న్యూఢిల్లీ: దేశ ఉగ్రవాద వ్యతిరేక దళం నేషనల్‌ సెక్యూరిటీ గార్డ్‌(ఎన్‌ఎస్‌జీ) అధిపతిగా సీనియర్‌ ఐపీఎస్‌ అధికారి నళిన్‌ ప్రభాత్‌ నియమితులయ్యారు. ఆయన నియామకానికి కేబినెట్‌లోని నియామకాల కమిటీ ఆమోదం తెలిపింది. 1992 బ్యాచ్‌ ఆంధ్రప్రదేశ్‌ కేడర్‌ ఐపీఎస్‌ అయిన ప్రభాత్‌ సీఆర్‌పీఎఫ్‌ అదనపు డైరెక్టర్‌ జనరల్‌గా ఉన్నారు. 2028 ఆగస్ట్‌ 31వ తేదీ వరకు ఎన్‌ఎస్‌జీ చీఫ్‌గా ఆయన కొనసాగుతారని సిబ్బంది వ్యవహారాల శాఖ ఉత్తర్వుల్లో పేర్కొంది.


 న్యూఢిల్లీ: నిత్యం కట్టుదిట్టమైన భద్రత నడుమ ఉండే డీఆర్‌డీవో భవన్ నుంచి అత్యంత శక్తివంతమైన ఒక బాంబును గతంలో తమ సిబ్బంది స్వాధీనం చేసుకొని డిస్పోజ్ చేశారని జాతీయ భద్రతా దళం(ఎన్‌ఎస్‌జీ) చీఫ్ ఆర్.సి.తయాల్ తెలిపారు. దీనిని డిస్పోజ్ చేయడం వేరే ఏ ఏజెన్సీకి సాధ్యం కాకపోవడంతో తమ బాంబ్ డిస్పోజల్ స్క్వాడ్ సిబ్బంది రంగంలోకి దిగాల్సి వచ్చిందన్నారు.
 
 అనంతరం ఈ బాంబు రెండో ప్రపంచ యుద్ధం నాటిదిగా తేలిందని చెప్పారు. ఏప్రిల్ 14న భవనం కాంపౌండ్ వాల్ నిర్మిస్తున్న సమయంలో అది లభ్యమైంది.