ఢిల్లీ: ఇరాన్‌-ఇజ్రాయెల్‌ యుద్ధం కారణంగా మన వంటింట్లో గ్యాస్‌ బాంబ్‌ పేలి అవకాశాలు కనిపిస్తున్నాయి. ఇరు దేశాల మధ్య యుద్ధం నేపథ్యంలో హర్మూజ్‌ జల సంధి మూత పడితే భారత్‌కు ఎల్‌పీజీ స్ట్రోక్‌ తగిలే ప్రమాదం ఉంది. వంట ‍గ్యాస్‌ సరఫరాకు ఆటంకం కలిగే అవకాశముంది. దేశీయ అవసరాలకు మన వద్ద 15-16 రోజుల వరకే రిజర్వ్‌లు ఉన్నట్టు సమాచారం. దీంతో, గ్యాస్‌ టెన్షన్‌ మొదలైంది.ఇరాన్‌పై ఇజ్రాయెల్‌, అమెరికా దాడుల కారణంగా ప్రపంచ దేశాలపై మరో భారం పడనుంది. వంట గ్యాస్‌ సిలిండర్‌ మరింత భారం కానుంది. హర్మూజ్‌ జల సంధి మూత పడితే భారత్‌కు ఎల్‌పీజీ కష్టాలు రానున్నాయి. ప్రస్తుతానికి ఎల్‌పీజీ అవసరాల్లో భారత్‌కు అధిక శాతం పశ్చిమాసియా నుంచే దిగుమతి జరుగుతోంది. దేశంలో 60 శాతం గ్యాస్‌ దిగుమతుల ద్వారానే వస్తోంది. సౌదీ, యూఏఈ, ఖతార్‌ నుంచి భారత్‌కు 95 శాతం ఎల్‌పీజీ దిగుమతులు జరుగుతున్నాయి.మూడింట రెండు అటు నుంచే..దేశంలో వాడే ప్రతీ మూడు వంట గ్యాస్‌ సిలిండర్లలో రెండు పశ్చిమాసియా నుంచి దిగుమతి చేసుకున్నవే ఉన్నాయి. ఈ నేపథ్యంలో లిక్విడ్‌ పెట్రోలియం గ్యాస్‌కు ప్రత్యామ్నాయాలు వెతకాల్సిన పరిస్థితి ఏర్పడింది. దేశీయ అవసరాలకు మన వద్ద 15-16 రోజుల వరకే రిజర్వ్‌లు ఉన్నట్టు సమాచారం. ఈ నేపథ్యంలో హర్మూజ్‌ జలసంధి మూతపడితే గ్యాస్ సరఫరాకు తీవ్ర ఆటంకం కలగనుంది. ఇదే సమయంలో మరో విధంగా గ్యాస్‌ సరఫరా చేసుకుంటే ధరలపై ప్రభావం చూపే అవకాశం ఉందని మార్కెట్‌ నిపుణులు చెబుతున్నారు.ఎరువులపై ప్రభావం.. మరోవైపు.. హర్మూజ్‌ జలసంధి ప్రభావం ఇటు వ్యవసాయ రంగంపై కూడా పడే అవకాశాలు కనిపిస్తున్నాయి. ఎరువుల ధరలు కూడా పెరిగే అవకాశం ఉంది. ఇరాన్‌లో అధిక మొత్తంలో అమ్మోనియా దొరుకుతుంది. పలు దేశాలకు ఇరాన్‌ నుంచే అమ్మెనియా ఎగుమతులు జరుగుతున్నాయి. ఇలాంటి తరుణంలో ఇరాన్‌ నుంచి అమ్మెనియా ఆగిపోతే మరిన్ని ఇబ్బందులు ఎదురయ్యే ప్రమాదం ఉందని నిపుణులు ఆందోళన వ్యక్తం చేస్తున్నారు.చమురు నిల్వలు ఓకే.. ఇదిలా ఉండగా.. అమెరికా దాడికి నిరసనగా హర్మూజ్‌ జలసంధిని మూసివేసేందుకు ఇరాన్‌ పార్లమెంట్‌ ఆమోదం తెలిపింది. అయితే, తుది నిర్ణయానికి అత్యున్నత భద్రతా సంస్థ ఆమోదం అవసరం. పర్షియన్ గల్ఫ్‌ను అరేబియా సముద్రంతో కలిపే ఈ ఇరుకైన మార్గం ద్వారా ప్రపంచంలో పెద్ద చమురు వ్యాపారం జరుగుతుంది. అలాంటి దీన్ని మూసివేస్తే ప్రపంచవ్యాప్తంగా చమురు ధరలు పెరుగనున్నాయి. అయితే, భారత్‌లో కొన్ని వారాల పాటు ఇంధన అవసరాలు తీర్చేందుకు తగినంత చమురు అందుబాటులో ఉన్నది. భారత్‌ అనేక మార్గాల నుంచి ఇంధనాన్ని దిగుమతి చేసుకుంటుందని పెట్రోలియం మంత్రి హర్దీప్ సింగ్ పూరి అన్నారు.రష్యా నుంచి..భారతదేశం ప్రపంచంలోనే మూడో అతిపెద్ద చమురు దిగుమతిదారు కాగా.. గ్యాస్‌ దిగుమతిలో నాలుగో స్థానంలో ఉన్నది. ప్రభుత్వం రెండు వారాలుగా పశ్చిమాసియా పరిస్థితిని నిశితంగా గమనిస్తోందని.. ప్రధాని మోదీ నాయకత్వంలో గత కొన్ని సంవత్సరాలుగా సరఫరాను వైవిధ్యంలో తీసుకువచ్చామని కేంద్ర మంత్రి హర్దీప్‌ సింగ్‌ పూరీ పేర్కొన్నారు. ఇప్పుడు హర్మూజ్‌ జలసంధి నుంచి ఎక్కువగా తీసుకురావడం లేదని పేర్కొన్నారు. భారత్‌ మొత్తం రోజుకు 55లక్షల బ్యారెల్స్‌ చమురు దిగుమతి (BPD)లో దాదాపు 20 లక్షల బ్యారెల్స్‌ మాత్రమే ఈ జలసంధి ద్వారా వస్తున్నది.అయితే, గతకొన్ని సంవత్సరాలుగా రష్యా, అమెరికా, బ్రెజిల్‌ తదితర దేశాల నుంచి చమురు సరఫరాను పెంచింది. రష్యా నుంచి వచ్చే చమురు హర్మూజ్‌ మార్గం ద్వారా రాదు. ఇది సూయజ్‌ కాలువ.. కేప్ ఆఫ్ గుడ్ హోప్.. పసిఫిక్ మహాసముద్రం ద్వారా వస్తుంది. యూఎస్‌, పశ్చిమ ఆఫ్రికా, లాటిన్ అమెరికా నుంచి సరఫరా ఖరీదైనప్పటికీ ఆచరణీయమైన ఎంపికగా మారాయని.. ఇంధన సరఫరా స్థిరత్వాన్ని నిర్ధారించేందుకు అవసరమైన చర్యలు తీసుకుంటామని కేంద్రమంత్రి తెలిపారు.

నిర్మలా సీతారామన్ 'కేంద్ర బడ్జెట్ 2025-26' ప్రవేశపెట్టడానికి ముందే.. చమురు మార్కెటింగ్ కంపెనీలు 19 కిలోల కమర్షియల్ ఎల్‌పీజీ సిలిండర్ల ధరను తగ్గించాయి. కమర్షియల్‌ ఎల్‌పీజీ సిలిండర్ల రేటు తగ్గడం వరుసగా ఇది రెండోసారి. తగ్గిన ధరలు లేదా కొత్త ధరలు ఈ రోజు నుంచే అమలులోకి వస్తాయి.కమర్షియల్ ఎల్‌పీజీ గ్యాస్ సిలిండర్ల ధర రూ. 7 తగ్గింది. దీంతో ఢిల్లీలో రూ. 1,804 వద్ద ఉన్న 19 కిలోల కమర్షియల్ ఎల్‌పీజీ గ్యాస్ సిలిండర్ ధర రూ.1,797కి చేరింది. జనవరి 1న కమర్షియల్‌ ఎల్‌పీజీ సిలిండర్‌ ధర రూ.14.5 తగ్గి రూ.1,818.5 నుంచి రూ.1,804కి చేరింది.కోల్‌కతాలో ఈ ఎల్‌పీజీ సిలిండర్ ధర రూ.1,911 నుంచి రూ.1,907కి తగ్గింది. ముంబైలో రూ. 1,756 నుంచి రూ. 1,749.50కి అందుబాటులో ఉంది. చెన్నైలో ఎల్‌పీజీ సిలిండర్ ధర రూ.1,959.50గా ఉంది.Oil marketing companies have revised the prices of commercial LPG gas cylinders. The rate of 19 KG commercial LPG gas cylinders has been reduced by Rs 7 with effect from today. In Delhi, the retail sale price of a 19 kg commercial LPG cylinder is Rs 1797 from today.— ANI (@ANI) February 1, 2025వంట గ్యాస్ సిలిండర్ల ధరలుగృహాల్లో వినియోగించే వంటగ్యాస్ సిలిండర్ ధరలలో ఎలాంటి మార్పు లేదు. కాబట్టి ఢిల్లీలో 14 కేజీల డొమెస్టిక్ ఎల్‌పీజీ సిలిండర్ పాత ధరకే.. అంటే రూ.803 వద్ద అందుబాటులో ఉంది. లక్నోలో ఈ వంటగ్యాస్ సిలిండర్ ధర రూ.840.50 కాగా.. ముంబైలో ఎల్‌పీజీ సిలిండర్ ధర రూ.802.50. చెన్నైలో ఈ సిలిండర్ ధర రూ.818.50. కోల్‌కతాలో రూ.829గా ఉంది.

లోక్‌సభ ఎన్నికల ముంగిట వంట గ్యాస్‌ వినియోగదారులకు కేంద్ర ప్రభుత్వం శుభవార్త చెప్పనున్నట్లు తెలుస్తోంది. ప్రధాన మంత్రి ఉజ్వల యోజన (PM Ujjwala Yojana) కింద భారత ప్రభుత్వం వంట గ్యాస్‌పై సబ్సిడీని 2025 మార్చి 31 వరకు పొడిగించవచ్చని సీఎన్‌బీసీ-టీవీ18 నివేదిక పేర్కొంది.  కొత్త కనెక్షన్‌ల కోసం అందించే సొమ్మే కాకుండా ప్రస్తుతం కేంద్ర ప్రభుత్వం అర్హులైన వినియోగదారులకు ప్రతి ఎల్‌పీజీ సిలిండర్‌కు రూ.300 చొప్పున ఏడాదికి 12 సిలిండర్లకు సబ్సిడీ అందిస్తోంది. ఇది గతంలో రూ.100 ఉండగా 2023 అక్టోబరులో రూ.300కి పెంచారు. సబ్సిడీని ఒక సంవత్సరం పొడిగించడం వల్ల ప్రభుత్వంపై అదనంగా రూ.12,000 కోట్ల భారం పడుతుందని అంచనా వేస్తున్నారు. ఉజ్వల పథకం ప్రయోజనాలు ఇలా.. ప్రభుత్వం అర్హులైన పేదలకు 14.2 కిలోల సిలిండర్‌తో ప్రతి కొత్త గ్యాస్ కనెక్షన్‌కు రూ.1600 నగదు బదిలీ చేస్తుంది. ఇదే 5 కిలోల సిలిండర్‌కైతే రూ.1150 అందిస్తోంది. ఇందులో సిలిండర్ సెక్యూరిటీ డిపాజిట్ - 14.2 కిలోల సిలిండర్‌కు రూ.1250, 5 కిలోల సిలిండర్‌కైతే రూ.800, రెగ్యులేటర్ కోసం రూ.150, ఎల్‌పీజీ ట్యూబ్‌ కోసం రూ.100, డొమెస్టిక్ గ్యాస్ కన్స్యూమర్ కార్డ్ కోసం రూ.25, ఇన్‌స్పక్షన్‌, ఇన్‌స్టాలేషన్ చార్జీ కింద రూ.75 ఉంటాయి. వీటన్నంటినీ ప్రభుత్వమే భరిస్తోంది.

ఇండియన్‌ ఇంటర్నేషనల్‌ క్రికెటర్‌ రింకుసింగ్‌ తండ్రి ఖాన్‌చందర్‌సింగ్‌ ఇప్పటికీ ఆలిగఢ్‌ (ఉత్తర్‌ప్రదేశ్‌)లో ఎల్‌పీజీ డిస్ట్రిబ్యూషన్‌ కంపెనీలో పనిచేస్తున్నాడు. చందర్‌సింగ్‌ ఎల్‌పీజి సిలిండర్‌లు డెలివరీ చేస్తున్న వీడియో సోషల్‌ మీడియాలో వైరల్‌ అయింది. చందర్‌ వృత్తినిబద్ధతకు నెటిజనులు ప్రశంసల వర్షం కురిపిస్తున్నారు. ‘మీరు రెస్ట్‌ తీసుకోండి అని నాన్నకు చాలాసార్లు చెప్పాను. అయితే పనిని ప్రేమించే నాన్న విశ్రాంతి తీసుకోవడానికి నిరాకరించారు. పని చేస్తేనే నేను చురుగ్గా ఉంటాను అని చెబుతుంటారు’ అంటున్నాడు రింకుసింగ్‌. ‘కాస్త పేరు, కాస్త డబ్బు రాగానే చాలామంది గతాన్ని మరిచిపోయి గర్వంతో ప్రవర్తిస్తుంటారు. అలాంటి వారికి ఈ చిన్న వీడియో క్లిప్‌ కనువిప్పు కలిగిస్తుంది’ ‘కొడుకును ఇంటర్నేషనల్‌ క్రికెటర్‌గా తయారుచేయడానికి ఈ తండ్రి ఎంతో కష్టపడి ఉంటాడు. అప్పుడూ , ఇప్పుడూ తన సొంత కష్టాన్నే నమ్ముకున్నాడు. గ్రేట్‌ ఫాదర్‌!’...కామెంట్‌ సెక్షన్‌లో ఇలాంటివి చాలా కనిపించాయి.

LPG price by Rs 400/cylinder బీజేపీ సర్కార్‌ హయాంలో ఇటీవలి కాలంలో వంట గ్యాస్‌  సిలిండర్ల  ధరలు భారీగా పెరిగి సామాన్యుడికి పెనుభారంగా మారడంతో   బీజేపీ సర్కార్‌ తీవ్ర విమర్శల పాలైంది. ఈ నేపథ్యంలోనే  తాజాగా కేంద్ర కేబినెట్‌ కీలక నిర్ణయం తీసుకున్నట్టు కనిపిస్తోంది. దేశవ్యాప్తంగా  వంటగ్యాస్‌ సిలిండర్ల ధరను రూ. 200 తగ్గించింది. అలాగే పిఎం ఉజ్వల పథకం లబ్ధిదారులకు అదనంగా  రూ.200 లభించనుంది. దీంతో  PMUY ఖాతాదారులకందే  సబ్సిడీ రూ.400 అయ్యింది. ప్రధానమంత్రి నరేంద్రమోదీ దేశ మహిళలకు అందించిన రక్షాబంధన కానుక అని  కేంద్ర మంత్రి అనురాగ్  ఠాకూర్‌ మీడియా సమావేశంలో వెల్లడించారు ఎల్‌పిజి సీలిండర్‌  ధర తగ్గింపు రాబోయే ఎన్నికలకు సంబంధించినదేనా అన్నదానిపై స్పందించిన ఠాకూర్  అలా అనుకుంటే ముందే తగ్గించే వాళ్లం అంటూ ఈ వాదనను తోసిపుచ్చారు. ప్రపంచ పరిస్థితులు ఎలా ఉన్నా ప్రజల సంక్షేమం కోసం ఈ నిర్ణయం తీసుకున్నామని చెప్పారు. సౌదీ CP (కాంట్రాక్ట్ ధరలు) ధరలను పరిశీలిస్తే, ఏప్రిల్ 2022 నుండి 303 శాతం పెరిగింది. కానీ  తాము మాత్రం  63 శాతం మాత్రమే పెంచి  కొంత ఉపశమనం కలిగించామంటూ  వివరణ ఇచ్చారు. ఈ నేపథ్యంలో తాజా తగ్గింపు నిర్ణయానికి ఎన్నికలతో ఎలాంటి  సంబంధం లేదని స్పష్టం చేశారు. కోట్లాది వినియోగదారుల ప్రయోజనం కోసమే ఈ నిర్ణయం తీసుకున్నామన్నారు. అలాగే ఉజ్వల పథకం కింద 7.5 మిలియన్ కొత్త గ్యాస్ కనెక్షన్‌లకు క్యాబినెట్ ఆమోదం తెలిపిందని కేంద్రమంత్రి వెల్లడించారు. తాజా నిర్ణయంతో 2022-23 ఆర్థిక సంవత్సరానికి రూ.6,100 కోట్లు కేటాయించామని, 2023-24 సంవత్సరానికి ఆర్థిక ప్రభావం రూ. 7,680 కోట్లుగా అంచనా వేశామన్నారు.  కాగా ప్రస్తుతం న్యూఢిల్లీలో 14.2 కిలోల ఎల్‌పీజీ సిలిండర్‌  రూ. 1,103గా ఉంది. చివరిసారిగా  ఈ ఏడాది మార్చి 1న సిలిండర్‌కు రూ. 50 పెరిగిన సంగతి తెలిసిందే. "Government has decided Rs 200 reduction in the price of domestic LPG cylinders for all LPG consumers" -Union Minister @ianuragthakur#CabinetDecisions #LPGcylinder pic.twitter.com/sfwTyxUlsN — PIB in Telangana 🇮🇳 (@PIBHyderabad) August 29, 2023 ఇప్పటివరకు దేశంలోని ప్రధాన నగరాల్లో 14.2 కేజీల వంట గ్యాస్‌  ధరలు  హైదరాబాద్ రూ. 1,155.00 ముంబై రూ. 1,102.50 గుర్గావ్  రూ. 1,111.50 బెంగళూరు రూ. 1,105.50 చండీగడ్‌  రూ. 1,112.50 జైపూర్‌ రూ. 1,106.50 పాట్నా రూ. 1,201.00 కోలకత్తా రూ. 1,129.00 చెన్నై రూ. 1,118.50 నోయిడా రూ. 1,100.50 భువనేశ్వర్‌ రూ. 1,129.00 లక్నో రూ. 1,140.50 త్రివేండ్రం రూ. 1,112.00

బీజింగ్‌: చైనాలో ఘోర ప్రమాదం జరిగింది. ఓ రెస్టారెంట్‌లో గ్యాస్‌ సిలిండర్‌ పేలి 31 మంది అక్కడిక్కడే దుర్మరణం పాలయ్యారు. మరో ఏడుగురి పరిస్థితి విషమంగా ఉండగా.. పలువురికి తీవ్ర గాయాలయ్యాయి. మృతుల్లో ఎక్కువ మంది పండుగ సెలవులకు బంధువుల ఇళ్లకు వచ్చిన వాళ్లే గమనార్హం.   నార్త్‌వెస్ట్రన్‌ నగరం ఇంచువాన్‌లో బుధవారం సాయంత్రం ఈ ఘోర ప్రమాదం చోటుచేసుకుంది. చిన్న రెస్టారెంట్‌.. జనాలతో కిక్కిరిసిపోయిన టైంలో రెస్టారెంట్‌లోని గ్యాస్‌ సిలిండర్‌ లీక్‌ అయ్యి.. ఒక్కసారిగా పేలుడు సంభవించింది.  మంటలు భారీగా ఎగసిపడడంతో 31 మంది అగ్నికి ఆహుతయ్యారు. మరికొందరు గాయాలతో బయటపడ్డారు. సమాచారం అందుకున్న వెంటనే అగ్నిమాపక బృందాలు అక్కడికి చేరుకుని మంటల్ని అదుపు చేసే యత్నం చేశాయి. బుధవారం రాత్రి 8 గంటల ప్రాంతంలో ప్రమాదం జరగ్గా..  గురువారం వేకువజామున 4 గంటల ప్రాంతంలో మంటలు పూర్తిగా చల్లారాయి.  స్వయంప్రతిపత్తి ఉన్న నింగ్క్సియా రాజధాని ప్రాంతమే  ఇంచువాన్‌. డ్రాగన్‌ బోట్‌ ఫెస్టివల్‌ కోసం మూడురోజులపాటు సెలవులు ప్రకటించారక్కడ. దీంతో బంధువులు, స్నేహితుల ఇళ్లకు వచ్చినవాళ్లే ఎక్కువగా మృతుల్లో ఉన్నారు. ఇంచువాన్‌లో ప్రమాదం జరిగిన ఓవైపు ఈ వీధిలో గ్లాస్‌ ముక్కలు, చెల్లాచెదురుగా పడి ఉన్న శకలాలు.. మరోపక్క అయినవాళ్ల కోసం గుండెలు పగిలేలా ఏడుస్తున్న బంధువుల రోదనలతో  హృదయ విదారకమైన దృశ్యాలు ఇంటర్నెట్‌లో కనిపిస్తున్నాయి.  ఘటనపై అధ్యక్షుడు జీ జింగ్‌పిన్‌ తీవ్ర సంతాపం వ్యక్తం చేశారు. క్షతగాత్రులకు అండగా ఉంటామని, ప్రజా భద్రతే తమ ప్రథమ ప్రాధాన్యత అంటూ ఒక ప్రకటన విడుదల చేశారు.  🇨🇳 | URGENTE: Al menos 31 muertos en una explosión en un restaurante en la ciudad de Yinchuan, en el noroeste de China.#yinchuan #China #URGENTE #ULTIMAHORA pic.twitter.com/ZMnLqI2VfF — eljournalnews.ec (@eljournalnewsec) June 22, 2023 Al menos 31 personas murieron después de una explosión de gas en un restaurante de barbacoa en #Yinchuan, capital de la Región Autónoma Ningxia Hui del noroeste de #China, la noche de este #miércoles, según informes de los medios locales citando a las autoridades pic.twitter.com/scC1QeJGWg — @UlisesMtv (@UlisesMtv) June 22, 2023 ఇదీ చదవండి: ఏం ఎండలురా భయ్‌.. మాడిపోతోందీ మనోళ్లే!

ఇప్పటికే పెరుగుతున్న నిత్యావసరాల ధరలు ఓ వైపు, ఇంధన ధరలు పైపైకి ఎగబాకుతూ మరో వైపు సామాన్యుడి నెల వారి బడ్జెట్‌పై మరింత భారాన్ని మోపుతున్నాయి. ఇదిలా ఉండగా గ్యాస్‌ ధరల పెంపు మధ్య తరగతి ప్రజలకు ఊహించని షాక్‌ ఇచ్చిందనే చెప్పాలి. దీంతో పలు రాష్ట్రాలలో పెరిగిన గ్యాస్‌ ధరలు నుంచి ఉపశమనం కలిగించే దిశగా చర్యలు తీసుకుంటున్నాయి. ప్రజల నుంచి వ్యతిరేకత రాకుండా జాగ్రత్తలు పడుతున్నాయి. ఈ క్రమంలో పుదుచ్చేరి ప్రభుత్వం ప్రజలకు గుడ్‌ న్యూస్‌ చెప్పింది. గ్యాస్‌ సిలిండర్‌పై రూ.300 సబ్సిడీ పుదుచ్చేరి ప్రభుత్వం తమ రాష్ట్రంలోని బీపీఎల్‌ వర్గాల ప్రజలకు నెలవారీ రూ.300 ఎల్‌పీజీ సబ్సిడీని ప్రకటిస్తున్నట్లు తెలిపింది. 2023-24 సంవత్సరానికి సమర్పించిన బడ్జెట్‌లో ముఖ్యమంత్రి ఎన్ రంగసామి ఈ మేరకు ప్రకటించారు. గ్యాస్‌ సిలింబర్‌ సబ్సిడీపై ఆయన మాట్లాడుతూ... అన్ని కుటుంబాలకు నెలకు ఒక సిలిండర్‌కు రూ.300 సబ్సిడీని అందించే పథకాన్ని అమలు చేయడానికి ప్రభుత్వం రూ.126 కోట్లు కేటాయించిందని తెలిపారు. 11,600 కోట్ల పన్ను రహిత బడ్జెట్‌ను ఆయన సమర్పించారు. ఎల్‌పీజీ సబ్సిడీ కార్యక్రమం రేషన్ కార్డులను కలిగి ఉన్న అన్ని కుటుంబాలకు ప్రయోజనం చేకూరుస్తుందని తెలిపారు. కాగా ఎల్​పీజీ సిలిండర్​ ధరలు పెరగడం ఈ ఏడాదిలో ఇది రెండోసారి. జనవరి 1న సిలిండర్​ ధరలను పెంచగా.. ఇటీవల మార్చిలోనూ మరో సారి ధరలు పెంచుతూ చమురు సంస్థలు నిర్ణయం తీసుకున్నాయి. స్థానిక పన్నుల కారణంగా.. ఎల్​పీజీ సిలిండర్​ ధరలు వివిధ రాష్ట్రాల్లో వేరువేరుగా ఉంటాయి. ప్రతి నెల 1వ తేదీన ఎల్​పీజీ సిలిండర్​ ధరలను సవరిస్తుంటారు. దేశంలోని ప్రతి ఇంటికి ఏడాది చొప్పున 12 సిలిండర్​లు (14.2కేజీల) సబ్సిడీ రేట్లతో అందుతాయి. వీటికి అదనంగా తీసుకోవాలంటే.. మార్కెట్​లో ఉన్న ధరకు తగ్గట్టు కొనాల్సిందే.

మీ ఇంట్లో గ్యాస్ సిలిండర్ బుక్ చేస్తున్నారా? అయితే మీకు గుడ్‌న్యూస్‌. సిలిండర్‌ బుకింగ్‌పై మీకోసం పలు రకాల ఆఫర్లను తీసుకొచ్చింది ప్రముఖ ఫిన్‌టెక్‌ సంస్థ పేటీఎం (Paytm). ఈ యాప్‌ను ఉపయోగించి ఎల్‌పీజీ (LPG) గ్యాస్ సిలిండర్ బుక్ చేయడం ద్వారా రూ. 1000 వరకు క్యాష్ బ్యాక్ సొంతం చేసుకోవచ్చు.  ఎల్‌పీజీ సిలిండర్ బుకింగ్‌పై 4 రకాల ఆఫర్లను ప్రవేశపెట్టింది పేటీఎం. వీటిని ఉపయోగించి కస్టమర్లు రూ. 5 నుంచి రూ. 1000 వరకు క్యాష్‌బ్యాక్ పొందవచ్చు. అనగా రూ. 5 నుంచి రూ. 1000 వరకు మధ్యలో ఎంతైనా రావొచ్చు. ఈ ఆఫర్లను పొందాలంటే ఏం చేయాలో తెలుసుకుందాం!  మొదటి క్యాష్‌బ్యాక్ ఆఫర్ కోసం ప్రోమోకోడ్ GAS1000. ఈ ప్రోమోకోడ్‌ని ఉపయోగించి కస్టమర్ రూ.5 నుంచి రూ.1000 వరకు క్యాష్‌బ్యాక్ పొందవచ్చు.  సిలిండర్ బుకింగ్ సమయంలో ఈ ప్రోమో కోడ్ వాడాల్సి ఉంటుంది. అదేవిధంగా FREEGAS ప్రోమోకోడ్‌తో గ్యాస్ సిలిండర్‌ను బుక్ చేసుకున్న ప్రతి 500వ వినియోగదారునికి రూ. 1000 వరకు క్యాష్‌బ్యాక్‌ అందుకోవచ్చు. ఏయూ క్రెడిట్ కార్డ్‌తో  (AU Credit card) సిలిండర్‌ను చెల్లింపుపై పేటీఎం రూ.50 వరకు తగ్గింపును ఇస్తోంది. ఈ ఆఫర్ ప్రోమోకోడ్ AUCC50. వీటితో పాటు యస్ బ్యాంక్ క్రెడిట్ కార్డ్‌తో  (YES Bank Credit Card) గ్యాస్ సిలిండర్‌ చెల్లింపుపై రూ.30 తగ్గింపు లభిస్తుంది. దీని కోసం బుకింగ్ చేసేటప్పుడు GASYESCC ప్రోమోకోడ్‌ను ఎంటర్‌ చేయాల్సి ఉంటుంది. కాగా వీటి ట్రాన్సాక్షన్ పూర్తయిన తర్వాత మీకు క్యాష్‌బ్యాక్ లభిస్తుంది. కాగా ఈ ఆఫర్లు పరిమిత కాలం వరకే ఉండే అవకాశం ఉంది. చదవండి  భారత్‌లో అత్యంత ఖరీదైన కారు కొన్న హైదరాబాద్‌ వాసి.. వామ్మో అన్ని కోట్లా!

సాక్షి, ముంబై:  మరికొన్ని రోజుట్లో వంట గ్యాస్‌ వినియోగదారులకు శుభవార్త అందనుంది. దేశంలోని సామాన్య ప్రజలకు ఉపశమనం కలిగించేలా గ్యాస్ ధరపై కేంద్ర ప్రభుత్వం త్వరలో నిర్ణయం తీసుకునే అవకాశం ఉందని ఊహాగానాలు వెలుడుతున్నాయి. దీనికి తోడు తగ్గుతున్న చమురు ధరలు ఈ అంచనాలకు ఊతమిస్తున్నాయి. (షాకింగ్‌: 5.4 మిలియన్ల ట్విటర్‌ యూజర్ల డేటా లీక్! మస్క్‌ స్పందన ఏంటి?) వంట గ్యాస్‌ను చౌకగా అందించేందుకు కేంద్ర ప్రభుత్వం ప్రణాళిక రూపొందిస్తోంది. ముఖ్యంగా సీఎన్‌జీ, ఎల్‌పీసీ గ్యాస్ రెండింటి ధరలను తగ్గించే అవకాశం ఉందని అంచనా. గత కొంత కాలంగా  కోవిడ్‌ మహమ్మారి, ఇటీవలి భౌగోళిక రాజకీయ సంక్షోభం గ్యాస్ ధర పెరగడంతో ప్రజలపై భారం పడుతోంది. ఈ నేపథ్యంలో  గ్యాస్ ధరల నియంత్రణకు  సెప్టెంబరులో ఏర్పాటైన కమిటీ ఒక ప్రణాళికను రూపొందిస్తోంది. దీని కింద ప్రభుత్వ రంగ సంస్థల పాత సెక్టార్ నుంచి వచ్చే సహజ వాయువు ధర పరిమితిని నిర్ణయించాలని ప్లాన్ చేస్తోంది. ఇది గ్యాస్ కోసం సిఫార్సు చేసే అవకాశం ఉంది.  ఈ మేరకు ప్రణాళికా సంఘం మాజీ సభ్యుడు కిరీట్ ఎస్ పరేఖ్ నేతృత్వంలోని కమిటీ  నవంబర్ 29న ప్యానెల్ సభ్యులు తమ సిఫార్సులను సమర్పించనున్నారు.  ఈ అంచనాలు నిజమైతే సామాన్య ప్రజలకు ఎంతో ఊరట లభిస్తుంది. (ఉద్యోగులను భారీగా పెంచుకోనున్న కంపెనీ) కాగా ప్రతి నెల మొదటి తేదీన చమురు కంపెనీలు ధరలను సమీక్షించడం తెలిసిన సంగతే.  గత నెలలో కంపెనీలు వాణిజ్య గ్యాస్ సిలిండర్ల ధరలను చమురు కంపెనీలు తగ్గించిన సంగతి తెలిసిందే.

ఇటీవలే నిత్యవసరాల వస్తువులకు జీఎస్టీ పరిధిలోకి తీసుకొచ్చి సామాన్యుడికి కేంద్రం ప్రభుత్వం షాకిచ్చింది.  తాజాగా గ్యాస్‌ సిలిండర్లపై కొత్త నిబంధనలను తీసుకొచ్చి మరో ఊహించని షాక్‌ ఇవ్వనుంది. పలు మీడియా నివేదికల ప్రకారం.. గ్యాస్ వినియోగంపై పరిమితులు విధిస్తూ మోదీ సర్కార్‌ కొత్త రూల్స్‌ను ప్రవేశపెట్టనుంది. దీని ప్రకారం... వినియోగదారులు ఇకపై ఏడాదికి 15 సిలిండర్లు మాత్రమే కొనుగోలు చేయాల్సి ఉంటుంది. అంతేకాకుండా.. నెలకు కేవలం 2 గ్యాస్ సిలిండర్లు కొనుగోలు చేసేలా.. మార్పులు చేసింది. అయితే ఇప్పటి వరకూ ఈ విషయంపై ఎలాంటి అధికారిక ప్రకటన లేకపోయినా..ప్రచారం మాత్రం సాగుతోంది. ఇదిలా ఉంటే.. దేశంలో నాన్-సబ్సిడీ కనెక్షన్ వినియోగదారులు ఇప్పటివరకు ఎన్ని సిలిండర్లు కావాలన్నా రీఫిల్స్ బుక్ చేసుకోవచ్చు. అయితే కొందరు వినియోగదారులు సిలిండర్లను దుర్వినియోగం చేస్తున్నారని నివేదికలు బయటపడ్డాయి. దీంతో ఈ కొత్త నిబంధనలను అమలులోకి తీసుకువచ్చేందుకు కేంద్రం సన్నాహాలు చేస్తున్నట్లు సమాచారం. కొత్తగా తీసుకురాబోయే చట్టం ప్రకారం.. ఒకవేళ అదనంగా సిలిండర్ల అవసరమైతే..  వినియోగదారులు సిలిండర్‌ తీసుకోవాల్సిన అవసరాన్ని తెలపడంతో పాటు నిర్ధేశించిన డ్యాకుమెంట్లను సమర్పించాల్సి ఉంటుంది. వీటి డిమాండ్‌ని పరిశీలిస్తే.. జూలై 1, 2021, జూలై 6, 2022 మధ్య 12 నెలల కాలంలో వంట గ్యాస్ సిలిండర్ ధర భారీగా పెరిగింది. జూలై 2021లో ఎల్‌పీజీ సిలిండర్ ధర రూ. 834 ఉండగా, జూలై 2022 నాటికి , 26 శాతం పెరిగి రూ.1,053కి చేరుకుంది. ఎల్‌పీజీ( LPG)) సిలిండర్ ధరలు ప్రతి రాష్ట్రంలో వేరువేరుగా ఉంటాయి. ఎందుకంటే వాటి విలువ ఆ రాష్ట్రంలో విధించే పన్నులతో పాటు రవాణా ఛార్జీలపై ఆధారపడి ఉంటాయి. వాటిని కూడా ముడి చమురు ధరల ఆధారంగా లెక్కిస్తారు. చదవండి: బ్యాంకింగ్‌ బాదుడు.. రెడీగా ఉండండి, ఈ భారం కస్టమర్లదే!

దేశంలో నిత్యవసరాల సరుకులు, ఇంధన ధరలకు రెక్కలు రావడంతో ప్రజలు తీవ్ర ఇబ్బందులు పడుతున్నారు. ఈ తరుణంలో పండుగ కానుకగా కమర్షియల్ గ్యాస్ వినియోగదారులకు కాస్త ఊరట కలిగిస్తూ చమురు కంపెనీలు శుభవార్త చెప్పాయి. గ్యాస్ సిలిండర్ ధరలను భారీగా తగ్గిస్తూ నిర్ణయం తీసుకున్నాయి. ఇండియన్ ఆయిల్ విడుదల చేసిన కొత్త రేటు ప్రకారం అంటే అక్టోబర్‌ 1న, కమర్షియల్‌ ఎల్పీజీ సిలిండర్ ధర రూ. 25.50 తగ్గింది. బిగ్‌ రిలీఫ్‌.. భారీ తగ్గింపు! అంతర్జాతీయంగా ఇంధన ధరల పెరుగుదలతో సహజవాయువు ధరలు రికార్డు స్థాయిలో 40 శాతం పెరిగి షాక్‌ ఇచ్చిన సంగతి తెలిసిందే. అయితే ఇది జరిగిన ఒక రోజు తర్వాత, దేశీయ చమురు మార్కెటింగ్ కంపెనీలు జాతీయ రాజధానిలో కమర్షియల్‌ ఎల్‌పీజీ (LPG Cylinder) సిలిండర్ల ధరను ₹ 25.50 తగ్గించాయి. ఈ తాజా ధరల సవరణతో, ప్రస్తుతం ఢిల్లీలో 19 కేజీల కమర్షియల్ ఎల్పీజీ సిలిండర్ ధర రూ.1,859.50గా ఉండగా అంతకు ముందు రూ. 1,885 ఉంది. కోల్‌కతాలో, దీని ధర రూ.1959కి తగ్గింది. ముంబైలో ప్రస్తుతం దీని ధర రూ. 1811.50గా ఉంది. కమర్షియల్‌ సిలిండర్‌ ధర తగ్గించడం ఇది ఆరోసారి. అయితే 14.2 కేజీల గృహ వినియోగ సిలిండర్ల విషయంలో ఎలాంటి మార్పు లేదు. కాగా సెప్టెంబర్ 1న, 19 కిలోల కమర్షియల్ సిలిండర్ యూనిట్ ధర ₹ 91.50 తగ్గింది, ఢిల్లీలో ధర ₹ 1,885 నుంచి ₹ 1,976కి తగ్గిన సంగతి తెలిసిందే. చదవండి: ఎయిర్‌టెల్‌ కస్టమర్లకు గుడ్‌ న్యూస్‌.. కొత్త సేవలు రాబోతున్నాయ్‌!

సాక్షి, నారాయణపేట: కనీస నిర్వహణ ఖర్చులు రాక ఇబ్బందులు పడుతున్న రేషన్‌ దుకాణాలను లాభసాటి కేంద్రాలుగా తీర్చిదిద్దడానికి కేంద్ర, రాష్ట్ర ప్రభుత్వాలు, పౌరసరఫరాల శాఖ అధికారులు సన్నాహాలు చేస్తున్నారు. వీటిలో మినీ గ్యాస్‌ సిలిండర్లు పంపిణీ, ఇంటర్‌నెట్‌ కేఫ్, సిటిజన్‌ చార్జ్‌ సేవలు అందుబాటులోకి తీసుకురానున్నారు. తద్వారా డీలర్లకు కొంత కమీషన్‌ ఇచ్చి ఆర్థికంగా పరిపుష్టం చేయడంతోపాటు.. పేదలకు కొంత వరకు ఉపశమనం కలిగించనున్నారు.  జిల్లాలో 247 దుకాణాలు..  జిల్లాలోని 11 మండలాల్లో 247 రేషన్‌ దుకాణాలు ఉన్నాయి. గతంలో బియ్యంతోపాటు పంచదార, కిరోసిన్, గోధుమలు, ఇతర సరుకులు సరఫరా చేసిన చౌకధర దుకాణాలు ప్రస్తుతం బియ్యం మాత్రమే అందిస్తున్నాయి. 50 కిలోల బియ్యంలో మూడు నుంచి నాలుగు కిలోల తరుగు రావడంతో వచ్చిన కమీషన్‌ తరుగుకు సరిపోతుందని, నెల మొత్తం కష్టపడితే ఖాళీ సంచులు మాత్రమే మిగులుతున్నాయని, దీనికి తోడు కొందరు గ్రామాల్లో తిరిగి లబ్ధిదారుల నుంచి రేషన్‌ బియ్యం సేకరించి రీసైక్లింగ్‌కు పాల్పడితే తాము నిందపడాల్సి వస్తుందని కొద్ది రోజులుగా డీలర్లు వాపోతున్నారు. ఈ నేపథ్యంలో వీటిని బలోపేతం చేయడానికి చర్యలు చేపడుతున్నారు.  కమీషన్‌ రూ.41..  రేషన్‌ దుకాణం ద్వారా కార్డుదారులతోపాటు ఆధార్‌కార్డు కలిగిన వారికి 5 కిలోల మినీ సిలిండర్లు సరఫరా చేయడానికి పౌరసరఫరాల శాఖ అధికారులు ఏర్పాట్లు చేస్తున్నారు. ప్రతినెలా రేషన్‌ మాదిరిగానే మినీ సిలిండర్లను సైతం తీసుకునే అవకాశం కల్పిస్తున్నారు. మొదటిసారి సిలిండర్‌ తీసుకున్న సమయంలో ఒక్క సిలిండర్‌కు రూ.940 చెల్లించాలని, తర్వాత నెల నుంచి రూ.620కే అందిస్తామని తెలిపారు. దీనిలో గ్యాస్‌ డీలర్‌కు ఒక సిలిండర్‌కు రూ.41 కమీషన్‌ ఇవ్వనున్నారు. నెలలో ఎన్ని సిలిండర్లు కావాలన్నా ఇస్తారు. రేషన్‌ డీలర్‌ 20 సిలిండర్ల వరకు నిల్వ చేసుకోవచ్చు.  అందుబాటులోకి పౌర సేవలు..  రేషన్‌ దుకాణాల్లో ఇంటర్‌నెట్‌ కేఫ్‌లు, పౌరసేవా పత్రం ద్వారా 14 రకాల సేవలను అందుబాటులోకి తేనున్నారు. తద్వారా కొంత కమీషన్‌ రూపంలో డీలర్లకు ఇవ్వనున్నారు. ఇదిలా ఉండగా రేషన్‌ దుకాణాలకు పీఎం వాణి కేంద్రాలుగా నామకరణం చేయనున్నట్లు సమాచారం. 

సాక్షి, హైదరాబాద్‌ : గృహ వినియోగదారులతో పాటు విద్యార్థులు, బ్యాచిలర్లు, వలస కార్మికుల కోసం ప్రత్యేకంగా అయిదు కిలోల వంటగ్యాస్‌ సిలిండర్లు అందుబాటులోకి రానున్నాయి. ఇప్పటికే ప్రధాన ఆయిల్‌ కంపెనిలన్నీ తమ డిస్ట్రిబ్యూటర్లు, పెట్రోల్‌ బంకుల ద్వారా వీటిని విక్రయిస్తుండగా, త్వరలో ప్రభుత్వ చౌకధరల దుకాణాల ద్వారా అందుబాటులో తెచ్చేందుకు పౌరసరఫరాల శాఖ చర్యలకు ఉపక్రమించింది.  ప్రస్తుతం గ్యాస్‌ ఏజెన్సీల ద్వారా గృహాపయోగం కోసం 14.2 కిలోల, వాణిజ్య అవసరాల కోసం 19 కిలోల సిలిండర్లు  సరఫరా అవుతున్నాయి. చిన్న  సిలిండర్లు డోర్‌ డెలివరీ లేనప్పటికీ ఖాళీ సిలిండర్‌ తీసుకెళ్లి  గ్యాస్‌ ఏజెన్సీలు, కొన్ని పెట్రోల్‌ బంకుల వద్ద నుంచి రీఫిల్‌ చేసి తీసుకునే వెసులుబాటుంది.  తాజాగా రేషన్‌ దుకాణాల్లోకి అందుబాటులోకి వస్తే  అత్యవసరంగా గ్యాస్‌ సిలిండర్‌ అవసరం ఉన్న గృహ వినియోగదారులతో పాటు విద్యార్థులు బ్యాచిలర్స్‌కు, వలస కూలీలకు ఎంతో ఉపయోగకరంగా ఉంటుంది. చమురు సంస్థల వంట గ్యాస్‌ను బట్టి చిన్న సిలిండర్‌ ధర ఉంటుంది.  ప్రస్తుతం నగరంలో 5 కిలోల ఎల్‌పీజీ గ్యాస్‌తో కూడిన చిన్న సిలిండర్‌ రూ.528.32కు లభిస్తుందని సమాచారం. (క్లిక్‌: వాహనదారులకు గుడ్‌ న్యూస్‌ చెప్పిన ట్రాఫిక్ పోలీసులు..)

ప్రముఖ ఫిన్‌టెక్‌ సంస్థ పేటీఎం తన యూజర్ల కోసం బంపర్ ఆఫర్‌ను ప్రకటించింది. పేటీఎం యాప్‌ నుంచి ఎల్పీజీ సిలిండర్స్ బుక్ చేసుకునే యూజర్ల కోసం అద్భుతమైన డీల్స్‌తో ముందుకొచ్చింది. ఈ ఆఫర్‌ కేవలం కొత్త యూజర్లకు  మాత్రమే వర్తించనుంది.  ఎల్బీజీ వినియోగదారులకోసం పేటీఎం మూడు సరికొత్త ప్రొమోకోడ్స్‌ను తీసుకొచ్చింది. పేటీఎం యాప్‌ను ఉపయోగించి గ్యాస్‌ బుక్‌చేసే సమయంలో ఈ ప్రొమోకోడ్స్‌ను అప్లై చేయడంతో క్యాష్‌బ్యాక్‌ను పొందవచ్చును. మొదటి ప్రొమో కోడ్‌(BANKBANG)లో భాగంగా  పేటీఎం యూజర్లు రూ. 25 డిస్కౌంట్‌ను పొందవచ్చును. ఈ ఆఫర్‌ కేవలం డెబిట్‌ కార్డుతో చెల్లింపు జరిపినప్పుడే డిస్కౌంట్‌ వస్తోంది.   రెండో ప్రోమో కోడ్‌(FIRSTCYLINDER)తో రూ.30 పేటీఎం క్యాష్‌బ్యాక్‌ యూజర్లకు రానుంది. మూడో ప్రొమో కోడ్‌లో భాగంగా ఉచితంగానే సిలిండర్‌ను పొందవచ్చును.  ఉచితంగా సిలిండర్‌..! ఎల్పీజీ కస్టమర్లకోసం పేటీఎం సరికొత్త ప్లాన్‌తో ముందుకొచ్చింది. పేటీఎం యూజర్లకు ఎల్పీజీ సిలిండర్లను బుకింగ్‌ చేసుకొనే అవకాశాన్ని కల్పిస్తోంది. హెచ్‌పీ గ్యాస్, భారత్ గ్యాస్, ఇంధనే వంటి గ్యాస్ సిలిండర్లను పేటీఎం యూజర్లు బుక్ చేసుకోవచ్చు.  పేటీఎం యూజర్లు (FREECYLINDER) అనే ప్రోమోకోడ్‌ను సిలిండర్ బుక్ చేసుకునే సమయంలో అప్లై చేయడంతో ఉచితంగా సిలిండర్‌ను పొందే అవకాశం ఉంది. ఈ ప్రోమోకొడ్‌తో చెల్లించిన మొత్తాన్ని పేటీఎం క్యాష్‌బ్యాక్‌ రూపంలో పూర్తిగా అందిస్తోంది. అయితే ఈ ఆఫర్‌ కేవలం ప్రతి 100 వ గ్యాస్ సిలిండర్ బుక్ చేసుకునే వారికి వర్తించనుంది.  గరిష్టంగా వెయ్యి రూపాయల వరకు క్యాష్‌బ్యాక్‌ను యూజర్లు పొందవచ్చు. అంటే యూజర్లు కేవలం ఒక్క సిలిండర్ మాత్రమే బుక్ చేసుకోవాల్సి ఉంటుది. ఫిబ్రవరి 28, 2022 వరకు ఈ ఆఫర్ అందుబాటులో ఉంటుంది. ఒకవేళ మీరు 100వ లక్కీ కస్టమర్ అయితే.. 24 గంటల్లో మీకు క్యాష్‌బ్యాక్ లభిస్తుంది. ఇలా బుక్‌ చేయండి..! ముందుగా పేటీఎం యాప్‌ను ఒపెన్‌ చేయండి ‘బుక్ మై సిలిండర్’ ఆప్షన్‌పై  క్లిక్‌ చేయండి. మీ మొబైల్ నెంబర్ లేదా ఎల్‌పీజీ ఐడీ లేదా కస్టమర్ నెంబర్‌ను నమోదుచేసిన తర్వాత... మీ ఏజెన్సీ గురించి మీకు సమాచారం లభిస్తుంది. ఆ తర్వాత మీరు పేమెంట్ చేయడంతో మీ బుకింగ్ పూర్తవుతుంది.  బుకింగ్‌ సమయంలో ప్రొమో కోడ్‌ అప్లై చేయడంతో క్యాష్‌బ్యాక్‌ను పొందవచ్చును.  చదవండి: కేవలం నెలకు రూ. 125 చెల్లించి 12 ఓటీటీ సేవలను ఇలా పొందండి..! చదవండి: తళుక్కున మెరిసిన కల్యాణ్‌ జ్యువెలర్స్‌..! కోవిడ్‌-19 ముందుస్థాయికి మించి..

న్యూఢిల్లీ: పెరుగుతున్న ఇంధన ధరలు సామాన్యుల నడ్డి విరుస్తున్నాయి. దీనికి తోడు వంట గ్యాస్‌ ధర కూడా సామాన్యులకు చుక్కలు చూపిస్తోంది. ఇలాంటి పరిస్థితుల్లో కేవలం 61 రూపాలయలకే గ్యాస్‌ సిలిండర్‌ లభిస్తే.. ఏంటి జోక్‌ అనుకుంటున్నారా. కాదు వాస్తవమే. 861 రూపాయల విలువ చేసే గ్యాస్‌ సిలిండర్‌ కేవలం 61 రూపాలకే లభించనుంది. గ్యాస్ సిలిండర్‌పై ఆఫర్ పొందటానికి మీరు ఎక్కడికీ వెళ్లాల్సిన పని లేదు. ఇంట్లో నుంచే ఆఫర్ పొందొచ్చు. ఈవాలెట్ సంస్థ పేటీఎం కస్టమర్ల కోసం అదిరిపోయే ఆఫర్ తీసుకువచ్చింది. తన ప్లాట్‌ఫామ్ ద్వారా గ్యాస్ సిలిండర్ బుక్ చేస్తే భారీ క్యాష్ బ్యాక్ ఆఫర్ చేస్తోంది. పేటీఎం ఎల్‌పీజీ గ్యాస్ సిలిండర్‌ బుకింగ్‌పై ఏకంగా రూ.800 వరకు క్యాష్ బ్యాక్ ఆఫర్ చేస్తోంది. దీని ప్రకారం మన దగ్గర గ్యాస్ సిలిండర్ ధర 861 రూపాయలుగా ఉంది. అంటే క్యాష్‌బ్యాక్ రూ.800 తీసేస్తే.. కేవలం 61 రూపాయలకే సిలిండర్ వచ్చినట్లు అవుతుంది. ఇక ఈ క్యాష్‌బ్యాక్‌ ఆఫర్ ఈ నెల చివరి వరకు అందుబాటులో ఉంటుంది. అయితే క్యాష్‌బ్యాక్‌ ఆఫర్‌ పొందాలని భావించే వారు పేటీఎం ద్వారా తొలి సారి గ్యాస్ సిలిండర్ బుక్ చేసే వారై ఉండాలి. వీరికే ఈ ఆఫర్ వర్తిస్తుంది. అయితే ఇక్కడ ఆఫర్‌లో ఒక మెలిక ఉంది. రూ.800 వరకు క్యాష్‌బ్యాక్ వస్తుంది. అంటే రూ.10 నుంచి రూ.800 వరకు మధ్యలో ఎంతైనా ఉండొచ్చు. ప్రతి ఒక్కరికీ రూ.800 వస్తుందని చెప్పడానికి లేదు. రూ.10 కూడా రావొచ్చని గుర్తుపెట్టుకోవాలి. గ్యాస్ సిలిండర్ బుక్ చేసుకున్న తర్వాత స్క్రాచ్ కార్డ్‌ వస్తుంది. ఇందులో మీకు ఎంత క్యాష్‌బ్యాక్‌ వచ్చింది అనేది ఉంటుంది. పేటీఎం ద్వారా ఎల్‌పీజీ సిలిండర్‌ను బుక్ చేయడానికి చర్యలు 1. మీరు ఈ ఆఫర్‌ను సద్వినియోగం చేసుకోవాలనుకుంటే, మొదట మీరు మీ మొబైల్ ఫోన్‌లో పేటీఎం యాప్‌ను డౌన్‌లోడ్ చేసుకోవాలి. 2. దీని తరువాత, మీ గ్యాస్ ఏజెన్సీతో సిలిండర్ బుకింగ్ చేయవలసి ఉంటుంది. 3. దీని కోసం, పేటీఎం యాప్‌లో Moreకి వెళ్లి, ఆపై రీఛార్జ్, పే బిల్లులపై క్లిక్ చేయండి. 4. దీని తరువాత, మీరు సిలిండర్ బుక్ చేసే ఆప్షన్‌ వస్తుంది. 5. ఇక్కడ, మీ గ్యాస్ ప్రొవైడర్‌ను ఎంచుకోవాలి. 6. బుకింగ్ చేయడానికి ముందు, మీరు FIRSTLPG ప్రోమో కోడ్‌ను ఎంటర్‌ చేయాలి. బుకింగ్ చేసిన 24 గంటల్లో మీకు క్యాష్‌బ్యాక్ స్క్రాచ్ కార్డ్ లభిస్తుంది. ఈ స్క్రాచ్ కార్డును 7 రోజుల్లో ఉపయోగించాలి. క్యాష్‌బ్యాక్‌ డబ్బులు పేటీఎం వాలెట్‌కు 48 గంటల్లోగా వచ్చి చేరతాయి. చదవండి: కోవిడ్‌ వ్యాక్సిన్‌: పేటీఎం యూజర్లకు గుడ్‌న్యూస్‌

న్యూఢిల్లీ:  వంట గ్యాస్‌ ధర మరో సారి పెరిగింది. 14.2 కేజీల గృహావసర సిలిండర్‌పై ప్రభుత్వ రంగ చమురు సంస్థలు రూ. 50 పెంచాయి. పెంపు అనంతరం ఢిల్లీలో ఈ సిలిండర్‌ ధర రూ. 769కి చేరింది. ఈ పెంపు నేటి(సోమవారం) నుంచి అమల్లోకి రానుంది. అంతర్జాతీయ చమురు ధరల ఆధారంగా నెలవారీగా చమురు సంస్థలు ఈ ధరను సమీక్షిస్తాయి. గృహావసర ఎల్పీజీ సిలిండర్లపై ప్రస్తుతం ప్రభుత్వం సబ్సీడీ ఇస్తోంది. ఈ మొత్తాన్ని నేరుగా వినియోగదారుల బ్యాంక్‌ ఖాతాల్లో జమ చేస్తోంది.  ఆగని పెట్రో మంట న్యూఢిల్లీ: దేశంలో వరుసగా ఆరో రోజూ పెట్రోల్‌ ధరలు పెరిగాయి. ఆదివారం పెట్రో ల్‌ ధర లీటరుకు 29 పైసలు, డీజిల్‌ ధర 32 పైసలు పెరిగింది. దీంతో రాజస్తాన్‌లోని గంగానగర్‌ టౌన్‌లో పెట్రోల్‌ ధర లీటరుకు రూ. 99.29కి చేరగా డీజిల్‌ ధర రూ. 91.17కి చేరింది. దేశంలోకెల్లా రాజస్తాన్‌లో అత్యధిక పన్ను లు ఆయిల్‌ రేట్లపై వడ్డిస్తున్న కారణంగా ఈ రేట్లు పెరిగాయి. ఢిల్లీలో పెట్రోల్‌ ధర జీవిత కాల గరిష్టానికి రూ. 88.73కి చేరుకోగా, డీజిల్‌ ధర రూ. 79.06కు చేరకుంది.

న్యూఢిల్లీ: కేవలం ఫోన్‌ మిస్డ్‌ కాల్‌తోనే ఎల్పీజీ రీఫిల్‌ బుకింగ్‌ సదుపాయం ఇండేన్‌ గ్యాస్‌ వినియోగదారులకు అందుబాటులోకి రానుంది. దేశంలోని ఏ ప్రాంతానికి చెందిన వినియోగదారులైనా సరే 845455555 నంబర్‌కు మిస్డ్‌ కాల్‌ ఇస్తే రీఫిల్‌ సిలిండర్‌ బుక్‌ అవుతుందని ఇండియన్‌ ఆయిల్‌ కంపెనీ ఒక ప్రకటనలో తెలిపింది. వినియోగదారులు ఫోన్‌ చేయాల్సిన అవసరం లేకుండా, ఎలాంటి కాల్‌ ఛార్జీలు పడకుండానే ఈ సౌకర్యాన్ని ఉపయోగించుకోవచ్చని వివరించింది. గ్రామీణ ప్రాంతాల వారికి, వృద్ధులకు, ఐవీఆర్‌ఎస్‌ తెలియని వారికి ఇది సహాయకారిగా ఉంటుందని పేర్కొంది. (చదవండి: కొనగలుగుతున్నారా... తినగలుగుతున్నారా?)

ముంబై, సాక్షి: వంట గ్యాస్‌ ధరలు మళ్లీ పెరిగాయి. సబ్సిడీ వర్తించని 14.2 కేజీల గ్యాస్‌ సిలిండర్ల ధరలు తాజాగా రూ. 50 చొప్పున ఎగశాయి. దీంతో ఢిల్లీలో వీటి ధరలు ప్రస్తుతం రూ. 644ను తాకాయి. ఇక కోల్‌కతాలో అయితే రూ. 670.5కు చేరాయి. ఈ ధరలు ముంబైలో రూ. 644కాగా.. చెన్నైలో రూ. 660గా నమోదయ్యాయి. సుమారు రెండు వారాల క్రితం సైతం సబ్సిడీలేని ఎల్‌పీజీ సిలిండర్ల ధరలు రూ. 50 చొప్పున పెరిగిన విషయం విదితమే. సాధారణంగా విదేశాలలో ధరలు, రూపాయి మారకం తదితర అంశాల ఆధారంగా ప్రభుత్వ రంగ చమురు సంస్థలు వంట గ్యాస్‌ ధరలను నెలకోసారి సమీక్షిస్తుంటాయి. కాగా.. ప్రభుత్వం ఏడాదికి 12 సిలిండర్లను సబ్సిడీపై అందించే సంగతి తెలిసిందే. ఇతర వివరాలు చూద్దాం.. ఇతర సిలిండర్లకూ తాజాగా ప్రభుత్వ రంగ చమురు దిగ్గజాలు ఐవోసీ, బీపీసీఎల్‌, హెచ్‌పీసీఎల్‌ ఇతర వంట గ్యాస్‌(ఎల్‌పీజీ) సిలిండర్లపైనా పెంపును ప్రకటించాయి. 5 కేజీల సిలిండర్‌పై తాజాగా రూ. 18 వడ్డించగా.. వాణిజ్య అవసరాలకు వినియోగించే 19 కేజీల సిలిండర్‌పైనా రూ. 36.5 పెంపును చేపట్టాయి. ఇంతక్రితం 19 కేజీల సిలిండర్‌పై రూ. 54.5ను పెంచడంతో రెండు వారాల్లోనే వీటి ధరలు రూ. 100 పెరిగినట్లయ్యింది. వెరసి ప్రస్తుతం వీటి ధరలు రూ. 1,296కు చేరాయి.

సాక్షి, న్యూఢిల్లీ:  దేశంలో వరుసగా చమురు ధరలు వరుసగా పెంచుతూ వస్తున్న పెట్రో కంపెనీలు తాజాగా గ్యాస్‌ సిలిండర్‌ రేట్లను పెంచాయి. ఇప్పటికే ధరలమోత, పెరుగుతున్న ద్రవ్యోల్బణం మద్య  దేశంలో వంట గ్యాస్  భారం కూడా పెరగనుంది. తాజాపెంపుతో  ఒక్కో సిలిండర్‌పై రూ.50 భారం పడనుంది. కొత్త ధరలు ఈ రోజు (డిసెంబర్,2)నుండి  అమల్లోకి వచ్చాయి. ఇప్పటికే పెట్రో ధరల సెగతో ఇబ్బంది పడుతున్న  సామాన్యులపై మరో పిడుగు పడింది. ఈ పెంపుతో హైదరాబాద్‌లో  సిలిండర్‌ ధర రూ.646.50గా ఉండగా తాజా పెంపుతో రూ.696.5చేరినట్టు తెలుస్తోంది. అలాగే  తాజా నివేదికల  ప్రకారం దేశ రాజధాని ఢిల్లీలో రాయితీ సిలిండర్‌ రూ.644కు పెరిగింది. దేశంలోని ఒక్కో రాష్ట్రంలో ఎల్పీజీ ధరలు ఒక్కో రకంగా ఉండటంతో సిలిండర్‌ ధరల్లో హెచ్చు తగ్గులు ఉంటాయి.  అయితే  దేశంలోని అతిపెద్ద చమురు మార్కెటింగ్ సంస్థ ఐఓసీ వెబ్‌సైట్‌లో ఇచ్చిన ధర ప్రకారం ఢిల్లీలో ధరలు వంట గ్యాస్‌ ధరలు స్థిరంగా ఉన్నాయి. 14.2 కిలోల సబ్సిడీ గ్యాస్ సిలిండర్ 594 రూపాయలుగా ఉండగా ముంబైలో సిలిండర్ ధర రూ .594. చెన్నైలో  610 రూపాయలు, కోల్‌కతాలో  రూ. 620 గా ఉంది.  కమర్షియల్‌ సిలిండర్‌  ధర పెంపు 19 కిలోల వాణిజ్య సిలిండర్ల ధర  పెరిగింది.  చెన్నైలో అత్యధికంగా సిలిండర్‌కు 56  రూపాయల చొప్పున భారం పడగా ఢిల్లీ, కోల్‌కతా, ముంబై నగరాలలో 55 రూపాయలు పెరిగింది.  

న్యూఢిల్లీ: అంతర్జాతీయ ముడిచమురు ధరలు పడిపోయిన నేపథ్యంలో వాణిజ్య అవసరాలకు ఉపయోగించే సబ్సిడీయేతర వంట గ్యాస్‌ ధరను రికార్డు స్థాయిలో రూ.162.50 తగ్గింది. వాణిజ్య అవసరాలకు ఉపయోగించే 19 కేజీల ఎల్పీజీ సిలిండర్‌ ధర రూ.1,285 నుంచి రూ.1029.50కు తగ్గిపోయింది. ప్రభుత్వ రంగ ఆయిల్‌ కంపెనీలు అంతర్జాతీయ మార్కెట్‌ చమురు ధర, విదేశీ మారకపు ధరల ఆధారంగా ప్రతినెలా ఒకటో తారీఖున వంట గ్యాస్‌ ధరలను సవరిస్తాయి. సబ్సిడీని వదులుకున్న గ్యాస్‌ వినియోగదారుల గ్యాస్‌ ధర గత మూడు నెలలుగా తగ్గుతూ వస్తోంది. అలాగే గృహ వినియోగదారుల 12 కోటా పరిధి దాటిన వారు సైతం సబ్సిడీయేతర గ్యాస్‌ ధరల్లోనే గ్యాస్‌ని కొనుగోలు చేయాల్సి ఉంటుంది.

సాక్షి, హైదరాబాద్‌: పచ్చని కుటుంబంలో ఊహించని ప్రమాదం పెను విషాదం రేపింది. గ్యాస్‌ సిలిండర్‌ మృత్యుపాశంగా మారి చిన్నారితో సహా ముగ్గురు కుటుంబ సభ్యులను బలి తీసుకుంది. గ్యాస్‌ సిలిండర్‌ లీకై మంటలంటుకున్న ఘటనలో తీవ్రంగా గాయపడిన చిన్నారి చికిత్స పొందుతూ మృతి చెందిన సంఘటన దుండిగల్‌ పోలీస్‌స్టేషన్‌ పరిధిలో బుధవారం చోటు చేసుకుంది. పోలీసుల కథనం మేరకు వివరాలిలా ఉన్నాయి. కొత్తగూడెం జిల్లా, మదిర గ్రామానికి చెందిన షేక్‌ సుభానీ(32), షేక్‌ షర్మిళ (25) దంపతులు హైదరాబాద్‌ నగరానికి వలస వచ్చి సూరారం హనుమాన్‌ నగర్‌లో నివాసముంటున్నారు. వీరికి షేక్‌ హైదర్‌ ఫిర్దోస్‌(3) కుమార్తె. ఈ నెల 6న గ్యాస్‌ సిలిండర్‌ లీకై మంటలు చెలరేగడంతో ముగ్గురూ తీవ్రంగా గాయపడ్డారు. ఈ నెల 5న సాయంత్రం ఇంట్లో గ్యాస్‌ సిలిండర్‌ ఖాళీ కావడంతో సుభానీ సిలిండర్‌ మార్చాడు. 6వ తేదీ ఉదయం అతను సెల్‌ ఫోన్‌ చార్జింగ్‌ పెట్టేందుకు స్విచ్‌ ఆన్‌ చేశాడు. అప్పటికే  గ్యాస్‌ లీకై ఉండటంతో ఒక్కసారిగా మంటలు చెలరేగాయి. దీంతో సుభానీతో పాటు అతడి భార్య షర్మిళ, కుమార్తె ఫిర్దౌస్‌లు తీవ్రంగా గాయపడ్డారు. స్థానికులు వారిని కూకట్‌పల్లిలోని ప్రైవేట్‌ ఆస్పత్రికి తరలించగా, చికిత్స పొందుతూ ఈ నెల 12న సుభాని, షర్మిళ మృతి చెందగా, చిన్నారి ఫిర్దోస్‌ బుధవారం కన్నుమూసింది.

సాక్షి,న్యూఢిల్లీ: వంటగ్యాస్‌ ధర మళ్లీ పెరిగింది. ప్రతీ నెల పెరిగే  వంటగ్యాస్‌ సిలిండర్‌ ధర ఈ నెలలో  కేవలం 9 రోజుల్లోనే  రెండవసారి పెరిగింది. ఎల్‌పీజీ డీలర్లకు ఇచ్చే కమిషన్‌ను ప్రభుత్వం పెంచడంతో వంటగ్యాస్ ధరను సిలిండర్‌కు రూ. 2.08 చొప్పున పెంచుతున్నట్లు ప్రభుత్వ రంగ ఇంధన సరఫరాదారులు ఓ ప్రకటనలో తెలిపారు. తాజా పెంపుతో ఒక్కో సిలిండర్‌ ధర రూ. 507.42కు చేరింది. డీలర్ల కమిషన్‌ ప్రస్తుతం వంటగ్యాస్‌ డీలర్లకు 14.2కేజీల సిలిండర్‌కు రూ.48.89, 5కేజీల సిలిండర్‌కు రూ. 24.20 చొప్పున కమిషన్‌ ఇస్తున్నారు. అయితే దీన్ని పెంచాలని చమురు మంత్రిత్వ శాఖ తాజాగా ఆదేశాలు జారీ చేసింది. దీంతో 14.2కేజీల సిలిండర్‌కు రూ. 50.58,  5 కేజీల సిలిండర్‌కు రూ. 25.29 చొప్పున కమిషన్‌ ఇవ్వాలి. 14.2 కిలోల సిలిండర్‌కు 20.50 డెలివరీ ఛార్జ్ ఉంటుంది. అయితే పంపిణీదారుల ప్రాంగణంనుంచి సిలిండర్‌ను నేరుగా తీసుకుంటే డెలివరీ ఛార్జినుంచి మినహాయింపు వుంటుందని ఇంధన సరఫరాదారులు తమ ప్రకటనలో పేర్కొన్నారు. కాగా ఈ నెలలో   వంటగ్యాస్‌ ధర పెరగడం ఇది రెండో సారి. నవంబరు 1వ తేదీనే రాయితీ గ్యాస్‌ సిలిండర్‌పై రూ. 2.94 పెంచుతున్నట్లు ఇంధన సరఫరాదారులు ప్రకటించిన సంగతి తెలిసిందే. ఈ ఏడాది జూన్‌ నుంచి ప్రతినెలా వంటగ్యాస్‌ ధర పెరుగుతూ వస్తోంది.  ఈ క్రమంలో ఆరు నెలల్లో రూ. 16.21  మేర ధర పెరిగింది.

న్యూఢిల్లీ: 2018 మార్చికల్లా ఎల్పీజీ సిలిండర్లపై సబ్సిడీలను ఎత్తివేయాలన్న కేంద్రం లక్ష్యానికి అనుగుణంగా ప్రభుత్వ రంగ ఆయిల్‌ కంపెనీలు ఎల్పీజీ సిలిండర్ల ధరలను మరోసారి పెంచాయి. ప్రస్తుతం 14.2 కేజీల రాయితీ సిలిండర్‌పై రూ.1.50 పెంచుతున్నట్లు ఇండియన్‌ ఆయిల్‌ కార్పొరేషన్‌(ఐవోసీ) ఆదివారం తెలిపింది. విమానాల్లో వాడే ఎయిర్‌ టర్బైన్‌ ఫ్యూయెల్‌ (ఏటీఎఫ్‌) ధరల్ని కిలోలీటర్‌కు రూ.3,025 (దాదాపు 6%) పెంచుతున్నట్లు పేర్కొంది. సబ్సిడీయేతర సిలిండర్‌పైనా రూ.1.50 పెంచుతున్నట్లు తెలిపింది. అంతర్జాతీయ మార్కెట్‌లో ముడిచమురు ధరల్లో మార్పులకు అనుగుణంగానే ఈ నిర్ణయం తీసుకున్నట్లు ఐవోసీ స్పష్టం చేసింది. గత ఆగస్టు 1న సిలిండర్‌పై రూ.2.30 పెంచిన కంపెనీలు సెప్టెంబర్‌లో ఏకంగా రూ.7 పెంచాయి. 2016 జూన్‌లో ఢిల్లీలో రూ.419.18గా ఉన్న సబ్సిడీ సిలిండర్‌ ధర రూ.69.50 పెరిగి ప్రస్తుతం రూ.488.68కి చేరుకుంది. ప్రతినెలా 1న గత మాసంలో నమోదైన సగటు చమురు ధర, విదేశీమారక ద్రవ్య రేటు ఆధారంగా ఎల్పీజీ, ఏటీఎఫ్‌ ధరలను కంపెనీలు సవరిస్తున్నాయి.


 న్యూఢిల్లీ: సబ్సిడీపై అందిస్తున్న ఎల్పీజీ సిలిండర్‌ ధర మంగళవారం రెండు రూపాయలకు పైగా పెరిగింది. ఈ ఆర్థిక సంవత్సరం చివరి నాటికి సబ్సిడీలను పూర్తిగా ఎత్తివేసేలా ప్రతినెలా ఎల్పీజీ ధరను పెంచాలని కేంద్రం నిర్ణయించిన సంగతి తెలిసిందే. 14.2 కిలోల సబ్సిడీ సిలిండర్‌ ధర ఢిల్లీలో రూ.477.46 నుంచి రూ.479.77కి పెరిగిందని ఇండియన్‌ ఆయిల్‌ కార్పొరేషన్‌ వెల్లడించింది.   మరోవైపు ఢిల్లీలో సబ్సిడీయేతర సిలిండర్‌ ధర రూ.564 నుంచి రూ.524కు తగ్గింది.   
  


 ఢిల్లీ: నాన్ సబ్సిడీ సిలిండర్ ధరలు భారీగా పెరిగాయి.  నాన్ సబ్సిడీ వంటగ్యాస్ సిలిండర్ పై రూ.86 లను  పెంచుతున్నట్టు బుధవారం ఇండియన్‌ ఆయిల్‌ కార్పోరేషన్‌  ప్రకటించింది.  అంతర్జాతీయ మార్కెట్‌ లో ఎల్‌పీజీ ధరలు  భారీగా పెరగడంతో ఈ నిర్ణయం తీసుకున్నట్టు తెలిపింది. ఈ ధరలు వెంటనే అమల్లోకి  రానున్నాయని తెలిపింది.
 
 అయితే సబ్సిడీ సిలిండర్ల ధరలపై ఎలాంటి ప్రభావం ఉండదని కేంద్ర ప్రభుత‍్వం ఒక అధికారిక ప్రకటనలో తెలిపింది. మార్చి 1, 2017 నాటికి సబ్సిడీ ఎల్‌పీజీ సిలిండర్‌ ధర  రూ. 737 గా ఉంటుందని, సబ్సిడీ రూ. 303 ఆయా ఖాతాల్లో జమ అవుతుందని వివరించింది. యథావిధిగా 14.2 కేజీల వంట గ్యాస్‌ సిలిండర్‌ ధర రూ.434 ఉంటుందిని స్పష్టం చేసింది.
 
 మరోవైపు ఈ పెంపుప్రకటనతో ఐఓసీ కంపెనీ షేర్లు దాదాపు 1.2 శాతం పడిపోయింది
 
  


 కుషాయిగూడ: గ్యాస్‌ లీక్‌ అవుతుందనే సమాచారం అందుకున్న అగ్నిమాపక సిబ్బంది సకాలంలో సంఘటనా స్థలానికి చేరుకోవడంతో.. పెను ప్రమాదం తప్పింది. కుషాయిగూడ పోలీస్‌ స్టేషన్‌ పరిధిలోని చర్లపల్లి పారిశ్రామిక వాడలో నివాసముంటున్న దేవేందర్‌ ఇంట్లో శుక్రవారం తెల్లవారుజామున సిలిండర్ నుంచి గ్యాస్‌ లీక్‌ అయింది. ఇది గుర్తించిన ఇంటి యజమాని ఫైర్‌ సిబ్బందికి సమాచారం అందించాడు.
 
 తక్షణమే స్పందించిన అధికారులు గ్యాస్‌ సిలిండర్‌ను ఇంట్లో నుంచి బయటకు తీసుకొచ్చి గ్యాస్‌ లీకేజీని ఆపేశారు. అప్పటికే సిలిండర్‌ బాగా వేడెక్కిందని.. మరి కొంతసేపు అలాగే ఉంటే సిలిండర్ పేలి పెను ప్రమాదం జరిగి ఉండేదని అధికారులు తెలిపారు.


 హైదరాబాద్: నగరంలోని ఓ లేడిస్ హాస్టల్లో గ్యాస్ సిలిండర్ పేలడంతో పెద్ద ఎత్తున మంటలు చెలరేగాయి. ఈ సంఘటన మలక్ పేట పోలీస్ స్టేషన్ పరిధిలోని శాలివాహన నగర్ కాలనీలో శుక్రవారం చోటు చేసుకుంది. పోలీసులు తెలిపిన వివరాల ప్రకారం.. పీక్యూ లేడీస్ హాస్టల్లో ప్రమాదవశాత్తు వంట గ్యాస్ సిలిండర్ పేలినట్లు చెప్పారు.
  
 దీంతో ఒక్కసారిగా మంటలు వ్యాపించడంతో విషయం తెలుసుకున్న అగ్నిమాపక సిబ్బంది వెంటనే ఘటనాస్ధలానికి చేరుకుని మంటలను అదుపులోకి తీసుకువచ్చారు. ఈ ఘటనలో ఎలాంటి ప్రాణ నష్టం జరగలేదని, స్వల్ప ఆస్తి నష్టం సంభవించినట్లు పేర్కొన్నారు.


 ఐదు వారాల్లో పెట్రోల్‌పై రూ.4.47, డీజిల్‌పై రూ.6.46 పెంపు
  
  న్యూఢిల్లీ: విపరీతంగా పెరిగిన నిత్యావసరాల ధరలతో అల్లాడుతున్న ప్రజలు.. ఐదు వారాల్లో లీటర్ పెట్రోల్ ధర రూ.4.47, డీజిల్ ధర రూ.6.46 పెంపుతో మరిన్ని కష్టాలు పడుతున్నారు.  మంగళవారం లీటర్ పెట్రోల్‌పై రూ.2.58, డీజిల్‌పై రూ.2.26 పెంచడం తెలిసిందే. మే 1 నుంచి పెట్రో ధరలను పెంచడం ఇది మూడోసారి. మే 1న లీటర్ పెట్రోల్ ధరను రూ.1.06, మే 17న రూ. 0.83 పెంచారు. డీజిల్‌పై మే 1న రూ. 2.94, మే 17న రూ.1.26ను ఆయిల్ కంపెనీలు పెంచాయి. తాజా పెంపుతో ఈ ఏడాదిలో పెట్రో ధరలు గరిష్ట రిటైల్ రేటుకు చేరుకున్నాయి. ఇక ఏప్రిల్ 16న చివరిసారిగా ప్రభుత్వం పెట్రోల్ ధరలను తగ్గించింది.
 
 అప్పుడు పెట్రోల్‌పై రూ.0.74, డీజిల్‌పై రూ.1.30 పైసలను తగ్గించింది. మార్చి నుంచి ఇప్పటివరకూ పెట్రోల్ ధర రూ.8.99, డీజిల్ ధర రూ.9.79 పెరిగింది. ప్రపంచవ్యాప్తంగా చమురు ధరలు తగ్గినపుడు కూడా కేంద్రం పెట్రో ఉత్పత్తుల ధరలను తగ్గించకుండా.. లాభాన్ని పెంచుకునేందుకు ఎక్సైజ్ సుంకాన్ని 9రెట్లు పెంచింది. దీనివల్ల పెట్రోల్‌పై రూ. 11.77, డీజిల్‌పై రూ. 13.47 ఎక్సైజ్ సుంకం పెరిగింది. కంపెనీలు పెట్రో ధరలు పెంచడంతో గోవా ప్రభుత్వం పెట్రోల్‌పై 20 శాతంగా ఉన్న వ్యాట్‌ను 15 శాతానికి తగ్గించింది. పెంపును ఉపసంహరించాలని విపక్షాలు డిమాండ్ చేశాయి.
  
  సబ్సిడీయేతర సిలిండర్‌పై  రూ.21 పెంపు
  సబ్సిడీయేతర 14.2 కిలోల ఎల్పీజీ గ్యాస్ సిలిండర్ ధర రూ. 21 పెరిగింది. ఢిల్లీలో ధర రూ. 527.50 నుంచి రూ.548.50కు చేరింది. కాగా, 2016-17 బడ్జెట్‌లో పేర్కొన్నట్లు 0.5 శాతం కృషి కల్యాణ్ సెస్ బుధవారం నుంచి అమల్లోకి వచ్చింది. సినిమా టికెట్లు, హోటల్ బిల్లులు, బ్యాంకింగ్ లావాదేవీలు తదిరాలపై  సేవాపన్ను  15 శాతానికి చేరింది.


 12.5% తగ్గిన ఏటీఎఫ్ ధర
 
 న్యూఢిల్లీ: అంతర్జాతీయంగా ముడిచమురు రేట్లు అయిదేళ్ల కనిష్టానికి తగ్గిన నేపథ్యంలో విమాన ఇంధనం (ఏటీఎఫ్), సబ్సిడీయేతర వంట గ్యాస్ (ఎల్‌పీజీ) ధరలను చమురు కంపెనీలు తగ్గించాయి. ఏటీఎఫ్ ధరను 12.5 శాతం, ఎల్‌పీజీ రేటును సిలిండరుకు రూ. 43.50 మేర తగ్గించినట్లు, ఇవి తక్షణమే అమల్లోకి వస్తాయని సంస్థలు గురువారం ప్రకటించాయి.
 
 దీంతో ఢిల్లీలో కిలో లీటరు ఏటీఎఫ్ రేటు రూ. 7,520.52 తగ్గి రూ. 52,422.92కి దిగి వచ్చింది. అలాగే 14.2 కిలోల సబ్సిడీయేతర ఎల్‌పీజీ సిలిండర్ ధర రూ752 నుంచి రూ. 708.50కి తగ్గినట్లవుతుంది.విమానయాన సంస్థల నిర్వహణ వ్యయాల్లో 40 శాతం వాటా ఏటీఎఫ్‌లదే ఉంటుంది.
 
 ఎయిర్‌లైన్స్‌కి తాజా పరిణామం ఊరట కలిగించనుంది. మరోవైపు, ఏటీఎఫ్ ధరలను తగ్గించడాన్ని విమానయాన సంస్థలు స్వాగతించాయి. అయితే, విమాన ప్రయాణ చార్జీలను తక్షణమే తగ్గించే యోచనేదీ లేదని స్పష్టం చేశాయి. నిర్వహణ వ్యయాలు చాలా అధికంగా ఉన్నందున ఏటీఎఫ్ రేట్ల తగ్గింపు ఎయిర్‌లైన్స్‌కి ఊరటనిచ్చే చర్యని స్పైస్‌జెట్ సీవోవో సంజీవ్ కపూర్ తెలిపారు.


 న్యూఢిల్లీ: అంతర్జాతీయ మార్కెట్లో క్రూడ్ ఆయిల్ ధర భారీగా పతనమైంది. దాంతో బ్యారల్ క్రూడ్ ఆయిల్ ధర 55 డాల్లర్లకు తగ్గిపోయింది. దీంతో దేశంలో డీజిల్, పెట్రోల్ ధరలను రూ. 2 మేర తగ్గిస్తున్నట్లు ప్రభుత్వం గురువారం ప్రకటించింది. న్యూఢిల్లీలో లీటర్ డీజిల్ ధర రూ. 5051, ముంబైలో రూ. 57.91గా ఉంది. గతేడాది డిసెంబర్ 15వ తేదీన లీటర్ డీజిల్, పెట్రోల్పై రూ. 2 మేర ప్రభుత్వం తగ్గించిన సంగతి తెలిసిందే. అలాగే సబ్సీడీయేతర ఎల్పీజీ గ్యాస్ సిలిండర్ ధరను రూ. 43.50 మేర తగ్గిస్తున్నట్లు తెలిపింది. దాంతో 14.2 కేజీల సిలిండర్ ధర న్యూఢిల్లీలో రూ. 708 ఉండగా,  ముంబైలో రూ. 725.50గా ఉంది.


 నేటి నుంచి అమలు సిలిండర్ ధర రూ.952
 హైదరాబాద్-రంగారెడ్డి జిల్లాల్లో అమలు
 మొదటి మూడు నెలలు మినహాయింపు
 మరో మూడు నెలలు అదనపు అవకాశం
  
 సిటీబ్యూరో: హైదరాబాద్-రంగారెడ్డి జిల్లాల్లో వంటగ్యాస్‌కు ప్రత్యక్ష నగదు బదిలీకి (డీబీడీ) శనివారం నుంచి శ్రీకారం చుట్టనున్నారు. నగరంలో డొమెస్టిక్  ఎల్పీజీ సిలిండర్ ధర రూ.952గా నిర్ణయించారు. దేశ వ్యాప్తంగా తొలివిడత వంటగ్యాస్ సబ్సిడీకి ప్రత్యక్ష నగదు బదిలీ విధానం అమలయ్యే జిల్లాల్లో హైదరాబాద్-రంగారెడ్డి కూడా ఉన్నాయి. ఇక వినియోగదారులు సిలిండర్‌ను మార్కెట్ ధర ప్రకారం పూర్తి స్థాయిలో నగదు చెల్లించి కొనుగోలు చేయాల్సి ఉంటుంది. గతంలో మాదిరిగా ఆధార్   నంబర్‌తో సంబంధం లేదు.   విని యోగదారులకు బ్యాంక్ ఖాతా ఉంటే అందులో సబ్సిడీ నగదు రూపంలో జమవుతుంది.
 
 ఇదీ ప్రస్తుత పరిస్థితి
 
 ప్రస్తుతం జంట జిల్లాల్లో సుమారు 29 లక్షల ఎల్పీజీ గృహ వినియోగదారులు ఉన్నారు. అందులో బ్యాంక్ ఖాతాలతో అనుసంధానమైన వారి సంఖ్య 22.24 లక్షలు. మరో 6.74 లక్షల వినియోగదారులు బ్యాంక్ ఖాతాలతో అనుసంధానం కావాల్సి ఉంది. ఖాతా లేని వారికి మొదటి మూడు నెలలు సబ్సిడీ ధరపైనే సిలిండర్ సరఫరా అవుతుంది. అ తర్వాత మరో మూడు నెలలు అదనపు మినహాయింపు కాలంగా వెసులుబాటు కల్పిస్తారు. ఈలోగా బ్యాంక్ ఖాతాతో అనుసంధానం కాని వారు పూర్తి స్థాయి మార్కెట్ ధర చెల్లించి సిలిండర్ కొనుగోలు చేయాల్సి ఉంటుంది. గడువులోగా బ్యాంక్ ఖాతాతో  అనుసంధానం చేసుకుంటే అప్పటి వరకు తీసుకున్న సిలిండర్ సబ్సిడీమొత్తాన్ని నగదుగా పొందే వెసులుబాటు కల్పించారు.
 
 గతంలో పరిస్థితి..
 
 గతంలో వంటగ్యాస్‌కు ఆధార్‌తో ముడిపెట్టి, న గదు బదిలీని అమలు చేశారు. ఇది వినియోగదారులకు చుక్కలు చూపించింది. మొత్తం తొమ్మిది నెలలు అమలైనప్పటికీ... మొదటి మూడు నెలల పాటు మినహాయింపు కాలంగా పరిగణించారు. ఫలితంగా ఆధార్ అనుసంధానం కాని వారికీ సబ్సిడీ వర్తించింది. ఆ తర్వాత 2013 సెప్టెంబర్ ఒకటి నుంచి 2014 ఫిబ్రవరి వరకు పూర్తి స్థాయి డీబీటీ అమలు కావడంతో వినియోగదారులకు తిప్పలు తప్పలేదు. ఆధార్‌అనుసంధానం కాని వారు సిలిండర్‌కు పూర్తి స్థాయి ధర ను చెల్లించాల్సి వచ్చింది.
  


 కేంద్ర మంత్రి ధర్మేంద్ర ప్రధాన్
 త్వరలోనే వంటగ్యాస్‌కు నగదు బదిలీ ప్రారంభం
 ఇందుకు ఆధార్ తప్పనిసరి కాదు
 తొలుత 54 జిల్లాల్లో అమలు
  
 న్యూఢిల్లీ: దేశంలో గృహ వినియోగానికి సబ్సిడీపై అందజేస్తున్న ఎల్పీజీ సిలిండర్ల సంఖ్యను తగ్గించే యోచనేదీ లేదని కేంద్ర పెట్రోలియంశాఖ మంత్రి ధర్మేంద్ర ప్రధాన్ పేర్కొన్నారు. అలాగే వంటగ్యాస్‌కు నగదు బదిలీని వచ్చే ఏడాది జూన్‌లోగా దేశమంతటికీ విస్తరిస్తామని చెప్పారు. ప్రస్తుతం దేశంలో గృహ వినియోగదారులకు ఏటా 12 వంటగ్యాస్ సిలిండర్లను సబ్సిడీపై అందజేస్తున్న విషయం తెలిసిందే. దీంతోపాటు వీటిని నెలకొకటి మాత్రమే ఇవ్వాలన్న పాత నిబంధనను మోదీ సర్కారు తొలగించి.. ఏడాదిలో ఎప్పుడైనా వీటన్నింటినీ తీసుకునే వెసులుబాటు కల్పించింది కూడా. ఈ మేరకు శుక్రవారం కేంద్ర మంత్రి ధర్మేంద్ర ప్రధాన్ ఢిల్లీలో ఇచ్చిన ఒక ఇంటర్వ్యూలో పలు వివరాలను వెల్లడించారు. సబ్సిడీ వంటగ్యాస్ సిలిండర్ల సంఖ్యను తగ్గించే ప్రతిపాదనేదీ ప్రస్తుతానికి లేదని ఆయన చెప్పారు. వచ్చే ఏడాది జూన్ నుంచి వంటగ్యాస్ సబ్సిడీకి ప్రత్యక్ష నగదు బదిలీ విధానాన్ని అమలు చేస్తామని.. సబ్సిడీ మొత్తాన్ని లబ్ధిదారుల బ్యాంకు ఖాతాల్లో నేరుగా జమచేస్తామని తెలిపారు.
  
  ఈ పథకాన్ని సవరించామని, గతంలోలాగా ఆధార్ నంబర్‌ను ఇవ్వడం తప్పనిసరి కాదని కేంద్ర మంత్రి వెల్లడించారు. తొలుత 54 జిల్లాల్లో నగదు బదిలీని ప్రారంభిస్తామని.. జనవరి 1 నుంచి మిగతా చోట్ల అమలు చేస్తామని చెప్పారు. వచ్చే జూన్ నాటికి దాదాపు దేశవ్యాప్తంగా పూర్తిస్థాయిలో వంటగ్యాస్‌కు నగదు బదిలీ అమల్లోకి వస్తుందని తెలిపారు. జన్‌ధన్ యోజన కింద బ్యాంకు ఖాతాలు తెరిచినవారికి కూడా ఈ పథకం నుంచి ప్రయోజనం కలుగనుందన్నారు. ప్రస్తుతం వంటగ్యాస్‌కు బ్యాంకు ఖాతాలను అనుసంధానం చేసే ప్రక్రియ కొనసాగుతోందని, అది పూర్తికాగానే సబ్సిడీలను జమ చేయడం ప్రారంభమవుతుందని మంత్రి చెప్పారు. నగదు బదిలీ కింద జమ చేసే సబ్సిడీ మొత్తాన్ని నిర్ణయించేందుకు కసరత్తు జరుగుతోందని తెలిపారు. పేదల ప్రయోజనాలను కాపాడేందుకు మోదీ ప్రభుత్వం కట్టుబడి ఉందని, అదే సమయంలో దేశంలో వ్యాపార పరిస్థితులను సులభతరం చేస్తామని పేర్కొన్నారు.


 * అలాంటి ప్రతిపాదనేమీ లేదు
 * ధరల పెంపు కథనాలను ఖండించిన కేంద్రం
  
  న్యూఢిల్లీ: వంటగ్యాస్, కిరోసిన్ ధరలను పెంచే యోచన లేదని కేంద్రం స్పష్టం చేసింది. ఎల్పీజీ సిలిండర్‌పై రూ. 250, లీటర్ కిరోసిన్‌పై 4 రూపాయలు పెంచడానికి చమురు శాఖ కసరత్తు చేస్తోందన్న కథనాలను పెట్రోలియం మంత్రి ధర్మేంద్ర ప్రధాన్ ఖండించారు. ప్రభుత్వం ముందు అలాంటి ప్రతిపాదనలేవీ లేవని తోసిపుచ్చారు. చమురు ఉత్పత్తుల రేట్లు పెంచాలని కిరీట్ పారిఖ్ నేతృత్వంలోని నిపుణుల కమిటీ చేసిన సిఫారసుల మేరకు చమురు శాఖ ఓ నోట్ సిద్ధం చేసిందని, రాజకీయ వ్యవహారాల కేబినెట్ కమిటీ(సీసీపీఏ) అనుమతి కోసం ప్రయత్నిస్తోందని మీడియా కథనాలు వెలువడటంతో కేంద్ర మంత్రి స్పందించారు.
  
  గ్యాస్, కిరోసిన్ ధరలు పెంచే యోచన కానీ, డీజిల్ ధరల విధానాన్ని మార్చే ప్రతిపాదన కానీ పెట్రోలియం శాఖ వద్ద లేదని స్పష్టం చేశారు. చమురు ఉత్పత్తుల ధరలు పెంచి రూ. 72 వేల కోట్ల సబ్సిడీని తగ్గించుకోవాలని పారిఖ్ కమిటీ గత అక్టోబర్‌లో నివేదిక సమర్పించిన సంగతి తెలిసిందే.  రేట్లను పెంచకపోతే ఈ ఆర్థిక సంవత్సరంలో చమురు సంస్థలు దాదాపు రూ. 1.07 లక్షల కోట్ల మేర నష్టాలను మూటగట్టుకుంటాయని, దీన్ని కేంద్రమే భరించాల్సి వస్తుందని కమిటీ తన నివేదికలో హెచ్చరించింది. ఆయిల్ మార్కెటింగ్ కంపెనీలకు సబ్సిడీ భాగం పెరగడంతో మూడు ఆయిల్ మార్కెటింగ్ కంపెనీలకు చెందిన దాదాపు వందకుపైగా ఉద్యోగులు తమ ఎల్‌పీజీ సబ్సిడీ మొత్తాలను వదులుకున్నారని పెట్రోలియం మంత్రిత్వశాఖ శుక్రవారం విడుదలచేసిన ఓ ప్రకటనలో వెల్లడించింది.


  సాక్షి, ఏలూరు:‘ఉఫ్.. ఉఫ్.. ఈ కట్టెల పొయ్యితో చచ్చిపోతున్నాం. ఎంత ఊదినా మంట వచ్చి చావడం లేదు. అత్త య్యా.. నా వల్ల కావట్లేదు. మీరే వచ్చి వంట చేసుకోండి’ అంటూ ఆ ఇంటి కోడలు ఆపసోపాలు పడుతోంది.‘గ్యాస్ పొయిలు.. కరెంట్ పొయ్యిలు వచ్చాక కట్టెల పొయ్యిపై వంటచేసే అవస్థల నుంచి బయటపడ్డామనుకున్నాం. కానీ.. ఈ ప్రభుత్వం ఏంటో సబ్సిడీ గ్యాస్ సిలిండర్లను తగ్గించేసింది. మళ్లీ మనల్ని పాతకాలానికి నెట్టేసిందే కోడలా..’ అత్తగారి నిట్టూర్పు.
  
  ‘అంతేనా.. గ్యాస్ ధరలను కూడా ఈ ప్రభుత్వం పెంచేసింది కదా అత్తయ్యూ!’
  ‘అవునే అమ్మాయ్.. ఏం చేస్తాం. మనం ఎంతగా అడిగినా సర్కారోళ్లు పట్టించుకోవడం మానేశారు. ఇచ్చే తొమ్మిది సిలిండర్లయినా సరిగ్గా ఇస్తున్నారా అంటే అదీలేదు. ముందు అప్పుచేసి మనం సిలిండర్ కొనుక్కుంటే తర్వాత ఎప్పుడో సబ్సి డీ సొమ్మును బ్యాంకులో వేస్తామంటున్నారు. ఆ డబ్బు ఎప్పుడు వేస్తున్నారో.. ఎంత వేస్తున్నారో కూడా తెలీడం లేదు. ఖాతాలో డబ్బులు పడ్డాయో లేదో చూడాలంటే.. పట్నం వెళ్లి రావాలి. దీనికి ప్రయాణ ఖర్చులు తడిసిమోపెడవుతున్నాయి. ఈ బాధలు ఎలా తీరుతాయో తెలి యడం లేదు కోడలా..’
  
  ‘అత్తయ్యా.. అర్జెంటుగా రండి. టీవీ చూడండి. సబ్సిడీ గ్యాస్ సిలిండర్లను నెలకు ఒకటి చొప్పున ఇచ్చేయూలని సోనియమ్మ కొడుకు రాహుల్‌గాంధీ అడిగారట. అందుకే ఏడాదికి 12 సబ్సిడీ సిలిండర్లు ఇస్తామని పెట్రోలియం మంత్రి వీరప్ప మొయిలీ ప్రకటించారని టీవీలో చెప్పేస్తున్నారు’
  ‘అవునా..! మనం ఏడాదిగా ఎన్నోసార్లు అడిగాం. మన జిల్లావాళ్లు ఎన్నో ఉద్యమాలు చేశారు. అయినా కరగని వాళ్లు రాహుల్‌గాంధీ అడగ్గానే ఒప్పేసుకున్నారా’
  
  ‘అవునత్తయ్యా..!’
  ‘ఏదైతేనేం మనకు మూడు సిలిండర్లు పెరుగుతాయన్నమాట..’
  ‘ఏంటత్తయ్యా అలా అంటారు. పెట్రోల్ ధరలు.. నిత్యావసర సరుకుల ధరలు కూడా తగ్గించమని ఆ రాహుల్‌గాంధీ ఈ పాలకులకు చెబి తే పోలా. మీ మనవడికి ఫీజు రీయిం బర్స్‌మెంటు.. మావయ్యకు వృద్ధా ప్య పింఛను.. మొన్న వానలకు పాడైపోరుున పంటలకు నష్టపరిహారం.. దాళ్వా పంటకోసం మీ అబ్బాయికి బ్యాంకు లోను ఇమ్మని సోనియూగాంధీ కొడుకు చెబితే జనాలకు ఇంకా మేలు కలుగుతుందిగా..’ అంటూ జనం ఇబ్బందులను ఏకరువు పెట్టింది ఆ ఇంటి కోడలు.
  
  ‘మనకున్నట్టే ఎంతో మందికి ఇలాంటి సమస్యలు ఎన్నో ఉన్నా యి. ఇవేమీ పట్టింకుకోకుండా రాహుల్ సిలిండర్లు పెంచేయమన్నా రు.. పెంచేస్తాం అంటే సరిపోతుం దా. అయినా గతంలో ఎన్ని సిలిం డర్లు కావాలంటే అన్ని తీసుకునేవాళ్లం.. ఇలా పరిమితి పెట్టింది వాళ్లే కదా. అంటే మన నోటికాడ కూడు లాగేసుకుని.. గంజినీళ్లు పోస్తున్నారన్నమాట. రేట్లు పెంచేసి.. సబ్సిడీలు తగ్గించేసి.. ఎక్కువ సిలిండర్లు ఇచ్చేస్తున్నామని గొప్పలు చెప్పుకునే వీళ్ల నాటకాలు అందరికీ తెలుసులే.. ఎలచ్చన్లు వచ్చేస్తున్నాయ్ కదా.. ఓట్ల కోసం ఇలాంటి మాటలు చెప్పేస్తున్నారు.. నా జీవితంలో ఇలాంటి నాటకాలు ఎన్ని చూళ్లేదంటావ్’ అత్తగారు రాజకీయ నేతల లోగుట్టు విప్పింది. 
  విస్తుపోవడం కోడలి వంతైంది.
  


 సాక్షి, హైదరాబాద్: ఎల్పీజీ సిలిండర్ల తయారీ కంపెనీ కాన్ఫిడెన్స్ పెట్రోలియం సంస్థ వంటగ్యాస్‌ను మరింత అందుబాటులో తెచ్చేందుకు మార్కెట్లోకి ‘గో గ్యాస్’ను ప్రవేశపెడుతున్నట్లు ఆసంస్థ రాష్ర్ట మేనేజర్ కె.జె.రవికాంత్, కమ్యూనికేషన్ మేనేజర్ సామీర్ ములేలు తెలిపారు. సోమవారం ఇక్కడ మీడియా సమావేశంలో వారు ఎల్పీజీ గోగ్యాస్ బ్రోచర్‌తో కమర్షియల్ సిలిండర్‌ను విడుదల చేశారు.
  
 వినియోగదారులు బుకింగ్  చేసిన వెంటనే  సిలిండర్లు అందించే విధంగా చర్యలు తీసుకున్నట్లు రవికాంత్, సామీర్ ములే లు వెల్లడించారు. ఎల్‌పీజీ అవుట్లెట్స్‌తో పాటు ఆ సిలిండర్లు స్టాక్ ఉండేవిధంగా ప్రయత్నిస్తున్నామని చెప్పారు. సెలవు దినాలతో నిమిత్తం లేకుండా నిరంతరం సిలిండర్ల డెలివరీ జరుగుతుందని చెప్పారు. ప్రస్తుతం కమర్షియల్ సిలిండర్‌ను ప్రవేశ పెట్టామని, త్వరలో  నాలుగు కేజీల నుంచి 21 కేజీల సిలిండర్లను కూడా ప్రవేశపెట్టనున్నట్లు వివరించారు.   
  


 గ్యాస్ సిలిండర్‌కు ఎక్స్‌పైరీ డేట్ ఉంటుందనే విషయం తెలియడం ఎంత ముఖ్యమో ఆ ఎక్స్‌పైరీ డేట్‌ని ఎలా తెలుసుకోవాలనేది కూడా అంతే ముఖ్యం.  ఈ విషయాన్ని తెలుసుకోవడం చాలా సులభం, సిలిండర్ మీదనే ఉంటుంది. ఇక్కడ ఫొటోలు చూడండి... ఇంగ్లిష్ అక్షరం ‘డి-06’ అని నల్లరంగులో పెయింట్ చేసిన అక్షరాలున్నాయి గమనించారా? అంటే ఈ సిలిండర్‌ని ఉపయోగించే కాలం 2006వ సంవత్సరం డిసెంబర్‌తో ముగుస్తుంది అని అర్థం. అలాగే ‘డి-13’ అని ఉన్న సిలిండర్ కాలపరిమితి 2013వ సంవత్సరం డిసెంబర్‌తో ముగుస్తుంది. ఇక్కడ సూచించిన ఇంగ్లిష్ అక్షరం ‘డి’ని డిసెంబర్‌గా అర్థం చేసుకోవచ్చు కానీ ఇది ఆ నెల పేరులో మొదటి అక్షరానికి సూచిక కాదు. గ్యాస్ సిలిండర్ ఎక్స్‌పైరీని నిర్దేశించడానికి ఏడాదిని నాలుగు క్వార్టర్లుగా విభజిస్తారు.
  
    ఇంగ్లిష్ అక్షరంతో పాటు ఆ ఏడాదిలో చివరి రెండు అంకెలను సూచించే ఈ విధానాన్ని అల్ఫా న్యూమరికల్ సిస్టమ్ అంటారు. ‘ఎ’ అంటే ఏడాదిలో మొదటి మూడు నెలల కాలం, ‘బి’ అంటే ఏప్రిల్‌నుంచి జూన్, ‘సి’ అంటే జూలై నుంచి సెప్టెంబరు, ‘డి’ అంటే అక్టోబర్ నుంచి డిసెంబర్ వరకు అన్నమాట. ఉదాహరణకు ఒక సిలిండర్ మీద ఇంగ్లిష్ అక్షరం ‘ఎ-14’ అని ఉంటే దాని కాలం 2014వ సంవత్సరం మార్చి నెలతో ముగుస్తుందని తెలుసుకోవాలి. ఇదంతా చెప్పడం ఎందుకంటే... సిలిండర్ పేలుడు ప్రమాదాలు ఎక్కువగా ఎక్స్‌పైరీ ముగిసిన సిలిండర్లతోనే వస్తుంటాయి. ఇకపై మీ ఇంటికి వచ్చిన గ్యాస్ సిలిండర్ తీసుకునేటప్పుడు దాని బరువుతోపాటు సిలిండర్ కాలపరిమితిని కూడా పరీక్షించండి.