బాలీవుడ్ స్టార్ సల్మాన్ ఖాన్ ప్రస్తుతం సికందర్ సినిమాతో బిజీగా ఉన్నారు. ఈ చిత్రానికి ఏఆర్ మురుగదాస్ దర్శకత్వం వహిస్తున్నారు. ఈ యాక్షన్‌ ఓరియటండ్‌ చిత్రంలో రష్మిక మందన్న, కాజల్ అగర్వాల్ కీలక పాత్రల్లో కనిపించనున్నారు. వచ్చే ఏడాది ఈ మూవీ థియేటర్లలో రిలీజ్ కానుంది.అయితే అంతలోనే మరో మూవీకి సిద్ధమయ్యారు సల్మాన్ ఖాన్. గతంలో ఆయన నటించిన సూపర్ హిట్ చిత్రం కిక్. 2014లో వచ్చిన ఈ మూవీ బాక్సాఫీస్ వద్ద ఘనవిజయం సాధించింది. ఆ సినిమాకు సీక్వెల్‌గా కిక్‌ 2 తెరకెక్కిస్తున్నారు. ఈ విషయాన్ని డైరెక్టర్ సాజిద్‌ నదియావాలా తాజాగా ప్రకటించారు. దాదాపు పదేళ్ల తర్వాత సీక్వెల్‌ను ప్రేక్షకుల ముందుకు తీసుకొస్తున్నారు.(ఇది చదవండి: నేను తప్పు చేయలేదు, బిగ్‌బాస్‌ నన్ను రోడ్డున పడేశాడు)కాగా.. 2009లో టాలీవుడ్ హీరో రవితేజ హీరోగా నటించిన ‘కిక్‌. ఈ మూవీ ఆధారంగానే బాలీవుడ్‌లో కిక్‌ తెరకెక్కించారు. సల్మాన్‌ఖాన్‌, జాక్వెలిన్‌ ఫెర్నాడెంజ్‌ నటించిన ఈ సినిమాకు సాజిద్‌ నదియావాలా దర్శకత్వం వహించారు. యాక్షన్‌ కామెడీ ఫిల్మ్‌గా తెరకెక్కిన ఈ సినిమా బాక్సాఫీస్‌ వద్ద సూపర్‌హిట్‌గా అందుకుంది. తాజాగా ఈ మూవీకి సీక్వెల్‌ అనౌన్స్ చేశారు మేకర్స్. View this post on Instagram A post shared by Nadiadwala Grandson (@nadiadwalagrandson)


 తెలుగులో రవితేజ హీరోగా వచ్చిన కిక్ సినిమాను హిందీలో రీమేక్ చేసి, భారీహిట్ సంపాదించిన సల్మాన్ఖాన్.. దానికి సీక్వెల్ తీస్తున్న విషయం తెలిసిందే. అయితే, మొదటి భాగంలో హీరోయిన్గా చేసిన జాక్వెలిన్ ఫెర్నాండెజ్ను మాత్రం ఈ సీక్వెల్ నుంచి 'తరిమేశాం' అని సల్లూభాయ్ చెబుతున్నాడట. నిజానికి కిక్ సినిమా షూటింగ్ సమయంలో వీళ్లిద్దరూ బాగా రాసుకు పూసుకు తిరిగారని టాక్ వచ్చింది. మరి మధ్యలో ఏమైందో ఏమో తెలియదు గానీ.. ఇటీవల దుబాయ్లో జరిగిన ఓ అవార్డుల కార్యక్రమంలో సల్మాన్ తన స్నేహితుడు, ప్రముఖ దర్శక నిర్మాత సాజిద్ నడియాడ్వాలాతో మాట్లాడారు.
 
 తామిద్దరం కలిసి కిక్2 గురించి చర్చించుకున్నామని, అయితే ఇందులో మాత్రం జాక్వెలిన్ ఉండదని, ఆమెను 'కికౌట్' చేశామని చెప్పాడట. సల్మాన్ సరదాగా అన్నాడు అనుకోడానికి లేదని, తన మనసులో ఉన్న విషయాన్ని ఆయన ఇలాంటి కామెంట్ల ద్వారానే బయటకు చెబుతాడని సల్లూభాయ్కి సన్నిహితంగా ఉండే వాళ్లు అంటున్నారు. దీనంతటికీ కారణం ఏంటా అని చూస్తే.. సల్మాన్కు జైలుశిక్ష పడినప్పుడు సినీ ప్రపంచం మొత్తం ఆయనకు అండగా నిలబడింది గానీ, అప్పుడు జాక్వెలిన్ అసలు అటువైపు వెళ్లలేదట. అప్పుడు తాను ప్రయాణంలో ఉన్నట్లు ఆమె చెబుతున్నా, దాని గురించి సోషల్ మీడియాలో కూడా ఏమీ వ్యాఖ్యానించలేదు.