సాక్షి, సిటీబ్యూరో: నగర శివార్లలోని వెంచర్స్‌లో ప్రీ లాంచ్‌ ఆఫర్ల పేరుతో 600 మంది నుంచి దాదాపు రూ.150 కోట్లు వసూలు చేసి మోసం చేసిన ఆర్‌ హోమ్స్‌ నిర్వాహకులపై బాధితులు శుక్రవారం సైబరాబాద్‌ ఈఓడబ్ల్యూ అధికారులకు ఫిర్యాదు చేశారు. అంతకుముందు బాధితులు హైదరాబాద్‌ సీసీఎస్‌ను ఆశ్రయించి, ఆ కార్యాలయం ఎదుట ధర్నా చేశారు. ఆర్‌ హోమ్స్‌ సంస్థ, దాని వెంచర్లు సైతం సైబరాబాద్‌ పరిధిలో ఉండటంతో పోలీసులు వారిని అక్కడికి పంపించారు. కూకట్‌పల్లి కేంద్రంగా కార్యకలాపాలు సాగించిన ఈ సంస్థకు భాస్కర్‌ గుప్తా ఎండీగా, ఆయన భార్య సుధారాణి డైరెక్టర్‌గా ఉన్నారు. వీళ్లు జై వాసవి బ్లిస్‌ హైట్స్‌ సహా అనేక ప్రాజెక్టులు చేపట్టారు. ప్రీ లాంచ్‌ ఆఫర్‌ పేరుతో చదరపు అడుగు రూ.2,199కి ఇస్తున్నట్లు 2020 నవంబర్‌లో ప్రకటించారు. కొనుగోలుదారులను ఆకర్షించడానికి కపిల్‌ దేవ్‌ (క్రికెటర్‌), ప్రసాద్‌ (క్రికెటర్‌), కోటి (మ్యూజిక్‌ డైరెక్టర్‌) తదితర ప్రముఖులతో ప్రచారం చేయించారు. దీంతో అనేక మంది మధ్య తరగతి, దిగువ మధ్య తరగతికి చెందినవారు సొంతింటి కలను నెరవేర్చుకోవాలని వీరి వద్ద ఫ్లాట్లు బుక్‌ చేసుకున్నారు. దాదాపు 600 మంది రూ.25 లక్షల నుంచి రూ.50 లక్షల చొప్పున చెల్లించారు. రెండు నెలల్లో ప్రాజెక్టుకు అవసరమైన అనుమతులను పొందుతామని, 2023 నాటికి ప్రాజెక్టు పూర్తి చేస్తామని భాస్కర్‌ గుప్తా, సుధారాణిలు నమ్మించారు. నిర్మాణంలో జాప్యంపై బాధితులు ప్రశ్నించచడంతో ధరణి, ఎన్నికలు సహా అనేక కారణాలు చెబుతూ వారు తప్పించుకున్నారు. ఈ సంస్థ ప్లాట్లు కూడా విక్రయిస్తామని, తమకు శివార్లలో అనేక చోట్ల భూములు ఉన్నాయని అవసరమైతే బాధితులకు వాటిని కేటాయిస్తామని నమ్మించింది. నారాయణ్‌ఖేడ్‌ , ఘట్‌కేసర్, పఠాన్‌ చెరు, కర్తనుర్‌ ప్రాంతాల్లో అపార్ట్‌మెంట్స్, ఫార్మ్‌ ల్యాండ్‌ పేరిటా వసూళ్లకు పాల్పడినట్లు సమాచారం.

ప్రతి కృషికి తగిన ఫలితం ఉంటుంది. ఇది నూటికి నూరుపాళ్లు నిజమని నిరూపిస్తున్నారు అనుజా గుప్తా, ప్రతాంక్షా గుప్తా అనే ఇద్దరు అక్కాచెల్లెళ్లు. ఢిల్లీవాసులైన వీరిద్దరూ ఐదేళ్ల క్రితం లక్షరూపాయలతో చికన్‌కారీ కుర్తీల వ్యాపారం మొదలుపెట్టారు. ఇప్పుడు 45 మంది ఉద్యోగులతో, ఐదుకోట్ల టర్నోవర్‌తో వ్యాపారాన్ని నడుపుతున్నారు. ఒడిదొడుకులను అధిగమిస్తూ వ్యాపారంలో మైలురాళ్లను అధిగమిస్తున్నారు.అనుజా గుప్తా మాట్లాడుతూ ‘‘మధ్యతరగతి కుటుంబంలో పుట్టి, పెరిగిన అక్కాచెల్లెళ్లం. మా వ్యాపారం ఇన్‌స్టాగ్రామ్‌ పేజీ నుంచి మొదలైంది. 2020లో కోవిడ్‌ కారణంగా మా వ్యాపార కలలు కూడా కనుమరుగవుతాయనుకున్నాం. చాలా వ్యాపార సంస్థలు లాక్‌డౌన్‌ సమయంలో మూలనపడ్డాయి. మేం మా వ్యాపారాన్ని నలభై చికన్‌కారీ కుర్తీలు, పలాజోలు, చీరలతో మొదలు పెట్టాం. మా వెంచర్‌ పేరు ‘చౌకట్‌’. కోవిడ్‌ కాలంలో చాలామంది వద్ద డబ్బులేదు. కాబట్టి మా దుస్తులు అమ్ముడవుతాయన్న గ్యారెంటీ మాకు లేదు. అలాగని మా వ్యాపారాన్ని మూసేయడానికి మేం సిద్ధంగా లేం. మా నిర్ణయం సరైనదేనని ఆ తర్వాత అర్ధమైంది.పెరిగిన ఆర్డర్లు..అమ్మకానికి ఉంచిన డ్రెస్సులు హాట్‌కేక్‌లుగా అమ్ముడయ్యాయి. మొదటి నెలలోనే 34 ఆర్డర్లు వచ్చాయి. దాంతో మా ఆత్మవిశ్వాసం రెట్టింపయ్యింది. మరిన్ని ఆర్డర్లు వచ్చిన తర్వాత ఒక లాజిస్టిక్‌ కంపెనీతో ఒప్పందం కుదుర్చుకున్నాం. చికన్‌కారీ కుర్తీలు ఖరీదైనవి అనే అభి్రపాయాన్ని వారితో మాట్లాడి, మార్చగలిగాం.నాణ్యత విషయంలో రాజీపడకుండా తక్కువ ధరకే చికన్‌కారీ కుర్తీలు అందించ వచ్చని నిరూపించాం. ఈ నమ్మకం వల్లనే లాక్‌డౌన్‌ ప్రకటించిన ఇరవై రోజుల తర్వాత నుంచి కూడా మా ‘చౌకట్‌’ నుంచి దుస్తులు అమ్ముడు పోవడం పెరిగింది. కోవిడ్‌ కారణంగా డిజైనర్ల దగ్గరకు వెళ్లి, సరైనవి ఎంచుకునే పరిస్థితి లేదు. అలాంటప్పుడు మేమిద్దరం సొంతంగా డిజైన్‌ చేయాలని నిర్ణయించుకున్నాం. ఇది కూడా మరో మైలురాయిలా నిలిచింది.‘చౌకట్‌’ టీమ్‌అభిరుచులు వేరైనా సృజన ఒక్కటే..ఇప్పుడు మా సంస్థలో 45 మంది ఉద్యోగులు ఉన్నారు. దేశంలో 5 వేల మంది నేత కార్మికులతో భాగస్వామ్యం కలిగి ఉన్నాం. మా సంస్థకు విదేశాలలో కూడా క్లయింట్లు ఉన్నారు. డెబ్బైశాతానికి పైగా ఆర్డర్లు ఆన్‌లైన్‌లో డెలివరీ చేయబడతాయి. అక్కచెల్లెళ్లమే అయినా ఇలా కలిసి వ్యాపారం చేస్తామని కలలో కూడా అనుకోలేదు.మా ఇద్దరు చదువులు వేరు, అభిరుచులు వేరు. కానీ, మా ఇద్దరి ఆలోచన ఒక్కటిగా ఉన్నది ‘చౌకట్‌’ సృష్టించడంలో. నేను జర్నలిజంలో పోస్ట్‌ గ్రాడ్యుయేట్‌ చేశాను. ప్రతాంక్షా గుప్తా ఫ్యాషన్‌/అప్పేరల్‌ డిజైన్‌లో గ్రాడ్యుయేషన్‌ పూర్తి చేసింది. మా అమ్మానాన్నలు మాకు పూర్తి సహకారం అదించడంతో నేడు మా కంపెనీ ఐదుకోట్ల టర్నోవర్‌కు చేరుకుంది’’ అని వివరిస్తారు ఈ సోదరీమణులు.ఇవి చదవండి: Gaming: శతకోటి సూర్యప్రభా భాసిత... వీరాధివీరా!

ఢిల్లీ: ఖలిస్థానీ తీవ్రవాది గురు పత్వంత్‌ సింగ్‌ పన్నూ హత్యకు కుట్ర చేశాడనే ఆరోపణలు ఎదుర్కొంటున్న నిఖిల్‌ గుప్తా ( 52)ను విచారణ కోసం చెక్‌ రిపబ్లిక్‌ దేశం అమెరికాకు అ‍ప్పగించింది. దీనిపై కేంద్ర విదేశాంగ మంత్రిత్వ శాఖ శుక్రవారం స్పందించింది. భారత ప్రభుత్వం నిఖిల్‌ గుప్తా కుటుంబ సభ్యులతో టచ్‌లో ఉ‍న్నామని విదేశాంగ అధికార ప్రతినిధి రణ్‌ధీర్‌ జైశ్వాల్‌ తెలిపారు. సోమవారం మాన్‌హట్టన్‌లోని కోర్టులో విచారణ అనంతరం నిఖిల్‌ గుప్తా న్యాయం పొందానికి భారత్‌ సాయం కొరినట్లు ఆయన కుటుంబానికి చెందిన ఓ సన్నిహితుడు తెలిపినట్లు అంతర్జాతీయ మీడియా వెల్లడించింది. అయితే దీనిపై స్పందించిన భారత విదేశాంగ అధికార ప్రతినిధి రణ్‌ధీర్ జైశ్వాల్‌ మీడియాతో మాట్లాడారు.‘నిఖిల్‌ గుప్తా భారత కాన్సులర్‌ను సాయం కోరినట్లు మాకు ఎటువంటి అభ్యర్థన ఆయన నుంచి అందలేదు. కానీ, మేము ఆయన కుటుంబంతో టచ్‌లో ఉన్నాం. ఈ కేసు విషయంలో నిఖిల్‌ గుప్తా.. కుటుంబ సభ్యుల అభ్యర్థనను మేము పరిశీలిస్తున్నాం’ అని అన్నారు.ఇక.. పన్నూ ఒక సిక్కు వేర్పాటువాద ఉగ్రవాది అని భారత్‌ పేర్కొంది. అతని హత్యకు కుట్ర పన్నినట్లు అమెరికా చేస్తున్న ఆరోపణలను భారత్‌ తీవ్రంగా ఖండించింది. మరోవైపు.. నిఖిల్‌ గుప్తాను చెక్‌ రిపబ్లిక్‌ పోలీసులు అమెరికాకు అప్పగించిననప్పటి నుంచి ఆయన కుటుంబ సభ్యులతో సంబంధాలు తెగిపోయినట్లు తెలుస్తోంది.

న్యూయార్క్‌: సిక్కు వేర్పాటువాది గురుపత్వంత్ సింగ్‌ హత్య కుట్రలో ప్రమేయం ఉందని నిఖిల్‌ గుప్తా(52) అనే భారతీయుడిని గతేడాది చెక్‌ రిపబ్లిక్‌ అదుపులోకి తీసుకుంది. అమెరికా అనుమతితోనే చెక్‌ రిపబ్లిక్‌ నిఖిల్‌ గుప్పాను అరెస్ట్‌ చేసింది. తాజాగా సోమవారం ఆయన్ను అమెరికాలోని ఫెడరల్‌ కోర్టులో ప్రవేశపెట్టి విచారించనున్నట్లు తెలుస్తోంది. ప్రస్తుతం నిఖిల్‌ గుప్తా బ్రూక్లిన్‌లోని ఫెడరల్‌ మెట్రోపాలిటన్ నిర్భంద కేంద్రంలో ఉ‍న్నారని స్థానిక మీడియా పేర్కొంది. చెక్‌ రిపబ్లిక్‌ నిఖిల్‌ గుప్తాను అమెరికాకు అప్పగించటంతో ఆయన్ను బ్రూక్లిన్‌ నిర్భంద కేంద్రంలో ఖైదీగా ఉంచినట్లు వెల్లడించింది. అయితే కోర్టు విచారణ కోసం ఆయన్ను అమెరికా తీసుకువచ్చినట్లు తెలుస్తోంది. ఇక్కడికి చేరుకున్న ఒక్కరోజు వ్యవధిలోనే నిఖిల్‌ను కోర్టులో ప్రవేశపెట్టి విచారించనున్నట్లు తెలుస్తోంది. జూన్ 30, 2023న చెక్ రిపబ్లిక్‌లోని ప్రేగ్‌లో నిఖిల్ గుప్తా అరెస్ట్ అరెస్ట్‌ చేసింది. అయితే ఆయన్ను తమకు అప్పగించాలని అమెరికా కోరిన విషయం తెలిసిందే.ఇక ఇప్పటికే ఫెడరల్‌ కోర్టు నిఖిల్‌ గుప్తా.. పన్నూను హత్య చేసేందుకు ఓ వ్యక్తికి 15వేల అమెరికా డాలర్లు ఇచ్చినట్లు అభియోగాలు మోపింది. పన్నూ హత్య కుట్రలో ఓ భారతీయ ప్రభుత్వ అధికారి ప్రమేయం కూడా ఉందని ఆరోపణలు చేసింది. అయితే ఆయన పేరు మాత్రం వెల్లడించలేదు. నిఖిల్‌ గుప్తాను అమెరికా అప్పగించటం.. యూఎస్‌ జాతీయ భద్రతా సలహాదారుడు జేక్ సుల్లివన్ వార్షిక ఐసీఈటీ చర్చల్లో ఢిల్లీ పర్యటనకు ముందు చోటు చేసుకుంది. అయితే ఈ విషయంపై భారత జాతీయ భద్రత సలహాదారు అజిత్‌ దోవల్‌తో జేక్‌ సుల్లివన్ చర్చించే అవకాశం ఉన్నట్లు తెలుస్తోంది. పన్నూ హత్య కుట్ర వెనక భారతీయుల ప్రమేయం ఉందన్న అమెరికా ఆరోపణలను ఇండియా తీవ్రంగా ఖండించిన విషయం తెలిసిందే. మరోవైపు.. నిఖిల్‌ గుప్తాపై అన్యాయంగా అభియోగాలు మోపారని అతని తరఫు న్యాయవాది రోహిణి మూసా అన్నారు. ‘‘ నిఖిల్‌ గుప్తాపై అన్యాయంగా అభియోగాలు మోపారు. పన్నూ హత్యకు కుట్ర చేసినట్లు ఎటువంటి ఆధారాలు లేవు’’ అని రోహిణి భారత సుప్రీం కోర్టుకు లేఖ రాసింది. నిఖిల్‌ గుప్తా అభియోగాల కేసు విషయంలో చెక్‌ రిపబ్లిక్‌ నియమించిన న్యాయవాదిపై అమెరికా ప్రభావం ఉందని ఆమె అన్నారు.

సాక్షి, అమరావతి: ఆంధ్రప్రదేశ్‌లో పేదల అభ్యున్నతి కోసం రాష్ట్ర ప్రభుత్వం అమలుచేస్తున్న వివిధ సంక్షేమ కార్యక్రమాలు, పథకాలు అద్భుతమని ఢిల్లీ నేషనల్‌ డిఫెన్సు కళాశాల సీనియర్‌ డైరెక్టింగ్‌ స్టాఫ్, ఎయిర్‌ వైస్‌మార్షల్‌ మనీష్‌కుమార్‌ గుప్తా ప్రశంసించారు. ఢిల్లీలోని నేషనల్‌ డిఫెన్సు కళాశాలకు చెందిన సుమారు 20 మంది ప్రతినిధులతో కూడిన బృందం మనీష్‌కుమార్‌ నేతృత్వంలో రాష్ట్రంలో పర్యటించింది. ఇందులో భాగంగా శుక్రవారం రాష్ట్ర సచివాలయంలో పలువురు రాష్ట్ర ప్రభుత్వ ఉన్నతాధికారులతో సమావేశమైంది. మనీష్‌కుమార్‌ మాట్లాడుతూ.. నేషనల్‌ డిఫెన్స్‌ కళాశాల ఫ్యాకల్టీ, కోర్సు సభ్యులతో కలిసి రెండ్రోజులుగా విశాఖపట్నం, అరకు తదితర ప్రాంతాల్లో పర్యటించి రాష్ట్ర ప్రభుత్వం విద్య, వైద్య, మహిళ, రైతు సంక్షేమం తదితర రంగాల్లో అమలుచేస్తున్న పలు సంక్షేమాభివృద్ధి కార్యక్రమాలను పరిశీలించడంతో పాటు అక్కడి ప్రజలతో మాట్లాడినట్లు ఆయన తెలిపారు. దేశంలోని వివిధ రాష్ట్రాల్లో ఈ ఎన్డీసీ బృందం  పర్యటించి ఆక్కడ అమలుచేస్తున్న పథకాలు, కార్యక్రమాలను పరిశీలించామని..  అయితే, ఆంధ్రప్రదేశ్‌ మిగతా రాష్ట్రాల కంటే చాలా ముందంజలో ఉందని మనీష్‌కుమార్‌ కొనియాడారు.  విద్య, వైద్య రంగాల్లో మౌలిక సదుపాయాలు మెరుగు.. ఈ సమావేశంలో రాష్ట్ర ప్రభుత్వ ప్రత్యేక ప్రధాన కార్యదర్శి అజయ్‌జైన్‌ మాట్లాడుతూ.. రాష్ట్రంలో విద్య, వైద్యం, మహిళ, రైతు సంక్షేమానికి ప్రభుత్వం అత్యంత ప్రాధాన్యతనిచ్చి పలు కార్యక్రమాలను అమలుచేస్తోందన్నారు. అలాగే,  ప్రాథమిక వి­ద్యా­భివృద్ధికి అత్యంత ప్రాధాన్యతనిస్తున్నట్లు తె­లిపారు. ముఖ్యంగా విద్యా, వైద్య రంగాల్లో మౌ­లిక సదుపాయాలను మెరుగుపర్చేందుకు ­పెద్దఎ­త్తు­న చర్యలు తీసుకుంటున్నట్లు ఆయన వివరించా­రు. అలాగే, పేద ప్రజల సంక్షేమానికి  పలు వినూత్న కా­ర్యక్రమాలు, పథకాలను విజయవంతంగా అమలు­చేస్తున్నట్లు చెప్పారు. రాష్ట్ర విద్యాశాఖ ము­ఖ్యకార్యదర్శి ప్రవీణ్‌ ప్రకాష్‌ పవర్‌ పాయింట్‌ ప్రజెంటేషన్‌ ద్వారా రాష్ట్రంలో విద్యారంగ అభివృద్ధికి ప్రభుత్వం చేపట్టిన వివిధ కార్యక్రమాలను వివరించారు.   ఎస్సీ, ఎస్టీ కుటుంబాలకు ఉచిత విద్యుత్‌.. ఇక రాష్ట్రంలో ఇంధన శాఖకు సంబంధించిన అంశాలపై ఎపీ ట్రాన్స్‌కో సీఎండీ కేవీఎస్‌ చక్రధర్‌బాబు వివరిస్తూ.. ప్రజలకు 24 గంటలూ యాక్ససబుల్, రిలయబుల్‌ విద్యుత్‌ సరఫరా అందించేందుకు ప్రభుత్వం అన్ని చర్యలు తీసుకుంటోందని తెలిపారు. వ్యవసాయానికి 9 గంటల ఉచిత విద్యుత్‌ను అందిస్తున్నామని.. సుమారు 20 లక్షల ఎస్సీ, ఎస్టీ కుటుంబాలకు 200 యూనిట్ల వరకూ ఉచిత విద్యుత్‌ అందిస్తున్నామని తెలిపారు. ఒకే దేశం ఒకే గ్రిడ్‌ నినాదంలో భాగంగా 5 గిగావాట్ల సోలార్‌ విద్యుదుత్పత్తికి చర్యలు తీసుకుంటున్నామని, ఐదు పంపు స్టోరేజ్‌ విద్యుత్‌ ఉత్పత్తి ప్లాంట్లను ఏర్పాటుచేస్తున్నామన్నారు. రాష్ట్ర ఇంధన రంగంలో మెరుగైన ఫలితాలు సాధించినందుకు ఈ ఏడాది నాలుగు జాతీయ, మూడు అంతర్జాతీయ అవార్డులతో పాటు రాష్ట్రపతి అవార్డును కూడా సాధించామన్నారు. అనంతరం.. వ్యవసాయ రంగం అభివృద్ధికి తీసుకుంటున్న చర్యలను వ్యవసాయ శాఖ ఇన్‌ఛార్జి కమిషనర్‌ జి. శేఖర్‌బాబు వివరిస్తూ.. రాష్ట్ర జీడీపీలో 34 శాతం పైగా వాటా వ్యవసాయ రంగం నుంచే వస్తోందని చెప్పారు. రైతులకు అవసరమైన  సేవలంని్నటినీ ఆర్బీకేల ద్వారా ఒకేచోట నుండి అందిస్తున్నామన్నారు.  కొత్తగా 17 ప్రభుత్వ వైద్య కళాశాలలు.. రాష్ట్రంలో వైద్యసేవలను రాష్ట్ర సెకండరీ హెల్త్‌ డైరెక్టర్‌ డా. వెంకటేశ్వర్‌ వివరిస్తూ.. రాష్ట్రంలో వైద్యపరమైన మౌలిక సదుపాయాల అభివృద్ధికి ప్రభుత్వం అత్యంత ప్రాధాన్యతనిస్తోందని తెలిపా­రు. ఇందులో భాగంగా ఎన్నడూలేని విధంగా 53 వే­ల పోస్టులను భర్తీచేయడంతోపాటు ఇంటివద్దకే మె­రు­గైన వైద్య సేవలందించేందుకు కృషి జరుగుతోందని వివరించారు. అలాగే.. కొత్తగా 17 ప్రభు­త్వ వైద్య కళాశాలలను ఏర్పాటుచేస్తున్నట్లు చెప్పా­రు.   

ప్రాగ్‌: ఖలిస్తానీ నేత గురుపత్వంత్‌ సింగ్‌ పన్నూ హత్యకు కుట్ర పన్నిన కేసులో భారత్‌కు చెందిన నిందితుడు నిఖిల్‌గుప్తాను అమెరికాకు అప్పగించేందుకు ప్రాగ్‌ హై కోర్టు గ్రీన్‌ సిగ్నల్‌ ఇచ్చింది. తనను అమెరికాకు అప్పగించవచ్చని దిగువ కోర్టు ఇచ్చిన తీర్పును కొట్టివేయాలని గుప్తా వేసిన అప్పీల్‌ను హై కోర్టు తోసిపుచ్చింది. పన్నూ హత్యకు కుట్ర పన్నాడని నిఖిల్‌ గుప్తాపై అమెరికన్‌ పోలీసులు అభియోగం మోపారు. గతేడాది జూన్‌లో గుప్తాను  చెక్‌ రిపబ్లిక్‌  పోలీసులు అరెస్టు చేశారు. అయితే హై కోర్టు ఓకే అన్నంత మాత్రాన గుప్తాను అమెరికాకు అప్పగించడం సులువు కాదని తెలుస్తోంది. పన్నూ కేసులో గుప్తాను అమెరికాకు అప్పగించవచ్చని ప్రాగ్‌ హై కోర్టు ఇచ్చిన తీర్పును చెక్‌ రిపబ్లిక్‌  న్యాయ శాఖ మంత్రి ఆమోదించాల్సి ఉంటుంది. మంత్రి ఎప్పటిలోగా ఆమోదించాలన్నదానిపై కాల పరిమితి ఏమీ లేదు. ఒకవేళ న్యాయ శాఖ మంత్రికి కోర్టు తీర్పుపై ఏమైనా సందేహాలుంటే ఆయన తిరిగి ఈ తీర్పును సమీక్షించాల్సిదిగా సుప్రీం కోర్టు రాజ్యాంగ ధర్మాసనానికి సిఫారసు చేసే అవకాశం ఉంది. ఈ తతంగం  మొత్తం పూర్తయిన తర్వాతే గుప్తాను అమెరికాకు అప్పగిస్తారు. తీర్పును సుప్రీంకోర్టుకు రిఫర్‌ చేయాలని న్యాయ శాఖ మంత్రిని కోరతానని గుప్తా తరపు న్యాయవాది చెప్పడం గమనార్హం. ఖలిస్తానీ నేత పన్నూకు అమెరికాతో పాటు కెనడా పౌరసత్వం ఉంది.      ఇదీచదవండి.. నిక్కీపై ట్రంప్‌ అనుచిత పోస్టులు 

సాక్షి, హైదరాబాద్‌: యువతలకు ఇంటీరియర్‌ డిజైనింగ్‌లో అద్భుతమైన అపారమైన అవకాశాలు ఉన్నాయని, సృజనకు పదును పెట్టుకుంటే విజయాలు సుసాధ్యమని సెలబ్రిటీ డిజైనర్‌ షబ్నమ్‌ గుప్తా అన్నారు. నగరంలోని ఫిలిమ్‌నగర్‌లో ఏర్పాటు చేసిన కోషా ఇంటీరియర్స్‌ ఎక్స్‌పీరియన్స్‌ సెంటర్‌ను ఆమె గురువారం సందర్శించారు. ఈ సందర్భంగా మాట్లాడుతూ, తన పీకాక్‌ లైఫ్‌ బ్రాండ్‌ను నగరానికి పరిచయం చేస్తుండటం ఆనందంగా ఉందన్నారు. తన ఇంట్లో వేసిన కలర్స్‌ నచ్చక సొంతంగా రంగులు వేయడం అనే అభిరుచి నుంచి ప్రస్తుతం బాలీవుడ్‌ స్టార్స్‌ పరిణితి చోప్రా, ఇర్ఫాన్‌ ఖాన్‌, కంగనారనౌత్‌ తదితరుల ఇళ్లకు డిజైన్‌ చేసే దాకా సాగిన తన 3 దశాబ్దాల ప్రయాణాన్ని ఈ సందర్భంగా ఆమె గుర్తు చేసుకున్నారు. శతాబ్దాల నాటి ఇంటీరియర్‌ వస్తువులకు కొత్త సొబగులు అద్దుతూ కోషాలో ఏర్పాటు చేసిన ప్రదర్శనలోని ఉత్పత్తుల విశేషాలను సంస్థ సీఈఓ అజితా యోగేష్‌ వివరించారు. కార్యక్రమానికి నగరానికి చెందిన పలువురు పేజ్‌ త్రీ సోషలైట్స్‌, డిజైనింగ్‌ రంగ ప్రముఖులు.. హాజరయ్యారు.

ఉదయ్ కోటక్ రాజీనామా తర్వాత కోటక్ మహీంద్రా బ్యాంక్ (Kotak Mahindra Bank) తాత్కాలిక మేనేజింగ్ డైరెక్టర్, సీఈఓగా దీపక్ గుప్తా (Dipak Gupta) నియామకానికి రిజర్వ్ బ్యాంక్ ఆమోదం తెలిపింది. కోటక్ మహీంద్రా బ్యాంక్ బీఎస్‌ఈ (BSE) ఫైలింగ్‌లో తెలిపినట్లుగా 2023 సెప్టెంబర్ 2 నుంచి రెండు నెలల కాలానికి గుప్తా నియామకాన్ని ఆర్బీఐ (RBI) ఆమోదిస్తూ ఒక లేఖ విడుదల చేసింది. ఈ తాత్కాలిక పదవీకాలం ముగిసేలోపు బ్యాంకు పూర్తికాల ఎండీని ఆర్‌బీఐ నిర్ణయిస్తుందని భావిస్తున్నారు. ఉదయ్ కోటక్ తన పదవీ కాలానికి దాదాపు నాలుగు నెలల ముందే సెప్టెంబర్ 1న బ్యాంక్ ఎండీ, సీఈవో పదవి నుంచి వైదొలిగారు. మధ్యంతర ఏర్పాటుగా దాని జాయింట్ మేనేజింగ్ డైరెక్టర్ గుప్తా.. ఆర్బీఐ పేర్కొన్న రెండు నెలల పాటు ఎండీ, సీఈవోగా విధులు నిర్వహిస్తారు. (Uday Kotak: బ్యాట్స్‌మన్ టు బిజినెస్‌మన్‌.. రిచెస్ట్‌ బ్యాంకర్‌ గురించిన ఆసక్తికర విషయాలు) ఎండీ పదవీకాలాన్ని 15 సంవత్సరాలకు పరిమితం చేసే రెగ్యులేటరీ ఆదేశం ప్రకారం.. బ్యాంక్ బోర్డు ఈ సంవత్సరం ప్రారంభంలో ఉదయ్ కోటక్‌ను నాన్-ఎగ్జిక్యూటివ్ డైరెక్టర్‌గా నియమించాలని నిర్ణయించింది.  (వ్యాల్యూ అంటే ఇదీ.. ఆ రూ.10 వేలు ఇప్పుడు రూ.300 కోట్లు!) బ్యాంక్‌లో 26 శాతం హోల్డింగ్ ఉన్న  ఉదయ్‌ కోటక్.. ఎండీ, సీఈవో పదవికి రాజీనామా చేసిన తర్వాత నాన్-ఎగ్జిక్యూటివ్ డైరెక్టర్‌గా మారారు. ఆయన 2004లో బ్యాంక్ ప్రారంభమైనప్పటి నుంచి ఎండీగా ఉన్నారు. కోటక్ మహీంద్రా బ్యాంక్ వ్యవస్థాపకుడు, ప్రమోటర్ అయిన 64 ఏళ్ల ఉదయ్‌ కోటక్.. దేశంలోనే అత్యంత సంపన్న బ్యాంకర్. బ్యాంక్‌లో 26 శాతం వాటా కలిగి ఉన్నారు. సెప్టెంబరు 1 నాటికి ఆయన వాటా విలువ రూ. 3.5 లక్షల కోట్లు.

సాక్షి ప్రతినిధి, నిజామాబాద్‌:  సంకల్పం ఉంటే..సాధించలేనిదంటూ ఏదీ ఉండదు. ఎన్ని అవాంతరాలు..ఎన్ని అడ్డుంకులు ఎదురైనా సరే ముందుకు సాగి అనుకున్న లక్ష్యాన్ని చేరుకుంటారు. ప్రతి ఇంటా భగవద్గీత ఉండాలన్నదే లక్ష్యంగా నిజామాబాద్‌కు చెందిన జ్ఞానేందర్‌గుప్తా సంకల్పించారు. ఐదేళ్లుగా ఉచితంగా భగవద్గీత గ్రంథాన్ని పంపిణీ చేస్తున్నారు. ఇప్పటివరకు 4,618 భగవద్గీత గ్రంథాలను అందజేశారు. తన తుదిశ్వాస ఉన్నంతవరకు భగవద్గీత గ్రంథాలు పంచుతూనే ఉంటానని జ్ఞానేందర్‌గుప్తా చెబుతున్నారు. పదకొండేళ్లుగా తన తండ్రి మంచాల శంకరయ్య గుప్తా చారిటబుల్‌ ట్రస్ట్‌ ద్వారా అనేక సేవా కార్యక్రమాలు చేపడుతున్నారు. కేంద్ర మంత్రులు, రాష్ట్ర మంత్రులు, గవర్నర్లు, సుప్రీం, హైకోర్టుల న్యాయమూర్తులు, వైద్యులు, వ్యాపారులు మొదలు... సాధారణ వ్యక్తులు వరకు భగవద్గీత చేరేలా నిత్యం పరితపిస్తూనే ఉన్నాడు. భగవద్గీతతోపాటు రామకోటి పుస్తకాలు కూడా పంచుతున్నారు. పదుల సంఖ్యలో రామాయణం, మహాభారతం, భాగవతం పుస్తకాలు పంపిణీ చేశారు.  4  భాషల్లో   ‘గీతా జయంతి’పేరిట ప్రపంచంలో పుట్టినరోజు జరుపుకునే ఒకే ఒక్క గ్రంథం ‘భగవద్గీత’. ఈ గ్రంథానికి ఉన్న గుర్తింపు ప్రపంచంలో ఏ గ్రంథానికీ లేదు. ప్రపంచవ్యాప్తంగా ఎందరో మహానుభావులు, అత్యున్నతస్థాయి వ్యక్తులు భగవద్గీత నుంచి స్ఫూర్తి పొందినవారే. జ్ఞానేందర్‌గుప్తా గోరఖ్‌పూర్‌లోని గీతాప్రెస్‌ నుంచి ఆర్డర్‌పై భగవద్గీత గ్రంథాలు తెప్పిస్తున్నారు. ఈ గ్రంథం 880 పేజీల్లో 18 అధ్యాయాలు, 745 శ్లోకాలతో సవివరంగా ఉంది. తెలుగు, హిందీ, ఇంగ్లి‹Ù, మరాఠీ భాషల్లో ముద్రించిన గ్రంథాలను పంపిణీ చేస్తున్నారు. గీతాసారం అన్ని భాషల్లో ఉన్న వారికి అర్థమయ్యేలా చేర్చాలన్న సంకల్పంతో ఇలా చేస్తున్నారు. ఇటీవల దక్షిణకొరియా ఒకరు అడగ్గా కొరియర్‌లో భగవద్గీత పంపాడు, యూఎస్‌కు అయితే రెగ్యులర్‌గా ఆయనే కొరియర్‌ ద్వారా చేరవేస్తున్నారు. మరికొన్ని సేవా కార్యక్రమాల్లో... నిజామాబాద్, బోధన్, బాన్సువాడ, హైదరాబాద్, సికింద్రాబాద్, సిరిసిల్ల, వేములవాడ, సొంతూరైన సిరిసిల్ల జిల్లా కనగర్తిలలో స్వర్గ రథాలు సేవలు అందుబాటులో ఉన్నాయి. రెండునెలల్లో కాశీలోనూ స్వర్గరథం ఏర్పాటు చేస్తానని చెప్పారు. నిజామాబాద్‌లో మృతదేహాలను పెట్టేందుకు 8 ఏళ్ల నుంచి 10 ఫ్రీజర్‌లు ఉచితంగా అందుబాటులో ఉంచారు.  అమర్‌నాథ్‌ యాత్రకు వెళ్లే భక్తులకు ‘అమర్‌నాథ్‌ అన్నదాన సేవాసమితి, సిద్దిపేట ట్రస్ట్‌ ఆధ్వర్యంలో 2011 ప్రతి ఏటా 60 రోజులు అన్నదానం, ఇతర సేవలు అందజేస్తున్నారు.  ఎండాకాలంలో పిచ్చుకలు, పక్షులు నీటికోసం అలమటిస్తాయి. వాటి దాహార్తి తీర్చేందుకు రెండేళ్లలో 2,500 పైగా ‘బర్డ్‌ ఫీడర్‌ బాక్సులు’ఉచితంగా అందజేశారు. 

రాంగోపాల్‌పేట్‌ (హైదరాబాద్‌): సికింద్రాబాద్‌ రైల్వేస్టేషన్‌లో జరిగిన విధ్వంసంలో ప్రత్యక్షంగా రూ.12 కోట్ల నష్టం వాటిల్లిందని, పరోక్షంగా కూడా కోట్లలో నష్టం ఉంటుందని డివిజన్‌ రైల్వే మేనేజర్‌ ఏకే గుప్తా వెల్లడించారు. శనివారం సికింద్రాబాద్‌ రైల్వేస్టేషన్‌లో ఆయన మీడియాతో మాట్లాడారు. 30 బోగీలు, 5 రైలు ఇంజన్లు దెబ్బతిన్నాయని.. ప్లాట్‌ఫామ్‌లపై సీసీ కెమెరాలు, టీవీలు, దుకాణాలు, పార్శిళ్లకు పూర్తిగా నష్టం వాటిల్లిందని ఏకే గుప్తా చెప్పారు. రైళ్లు రద్దు కావడంతో జరిగే చెల్లింపులు, పార్శిళ్లు, ఇతర పరోక్ష నష్టాలను అంచనా వేస్తున్నామని తెలిపారు. రైల్వే ప్రయాణికుల లగేజీ కూడా నష్టం జరిగిందన్నారు. రైల్వే సిగ్నల్‌ వ్య వస్థకు ఎలాంటి నష్టం జరగలేదని.. శుక్రవా రం రాత్రి నుంచే రైళ్లను పునరుద్ధరించామని చెప్పారు. రైళ్లన్నీ యథావిధిగా నడుస్తున్నాయన్నారు. అదృష్టవశాత్తు పవర్‌ కార్‌కు ఎలాంటి నష్టం జరగలేదని, అందులో 3 వేల లీటర్ల డీజి ల్‌ ఉండటం వల్ల నిప్పంటుకుంటే నష్టం తీవ్రం గా ఉండేదని తెలిపారు. ఇందులో కుట్ర కోణ మేదైనా ఉందా అన్నదానిని దర్యాప్తు సంస్థలు తేలుస్తాయన్నారు. ఘటనలో 8 మంది రైల్వే సిబ్బందికి స్వల్పగాయాలైనట్టు చెప్పారు.

డెహ్రాడూన్‌: దక్షిణాఫ్రికాకు చెందిన గుప్తా కుటుంబానికి ఉత్తరాఖండ్‌లోని జోషిమత్‌ మున్సిపాలిటీ రూ. 2.5 లక్షల జరిమానా విధించింది. పెళ్లి తర్వాత మిగిలిన చెత్తను ఖాళీగా ఉన్న చోట పడేయడంతో జరిమానా విధించినట్లు జోషిమత్‌ మున్సిపాలిటీ అధికారి సత్యపాల్‌ నౌతియాల్‌ తెలిపారు. ఉత్తరాఖండ్‌లోని ఔలి స్కి రిసార్ట్‌లో జూన్‌ 20,  22న జరిగిన వారి ఇద్దరి కుమారుల పెళ్లిళ్లలో 321 క్వింటాళ్ల చెత్త పోగయింది. ఆ చెత్తను అలాగే వదిలేసినందుకు రూ. 1.5 లక్షలు, ఖాళీ స్థలంలో వేసినందుకు మరో లక్ష జరిమానా విధించింది. ఈ పెళ్లిళ్లకు రూ. 200 కోట్లు ఖర్చు చేశారు. పెళ్లిళ్ల అనంతరం చెత్తను తొలగించేందుకుగాను ఈవెంట్‌ మేనేజ్‌మెంట్‌ కంపెనీకి రూ. 8.14 లక్షల బిల్లును పంపినట్లు అధికారులు తెలిపారు. యూజర్‌ చార్జీలు రూ. 54 వేలతో కలిపి మున్సిపాలిటీకి ముందుగానే రూ. 5.54 లక్షలను గుప్తా సోదరులు డిపాజిట్‌ చేయడం విశేషం.

డెహ్రాడూన్‌: దక్షిణాఫ్రికాకు చెందిన గుప్తా కుటుంబంపై జోషిమత్‌ మున్సిపాలిటీ రూ. 2.5 లక్షల జరిమానా విధించింది. పెళ్లి తర్వాత మిగిలిన చెత్తను ఖాళీగా ఉన్న చోట పడేయడంతో జరిమానా విధించినట్లు జోషిమత్‌ మున్సిపాలిటీ అధికారి సత్యపాల్‌ నౌతియాల్‌ తెలిపారు. ఉత్తరాఖండ్‌లోని ఔలి స్కి రిసార్ట్‌లో జూన్‌ 20, 22న జరిగిన వారి ఇద్దరి కుమారుల పెళ్లిళ్లలో 321 క్వింటాళ్ల చెత్త పోగయింది. ఆ చెత్తను అలాగే వదిలేసినందుకు రూ. 1.5 లక్షలు, ఖాళీ స్థలంలో వేసినందుకు మరో లక్ష జరిమానా విధించింది. ఈ పెళ్లిళ్లకు దాదాపు రూ. 200 కోట్లు ఖర్చు చేశారు. పెళ్లిళ్ల అనంతరం చెత్తను తొలగించేందుకుగాను ఈవెంట్‌ మేనేజ్‌మెంట్‌ కంపెనీకి రూ. 8.14 లక్షల బిల్లును పంపినట్లు అధికారులు తెలిపారు. 

సాక్షిప్రతినిధి, నల్లగొండ : నల్లగొండ స్థానిక సంస్థల ఎమ్మెల్సీ స్థానానికి నోటిఫికేషన్‌ వెలువడింది. ఈ నెల 31వ తేదీన పోలింగ్‌ నిర్వహించనున్నారు. గత డిసెంబర్‌లో జరిగిన శాసనసభ ముందస్తు ఎన్నికల్లో స్థానిక సంస్థల ఎమ్మెల్సీగా ఉన్న కోమటిరెడ్డి రాజగోపాల్‌రెడ్డి మునుగోడు శాసనసభ్యుడిగా విజయం సాధించారు. ఆయన ఎమ్మెల్సీ పదవికి రాజీనామా చేయడంతో ఈ స్థానం ఖాళీ అయ్యింది. అధికార టీఆర్‌ఎస్‌లో పలువురు నాయకులు ఈ స్థానానికి ఎమ్మెల్సీ ఎన్నికల నోటిఫికేషన్‌ ఎప్పుడు వస్తుందా అని ఆశగా ఎదురుచూస్తున్నారు. దీంతో ఎమ్మెల్సీ పదవి పోటీ ఎక్కువగానే ఉంటుందన్న అభిప్రాయం పార్టీ వ ర్గాల్లో వ్యక్తమవుతోంది. నల్లగొండ ఎంపీ గుత్తా సుఖేందర్‌రెడ్డిని ఎమ్మెల్యే కోటాలో ఎమ్మెల్సీగా పో టీకి పెట్టనున్నట్లు ఇప్పటికే ఆ పార్టీ అధినేత, సీ ఎం కేసీఆర్‌ ప్రకటించారు. ఇక పార్టీలో ఉన్న కొం దరు సీనియర్లు, ఒకరిద్దరు మాజీ ఎమ్మెల్యేలు సై తం స్థానిక సంస్థల ఎమ్మెల్సీ అభ్యర్థిత్వాన్ని ఆశిస్తున్నారు. కాగా, 2015లో జరిగిన ఎమ్మెల్సీ ఎన్నికల్లో కాంగ్రెస్‌ అభ్యర్థి రాజగోపాల్‌రెడ్డి చే తిలో ఓడిపోయిన టీఆర్‌ఎస్‌ అభ్యర్థి డాక్టర్‌ తేరా చిన్నపురెడ్డికే తిరిగి అభ్యర్థిత్వం ఖరారు అవుతునంద్న అభిప్రాయం టీఆర్‌ఎస్‌ వర్గాలు వ్యక్తం చేశాయి. ప్రస్తుత సభ్యులే ఓటర్లు.. జిల్లాలో స్థానిక సంస్థలకు మూడు విడతల్లో ఎన్నికలు జరుగుతున్నాయి. కాగా, ఇప్పటికే తొలి విడత పోలింగ్‌ కూడా పూర్తయ్యింది. ఈ నెల 14వ తేదీతో మూడు విడతల ఎన్నికలు పూర్తి కానున్నాయి. కాగా, స్థానిక సంస్థల ఎమ్మెల్సీ ఎన్నికల్లో కొత్తగా ఎన్నికయ్యే ఎంపీటీసీ, జెడ్పీటీసీ సభ్యులు కాకుండా ప్రస్తుత సభ్యులే ఓటర్లుగా ఉంటారని అధికార వర్గాలు చెబుతున్నాయి. అంతే కాకుం డా, జూలై మొదటి వారంలో పదవీకాలం ముగి యనున్న మున్సిపల్‌ కౌన్సిలర్లు కూడా స్థానిక ఎమ్మెల్సీ ఎన్నికల్లో తమ ఓటు హక్కును వినియోగించుకోనున్నారు. గత ఎన్నికల నాటి ఓటర్లతో పోలిస్తే తాజా ఓటర్ల సంఖ్య తగ్గింది. డిసెంబర్‌ 2015లో జరిగిన నల్లగొండ స్థానిక ఎమ్మెల్సీ ఎన్నికల్లో 1110 మంది ఓటర్లు ఉండగా ఇప్పుడు వారి సంఖ్య 44 తగ్గి 1,066కు చేరింది. వీరిలో పలువురు ఎంపీటీసీ సభ్యులు గ్రామ పంచాయతీ ఎన్నికల్లో సర్పంచ్‌లుగా పోటీ చేయడం కోసం ఎంపీటీసీ పదవులకు రాజీనామా చేశారు. స్థానిక ఎమ్మెల్సీ స్థానానికి నమోదైన ఓటర్లలో 2015 లెక్కల ప్రకారం నల్లగొండ రెవిన్యూ డివిజన్‌ పరిధిలో మున్సిపల్‌ కౌన్సిలర్లు 41 మంది, ఎంపీటీసీ సభ్యులు 160 మంది, జెడ్పీటీసీ సభ్యులు 12మంది కలిపి మొత్తం 213 మంది ఉన్నారు. అ దే మాదిరిగా, మిర్యాలగూడ రెవెన్యూ డివిజన్‌ పరిధిలో మున్సిపల్‌ కౌ న్సిలర్లు 37, హుజూర్‌నగర్‌ నగర పంచాయతీలో సభ్యులు 21, ఈ రెండు రెవెన్యూ డివిజన్ల పరిధి లో ఎంపీటీసీ సభ్యులు 167, జెడ్పీటీసీ సభ్యులు 11 మంది, మొత్తంగా 238 మంది ఉన్నారు. దేవరకొండ డివిజన్‌ పరిధి లో నగర పంచాయతీ సభ్యులు 21, ఎంపీటీసీ సభ్యులు 110, జెడ్పీటీసీ సభ్యులు 8 మంది సహా మొత్తం 139 మంది ఉన్నారు. భువనగిరి డివిజన్‌లో మున్సిపల్‌ కౌన్సిలర్లు 31, ఎంపీటీసీ సభ్యులు 194, జెడ్పీటీసీ సభ్యులు 14 మంది కలిపి మొత్తం 239 మంది. సూర్యాపేటలో కౌన్సిలర్లు 35, కోదాడలో కౌన్సిలర్లు 32 మంది కాగా, మొత్తం ఎంపీటీసీ సభ్యులు 202, జెడ్పీటీసీ సభ్యులు 14 మంది కలిపి మొత్తం 283 మంది ఉన్నారు. ఈ మొత్తం ఓటర్ల నుంచి 44 మంది తగ్గారు. పార్టీలు మారిన సభ్యులు.. 2014లో జరిగిన స్థానిక సంస్థల ఎన్నికల్లో ఎంపీటీసీ, జెడ్పీటీసీ సభ్యులుగా, మున్సిపల్‌ కౌన్సిలర్లుగా అత్యధికులు కాంగ్రెస్‌ నుంచే గెలిచారు. ఆ ఎన్నికల్లో టీఆర్‌ఎస్‌ పెద్దగా గెలుచుకోలేకపోయిం ది. ఆ తర్వాత వీరిలో అత్యధికులు కాంగ్రెస్‌ను వీడి అధికారంలో ఉన్న టీఆర్‌ఎస్‌ పార్టీ పంచన చేరారు. అయినా, 2015లో జరిగిన ఎమ్మెల్సీ ఎన్నికల్లో కాంగ్రెస్‌ విజయం సాధించింది. అప్పటికి స్థానిక సభ్యులు ఎక్కువ మంది కాంగ్రెస్‌లోనే ఉండడంతో కాంగ్రెస్‌ అభ్యర్థి గెలుపు సునా యా సం అయ్యింది. కానీ, ఇప్పుడా ఆ సభ్యుల్లో అత్యధికులు టీఆర్‌ఎస్‌లో ఉండడంతో ఈసారి ఎన్నికల్లో గెలుపు అవకాశం తమకే ఉంటుందన్నది టీఆ ర్‌ఎస్‌ వర్గాల వాదనగా ఉంది. కాగా, అసలు ఈ స్థానిక ఎమ్మెల్సీ ఎన్నికల్లో కాంగ్రెస్‌ పోటీ చేస్తుం దా..? అయితే, ఎవరికి అవకాశం దక్కుతుందన్న అంశంపై భిన్నాభిప్రాయం వ్యక్తం అవుతోంది.

హైదరాబాద్, బిజినెస్‌ బ్యూరో: వాటర్, ఎయిర్‌ ప్యూరిఫయర్ల తయారీ సంస్థ ‘కెంట్‌ ఆర్‌వో సిస్టమ్స్‌’... కిచెన్‌ అప్లయన్సెస్‌ శ్రేణిని విస్తృతం చేసే పనిలో ఉంది. ఇప్పటికే కంపెనీ గ్రైండర్‌/బ్లెండర్, టోస్టర్, జ్యూసర్, శాండ్‌విచ్‌ మేకర్, ఎలక్ట్రిక్‌ రైస్‌ కుకర్, ఫ్రైయర్, దోస మేకర్‌ వంటి ఉపకరణాలను విక్రయిస్తోంది. డిమాండ్‌ ఉన్న అప్లయన్సెస్‌ తయారీలోకి ప్రవేశిస్తామని కెంట్‌ ఆర్‌వో సిస్టమ్స్‌ సీఎండీ మహేష్‌ గుప్త తెలిపారు. సోమవారమిక్కడ నూతన శ్రేణి ఆర్‌వో వాటర్‌ ప్యూరిఫయర్లను ప్రవేశపెట్టిన సందర్భంగా మీడియాతో మాట్లాడారు. 20 మంది సిబ్బందితో కూడిన పరిశోధన, అభివృద్ధి విభాగం కొత్త అప్లయన్సెస్‌ రూపకల్పనలో నిమగ్నమైందని ఆయన తెలియజేశారు. డిజిటల్‌ పవర్‌ ఉపకరణాలను దశల వారీగా ప్రవేశపెడుతున్నామని, వీటి ఆధారంగా ఇంటర్నెట్‌ ఆధారిత అప్లయన్సెస్‌ విడుదల చేయడం సులభమని చెప్పారు.   మూడేళ్లలో రూ.1,500 కోట్లు..: కెంట్‌ ప్రస్తుత ఆర్థిక సంవత్సరంలో 15 శాతం వృద్ధితో రూ.950 కోట్ల టర్నోవర్‌ను నమోదు చేయగలమని ఆశిస్తోంది. ‘మూడేళ్లలో రూ.1,500 కోట్లకు చేరుకుంటాం. టర్నోవరులో 10 శాతం నాన్‌–ప్యూరిఫయర్‌ విభాగం నుంచి సమకూరుతోంది. రానున్న రోజుల్లో ఈ విభాగం వాటా మరింత అధికం కానుంది. రూ.1,800 కోట్ల వ్యవస్థీకృత ఆర్‌వో వాటర్‌ ప్యూరిఫయర్ల మార్కెట్లో కెంట్‌కు 40 శాతం వాటా ఉంది. 19 రకాల వాటర్‌ ప్యూరిఫయర్లను విక్రయిస్తున్నాం’ అని వివరించారు. కాగా, నూతన శ్రేణి నెక్స్‌ట్‌జెన్‌ ఆర్‌వో వాటర్‌ ప్యూరిఫయర్ల ధర రూ.14,500–19,000 మధ్య ఉంది. బ్యాక్టీరియా, ఇతర మలినాలు చేరకుండా వాటర్‌ ట్యాంకులో అల్ట్రా వయోటెల్‌ రక్షణ ఏర్పాటు ఉంది. అలాగే ప్యూరిటీ వివరాలు తెలిపే డిజిటల్‌ డిస్‌ప్లే పొందుపరిచారు.

ముంబై: పొదుపు ఖాతాల కనీస నిల్వ మొత్తం (ఎంబీఏ) నిర్వహణ  నిబంధనలు... వీటిని పాటించకపోతే కస్టమర్లపై భారీ చార్జీల మోత. ఇందుకు సంబంధించి వస్తున్న తీవ్ర విమర్శలకు  ప్రభుత్వ రంగ బ్యాంకింగ్‌ దిగ్గజం ఎస్‌బీఐ దిగివస్తున్నట్లు కనిపిస్తోంది.  కనీస నిల్వను ప్రస్తుత స్థాయి నుంచి తగ్గించాలని, సగటు నిల్వ... దీనిని పాటించకపోతే జరిమానాకు వర్తించే కాలాన్ని సైతం ‘నెల’ నుంచి ‘త్రైమాసికానికి’ మార్చాలని ఎస్‌బీఐ నిర్ణయం తీసుకుంటున్నట్లు అత్యున్నత స్థాయి వర్గాలు తెలిపాయి. దీనివల్ల ఒక కస్టమర్‌ అకౌంట్లో ఒక నెలలో అవసరమైన సగటు నగదు నిల్వ కొరవడినా, మూడు నెలల్లో వచ్చే–పోయే నిధుల వల జరిమానా సమస్య నుంచి ఖాతాదారుడికి ఊరట లభించవచ్చు.   విమర్శల పర్వం... ఎన్‌బీఐ చార్జీల బాదుడుపై వినియోగదారుల నుంచి పెద్ద ఎత్తున వస్తున్న విమర్శలు, కేంద్రం నుంచి వస్తున్న ఒత్తిడులు ఎస్‌బీఐ తాజా నిర్ణయానికి కారణమని తెలుస్తోంది. కనీస నిల్వ పాటించని కారణంగా 2017 ఏప్రిల్‌– నవంబర్‌ మధ్య కాలంలో ఎస్‌బీఐకి ఫీజులుగా రూ.1,772 కోట్లు లభించాయన్న వార్తల నేపథ్యంలో... తాజా పరిణామాలు చోటుచేసుకోవడం విశేషం. ఎస్‌బీఐ ప్రస్తుతం 40 కోట్ల పొదుపు ఖాతా వినియోగదారులను కలిగి ఉంది.  ప్రస్తుతం ఎస్‌బీఐ వసూలు చేస్తున్న రూ.3,000 కనీస నిల్వ విధానం ఇతర పలు ప్రభుత్వ బ్యాంకులతో పోల్చిచూస్తే ఎక్కువకాగా, ప్రైవేటు  బ్యాంకులకన్నా తక్కువ.  ‘‘నెలవారీ సగటు బ్యాలెన్స్‌పై మేము తరచూ సమీక్షిస్తున్నాం. అక్టోబర్‌లో దీనికి కొంత తగ్గించాం. మళ్లీ ఈ విషయంలో సమీక్ష ప్రక్రియలో ఉన్నాం. వచ్చిన సమాచారం ఆధారంగా నిర్ణయం తీసుకుంటాం’’ అని బ్యాంక్‌ ఎండీ పీకే గుప్తా శుక్రవారం ఇక్కడ విలేకరులకు తెలిపారు.


 
 ఆదర్శంగా నిలుస్తున్న సంతకవిటికి చెందిన గుప్త
 
 ఏడాదికి రెండు సార్లు రక్తదానం 
 
 ఎందరికో ప్రాణం పోస్తున్న వైనం 
 
 రక్త దాతగా పేరు సార్థకం 
 
 బయోడేటా...
 పేరు: పొట్నూరు గుప్త 
 ఊరు: సంతకవిటి 
 ప్రత్యేకత: ఇప్పటికి 47 సార్లు రక్తదానం చేయడం
 జీవనాధారం: పాన్‌షాపు 
 చదువు: ఇంజినీరింగ్‌,  వయసు: 48 
 
 ఏడాదికి రక్తదానం చేసిన సందర్భాలు సగటున : 02 నుంచి 03 
 
 తొలిసారి రక్తదానం చేసిన ప్రాంతం: మహారాష్ట్రలోని లొట్టూరులో(1985లో)
 
 47వ రక్తదానం చేసిన ప్రాంతం: సంతకవిటి సత్యసాయి మందిరం(2016, జూలై–27న)
 
 రక్తదానానికి భయపడే ఎందరికో ఆయన స్ఫూర్తి. ఒకటి రెండు సార్లు కాదు ఇప్పటి వరకు 47 సార్లు రక్తం దానం చేశారు. ఆపదలో ఉన్నవారిని ఆదుకున్నారు. ప్రాణం పోశారు. ఆరోగ్యంగా, ఆత్మసంతృప్తితో జీవిస్తున్నారు. తల్లిదండ్రుల చెంతనే ఉండాలన్న ఆకాంక్షతో సంతకవిటిలో పాన్‌షాపు నిర్వహిస్తూ ఆనందకర జీవనం సాగిస్తున్న ఓ ఇంజినీరింగ్‌ విద్యార్థి ఘనత ఇది. 
  
 సంతకవిటి: మండల కేంద్రంలోని పాత తహశీల్దార్‌ కార్యాలయం పక్కన పాన్‌షాపు నిర్వహిస్తూ జీవనం సాగిస్తున్న పొట్నూరు గుప్త ఇంజినీరింగ్‌ చదివారు. 19వ ఏట నుంచి రక్తదానం చేయడం ఆరంభించారు. ఇప్పటి వరకు 48 ఏళ్ల వయసులో 47 సార్లు రక్తదానం చేశారు. ఏడాదికి రెండు సార్లు రక్తదానం చేస్తారు. ఒక్కోసారి అవసరాన్ని బట్టి మూడు పర్యాయాలు కూడా చేస్తున్నారు. రక్తం కావాలని ఎవరు సంప్రదించినా నేనున్నాంటూ ముందుకు వస్తారు. స్వచ్ఛందంగా వెళ్లి రక్తదానం చేస్తూ ఆపదలో ఉన్నవారిని ఆదుకుంటున్నారు. వారికి ప్రాణం పోస్తున్నారు. ఇప్పటివరకు ఈయనకు అనారోగ్యం అన్నది తెలియదు. ఆరోగ్యంగా, చలాకీగా ఉంటారు. రక్తదాతగా పేరు పొందారు. సంతకవిటి మండలంలోని గరికిపాడు గ్రామానికి చెందిన ఎం.సంగంనాయుడు ప్రాణాపాయ స్థితిలో ఉండగా రక్తం అందించి జీవం పోశారు. మరో ఆరుగురు వ్యక్తులకు అత్యసవసర సమయంలోనే రక్తందానం చేశారు. మిగిలిన రోజుల్లో ప్రతి ఆరు నెలలకోసారి రక్తదానం చేయడం ఆయనకు అలవాటుగా మారింది. 
  
 ప్రాణం నిలబడుతుంది.. 
 రక్తదానం చేస్తే మన ప్రాణాలేమి పోవు. శరీరంలో రక్తం వృథాయే తప్ప ప్రయోజనం ఉండదు. అదే రక్తాన్ని దానం చేస్తే మరొకరి ప్రాణాలు కాపాడవచ్చు. రక్తదానం వల్ల ఎలాంటి వ్యాధులు దరిచేరవు. బద్ధకం, తలనొప్పి, కీళ్ల నొప్పులు ఉండవు. రక్తం ఇచ్చిన మూడునెలల్లో రికవరీ అవుతుంది. గ్రామంలోని యువకులు రక్తదానం చేస్తే చాలా ఆనందంగా ఉంటుంది. 
 – పొట్నూరు గుప్త, రక్తదాత, సంతకవిటి
  


 కాంపిటీటివ్ గెడైన్స్ : ఇండియన్ హిస్టరీ
 గుప్తుల అనంతర యుగం (క్రీ.శ. 6వ శతాబ్దం - 8వ శతాబ్దం)
 గుప్తుల తర్వాత భారతదేశం మరోసారి అనేక చిన్న చిన్న రాజ్యాలుగా చీలిపోయింది. ఈ రాజకీయ అనైక్యత ఉత్తర భారతంలో తీవ్రంగా ఉంది. ఈ కాలంలోనే ఉత్తరాదిలో.. వల్లభి కేంద్రంగా మైత్రకులు, గౌహతి కేంద్రంగా (కామరూప రాజ్యం) - వర్మన్ వంశం, పాటలీపుత్రం కేంద్రంగా - కడపటి గుప్తులు పాలించారు. అలాగే బెంగాల్ కేంద్రంగా - గౌడ వంశం, కనౌజ్ కేంద్రంగా - మౌఖరీలు, ఒడిశా కేంద్రంగా-మాతరులు, మానవంశం, స్థానేశ్వర్ కేంద్రంగా- పుష్యభూతి వంశంవారు పాలన కొనసాగించారు.
 
 అయితే పుష్యభూతి వంశంవారు క్రమంగా ఈ రాజ్యాలన్నింటినీ జయించి మొత్తం ఉత్తర భారతదేశాన్ని రాజకీయంగా ఏకం చేసి పాలించారు. ఈ కాలంలో దక్షిణ భారతదేశాన్ని పశ్చిమ గాంగులు, బాదామీ చాళుక్యులు, పల్లవులు, పాండ్యులు మొదలైన రాజవంశాలు పాలిస్తున్నాయి. ఈ వంశాలు దక్షిణ భారతదేశంలో వాస్తు, శిల్ప కళలకు అమూల్యమైన సేవలను అందించాయి. గుప్తుల తర్వాత యుగంలో ఉత్తరాదిని పాలించిన రాజవంశాలన్నింటిలో ‘పుష్యభూతి వంశం’ గొప్పది.
  
 పుష్యభూతి వంశం
  
 పుష్యభూతి
 ఇతడు తన పేరుతో పుష్యభూతి వంశాన్ని స్థాపించాడు. స్థానేశ్వర్ రాజధానిగా గుప్తుల సామంతుడిగా పరిపాలించాడు.
  
 ప్రభాకర వర్థనుడు
 పుష్యభూతి వంశంలో తొలి స్వతంత్ర రాజు. తన స్వతంత్ర పాలనకు గుర్తుగా ‘రాజాధిరాజ’ అనే బిరుదును ధరించాడు. ప్రభాకరుడి భార్య యశోమతి. ప్రభాకర వర్థనుడు
  క్రీ.శ. 605లో మరణించగా భార్య సతీ సహగమనాన్ని ఆచరించిందని బాణుడి గ్రంథాల ద్వారా తెలుస్తోంది.
  
 రాజ్యవర్థనుడు
 ప్రభాకర వర్థనుడు తన జ్యేష్ట పుత్రుడు రాజ్య వర్థనుడికి బదులు రెండో కుమారుడు హర్షుడిని రాజుగా చేయాలని సంకల్పించాడు. దీనికి హర్షుడు సమ్మతించలేదు. దీంతో రాజ్యవర్థనుడు రాజయ్యాడు. ఇతడి కాలంలో కనౌజ్‌ను గ్రహవర్మ అనే మౌకరీరాజు పాలించేవాడు. ఇతడు రాజ్యవర్థనుడి సోదరి రాజ్యశ్రీ భర్త. మగధను, మాళ్వాను పాలించే దేవగుప్తుడు.. గౌడ దేశాన్ని పాలించే శశాంకుడితో కలిసి.. గ్రహవర్మను చంపి కనౌజ్‌ను ఆక్రమించాడు. రాజ్యవర్థనుడు దేవగుప్తుడిని చంపి కనౌజ్‌ను స్వాధీనం చేసుకున్నాడు. శశాంకుడు.. రాజ్యవర్థనుడిని హత్య చేయడంతో హర్షుడు రాజ్యానికి వచ్చాడు.
  
 హర్షవర్థనుడు
 హర్షవర్థనుడు గౌడ శశాంకుడి నుంచి కనౌజ్‌ను విడిపించి, రాజధానిని స్థానేశ్వరం నుంచి కనౌజ్‌కు మార్చాడు. శశాంకుడి తర్వాత గౌడ దేశాన్ని కూడా ఆక్రమించాడు. ఆ తర్వాత తన దిగ్విజయ యాత్రలు ప్రారంభించి.. సింధు, వల్లభి, గుజరాత్, సౌరాష్ర్ట మొదలైన ప్రాంతాలను జయించాడు. లత, మాళ్వా ప్రాంతాలపై ఆధిపత్యం విషయంలో హర్షుడికి.. బాదామీ చాళుక్యరాజు రెండో పులకేశితో ఘర్షణ అనివార్యమైంది.
 
 హర్షుడు.. పులకేశితో యుద్ధానికి చేసిన సన్నాహాల గురించి బాణభట్టు తన రచనల్లో వివరించాడు. వీరి మధ్య జరిగిన యుద్ధం గురించిన ప్రస్తావన రెండో పులకేశికి చెందిన ఐహోల్ ప్రశస్తిలో కనిపిస్తోంది. ఈ యుద్ధంలో హర్షుడి విజయం సందిగ్ధకరం అని భావించాలి. పులకేశి వారసులు ఈ యుద్ధంలో పులకేశి విజయం సాధించినట్లు పేర్కొన్నారు. అయితే చరిత్రకారులు వీరి మధ్య స్నేహపూర్వక ఒప్పందం జరిగినట్లు భావిస్తున్నారు.
 
 హర్షుడు సాధించిన సైనిక విజయాల సమాచారం అతడు జారీ చేసిన వివిధ శాసనాల ద్వారా లభిస్తోంది. హర్షుడు బన్సిఖేర, మధుబన్, సోనేపట్ మొదలైన శాసనాలను జారీ చేశాడు. హర్షుడు మరణించే నాటికి అతడి రాజ్యంలో కాశ్మీర్ తప్ప మిగిలిన ఉత్తర భారతదేశమంతా ప్రత్యక్షంగానో, పరోక్షంగానో అంతర్భాగంగా ఉండేది. అందుకే హర్షుడిని ఉత్తర భారతదేశాన్ని పాలించిన చివరి గొప్ప హిందూ రాజుగా పరిగణిస్తారు.
  
 పాలనా విధానం
 ప్రాచీన భారతదేశ చరిత్రలో చివరిసారిగా ఒక పటిష్టమైన పాలనాపద్ధతిని ఏర్పాటు చేసిన రాజు హర్షుడు. ఇతడి పాలనా సమర్థత వల్ల గుప్తుల అనంతరం ఉత్తర భారతంలో దాదాపు 40 ఏళ్లపాటు శాంతియుత వాతావరణం ఏర్పడింది. కనౌజ్‌కు దగ్గరగా ఉన్న ప్రాంతాలను ఇతడు ప్రత్యక్షంగా పాలించినప్పటికీ.. పరోక్ష పాలనలో మాత్రం చాలా ప్రాంతాలుండేవి. హర్షుడి కాలంలో వచ్చిన ప్రధాన మార్పు భూస్వామ్య వ్యవస్థ ఏర్పడటం. దీంతోపాటు సామంత వ్యవస్థ కూడా పెరిగిపోయింది.
 
 ఒక రాజుకు ఉన్న సామంతుల సంఖ్యను బట్టి అతడి గొప్పదనాన్ని అంచనా వేయడం ప్రారంభమైంది. హర్షుడు తన సామ్రాజ్యాన్ని పరిపాలనా సౌలభ్యం కోసం అనేక రాష్ట్రాలుగా విభజించాడు. వీటిని ‘భుక్తి’ అని పిలిచేవారు. రాష్ట్రాలను ‘విషయ’ అనే పేరుతో జిల్లాలుగా విభజించారు. జిల్లాలను ‘పాథక’ అని విభజించారు. పాలనలో చిట్టచివరి విభాగం గ్రామం.
  
 పరిపాలనలో రాజుకు సహాయంగా మంత్రి పరిషత్ ఉండేది. హర్షుడి అధికారుల్లో ముఖ్యమైనవారు మంత్రి, సేనాపతి, మహాసామంత, కుమారామాత్య, ఉపారిక, విషయపతి, రాజస్థానీయ తదితరులు. ఉన్నతాధికారులందరికీ వేతనాలను భూముల రూపంలోనే చెల్లించేవారు. కేవలం కిందిస్థాయి సైనికులకే జీతాలను నగదు రూపంలో చెల్లించేవారు. అందుకే ఈ కాలంలో అతి తక్కువ సంఖ్యలో నాణేలు కనిపిస్తాయి. నాణేల కొరతకు మరో కారణం.. ఈ కాలంలో వ్యాపార వాణిజ్యాలు మరింతగా క్షీణించడమే. ప్రజలపై పన్నుల భారం తక్కువగానే ఉండేది. రాజ్యానికి ప్రధాన ఆదాయ వనరు భూమిశిస్తు. ఇది పంటలో ఆరో వంతుగా ఉండేది. ‘తుల్యమేయ’ అనే అమ్మకం పన్ను కూడా విధించారు.
  - కె. యాకూబ్‌బాష, సబ్జెక్టు నిపుణులు


 
 జ్యుడీషియల్ దర్యాప్తునకు సీఎం ఆదేశం
 
 బిలాస్‌పూర్/ఐరాస: ఛత్తీస్‌గఢ్‌లోని బిలాస్‌పూర్‌లో నిర్లక్ష్యంగా కుటుంబ నియంత్రణ శస్త్ర చికిత్సలు చేసి 13 మంది మహిళల మృతికి కారణమైనవాడిగా ఆరోపణలు ఎదుర్కొంటున్న లాప్రోస్కోపిక్ సర్జన్ డాక్టర్ ఆర్‌కే గుప్తాను గురువారం పోలీసులు అరెస్ట్ చేశారు. అయితే, ఇందులో తన తప్పేం లేదని, ప్రభుత్వం సరఫరా చేసిన నాణ్యత లేని ఔషధాల కారణంగానే సర్జరీ అనంతర సమస్యలు తలెత్తి మరణాలు సంభవించాయని డాక్టర్ గుప్తా పేర్కొన్నారు.
 ఈ ఘటనపై ముఖ్యమంత్రి రమణ్‌సింగ్ గురువారం న్యాయవిచారణకు ఆదేశించారు. హైదరాబాద్ అపోలో ఆసుపత్రి నుంచి 16 మంది వైద్యుల బృందం గురువారం బిలాస్‌పూర్ బాధితులను పరీక్షించారు.  కాగా నాణ్యత లేని ఔషధాలను సరఫరా చేసిన మహావర్ ఫార్మాకు చెందిన ఉత్పత్తి కేంద్రాన్ని అధికారులు సీజ్ చేశారు. మరోవైపుఘటనపై ఐరాస ప్రధాన కార్యదర్శి బాన్ కీమూన్ ఆందోళన వ్యక్తం చేశారు.
  


 న్యూయార్క్: ఇన్‌సైడర్ ట్రేడింగ్ కేసులో జైలుకి వెళ్లకుండా గోల్డ్‌మన్ శాక్స్ మాజీ డెరైక్టర్ రజత్ గుప్తా చేసిన ఆఖరు ప్రయత్నం విఫలం అయ్యింది. బెయిల్‌ను కొనసాగించాలంటూ ఆయన చేసిన విజ్ఞప్తిని అమెరికా సుప్రీం కోర్టు తోసిపుచ్చింది. దీంతో ఈ నెల 17న గుప్తా కారాగారానికి వెళ్లక తప్పని పరిస్థితి నెలకొంది. న్యూయార్క్ నగరానికి 112 కిలోమీటర్ల దూరంలోని ఒటిస్‌విల్‌లో మధ్య స్థాయి భద్రత ఉండే కారాగారంలో గుప్తాను ఉంచనున్నారు. ఇన్‌సైడర్ ట్రేడింగ్ కేసులో రజత్ గుప్తాకు రెండేళ్ల జైలు శిక్ష పడిన సంగతి తెలిసిందే.