ముగ్గురు కుర్రాళ్ల జీవితంలో కాయ్ రాజా కాయ్ ఆట ఎలాంటి మార్పులకు కారణమైంది? అనే కథాంశంతో మారుతి టాకీస్ సమర్పణలో ఫుల్‌మూన్ ఎంటర్‌టైన్‌మెంట్స్ నిర్మించిన చిత్రం ‘కాయ్ రాజా కాయ్’. రామ్ ఖన్నా, మానస్, షామిలి, శ్రావ్య ముఖ్య తారలుగా శివ గణేశ్ దర్శకత్వంలో రూపొందిన ఈ చిత్రం ఈ నెల 23న విడుదల కానుంది. ఈ సందర్భంగా దర్శకుడు మాట్లాడుతూ -‘‘ప్రేమకథ నేపథ్యంలో సాగే మాస్ ఎంటర్‌టైనర్ ఇది. జేబీ మంచి స్వరాలందించారు. యువతరంతో పాటు కుటుంబ ప్రేక్షకులు కూడా చూసే విధంగా ఈ చిత్రం ఉంటుంది’’ అన్నారు. శివ గణేశ్‌కిది తొలి చిత్రం అయినప్పటికీ బాగా తెరకెక్కించాడని మారుతి పేర్కొన్నారు.
  


 ‘‘ ‘ఈ రోజుల్లో’, ‘బస్‌స్టాప్’ చిత్రాలకు నా దగ్గర దర్శకత్వ శాఖలో పనిచేసిన శివగణేశ్‌ని దర్శకునిగా పరిచయం చేస్తూ ఈ సినిమా తీస్తున్నాం. నా సినిమాల విజయంలో ఎవరి క్రెడిట్ వారిదే తప్ప, అందరి క్రెడిట్‌నూ నేను తీసుకునే ప్రయత్నం చేయను’’ అని దర్శక నిర్మాత మారుతి చెప్పారు. రామ్‌ఖన్నా, మానస్, జోష్వ్రి, శ్రావ్య, షామిలి, హరికృష్ణ ముఖ్యతారలుగా శివగణేశ్ దర్శకత్వంలో మారుతి టాకీస్, ఫుల్‌మూన్ ఎంటర్‌టైన్‌మెంట్స్ సంస్థలు సంయుక్తంగా నిర్మిస్తున్న చిత్రం ‘కాయ్ రాజా కాయ్’.
  
  ఈ నెల 28న పాటలను, వచ్చే నెలలో చిత్రాన్ని విడుదల చేస్తామని నిర్మాతల్లో ఒకరైన గోపాల్ తెలిపారు. కాయ్ రాజా కాయ్ అంటూ కొందరు స్నేహితులు కలిసి ఆడిన ఆట వారి జీవితాలపై ఎలాంటి ప్రభావాన్ని చూపించిందన్నది ఈ సినిమా ప్రధాన కథాంశమని దర్శకుడు పేర్కొన్నారు. రియలిస్టిక్‌గా ఉండే ఈ సినిమా అందరికీ నచ్చుతుందని రామ్‌ఖన్నా, మానస్ చెప్పారు. ఈ చిత్రానికి సంగీతం: జె.బి., కెమెరా: దేవ్, ఎగ్జిక్యూటివ్ నిర్మాత: శ్రీనివాస్ అడ్డాల.
  


 ‘‘మారుతి సినిమా అంటే ఓ మార్క్ పడిపోయింది. కానీ, నా గత చిత్రాల తరహాలో కాకుండా సరికొత్త పంథాలో ఈ సినిమా ఉంటుంది. షూటింగ్ పూర్తయ్యింది. జేబీ మంచి స్వరాలిచ్చారు. త్వరలో పాటలను, వచ్చే నెలలో ఈ చిత్రాన్ని విడుదల చేస్తాం’’ అని మారుతి చెప్పారు. శివగణేశ్‌ని దర్శకునిగా పరిచయం చేస్తూ మారుతి టాకీస్, ఫుల్‌మూన్ ఎంటర్‌టైన్‌మెంట్స్ సంయుక్తంగా నిర్మించిన చిత్రం ‘కాయ్ రాజా కాయ్’. ఈ సినిమా ప్రచార చిత్రాలను సోమవారం సుమంత్ అశ్విన్ ఆవిష్కరించి, చిత్రబృందానికి శుభాకాంక్షలు అందజేశారు. శివగణేశ్ మాట్లాడుతూ -‘‘కాయ్ రాజా కాయ్ ఆట ఆడిన కొందరు యువకుల జీవితాల్లో ఎలాంటి పరిణామాలు చోటుచేసుకున్నాయి? అనేదే ఈ చిత్రకథ. కుటుంబ సమేతంగా చూడదగ్గ విధంగా ఉంటుంది’’ అని చెప్పారు. రామ్ ఖన్నా, మానస్, శ్రావ్య, షామిలి ముఖ్య తారలుగా నటించిన ఈ చిత్రానికి ఎగ్జిక్యూటివ్ నిర్మాత: శ్రీనివాస్ అడ్డాల.