పాన్ ఇండియా స్టార్ ప్రభాస్ 'ఆదిపురుష్' టీజర్‌పై రోజురోజుకు విమర్శలు పెరిగిపోతున్నాయి. ఇటీవల విడుదలైన టీజర్‌ అభిమానుల అంచనాలను అందుకోలేకపోయింది. ఇప్పటికే పలువురు రాజకీయ నాయకులు సైతం విమర్శలు గుప్పిస్తున్నారు. తాజాగా ఈ టీజర్‌పై టీవీ షో ‘మహాభారత్’లో భీష్ముడి పాత్ర పోషించిన ప్రముఖ నటుడు ముఖేష్‌ ఖన్నా తనదైన శైలిలో కౌంటరిచ్చారు. రాముడు, కృష్ణుడు బాడీ బిల్డర్లు కాదని విమర్శించారు. ప్రభాస్‌ రాముడిగా ఓంరౌత్‌ రూపొందిస్తున్న మైథలాజికల్‌ సినిమా ‘ఆది పురుష్‌’. సీతగా కృతి సనన్‌, రావణుడి పాత్రలో బాలీవుడ్‌ నటుడు సైఫ్‌ అలీఖాన్‌ నటిస్తున్నారు.  ఈ సినిమా సంక్రాంతి కానుకగా వచ్చే ఏడాది జనవరి 12న ప్రపంచవ్యాప్తంగా విడుదల కానుంది. (చదవండి: ట్రెండింగ్‌లో బాయ్‌కాట్‌ ఆదిపురుష్‌.. ‘బాలీవుడ్‌ మళ్లీ మళ్లీ అదే తప్పు చేస్తోంది’) ముఖేశ్ ఖన్నా మాట్లాడుతూ.. 'అందరూ నాతో ఏకీభవించకపోవచ్చు. కానీ హిందూ దేవుళ్లు బాడీబిల్డర్లు కాదు. వారి ముఖాలు మృదువైన గొప్ప రూపాన్ని కలిగి ఉంటాయి. మనం చూసిన రామునికి గడ్డం, మీసాలు లేవని మేము నమ్ముతున్నాం. హనుమాన్ జీ ముఖచిత్రం ప్రజల మనస్సుల్లో ఉంది. మీరు అతనిని సినిమాలో ఎలా చూపించారు. మీరు రామాయణ పాత్రల రూపాన్ని మార్చలేరు.సైఫ్ అలీఖాన్ పాత్రకు మొఘల్ లుక్ వచ్చింది. వీఎఫ్‌ఎక్స్‌తో రూ.1000 కోట్లు ఖర్చు రామాయణం తీయలేరు. ఇది విలువలు, పాత్రలు డైలాగ్స్, లుక్స్ మీద ఆధారపడి ఉంటుంది. కానీ మీరు దీన్ని అవతార్ లాగా తీయాలనుకుంటున్నారు. అప్పుడు మీరు రామాయణం చేస్తున్నాం అని చెప్పడం మానేయండి. మా ఆచారాలు, ఇతిహాసాలను మార్చడానికి మీ డబ్బును వృథా చేసుకోవద్దు' అని ఆగ్రహం వ్యక్తం చేశారు. 

Ranveer Singh As Shaktiman: శక్తిమాన్‌.. ఈ టీవీ షో అంటే 1990 కిడ్స్‌కు అమితమైన అభిమానం. ఇప్పుడంటే మార్వెల్‌, డిస్నీ వంటి హాలీవుడ్‌ సూపర్‌ హీలోలు ఉన్నారు కానీ, అప్పట్లోనే ఇండియన్ సూపర్‌ హీరోగా వెలుగొందాడు ఈ శక్తిమాన్. ఈ శక్తిమాన్ పాత్రలో ప్రముఖ నటుడు ముఖేష్‌ ఖన్నా అద్భుతంగా నటించి ప్రేక్షకులను మెప్పించాడు. అయితే సుమారు 29 ఏళ్ల తర్వాత ఈ టీవీ షో సినిమాగా రానుంది. దీనికి సంబంధించిన హక్కుల్ని సోనీ పిక్చర్స్‌ ఇంటర్నేషనల్స్‌ సొంతం చేసుకున్నట్లు తెలుస్తోంది. భారీ బడ్జెట్‌ చిత్రాంగా తెరకెక్కించేందుకు 'భీష్మ్ ఇంటర్నేషనల్‌'తో కలిసి సోనీ పిక్చర్స్‌ నిర్మించనుంది. ప్రతిష్టాత్మకంగా రూపొందుతున్న ఈ మూవీలో సూపర్ హీరో పాత్ర కోసం బాలీవుడ్‌ స్టార్‌ హీరో రణ్‌వీర్ సింగ్‌తో చర్చలు జరిపినట్లు సమాచారం. అంతేకాకుండా ఈ పాత్ర చేసేందుకు రణ్‌వీర్‌ ఆసక్తిగా ఉన్నట్లు తెలుస్తోంది. అయితే శక్తిమాన్‌గా రణ్‌వీర్‌ నటిస్తే ఆ పాత్రకు ఒక ప్రత్యేకత వస్తుందని నిర్మాతలు భావిస్తున్నారట. కాగా ఈ ఏడాది ఫిబ్రవరిలో 'శక్తిమాన్‌' రీమేక్‌ చేయనున్నట్లు సోషల్ మీడియా వేదికగా ప్రకటించారు.  చదవండి: బేబీ బంప్‌తో అలియా భట్‌ !.. లీకైన ఫొటోలు.. తనకన్నా చిన్నవాడితో హీరోయిన్‌ డేటింగ్‌, ఇద్దరు పుట్టాక పెళ్లి !


 పిల్లలు ఒకప్పుడు బాగా ఇష్టపడిన ఫేమస్ షో 'శక్తిమాన్' త్వరలో మళ్లీ బుల్లితెర మీద సందడి చేయనుంది. కొత్త సిరీస్ రిటర్న్ ఆఫ్ శక్తిమాన్‌ను ప్రసారం చేయడానికి ప్రయత్నాలు చేస్తున్నట్లు శక్తిమాన్ పాత్రను పోషించిన ముఖేష్ ఖన్నా తెలిపారు. ప్రస్తుతం కొన్ని ఛానెళ్లను మాత్రమే సంప్రదించినట్లు ఆయన తెలిపారు. విడుదల తేదీని త్వరలో వెల్లడిస్తామని చెప్పారు.
 
 శక్తిమాన్ రిటర్న్స్‌లో  నటించడానికి మళ్లీ రెడీ అయిన ఖన్నా.. ఇప్పటికే లుక్ మార్చుకోవడంతో పాటు 8 కేజీల బరువు కూడా తగ్గారు.  ప్రస్తుతం తాను  సిక్స్ ప్యాక్ బాడీ కోసం ఏం ప్రయత్నం చేయడం లేదని.. కానీ, 15 ఏళ్ల కిందట ఎలా కనిపించానో అలాగే ఉండటానికి మాత్రం ప్రయత్నిస్తున్నానని ఖన్నా వివరించారు. ప్రజలు ఖన్నానే శక్తిమాన్ గా భావిస్తారని... అందుకే స్వయంగా రీమేక్ కు సిద్ధమవుతున్నట్లు ఆయన తెలిపారు.
 
 తాను మహాభారతంలో భీష్ముడిగా నటించినప్పుడు చాలా చిన్నవాడినని, ఒక నటుడు నటించడానికి వయసుతో సంబంధం ఉండదని తాను నమ్ముతానని ఆయన అన్నారు. మొత్తానికి పిల్లలకు ఇష్టమైన శక్తిమాన్ తిరిగి వచ్చేస్తున్నాడు.. మరి అప్పటి విలన్ కిల్విష్ కూడా తిరిగి వస్తాడా? వేచిచూద్దాం..!