టీమిండియా ఆటగాళ్లను ఉద్దేశించి భారత మాజీ క్రికెటర్‌ సురీందర్‌ ఖన్నా(Surinder Khanna) సంచలన వ్యాఖ్యలు చేశాడు. రోహిత్‌ సేనను ‘అబద్దాల కోరు’గా అభివర్ణిస్తూ ఘాటు విమర్శలు చేశాడు. సరిగ్గా ఆడటం చేతగాకే సాకులు వెదుక్కొంటూ.. వివాదాలు సృష్టించేందుకు సిద్ధమవుతున్నారంటూ తీవ్ర స్థాయిలో విరుచుకుపడ్డాడు.శుభారంభం చేసినా..భారత క్రికెట్‌ జట్టు ప్రస్తుతం ఆస్ట్రేలియాలో పర్యటిస్తున్న విషయం తెలిసిందే. బోర్డర్‌- గావస్కర్‌ ట్రోఫీలో భాగంగా కంగారూ జట్టుతో ఐదు టెస్టులో ఆడుతోంది. అయితే, పెర్త్‌లో 295 పరుగుల తేడాతో గెలిచి.. శుభారంభం చేసినా.. తర్వాత అదే జోరు కొనసాగించలేకపోయింది.అడిలైడ్‌లో జరిగిన పింక్‌ బాల్‌ టెస్టులో ఓడిపోయిన టీమిండియా.. బ్రిస్బేన్‌ టెస్టును డ్రా చేసుకుంది. మెల్‌బోర్న్‌ వేదికగా ముగిసిన బాక్సింగ్‌ డే టెస్టులో మాత్రం ఘోర ఓటమిని చవిచూసింది. కాస్త కష్టపడినా కనీసం డ్రా చేసుకోగలిగే మ్యాచ్‌లో 184 పరుగుల తేడాతో పరాజయం పాలైంది.జైస్వాల్‌ అవుటైన తీరుపై వివాదంఇక ఈ మ్యాచ్‌లో చక్కటి ఇన్నింగ్స్‌ ఆడుతూ జట్టును గట్టెక్కించే ప్రయత్నం చేసిన యువ ఓపెనర్‌ యశస్వి జైస్వాల్‌ అవుట్‌((Yashasvi Jaiswal’s controversial dismissal) జరిగిందంటూ) కావడంతో భారత్‌కు ఎదురుదెబ్బ తగిలింది. టీమిండియా రెండో ఇన్నింగ్స్‌లో ఆసీస్‌ సారథి ప్యాట్‌ కమిన్స్‌ బౌలింగ్‌లో జైసూ.. లెగ్‌సైడ్‌ దిశగా షాట్‌ ఆడేందుకు యత్నించాడు. అయితే, బంతి వెళ్లి వికెట్‌ కీపర్‌ అలెక్స్‌ ‍క్యారీ చేతుల్లో పడింది.ఈ నేపథ్యంలో ఆసీస్‌ అప్పీలు చేయగా ఫీల్డ్‌ అంపైర్‌ స్పందించలేదు. దీంతో కంగారూలు రివ్యూకు వెళ్లగా.. చాలాసార్లు రీప్లేలో చూసినా స్పష్టత రాలేదు. స్నీకో మీటర్‌లోనూ బంతి బ్యాట్‌ను లేదంటే గ్లౌవ్‌ను తాకినట్లుగా శబ్దం రాలేదు. అయినప్పటికీ విజువల్‌ ఎవిడెన్స్‌ కారణంగా.. ఫీల్డ్‌ అంపైర్‌ నిర్ణయాన్ని థర్డ్‌ అంపైర్‌ తారుమారు చేస్తూ.. జైస్వాల్‌ను అవుట్‌గా ప్రకటించారు.కీలక సమయంలో కీలక వికెట్‌ కోల్పోయిఫలితంగా కీలక సమయంలో కీలక వికెట్‌ కోల్పోయిన టీమిండియా ఓటమికి బాటలు పడ్డాయి. అయితే, తాను అవుట్‌ కాలేదని టెక్నాలజీ(స్నీకో) చెబుతున్నా అవుట్‌గా ప్రకటించడం పట్ల జైస్వాల్‌ అంపైర్ల వద్ద తీవ్ర అసంతృప్తి వ్యక్తం చేశాడు. అయినప్పటికీ వాళ్లు అతడిని మైదానం వీడాల్సిందిగా కోరగా.. ఈ విషయమై వివాదం చెలరరేగింది.మండిపడ్డ సన్నీఈ నేపథ్యంలో భారత క్రికెట్‌ దిగ్గజం సునిల్‌ గావస్కర్‌తో పాటు భారత క్రికెట్‌ నియంత్రణ మండలి(బీసీసీఐ) ఉపాధ్యక్షుడు రాజీవ్‌ శుక్లా సైతం థర్డ్‌ అంపైర్‌ నిర్ణయాన్ని తప్పుబట్టారు. జైస్వాల్‌ స్పష్టంగా నాటౌట్‌ అని తెలుస్తున్నా.. ఆసీస్‌కు అనుకూలంగా ఎలా వ్యవహరిస్తారని ఆగ్రహం వ్యక్తం చేశారు. అయితే, సురీందర్‌ ఖన్నా మాత్రం ఈ విషయంలో భిన్నంగా స్పందించాడు. నిజాయితీ ఆడటం నేర్చుకోండి‘‘ఇందులో వివాదం సృష్టించడానికి తావులేదు. నాలుగు కోణాల్లో పరిశీలించిన తర్వాత బంతి బ్యాటర్‌ గ్లౌవ్‌ను తాకి.. అలెక్స్‌ క్యారీ చేతుల్లో పడినట్లు తేలింది. ఆకాశ్‌ దీప్‌ కూడా ఇలాగే.. తాను క్యాచ్‌ అవుట్‌ అయినా.. మైదానం వీడకుండా ఫిర్యాదులు చేస్తూ ఉండిపోయాడు.వీళ్లంతా అబద్దాల కోరులు. ముందు నిజాయితీ ఆడటం నేర్చుకోండి. అప్పుడే మీరు గెలుస్తారు. అయినా, బ్యాట్‌ మన చేతుల్లోనే ఉన్నపుడు.. అది బంతిని లేదంటే గ్లౌవ్‌ను తాకిందా లేదా స్పష్టంగా తెలుస్తుంది కదా!అందుకే ఓడిపోయాంమనం చెత్తగా ఆడాం కాబట్టే ఓడిపోయాం. ఇంత చెత్తగా ఎవరైనా బ్యాటింగ్‌ చేస్తారా? రండి వచ్చి ఐపీఎల్‌లో పరుగులు సాధించండి. మరీ దూకుడుగా ఆడితే ఫలితాలు ఇలాగే ఉంటాయి. సానుకూల దృక్పథంతో ఆడండి.కనీసం కొత్త సంవత్సరంలో అయినా టీమిండియాను అదృష్టం వరిస్తుందో చూడాలి’’ అంటూ సురీందర్‌ ఖన్నా సంచలన వ్యాఖ్యలు చేశాడు. వార్తా సంస్థ IANSతో మాట్లాడుతూ ఈ మేర వ్యాఖ్యానించాడు. కాగా ఢిల్లీకి చెందిన సురీందర్‌ ఖన్నా 1979- 84 మధ్య టీమిండియా తరఫున 10 వన్డేలు ఆడి.. 176 పరుగులు చేశాడు. ఇదిలా ఉంటే.. ఆసీస్‌- టీమిండియా మధ్య ఆఖరిదైన ఐదో టెస్టు సిడ్నీలో జరుగనుంది. జనవరి 3-7 మధ్య ఈ మ్యాచ్‌ నిర్వహణకు షెడ్యూల్‌ ఖరారైంది. చదవండి: అతడి కోసం పట్టుబట్టిన గంభీర్‌.. లెక్కచేయని సెలక్టర్లు? త్వరలోనే వేటు?

టీమిండియా నయా సంచలనం, ఆంధ్ర క్రికెటర్‌ నితీశ్‌ కుమార్‌ రెడ్డి(Nitish Kumar Reddy)కి అరుదైన గౌరవం దక్కింది. మెల్‌బోర్న్‌ క్రికెట్‌ గ్రౌండ్‌(Melbourne Cricket Ground) హానర్స్‌ బోర్డులో అతడికి చోటు లభించింది. భారత జట్టు వైస్‌ కెప్టెన్‌ జస్‌ప్రీత్‌ బుమ్రా కూడా మరోసారి ఈ గౌరవం దక్కించుకోగా.. ఈ ఇద్దరి పేర్లను బోర్డుపై చేర్చుతున్న సమయంలో నితీశ్‌ రెడ్డి ఉద్వేగానికి లోనయ్యాడు.వీడియో షేర్‌ చేసిన బీసీసీఐఈ ప్రత్యేకమైన క్షణాలను ఫోన్‌ కెమెరాలో బంధిస్తూ మధురజ్ఞాపకాలను పోగు చేసుకున్నాడు. ఇందుకు సంబంధించిన వీడియోను భారత క్రికెట్‌ నియంత్రణ మండలి(బీసీసీఐ) సోషల్‌ మీడియాలో షేర్‌ చేసింది. ‘‘ఐదు వికెట్ల హాల్‌... ప్రత్యేకమైన సెంచరీ... వైస్‌ కెప్టెన్‌ జస్‌ప్రీత్‌ బుమ్రా(Jasprit Bumrah)తో పాటు నితీశ్‌ కుమార్‌ రెడ్డి పేర్లు మెల్‌బోర్న్‌ క్రికెట్‌ గ్రౌండ్‌ హానర్స్‌ బోర్డులో చేరిన వేళ’’ అంటూ క్యాప్షన్‌ జతచేసింది.కాగా బోర్డర్‌- గావస్కర్‌ ట్రోఫీ 2024-25లో భాగంగా ఐదు టెస్టులు ఆడేందుకు టీమిండియా ఆస్ట్రేలియాకు వెళ్లింది. తొలి టెస్టులో భారత్‌, రెండో టెస్టులో ఆసీస్‌ గెలుపొందగా.. మూడో టెస్టు డ్రా అయింది. ఈ క్రమంలో మెల్‌బోర్న్‌ వేదికగా నాలుగో టెస్టు జరిగింది.రోహిత్‌ శర్మ, విరాట్‌ కోహ్లి విఫలమైన చోట ఈ బాక్సింగ్‌ డే మ్యాచ్‌లో టీమిండియా తొలి ఇన్నింగ్స్‌ సందర్భంగా పేస్‌ బౌలింగ్‌ ఆల్‌రౌండర్‌ నితీశ్‌ రెడ్డి శతకంతో చెలరేగాడు. సీనియర్లు కెప్టెన్‌ రోహిత్‌ శర్మ, విరాట్‌ కోహ్లి విఫలమైన చోట 114 పరుగులతో దుమ్ములేపాడు. చిన్న వయసులోనే ఎంసీజీలో శతకంతద్వారా ప్రఖ్యాత మెల్‌బోర్న్‌ క్రికెట్‌ గ్రౌండ్‌(ఎంసీజీ)లో అత్యంత పిన్న వయసులో భారత్‌ తరఫున శతకం బాదిన క్రికెటర్‌గా.. 21 ఏళ్ల నితీశ్‌ రెడ్డి చరిత్ర సృష్టించాడు. ఈ క్రమంలో మెల్‌బోర్న్‌ క్రికెట్‌ గ్రౌండ్‌ హానర్స్‌ బోర్డులో నితీశ్‌ రెడ్డి పేరును లిఖించారు. బుమ్రా మరోసారిఇక ఇదే టెస్టులో ఆస్ట్రేలియా రెండో ఇన్నింగ్స్‌ సందర్భంగా జస్‌ప్రీత్‌ బుమ్రా ఐదు వికెట్లతో చెలరేగిన విషయం తెలిసిందే. సామ్‌ కొన్‌స్టాస్‌(8), ట్రవిస్‌ హెడ్‌(1), మిచెల్‌ మార్ష్‌(0), అలెక్స్‌ క్యారీ(2), నాథన్‌ లియాన్‌(41) వికెట్లను తన ఖాతాలో వేసుకున్నాడు.ఈ నేపథ్యంలో ఐదు వికెట్ల ప్రదర్శన(5/57) నమోదు చేసినందుకు గానూ బుమ్రా పేరు కూడా హానర్స్‌ బోర్డులో రాశారు. కాగా 2018లోనూ బుమ్రా ఇలాంటి ఘనత సాధించి.. తొలిసారి హానర్స్‌ బోర్డులోకెక్కాడు. ఇక 2020లో అజింక్య రహానే 112 పరుగులు చేసి తన పేరు(మొత్తంగా రెండుసార్లు)ను లిఖించుకున్నాడు. అంతకు ముందు టీమిండియా బ్యాటర్లు సచిన్‌ టెండుల్కర్‌, వీరేంద్ర సెహ్వాగ్‌ విరాట్‌ కోహ్లి, ఛతేశ్వర్‌ పుజారా తదితరులు కూడా ఈ గౌరవం దక్కించుకున్నారు. ఇదిలా ఉంటే.. మెల్‌బోర్న్‌ టెస్టులో టీమిండియా ఆసీస్‌ చేతిలో 184 పరుగుల తేడాతో భారీ పరాజయాన్ని చవిచూసింది. ఆఖరి టెస్టు గెలిస్తేనేఫలితంగా ఆస్ట్రేలియా 2-1తో ఆధిక్యంలోకి వెళ్లడంతో పాటు.. ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఫైనల్‌ అవకాశాలను మెరుగుపరచుకుంది. ఇక ఇరుజట్ల మధ్య సిడ్నీ వేదికగా జనవరి 3న ఈ సిరీస్‌లో చివరిదైన ఐదో టెస్టు మొదలుకానుంది. ఈ మ్యాచ్‌లో కచ్చితంగా గెలవడంతో పాటు.. శ్రీలంకతో సిరీస్‌లో ఆసీస్‌ టెస్టు ఫలితాలపై భారత్‌ డబ్ల్యూటీసీ ఫైనల్‌ అవకాశాలు ఆధారపడి ఉంటాయి.చదవండి: Rohit On Pant Batting: నిర్లక్ష్యపు షాట్లతో భారీ మూల్యం.. అతడికి నేనేం చెప్పగలను Magnificent 5️⃣-wicket haul 🤝 Special Maiden 💯Vice Captain Jasprit Bumrah and Nitish Kumar Reddy's names are etched on the Honours Board of Melbourne Cricket Ground ✍️ 👏#TeamIndia | #AUSvIND | @Jaspritbumrah93 | @NKReddy07 pic.twitter.com/4tat5F0N6e— BCCI (@BCCI) December 31, 2024

భారీ అంచనాలతో ఆస్ట్రేలియా గడ్డపై అడుగుపెట్టిన టీమిండియా స్టార్‌ క్రికెటర్‌ రిషభ్‌ పంత్‌(Rishabh Pant) పూర్తిగా నిరాశపరుస్తున్నాడు. బోర్డర్‌- గావస్కర్‌ ట్రోఫీ(Border- Gavaskar Trophy)లో వరుస వైఫల్యాలతో విమర్శలు మూటగట్టుకుంది. ఆసీస్‌తో ఇప్పటి వరకు పెర్త్‌, అడిలైడ్‌, బ్రిస్బేన్‌, మెల్‌బోర్న్‌ వేదికలుగా జరిగిన నాలుగు టెస్టుల్లోనూ పంత్‌ బ్యాట్‌ ఝులిపించలేకపోయాడు.ఒక్క హాఫ్‌ సెంచరీ లేదుఈ నాలుగు టెస్టుల్లో వికెట్‌ కీపర్‌ బ్యాటర్‌ పంత్‌ చేసిన స్కోర్లు వరుసగా.. 37, 1, 21, 28, 9, 28, 30. ముఖ్యంగా మెల్‌బోర్న్‌లో సోమవారం ముగిసిన బాక్సింగ్‌ డే టెస్టులో పంత్‌ కాసేపు పోరాడి ఉంటే.. ఫలితం వేరేలా ఉండేది. కానీ.. వైఫల్యాల నుంచి తాను గుణపాఠాలు నేర్చుకోనని అతడు మరోసారి నిరూపించాడు.పరిస్థితులకు తగినట్లుగా ఆడకుండా తనకు నచ్చిన షాట్లనే ఆడతానని పంత్‌ పరోక్షంగా చెప్పకనే చెప్పాడు. టీమిండియా తొలి ఇన్నింగ్స్‌లో 191/5తో కష్టాల్లో ఉన్న సమయంలో స్కూప్‌ షాట్‌ ఆడబోయి డీప్‌ థర్డ్‌మాన్‌ వద్ద పంత్‌ క్యాచ్‌ ఇచ్చాడు.స్టుపిడ్, స్టుపిడ్, స్టుపిడ్‌ఈ నేపథ్యంలో భారత క్రికెట్‌ దిగ్గజం, మాజీ కెప్టెన్‌ సునీల్‌ గావస్కర్‌.. రిషభ్‌ పంత్‌పై తీవ్ర స్థాయిలో విరుచుకుపడ్డాడు. ‘స్టుపిడ్, స్టుపిడ్, స్టుపిడ్‌’ అంటూ అతడికి టీమిండియా డ్రెసింగ్‌రూమ్‌కు వెళ్లే అర్హతే లేదంటూ ఘాటుగా విమర్శించాడు.నిర్లక్ష్యపు షాట్లతో భారీ మూల్యంగతంలో ఇవే షాట్లు తనకు పరుగులు అందించినా... ఇది సమయం కాదని సన్నీ విమర్శించాడు. అయితే రెండో ఇన్నింగ్స్‌లోనూ పంత్‌ అదే పని చేయడం గమనార్హం. జైస్వాల్‌తో 88 పరుగుల భాగస్వామ్యంతో ఎలాంటి ఇబ్బంది లేకుండా సులువుగా ఓటమి నుంచి తప్పించుకునే స్థితిలో ఉన్న దశలో.. పంత్‌ నిర్లక్ష్యంగా వ్యవహరించాడు. ట్రవిస్‌ హెడ్‌ బౌలింగ్‌లో భారీ పుల్‌ షాట్‌ ఆడి లాంగాన్‌లో క్యాచ్‌ ఇచ్చాడు. ఆ తర్వాతే భారత్‌ ఓటమికి బాటలు పడి.. 184 పరుగుల భారీ తేడాతో పరాజయం ఎదురైంది.అతడికి నేనేం చెప్పగలనుఈ నేపథ్యంలో రిషభ్‌ పంత్‌ బ్యాటింగ్‌ శైలిపై విమర్శల వర్షం కురుస్తోంది. ఈ క్రమంలో మెల్‌బోర్న్‌ టెస్టులో ఓటమి అనంతరం మీడియాతో మాట్లాడిన కెప్టెన్‌ రోహిత్‌ శర్మ(Rohit Sharma)కు.. పంత్‌ గురించి ప్రశ్న ఎదురైంది. ఇందుకు స్పందిస్తూ.. ‘‘తనకేం ఏం కావాలో పంత్‌ అర్థం చేసుకోగలగాలి.అతడికి మేము చెప్పడం కంటే.. తనకు తానుగా తన తప్పేమిటో తెలుసుకుంటే బాగుంటుంది. అలా అయితే, సరైన దారిలో నడిచేందుకు వీలు ఉంటుంది. గతంలో ఇలాంటి షాట్లతో అతడు ఎన్నోసార్లు విజయాలు అందించాడు.కాబట్టి కెప్టెన్‌గా తన పట్ల నా స్పందన మిశ్రమంగానే ఉంటుంది. కొన్నిసార్లు మన ప్రయోగాలు విఫలమవుతాయి. అలాంటి సమయంలో ఇలాంటి విమర్శలు వస్తాయి. అయితే, కెప్టెన్‌గా ఈ విషయంలో నేను అతడికి చెప్పాల్సింది ఏమీలేదు.ఆ మాత్రం తెలిసి ఉండాలి కదా!ఎలాంటి పరిస్థితుల్లో రిస్క్‌ తీసుకువచ్చో ఆటగాడికి తెలిసి ఉండాలి. మన చర్యల వల్ల ప్రత్యర్థికి అవకాశం దొరుకుతుందని భావిస్తే ఆచితూచి ఆడటమే ఉత్తమం. తప్పు ఎక్కడ జరిగిందో విశ్లేషించుకుని ముందుకు సాగాలి. జట్టు తన నుంచి ఏం ఆశిస్తుందో పంత్‌కు తెలుసు’’ అని రోహిత్‌ శర్మ పేర్కొన్నాడు. కాగా ఆసీస్‌తో ఐదు టెస్టుల సిరీస్‌లో టీమిండియా ప్రస్తుతం 1-2తో వెనుకబడి ఉంది. ఇరుజట్ల మధ్య ఆఖరిదైన ఐదో టెస్టు జనవరి 3-7 మధ్య సిడ్నీలో జరుగనుంది.చదవండి: టెస్టుల్లో అత్యధిక స్కోరు నమోదు చేసిన అఫ్గనిస్తాన్‌.. సరికొత్త చరిత్ర.. కానీ

భారత్‌ ముందు 340 పరుగుల భారీ లక్ష్యం... తొలి సెషన్‌లో 33/3 స్కోరుతో కాస్త ఆందోళన... అయితే రెండో సెషన్‌లో ఒక్క వికెట్‌ కూడా చేజార్చుకోలేదు... దాంతో ఓటమిని తప్పించుకోవడంపై ఆశలు... విరామం తర్వాత 121/3తో మెరుగైన స్థితి... అయితే అనూహ్యంగా 9 పరుగుల వ్యవధిలో 3 వికెట్లు పడ్డాయి... పంత్‌ ఆడిన తప్పుడు షాట్‌తో ఈ పతనం మొదలైంది... అయినా సరే జైస్వాల్‌ పట్టుదలగా ఆడుతుండటం, మరో నాలుగు వికెట్లు ఉండటంతో కొంత భరోసా... మరో 21.2 ఓవర్లు నిలబడిగలిగితే చాలు... మ్యాచ్‌ను ‘డ్రా’గా ముగించవచ్చు... కానీ జైస్వాల్‌ అవుట్‌ కావడంతో అంతా మారిపోయింది... అతను వెనుదిరిగిన తర్వాత టీమిండియా ఆట ముగించేందుకు ఆసీస్‌కు 8.2 ఓవర్లు సరిపోయాయి... ఒక్క సెషన్‌లోనే 7 వికెట్లు చేజార్చుకున్న భారత్‌ మరో 12.5 ఓవర్లు మిగిలి ఉన్న దశలో ఓటమిని ఖరారు చేసుకుంది... వరుస మలుపులతో సాగుతూ వచ్చిన మెల్‌బోర్న్‌ టెస్టులో చివరకు ఆ్రస్టేలియానే గెలుపు బావుటా ఎగరవేసింది. వేర్వేరు సందర్భాల్లో పైచేయి సాధించే అవకాశాలు వచ్చినా... వాటిని సమర్థంగా ఉపయోగించుకోలేక రోహిత్‌ బృందం సిరీస్‌లో వెనుకబడిపోయింది. ఇప్పుడు బోర్డర్‌–గావస్కర్‌ ట్రోఫీని నిలబెట్టుకోవడంతో పాటు ప్రపంచ టెస్టు చాంపియన్‌షిప్‌ (డబ్ల్యూటీసీ)లో ఫైనల్‌ చేరే అవకాశాలు మిగిలి ఉండాలంటే చివరి టెస్టులో కచ్చితంగా గెలవాల్సిన స్థితిలో భారత్‌ నిలిచింది. మెల్‌బోర్న్‌: నాలుగేళ్ల క్రితం ‘గాబా’ మైదానం తరహాలో భారీ లక్ష్యాన్ని ఛేదించి మెల్‌బోర్న్‌లో భారత్‌ సంచలన విజయం సాధిస్తుందని ఆశించిన భారత అభిమానులకు నిరాశ తప్పలేదు. గెలుపు కాదు కదా ... ఓటమి నుంచి తప్పించుకొని ‘డ్రా’గా ముగించే చాన్స్‌ కూడా ఆ్రస్టేలియా ఇవ్వలేదు. ఎంసీజీలో సోమవారం ముగిసిన నాలుగో టెస్టులో ఆస్ట్రేలియా 184 పరుగుల తేడాతో భారత్‌పై ఘన విజయం సాధించింది. 340 పరుగుల లక్ష్యంతో రెండో ఇన్నింగ్స్‌ బరిలోకి దిగిన భారత్‌ 79.1 ఓవర్లలో 155 పరుగులకే ఆలౌటైంది. యశస్వి జైస్వాల్‌ (208 బంతుల్లో 84; 8 ఫోర్లు) ఒంటరి పోరాటం చేయగా, మిగతా బ్యాటర్లంతా విఫలమయ్యారు. కమిన్స్, బోలండ్‌ చెరో 3 వికెట్లు పడగొట్టగా, లయన్‌కు 3 వికెట్లు దక్కాయి. తాజా ఫలితంతో ఐదు టెస్టుల సిరీస్‌లో ఆ్రస్టేలియా 2–1తో ముందంజ వేసింది. చివరి టెస్టు జనవరి 3 నుంచి సిడ్నీలో జరుగుతుంది. మ్యాచ్‌లో కీలకమైన 90 పరుగులు చేయడంతో పాటు 6 వికెట్లు పడగొట్టిన ఆసీస్‌ కెప్టెన్‌ కమిన్స్‌ ‘ప్లేయర్‌ ఆఫ్‌ ద మ్యాచ్‌’గా నిలిచాడు. జైస్వాల్‌ మినహా... సిరీస్‌లో వరుస వైఫల్యాలతో విమర్శలు ఎదుర్కొంటున్న కెపె్టన్‌ రోహిత్‌ శర్మ (9) ఈసారి చాలా జాగ్రత్తగా ఇన్నింగ్స్‌ను ఆరంభించాడు. అయితే 40 బంతులు ఎదుర్కొన్న అతను తొలిసారి కమిన్స్‌ బౌలింగ్‌లో దూకుడైన షాట్‌ ఆడబోయి వెనుదిరిగాడు. అదే ఓవర్లో రాహుల్‌ (0) కూడా అవుట్‌ కాగా, స్టార్క్‌ పదునైన బంతిని డ్రైవ్‌ చేయబోయిన కోహ్లి (5) కూడా స్లిప్‌లో చిక్కడంతో తొలి సెషన్‌ ముగిసింది. లంచ్‌ తర్వాత జైస్వాల్, పంత్‌ (104 బంతుల్లో 30; 2 ఫోర్లు) సాధికారికంగా ఆడారు. 27.5 ఓవర్ల పాటు ఆసీస్‌ బౌలర్లను సమర్థంగా ఎదుర్కొన్నారు. అయితే టీ తర్వాత ఎట్టకేలకు పార్ట్‌టైమర్‌ హెడ్‌తో బౌలింగ్‌ చేయించిన వ్యూహం ఫలించింది. పంత్‌ను అవుట్‌ చేసి 88 పరుగుల భాగస్వామ్యాన్ని విడదీశాడు. అంతే... ఆ తర్వాత జట్టు పతనం వేగంగా సాగిపోయింది. 34 పరుగుల వ్యవధిలోనే జట్టు చివరి 7 వికెట్లు కోల్పోయింది. జడేజా (2), నితీశ్‌ రెడ్డి (1) విఫలం కాగా, సిరాజ్‌ (0)ను లయన్‌ ఎల్బీగా అవుట్‌ చేయడంతో ఆసీస్‌ సంబరాల్లో మునిగిపోయింది. అంతకుముందు ఓవర్‌నైట్‌ స్కోరు 228/9తో ఆట కొనసాగించిన ఆసీస్‌ 234 పరుగులకు ఆలౌటైంది. స్కోరు వివరాలు ఆ్రస్టేలియా తొలి ఇన్నింగ్స్‌: 474; భారత్‌ తొలి ఇన్నింగ్స్‌: 369; ఆ్రస్టేలియా రెండో ఇన్నింగ్స్‌: 234; భారత్‌ రెండో ఇన్నింగ్స్‌: జైస్వాల్‌ (సి) కేరీ (బి) కమిన్స్‌ 84; రోహిత్‌ (సి) మార్‌‡్ష (బి) కమిన్స్‌ 9; రాహుల్‌ (సి) ఖ్వాజా (బి) కమిన్స్‌ 0; కోహ్లి (సి) ఖ్వాజా (బి) స్టార్క్‌ 5; పంత్‌ (సి) మార్‌‡్ష (బి) హెడ్‌ 30; జడేజా (సి) కేరీ (బి) బోలండ్‌ 2; నితీశ్‌ రెడ్డి (సి) స్మిత్‌ (బి) లయన్‌ 1; సుందర్‌ (నాటౌట్‌) 5; ఆకాశ్‌దీప్‌ (సి) హెడ్‌ (బి) బోలండ్‌ 7; బుమ్రా (సి) స్మిత్‌ (బి) బోలండ్‌ 0; సిరాజ్‌ (ఎల్బీ) (బి) లయన్‌ 0; ఎక్స్‌ట్రాలు 12; మొత్తం (79.1 ఓవర్లలో ఆలౌట్‌) 155. వికెట్ల పతనం: 1–25, 2–25, 3–33, 4–121, 5–127, 6–130, 7–140, 8–150, 9–154, 10–155. బౌలింగ్‌: స్టార్క్‌ 16– 8–25–1, కమిన్స్‌ 18–5–28–3, బోలండ్‌ 16–7 –39–3, మార్‌‡్ష 3–2–2–0, లయన్‌ 20.1–6– 37–2, హెడ్‌ 5–0–14–1, లబుషేన్‌ 1–1–0–0. చాలా నిరాశగా ఉంది. చివరి వరకు పోరాడాలనే ఉద్దేశంతోనే బరిలోకి దిగాం కానీ అది సాధ్యం కాలేదు. ఆఖర్లో అంతా మారిపోయింది. టెస్టు మొత్తాన్ని చూస్తే మాకూ కొన్ని అవకాశాలు వచ్చాయి కానీ మేం వాడుకోలేక పోయాం. వారి చివరి వికెట్‌ భాగస్వామ్యం కూడా దెబ్బ తీసింది. 340 పరుగులు ఎప్పుడైనా కష్టమే. చివరి రెండు సెషన్లలో ధాటిగా ఆడి లక్ష్యం చేరేందుకు ప్రయతి్నంచేందుకు కావాల్సిన పునాది వేయలేకపోయాం. తర్వాతి టెస్టుకు ముందు కొన్ని లోపాలు సరిదిద్దుకోవాల్సి ఉంది. గట్టిగా ప్రయతి్నంచి 2–2గా మార్చే ప్రయత్నం చేస్తాం. నా బ్యాటింగ్‌ గురించి చెప్పాలంటే మానసికంగా నేను సరైన స్థితిలో లేను. నేను ఏం చేయాలని ప్రయతి్నంచినా కలిసి రావడం లేదు. ఫలితం దక్కకపోవడం నిరాశ కలిగిస్తోందనేది మాత్రం వాస్తవం. –రోహిత్‌ శర్మ, భారత కెప్టెన్‌ జైస్వాల్‌ అవుట్‌పై వివాదం! చక్కటి ఇన్నింగ్స్‌తో ఓటమి నుంచి తప్పించే ప్రయత్నం చేస్తున్న సమయంలో యశస్వి జైస్వాల్‌ అవుట్‌ కావడం జట్టును దెబ్బ తీసింది. కమిన్స్‌ బౌలింగ్‌లో లెగ్‌సైడ్‌ దిశగా వెళుతున్న బంతిని ఆడి కీపర్‌ కేరీకి అతను క్యాచ్‌ ఇచ్చాడు. అంపైర్‌ విల్సన్‌ స్పందించకపోవడంతో ఆసీస్‌ రివ్యూ కోరింది. ఇదే చివరకు చర్చకు దారి తీసింది. వరుస రీప్లేల తర్వాత స్పష్టత రాకపోగా, ‘స్నికో’లో కూడా ఏదీ తేలలేదు. ఇక్కడా బంతి బ్యాట్‌ను తాకినట్లుగా కనిపించలేదు. అయితే ముందు భాగంనుంచి చూసిన రీప్లేలో బంతి బ్యాట్‌ను దాటిన తర్వాత దిశను మార్చుకున్నట్లుగా కనిపించింది. దీని ఆధారంగానే అది బ్యాట్‌కు తగిలిందని చెబుతూ థర్డ్‌ అంపైర్‌ షర్ఫుద్దౌలా ‘అవుట్‌’గా ప్రకటించడంతో జైస్వాల్‌ నిరాశగా మైదానం వీడాడు. అయితే ‘స్నికో’ను పరిగణనలోకి తీసుకోకపోవడాన్ని ప్రశి్నంచిన సునీల్‌ గావస్కర్‌... ఇక సాంకేతికత ఎందుకని, కొన్నిసార్లు బ్యాట్‌కు తగలకపోయినా బంతి దిశ మార్చుకోవడం సహజమని విమర్శించాడు. మరోవైపు మాజీ అంపైర్‌ సైమన్‌ టఫెల్‌ కూడా ఇది ‘అవుట్‌’ అని నిర్ధారించాడు. అంపైరింగ్‌ ప్రొటోకాల్‌ ప్రకారం బంతి దిశ మార్చుకున్నట్లు కంటికి స్పష్టంగా కనిపిస్తున్నప్పుడు టెక్నాలజీ వాడాల్సిన అవసరం లేదని అన్నాడు. భారత కెపె్టన్‌ రోహిత్‌ శర్మ కూడా జైస్వాల్‌ బ్యాట్‌కి బంతి తాకిందని, అతను అవుట్‌ అని తేల్చి వివాదానికి ముగింపు పలకడం గమనార్హం.

ఆస్ట్రేలియాతో నాలుగో టెస్టులో ఓటమి పట్ల టీమిండియా కెప్టెన్‌ రోహిత్‌ శర్మ(Rohit Sharma) తీవ్ర విచారం వ్యక్తం చేశాడు. భారీ లక్ష్యం ముందున్నా ఆఖరి వరకు పోరాడాలని నిశ్చయించుకున్నామని.. అయితే, ప్రణాళికలు పక్కాగా అమలు చేయలేకపోయామని పేర్కొన్నాడు. ఏదేమైనా ఆస్ట్రేలియా బౌలర్లు అద్భుతంగా ఆడారని.. టెయిలెండర్లు కూడా అద్భుత పోరాటపటిమతో మ్యాచ్‌ను తమ నుంచి లాగేసుకున్నారని రోహిత్‌ అన్నాడు.184 పరుగుల భారీ తేడాతో ఓటమిబోర్డర్‌- గావస్కర్‌ ట్రోఫీ(Border-Gavaskar Trophy)లో భాగంగా ఆస్ట్రేలియాతో ఐదు టెస్టులు ఆడుతున్న భారత్‌.. పెర్త్‌లో గెలిచి, అడిలైడ్‌లో ఓడింది. అనంతరం బ్రిస్బేన్‌ టెస్టును డ్రా చేసుకుంది. అయితే, మెల్‌బోర్న్‌లో జరిగిన బాక్సింగ్‌ డే టెస్టు(Boxing Day Test)లో మాత్రం 184 పరుగుల భారీ తేడాతో ఓటమిని చవిచూసింది.మానసికంగా వేధిస్తోందిఈ నేపథ్యంలో ఆసీస్‌ చేతిలో ఘోర పరాభవంపై స్పందించిన రోహిత్‌ శర్మ.. పరాజయానికి గల కారణాలను విశ్లేషించాడు. ‘‘ఈ ఓటమి చాలా బాధాకరం. మానసికంగా వేధిస్తోంది. మ్యాచ్‌ గెలిచేందుకు ఎన్నో మార్గాలు ఉంటాయి. కానీ మేము మాత్రం విజయానికి దారిని కనుక్కోలేకపోయాం.ఆఖరి వరకు పోరాడాలని భావించాం. కానీ దురదృష్టవశాత్తూ అనుకున్న లక్ష్యాన్ని చేరుకోలేకపోయాం. ఆస్ట్రేలియాను 90/6కు కట్టడి చేసినా.. ఆ తర్వాత మళ్లీ పట్టు కోల్పోయాం. స్థాయికి తగ్గట్లు రాణించలేకపోయాం. అయితే, మేము చేయగలిగిందంతా చేశామనే నమ్ముతున్నా.సులువైన టార్గెట్‌ కాదని తెలుసు.. అయినాఅయితే, వాళ్లు పోరాడిన తీరు అసాధారణం. ముఖ్యంగా ఆఖరి వికెట్‌కు అద్భుతం చేశారు. ఇక ఆఖరి రోజు 340 పరుగుల లక్ష్యం ఛేదించడం అంత సులువు కాదని తెలుసు. అయినా.. అందుకు పునాది వేసేందుకు తీవ్రంగా శ్రమించాం. కానీ ఆసీస్‌ బౌలర్లు అద్భుతంగా బౌలింగ్‌ చేయడంతో మేము అనుకున్న లక్ష్యానికి దూరమయ్యాం’’ అని రోహిత్‌ శర్మ చెప్పుకొచ్చాడు.ఆసీస్‌లో తొలిసారి.. అయినా అద్భుతంగాఇక తొలి ఇన్నింగ్స్‌లో సెంచరీ(114)తో చెలరేగిన ఆంధ్ర కుర్రాడు నితీశ్‌ కుమార్‌ రెడ్డి(Nitish Kumar Reddy) ప్రస్తావన రాగా.. ‘‘అతడు తొలిసారి ఆస్ట్రేలియా గడ్డపై టెస్టు మ్యాచ్‌లు ఆడుతున్నాడు. అయినప్పటికీ అద్భుత పోరాటపటిమ కనబరిచాడు. అతడి టెక్నిక్స్‌ కూడా బాగున్నాయి.విజయవంతమైన ఆల్‌రౌండర్‌గా ఎదిగే అన్ని లక్షణాలు అతడిలో ఉన్నాయి. రోజురోజుకూ అతడు మరింత మెరుగుపడాలని కోరుకుంటున్నా. మేనేజ్‌మెంట్‌, జట్టు నుంచి అతడికి పూర్తి సహకారం ఉంది’’ అని రోహిత్‌ శర్మ పేర్కొన్నాడు. నితీశ్‌ రెడ్డికి మంచి భవిష్యత్తు ఉందన్నాడు.భారత్‌ వర్సెస్‌ ఆస్ట్రేలియా- నాలుగో టెస్టు👉వేదిక:మెల్‌బోర్న్‌ క్రికెట్‌​ గ్రౌండ్‌, మెల్‌బోర్న్‌👉టాస్‌: ఆస్ట్రేలియా- తొలుత బ్యాటింగ్‌👉ఆసీస్‌ తొలి ఇన్నింగ్స్‌ స్కోరు- 474👉భారత్‌ తొలి ఇన్నింగ్స్‌ స్కోరు- 369👉ఆసీస్‌ రెండో ఇన్నింగ్స్‌ స్కోరు- 234👉భారత్‌ విజయ లక్ష్యం- 340👉భారత్‌ రెండో ఇన్నింగ్స్‌ స్కోరు- 155👉ఫలితం: 184 పరుగుల తేడాతో భారత్‌ ఓటమి👉ప్లేయర్‌ ఆఫ్‌ ది మ్యాచ్‌: ప్యాట్‌ కమిన్స్‌(మొత్తం 90 పరుగులు, ఆరు వికెట్లు) చదవండి: అద్భుతమైన టెస్టు.. ఆఖరికి మాదే పైచేయి.. వాళ్లిద్దరు సూపర్‌: కమిన్స్‌

మెల్‌బోర్న్‌ టెస్టు అద్భుతంగా సాగిందని.. ఆఖరికి తామే పైచేయి సాధించడం పట్ల సంతోషంగా ఉందని ఆస్ట్రేలియా కెప్టెన్‌ ప్యాట్‌ కమిన్స్‌(Pat Cummins) హర్షం వ్యక్తం చేశాడు. బంతితో పాటు బ్యాట్‌తోనూ తాను రాణించడం సంతృప్తినిచ్చిందని పేర్కొన్నాడు. ట్రవిస్‌ హెడ్‌కు బాల్‌ ఇవ్వడం వెనుక తమ కోచ్‌ హస్తం ఉందని.. ఈ విషయంలో క్రెడిట్‌ ఆయనకే ఇస్తానని కమిన్స్‌ తెలిపాడు.బోర్డర్‌- గావస్కర్‌ ట్రోఫీలో భాగంగా ఆస్ట్రేలియా సొంతగడ్డపై టీమిండియా(India vs Australia)తో ఐదు టెస్టులు ఆడుతోంది. ఈ క్రమంలో పెర్త్‌ మ్యాచ్‌లో ఓడిన కంగారూ జట్టు.. అడిలైడ్‌ టెస్టుతో విజయాన్ని రుచిచూసింది. అనంతరం బ్రిస్బేన్‌ టెస్టు వర్షం వల్ల డ్రా కాగా.. ఇరుజట్లు మధ్య మెల్‌బోర్న్‌ క్రికెట్‌ గ్రౌండ్‌లో నాలుగో టెస్టు జరిగింది.340 పరుగుల లక్ష్యంఈ మ్యాచ్‌లో టాస్‌ గెలిచిన ఆతిథ్య ఆసీస్‌ తొలుత బ్యాటింగ్‌ చేసింది. తొలి ఇన్నింగ్స్‌లో 474 పరుగులు చేసిన కంగారూలు.. భారత్‌ను 369 పరుగులకు కట్టడి చేశారు. అనంతరం రెండో ఇన్నింగ్స్‌లో 234 పరుగులకు ఆలౌట్‌ అయిన కమిన్స్‌ బృందం.. టీమిండియాకు 340 పరుగుల లక్ష్యాన్ని విధించింది.అయితే, సోమవారం నాటి ఆఖరి రోజు ఆటలో భాగంగా 155 పరుగులకే ఆలౌట్‌ కావడంతో.. ఆసీస్‌ 184 రన్స్‌ తేడాతో జయభేరి మోగించింది. తద్వారా సిరీస్‌లో 2-1తో ఆధిక్యంలోకి దూసుకువెళ్లింది. ఇక ఈ మ్యాచ్‌లో మొత్తంగా 90(49, 41) పరుగులు చేయడంతో పాటు.. కమిన్స్‌ ఆరు వికెట్లు తీశాడు. ప్లేయర్‌ ఆఫ్‌ ది మ్యాచ్‌ అవార్డు దక్కించుకున్నాడు.మాదే పైచేయిఈ క్రమంలో విజయానంతరం కమిన్స్‌ మాట్లాడుతూ.. ‘‘అద్భుతమైన టెస్టు మ్యాచ్‌ ఆడాము. ప్రేక్షకులు కూడా మాకు మద్దతుగా నిలిచారు. వారి నుంచి అద్భుత స్పందన లభించింది. విజయంలో నా పాత్ర కూడా ఉన్నందుకు సంతోషంగా ఉన్నాను.లబుషేన్‌(72, 70), స్మిత్‌(140, 13 ) రాణించడం వల్ల పటిష్ట స్థితిలో నిలిచాం. నిజానికి ఈరోజు తొలి సెషన్‌లో మాదే పైచేయి. కానీ అనూహ్య రీతిలో వాళ్లు పుంజుకుని.. రెండో సెషన్‌లో రాణించారు. అయితే, మేము మాత్రం సానుకూల దృక్పథంతోనే ఉన్నాము.ఫీల్డింగ్‌ విషయంలో జాగ్రత్తలు తీసుకున్నాం. ఇక హెడ్‌తో బౌలింగ్‌ చేయించాలన్నది మా కోచ్‌ ఆలోచనే. ఆ విషయంలో క్రెడిట్‌ మొత్తం ఆయనకే ఇస్తాను. జట్టు ప్రదర్శన పట్ల సంతోషంగా ఉన్నాను’’ అని పేర్కొన్నాడు. సిడ్నీ టెస్టులోనూ ఇదే తరహా ఫలితం పునరావృతం చేస్తామని కమిన్స్‌ ధీమా వ్యక్తం చేశాడు. కాగా ఈ మ్యాచ్‌లో బ్యాటర్‌గా విఫలమైన ట్రవిస్‌ హెడ్‌(0, 1) రిషభ్‌ పంత్‌(Rishabh Pant-30) రూపంలో కీలక వికెట్‌ తీసి మ్యాచ్‌ను మలుపు తిప్పడంలో సహాయం చేశాడు.చదవండి: మానసిక వేదన.. అందుకే ఓడిపోయాం.. నితీశ్‌ రెడ్డి మాత్రం అద్భుతం: రోహిత్‌ శర్మ

మెల్‌బోర్న్‌ టెస్టులో టీమిండియా ఓపెనర్‌ యశస్వి జైస్వాల్‌ అవుటైన తీరు వివాదాస్పదంగా మారింది. స్నీకో మీటర్‌లో స్పైక్‌ రాకున్నా జైసూను అవుట్‌గా ప్రకటించడం పట్ల విమర్శలు వెల్లువెత్తుతున్నాయి. ఈ విషయంలో భారత బ్యాటర్‌కు అన్యాయం(Yashasvi Jaiswal’s controversial dismissal) జరిగిందంటూ టీమిండియా అభిమానులు సోషల్‌ మీడియా వేదికగా అంపైర్‌ నిర్ణయంపై మండిపడుతున్నారు.కాగా బోర్డర్‌- గావస్కర్‌ ట్రోఫీ(Border- Gavaskar Trophy) ఆడేందుకు ఆస్ట్రేలియాకు వెళ్లిన టీమిండియా.. మూడు టెస్టులు పూర్తి చేసుకుని ప్రస్తుతం 1-1తో సమంగా ఉంది. ఈ క్రమంలో మెల్‌బోర్న్‌ వేదికగా గురువారం మొదలైన బాక్సింగ్‌ డే టెస్టు భారత్‌కు కీలకంగా మారింది. ఈ మ్యాచ్‌లో గెలిస్తేనే రోహిత్‌ సేనకు ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఫైనల్‌ ఆశలు సజీవంగా ఉంటాయి.ఆది నుంచే తడ‘బ్యా’టు.. ‘స్టార్లు’ దారుణంగా విఫలంఇంతటి కీలక టెస్టులో ఆది నుంచే తడబడ్డ టీమిండియా.. తొలి ఇన్నింగ్స్‌లో జైస్వాల్‌(82) అద్భుత ఇన్నింగ్స్‌.. నితీశ్‌ కుమార్‌ రెడ్డి(114) శతకం వల్ల మ్యాచ్‌లో నిలవగలిగింది. ఇక ఆసీస్‌ను రెండో ఇన్నింగ్స్‌లో 234 పరుగులకే కట్టడి చేసి భారత బౌలర్లు మ్యాచ్‌పై ఆశలు సజీవం చేశారు.ఈ క్రమంలో ఆసీస్‌ నిర్దేశించిన 340 పరుగుల లక్ష్యాన్ని ఛేదించే క్రమంలో.. మళ్లీ పాత కథే పునరావృతమైంది. కెప్టెన్‌ రోహిత్‌ శర్మ(9), కేఎల్‌ రాహుల్‌(0), విరాట్‌ కోహ్లి(5) పూర్తిగా విఫలమయ్యారు. అయితే, ఓపెనర్‌ యశస్వి జైస్వాల్‌ ఆది నుంచి క్రీజులో పాతుకుపోయి.. ఆసీస్‌ బౌలర్ల సహనాన్ని పరీక్షించాడు.పంత్‌ కాసేపురిషభ్‌ పంత్‌(Rishabh Pant- 30)తో కలిసి టీమిండియా ఇన్నింగ్స్‌ చక్కదిద్దేందుకు ప్రయత్నించాడు. ఈ క్రమంలో అర్ధ శతకం పూర్తి చేసుకున్నాడు జైస్వాల్‌. అయితే, మిగతా బ్యాటర్ల నుంచి మాత్రం అతడికి పెద్దగా సహకారం అందలేదు. అయినప్పటికీ పట్టుదలగా నిలబడ్డ జైసూ.. అనూహ్య రీతిలో పెవిలియన్‌ చేరాల్సి వచ్చింది.నాటౌట్‌ ఇచ్చిన ఫీల్డ్‌ అంపైర్‌ఆసీస్‌ కెప్టెన్‌ ప్యాట్‌ కమిన్స్‌ బౌలింగ్‌లో షార్ట్‌ బాల్‌ను ఎదుర్కొనేందుకు సిద్ధమైన జైసూ.. షాట్‌ కనెక్ట్‌ చేయడంలో విఫలమయ్యాడు. దీంతో బంతి వెళ్లి వికెట్‌ కీపర్‌ అలెక్స్‌ క్యారీ చేతుల్లో పడింది. అయితే, ఆస్ట్రేలియా అప్పీలు చేసినా ఫీల్డ్‌ అంపైర్‌ నాటౌట్‌ ఇచ్చాడు.స్పైక్‌ రాలేదు.. అయినాదీంతో ఆసీస్‌ రివ్యూకు వెళ్లగా.. థర్డ్‌ అంపైర్‌ నిర్ణయం కీలకంగా మారింది. అయితే, బంతి బ్యాట్‌ను లేదంటే గ్లౌవ్‌ను తాకిందా అన్న విషయం స్పష్టంగా కనబడలేదు. అంతేకాదు.. శబ్దాన్ని సూచించే స్నీకో మీటర్‌లోనూ స్పైక్‌ రాలేదు. అయినప్పటికీ తనకు బంతి గ్లౌవ్‌ను తాకినట్లుగా కనిపించిందని పేర్కొంటూ థర్డ్‌ అంపైర్‌ అవుట్‌ ఇచ్చాడు.ఫీల్డ్‌ అంపైర్‌ నిర్ణయాన్ని తారుమారు చేసి.. జైస్వాల్‌ను అవుట్‌గా ప్రకటించాలని సూచించాడు. దీంతో టీమిండియా కీలక వికెట్‌ కోల్పోయింది. 208 బంతులు ఎదుర్కొని 84 పరుగులు చేసిన జైస్వాల్‌ ఇన్నింగ్స్‌కు తెరపడింది. ఏడో వికెట్‌గా అతడు వెనుదిరిగాడు.అయితే, తనను అవుట్‌గా ప్రకటించడం పట్ల జైసూ తీవ్ర అసంతృప్తి వ్యక్తం చేశాడు. అయితే, ఇద్దరు ఫీల్డ్‌ అంపైర్లు అతడిని మైదానం వీడాల్సిందిగా సూచించడంతో నిరాశగా వెనుదిరిగాడు.అంపైర్‌కు కళ్లు కనిపించడం లేదా?ఈ నేపథ్యంలో జైస్వాల్‌ అవుటైన తీరుపై విమర్శల వర్షం కురుస్తోంది. టెక్నికల్‌ ఎవిడెన్స్‌ కాకుండా.. కేవలం విజువల్‌ ఎవిడెన్స్‌ ద్వారా.. అది కూడా క్లారిటీ లేకుండా బ్యాటర్‌ను ఎలా అవుట్‌గా పరిగణిస్తారని టీమిండియా ఫ్యాన్స్‌ మండిపడుతున్నారు. అంపైర్‌కు కళ్లు కనిపించడం లేదా అంటూ ఘాటు వ్యాఖ్యలు చేస్తున్నారు. ఇక ఈ మ్యాచ్‌లో టీమిండియా 184 పరుగుల భారీ తేడాతో ఓటమిపాలైంది. తద్వారా ఐదు టెస్టుల సిరీస్‌లో 1-2తో వెనుకబడి ఉంది.చదవండి: వారి మాటలు తప్పని నిరూపించా.. ఇక మిగిలింది అదే: నితీశ్‌ రెడ్డిThird Umpire giving the decision on Yashasvi Jaiswal. pic.twitter.com/HVYzaNkLlf— Mufaddal Vohra (@mufaddal_vohra) December 30, 2024

టీమిండియా కెప్టెన్‌ రోహిత్‌ శర్మ(Rohit Sharma) త్వరలోనే రిటైర్‌ కానున్నాడా? బోర్డర్‌- గావస్కర్‌ ట్రోఫీలో గనుక భారత జట్టు ఓడిపోతే.. అతడు టెస్టుల నుంచి కూడా తప్పుకుంటాడా?.. క్రికెట్‌ వర్గాల్లో ప్రస్తుతం ప్రధానంగా నడుస్తున్న చర్చ ఇదే!వరుస వైఫల్యాలుగతంలో ఎన్నడూ లేని విధంగా రోహిత్‌ శర్మపై తీవ్ర విమర్శలు రావడానికి కారణం అతడి పేలవ ఫామ్‌. స్వదేశంలో న్యూజిలాండ్‌తో టెస్టు సిరీస్‌లో ఆటగాడిగా.. కెప్టెన్‌గా రోహిత్‌ విఫలమయ్యాడు. సొంతగడ్డపై కివీస్‌తో సిరీస్‌లో అతడు చేసిన పరుగులు వరుసగా.. 2, 52, 0, 8, 18, 11.ఇక న్యూజిలాండ్‌తో సిరీస్‌లో రోహిత్‌ సారథ్యంలోని టీమిండియా 0-3తో క్లీన్‌స్వీప్‌నకు గురైన విషయం తెలిసిందే. తద్వారా భారత టెస్టు క్రికెట్‌ చరిత్రలో.. స్వదేశంలో మూడు మ్యాచ్‌ల టెస్టు సిరీస్‌లో తొలిసారి ఇంతటి ఘోర పరాభవాన్ని చవిచూసింది. ఈ క్రమంలో ప్రపంచ టెస్టు చాంపియన్‌షిప్‌(World Test Championship డబ్ల్యూటీసీ)2023-25 ఫైనల్‌ చేరాలంటే.. ఆస్ట్రేలియా పర్యటనలో కచ్చితంగా నాలుగు టెస్టులు గెలవాల్సిన స్థితిలో నిలిచింది.చావో- రేవోఅయితే, బోర్డర్‌- గావస్కర్‌ ట్రోఫీ(Border- Gavaskar Trophy)లో భాగంగా ఐదు టెస్టుల సిరీస్‌లో తొలి మ్యాచ్‌కు రోహిత్‌ శర్మ దూరమయ్యాడు. అతడి గైర్హాజరీలో టీమిండియాను ముందుకు నడిపించిన జస్‌ప్రీత్‌ బుమ్రా భారీ విజయం అందించాడు. ఇక రెండో టెస్టు నుంచి రోహిత్‌ జట్టుతో చేరినా పెద్దగా ఫలితం లేకుండా పోయింది.రోహిత్‌ కెప్టెన్సీలో ఆసీస్‌ చేతిలో పింక్‌బాల్‌ టెస్టులో టీమిండియా చిత్తుగా ఓడింది. మూడో టెస్టులోనూ విఫలమై.. వర్షం కారణంగా అదృష్టవశాత్తూ డ్రా చేసుకోగలిగింది. అయితే, ఈ రెండు మ్యాచ్‌లలోనూ రోహిత్‌ పూర్తిగా నిరాశపరిచాడు. మూడు ఇన్నింగ్స్‌ ఆడి 3, 6, 10 పరుగులు చేశాడు.ఓపెనర్‌గా వచ్చినా నో యూజ్‌!ఇక మెల్‌బోర్న్‌ వేదికగా నాలుగో టెస్టులోనూ రోహిత్‌ శర్మ పూర్తిగా నిరాశపరిచాడు. రెండు, మూడు టెస్టుల్లో మిడిలార్డర్‌లో వచ్చిన ఈ కుడిచేతి వాటం బ్యాటర్‌.. ఈ టెస్టులో మాత్రం తన రెగ్యులర్‌ స్థానంలో ఓపెనర్‌గానే బరిలోకి దిగాడు. కానీ.. ఈసారి కూడా విఫలమయ్యాడు. తొలి ఇన్నింగ్స్‌లో కేవలం ఐదు బంతులు ఎదుర్కొని కేవలం 3 పరుగులే చేశాడు.ఆసీస్‌ కెప్టెన్‌ ప్యాట్‌ కమిన్స్‌ బౌలింగ్‌లో మరో పేసర్‌ స్కాట్‌ బోలాండ్‌కు క్యాచ్‌ ఇచ్చి రోహిత్‌ శర్మ పెవిలియన్‌ చేరాడు. నిజానికి అనవసరపు షాట్‌కు యత్నించి అతడు వికెట్‌ పారేసుకోవడంతో విమర్శలు మరింత పదునెక్కాయి.మెల్‌బోర్న్‌లోనే అగార్కర్‌?.. రోహిత్‌ భవిష్యత్తుపై నిర్ణయం అప్పుడే!ఈ నేపథ్యంలో రోహిత్‌ శర్మ రిటైర్మెంట్‌ అంశం మరోసారి చర్చకు వచ్చింది. టీమిండియా చీఫ్‌ సెలక్టర్‌ అజిత్‌ అగార్కర్‌ ప్రస్తుతం మెల్‌బోర్న్‌లోనే ఉన్నట్లు సమాచారం. ఈ సిరీస్‌లో గనుక భారత జట్టు ఓడిపోతే.. రోహిత్‌ శర్మ భవిష్యత్తు గురించి కఠిన నిర్ణయం తీసుకునే యోచనలో టీమిండియా మేనేజ్‌మెంట్‌ ఉన్నట్లు తెలుస్తోంది.రోహిత్‌ మనసులో ఏముందో?అదే విధంగా.. రోహిత్‌ సైతం ఈసారి తన సారథ్యంలో భారత్‌ డబ్ల్యూటీసీ తుదిపోరుకు అర్హత సాధించడంలో విఫలమైతే.. రాజీనామా చేసేందుకు సిద్ధపడినట్లు వార్తలు వినిపిస్తున్నాయి. అంతేకాదు.. 37 ఏళ్ల హిట్‌మ్యాన్‌ టెస్టు ఫార్మాట్‌కు గుడ్‌బై చెప్పనున్నట్లు కూడా ఊహాగానాలు వస్తున్నాయి. కాగా డబ్ల్యూటీసీ మొట్టమొదటి సీజన్‌ 2019-21లో కోహ్లి కెప్టెన్సీలో ఫైనల్‌ చేరిన టీమిండియా.. న్యూజిలాండ్‌కు ట్రోఫీని చేజార్చుకుంది. ఇక 2021-23 సీజన్‌లో రోహిత్‌ సేన ఫైనల్‌కు చేరుకున్నా.. ఆస్ట్రేలియా చేతిలో చిత్తుగా ఓడి మరోసారి రన్నరప్‌తో సరిపెట్టుకుంది. ఈసారి మాత్రం ఫైనల్‌కు చేరేందుకే ఆపసోపాలు పడుతోంది. ఈ నేపథ్యంలోనే రోహిత్‌ శర్మపై మునుపెన్నడూ లేని విధంగా ప్రతికూల వ్యాఖ్యలు వినిపిస్తున్నాయి. కాగా కెప్టెన్‌ హోదాలో టీ20 ప్రపంచకప్‌-2024 గెలిచిన తర్వాత రోహిత్‌ కేవలం టెస్టు, వన్డేల్లోనే కొనసాగుతున్న విషయం తెలిసిందే.చదవండి: నిర్దాక్షిణ్యంగా అతడిపై వేటు వేయండి.. అప్పుడైనా..: టీమిండియా దిగ్గజం Indian skipper Rohit Sharma is gone for just three runs! #AUSvIND pic.twitter.com/m1fLiqKLO7— cricket.com.au (@cricketcomau) December 27, 2024

ఆస్ట్రేలియాతో నాలుగో టెస్టులో టీమిండియాకు శుభారంభం లభించలేదు. తొలిరోజు అద్భుత ఆట తీరు కనబరిచిన ఆతిథ్య ఆసీస్‌ పైచేయి సాధించింది. ఆది నుంచి భారత జట్టుపై ఆధిపత్యం చెలాయిస్తూ పటిష్ట స్థితిలో నిలిచింది. ఆసీస్‌ బ్యాటర్లను కట్టడి చేయడానికి టీమిండియా బౌలర్లు కష్టపడాల్సి వచ్చింది.భారత బౌలర్ల సహనానికి పరీక్షముఖ్యంగా అరంగేట్ర ఓపెనర్‌, 19 ఏళ్ల సామ్‌ కొన్‌స్టాస్‌(Sam Konstas) కొరకరాని కొయ్యగా మారి.. భారత బౌలర్ల సహనాన్ని పరీక్షించాడు. అంతర్జాతీయ క్రికెట్‌లో తొలి మ్యాచ్‌ ఆడుతున్నప్పటికీ అనుభవజ్ఞుడిలా దూకుడు ప్రదర్శించాడు. అయితే, ఎట్టకేలకు రవీంద్ర జడేజా కొన్‌స్టాస్‌ను వికెట్ల ముందు దొరకబుచ్చుకోవడంతో అతడి ఇన్నింగ్స్‌కు తెరపడింది.మరో ఓపెనర్‌ ఉస్మాన్‌ ఖవాజా(57), మార్నస్‌ లబుషేన్‌(72) కూడా అర్ధ శతకాలతో రాణించగా.. ట్రవిస్‌ హెడ్‌(0), మిచెల్‌ మార్ష్‌(4) మాత్రం పూర్తిగా విఫలమయ్యారు. మరోవైపు.. వికెట్‌ కీపర్‌ అలెక్స్‌ క్యారీ(31) కూడా తక్కువ స్కోరుకే పరిమితమయ్యాడు. ఇక స్టీవ్‌ స్మిత్‌ సైతం బ్యాట్‌ ఝులిపించాడు. తొలిరోజు ఆట పూర్తయ్యేసరికి స్మిత్‌ కూడా హాఫ్‌ సెంచరీ పూర్తి చేసుకుని అజేయంగా నిలిచాడు.సహనం కోల్పోయిన రోహిత్‌ఈ నేపథ్యంలో చిరాకెత్తిపోయిన టీమిండియా కెప్టెన్‌ రోహిత్‌ శర్మ(Rohit Sharma) మైదానంలోనే చాలాసార్లు తన అసహనాన్ని వ్యక్తం చేశాడు. ఈ క్రమంలో ఫీల్డింగ్‌ విషయంలో నిర్లక్ష్యంగా కనిపించిన యశస్వి జైస్వాల్‌పై తీవ్ర ఆగ్రహం వ్యక్తం చేశాడు. జడ్డూ బౌలింగ్‌లో స్మిత్‌ డిఫెన్సివ్‌ షాట్‌ ఆడగా.. సిల్లీ పాయింట్‌లో ఫీల్డింగ్‌ చేస్తున్న జైస్వాల్‌(Yashasvi Jaiswal) బంతిని ఆపాల్సింది పోయి.. జంప్‌ చేశాడు.ఏయ్‌.. గల్లీ క్రికెట్‌ ఆడుతున్నావా?అంతేకాదు.. అక్కడి నుంచి కొంచెం కూడా కదలకుండా అలాగే నిల్చుండిపోయాడు. ఇక జడ్డూ అప్పటికే బంతిని ఆపేందుకు పరుగెత్తాడు. ఈ ఘటన నేపథ్యంలో అసహనానికి గురైన రోహిత్‌ శర్మ.. ‘‘ఏయ్‌ జైసూ.. ఇక్కడ ఏమైనా గల్లీ క్రికెట్‌ ఆడుతున్నావా? బ్యాటర్‌ బంతిని టచ్‌ చేసేంత వరకు నీ పొజిషన్‌లోనే ఉండు. కింద కూర్చున్నట్లుగానే ఉండు. అంతేగానీ.. నిలబడేందుకు ప్రయత్నించకు’’ అంటూ చివాట్లు పెట్టాడు. ఇందుకు సంబంధించిన వీడియో వైరల్‌గా మారింది.తొలిరోజు కంగారూలదేకాగా మెల్‌బోర్న్‌ వేదికగా జరుగుతున్న నాలుగో టెస్టులో ఆస్ట్రేలియా మొదటిరోజే మెరుగైన స్కోరు సాధించింది. బాక్సింగ్‌ డే(క్రిస్‌మస్‌ తెల్లవారి) మ్యాచ్‌లో టాపార్డర్‌ దంచికొట్టడంతో మూడు వందల పైచిలుకు స్కోరు సాధించింది. 86 ఓవర్ల ఆటలో ఆరు వికెట్లు నష్టపోయి 311 రన్స్‌ చేసింది. ఇక స్టీవ్‌ స్మిత్‌ 68, ప్యాట్‌ కమిన్స్‌ 8 పరుగులతో క్రీజులో ఉన్నారు. భారత బౌలర్లలో పేసర్‌ జస్‌ప్రీత్‌ బుమ్రా మూడు. ఆకాశ్‌ దీప్‌ ఒక వికెట్‌ తీయగా.. స్పిన్నర్లు రవీంద్ర జడేజా, వాషింగ్టన్‌ సుందర్‌ ఒక్కో వికెట్‌ తమ ఖాతాలో వేసుకున్నారు. చదవండి: IND vs AUS: బుమ్రా సూప‌ర్ బాల్‌..హెడ్ మైండ్ బ్లాంక్‌! వీడియోStump Mic Gold ft. THE BEST, @ImRo45! 🎙️😂The Indian skipper never fails to entertain when he’s near the mic! 😁#AUSvINDOnStar 👉 4th Test, Day 1 LIVE NOW pic.twitter.com/1fnc6X054a— Star Sports (@StarSportsIndia) December 26, 2024

టీమిండియా స్టార్‌ క్రికెటర్‌ విరాట్‌ కోహ్లి సహనం కోల్పోయాడు. తన అనుమతి లేకుండా వీడియో ఎలా తీస్తారంటూ ఆగ్రహం వ్యక్తం చేశాడు. అసలేం జరిగిందంటే.. బోర్డర్‌- గావస్కర్‌ ట్రోఫీ ఆడేందుకు భారత జట్టు ఆస్ట్రేలియా పర్యటనకు వెళ్లిన విషయం తెలిసిందే.ఈ నేపథ్యంలో భారత స్టార్లు విరాట్‌ కోహ్లి, జస్‌ప్రీత్‌ బుమ్రా భార్యాపిల్లలతో కలిసి ఆసీస్‌కు చేరుకున్నారు. ఇదిలా ఉంటే.. ఈ ఐదు మ్యాచ్‌ల టెస్టు సిరీస్‌లో భాగంగా పెర్త్‌, అడిలైడ్‌, బ్రిస్బేన్‌ మ్యాచ్‌లు ముగియగా.. తదుపరి భారత్‌- ఆస్ట్రేలియా మెల్‌బోర్న్‌లో తలపడనున్నాయి.వామిక, అకాయ్‌ల వీడియో తీశారనిఇందుకోసం కోహ్లి కుటుంబంతో కలిసి మెల్‌బోర్న్‌ వినామాశ్రయానికి చేరుకున్నాడు. అయితే, ఆ సమయంలో కొంతమంది మీడియా ప్రతినిధులు కోహ్లితో పాటు అతడి భార్య అనుష్క శర్మ, పిల్లలు వామిక, అకాయ్‌ల వీడియో చిత్రీకరించినట్లు సమాచారం. దీంతో కోపోద్రిక్తుడైన కోహ్లి.. సదరు వ్యక్తుల దగ్గరకు వెళ్లి మరీ గట్టిగా హెచ్చరించాడు.నా పిల్లలు ఉన్నపుడు ఇలా చేస్తారా?అనంతరం మరోసారి మీడియాను ఉద్దేశించి మాట్లాడిన విరాట్‌ కోహ్లి.. ‘‘నా పిల్లలు ఉన్నపుడు నాకు కాస్త ప్రైవసీ ఇవ్వాలి కదా? నా అనుమతి లేకుండా వాళ్ల ఫొటోలు, వీడియోలు ఎలా తీస్తారు?’’ అని ప్రశ్నించాడు. నిజానికి.. కోహ్లి ఫ్యామిలీతో కలిసి వచ్చేసరికి ఆస్ట్రేలియా పేసర్‌ స్కాట్‌ బోలాండ్‌ను కొంత మంది విలేకరులు ఇంటర్వ్యూ చేస్తున్నారు.అయితే, అదే సమయంలో కోహ్లి ఎంట్రీ ఇవ్వడంతో అన్ని కెమెరాలు అతడి వైపు తిరిగాయి. ఇక పిల్లల గురించి హెచ్చరిస్తూ కోహ్లి కాస్త సీరియస్‌ కావడంతో.. తాము వామిక, అకాయ్‌ల ఫొటోలు, వీడియోలు తీయలేదని వారు సమాధానం ఇచ్చారట. దీంతో శాంతించిన కోహ్లి వారితో కరచాలనం చేసి అక్కడి నుంచి నిష్క్రమించినట్లు తెలుస్తోంది.పెర్త్‌లో సెంచరీ మినహాఇదిలా ఉంటే.. ఆసీస్‌తో పెర్త్‌ టెస్టులో గెలిచిన టీమిండియా.. అడిలైడ్‌ పింక్‌ బాల్‌ టెస్టులో ఓడింది. దీంతో సిరీస్‌ 1-1తో సమం కాగా.. బ్రిస్బేన్‌ టెస్టు ‘డ్రా’గా ముగిసింది. ఈ నేపథ్యంలో మెల్‌బోర్న్‌ బాక్సింగ్‌ డే టెస్టు(డిసెంబరు 26-30) ఇరుజట్లకు మరింత కీలకంగా మారింది. ఇక ఈ సిరీస్‌లో పెర్త్‌లో సెంచరీ చేయడం మినహా కోహ్లి పెద్దగా రాణించలేదు. ఈ క్రమంలో అతడి ఆట తీరుపై విమర్శలు వస్తున్నాయి.చదవండి: నా కుమారుడికి అవమానం జరిగింది.. అశ్విన్‌ తండ్రి సంచలన ఆరోపణలుIndian cricket superstar Virat Kohli has been involved in a fiery confrontation at Melbourne Airport. @theodrop has the details. https://t.co/5zYfOfGqUb #AUSvIND #7NEWS pic.twitter.com/uXqGzmMAJi— 7NEWS Melbourne (@7NewsMelbourne) December 19, 2024

పది రోజుల్లో ఎంత తేడా... అత్యల్ప స్కోరు సాధించిన అవమాన భారంతో తలవంచుకున్న భారత ఆటగాళ్లు ఇప్పుడు సగర్వంగా నిలబడ్డారు. అడిలైడ్‌ పరాభవం తర్వాత అన్ని ప్రతికూలతలను అధిగమించిన టీమిండియా మెల్‌బోర్న్‌లో మెరిసింది. గత ఓటమి బాధను మరచిపోయేలా చేస్తూ అసాధారణ విజయంతో ఏడాదిని ముగించింది. తొలి రోజు నుంచి ఆస్ట్రేలియాపై ఆధిపత్యం ప్రదర్శించిన రహానే సేన చివరి వరకు ఆ పట్టును నిలబెట్టుకుంది. ఫలితంగా ఎప్పటికీ గుర్తుండిపోయే గెలుపుతో సిరీస్‌ను సమం చేసింది. నాలుగో రోజు ఆసీస్‌ మరో 67 పరుగులు జోడించి ఆలౌట్‌ కాగా... 70 పరుగుల విజయలక్ష్యాన్ని భారత్‌ రెండు వికెట్లు కోల్పోయి ఛేదించింది. శతకంతో జట్టును నడిపించిన సారథి రహానే విన్నింగ్‌ షాట్‌తో టీమిండియా బృందంలో ఆనందం వెల్లివిరియగా ఆసీస్‌ పెవిలియన్‌లో నిశ్శబ్దం వినిపించింది. ఇక కొత్త సంవత్సరంలోనూ ఇదే జోరు సాగించి బోర్డర్‌–గావస్కర్‌ ట్రోఫీని నిలబెట్టుకోవడమే భారత్‌ తక్షణ లక్ష్యం!    మెల్‌బోర్న్‌: ఆస్ట్రేలియాతో టెస్టు సిరీస్‌ను భారత్‌ 1–1తో సమం చేసింది. మంగళవారం నాలుగో రోజే ముగిసిన రెండో టెస్టులో భారత్‌ 8 వికెట్ల తేడాతో ఆసీస్‌పై ఘన విజయం సాధించింది. ఓవర్‌నైట్‌ స్కోరు 133/6తో ఆట కొనసాగించిన ఆస్ట్రేలియా తమ రెండో ఇన్నింగ్స్‌లో 200 పరుగులకు ఆలౌటైంది. కామెరాన్‌ గ్రీన్‌ (146 బంతుల్లో 45; 5 ఫోర్లు) ఇన్నింగ్స్‌ టాప్‌ స్కోరర్‌గా నిలవగా, సిరాజ్‌ 3 వికెట్లు పడగొట్టాడు. తొలి ఇన్నింగ్స్‌లో 131 పరుగుల ఆధిక్యాన్ని మినహాయించి భారత్‌ ముందు 70 పరుగుల లక్ష్యం నిలిచింది. భారత్‌ 15.5 ఓవర్లలోనే 2 వికెట్లు కోల్పోయి దీనిని అందుకుంది. శుబ్‌మన్‌ గిల్‌ (36 బంతుల్లో 35 నాటౌట్‌; 7 ఫోర్లు), ‘ప్లేయర్‌ ఆఫ్‌ ద మ్యాచ్‌’ అజింక్య రహానే (40 బంతుల్లో 27 నాటౌట్‌; 3 ఫోర్లు) రెండో వికెట్‌కు 51 పరుగులు జోడించి జట్టును విజయతీరం చేర్చారు.  ఆస్ట్రేలియాతో ‘సెంచరీ’ టెస్టులో భారత్‌కు విక్టరీ అందించారు. ఇరు జట్ల మధ్య మూడో టెస్టు జనవరి 7 నుంచి సిడ్నీలో జరుగుతుంది. ఆకట్టుకున్న సిరాజ్‌ ఆసీస్‌ చివరి వరుస బ్యాట్స్‌మన్‌ అంత సులభంగా లొంగలేదు. మిగిలిన నాలుగు వికెట్లు తీసేందుకు భారత్‌కు 37.1 ఓవర్లు పట్టాయి. గ్రీన్, కమిన్స్‌ (103 బంతుల్లో 22; ఫోర్‌) కలిసి పోరాడుతూ ఏడో వికెట్‌కు అర్ధ సెంచరీ భాగస్వామ్యాన్ని నమోదు చేశారు. ఎట్టకేలకు ఒక షార్ట్‌ బంతితో కమిన్స్‌ను అవుట్‌ చేసి బుమ్రా ఈ జోడీని విడదీశాడు. కొద్ది సేపటికి సిరాజ్‌ బౌలింగ్‌లో పుల్‌ షాట్‌కు ప్రయత్నించిన గ్రీన్‌... జడేజా చక్కటి క్యాచ్‌కు వెనుదిరిగాడు. ఆ తర్వాత లయన్‌ (15 బంతుల్లో 3)ను సిరాజ్‌ అవుట్‌ చేయగా, హాజల్‌వుడ్‌ (21 బంతుల్లో 10)ను బౌల్డ్‌ చేసిన అశ్విన్‌ ఆసీస్‌ ఆట ముగించాడు. పుజారా నిరాశ లక్ష్యం చిన్నదే అయినా 19 పరుగుల వద్దే జట్టు రెండు వికెట్లు కోల్పోవడం కొంత ఆందోళన రేపింది. మయాంక్‌ అగర్వాల్‌ (5) మరోసారి విఫలమవ్వగా, పుజారా (3) కూడా పేలవ షాట్‌ ఆడి గల్లీలో క్యాచ్‌ ఇచ్చాడు. తన సహజ ధోరణికి భిన్నంగా పుజారా కాలితో గ్రౌండ్‌ను తన్ని, ఆపై బౌండరీ వద్ద ప్రకటనల హోర్డింగ్‌ను కూడా బ్యాట్‌తో కొట్టి తన అసహనాన్ని ప్రదర్శించాడు! అయితే ఆ తర్వాత గిల్, రహానే ప్రత్యర్థికి ఎలాంటి అవకాశం ఇవ్వలేదు. వీరిద్దరు వరుస బౌండరీలతో చకచకా పరుగులు సాధించారు. చివరకు లయన్‌ బౌలింగ్‌లో బ్యాక్‌వర్డ్‌ స్క్వేర్‌ లెగ్‌ దిశగా పుల్‌ షాట్‌ ఆడి సింగిల్‌ తీయడంతో భారత్‌ గెలుపు పూర్తయింది. ఆస్ట్రేలియాపై మరో దెబ్బ! అసలే ఓటమి భారంతో ఉన్న ఆసీస్‌కు అంతర్జాతీయ క్రికెట్‌ కౌన్సిల్‌ (ఐసీసీ) షాక్‌ ఇచ్చింది. స్లో ఓవర్‌ రేట్‌ కారణంగా ఆ జట్టు మ్యాచ్‌ ఫీజులో 40 శాతం జరిమానా విధించడంతో పాటు కీలకమైన నాలుగు ఐసీసీ టెస్టు చాంపియన్‌షిప్‌ పాయింట్లను కూడా తగ్గించింది. నిర్ణీత సమయంకంటే ఆస్ట్రేలియా 2 ఓవర్లు ఆలస్యంగా వేసింది. నిబంధనల ప్రకారం ఒక్కో ఓవర్‌కు మ్యాచ్‌ ఫీజులో 20 శాతం జరిమానాతో పాటు రెండు పాయింట్ల చొప్పున కోత విధిస్తారు. ఆసీస్‌ దిగ్గజం డేవిడ్‌ బూన్‌ ఈ మ్యాచ్‌ రిఫరీ కావడం విశేషం!     సిడ్నీలోనే మూడో టెస్టు భారత్, ఆస్ట్రేలియా మధ్య షెడ్యూల్‌ ప్రకారం జనవరి 7 నుంచి సిడ్నీలోనే మూడో టెస్టు జరుగుతుంది. ఈ విషయాన్ని ఆస్ట్రేలియా క్రికెట్‌ బోర్డు (సీఏ) అధికారికంగా ప్రకటించింది. న్యూసౌత్‌వేల్స్‌ రాష్ట్రంలో కోవిడ్‌–19 కేసులు పెరుగుతున్న నేపథ్యంలో మ్యాచ్‌ వేదికను సిడ్నీ నుంచి మార్చవచ్చని, అవసరమైతే మెల్‌బోర్న్‌లోనే మూడో టెస్టు జరపాలని ఇప్పటి వరకు ప్రతిపాదనలు వచ్చాయి. సిడ్నీలో మంగళవారం మూడు కొత్త కరోనా కేసులు నమోదయ్యాయి. అయితే కొన్ని షరతులతో టెస్టును నిర్వహించుకునేందుకు రాష్ట్ర ప్రభుత్వం అనుమతినిచ్చింది. కట్టుదిట్టమైన కోవిడ్‌–19 ఆంక్షల నేపథ్యంలో ఆటగాళ్లు సిడ్నీకి ప్రయాణించనున్నారు. ► మెల్‌బోర్న్‌ క్రికెట్‌ గ్రౌండ్‌ (ఎంసీజీ)లో భారత్‌ సాధించిన టెస్టు విజయాల సంఖ్య. విదేశీ గడ్డపై భారత్‌ అత్యధిక విజయాలు అందుకున్న వేదికగా ఎంసీజీ అవతరించింది. క్వీన్స్‌పార్క్‌ ఓవల్‌ (ట్రినిడాడ్‌), సబీనా పార్క్‌ (జమైకా), సింహళీస్‌ స్పోర్ట్స్‌ క్లబ్‌ (కొలంబో) మైదానాల్లో భారత్‌ మూడేసి టెస్టుల్లో గెలిచింది. ఇంగ్లండ్, భారత్‌ మాత్రమే ఎంసీజీలో నాలుగు అంతకంటే ఎక్కువ టెస్టుల్లో ఆస్ట్రేలియాపై గెలిచాయి.   ► అజింక్య రహానే సెంచరీ చేసిన టెస్టు మ్యాచ్‌ల్లో భారత జట్టు ఇప్పటివరకు ఓడిపోలేదు. రహానే 12 సెంచరీలు చేయగా... 8 టెస్టుల్లో భారత్‌ గెలిచింది (వీటిలో ఓ టెస్టులో అతను రెండు సెంచరీలు చేశాడు). మరో మూడు టెస్టులను ‘డ్రా’గా ముగించింది. ► ఆస్ట్రేలియా గడ్డపై టాస్‌ ఓడిపోయి టెస్టు మ్యాచ్‌లో గెలుపొందడం 2003 తర్వాత భారత్‌కిదే తొలిసారి. 2003లో అడిలైడ్‌ టెస్టులో భారత్‌ ఈ తరహా లోనే గెలిచింది. విదేశీ గడ్డపై మాత్రం 2010 తర్వాత భారత్‌కు ఇలాంటి విజయం దక్కింది. 2010లో శ్రీలంకతో జరిగిన టెస్టులోనూ భారత్‌ టాస్‌ ఓడాక గెలుపు రుచి చూసింది.   ► ఆస్ట్రేలియా గడ్డపై సిరీస్‌లోని తొలి టెస్టులో ఓడిపోయి రెండో టెస్టులో గెలిచి సిరీస్‌ను 1–1తో సమం చేసిన మూడో జట్టుగా భారత్‌ నిలిచింది. గతంలో వెస్టిండీస్‌ (1975–76 సీజన్‌); న్యూజిలాండ్‌ (2011లో) ఇలా చేశాయి.   ► వరుసగా రెండు పర్యటనల్లో ఎంసీజీ మైదానంలో రెండు వరుస టెస్టులు నెగ్గడం భారత్‌కిది రెండోసారి. 1977, 1980లలో ఇలా నెగ్గిన భారత్‌ 2018, 2020లో పునరావృతం చేసింది.   ► స్వదేశంలో జరిగిన ఓ టెస్టు మ్యాచ్‌లో ఆస్ట్రేలియా బ్యాట్స్‌మెన్‌ ఒక్కరు కూడా కనీసం అర్ధ సెంచరీ చేయకపోవడం 32 ఏళ్ల తర్వాత జరిగింది. చివరిసారి 1988లో డిసెంబరు 24 నుంచి 29 వరకు ఎంసీజీ వేదికగా వెస్టిండీస్‌తో జరిగిన టెస్టులో ఆస్ట్రేలియా బ్యాట్స్‌మెన్‌ ఎవరూ అర్ధ సెంచరీ చేయలేకపోయారు. ఈ మ్యాచ్‌లో ఆస్ట్రేలియా 285 పరుగుల తేడాతో ఓడిపోయింది.   ► లసిత్‌ మలింగ (శ్రీలంక; 6/92; 2004లో) తర్వాత గత 50 ఏళ్లలో ఆస్ట్రేలియా గడ్డపై అరంగేట్రం చేసిన టెస్టులో అత్యుత్తమ ప్రదర్శన చేసిన రెండో బౌలర్‌గా సిరాజ్‌ (5/77) నిలిచాడు. సిరాజ్‌తోపాటు గతంలో ఫిల్‌ డిఫ్రిటాస్‌ (ఇంగ్లండ్‌; 5/94; 1986లో), అలెక్స్‌ ట్యూడర్‌ (ఇంగ్లండ్‌; 5/108; 1998లో) కూడా ఆస్ట్రేలియాలో తమ అరంగేట్రం టెస్టులో ఐదు వికెట్లు తీశారు. గర్వంగా ఉంది: రహానే మా ఆటగాళ్ల ప్రదర్శన పట్ల గర్వంగా ఉన్నా. ముఖ్యంగా కొత్త కుర్రాళ్లు సిరాజ్, గిల్‌ చూపిన పట్టుదలను ఎంత ప్రశంసించినా తక్కువే. సాధారణంగా అరంగేట్ర ఆటగాళ్లు అత్యుత్సాహంతో తమపై నియంత్రణ కోల్పోతారు. కానీ నాలుగైదేళ్ల ఫస్ట్‌ క్లాస్‌ క్రికెట్‌ అనుభవం ఉన్న వీరిద్దరు అలాంటి అవకాశం ఇవ్వలేదు. దాంతో కెప్టెన్‌ పని సులువైంది. తొలి రోజు పదో ఓవర్లోనే బౌలింగ్‌కు దిగి అశ్విన్‌ ఆసీస్‌పై ఒత్తిడి పెంచాడు. ఐదుగురు బౌలర్ల వ్యూహం బాగా పని చేసింది. ఆల్‌రౌండర్‌గా జడేజా తన విలువ చూపించాడు. అడిలైడ్‌లో ఒక్క గంటలో మ్యాచ్‌ చేజారింది. అయితే దాని నుంచి పాఠాలు నేర్చుకున్నాం. ఆ ఓటమి గురించే ఆలోచిస్తూ ఉంటే ముందుకు వెళ్లలేకపోయాం. మేం అలా చేయలేదు. మరింత పట్టుదలతో, దూకుడుతో ఇక్కడ బరిలోకి దిగాలని అనుకున్నాం. ప్రతీ ఒక్కరు వ్యక్తిగతంగా రాణిస్తే ఫలితం రాబట్టగలమని తెలుసు.   –అజింక్య రహానే, భారత కెప్టెన్‌ స్కోరు వివరాలు ఆస్ట్రేలియా తొలి ఇన్నింగ్స్‌ 195; భారత్‌ తొలి ఇన్నింగ్స్‌ 326; ఆస్ట్రేలియా రెండో ఇన్నింగ్స్‌: వేడ్‌ (ఎల్బీ) (బి) జడేజా 40, బర్న్స్‌ (సి) పంత్‌ (బి) ఉమేశ్‌ 4, లబ్‌షేన్‌ (సి) రహానే (బి) అశ్విన్‌ 28, స్మిత్‌ (బి) బుమ్రా 8, హెడ్‌ (సి) మయాంక్‌ (బి) సిరాజ్‌ 17, గ్రీన్‌ (సి) జడేజా (బి) సిరాజ్‌ 45, పైన్‌ (సి) పంత్‌ (బి) జడేజా 1, కమిన్స్‌ (సి) మయాంక్‌ (బి) బుమ్రా 22, స్టార్క్‌ (నాటౌట్‌) 14, లయన్‌ (సి) పంత్‌ (బి) సిరాజ్‌ 3, హాజల్‌వుడ్‌ (బి) అశ్విన్‌ 10, ఎక్స్‌ట్రాలు 8, మొత్తం (103.1 ఓవర్లలో ఆలౌట్‌) 200.   వికెట్ల పతనం: 1–4, 2–42, 3–71, 4–98, 5–98, 6–99, 7–156, 8–177, 9–185, 10–200. బౌలింగ్‌: బుమ్రా 27–6–54–2, ఉమేశ్‌ యాదవ్‌ 3.3–0–5–1, సిరాజ్‌ 21.3–4–37–3, అశ్విన్‌ 37.1–6–71–2, రవీంద్ర జడేజా 14–5–28–2.   భారత్‌ రెండో ఇన్నింగ్స్‌: మయాంక్‌ (సి) పైన్‌ (బి) స్టార్క్‌ 5, గిల్‌ (నాటౌట్‌) 35, పుజారా (సి) గ్రీన్‌ (బి) కమిన్స్‌ 3, రహానే (నాటౌట్‌) 27, ఎక్స్‌ట్రాలు 0, మొత్తం (15.5 ఓవర్లలో 2 వికెట్లకు) 70. వికెట్ల పతనం: 1–16, 2–19. బౌలింగ్‌: స్టార్క్‌ 4–0–20–1, కమిన్స్‌ 5–0–22–1, హాజల్‌వుడ్‌ 3–1–14–0, లయన్‌ 2.5–0–5–0, లబ్‌షేన్‌ 1–0–9–0.

టీమిండియాదే జోరు! తొలి రోజు బౌలింగ్‌తో ప్రత్యర్థిని పడగొట్టింది. రెండో రోజు బ్యాటింగ్‌లో నిలిచింది. ఇలా ‘బాక్సింగ్‌ డే’ టెస్టులో రెండు రోజులు ఆతిథ్య జట్టుపై ఆధిపత్యం చాటింది. నాయకుడు అజింక్య రహానే భారత తొలి ఇన్నింగ్స్‌ను నడిపించాడు. అజేయ సెంచరీతో నిలబడ్డాడు. విహారి, రిషభ్‌ పంత్, రవీంద్ర జడేజాలతో విలువైన భాగస్వామ్యాలు జోడించాడు. ఇన్నింగ్స్‌కు మూలస్తంభంలా నిలుచున్నాడు. సారథి వీరోచిత పోరాటానికి మూడు సెషన్ల పాటు 80.3 ఓవర్లు బౌలింగ్‌ చేసిన ఆస్ట్రేలియా కేవలం 4 వికెట్లతోనే సరిపెట్టుకుంది. మెల్‌బోర్న్‌: ఈ మ్యాచ్‌కు ముందు భారత శిబిరంలో ఒకటే ఆందోళన. కోహ్లి లేడు. షమీ గాయపడ్డాడు. సిరీస్‌లో 0–1తో వెనుకబాటు. ఇన్ని ప్రతికూలతలతో బరిలోకి దిగిన భారత్‌ రెండు రోజులు గడిచేసరికి ఆధిక్యంలోకి వచ్చేసింది. రెండో రోజు భారత బ్యాట్స్‌మెన్‌ తమ బౌలర్ల శ్రమకు తగిన ప్రదర్శన ఇచ్చారు. విలువైన పరుగులు జతచేసి... దీటైన భాగస్వామ్యాలు నెలకొల్పారు. ముఖ్యంగా కెప్టెన్‌ అజింక్య రహానే అద్భుత ఇన్నింగ్స్‌ రెండో రోజును కూడా మన రోజుగా మార్చింది. ఈ తాత్కాలిక సారథి (200 బంతుల్లో 104 బ్యాటింగ్‌; 12 ఫోర్లు) అజేయ శతకం సాధించగా... శుబ్‌మన్‌ గిల్‌ (65 బంతుల్లో 45; 8 ఫోర్లు), రవీంద్ర జడేజా (104 బంతుల్లో 40 బ్యాటింగ్‌; 1 ఫోర్‌) ఆస్ట్రేలియా బౌలర్లపై సత్తా చాటుకున్నారు. ఆట నిలిచే సమయానికి భారత్‌ తొలి ఇన్నింగ్స్‌లో 91.3 ఓవర్లలో 5 వికెట్లకు 277 పరుగులు చేసింది. వర్షంవల్ల రెండో రోజు ఆటను కాస్త ముందుగా నిలిపేశారు. ప్రస్తుతం భారత్‌ 82 పరుగుల ఆధిక్యంలో ఉంది.  బ్యాటింగ్‌ అదిరింది భారత బ్యాట్స్‌మెన్‌ ఆదివారం ఆస్ట్రేలియా బౌలర్లపై అదరగొట్టారు. తొలి సెషన్‌ కాస్త కలవర పెట్టినా... రెండు, మూడు సెషన్లు పూర్తిగా బ్యాటింగ్‌ ప్రతాపంతోనే సాగింది. ఓవర్‌నైట్‌ స్కోరు 36/1తో తొలి ఇన్నింగ్స్‌ను కొనసాగించిన భారత్‌ను గిల్, పుజారా కాసేపు నడిపించారు. తొలిటెస్టు ఆడుతున్న గిల్‌ అర్ధసెంచరీకి చేరువవుతుండగా కమిన్స్‌ బంతి అతన్ని పెవిలియన్‌ చేర్చింది. అలా జట్టు స్కోరు 61 పరుగుల వద్ద రెండో వికెట్‌ కోల్పోయింది. మరో 3 పరుగులు జతయ్యాక కమిన్స్‌ తన మరుసటి ఓవర్లోనే పుజారా (70 బంతుల్లో 17; 1 ఫోర్‌)ను పెవిలియన్‌ చేర్చాడు. బుల్లెట్‌లా దూసుకొచ్చిన బంతి అతని బ్యాట్‌ అంచును తాకుతూ అంతే వేగంగా వెళ్తుండగా... కీపర్‌ పైన్‌ కుడివైపునకు డైవ్‌ చేసి ఒంటిచేత్తో అందుకున్నాడు. 90/3 స్కోరు వద్ద తొలి సెషన్‌ ముగిసింది. లంచ్‌ బ్రేక్‌ తర్వాత రహానేతో కలిసి కుదురుగా ఆడుతున్న ఆంధ్ర క్రికెటర్‌ హనుమ విహారి (66 బంతుల్లో 21; 2 ఫోర్లు) క్రీజులో పాతుకుపోయే ప్రయత్నం చేశాడు. అయితే జట్టు స్కోరు వంద పరుగులు దాటాక విహారిని లయన్‌ బోల్తా కొట్టించాడు. దీంతో 52 పరుగుల నాలుగో వికెట్‌ భాగస్వామ్యానికి తెరపడింది. తర్వాత రహానేకు రిషభ్‌ పంత్‌ జతయ్యాడు. ఈ జోడి కూడా ఆసీస్‌ బౌలింగ్‌ను చక్కగా ఎదుర్కొంది. ఐదో వికెట్‌కు 57 పరుగులు జోడించాక పంత్‌ ఔటయ్యాడు. రహానే అర్ధసెంచరీ పూర్తి చేసుకున్నాడు. 189/5 స్కోరు వద్ద ఇరు జట్లు టీ బ్రేక్‌కు వెళ్లాయి.   రహానే వీరోచితం  రహానే, జడేజా ఆఖరి సెషన్‌ను జాగ్రత్తగా ఆడారు. ముఖ్యంగా తన వికెట్‌ విలువ, తర్వాత ఎదురయ్యే కొత్త బంతి కష్టాలు గుర్తుంచుకొని కెప్టెన్‌ రహానే రక్షణాత్మక ధోరణి కనబరిచాడు. జడేజా కూడా బాధ్యత పంచుకోవడంతో వీరిద్దరి సమన్వయం ఆస్ట్రేలియాను కంగారు పెట్టించింది. రహానే గతి తప్పిన బంతుల్ని బౌండరీకి తరలిస్తూ, జట్టు స్కోరు బోర్డును కదిలించాడు. దీంతో పాటు ఆసీస్‌ ఫీల్డింగ్‌ లోపాలు అతనికి రెండు సార్లు లైఫ్‌నిచ్చాయి. వీటిని సద్వినియోగం చేసుకున్న రహానే టెస్టుల్లో 12వ సెంచరీని పూర్తి చేసుకున్నాడు. మెల్‌బోర్న్‌ క్రికెట్‌ గ్రౌండ్‌లో అతనికిది రెండో శతకం. రహానే, జడేజా అబే ధ్యమైన భాగస్వామ్యం ఆసీస్‌ బౌలర్లను నీరుగార్చింది. ఆట ముగిసే సమయానికి అజేయమైన ఆరో వికెట్‌కు వీరిద్దరు 104 పరుగులు జోడించారు. స్కోరు వివరాలు ఆస్ట్రేలియా తొలి ఇన్నింగ్స్‌: 195; భారత్‌ తొలి ఇన్నింగ్స్‌: మయాంక్‌ (ఎల్బీడబ్ల్యూ) (బి) స్టార్క్‌ 0; శుబ్‌మన్‌ గిల్‌ (సి) పైన్‌ (బి) కమిన్స్‌ 45; పుజారా (సి) పైన్‌ (బి) కమిన్స్‌ 17; రహానే (బ్యాటింగ్‌) 104; విహారి (సి) స్మిత్‌ (బి) లయన్‌ 21; రిషభ్‌ పంత్‌ (సి) పైన్‌ (బి) స్టార్క్‌ 29; జడేజా (బ్యాటింగ్‌) 40; ఎక్స్‌ట్రాలు 21; మొత్తం (91.3 ఓవర్లలో 5 వికెట్లకు) 277. వికెట్ల పతనం: 1–0, 2–61, 3–64, 4–116, 5–173. బౌలింగ్‌: స్టార్క్‌ 18.3–3–61–2, ప్యాట్‌ కమిన్స్‌ 22–7–71–2, హజల్‌వుడ్‌ 21–6–44–0, నాథన్‌ లయన్‌ 18–2–52–1, కామెరాన్‌ గ్రీన్‌ 12–1–31–0. కొత్త బంతి పట్టుజారే! కొత్త బంతితో ఆట పరిస్థితి మారుతుంది. ఇంకా ముఖ్యంగా చెప్పాలంటే ఆసీస్‌లాంటి బౌన్సీ వికెట్లపై ఆసీస్‌ బౌలర్ల పట్టు మామూలుగా ఉండదు. ఎంతటి బ్యాటింగ్‌ ధీరుడినైనా మట్టికరిపిస్తారు. రెండో రోజు భారత బ్యాట్స్‌మెన్‌ అలాంటి గతి నుంచి బయటపడ్డారు. కొత్త బంతి తీసుకోగానే ఆసీస్‌ చేతికొచ్చిన అవకాశాన్ని రెండో స్లిప్‌లో ఉన్న స్మిత్‌ జారవిడిచాడు. 81వ ఓవర్లో కొత్త బంతిని అందుకున్న స్టార్క్‌ నిప్పులు చెరిగేందుకు సిద్ధమయ్యాడు. రహానే క్యాచ్‌ను చేజార్చిన ట్రావిస్‌ హెడ్‌ మూడో బంతి రహానేపైకి బుల్లెట్‌ వేగంతో దూసుకొచ్చింది. బ్యాట్‌ అంచును తాకుతూ స్మిత్‌ చేతుల్లోకి వెళ్లగా దాన్ని నేలపాలు చేశాడు. దీంతో 73 పరుగుల వద్ద లైఫ్‌ పొందిన రహానే కొత్తబంతితో ఇంకాస్త జాగ్రత్తగా ఆడి సెంచరీ సాధించాడు. శతకం పూర్తయ్యాక అవుట్‌ చేసే అవకాశం మళ్లీ స్టార్క్‌కు దక్కింది. 92వ ఓవర్‌ మూడో బంతిని రహానే షాట్‌ ఆడాడు. కానీ గాల్లోకి లేచిన ఆ బంతిని బ్యాక్‌వర్డ్‌ పాయింట్‌లో ట్రావిస్‌ హెడ్‌ జారవిడిచారు. అంతకుముందు కమిన్స్‌ (56వ ఓవర్‌) బౌలింగ్‌లో రిషభ్‌ పంత్‌ క్యాచ్‌ను గ్రీన్‌ నేలపాలు చేశాడు. ఇది చాలదు సుమా! ఇప్పటికైతే ఆధిక్యంలో ఉన్నా... అది ఆసీస్‌ ముందు ఏమాత్రం చాలదు. పైగా బ్యాటింగ్‌ ఆర్డర్‌లో తదుపరి స్పెషలిస్టు బ్యాట్స్‌మెనే లేడు. మిగిలున్న వారిలో ఒక్క అశ్విన్‌ మాత్రం ఆడగలడు. ఆ తర్వాత ఇంకెవరినీ ఆసీస్‌ పేస్‌ బౌలర్లు కాసేపైనా నిలువనీయరు. కాబట్టి మూడో రోజు ఆట ఆతిథ్య జట్టుకన్నా భారత్‌కే కీలకం. తొలి సెషన్‌ అంతా రహానే–జడేజా భాగస్వామ్యాన్ని కాపాడుకోవాలి. కనీసం రెండో సెషన్‌ వరకైనా మన ఇన్నింగ్స్‌ కొనసాగితే 250 పైచిలుకు పరుగుల ఆధిక్యాన్ని పెంచుకోవచ్చు. తద్వారా నాలుగో రోజు ఆసీస్‌పై ఒత్తిడి పెంచేందుకు... ఐదో రోజు ఆత్మవిశ్వాసంతో ఆడేందుకు భారత్‌కు అవకాశముంటుంది. ►రిషభ్‌ పంత్‌ వికెట్‌ తీయడం ద్వారా టెస్టుల్లో 250 వికెట్లు పూర్తి చేసుకున్న తొమ్మిదో ఆస్ట్రేలియా బౌలర్‌గా స్టార్క్‌ గుర్తింపు పొందాడు. స్టార్క్‌ 59 టెస్టుల్లో ఈ ఘనత సాధించాడు. ఈ జాబితాలో షేన్‌ వార్న్‌ (708 వికెట్లు), మెక్‌గ్రాత్‌ (563), లయన్‌ (392), డెన్నిస్‌ లిల్లీ (355), మిచెల్‌ జాన్సన్‌ (313), బ్రెట్‌ లీ (310), మెక్‌డెర్మట్‌ (291), గిలెస్పీ (259 వికెట్లు) ముందున్నారు. 9 ►ఈ మ్యాచ్‌లో శతకం చేయడం ద్వారా ఆస్ట్రేలియా గడ్డపై టెస్టు సెంచరీ చేసిన ఐదో భారత కెప్టెన్‌గా రహానే గుర్తింపు పొందాడు. గతంలో అజహరుద్దీన్‌ (106; అడిలైడ్‌లో 1992), సచిన్‌ టెండూల్కర్‌ (116; మెల్‌బోర్న్‌లో 1999), సౌరవ్‌ గంగూలీ (144; బ్రిస్బేన్‌లో 2003), కోహ్లి (115, 141; అడిలైడ్‌లో 2014లో; 147; సిడ్నీలో 2015; 123; పెర్త్‌లో 2018) ఈ ఘనత సాధించారు.  ►మెల్‌బోర్న్‌ వేదికగా ‘బాక్సింగ్‌ డే’ టెస్టులో రెండు సెంచరీలు చేసిన తొలి విదేశీ క్రికెటర్‌గా రహానే ఘనత వహించాడు. 2014లో ఇదే మైదానంలో రహానే 147 పరుగులు చేశాడు. 

మెల్‌బోర్న్‌ : ఆస్ట్రేలియాతో జరుగుతున్న రెండో టెస్టులో టీమిండియా కెప్టెన్‌ అజింక్యా రహానే సెంచరీతో అదరగొట్టాడు.195 బంతులాడి 11 ఫోర్ల సాయంతో 100 పరుగులు సాధించిన రహానే తన టెస్టు కెరీర్‌లో 12వ శతకాన్ని నమోదు చేశాడు. రెండో రోజు ఆట ముగిసే సమయానికి టీమిండియా 5 వికెట్ల నష్టానికి 277 పరుగులు చేసింది. ప్రస్తుతం టీమిండియా తొలి ఇన్నింగ్స్‌లో 82 పరుగుల ఆధిక్యంలో నిలిచింది. రహానే 104, జడేజా 40 పరుగులతో క్రీజులో ఉన్నారు. (చదవండి : 'గెట్‌ అవుట్‌ మ్యాన్‌' అంటూ పాక్‌ క్రికెటర్ అసహనం‌)  కాగా 36/1  ఓవర్‌నైట్‌ స్కోరుతో రెండో రోజు ఆటను ప్రారంభించిన భారత జట్టులో ఓపెనర్ గిల్‌ కొన్ని మంచి షాట్లు ఆడాడు. హాఫ్‌ సెంచరీకి చేరువవుతున్న క్రమంలో కమిన్స్‌ వేసిన బంతిని అంచనా వేయడంలో పొరబడ్డ గిల్‌ కీపర్‌ పైన్‌కు క్యాచ్‌ ఇచ్చి వెనుదిరిగాడు. దీంతో 61 పరుగుల వద్ద రెండో వికెట్‌ కోల్పోయింది. కాసేపటికే 17 పరుగులు చేసిన చతేశ్వర్‌ పుజారా కూడా కమిన్స్‌ బౌలింగ్‌లో పైన్‌ అద్భుత క్యాచ్‌కు వెనుదిరిగాల్సి వచ్చింది .దీంతో టీమిండియా 64 పరుగుల వద్ద ప్రధాన వికెట్‌ను కోల్పోయింది. అనంతరం క్రీజులోకి వచ్చిన విహారితో కలిసి రహానే మరోవికెట్‌ పడకుండా ఆడుతూ 3 వికెట్ల నష్టానికి 90 పరుగుల వద్ద లంచ్‌ విరామానికి వెళ్లారు. లంచ్‌ అనంతరం 21 పరుగులు చేసిన హనుమ విహారి లయన్‌ బౌలింగ్‌లో ఔటయ్యాడు. తర్వాత వచ్చిన పంత్‌ రహానేకు సహకరిస్తూ మంచి టచ్‌లో కనిపించినా.. 29 పరుగులు చేసి స్టార్క్‌ బౌలింగ్‌లో పైన్‌కు క్యాచ్‌ ఇచ్చి వెనుదిరిగాడు. దీంతో టీమిండియా 173 పరుగుల వద్ద 5వ వికెట్‌ కోల్పయింది. టీ విరామం అనంతరం మ్యాచ్‌కు కొద్దిసేపు వర్షం అంతరాయం కలిగించింది. అనంతరం మ్యాచ్‌ ప్రారంభం కాగా రహానే, జడేజా మరో వికెట్‌ పడకుండా ఆచితూచి ఆడుతూ స్కోరును పెంచే ప్రయత్నం చేశారు. ఆసీస్‌ బౌలర్లలో కమిన్స్‌, స్టార్క్‌ చెరో రెండు వికెట్లు తీయగా.. లయన్‌ 1 వికెట్‌ తీశాడు.(చదవండి : రహానే కెప్టెన్సీ భేష్‌..)

మెల్‌బోర్న్‌ : మొహమ్మద్‌ సిరాజ్‌ తొలి రోజు ప్రదర్శనతో ఆకట్టుకున్నాడు. తొలి సెషన్‌లో ఒక్క ఓవర్‌ కూడా వేయని అతను లంచ్‌ నుంచి రాగానే బంతిని అందుకున్నాడు. ఆరంభంలో లయ అందుకోవడానికి కొంత సమయం తీసుకున్న సిరాజ్‌ తన మొదటి స్పెల్‌ను 6–0–24–0తో ముగించాడు. అయితే కెప్టెన్‌‌ రహానే నమ్మకాన్ని నిలబెడుతూ టీ విరామానికి ముందు లబుషేన్‌‌ను, బ్రేక్‌ తర్వాత గ్రీన్‌ను అతను అవుట్‌ చేశాడు. సహచర అరంగేట్ర ఆటగాడు గిల్‌ పట్టిన క్యాచ్‌తో తొలి వికెట్‌ దక్కగా... పదునైన ఇన్‌స్వింగర్‌కు గ్రీన్‌ వికెట్ల ముందు దొరికిపోయాడు. (చదవండి : రెండో టెస్టు: హో విల్సన్‌, ఇది చీటింగ్‌!) సిరాజ్‌ రెండో స్పెల్‌ 9–4–16–2 కావడం విశేషం. అతను రెండు క్యాచ్‌లు కూడా అందుకున్నాడు. ఆసీస్‌ చివరి వికెట్‌ అయిన కమిన్స్‌ ఇచ్చిన క్యాచ్‌ను లాంగాన్‌ బౌండరీ వద్ద అందుకున్న సిరాజ్‌... ఇన్నింగ్స్‌ ముగియడంతో తన తొలి టెస్టు జ్ఞాపికగా బంతిని అప్పుడే తన వద్ద ఉంచుకునేందుకు ప్రయత్నించాడు. అయితే అంపైర్‌ ఆక్సెన్‌ఫోర్డ్‌ దీనిని వారిస్తూ బంతిని వెనక్కి తీసుకున్నాడు. బహుశా మ్యాచ్‌ ముగిసిన తర్వాత ఇవ్వవచ్చేమో! (చదవండి : క్యాచ్‌ మిస్‌ అనుకున్నాం.. కానీ జడేజా పట్టేశాడు)

మెల్‌బోర్న్‌: మెల్‌బోర్న్ క్రికెట్‌ స్టేడియంలో జరుగుతున్న రెండో టెస్టులో ఆతిథ్య ఆస్ట్రేలియా జట్టు 195 పరుగులకు ఆలౌట్‌ అయింది. అనంతరం బ్యాటింగ్‌ చేపట్టిన టీమిండియాకు ఆదిలోనే ఎదురుదెబ్బ తగిలింది. ఓపెనర్‌ మయాంక్‌ అగర్వాల్‌ డకౌట్‌గా వెనుదిరిగాడు. శుభ్‌మన్‌ గిల్‌ (38 బంతుల్లో 28; 5 ఫోర్లు), చతేశ్వర్‌ పుజారా (23 బంతుల్లో 7, 1 ఫోర్‌) క్రీజులో ఉన్నారు. మొదటిరోజు ఆటముగిసే సమయానికి భారత్‌ స్కోరు ఒక వికెట్‌కు 36 పరుగులు. కాగా, ఆస్ట్రేలియా తొలి ఇన్నింగ్స్‌లో భారత బౌలర్ల హవా సాగింది. బుమ్రా నాలుగు వికెట్లతో చెలరేగాడు. అశ్విన్‌ మూడు వికెట్లు, మహ్మద్‌ సిరాజ్‌ 2, జడేజా 1 వికెట్‌ సాధించారు. ఇక ఆసీస్‌ బ్యాటింగ్‌ చేసే సమయంలో థర్డ్‌ నిర్ణయాలు రెండు సార్లు టీమిండియాకు‌ వ్యతిరేకంగా రావడం పట్ల అభిమానులు సోషల్‌ మీడియా వేదికంగా అసహనం వ్యక్తం చేస్తున్నారు.  తన తొలి టెస్టు వికెట్‌గా మార్నస్‌ లబుషేన్‌ను ఔట్‌ చేసి జోరు మీదున్న సిరాజ్‌ చక్కని బంతులతో ప్రత్యర్థి బ్యాట్స్‌మెన్‌ను ఇబ్బంది పెట్టాడు. ఆ క్రమంలోనే ఆట 50 వ ఓవర్‌లో ఆసీస్‌ కెప్టెన్‌ టిమ్‌ పైన్‌ను ఓ అద్భుతమైన బంతితో ఎల్బీగా ఔటయ్యే ప్రయత్నం చేశాడు. అయితే, సిరాజ్‌ అప్పీల్‌ను అంపైర్‌ పట్టించుకోకపోవడంతో.. టీమిండియా కెప్టెన్‌ రహనే డీఆర్‌ఎస్‌ కోరాడు. రీప్లేలో బంతి‌ లెగ్‌సైడ్‌ వైపుగా వెళ్తున్నట్టుగా తేలడంతో థర్డ్‌ అంపైర్‌ పాల్‌ విల్సన్‌ నిర్ణయం ఫీల్డ్‌ అంపైర్‌కే వదిలేశాడు. అలా టిమ్‌ బతికిపోయాడు. ఆట 55 వ ఓవర్‌లోనూ అతను మరోసారి సేవ్‌ అయ్యాడు. అశ్విన్‌ వేసిన బంతిని మిడాఫ్‌లోకి షాట్‌ ఆడిన కామెరూన్‌ గ్రీన్ పరుగుకోసం యత్నించాడు.. పరుగు పూర్తవుతుందా లేదా అనే సందిగ్గంలోనే టిమ్‌ రన్‌ తీశాడు.  (చదవండి: అతనికి అరుదైన గౌరవం.. ఇది రహానేకే సాధ్యం) అయితే, కీపర్‌ పంత్‌కు బంతి చేరడం, అతను వికెట్లను గిరాటేయడం చకచకా జరిగిపోయాయి. కానీ, టిమ్‌ క్రీజుకు చేరుకున్నాడా లేదా అనే విషయమై కొంత అస్పష్టత ఉండటంతో థర్డ్‌  అంపైర్ విల్సన్‌ బెనిఫిట్‌ ఆఫ్‌ డౌట్‌ కింద టిమ్‌ను నాటౌట్‌గా ప్రకటించాడు. దాంతో టిమ్‌ మరోసారి బతికిపోయాడు. దీంతో థర్డ్‌ అంపైర్‌ పాల్‌ విల్సన్‌పై భారత క్రికెట్‌ అభిమానులు విమర్శలు గుప్పిస్తున్నారు. అతను పక్షపాతంగా వ్యవరించాడని ఆరోపిస్తున్నారు. టిమ్‌ బ్యాట్‌ క్రీజు లైన్‌ను క్రాస్‌ చేయలేదని చెప్తున్నారు. విజువల్స్‌ అంత బాగా కనిపిస్తుంటే చూడరా అని ప్రశ్నిస్తున్నారు. మరోవైపు రెండు లైఫ్‌లు వచ్చినప్పటికీ టిమ్‌ వాటిని వినియోగించుకోలేదు. 38 బంతుల్లో రెండు ఫోర్ల సాయంతో 13 పరుగులు చేసిన టిమ్‌ అశ్విన్‌ బౌలింగ్‌లో విహారికి క్యాచ్‌ ఇచ్చి పెవిలియన్‌ చేరాడు. (చదవండి: క్యాచ్‌ మిస్‌ అనుకున్నాం.. కానీ జడేజా పట్టేశాడు) Just like with sledging, Australians decide where the line is. In a just world, Tim Paine would have been run out for 6.#AUSvIND pic.twitter.com/S3n0f6svoT — Aditya (@forwardshortleg) December 26, 2020

సిడ్నీ: ఆసీస్‌ క్రికెటర్లు మైండ్‌ గేమ్‌ ఆడటంలో దిట్ట అని, అయితే వారి ఆటలు తన ముందు సాగవని టీమిండియా కెప్టెన్‌(తాత్కాలిక) అజింక్య రహానే అన్నాడు. మ్యాచ్‌పై దృష్టి సారించి సమిష్టిగా రాణించేలా జట్టును ముందుండి నడిపించడమే తన ముందున్న లక్ష్యమని పేర్కొన్నాడు. కాగా పింక్‌బాల్‌ టెస్టులో కోహ్లి ఓటమి పాలైన విషయం తెలిసిందే. కేవలం 36 పరుగులకే రెండో ఇన్నింగ్స్‌ ముగించి చెత్త రికార్డును నమోదు చేసి.. 8 వికెట్ల తేడాతో ఘోర పరాజయం మూటగట్టుకుంది. దీంతో సహజంగానే భారత జట్టుపై విమర్శలు వెల్లువెత్తాయి.  ఈ నేపథ్యంలో ఆసీస్‌ ప్రధాన కోచ్‌ జస్టిన్‌ లాంగర్‌ మాట్లాడుతూ.. తొలి టెస్టులో ఓటమితో టీమిండియా ఒత్తిడిలో కూరుకుపోయిందని, ఇప్పుడు కెప్టెన్‌ రహానేపై ఒత్తిడి తెచ్చే విధంగా తాము ప్రణాళికలు సిద్ధం చేస్తున్నట్లు పేర్కొన్నాడు. ఈ విషయంపై స్పందించిన రహానే.. ‘‘ఆస్ట్రేలియన్లు చాలా బాగా మైండ్‌ గేమ్‌ ఆడతారు. ఆడనివ్వండి. కానీ మేం ఆటపై దృష్టి సారిస్తాం. జట్టుగా, పరస్పరం ప్రతి ఒక్కరం సహకరించుకుంటూ ముందుకు సాగుతాం. నిజానికి కెప్టెన్సీ బాధ్యతలు దక్కడం నాకు గర్వకారణం. నాకు దక్కిన గొప్ప అదృష్టం. ఆ బాధ్యతను సక్రమంగా నెరవేర్చేందుకు శాయశక్తులా కృషి చేస్తా. ఎలాంటి ఒత్తిడికి గురికాను. నా జట్టుకు నేను అండగా ఉంటా. వాళ్లు టీం మొత్తాన్ని టార్గెట్‌ చేస్తారు. కాబట్టి అన్ని విధాల ప్రత్యర్థి జట్టును ఎదుర్కొనేందుకు సన్నద్ధమవుతున్నాం’’ అని చెప్పుకొచ్చాడు. (చదవండి: కోహ్లిని క్షమాపణ కోరాను: రహానే) ఇక స్వదేశానికి వెళ్లేముందు కోహ్లి తమతో మాట్లాడిన విషయాన్ని గుర్తుచేసుకున్న రహానే.. ‘‘భారత్‌ వెళ్లేముందు అడిలైడ్‌లో కోహ్లితో కలిసి డిన్నర్‌ చేశాం. తను మా అందరితో చర్చించాడు. ఒకరికి ఒకరు అండగా ఉంటూ, జట్టుగా రాణిస్తూ, ప్రతీ క్షణాన్ని ఎలా ఆస్వాదించాలో చెప్పాడు. ఒక ఆటగాడి విజయం మైదానం లోపల, వెలుపల జట్టుకు ఎలా ఉపయోగపడుతుందో వివరించాడు’’ అని పేర్కొన్నాడు. కాగా బాక్సింగ్‌ డే టెస్టులో ఎలాగైనా సత్తా చాటాలని టీమిండియా నెట్స్‌లో కఠోరంగా శ్రమిస్తోంది. మరోవైపు.. పితృత్వ సెలవుపై విరాట్‌ కోహ్లి భారత్‌కు తిరిగి రానుండగా, గాయంతో షమీ జట్టుకు దూరమైన సంగతి తెలిసిందే.(చదవండి: ఆ స్థానంలో నన్ను ఊహించుకోలేను: ఆసీస్‌ కోచ్‌)

మెల్‌బోర్న్‌ : ఆసీస్‌తో జరిగిన తొలి టెస్టులో టీమిండియా ఘోర పరాజయం తర్వాత జట్టులో కొన్ని మార్పులు చోటుచేసుకోనున్నాయి. ఓపెనర్‌ పృథ్వీ షా ఫేలవ ప్రదర్శన చేయడంతో అతని స్థానంలో గిల్‌, కోహ్లి స్థానంలో రాహుల్‌ తుది జట్టులోకి రావడం ఖాయంగా కనిపిస్తుంది. దీంతో పాటు టీమిండియా జట్టులో కీపర్‌ కమ్‌ బ్యాట్స్‌మన్‌ స్థానంపై ఆసక్తి నెలకొంది. తొలి టెస్టులో అటు కీపర్‌గా.. ఇటు బ్యాట్స్‌మన్‌గా పూర్తిగా విఫలమైన వృద్ధిమాన్‌ సాహాకు మరో స్థానం ఇస్తారా లేక రిషబ్‌ పంత్‌కు చోటు ఇస్తారా అన్నది వేచి చూడాలి. అయితే వీరిద్దరిపై టీమిండియా మాజీ ఆటగాడు ఆకాశ్‌ చోప్రా ఆసక్తికర వ్యాఖ్యలు చేశాడు. (చదవండి : రైనా, టాప్‌ హీరో మాజీ భార్య అరెస్ట్‌) 'తొలి టెస్టు తర్వాత కెప్టెన్‌ విరాట్‌ కోహ్లి పెటర్నిటీ సెలవులపై వెళ్లడంతో రాహుల్‌, గిల్‌లో ఒకరు ఎంట్రీ ఇచ్చే అవకాశం ఉంది. అయితే వృద్ధిమాన్ సా‌హా విషయంలో మాత్రం జట్టు మేనేజ్‌మెంట్‌ రెండో ఆప్షన్‌పై ఇంకా ఆలోచించా​ల్సి ఉంది. ఎందుకంటే పంత్‌ అనుకున్నంత ఫామ్‌లో లేడు.. ప్రస్తుత వాతావరణంలో పంత్‌పై అనుకూలత లేదు. వాస్తవానికి గత ఆసీస్‌ పర్యటనలో ‌పంత్‌ మంచి ప్రదర్శన నమోదు చేశాడు. బ్యాటింగ్‌తో పాటు కీపర్‌గానూ బాధ్యతలు సక్రమంగా నిర్వర్తించాడు. సరిగ్గా రెండేళ్ల తర్వాత పంత్‌ కీపింగ్‌ సరిగా చేయడని.. సాహా బ్యాటింగ్‌ చేయలేడనే వాతావరణంలోకి మారిపోయింది. తొలి టెస్టులో సాహా కీపర్‌గానూ.. బ్యాట్స్‌మన్‌గానూ విఫలమయ్యాడు. కాబట్టి ఇద్దరిలో ఎవరిని తీసుకున్నా మంచి ప్రదర్శన ఇస్తారన్న నమ్మకం లేదంటూ'  ముగించాడు. కాగా కోహ్లి గైర్హాజరీలో అజింక్యా రహానే నాయకత్వంలో డిసెంబర్‌ 26 నుంచి మెల్‌బోర్న్‌ వేదికగా బాక్సింగ్‌ డే టెస్టు ఆడనుంది.(చదవండి : ఒక్క ఓవర్‌.. ఐదు వికెట్లు.. సూపర్ కదా)

అడిలైడ్ ‌: మెల్‌బోర్న్‌ టెస్టులో ఐదుగురు స్పెషలిస్ట్‌ బౌలర్లతో ఆడాలని భారత్‌ భావిస్తే తుది జట్టులో రవీంద్ర జడేజా వచ్చే అవకాశం ఉంది. తొలి టి20 మ్యాచ్‌లో కన్‌కషన్‌కు గురైన తర్వాత కోలుకున్న జడేజా తన ప్రాక్టీస్‌ కొనసాగిస్తున్నాడు. అయితే అతను వంద శాతం ఫిట్‌గా ఉన్నాడా లేదా అనేది తేలలేదు. పెద్ద సంఖ్యలో ఓవర్లు బౌలింగ్‌ చేసే స్థాయిలో అతను ఫిట్‌గా ఉంటే మాత్రం ఆంధ్ర ఆటగాడు హనుమ విహారి స్థానంలో జడేజాను తీసుకోవాలని టీమ్‌ మేనేజ్‌మెంట్‌ భావిస్తోంది. ‘విహారిని పక్కన పెట్టాలనుకోవడానికి అతని వైఫల్యం కారణం కాదు. జట్టు కాంబినేషన్‌ కోసం ఆల్‌రౌండర్‌గా జడేజా సరిపోతాడు. ఇటీవల అతని బ్యాటింగ్‌ చాలా మెరుగుపడింది. పైగా లైనప్‌లో ఏకైన ఎడమ చేతి వాటం బ్యాట్స్‌మన్‌గా అతను ప్రత్యేకత చూపించగలడు’ అని బీసీసీఐ వర్గాలు వెల్లడించాయి. మరోవైపు సిడ్నీలో రోహిత్‌ శర్మ క్వారంటైన్‌ కొనసాగుతోంది. అయితే కరోనా కారణంగా ఆ్రస్టేలియా దేశంలో కొత్త నిబంధనలు వస్తుండటంతో రెండో టెస్టు జరిగే మెల్‌బోర్న్‌కు రోహిత్‌ను పంపరాదని టీమ్‌ మేనేజ్‌మెంట్‌ భావిస్తోంది. షెడ్యూల్‌ ప్రకారం మూడో టెస్టు సిడ్నీలోనే జరిగితే రోహిత్‌కు ఇబ్బంది ఉండదు. వేదిక బ్రిస్బేన్‌కు మారితే మాత్రం బీసీసీఐ రోహిత్‌ కోసం మళ్లీ ప్రత్యేక ఏర్పాట్లు చేయాల్సి ఉంటుంది.


 దుబాయ్: మెల్‌బోర్న్ టెస్టులో అద్భుతంగా రాణించిన భారత టెస్టు జట్టు కొత్త కెప్టెన్ విరాట్ కోహ్లి... ఐసీసీ ర్యాంకింగ్స్‌లో నాలుగు స్థానాలు ఎగబాకాడు. బుధవారం విడుదల చేసిన తాజా జాబితాలో అతను 15వ ర్యాంక్‌కు దూసుకొచ్చాడు. రహానే 15 స్థానాలు మెరుగుపర్చుకుని 26వ ర్యాంక్‌లో నిలిచాడు. చతేశ్వర్ పుజారా, మురళీ విజయ్‌లు వరుసగా 19, 20వ ర్యాంక్‌ల్లో కొనసాగుతున్నారు.
 
 ఆస్ట్రేలియా కెప్టెన్ స్టీవెన్ స్మిత్ తొలిసారి 5వ స్థానంలో నిలిచి కెరీర్‌లో బెస్ట్ ర్యాంక్‌ను నమోదు చేశాడు. డివిలియర్స్ (దక్షిణాఫ్రికా) అగ్రస్థానాన్ని కొనసాగిస్తున్నాడు. బౌలింగ్ విభాగంలో భారత పేసర్లు ఉమేశ్ యాదవ్, మహ్మద్ షమీలు చెరో 8 స్థానాలు మెరుగుపర్చుకున్నారు. ప్రస్తుతం వీరిద్దరు వరుసగా 36, 38వ ర్యాంక్‌ల్లో ఉన్నారు. ఆల్‌రౌండర్ విభాగంలో అశ్విన్ మూడో ర్యాంక్‌లో ఉన్నాడు.


 ఎట్టకేలకు భారత బౌలర్లు అంచనాలను మించి రాణించారు. నిలకడైన బౌలింగ్‌తో ప్రత్యర్థిని నిరోధించారు. బ్యాట్స్‌మెన్ చెలరేగిపోకుండా కీలక దశల్లో వికెట్లు తీసి మ్యాచ్‌పై ఆశలు రేపారు.
 
 భారత బౌలర్ల సమష్టి ప్రదర్శన నాలుగో రోజు ఆసీస్‌ను వెనుకంజ వేసేలా చేసింది. ఎప్పటిలాగే వేగంగా పరుగులు చేసి భారీ లక్ష్యం నిర్దేశించాలన్న ఆలోచనను కట్టి పడేసింది. అయితే ధోని సేనకు పట్టు చిక్కినట్లే కనిపించినా... షాన్ మార్ష్ చలవతో ఆ జట్టు నిలబడింది.
 
 ఎంసీజీలో మూడు రకాల ఫలితాలు వచ్చేందుకు రంగం సిద్ధమైంది. చివరి రోజు ఎంత పెద్ద లక్ష్యమైనా భారత్ ఛేదిస్తుందా, లేక ఆ ప్రయత్నంలో కుప్పకూలుతుందా చూడాలి. కంగారూలు ‘డ్రా’ వైపు మొగ్గుతున్నా... పోరాడితే పోయేదేం లేదు అన్న తరహాలో వాతావరణం ప్రతికూలంగా మారితే తప్ప భారత్ విజయం కోసమే ఆడటం మాత్రం ఖాయం.
  
 ఉత్కంఠ స్థితిలో మెల్‌బోర్న్ టెస్టు
 ⇒ రెండో ఇన్నింగ్స్‌లో ఆస్ట్రేలియా 261/7
 ⇒ ప్రస్తుతం 326 పరుగుల ముందంజ
 ⇒ చివరి రోజు ఏ ఫలితమైనా సాధ్యం
 మెల్‌బోర్న్: భారత్, ఆస్ట్రేలియా మూడో టెస్టు మ్యాచ్ ఆసక్తికరంగా మారింది. నాలుగో రోజు సోమవారం ఆట ముగిసే సమయానికి ఇరు జట్లు సమాన స్థితిలో నిలిచాయి. భారత బౌలర్లు నిలకడగా రాణించడంతో ఆస్ట్రేలియా తమ రెండో ఇన్నింగ్స్‌లో 7 వికెట్ల నష్టానికి 261 పరుగులు చేసింది. క్రిస్ రోజర్స్ (123 బంతుల్లో 69; 8 ఫోర్లు), షాన్ మార్ష్ (131 బంతుల్లో 62; 8 ఫోర్లు, 1 సిక్స్) అర్ధ సెంచరీలు చేశారు.
 
 ప్రస్తుతం మార్ష్‌తో పాటు హారిస్ (8 బ్యాటింగ్) క్రీజ్‌లో ఉన్నాడు. తొలి ఇన్నింగ్స్ ఆధిక్యం 65 పరుగులు కలుపుకొని ఆసీస్ ప్రస్తుతం 326 పరుగులు ముందంజలో ఉంది. అయితే ఇంకా ఆసీస్ తమ ఇన్నింగ్స్‌ను డిక్లేర్ చేయలేదు. చివరి రోజు ఆ జట్టు ఎన్ని పరుగులు అదనంగా జోడిస్తుందనేది ఆసక్తికరం. ఒక వేళ ఇదే స్కోరు వద్ద డిక్లేర్ చేస్తే భారత్‌కు విజయావకాశాలు ఉంటాయి. తమ సాధారణ శైలికి భిన్నంగా నాలుగో రోజు చివర్లో ఆసీస్ ఆత్మరక్షణ ధోరణి చూస్తే ఆ జట్టు ‘డ్రా’ వైపే ఆసక్తి చూపిస్తున్నట్లుగా కనిపిస్తోంది.
 
 అదే జరిగితే భారత్ సిరీస్ కోల్పోతుంది. సోమవారం వర్షం కారణంగా అంతరాయంతో 77.3 ఓవర్ల ఆట మాత్రమే సాధ్యమైంది. ఆఖరి రోజు ఆట అరగంట ముందుగా ప్రారంభమవుతుంది. అంతకుముందు భారత్ తమ తొలి ఇన్నింగ్స్‌లో 465 పరుగులకే ఆలౌటైంది. ఓవర్‌నైట్ స్కోరుకు మరో 3 పరుగులు మాత్రమే జోడించి చివరి 2 వికెట్లు కోల్పోయింది. హారిస్‌కు 4, జాన్సన్‌కు 3 వికెట్లు దక్కాయి.
  
 స్కోరు వివరాలు:-
 
 ఆస్ట్రేలియా తొలి ఇన్నింగ్స్: 530; భారత్ తొలి ఇన్నింగ్స్: విజయ్ (సి) మార్ష్ (బి) వాట్సన్ 68; ధావన్ (సి) స్మిత్ (బి) హారిస్ 28; పుజారా (సి) హాడిన్ (బి) హారిస్ 25; కోహ్లి (సి) హాడిన్ (బి) జాన్సన్ 169; రహానే (ఎల్బీ) (బి) లయోన్ 147; రాహుల్ (సి) హాజల్‌వుడ్ (బి) లయోన్ 3; ధోని (సి) హాడిన్ (బి) హారిస్ 11; అశ్విన్ (సి) అండ్ (బి) హారిస్ 0; షమీ (సి) స్మిత్ (బి) జాన్సన్ 12; ఉమేశ్ (సి) హాడిన్ (బి) జాన్సన్ 0; ఇషాంత్ (నాటౌట్) 0,  ఎక్స్‌ట్రాలు 2; మొత్తం (128.5 ఓవర్లలో ఆలౌట్) 465
 వికెట్ల పతనం: 1-55; 2-108; 3-147; 4-409; 5-415; 6-430; 7-434; 8-462; 9-462; 10-465.
 బౌలింగ్: జాన్సన్ 30.5-6-133-3; హారిస్ 26-7-70-4; హాజల్‌వుడ్ 25-6-75-0; వాట్సన్ 16-3-65-1; లయోన్ 29-3-108-2; స్మిత్ 2-0-11-0.
  
 ఆస్ట్రేలియా రెండో ఇన్నింగ్స్: వార్నర్ (ఎల్బీ) (బి) అశ్విన్ 40; రోజర్స్ (బి) అశ్విన్ 69; వాట్సన్ (సి) ధోని (బి) ఇషాంత్ 17; స్మిత్ (సి) రహానే (బి) ఉమేశ్ 14; మార్ష్ (బ్యాటింగ్) 62; బర్న్స్ (సి) ధోని (బి) ఇషాంత్ 9; హాడిన్ (సి) ధోని (బి) ఉమేశ్ 13; జాన్సన్ (సి) రహానే (బి) షమీ 15; హారిస్ (బ్యాటింగ్) 8; ఎక్స్‌ట్రాలు 14; మొత్తం (75 ఓవర్లలో 7 వికెట్లకు) 261
  వికెట్ల పతనం: 1-57; 2-98; 3-131; 4-164; 5-176; 6-202; 7-234;  బౌలింగ్: ఉమేశ్ 14-1-73-2; షమీ 20-2-75-1; ఇషాంత్ 19-4-49-2; అశ్విన్ 22-2-56-2.
  
 సెషన్-1: వార్నర్ దూకుడు
 నాలుగోరోజు భారత ఇన్నింగ్స్ 15 బంతుల్లోనే ముగిసిం ది. జాన్సన్ తన వరుస ఓవర్లలో ఉమేశ్, షమీలను పెవిలియన్ పంపించాడు. అనంతరం ఆసీస్ రెండో ఇన్నింగ్స్‌ను వార్నర్ (42 బంతుల్లో 40; 6 ఫోర్లు) దూకుడుగా ఆరంభించాడు. ఉమేశ్ బౌలింగ్‌లో ఐదు ఫోర్లు బాదాడు. ఈ క్రమంలో టెస్టుల్లో 3 వేల పరుగులు పూర్తి చేసుకున్నాడు. 2 పరుగుల వద్ద స్లిప్‌లో కొట్టిన షాట్‌కు బంతి ధావన్‌కు కాస్త ముందు పడటంతో రోజర్స్ బతికిపోయాడు. అయితే పరుగులు ఇవ్వకుండా కట్టడి చేసిన అశ్విన్, ఈ భాగస్వామ్యాన్ని కూడా విడదీశాడు.
 ఓవర్లు: 2.3, పరుగులు: 3, వికెట్లు: 2 (భారత్)
 ఓవర్లు: 22, పరుగులు: 90, వికెట్లు: 1 (ఆస్ట్రేలియా)
  
 సెషన్-2: రోజర్స్ నిలకడ
 లంచ్ సమయంలో చాలా సేపు వర్షం కురిసి మ్యాచ్‌కు అడ్డంకిగా మారింది. కొంత విరామం తర్వాత ఆట ప్రారంభమైంది. రోజర్స్ చక్కటి షాట్లతో ఇన్నింగ్స్‌ను నడిపించాడు. 33 పరుగుల వద్ద అతను స్లిప్‌లో ఇచ్చిన క్యాచ్‌ను ధావన్ వదిలేశాడు. మరోవైపు వాట్సన్ (17)ను అవుట్ చేసి ఇషాంత్ దెబ్బ తీయగా, ఫామ్‌లో ఉన్న కెప్టెన్ స్మిత్ (14) ధోని వ్యూహానికి చిక్కాడు. ఉమేశ్ బౌలింగ్‌లో ఫైన్ లెగ్ వైపు ఆడబోయిన స్మిత్ లెగ్ స్లిప్‌లో రహానేకు క్యాచ్ ఇచ్చాడు. మరోసారి అశ్విన్, చక్కటి బంతితో రోజర్స్‌ను బోల్తా కొట్టించడంతో భారత్‌కు పట్టు చిక్కింది.
 ఓవర్లు: 21, పరుగులు: 84, వికెట్లు: 3
 సెషన్-3: ఆదుకున్న మార్ష్
  
 గత టెస్టులో విఫలమైన షాన్ మార్ష్ విరామం తర్వాత కీలక ఇన్నింగ్స్ ఆడాడు. మరోవైపు సహచరులు వెనుదిరుగుతున్నా... ఏకాగ్రత కోల్పోకుండా చక్కటి షాట్లతో ఆకట్టుకున్నాడు. భారత బౌలర్లు మరో సారి ప్రత్యర్థిని నియంత్రించగలిగారు. ఫలితంగా బర్న్స్ (9), హాడిన్ (13), జాన్సన్ (15) తక్కువ వ్యవధిలో వెనుదిరిగారు. 112 బంతుల్లో మార్ష్ అర్ధ సెంచరీని చేరుకున్నాడు.
 ఓవర్లు: 32, పరుగులు: 87, వికెట్లు: 3