు మేరకు.. గిరిప్రసాద్‌ ఇంటర్‌ మొదటి సంవత్సరం ఉత్తీర్ణత సాధించడంతో తాడిపత్రికి చెందిన ముగ్గురు స్నేహితులతో కలిసి రెండు రోజుల క్రితం తిరుమలకు దైవదర్శనం కోసం వెళ్లారు. దైవదర్శనం ముగించుకుని రైలులో తాడిపత్రికి తిరుగు ప్రయాణం చేస్తుండగా వైఎస్సార్‌ జిల్లా ఆర్‌ఎస్‌ కొండాపురం సమీపంలో రాత్రి రెండు గంటల సమయంలో ప్రమాదవశాత్తు కిండ పడిపోయాడు. ఉదయం రైల్వే సిబ్బంది గుర్తించి అతడిని ఆస్పత్రికి తరలించారు. అతడి సెల్‌ఫోన్‌ ద్వారా తల్లిదండ్రులకు సమాచారాన్ని అందించారు.  పరిస్థితి విషమంగా ఉండటంతో అతడిని కర్నూలు ఆస్పత్రికి తరలించారు.
  


 కడప: తనతో వాదులాడుతున్నాడన్న కోపంతో కదులుతున్న రైల్లోంచి ఓ ప్రయాణికుడిని టీటీఈ నెట్టేశాడు. ఈ ఘటన వైఎస్సార్‌ కడపజిల్లాలో చోటుచేసుకుంది. గిరిప్రసాద్ అనే వ్యక్తి సోమవారం తిరుపతి రైల్వే స్టేషన్‌లో తిరుపతి-కొల్హాపూర్‌ మధ్య నడిచే హరిప్రియ ఎక్స్‌ప్రెస్‌ రైలు ఎక్కాడు. తిరుపతిలోనే టీటీతో గొడవ జరిగింది. రైలులో కూడా ఇద్దరూ గొడవపడ్డారు.
 
 ఆగ్రహం పట్టలేక ముద్దనూరు మండలం ఓబులాపురం దగ్గర చేరుకోగానే గిరిప్రసాద్‌ను కదులుతున్న రైలునుంచి టీటీ నెట్టేవేశాడు. దీంతో గిరిప్రసాద్‌కు తీవ్ర గాయాలయ్యాయి. అతడిని తాడిపత్రి ఆస్పత్రికి తరలించారు. ప్రస్తుతం బాధితుడి పరిస్థితి విషమంగా ఉంది. టీటీ వివరాలు తెలియాల్సి ఉంది. పోలీసులు దర్యాప్తు చేస్తున్నారు.