- పోలీసుల అదుపులో  170 మంది యువకుల
 చార్మినార్ (హైదరాబాద్) పాతబస్తీలో సౌత్ జోన్ పోలీసులు శుక్రవారం అర్థరాత్రి తనిఖీలు నిర్వహించారు. ఆపరేషన్ లేట్ నైట్ రోమియో పేరుతో 17పోలీస్ స్టేషన్ల పరిధిలో ఈ తనిఖీలు జరిగాయి. పనీ పాట లేకుండా రోడ్లపై తిరుగుతున్న సుమారు 170 మంది ఆకతాయిలను పోలీసులు అదుపులోకి తీసుకున్నారు. వారికి శనివారం ఉదయం 11 గంటలకు చార్మినార్‌లోని ఓ ఫంక్షన్ హాల్లో కౌన్సిలింగ్ నిర్వహించనున్నారు. ఈ కార్యక్రమానికి యువకుల తల్లిదండ్రులు కూడా హాజరు కానున్నారు.