​‍శ్రీవిల్లిపుత్తూరు: తమిళనాడులో ఘోర రోడ్డు ప్రమాదం జరిగింది. శ్రీవిల్లిపుత్తూరు సమీపంలో లారీ-మినీ లారీ ఢీకొన్నాయి. ఈ ప్రమాదంలో నలుగురు మృతిచెందారు. మరో ఇద్దరరు తీవ్రంగా గాయపడగా వారి పరిస్థితి విషమంగా ఉంది.


 నెల్లూరు: శ్రీపొట్టి శ్రీరాములు నెల్లూరు జిల్లాలో సంభవించిన రోడ్డుప్రమాదంలో ముగ్గురు మృతిచెందారు. మరికొంతమందికి గాయాలయ్యాయి. ఒకరి పరిస్థితి విషమంగా ఉన్నట్లు సమాచారం. శనివారం తెల్లవారు జామున పెళ్లూరు మండలం శిరసనంబేడు వద్ద రెండు లారీలు ఢీకొన్నాయి. ముగ్గురు అక్కడికక్కడే మృతిచెందగా, ఓ వ్యక్తి లారీ క్యాబిన్ లో చిక్కుకుని సుమారు గంటపాటు నరకయాతన అనుభవించాడు.
 స్ధానికులు గంట తర్వాత ఆ వ్యక్తిని క్యాబిన్ నుంచి బయటకు తీసి చికిత్స కోసం దగ్గర్లోని ఆస్పత్రికి తరలించారు. తరచూ ఈ ప్రాంతంలో ఘటనలు చోటుచేసుకుంటున్నా అధికారులు పట్టించుకోవడం లేదని చెబుతున్నారు. స్పీడ్ బ్రేకర్లు పెట్టాలని అడిగినా ప్రయోజనం కనిపించలేదని చెప్పారు. ఈ క్రమంలోనే నేడు మరో ప్రమాదం జరిగి ముగ్గురు వ్యక్తులు చనిపోగా, మరొకరి పరిస్థితి విషమంగా ఉంది.