టీమిండియా వైస్‌ కెప్టెన్‌ శుబ్‌మన్‌ గిల్‌ (Shubman Gill) ప్రస్తుతం ఇండియన్‌ ప్రీమియర్‌ లీగ్‌ (IPL) సన్నాహకాలతో బిజీగా ఉన్నాడు. గతేడాది గుజరాత్‌ టైటాన్స్‌ (Gujarat Titans) కెప్టెన్‌గా పగ్గాలు చేపట్టిన ఈ పంజాబీ బ్యాటర్‌.. ఈసారి కూడా జట్టును ముందుండి నడిపించనున్నాడు. ఈ నేపథ్యంలో ఐపీఎల్‌-2025 ఆరంభానికి ముందు గిల్‌ ఆసక్తికర వ్యాఖ్యలు చేశాడు.మరింత వినోదాత్మకంగాఇంపాక్ట్‌ ప్లేయర్‌ నిబంధన వల్ల జట్లకు అదనపు ప్రయోజనం కలుగుతుందని శుబ్‌మన్‌ గిల్‌ అభిప్రాయపడ్డాడు. ఈ రూల్‌ కారణంగా అదనపు బ్యాటర్‌ లేదంటే బౌలర్‌ సేవలను ఉపయోగించుకునేందుకు వీలుగా ఉంటుందని.. ఈసారి స్కోర్లు 300 దాటినా ఆశ్చర్యపోనక్కర్లేదని పేర్కొన్నాడు. ఈ నిబంధన ఐపీఎల్‌ను మరింత వినోదాత్మకంగా మార్చిందని గిల్‌ జియోహాట్‌స్టార్‌ షోలో వ్యాఖ్యానించాడు. అదే విధంగా.. ఐపీఎల్‌తో ముడిపడిన తన చిన్ననాటి జ్ఞాపకాలను ఈ సందర్భంగా గిల్‌ గుర్తు చేసుకున్నాడు. ‘‘పంచకులలోని తౌ దేవి లాల్‌ స్టేడియానికి మా నాన్నతో కలిసి మూడు, నాలుగు మ్యాచ్‌లకు వెళ్లాను. నాకు తెలిసి అప్పటికి ఐపీఎల్‌ మొదలై మూడేళ్లు గడిచి ఉంటాయి.నేను క్రికెటర్‌ అవడానికి కారణం సచిన్‌ సర్‌అప్పట్లో ముంబై ఇండియన్స్‌ జట్టు అక్కడ ప్రాక్టీస్‌ చేసేందుకు వచ్చింది. నాకప్పుడు తొమ్మిదేళ్లు ఉంటాయనుకుంటా.. సచిన్‌ సర్‌తో గ్లెన్‌ మాక్స్‌వెల్‌తో నేను ఫొటో తీసుకున్నా.వాళ్లు ప్రాక్టీస్‌ చేస్తున్నపుడు బాల్స్‌ త్రో చేసేవాడిని. ఐపీఎల్‌తో నాకున్న తొలి జ్ఞాపకం అదే. సచిన్‌ సర్‌ గురించి నాకు ముందు నుంచే తెలుసు. ఆయనను చూసే నేను క్రికెట్‌ ఆడటం మొదలుపెట్టాను.మా నాన్న ఆయనకు వీరాభిమానిఇక మా నాన్న అయితే.. సచిన్‌ సర్‌కి వీరాభిమాని. మా గ్రామంలో ఎక్కడ చూసినా ఆయన పోస్టర్లే కనిపించేవి’’ అని శుబ్‌మన్‌ గిల్‌ తెలిపాడు. ఇక కెప్టెన్సీ అనేది ఓ నిరంతర ప్రయాణమన్న ఈ కుడిచేతి వాటం బ్యాటర్‌.. నాయకుడిగా భిన్న అనుభవాలు ఎదుర్కోక తప్పదని పేర్కొన్నాడు.జట్టులోని ప్రతి ఒక్క సభ్యుడి నైపుణ్యాలపై అవగాహన పెంచుకుని.. వారి నుంచి అత్యుత్తమ ప్రదర్శన రాబట్టుకున్న వారే నాయకులుగా రాణిస్తారని గిల్‌ అన్నాడు. ప్రతి మ్యాచ్‌ సరికొత్తగా ఉంటుందని.. ఆటగాళ్ల బలాలు, బలహీనతలు అర్థం చేసుకుంటే.. వారి సేవలు ఎలా వినియోగించుకోవాలో తెలుస్తుందని పేర్కొన్నాడు. కెప్టెన్‌గా అనుభవం గడించినపుడే..ఇక సారథిగా చేసే ప్రయాణంలో అనుభవం గడిస్తున్న కొద్దీ మరింత రాటుదేలతామని.. అయితే, ఒక్కోసారి కఠిన సవాళ్లు ఎదుర్కోవాల్సి ఉంటుందని పేర్కొన్నాడు. అలాంటపుడు సంయమనంతో ముందుకు సాగితే ప్రతికూల ప్రభావం పడదని గిల్‌ చెప్పుకొచ్చాడు. టైటాన్స్‌ పగ్గాలు చేపట్టిన కొత్తల్లో తాను సహచర ఆటగాళ్లతో ఎక్కువగా మమేకం కాలేకపోయానన్న.. అయితే, నాయకుడిగా తన కర్తవ్యాన్ని నెరవేర్చే క్రమంలో తనకు తెలియకుండానే ఎంతో మారిపోయానని పేర్కొన్నాడు. ప్రతి ఒక్క ఆటగాడితో వ్యక్తిగతంగా మాట్లాడటం.. వారి మైండ్‌సెట్‌ను అర్థం చేసుకోవడం అలవాటు చేసుకున్నానని గిల్‌ తెలిపాడు.చదవండి: BCCI: విరాట్‌ కోహ్లి ఘాటు విమర్శలు.. స్పందించిన బీసీసీఐ

హోలీ పండుగ వేళ క్రికెట్‌ గాడ్‌ సచిన్‌ టెండూల్కర్‌ సచిన్‌ టెండూల్కర్‌ సంబురాలు అంబరాన్నంటాయి. సందర్భం ఏదైనా రిజర్వ్‌డ్‌గా కనిపించే సచిన్‌.. ఈసారి హోలీ ఉత్సవాల్లో చెలరేగిపోయాడు. చిన్నపిల్లాడిలా మారి సహచరులను రంగులతో ముంచెత్తాడు. సచిన్‌.. సహచర క్రికెటర్లు యువరాజ్‌ సింగ్‌, అంబటి రాయుడు, ఇర్ఫాన్‌ పఠాన్‌ను రంగులతో ముంచెత్తిన వీడియో సోషల్‌మీడియాలో వైరలవుతుంది. ఈ వీడియోలో సచిన్‌ రంగులతో నింపిన వాటర్‌ గన్‌తో యువీ, రాయుడు, ఇర్ఫాన్‌లపై దాడి చేశాడు.Sachin Tendulkar, Yuvraj Singh and Yusuf Pathan celebrating Holi. 😂👌 pic.twitter.com/PYEaMoNbHV— Mufaddal Vohra (@mufaddal_vohra) March 14, 2025కాగా, సచిన్‌ ప్రస్తుతం ఇంటర్నేషనల్‌ మాస్టర్స్‌ లీగ్‌లో బిజీగా ఉన్నాడు. యువరాజ్‌, ఇర్ఫాన్‌, రాయుడు కూడా ఈ టోర్నీలో భారత మాస్టర్స్‌కు ప్రాతినిథ్యం వహిస్తున్నారు. ఈ టోర్నీలో భారత జట్టుకు సచిన్‌ సారథ్యం వహిస్తున్నాడు. తొలిసారి నిర్వహిస్తున్న ఈ టోర్నీలో భారత్‌ ఫైనల్‌కు చేరింది. నిన్న జరిగిన సెమీఫైనల్లో టీమిండియా ఆస్ట్రేలియాను 94 పరుగుల తేడాతో చిత్తు చేసింది. ఈ మ్యాచ్‌లో తొలుత బ్యాటింగ్‌ చేసిన భారత్‌.. సచిన్‌ (42), యువరాజ్‌ (59), స్టువర్ట్‌ బిన్నీ (36) చెలరేగడంతో నిర్ణీత 20 ఓవర్లలో 7 వికెట్ల నష్టానికి 220 పరుగుల భారీ స్కోర్‌ చేసింది. ఇన్నింగ్స్‌లో చివర్లో పఠాన్‌ సోదరులు కూడా చెలరేగిపోయారు. ఇర్ఫాన్‌ 10 బంతుల్లో 23, యూసఫ్‌ 7 బంతుల్లో 19 పరుగులు చేశారు. ఈ మ్యాచ్‌లో సచిన్‌కు జతగా ఓపెనర్‌గా వచ్చిన అంబటి రాయుడు 5, పవన్‌ నేగి 14, గురుకీరత్‌ సింగ్‌ 1 పరుగు చేశారు. ఆసీస్‌ బౌలర్లలో డేనియల్‌ క్రిస్టియన్‌, దోహర్తి చెరో 2 వికెట్లు పడగొట్టగా.. హిల్ఫెన్హాస్‌, స్టీవ్‌ ఓకీఫీ, కౌల్టర్‌ నైల్‌ తలో వికెట్‌ దక్కించుకున్నారు.అనంతరం భారీ లక్ష్య ఛేదనకు దిగిన ఆసీస్‌.. భారత బౌలర్‌ షాబాజ్‌ నదీమ్‌ (4-1-15-4) విజృంభించడంతో 18.1 ఓవర్లలో 126 పరుగులకే చాపచుట్టేసింది. భారత బౌలర్లలో షాబాజ్‌తో పాటు వినయ్‌ కుమార్‌ (2-0-10-2), ఇర్ఫాన్‌ పఠాన్‌ (3.1-0-31-2), స్టువర్ట్‌ బిన్నీ (3-0-20-1), పవన్‌ నేగి (3-0-13-1) కూడా రాణించారు. ఆసీస్‌ ఇన్నింగ్స్‌లో బెన్‌ కట్టింగ్‌ (39) టాప్‌ స్కోరర్‌గా నిలువగా.. షాన్‌ మార్ష్‌ (21), బెన్‌ డంక్‌ (21), నాథన్‌ రియర్‌డాన్‌ (21), దోహర్తి (10 నాటౌట్‌) రెండ​​ంకెల స్కోర్లు చేశారు. ఈ టోర్నీలో మూడు సెంచరీలు చేసి భీకర ఫామ్‌లో ఉన్న ఆసీస్‌ కెప్టెన్‌ షేన్‌ వాట్సన్‌ (5) ఈ మ్యాచ్‌లో విఫలమయ్యాడు. డేనియల్‌ క్రిస్టియన్‌ 2, కౌల్టర్‌ నైల్‌ 0, హిల్ఫెన్హాస్‌ 2, ఓకీఫీ 0, మెక్‌గెయిన్‌ 3 పరుగులు చేసి ఔటయ్యారు. శ్రీలంక, వెస్టిండీస్‌ జట్ల మధ్య ఇవాళ (మార్చి 14) జరిగే రెండో సెమీఫైనల్లో విజేతతో భారత్‌ ఫైనల్లో తలపడుతుంది. ఫైనల్‌ మ్యాచ్‌ మార్చి 16న జరుగుతుంది. ఈ టోర్నీలో భారత్‌, శ్రీలంక, వెస్టిండీస్‌, ఆస్ట్రేలియా, సౌతాఫ్రికా, ఇంగ్లండ్‌ దేశాలకు చెందిన దిగ్గజ క్రికెటర్లు పాల్గొనగా.. సౌతాఫ్రికా, ఇంగ్లండ్‌ సెమీస్‌కు చేరుకుండానే టోర్నీ నుంచి నిష్క్రమించాయి.

అంతర్జాతీయ మాస్టర్స్‌ లీగ్‌-2025 (International Masters League T20) సెమీస్‌లో భారత జట్టు అదరగొట్టింది. ఆస్ట్రేలియా మాస్టర్స్‌ను చిత్తుగా ఓడించి ఫైనల్లో అడుగుపెట్టింది. రాయ్‌పూర్‌ వేదికగా గురువారం జరిగిన మ్యాచ్‌లో ఇండియా మాస్టర్స్‌ కంగారూలపై ఏకంగా 94 పరుగుల తేడాతో విజయం సాధించింది. జట్టు విజయంలో కీలక పాత్ర పోషించిన భారత స్పిన్నర్‌ షాబాజ్‌ నదీమ్‌ ‘ప్లేయర్‌ ఆఫ్‌ ది మ్యాచ్‌’గా నిలిచాడు.ఆరు జట్లు ఆటకు వీడ్కోలు పలికిన ఆటగాళ్లతో అంతర్జాతీయ మాస్టర్స్‌ లీగ్‌ ఈ ఏడాది మొదలైంది. టీ20 ఫార్మాట్లో నిర్వహిస్తున్న ఈ టోర్నమెంట్లో ఇండియా మాస్టర్స్‌, శ్రీలంక మాస్టర్స్‌, ఆస్ట్రేలియా మాస్టర్స్‌, వెస్టిండీస్‌ మాస్టర్స్‌, సౌతాఫ్రికా మాస్టర్స్‌, ఇంగ్లండ్‌ మాస్టర్స్‌ రూపంలో ఆరుజట్లు పాల్గొంటున్నాయి.భారత్‌ వేదికగా జరుగుతున్న ఈ లీగ్‌లో సౌతాఫ్రికా, ఇంగ్లండ్‌ జట్లు లీగ్‌ దశలోనే నిష్క్రమించగా.. ఇండియా, శ్రీలంక, ఆస్ట్రేలియా, వెస్టిండీస్‌ సెమీస్‌కు చేరుకున్నాయి. ఈ క్రమంలో గురువారం షాహిద్‌ వీర్‌ నారాయణ్‌ సింగ్‌ అంతర్జాతీయ స్టేడియంలో తొలి సెమీ ఫైనల్లో ఇండియా- ఆసీస్‌ తలపడ్డాయి.సచిన్‌, యువీ, పఠాన్‌ సోదరుల మెరుపులుటాస్‌ గెలిచిన ఆస్ట్రేలియా మాస్టర్స్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఇండియా మాస్టర్స్‌ నిర్ణీత 20 ఓవర్లలో ఏడు వికెట్ల నష్టానికి 220 పరుగుల మేర భారీ స్కోరు సాధించింది. ఓపెనర్‌ అంబటి రాయుడు(5) విఫలం కాగా.. మరో ఓపెనర్‌, కెప్టెన్‌ సచిన్‌ టెండుల్కర్‌ (Sachin Tendulkar) ఆకాశమే హద్దుగా చెలరేగాడు. 30 బంతుల్లో ఏడు ఫోర్ల సాయంతో 42 పరుగులు సాధించాడు.మిగతా వాళ్లలో యువరాజ్‌ సింగ్‌ 30 బంతుల్లోనే 59 పరుగులతో దుమ్ములేపగా.. స్టువర్ట్‌ బిన్నీ (Stuart Binny) 21 బంతుల్లో 36 పరుగులు సాధించాడు. యూసఫ్‌ పఠాన్‌ 10 బంతులు ఎదుర్కొని 23 రన్స్‌ చేయగా.. అతడి సోదరుడు ఇర్ఫాన్‌ పఠాన్‌(7 బంతుల్లో 19 నాటౌట్‌) కూడా మెరుపు ఇన్నింగ్స్‌ ఆడాడు.ఇక ఇండియా మాస్టర్స్‌ విధించిన 221 పరుగుల లక్ష్యంతో బరిలోకి దిగిన ఆస్ట్రేలియా మాస్టర్స్‌ 126 పరుగులకే కుప్పకూలింది. కెప్టెన్‌, ఓపెనర్‌ షేన్‌ వాట్సన్‌(5) పూర్తిగా నిరాశపరచగా.. షాన్‌ మార్ష్‌, బెన్‌ డంక్‌ చెరో 21 పరుగులు చేశారు. మిగతా వాళ్లలో నాథన్‌ రీర్డాన్‌(21), బెన్‌ కట్టింగ్‌(39) మాత్రమే చెప్పుకోదగ్గ స్కోర్లు చేశారు.షాబాజ్‌ నదీమ్‌కు నాలుగు వికెట్లుభారత బౌలర్లలో స్పిన్నర్‌ షాబాజ్‌ నదీమ్‌ ఏకంగా నాలుగు వికెట్లు కూల్చి ఆసీస్‌ బ్యాటింగ్‌ ఆర్డర్‌ పతనాన్ని శాసించాడు. నాలుగు ఓవర్ల బౌలింగ్‌ కోటా పూర్తి చేసి.. కేవలం 15 పరుగులే ఇచ్చాడు. మిగతా వారిలో పేసర్లు వినయ్‌ కుమార్‌(2/10), ఇర్ఫాన్‌ పఠాన్‌(2/31) రెండేసి వికెట్లు దక్కించుకోగా.. బిన్నీ ఒక వికెట్‌ తన ఖాతాలో వేసుకున్నాడు. స్పిన్‌ బౌలర్‌ పవన్‌ నేగి మూడు ఓవర్ల కోటాలో 13 రన్స్‌ ఇచ్చి ఒక వికెట్‌ తీశాడు.ఇక ఇండియా మాస్టర్స్‌ బౌలర్ల విజృంభణ కారణంగా ఆస్ట్రేలియా 18.1 ఓవర్లలో 126 పరుగులు చేసి ఆలౌట్‌ అయింది. ఫలితంగా 94 పరుగులతో ఘన విజయం సాధించిన ఇండియా ఫైనల్‌కు దూసుకువెళ్లింది. ఇక శుక్రవారం జరిగే రెండో సెమీ ఫైనల్లో శ్రీలంక- వెస్టిండీస్‌ తలపడనున్నాయి. ఇందులో గెలిచిన జట్టు ఆదివారం టైటిల్‌ పోరులో ఇండియా మాస్టర్స్‌ను ఢీకొట్టనుంది. చదవండి: CT 2025: కేఎల్‌ రాహుల్‌, శ్రేయస్‌ అయ్యర్‌లకు దక్కని చోటు.. కెప్టెన్‌గా అతడు! View this post on Instagram A post shared by INTERNATIONAL MASTERS LEAGUE (@imlt20official)

అంత‌ర్జాతీయ మాస్ట‌ర్స్ లీగ్‌లో రాయపూర్‌ వేదికగా ఆస్ట్రేలియాతో జరుగుతున్న తొలి సెమీఫైనల్లో భారత బ్యాటర్లు విధ్వంసం సృష్టించారు. టాస్‌ ఓడి తొలుత బ్యాటింగ్‌ చేసిన ఇండియన్‌ మాస్టర్స్‌ నిర్ణీత 20 ఓవర్లలో 7 వికెట్ల నష్టానికి 220 పరుగులు చేసింది. భారత బ్యాటర్లలో యువరాజ్‌ సింగ్, సచిన్‌​ టెండూల్కర్‌ ఆకాశమే హద్దుగా చెలరేగారు.యువీ కేవలం 30 బంతుల్లో 1 ఫోర్లు 7 సిక్స్‌లతో 59 పరుగులు చేయగా.. సచిన్‌ 30 బంతుల్లో 7 ఫోర్లతో 42 రన్స్‌ చేశాడు. వీరిద్దరితో పాటు బిన్నీ(36), యూసుఫ్ పఠాన్(23), ఇర్ఫాన్‌ పఠాన్‌(19) దూకుడుగా ఆడారు. ఆస్ట్రేలియా బౌలర్లలో దోహర్టీ, ​‍క్రిస్టియన్‌ తలా రెండు వికెట్లు పడగొట్టగా.. స్టీవ్‌ ఓకేఫీ, కౌల్టర్‌ నైల్‌ తలా వికెట్‌ సాధించారు.తుది జట్లుభారత్‌: సచిన్ టెండూల్కర్ (కెప్టెన్‌), అంబటి రాయుడు (వికెట్ కీప‌ర్‌), గురుకీరత్ సింగ్ మాన్, యూసుఫ్ పఠాన్, యువరాజ్ సింగ్, స్టువర్ట్ బిన్నీ, ఇర్ఫాన్ పఠాన్, పవన్ నేగి, షాబాజ్ నదీమ్, ధవల్ కులకర్ణి, వినయ్ కుమార్ఆస్ట్రేలియా: షాన్ మార్ష్, డేనియల్ క్రిస్టియన్, బెన్ డంక్ (వికెట్ కీప‌ర్‌), నాథన్ రియర్డన్, బెన్ కటింగ్, షేన్ వాట్సన్ (కెప్టెన్‌), స్టీవ్ ఓకీఫ్, నాథన్ కౌల్టర్-నైల్, జేవియర్ డోహెర్టీ, బ్రైస్ మెక్‌గెయిన్, బెన్ హిల్ఫెన్‌హాస్ THE YUVRAJ SINGH SIXES. 😍💥pic.twitter.com/oMVx3FCnpi— Mufaddal Vohra (@mufaddal_vohra) March 13, 2025

ఇంటర్నేషనల్ మాస్టర్స్ టీ20 లీగ్‌లో ఇండియా మాస్టర్స్‌ జోరుకు ఆస్ట్రేలియా కళ్లెం వేసింది. ఈ టోర్నీలో భాగంగా బుధవారం వడోదర వేదికగా ఆస్ట్రేలియాతో జరిగిన మ్యాచ్‌లో 95 పరుగుల తేడాతో భారత్‌ ఓటమి పాలైంది. ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియా నిర్ణీత 20 ఓవర్లలో వికెట్‌ నష్టానికి 269 పరుగుల భారీ స్కోర్‌ సాధించింది. ఆసీస్‌​ బ్యాటర్లలో కెప్టెన్‌ షేన్‌ వాట్సన్‌, స్టార్‌ బ్యాటర్‌ బెన్‌ డంక్‌ విధ్వంసకర సెంచరీలతో చెలరేగారు.భారత బౌలర్లను ఊచకోత కోశాడు. బౌండరీల వర్షంతో వడోదర స్టేడియం తడిసిముద్దయింది. వీరిద్దరి అపడం ఎవరూ తరం కాలేదు. ఈ దిగ్గజ క్రికెటర్లు ఇద్దరూ రెండో వికెట్‌కు 236 పరుగుల ఆజేయ భాగస్వామ్యం నెలకొల్పారు. డంక్‌ 53 బంతుల్లో 12 ఫోర్లు, 10 సిక్సర్లతో 132 పరుగులు చేయగా.. వాట్సన్‌ 52 బంతుల్లో 12 ఫోర్లు, 7 సిక్స్‌లతో 110 పరుగులు చేశాడు. ఇక భారత బౌలర్లలో పవన్‌ నేగి ఒక్కడే ఓ వికెట్‌ పడగొట్టారు. మిగితా బౌలర్లందరూ దారుణంగా విఫలమయ్యారు.సచిన్‌ హాఫ్‌ సెంచరీ వృథా..అనంతరం 270 పరుగుల భారీ లక్ష్యంతో బరిలోకి దిగిన భారత్‌ నిర్ణీత ఓవర్లలో 174 పరుగులకు ఆలౌటైంది. భారత బ్యాటర్లలో కెప్టెన్‌ సచిన్‌ టెండూల్కర్‌ అద్బుతమైన హాఫ్‌ సెంచరీతో చెలరేగాడు. మాస్టర్‌ బ్లాస్టర్‌ క్రీజులో ఉన్నంతసేపు తన ట్రేడ్‌ మార్క్‌ షాట్లతో అభిమానులను అలరించాడు. సచిన్‌ కేవలం 33 బంతుల్లో 7 ఫోర్లు, 4 సిక్స్‌లతో 64 పరుగులు చేసి ఔటయ్యాడు. ఆతర్వాత యూసఫ్‌ పఠాన్‌ 25 పరుగులు చేయగా.. మిగితా ‍బ్యాటర్లంతా దారుణంగా విఫలమయ్యారు. ఆసీస్‌ బౌలర్లలో జేవియర్ డోహెర్టీ 5 వికెట్లు పడగొట్టగా.. క్రిస్టియన్‌, లాఫ్లీన్‌, నాథన్ రియర్డన్ తలా వికెట్‌ సాధించారు. కాగా ఈ టోర్నీలో భారత్‌కు ఇదే తొలి ఓటమి కావడం గమనార్హం. టీమిండియా తమ తదుపరి మ్యాచ్‌లో మార్చి 8న రాయ్‌పూర్‌ వేదికగా వెస్టిండీస్‌తో తలపడనుంది.చదవండి: మ్యాచ్‌ సమయంలో నిద్రపోయిన పాకిస్తాన్‌ స్టార్‌ బ్యాటర్‌𝐓𝐡𝐚𝐭’𝐬 𝐡𝐨𝐰 𝐲𝐨𝐮 𝐝𝐨 𝐢𝐭! 😎𝙎𝙖𝙘𝙝𝙞𝙣 𝙩𝙞𝙣𝙜𝙡𝙞𝙣𝙜 𝙨𝙥𝙞𝙣𝙚𝙨 𝙬𝙞𝙩𝙝 𝙩𝙝𝙖𝙩 𝙨𝙞𝙜𝙣𝙖𝙩𝙪𝙧𝙚 𝙨𝙩𝙧𝙖𝙞𝙜𝙝𝙩 𝙨𝙞𝙭! 🚀✨#IMLT20 #TheBaapsOfCricket #IMLonJioHotstar #IMLonCineplex pic.twitter.com/A11weJAGox— INTERNATIONAL MASTERS LEAGUE (@imlt20official) March 5, 2025

టీమిండియా క్రికెటర్‌ రిషభ్‌ పంత్‌(Rishabh Pant) ప్రతిష్టాత్మక అవార్డుకు నామినేట్‌ అయ్యాడు. లారెస్‌ వరల్డ్‌ స్పోర్ట్స్‌ అవార్డు(Laureus World Sports Awards)కు అతడి పేరును పరిశీలిస్తున్నట్లు లారెస్‌ స్పోర్ట్‌ వెల్లడించింది. అత్యుత్తమ పునరాగమనం(బెస్ట్‌ కమ్‌బ్యాక్‌ ఆఫ్‌ ది ఇయర్‌) విభాగంలో అతడిని నామినేట్‌ చేసినట్లు తెలిపింది. ఈ అవార్డు కోసం పంత్‌తో పాటు మరో ఐదుగురు పోటీపడుతున్నారు.పంత్‌ భావోద్వేగంఇక తన పేరు లారెస్‌ వరల్డ్‌ స్పోర్ట్స్‌ అవార్డుకు నామినేట్‌ అవడం పట్ల రిషభ్‌ పంత్‌ హర్షం వ్యక్తం చేశాడు. ‘‘ఆ దేవుడు మనకు ఇచ్చిన వాటి పట్ల కృతజ్ఞతతో ఉండాలని నేను విశ్వసి​స్తాను. కారు ప్రమాదంలో దాదాపు చావు అంచుల దాకా వెళ్లిన నేను ఆ దేవుడి దయ వల్లే బయటపడ్డాను.ఆ తర్వాత నాలో చాలా పరివర్తన వచ్చింది. పిచ్‌పై తిరిగి పరుగుల వరద పారించాలనే కసి మరింతగా పెరిగింది. అదంత సులువు కాదని తెలుసు. అయినా.. సరే నేను పోరాడాలనే నిర్ణయించుకున్నా. తిరిగి ఫిట్‌నెస్‌ సాధించి టీమిండియాకు మళ్లీ ఆడాలనే కలను నెరవేర్చుకున్నాను.అయితే, నా ప్రయాణం నల్లేరు మీద నడకేమీ కాదు. ఎన్నో కఠిన సవాళ్లు ఎదుర్కోవాల్సి వచ్చింది. మానసికంగా, శారీరకంగా అలసిపోయాను. నాతో నేను ఓ యుద్ధమే చేశా. అనుకున్న లక్ష్యాన్ని చేరుకున్నా. లారెస్‌ వరల్డ్‌ కమ్‌బ్యాక్‌ అవార్డుకు నామినేట్‌ కావడం నాకు దక్కిన గౌరవం.నేను మళ్లీ సాధారణ జీవితం గడపడానికి నా కుటుంబం, బీసీసీఐ, వైద్యులు, నా వైద్య బృందం, మా జట్టు సహాయక సిబ్బంది, ట్రెయినర్లు.. ముఖ్యంగా నా అభిమానులు కారణం. నాకు దక్కిన గొప్ప గౌరవంగా దీనిని భావిస్తున్నా. ఎప్పుడూ ఓటమిని అంగీకరించకుండా ఆత్మవిశ్వాసంతో ముందుకు వెళ్లాలన్నది నేను నేర్చుకున్న పాఠం. మానసికంగా బలంగా ఉంటే మునుపటి సంతోషాలు అవే వెతుక్కుంటూ వస్తాయి’’ అని రిషభ్‌ పంత్‌ ఉద్వేగపూరిత వ్యాఖ్యలు చేశాడు.తీవ్రంగా గాయపడి2022, డిసెంబరు 30న రిషభ్‌ పంత్‌ ఘోర రోడ్డు ప్రమాదానికి గురైన విషయం తెలిసిందే. ఢిల్లీ నుంచి తన స్వస్థలం రూర్కీకి వెళ్తున్న క్రమంలో పంత్‌ ప్రయాణిస్తున్న కారు డివైడర్‌ను ఢీకొట్టడంతో మంటలు చెలరేగాయి. అయితే, అదృష్టవశాత్తూ అతడు ప్రాణాలతో బయటపడినా తీవ్రంగా గాయపడ్డాడు. ఈ క్రమంలో డెహ్రాడూన్‌ ఆస్పత్రిలో ప్రాథమిక చికత్స అనంతరం బీసీసీఐ అతడిని ముంబైకి ఎయిర్‌లిఫ్ట్‌ చేసింది. ప్రత్యేక వైద్య బృందంతో చికిత్స అందించింది.ఈ నేపథ్యంలో క్రమక్రమంగా కోలుకున్న 27 ఏళ్ల పంత్‌.. ఐపీఎల్‌-2024 ద్వారా రీఎంట్రీ ఇచ్చాడు. అనంతరం బంగ్లాదేశ్‌తో టెస్టుల సందర్భంగా టీమిండియా తరఫున పునరాగమనం చేయడంతో పాటు టీ20 ప్రపంచకప్‌-2024 గెలిచిన జట్టులోనూ భాగమయ్యాడు. ఇక ఐపీఎల్‌-2025 మెగా వేలంలో ఏకంగా రూ. 27 కోట్లకు(లక్నో సూపర్‌ జెయింట్స్‌) అమ్ముడుపోయి క్యాష్‌ రిచ్‌ లీగ్‌ చరిత్రలోనే అత్యధిక ధర పలికిన ఆటగాడిగా చరిత్ర సృష్టించాడు.ప్రస్తుతం చాంపియన్స్‌ ట్రోఫీ-2025 ఆడుతున్న భారత జట్టులో పంత్‌ భాగం. ఇదిలా ఉంటే పంత్‌తో పాటు బ్రెజిల్‌ జిమ్నాస్ట్‌ రెబెక ఆండ్రడే, అమెరికా స్విమ్మర్‌ సెలెబ్‌ డ్రెసెల్‌, స్విట్జర్లాండ్‌కు చెందిన లారా గట్‌- బెహ్రామీ, స్పెయిన్‌మోటార్‌ సైక్లిస్ట్‌ మార్క్‌ మార్కేజ్‌, ఆస్ట్రేలియా స్విమ్మర్‌ అరియానే టైట్మస్‌ కమ్‌బ్యాక్‌ అవార్డు పోటీలో నిలిచారు. ఇక భారత్‌ నుంచి లారెస్‌ వరల్డ్‌ స్పోర్ట్‌ అవార్డుకు నామినేట్‌ అయిన ప్లేయర్లలో సచిన్‌ టెండుల్కర్‌ తర్వాతి స్థానాన్ని పంత్‌ ఆక్రమించాడు. కాగా ఏప్రిల్‌ 21న స్పెయిన్‌లోని మాడ్రిడ్‌లో ఈ అవార్డు వేడుక జరుగనుంది. చదవండి: BCCI: ‘రోహిత్‌ లావుగా ఉన్నాడు.. కెప్టెన్‌గానూ గొప్పోడు కాదు ’.. స్పందించిన బీసీసీఐ

ఇంటర్నేషనల్ మాస్టర్స్ టీ20 లీగ్‌ టోర్నీలో ఇండియా మాస్టర్స్‌ తమ జైత్ర యాత్రను కొనసాగిస్తోంది. ఈ టోర్నీలో భాగంగా శనివారం వడోదర వేదికగా సౌతాఫ్రికాతో జరిగిన మ్యాచ్‌లో 8 వికెట్ల తేడాతో భారత్‌ ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన సౌతాఫ్రికా.. భారత బౌలర్లు చెలరేగడంతో 13.5 ఓవర్లలో కేవలం 85 పరుగులకే ఆలౌటైంది.భారత బౌలర్లలో స్పిన్నర్‌ రాహుల్‌ శర్మ, దిగ్గజ ఆల్‌రౌండర్‌ యువరాజ్‌ సింగ్‌ మూడు వికెట్లతో సత్తాచాటారు. రాహుల్‌ తన నాలుగు ఓవర్ల కోటాలో కేవలం 18 పరుగులు మాత్రమే ఇవ్వగా.. యువీ రెండు ఓవర్లు బౌలింగ్‌ చేసి 12 పరుగులు ఇచ్చాడు. వీరిద్దరితో పాటు నేగీ, బిన్నీ తలా రెండు వికెట్లు సాధించారు. సౌతాఫ్రికా బ్యాటర్లలో హెన్రీ డేవిడ్స్‌(38) పరుగులతో టాప్‌ స్కోరర్‌గా నిలిచాడు. మిగితా బ్యాటర్లంతా తీవ్ర నిరాశపరిచారురాయుడు ఆజేయంగా..అనంతరం 86 పరుగుల స్వల్ప లక్ష్యాన్ని భారత్‌ కేవలం రెండు వికెట్లు మాత్రమే కోల్పోయి 11 ఓవర్లలోనే ఊదిపడేసింది. భారత బ్యాటర్లలో ఓపెనర్‌ అంబటి రాయుడు(34 బంతుల్లో 7 ఫోర్లతో 41) ఆజేయంగా నిలిచి మ్యాచ్‌ను ఫినిష్‌ చేశాడు. అతడితో పాటు పవన్‌ నేగి(21 నాటౌట్‌) రాణించాడు. అయితే భారత కెప్టెన్‌ సచిన్‌ టెండూల్కర్‌ మాత్రం ఈ మ్యాచ్‌లో తన మార్క్‌ను చూపించలేకపోయాడు. సచిన్‌ కేవలం 6 పరుగులు మాత్రమే చేసి ఔటయ్యాడు. ఇక మూడు వికెట్లతో సత్తాచాటిన రాహుల్‌ శర్మకు ప్లేయర్‌ ఆఫ్‌ది మ్యాచ్‌ అవార్డు లభించింది. ఇక భారత​్‌ తమ తదుపరి మ్యాచ్‌లో మార్చి 5న వడోదర వేదికగా ఆస్ట్రేలియాతో తలపడనుంది.చదవండి: Champions Trophy: చరిత్రకు అడుగు దూరంలో విరాట్ కోహ్లి..

ఐసీసీ ఛాంపియ‌న్స్ ట్రోఫీలో దుబాయ్ వేదిక‌గా పాకిస్తాన్‌తో జ‌రిగిన మ్యాచ్‌లో భార‌త స్టార్ బ్యాట‌ర్ విరాట్ కోహ్లి అద్బుత‌మైన సెంచ‌రీతో చెల‌రేగిన సంగ‌తి తెలిసిందే. ఫామ్‌తో లేమితో స‌త‌మ‌తమ‌వుతున్న కోహ్లి.. దాయాదితో జ‌రిగిన మ్యాచ్‌తో త‌న రిథ‌మ్‌ను తిరిగి పొందాడు. 242 ప‌రుగుల ల‌క్ష్య చేధ‌న‌లో ఆఖ‌రి వ‌ర‌కు క్రీజులో నిల‌బ‌డిన కోహ్లి.. వ‌ర‌ల్డ్ క్రికెట్‌లో త‌న‌కు మించిన ఛేజ్ మాస్ట‌ర్ లేడ‌ని మ‌రోసారి నిరూపించుకున్నాడు. కింగ్ కోహ్లి సరిగ్గా 100 ప‌రుగులు చేసి భార‌త విజ‌యంలో కీల‌క పాత్ర పోషించాడు. కోహ్లికి ఇది 51వ వ‌న్డే సెంచ‌రీ. మ్యాచ్ ముగిసి మూడు రోజులు అవుతున్న‌ప్ప‌టికి కోహ్లిపై ఇంకా ప్ర‌శంస‌ల వ‌ర్షం కురుస్తునే ఉంది. తాజాగా ఈ జాబితాలో ఆస్ట్రేలియా క్రికెట్ దిగ్గ‌జం రికీ పాంటింగ్ చేరాడు."వ‌న్డేల్లో విరాట్ కోహ్లి కంటే మెరుగైన ఆట‌గాడిని నేను ఇప్పటివరకు చూడలేదు. అతడు ఇప్పుడు నన్ను (అత్యధిక వన్డే పరుగుల్లో) దాటేశాడు. వన్డేల్లో అత్యధిక పరుగులు చేసిన జాబితాలో అతడి కంటే ముందు కేవలం ఇద్దరు బ్యాటర్లు మాత్రమే ఉన్నారు. కాబట్టి వన్డేల్లో టాప్ రన్ స్కోరర్‌గా నిలవాలని కోహ్లి భావిస్తాడనంలో సందేహం లేదు. కోహ్లి ఎప్పటిలాగే ఫిట్‌గా ఉన్నాడు. భవిష్యత్తులో కూడా ఇదే ఫిట్‌నెస్‌ను మెయింటేన్ చేస్తాడని నేను అనుకుంటున్నాను.అతడికి కష్టపడి పనిచేసే తత్వం ఉంది. అతడు ఇప్ప‌టికీ సచిన్ కంటే 4,000 పరుగులు వెనుకబడి ఉన్నాడు. స‌చిన్‌ను కోహ్లి అధిగిమించలేడ‌ని చెప్ప‌లేం. అత‌డిలో క‌సి ఉంటే క‌చ్చితంగా స‌చిన్‌ను దాట‌గ‌ల‌డు. టీ20 ప్ర‌పంచ‌క‌ప్‌-2022లో పాకిస్తాన్‌పై ఏ విధంగా అయితే కోహ్లి ఆడాడో.. ఇప్ప‌డు ఈ టోర్నీలో కూడా అదే చేశాడు. అత‌డొక ఛాంపియ‌న్ ప్లేయ‌ర్‌. ముఖ్యంగా వైట్‌బాల్ ఫార్మాట్ల‌లో అత‌డిని మించిన వారు లేర‌ని" పాంటింగ్ ఐసీసీ రివ్యూ షోలో పేర్కొన్నాడు.కాగా పాక్‌తో జ‌రిగిన మ్యాచ్‌లో కోహ్లి త‌న 14,000 ప‌రుగుల మైలు రాయిని అందుకున్నాడు. ఇప్ప‌టివ‌ర‌కు 299 మ్యాచ్‌ల్లో కోహ్లి 58.20 స‌గ‌టుతో 14085 ప‌రుగులు చేశాడు. అత‌డి వ‌న్డే కెరీర్‌లో 51 సెంచ‌రీలు ఉన్నాయి. కోహ్లి కంటే ముందు శ్రీలంక మాజీ కెప్టెన్ కుమార సంగక్కర(14234), స‌చిన్(18426) ఉన్నారు.చదవండి: మీ కంటే కోతులు బెట‌ర్‌.. త‌క్కువ‌గా తింటాయి: వసీం అక్రమ్‌

ఇంటర్నేషనల్ మాస్టర్స్ లీగ్‌ టీ20 టోర్నీలో ఇండియా మాస్టర్స్ జట్టు వరుసగా రెండో విజయాన్ని అందుకుంది. ఈ టోర్నీలో భాగంగా మంగళవారం ఇంగ్లండ్‌ మాస్టర్స్‌తో జరిగిన మ్యాచ్‌లో భారత్‌ 9 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ మాస్టర్స్‌ జట్టు నిర్ణీత 20 ఓవర్లలో 8 వికెట్లు కోల్పోయి 132 పరుగులకే పరిమితమైంది.ఇంగ్లండ్‌ బ్యాటర్లలో డారెన్ మాడీ 25 పరుగులతో టాప్‌ స్కోరర్‌గా నిలవగా.. టి అంబ్రోస్‌(23), స్కోఫీల్డ్‌(18), ట్రిమ్‌లెట్‌(16) రాణించారు. ఇంగ్లండ్‌ కెప్టెన్‌ ఇయాన్‌ మెర్గాన్‌తో సహా మిగితా ప్లేయర్లందరూ విఫలమయ్యారు.భారత బౌలర్లలో ధవన్‌ కులకర్ణి అద్బుతమైన ప్రదర్శన కనబరిచాడు. తన నాలుగు ఓవర్ల కోటాలో కులకర్ణి కేవలం 21 పరుగులు మాత్రమే ఇచ్చి 3 వికెట్లు పడగొట్టాడు. అతడితో పాటు అభిమన్యు మిథున్‌, నేగి తలా రెండు వికెట్లు సాధించారు.గుర్‌క్రీత్‌, సచిన్‌ విధ్వంసం​..అనంతరం 133 పరుగుల లక్ష్యాన్ని భారత్‌ కేవలం ఒక్క వికెట్‌ మాత్రమే కోల్పోయి 11.4 ఓవర్లలోనే ఊదిపడేసింది.భారత బ్యాటర్లలో గుర్‌క్రీత్‌ సింగ్‌ మానన్‌(35 బంతుల్లో 10 ఫోర్లు, ఒక సిక్సర్‌తో 63 నాటౌట్‌) టాప్‌ స్కోరర్‌గా నిలిచాడు. అయితే భారత కెప్టెన్‌ సచిన్‌ టెండూల్కర్‌ సైతం మెరుపు ఇన్నింగ్స్‌ ఆడాడు.సచిన్ క్రీజులో ఉన్నంత సేపు తన ట్రేడ్‌ మార్క్‌ షాట్లతో అభిమానులను అలరించాడు. కేవలం 21 బంతులు మాత్రమే ఎదుర్కొన్న లిటిల్‌ మాస్టర్‌.. 5 ఫోర్లు, ఓ సిక్సర్‌తో 34 పరుగులు చేసి ఔటయ్యాడు. అదేవిధంగా ఆఖరిలో వచ్చిన యువరాజ్‌ సింగ్‌ కూడా తన బ్యాట్‌కు పనిచెప్పాడు.యువీ కేవలం 14 బంతుల్లోనే 4 ఫోర్లు, ఒక సిక్సర్‌తో 27 పరుగులు చేసి ఆజేయంగా నిలిచాడు. ఇంగ్లండ్‌ బౌలర్లలో స్కోఫీల్డ్‌ ఒక్కడే ఓ వికెట్‌ సాధించాడు. మిగితా బౌలర్లందరూ చేతులేత్తాశారు. భారత్‌ తమ తదుపరి మ్యాచ్‌లో మార్చి 1న సౌతాఫ్రికాతో తలపడనుంది. Inject this shot into my veins and my neurological problems will go away#SachinTendulkar pic.twitter.com/rJayaBoCbN— AT10 (@Loyalsachfan10) February 25, 2025 pic.twitter.com/rUKfoqsq8z— kuchnahi123@12345678 (@kuchnahi1269083) February 25, 2025

టీమిండియా స్టార్‌ బ్యాటర్‌ విరాట్‌ కోహ్లి ప్రపంచ రికార్డు(Virat Kohli World Record) సాధించాడు. వన్డేల్లో అత్యంత వేగంగా పద్నాలుగు వేల పరుగులు చేసిన తొలి క్రికెటర్‌గా చరిత్రకెక్కాడు. ఈ క్రమంలో దిగ్గజ బ్యాటర్‌, క్రికెట్‌ దేవుడుగా పేరొందిన సచిన్‌ టెండుల్కర్‌(Sachin Tendulkar) ఆల్‌టైమ్‌ రికార్డును కోహ్లి బ్రేక్‌ చేశాడు. పాకిస్తాన్‌తో మ్యాచ్‌ సందర్భంగా ఈ అరుదైన ఘనత సాధించాడు.రాణించిన భారత బౌలర్లుకాగా ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా భారత్‌ ఆదివారం చిరకాల ప్రత్యర్థి పాకిస్తాన్‌ను ఢీకొట్టింది. దుబాయ్‌లో టాస్‌ ఓడి తొలుత ఫీల్డింగ్‌ చేసిన రోహిత్‌ సేన.. రిజ్వాన్‌ బృందాన్ని 241 పరుగులకు కట్టడి చేసింది. టీమిండియా బౌలర్లలో చైనామన్‌ స్పిన్నర్‌ కుల్దీప్‌ యాదవ్‌ అత్యధికంగా మూడు వికెట్లు తీయగా.. పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా రెండు కీలక వికెట్లు కూల్చాడు.మిగతా వాళ్లలో స్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌, రవీంద్ర జడేజా చెరో వికెట్‌ తీయగా.. పేసర్లలో హర్షిత్‌ రాణా కూడా ఒక వికెట్‌ దక్కించుకున్నాడు. ఇక పాక్‌ విధించిన 242 పరుగుల లక్ష్యాన్ని ఛేదించే క్రమంలో భారత ఓపెనర్లు కెప్టెన్‌ రోహిత్‌ శర్మ, శుబ్‌మన్‌ గిల్‌ దూకుడుగా ఇన్నింగ్స్‌ ఆరంభించారు.ఈ క్రమంలో 15 బంతుల్లోనే మూడు ఫోర్లు, ఒక సిక్సర్‌ బాది 20 పరుగులు చేసిన హిట్‌మ్యాన్‌.. పాక్‌ ప్రధాన పేసర్‌ షాహిన్‌ ఆఫ్రిది వేసిన అద్భుత బంతికి బౌల్డ్‌ అయ్యాడు. దీంతో రోహిత్‌ స్థానంలో క్రీజులోకి వచ్చిన కోహ్లి గిల్‌తో కలిసి నిలకడగా ఆడుతూ ఇన్నింగ్స్‌ చక్కదిద్దాడు. అయితే, పాక్‌ స్పిన్నర్‌ అబ్రార్‌ అహ్మద్‌ సూపర్‌ డెలివరీతో గిల్‌(46)ను పెవిలియన్‌కు పంపాడు.తొలి క్రికెటర్‌గా వరల్డ్‌ రికార్డుఈ నేపథ్యంలో సరిగ్గా వంద పరుగులు చేసిన తర్వాత టీమిండియా రెండో వికెట్‌ కోల్పోగా.. కోహ్లి ఆచితూచి ఆడుతూ సహనం ప్రదర్శించాడు. ఈ క్రమంలో పదిహేను పరుగుల వ్యక్తిగత స్కోరు వద్ద కోహ్లి వన్డేల్లో 14000 పరుగుల మైలురాయిని చేరుకున్నాడు. తద్వారా ఈ ఘనత సాధించిన మూడో క్రికెటర్‌గా ఈ రన్‌మెషీన్‌ నిలిచాడు. అంతేకాదు.. అత్యంత వేగంగా అంటే.. తక్కువ ఇన్నింగ్స్‌లోనే ఈ మైల్‌స్టోన్‌ అందుకున్న తొలి క్రికెటర్‌గా వరల్డ్‌ రికార్డు సాధించాడు.కాగా వన్డేల్లో పద్నాలుగు వేల పరుగులు చేయడానికి సచిన్‌ టెండుల్కర్‌కు 350 ఇన్నింగ్స్‌ అవసరమైతే.. కోహ్లి 287వ ఇన్నింగ్స్‌లోనే ఈ ఘనత సాధించడం విశేషం. తద్వారా 300లోపు ఇన్నింగ్స్‌లోనే ఈ ఫీట్‌ నమోదు చేయడం గమనార్హం. ఈ క్రమంలోనే వన్డేల్లో అత్యధిక పరుగుల వీరుల జాబితాలో కోహ్లి మూడో స్థానానికి ఎగబాకాడు. ఇదిలా ఉంటే.. పాక్‌తో మ్యాచ్‌లో శతకంతో లక్ష్య ఛేదన పూర్తి చేసి జట్టును గెలిపించాడు.వన్డేల్లో అత్యధిక పరుగుల వీరులు1.సచిన్‌ టెండుల్కర్‌(ఇండియా)- 18426 రన్స్‌(452 ఇన్నింగ్స్‌)2.కుమార్‌ సంగక్కర(శ్రీలంక)- 14234 రన్స్‌(380 ఇన్నింగ్స్‌)3.విరాట్‌ కోహ్లి(ఇండియా)- 14000+ రన్స్‌(287 ఇన్నింగ్స్‌)*4. రిక్కీ పాంటింగ్‌(ఆస్ట్రేలియా)- 13704 రన్స్‌(365 ఇన్నింగ్స్‌)5. సనత్‌ జయసూర్య(శ్రీలంక)- 13430 రన్స్‌(433 ఇన్నింగ్స్‌).చదవండి: కోహ్లి సరికొత్త చరిత్ర.. భారత్‌ తరఫున తొలి ఆటగాడిగా అరుదైన ఫీట్‌

ఐసీసీ ఛాంపియ‌న్స్ ట్రోఫీ-2025లో భాగంగా దుబాయ్‌ వేదిక‌గా పాకిస్తాన్‌తో జ‌రుగుతున్న మ్యాచ్‌లో టీమిండియా కెప్టెన్ రోహిత్ శ‌ర్మ అరుదైన ఘ‌న‌త సాధించాడు. అంత‌ర్జాతీయ వ‌న్డేల్లో అత్యంత‌వేగంగా 9000 ప‌రుగుల మైలురాయిని అందుకున్న తొలి ఓపెన‌ర్‌గా రోహిత్ వ‌ర‌ల్డ్ రికార్డు సాధించాడు. ఈ మ్యాచ్‌లో ఒక్క పరుగు వ్యక్తిగత స్కోర్ వద్ద రోహిత్ ఈ ఘనతను అందుకున్నాడు.హిట్‌మ్యాన్ ఈ ఫీట్‌ను కేవలం 181 ఇన్నింగ్స్‌లలో సాధించాడు. కాగా ఇప్పటివరకు ఈ రికార్డు భారత క్రికెట్ దిగ్గజం సచిన్ టెండూల్కర్ పేరిట ఉండేది. సచిన్ 197 ఇన్నింగ్స్‌లలో ఈ ఫీట్ సాధించాడు. ఇక ఓవరాల్‌గా ఈ రికార్డు సాధించిన ఆరో ప్లేయర్‌గా హిట్‌మ్యాన్ నిలిచాడు.కాగా వన్డే ఫార్మాట్‌లో రోహిత్ శర్మకు అద్బుతమైన ట్రాక్ రికార్డు ఉంది. ఇప్పటివరకు ఏకంగా తన కెరీర్‌లో మూడు డబుల్ సెంచరీలను రోహిత్ నమోదు చేశాడు. ఓవరాల్‌గా తన కెరీర్‌లో 270 వన్డేలు ఆడిన రోహిత్‌..48.89 సగటుతో 11049 పరుగులు చేశాడు. అతడి ఇన్నింగ్స్‌లలో 32 సెంచరీలు ఉన్నాయి. ఇక పాకిస్తాన్‌తో మ్యాచ్‌లో రోహిత్‌ ‍క్విక్‌ ఇన్నింగ్స్‌ ఆడి ఔటయ్యాడు. 15 బంతుల్లో 3 ఫోర్లు, 1 సిక్సర్‌తో 20 పరుగులు చేశాడు. ఈ హైవోల్టేజ్‌ మ్యాచ్‌లో తొలుత బ్యాటింగ్‌​ చేసిన పాకిస్తాన్‌ 49.4 ఓవర్లలో 241 పరుగులకు ఆలౌటైంది. పాక్‌ బ్యాటర్లలో వన్‌డౌన్‌ బ్యాటర్‌ సౌద్‌ షకీల్‌(62) టాప్‌ స్కోరర్‌గా నిలవగా.. కెప్టెన్‌ రిజ్వాన్‌(46), ఖుష్దిల్‌ షా(38) మెరుగ్గా ఆడారు. ఇక భారత బౌలర్లలో కుల్దీప్‌ యాదవ్‌ మూడు, హార్దిక్‌ పాండ్యా రెండు వికెట్లు తీయగా.. అక్షర్‌ పటేల్‌, రవీంద్ర జడేజా, అక్షర్‌ పటేల్‌ ఒక్కో వికెట్‌ తీశారు.వన్డేల్లో అత్యధిక పరుగులు చేసిన ఓపెనర్లు వీరే..సచిన్ టెండూల్కర్-15310సనత్ జయసూర్య- 12740క్రిస్ గేల్-10179ఆడమ్ గిల్‌క్రిస్ట్- 9200సౌరవ్ గంగూలీ- 9146రోహిత్ శర్మ 9000చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!

అంత‌ర్జాతీయ వ‌న్డేల్లో టీమిండియా కెప్టెన్ రోహిత్ శ‌ర్మ అరుదైన ఘ‌న‌త సాధించాడు. వన్డేల్లో అత్యంతవేగంగా 11000 పరుగుల మైలు రాయిని అందుకున్న రెండో క్రికెటర్‌గా రోహిత్ శర్మ రికార్డులకెక్కాడు. ఛాంపియన్స్ ట్రోఫీ-2025లో భాగంగా దుబాయ్ వేదికగా బంగ్లాదేశ్‌తో జరుగుతున్న మ్యాచ్‌లో రోహిత్ ఈ ఫీట్ సాధించాడు. ఈ ఫీట్‌ను చేరుకోవడానికి రోహిత్‌కు 261 ఇన్నింగ్స్‌లు అవసరమయ్యాయి.ఇంతకుముందు ఈ రికార్డు భారత క్రికెట్ దిగ్గజం సచిన్ టెండూల్కర్ పేరిట ఉండేది. సచిన్ ఈ రికార్డును 276 ఇన్నింగ్స్‌లలో సాధించాడు. తాజా మ్యాచ్‌తో లిటల్‌మాస్టర్ రికార్డును రోహిత్ బ్రేక్ చేశాడు. కాగా ఈ రేర్ ఫీట్ సాధించిన జాబితాలో రన్-మెషీన్ విరాట్ కోహ్లి అగ్రస్ధానంలో ఉన్నాడు. కోహ్లి 2019లో కేవలం 222 ఇన్నింగ్స్‌ల్లోనే ఈ మైలురాయిని చేరుకున్నాడు.రోహిత్‌ ధనాధన్‌ ఇన్నింగ్స్‌..కాగా ఈ మ్యాచ్‌లో రోహిత్‌ శర్మ ధనాధన్‌ ఇన్నింగ్స్‌ ఆడాడు. తొలి రెండు ఓవర్లలో కాస్త ఆచితూచి ఆడిన రోహిత్‌.. మూడో ఓవర్‌ నుంచి బౌండరీల మోత మొదలు పెట్టాడు. కేవలం 36 బంతుల్లో 7 ఫోర్లతో 41 పరుగులు చేసి రోహిత్‌ శర్మ ఔటయ్యాడు. టాస్కిన్‌ ఆహ్మద్‌ బౌలింగ్‌లో భారీ షాట్‌కు ప్రయత్నించి హిట్‌మ్యాన్‌ తన వికెట్‌ను కోల్పోయాడు. ఇక ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్ 49.4 ఓవర్లలో 228 పరుగులకు ఆలౌటైంది.బంగ్లా బ్యాటర్లలో తౌహిద్‌ హ్రిదయ్‌(118 బంతుల్లో 4 ఫోర్లు, 6 సిక్స్‌లతో 100) విరోచిత సెంచరీతో చెలరేగగా.. జాకర్ అలీ(68) ఆర్ధ శతకంతో రాణించాడు. భారత బౌలర్లలో మహ్మద్ షమీ ఫైవ్ వికెట్ హాల్‌తో మెరిశాడు. తన 10 ఓవర్ల కోటాలో షమీ 53 పరుగులిచ్చి 5 వికెట్లు సాధించాడు. అతడితో పాటు హర్షిత్ రాణా మూడు వికెట్లు పడగొట్టాడు.వ‌న్డేల్లో అత్యంత వేగంగా 11000 ప‌రుగులు చేసిన ఆట‌గాళ్లు వీరే..1 - విరాట్ కోహ్లి: 222 ఇన్నింగ్స్‌లు2 - రోహిత్ శర్మ: 261 ఇన్నింగ్స్3 - సచిన్ టెండూల్కర్: 276 ఇన్నింగ్స్4 - రికీ పాంటింగ్: 286 ఇన్నింగ్స్‌లు5 - సౌరవ్ గంగూలీ: 288 ఇన్నింగ్స్చదవండి: Champions Trophy 2025: చరిత్ర సృష్టించిన విరాట్‌ కోహ్లి..

క్రికెట్‌ వర్గాల్లో ఎక్కడ చూసినా చాంపియన్స్‌ ట్రోఫీ-2025(ICC Champions Trophy) గురించే చర్చ. ఈ వన్డే ఫార్మాట్‌ టోర్నమెంట్‌ కోసం అభిమానులతో పాటు మాజీ క్రికెటర్లు కూడా ఆసక్తిగా ఎదురుచూస్తున్నారు. ఈ క్రమంలో ఈ మెగా ఈవెంట్లో సెమీ ఫైనలిస్టులు, ఫైనల్స్‌ చేరే జట్లు, విజేతపై తమ అంచనాలు తెలియజేస్తూ సందడి చేస్తున్నారు.సచిన్‌ టెండ్కులర్‌కు రెండో స్థానంఈ నేపథ్యంలో భారత మాజీ విధ్వంసకర ఓపెనర్‌ వీరేంద్ర సెహ్వాగ్‌(Virender Sehwag) వన్డే క్రికెట్‌లో టాప్‌-5 ఆల్‌టైమ్‌ గ్రేట్‌ బ్యాటర్లు వీరేనంటూ తన అభిప్రాయాలు పంచుకున్నాడు. ఇందులో తన సహచర ఓపెనర్‌, దిగ్గజ ఆటగాడు సచిన్‌ టెండ్కులర్‌(Sachin Tendulkar)కు వీరూ భాయ్‌ రెండో స్థానం ఇవ్వడం విశేషం. మరి ఆ మొదటి ప్లేయర్‌ ఎవరంటారా?!..అప్పుడే తొలిసారిగా చూశానుచాంపియన్స్‌ ట్రోఫీ తాజా ఎడిషన్‌ నేపథ్యంలో క్రిక్‌బజ్‌ షోలో మాట్లాడుతూ.. ‘‘నా ఆల్‌టైమ్‌ గ్రేటెస్ట్‌ వన్డే బ్యాటర్లలో క్రిస్‌ గేల్‌ ఐదో స్థానంలో ఉంటాడు. అతడు గొప్ప బ్యాటర్‌. గొప్ప ఓపెనర్‌ కూడా! 2002-03లో టీమిండియా వెస్టిండీస్‌కు వెళ్లింది. నాటి ఆరు మ్యాచ్‌ల సిరీస్‌లో గేల్‌ మూడు శతకాలు బాదాడు.అంతర్జాతీయ స్థాయిలో ఫాస్ట్‌ బౌలర్ల బౌలింగ్‌లో బ్యాక్‌ ఫుట్‌ షాట్లతో సిక్సర్లు బాదిన క్రికెటర్‌ను నేను అప్పుడే తొలిసారిగా చూశాను’’ అని సెహ్వాగ్‌ గేల్‌పై ప్రశంసలు కురిపించాడు. ఇక నాలుగో స్థానంలో సౌతాఫ్రికా దిగ్గజం ఏబీ డివిలియర్స్‌కు చోటిచ్చిన వీరూ భాయ్‌.. ‘‘డివిలియర్స్‌ బ్యాటింగ్‌ చేసే విధాననం నాకెంతో ఇష్టం. సిక్సర్లు కొట్టడంలో అతడిదొక ప్రత్యేక శైలి’’ అని పేర్కొన్నాడు.అతడిని చూసే నేర్చుకున్నాఅదే విధంగా.. పాకిస్తాన్‌ మాజీ స్టార్‌ ఇంజమామ్‌ ఉల్‌ హక్‌ గురించి ప్రస్తావిస్తూ.. ‘‘ఆసియాలోని అత్యుత్తమ వన్డే బ్యాటర్లలో ఇంజమామ్‌ ఒకడు. అతడు నాలుగో స్థానంలో బ్యాటింగ్‌కు వచ్చేవాడు. మ్యాచ్‌ను ఎలాగోలా తన ఆధీనంలోకి తెచ్చుకునేవాడు.చివరిదాకా ఇన్నింగ్స్‌ ఎలా కొనసాగించాలో నేను అతడిని చూసే నేర్చుకున్నా. ఓవర్‌కు ఏడు లేదంటే ఎనిమిది పరుగులు రాబట్టడం అప్పట్లో చాలా కష్టంతో కూడుకున్న పని. అయితే, ఇంజమామ్‌ మాత్రం మంచినీళ్లు తాగినంత సులువుగా ఇన్నింగ్స్‌ ఆడేవాడు. ఎవరి బౌలింగ్‌లో ఎప్పుడు సిక్సర్లు కొట్టాలన్న విషయంపై అతడికి స్పష్టమైన అవగాహన ఉండేది’’ అని సెహ్వాగ్‌ కొనియాడాడు.సింహంతో కలిసి వేటకు వెళ్తున్నట్లుఇక సచిన్‌ టెండుల్కర్‌ గురించి సెహ్వాగ్‌ మాట్లాడుతూ.. ‘‘ప్రతి ఒక్కరికి అభిమాన క్రికెటర్‌.. నాకు ఆదర్శమూర్తి అయిన సచిన్‌ టెండుల్కర్‌ గురించి చెప్పాలంటే.. ఆయనతో కలిసి బ్యాటింగ్‌కు వెళ్తుంటే... అడవిలో సింహంతో కలిసి వేటకు వెళ్తున్నట్లు ఉండేది.అప్పుడు ప్రతి ఒక్కరి కళ్లు ఆ సింహంపైనే ఉండేవి. నేను సైలెంట్‌గా నా పనిచేసుకుపోయేవాడిని’’ అని అభిమానం చాటుకున్నాడు. ఇక వన్డేల్లో అత్యుత్తమ బ్యాటర్లలో విరాట్‌ కోహ్లికి అగ్రస్థానం ఇచ్చిన సెహ్వాగ్‌.. ‘‘నంబర్‌ వన్‌ విరాట్‌ కోహ్లి. సరైన సమయంలో అద్బుతమైన ఇన్నింగ్స్‌ ఆడటం అతడికి వెన్నతో పెట్టిన విద్య.అతడొక ఛేజ్‌మాస్టర్‌. ఆరంభంలో ఉన్న కోహ్లికి.. ఇప్పటి కోహ్లికి చాలా తేడా ఉంది. రోజురోజుకు అతడు మరింత పరిణతి చెందుతున్నాడు. 2011-12 తర్వాత మాత్రం సూపర్‌స్టార్‌గా ఎదిగాడు. ఫిట్‌నెస్‌, ఆటలో నిలకడ.. ఈ రెండింటిలో తనకు తానే సాటి. అద్భుతమైన ఇన్నింగ్స్‌కు అతడు పెట్టింది పేరు’’అని రన్‌మెషీన్‌పై ప్రశంసల జల్లు కురిపించాడు.వీరేంద్ర సెహ్వాగ్‌ ఆల్‌టైమ్‌ బెస్ట్‌ టాప్‌-5 క్రికెటర్లు1. విరాట్‌ కోహ్లి(ఇండియా)2. సచిన్‌ టెండుల్కర్‌(ఇండియా)3. ఇంజమామ్‌ -ఉల్‌ -హక్‌(పాకిస్తాన్‌)4. ఏబీ డివిలియర్స్‌(సౌతాఫ్రికా)5. క్రిస్‌ గేల్‌(వెస్టిండీస్‌).చదవండి: బంగ్లాదేశ్‌తో మ్యాచ్‌కు భారత తుదిజట్టు ఇదే! రోహిత్‌ కోరుకుంటేనే అతడికి ఛాన్స్‌

స్వ‌దేశంలో ఇంగ్లండ్‌తో వ‌న్డే సిరీస్‌ను క్వీన్ స్వీప్ చేసిన టీమిండియా.. ఇప్పుడు ఐసీసీ ఛాంపియ‌న్స్ ట్రోఫీపై క‌న్నేసింది. ఫిబ్ర‌వ‌రి 19 నుంచి ప్రారంభం కానున్న ఈ మెగా టోర్నీ కోసం భార‌త జ‌ట్టు శ‌నివారం దుబాయ్‌కు ప‌య‌నమైంది.ఈ మెగా ఈవెంట్ పాకిస్తాన్‌, యూఏఈ వేదిక‌ల‌గా హైబ్రిడ్ మోడ‌ల్‌లో జ‌ర‌గ‌నుంది. భార‌త్ ఆడే మ్యాచ్‌ల‌న్నీ దుబాయ్ వేదిక‌గా జ‌ర‌గ‌నున్నాయి. ఈ టోర్నీలో ర‌న్న‌ర‌ప్‌గా బ‌రిలోకి దిగుతున్న టీమిండియా.. ఈసారి ఎలాగైనా ఛాంపియ‌న్స్‌గా తిరిగిరావాల‌ని ప‌ట్టుద‌ల‌తో ఉంది. ఈ మినీ వ‌ర‌ల్డ్‌క‌ప్‌లో భార‌త్ త‌మ తొలి మ్యాచ్‌లో ఫిబ్ర‌వ‌రి 19న దుబాయ్ అంత‌ర్జాతీయ క్రికెట్ స్టేడియం వేదిక‌గా బంగ్లాదేశ్‌తో త‌ల‌ప‌డ‌నుంది.స‌చిన్ రికార్డుపై విరాట్ క‌న్ను..కాగా ఈ మ్యాచ్‌కు ముందు టీమిండియా స్టార్ ప్లేయ‌ర్ విరాట్ కోహ్లి(Virat kohli)ని ఓ అరుదైన రికార్డు ఊరిస్తోంది. బంగ్లాతో మ్యాచ్‌లో కోహ్లి మ‌రో 37 పరుగులు చేస్తే.. వ‌న్డేల్లో అత్యంత‌వేగంగా 14,000 పరుగుల మైలురాయిని అందుకున్న ఆట‌గాడిగా విరాట్ చ‌రిత్ర సృష్టిస్తాడు. ప్ర‌స్తుతం ఈ రికార్డు భార‌త క్రికెట్ దిగ్గ‌జం సచిన్ టెండూల్కర్ పేరిట ఉంది. స‌చిన్ త‌న‌ 350వ వన్డే ఇన్నింగ్స్‌లో పాకిస్తాన్‌పై ఈ ఫీట్‌ను అందుకున్నాడు.కోహ్లి ఇప్పటివరకు 285 ఇన్నింగ్స్‌లలో 13963 పరుగులు చేశాడు. స‌చిన్ త‌ర్వాతి స్ధానంలో శ్రీలంక లెజెండ్ కుమార్ సంగక్కర ఉన్నాడు. సంగ్క‌ర 378 ఇన్నింగ్స్‌ల‌లో 14,000 ప‌రుగుల మైలు రాయిని సాధించాడు. ఈ క్ర‌మంలో తొలి మ్యాచ్‌లో ఈ దిగ్గ‌జాల‌ను కోహ్లి అధిగ‌మించే అవ‌కాశ‌ముంది.అంతేకాకుండా ఈ టోర్నీలో విరాట్‌ మరో 173 పరుగులు సాధిస్తే.. ఐసీసీ ఛాంపియన్స్ ట్రోఫీలో అత్యధిక పరుగులు చేసిన భారత ఆటగాడిగా శిఖర్ ధావన్‌​ రికార్డు కూడా బద్దలు అయ్యే ఛాన్స్ ఉంది. దావన్ ఛాంపియన్స్ ట్రోఫీలో 10 మ్యాచ్‌లు ఆడి 701 పరుగులు చేశాడు. కోహ్లి విషయానికి వస్తే.. 13 మ్యాచ్‌ల్లో 529 పరుగులు చేశాడు. అదేవిధంగా కోహ్లి మరో 263 పరుగులు చేయగలిగితే ఈ టోర్నీలో అత్యధిక పరుగులు చేసిన ఆటగాడిగా వరల్డ్ రికార్డు సృష్టించే అవకాశముంటుంది. ప్రస్తుతం ఈ రికార్డు వెస్టిండీస్ దిగ్గజం క్రిస్ గేల్ పేరిట ఉంది. గిల్ 791 పరుగులతో ఈ టోర్నీలో టాప్ రన్‌స్కోరర్‌గా కొనసాగుతున్నాడు. కాగా ఇంగ్లండ్‌తో జరిగిన ఆఖరి వన్డేలో కోహ్లి హాఫ్‌ సెంచరీ సాధించి తన ఫామ్‌ను తిరిగి అందుకున్నాడు. అదేజోరును ఈ ఐసీసీ ఈవెంట్‌లోనూ కొనసాగించాలని అభిమానులు ఆశిస్తున్నారు.చదవండి: ENG vs IND: రోహిత్ శ‌ర్మకు బిగ్‌ షాక్‌.. టీమిండియా కెప్టెన్‌గా స్టార్‌ ప్లేయర్‌?

ఫిబ్రవరి 22 నుంచి భారత్‌లో జరుగనున్న ఇంటర్నేషనల్‌ మాస్టర్స్‌ లీగ్‌ (International Masters League) అరంభ ఎడిషన్‌ (2025) కోసం భారత్‌ (Indian Masters), శ్రీలంక (Sri Lanka Masters) జట్లను ఇవాళ (ఫిబ్రవరి 14) ప్రకటించారు. ఈ టోర్నీలో భారత మాస్టర్స్‌ జట్టుకు సచిన్‌ టెండూల్కర్‌ (Sachin Tendulkar) నాయకత్వం వహించనుండగా.. శ్రీలంక మాస్టర్స్‌కు కుమార సంగక్కర (Kumara Sangakkar) సారధిగా ఉంటాడు.భారత మాస్టర్స్‌ జట్టులో సచిన్‌తో పాటు యువరాజ్‌ సింగ్‌, సురేశ్‌ రైనా, ఇర్ఫాన్‌ పఠాన్‌, యూసఫ్‌ పఠాన్‌, అంబటి రాయుడు తదితర మాజీ స్టార్‌ ఆటగాళ్లు పాల్గొననున్నారు. శ్రీలంక మాస్టర్స్‌ జట్టులో సంగక్కర, కలువితరణ, ఉపుల్‌ తరంగ తదితర స్టార్లు పాల్గొంటున్నారు.ఇంటర్నేషనల్‌ మాస్టర్స్‌ లీగ్‌లో మొత్తం ఆరు జట్లు పాల్గొంటున్నాయి. భారత్‌, ఆస్ట్రేలియా, ఇంగ్లండ్‌, సౌతాఫ్రికా, శ్రీలంక, వెస్టిండీస్‌ జట్లకు చెందిన మాజీలు, దిగ్గజాలు ఈ టోర్నీలో పాల్గొంటారు. ఆస్ట్రేలియా, ఇంగ్లండ్‌, సౌతాఫ్రికా, వెస్టిండీస్‌ జట్లను ప్రకటించాల్సి ఉంది. వెస్టిండీస్‌కు బ్రియాన్‌ లారా, ఆస్ట్రేలియాకు షేన్‌ వాట్సన్‌, సౌతాఫ్రికాకు జాక్‌ కల్లిస్‌, ఇంగ్లండ్‌కు ఇయాన్‌ మోర్గాన్‌ సారథ్యం వహించనున్నారు.ఈ టోర్నీలో వెస్టిండీస్‌ తరఫున క్రిస్‌ గేల్‌, సౌతాఫ్రికా తరఫున మఖాయ ఎన్తిని, ఇంగ్లండ్‌ తరఫున మాంటి పనేసర్‌ లాంటి మాజీ స్టార్లు పాల్గొంటున్నారు. ఇంటర్నేషనల్‌ మాస్టర్స్‌ లీగ్‌ మొత్తం మూడు వేదికల్లో నిర్వహించబడుతుంది. మొదటి ఐదు మ్యాచ్‌లు నవీ ముంబైలో జరుగనుండగా.. ఆతర్వాతి ఆరు మ్యాచ్‌లకు రాజ్‌కోట్‌ వేదిక కానుంది. చివరి ఏడు మ్యాచ్‌లతో పాటు నాకౌట్‌ మ్యాచ్‌లు రాయ్‌పూర్‌లో జరుగనున్నాయి.ఇంటర్నేషనల్‌ మాస్టర్స్‌ లీగ్‌ ఆరంభ ఎడిషన్‌ రౌండ్‌ రాబిన్‌ పద్దతిలో జరుగనుంది. ఈ దశలో ‍ప్రతి జట్టు మిగతా ఐదు జట్లతో తలో మ్యాచ్‌ ఆడుతుంది. రౌండ్‌ రాబిన్‌ దశ అనంతరం మొదటి నాలుగు స్థానాల్లో ఉండే జట్లు సెమీఫైనల్స్‌కు అర్హత సాధిస్తాయి. సెమీస్‌లో విజేతలు మార్చి 16న రాయ్‌పూర్‌లో జరిగే ఫైనల్లో అమీతుమీ తేల్చుకుంటాయి.ఈ టోర్నీలోని మ్యాచ్‌లన్నీ డిస్నీ ప్లస్‌ హాట్‌స్టార్‌లో లైవ్‌ స్ట్రీమింగ్‌ అవుతాయి. కలర్స్‌ సినీప్లెక్స్‌ (SD & HD), కలర్స్‌ సినీప్లెక్స్‌ సూపర్‌హిట్స్‌లో ప్రత్యక్ష ప్రసారమవుతాయి. మ్యాచ్‌లన్నీ రాత్రి 7:30 గంటల​కు మొదలవుతాయి. టోర్నీ తొలి మ్యాచ్‌లో శ్రీలంక.. భారత జట్టుతో తలపడుతుంది.ఇంటర్నేషనల్‌ మాస్టర్స్‌ లీగ్‌లో భారత మాస్టర్స్‌ జట్టు: సచిన్‌ టెండూల్కర్‌ (కెప్టెన్‌), యువరాజ్‌ సింగ్‌, సురేశ్‌ రైనా, ఇర్ఫాన్‌ పఠాన్‌, యూసఫ్‌ పఠాన్‌, అంబటి రాయుడు, రాహుల్‌ శర్మ, షాబాజ్‌ నదీమ్‌, నమన్‌ ఓఝా (వికెట్‌కీపర్‌), స్టువర్ట్‌ బిన్నీ, వినయ్‌ కుమార్‌, ధవల్‌ కులకర్ణి, పవన్‌ నేగి, గురుకీరత్‌ మాన్‌, అభిమన్యు మిధున్‌శ్రీలంక మాస్టర్స్‌ జట్టు: కుమార సంగక్కర (కెప్టెన్‌), రొమేశ్‌ కలువితరణ (వికెట్‌కీపర్‌), అషాన్‌ ప్రియరంజన్‌, ఉపుల్‌ తరంగ, లహీరు తిరుమన్నే, చింతక జయసింఘే, సీక్కుగే ప్రసన్న, జీవన్‌ మెండిస్‌, ఇసురు ఉడాన, దిల్‌రువన్‌ పెరీరా, చతురంగ డిసిల్వ, సురంగ లక్మల్‌, నువాన్‌ ప్రదీప్‌, దమ్మిక ప్రసాద్‌, అసేల గణరత్నే

క్రికెట్‌ చరిత్రలో సచిన్‌ టెండూల్కర్‌ (Sachin Tendulkar), విరాట్‌ కోహ్లి (Virat Kohli) సాధించలేని ఘనతలు చాలా తక్కువగా ఉంటాయి. అలాంటి వాటిలో ఓ ఘనతను ఇవాళ ఐర్లాండ్‌తో జరిగిన మ్యాచ్‌లో జింబాబ్వే ఆటగాడు బ్రియాన్‌ బెన్నెట్‌ (Brian Bennett) సాధించాడు. బెన్నెట్‌.. 22 ఏళ్లు నిండకముందే (21 ఏళ్ల 96 రోజులు) వన్డేల్లో 150 ప్లస్‌ స్కోర్‌ సాధించాడు. దిగ్గజ బ్యాటర్లు సచిన్‌, విరాట్‌ ఇంత చిన్న వయసులో ఈ ఘనతను సాధించలేదు. విరాట్‌ 23 ఏళ్ల 134 రోజుల వయసులో .. సచిన్‌ 26 ఏళ్ల 198 రోజుల వయసులో 150 ప్లస్‌ స్కోర్‌ సాధించారు.వన్డే క్రికెట్‌ చరిత్రలో బ్రియాన్‌ కంటే చిన్న వయసులో 150 ప్లస్‌ స్కోర్‌ చేసిన బ్యాటర్లు కేవలం ముగ్గురు మాత్రమే ఉన్నారు. వీరిలో ఐర్లాండ్‌ ఆటగాడు పాల్‌ స్టిర్లింగ్‌ (20 ఏళ్ల 4 రోజులు) అత్యంత చిన్న వయసులో ఈ ఘనత సాధించగా.. బంగ్లాదేశ్‌ ఆటగాడు తమీమ్‌ ఇక్బాల్‌ (20 ఏళ్ల 149 రోజులు), ఆఫ్ఘనిస్తాన్‌ ఆటగాడు ఇబ్రహీం జద్రాన్‌ (20 ఏళ్ల 353 రోజులు) ఆతర్వాతి ఉన్నారు. తాజాగా బ్రియాన్‌ వన్డేల్లో 150 ప్లస్‌ స్కోర్‌ సాధించిన నాలుగో అత్యంత పిన్న వయస్కుడిగా రికార్డుల్లోకెక్కాడు.ఐర్లాండ్‌తో ఇవాళ (ఫిబ్రవరి 14) జరుగుతున్న వన్డేలో బ్రియాన్‌ 163 బంతుల్లో 20 ఫోర్లు, 3 సిక్సర్ల సాయంతో 169 పరుగులు చేశాడు. కెరీర్‌లో కేవలం ఏడో వన్డేలోనే బ్రియాన్‌ రికార్డు సెంచరీ సాధించాడు. జింబాబ్వే తరఫున వన్డేల్లో 150 పరుగుల మార్కును తాకిన ఐదో క్రికెటర్‌గా బ్రియాన్‌ రికార్డుల్లోకెక్కాడు. దీనికి ముందు బ్రియాన్‌ జింబాబ్వే తరఫున టెస్ట్‌ల్లో సెంచరీ చేసిన రెండో అత్యంత పిన్న వయస్కుడిగానూ రికార్డు నెలకొల్పాడు.మూడు మ్యాచ్‌ల వన్డే సిరీస్‌లో భాగంగా ఐర్లాండ్‌తో ఇవాళ జరుగుతున్న తొలి వన్డేలో జింబాబ్వే తొలుత బ్యాటింగ్‌ చేస్తూ నిర్ణీత 50 ఓవర్లలో 5 వికెట్ల నష్టానికి 299 పరుగులు చేసిం​ది. ఓపెనర్‌ బ్రియాన్‌ బెన్నెట్‌ భారీ సెంచరీతో కదంతొక్కగా.. కెప్టెన్‌ క్రెయిగ్‌ ఐర్విన్‌ (66) అర్ద సెంచరీతో రాణించాడు. మరో ఓపెనర్‌ బెన్‌ కర్రన్‌ 28, సికందర్‌ రజా 8, మెదెవెరె 8, జోనాథన్‌ క్యాంప్‌బెల్‌ (అలిస్టర్‌ క్యాంప్‌బెల్‌ కొడుకు) 6, మరుమణి 2 పరుగులతో అజేయంగా నిలిచారు. ఐర్లాండ్‌ బౌలర్లలో మార్క్‌ అదైర్‌ 2, జాషువ లిటిల్‌, హ్యూమ్‌, ఆండీ మెక్‌బ్రైన్‌ తలో వికెట్‌ పడగొట్టారు.అనంతరం 300 పరుగుల లక్ష్యాన్ని ఛేదించేందుకు బరిలోకి దిగిన ఐర్లాండ్‌ 31 ఓవర్ల అనంతరం 3 వికెట్లు కోల్పోయి 154 పరుగులు చేసింది. ఐర్లాండ్‌ ఇన్నింగ్స్‌లో ఆండ్రూ బల్బిర్నీ డకౌట్‌ కాగా.. పాల్‌ స్టిర్లింగ్‌ 32, కర్టిస్‌ క్యాంపర్‌ 44 పరుగులు చేసి ఔటయ్యారు. హ్యారీ టెక్టార్‌ (33), లోర్కాన్‌ టక్కర్‌ (30) క్రీజ్‌లో ఉన్నారు. జింబాబ్వే బౌలర్లలో రిచర్డ్‌ నగరవ, బ్లెస్సింగ్‌ ముజరబానీ, సికందర్‌ రజా తలో వికెట్‌ పడగొట్టారు.

టీమిండియా కెప్టెన్‌ రోహిత్‌ శర్మ(Rohit Sharma) చరిత్ర సృష్టించాడు. భారత్‌ తరఫున అత్యధిక పరుగులు చేసిన రెండో ఓపెనర్‌గా రికార్డులకెక్కాడు. ఈ క్రమంలో భారత బ్యాటింగ్‌ దిగ్గజం సచిన్‌ టెండుల్కర్‌(Sachin Tendulkar)ను అధిగమించాడు. ఇంగ్లండ్‌తో రెండో వన్డే(India vs England) సందర్భంగా ఈ ఘనత సాధించాడు. అదే విధంగా.. ఈ మ్యాచ్‌లో శతక్కొట్టడం ద్వారా మరిన్ని రికార్డులను హిట్‌మ్యాన్‌ తన ఖాతాలో వేసుకున్నాడు.అద్భుత ఇన్నింగ్స్‌కాగా రోహిత్‌ శర్మ గత కొంతకాలంగా పేలవ ఫామ్‌తో విమర్శలు మూటగట్టుకుంటున్న విషయం తెలిసిందే. ముఖ్యంగా టెస్టుల్లో కెప్టెన్‌గా, బ్యాటర్‌గా దారుణంగా విఫలమైన అతడు రిటైర్‌ అయిపోవాలంటూ డిమాండ్లు వెల్లువెత్తాయి. అయితే, ఇంగ్లండ్‌తో కటక్‌ వన్డేలో తనదైన శైలిలో విధ్వంసకర బ్యాటింగ్‌తో విరుచుకుపడి.. విమర్శించినవాళ్లే ప్రశంసించేలా రోహిత్‌ అద్భుత ఇన్నింగ్స్‌ ఆడాడు.వన్డే కెరీర్‌లోనే రెండో ఫాస్టెస్ట్‌ సెంచరీబరాబతి స్టేడియంలో లక్ష్య ఛేదనలో ఆరంభం నుంచే దూకుడుగా ఆడాడు రోహిత్‌ శర్మ. ఫ్లడ్‌లైట్ల సమస్య కారణంగా కాసేపు అవాంతరాలు ఎదురైనా.. అతడి ఏకాగ్రత చెదరలేదు. ఒంటిమీదకు బాణాల్లా దూసుకువస్తున్న ఇంగ్లండ్‌ ఫాస్ట్‌బౌలర్ల బంతులను సమర్థవంతంగా ఎదుర్కొన్న రోహిత్‌ శర్మ తన వన్డే కెరీర్‌లోనే రెండో ఫాస్టెస్ట్‌ సెంచరీని నమోదు చేశాడు.డెబ్బై ఆరు బంతుల్లోనే శతకం పూర్తి చేసుకున్న రోహిత్‌ శర్మ ఇన్నింగ్స్‌లో ఏకంగా పన్నెండు ఫోర్లు, ఏడు సిక్సర్లు ఉన్నాయి. అయితే, లియామ్‌ లివింగ్‌స్టోన్‌ బౌలింగ్‌లో ఆదిల్‌ రషీద్‌కు క్యాచ్‌ ఇవ్వడంతో హిట్‌మ్యాన్‌ ధనాధన్‌ ఇన్నింగ్స్‌కు తెరపడింది.ఇక ఈ మ్యాచ్‌ సందర్భంగా రోహిత్‌ శర్మ అంతర్జాతీయ క్రికెట్‌లో టీమిండియా తరఫున అత్యధిక పరుగులు చేసిన రెండో ఓపెనర్‌గా నిలిచాడు. మూడు ఫార్మాట్లలో కలిపి ఓపెనర్‌గా రోహిత్‌ శర్మ ఇప్పటి వరకు 15404 పరుగులు చేశాడు. తద్వారా సచిన్‌ టెండుల్కర్‌ను అధిగమించాడు.కాగా ఓపెనర్‌గా సచిన్‌ టెండుల్కర్‌ 15335 పరుగులు చేశాడు. మరోవైపు.. ఈ జాబితాలో విధ్వంసకర మాజీ ఓపెనర్‌ వీరేంద్ర సెహ్వాగ్‌ 15758 పరుగులతో అగ్రస్థానంలో కొనసాగుతున్నాడు. అతడి తర్వాతి స్థానంలోకి ఇప్పుడు రోహిత్‌ దూసుకువచ్చాడు. కాగా 2007లో అరంగేట్రం చేసిన రోహిత్‌.. 2013లో ఓపెనర్‌గా ప్రమోట్‌ అయ్యాడు.ద్రవిడ్‌ను అధిగమించివన్డేల్లో అత్యధిక పరుగులు చేసిన భారత క్రికెటర్ల జాబితాలో రోహిత్‌ శర్మ (267 వన్డేల్లో 10,987 పరుగులు) నాలుగో స్థానానికి ఎగబాకాడు. ఇప్పటి వరకు నాలుగో స్థానంలో ఉన్న రాహుల్‌ ద్రవిడ్‌ (344 వన్డేల్లో 10,889 పరుగులు) ఐదో స్థానానికి చేరాడు. టాప్‌–3లో సచిన్‌ టెండూల్కర్‌ (463 వన్డేల్లో 18,246 పరుగులు), విరాట్‌ కోహ్లి (296 వన్డేల్లో 13,911 పరుగులు), సౌరవ్‌ గంగూలీ (311 వన్డేల్లో 11,363 పరుగులు) ఉన్నారు.32వ శతకంవన్డేల్లో రోహిత్‌ శర్మ సెంచరీలు 32. తద్వారా అత్యధిక సెంచరీలు చేసిన క్రికెటర్ల జాబితాలో రోహిత్‌ మూడో స్థానంలో ఉన్నాడు. టాప్‌–2లో విరాట్‌ కోహ్లి (50), సచిన్‌ టెండూల్కర్‌ (49) ఉన్నారు.ఇక ఈ మ్యాచ్‌ విషయానికొస్తే.. కటక్‌లో ఆదివారం జరిగిన రెండో వన్డేలో ఇంగ్లండ్‌ టాస్‌ గెలిచి తొలుత బ్యాటింగ్‌ చేసింది. 49.5 ఓవర్లలో 304 పరుగులకు బట్లర్‌ బృందం ఆలౌట్‌ అయింది. అనంతరం లక్ష్య ఛేదనకు దిగిన రోహిత్‌ సేన 44.3 ఓవర్లలోనే పనిపూర్తి చేసింది. ఆరు వికెట్ల నష్టానికి 308 పరుగులు చేసిన భారత్‌.. నాలుగు వికెట్ల తేడాతో గెలిచింది. తద్వారా మరో మ్యాచ్‌ మిగిలి ఉండగానే వన్డే సిరీస్‌ను 2-0తో కైవసం చేసుకుంది. భారత్‌- ఇంగ్లండ్‌ మధ్య నామమాత్రపు మూడో వన్డే అహ్మదాబాద్‌ వేదికగా బుధవారం జరుగుతుంది.చదవండి: జట్టు కోసం కొన్ని పరుగులు చేశా.. అతడొక క్లాసీ ప్లేయర్‌: రోహిత్‌ శర్మ

ఇంగ్లండ్‌తో వన్డే సిరీస్‌కు ముందు టీమిండియా కెప్టెన్‌ (Team India Captain) రోహిత్‌ శర్మను (Rohit Sharma) ఓ భారీ రికార్డు ఊరిస్తుంది. ఈ సిరీస్‌లో హిట్‌మ్యాన్‌ మరో 134 పరుగులు చేస్తే, విరాట్‌ కోహ్లి (Virat Kohli) తర్వాత వన్డేల్లో అత్యంత వేగంగా 11,000 పరుగులు పూర్తి చేసిన ఆటగాడిగా రికార్డుల్లోకెక్కుతాడు. ఈ రికార్డు సాధించేందుకు రోహిత్‌కు మరో 19 ఇన్నింగ్స్‌ల సమయం ఉంది.ప్రస్తుతం రోహిత్‌ 257 వన్డే ఇన్నింగ్స్‌ల్లో 31 సెంచరీలు, 57 అర్ద సెంచరీల సాయంతో 10866 పరుగులు చేశాడు. విరాట్‌ వన్డేల్లో 11,000 పరుగులను 222 ఇన్నింగ్స్‌ల్లోనే పూర్తి చేశాడు. వన్డేల్లో వేగంగా 11,000 పరుగులు పూర్తి చేసిన ఆటగాళ్ల జాబితాలో విరాట్‌ తర్వాతి స్థానంలో సచిన్‌ టెండూల్కర్‌ ఉన్నాడు. సచిన్‌ 276 ఇన్నింగ్స్‌ల్లో ఈ మైలురాయిని అధిగమించాడు. రోహిత్‌ మరో 19 ఇన్నింగ్స్‌ల్లో 134 పరుగులు చేస్తే సచిన్‌ను వెనక్కు నెట్టి విరాట్‌ తర్వాతి స్థానాన్ని ఆక్రమిస్తాడు.కాగా, ఇంగ్లండ్‌తో వన్డే సిరీస్‌తో రోహిత్‌ శర్మ ఈ ఏడాది తొలిసారి టీమిండియా తరఫున బరిలోకి దిగనున్నాడు. జనవరి ప్రారంభంలో ఆస్ట్రేలియాతో జరిగిన టెస్ట్‌ మ్యాచ్‌లో రోహిత్‌ బరిలోకి దిగలేదు. ఫామ్‌లేమి కారణంగా రోహిత్‌ వాలంటీర్‌గా ఆ మ్యాచ్‌ నుంచి తప్పుకున్నాడు. అనంతరం ఈ ఏడాది భారత్‌ ఇంగ్లండ్‌తో టీ20 సిరీస్‌ ఆడింది. గతేడాది టీ20 వరల్డ్‌కప్‌ అనంతరం రోహిత్‌ పొట్టి ఫార్మాట్‌కు రిటైర్మెంట్‌ ప్రకటించడంతో ఈ సిరీస్‌లో ఆడలేదు. ఈ ఏడాది ఫిబ్రవరి 6న ఇంగ్లండ్‌తో జరుగబోయే తొలి వన్డే రోహిత్‌కు ఈ ఏడాది భారత్‌ తరఫున తొలి మ్యాచ్‌ అవుతుంది.రంజీల్లోనూ నిరాశేఇంగ్లండ్‌తో టీ20 సిరీస్‌ జరిగే సమయంలో రోహిత్‌ రంజీ బరిలోకి దిగాడు. ఖాళీగా ఉన్న సమయంలో టీమిండియా క్రికెటర్లంతా రంజీల్లో ఆడాలని బీసీసీఐ అల్టిమేటం జారీ చేసిన విషయం తెలిసిందే. సుదీర్ఘ విరామం అనంతరం రంజీ మ్యాచ్‌ ఆడిన రోహిత్‌ ఘోరంగా విఫలమయ్యాడు. గతేడాది నుంచి పెద్దగా ఫామ్‌లో లేని రోహిత్‌ రంజీ మ్యాచ్‌తో అయినా తిరిగి టచ్‌లోకి రావాలని భావించాడు. కానీ రోహిత్‌కు అక్కడ కూడా నిరాశే ఎదురైంది.ఫిబ్రవరి 6 నుంచి మొదలుఇంగ్లండ్‌తో మూడు మ్యాచ్‌ల వన్డే సిరీస్‌ ఫిబ్రవరి 6 నుంచి మొదలవుతుంది. తొలి మ్యాచ్‌ నాగ్‌పూర్‌ వేదికగా జరుగనుంది. అనంతరం ఫిబ్రవరి 9, 12 తేదీల్లో రెండు, మూడు వన్డేలు జరుగనున్నాయి. ఈ మ్యాచ్‌లను కటక్‌, అహ్మదాబాద్‌ వేదిక కానుంది. ఈ మూడు మ్యాచ్‌లు మధ్యాహ్నం 1:30 గంటల నుంచి ప్రారంభమవుతాయి.చిత్తుగా ఓడిన ఇంగ్లండ్‌వన్డే సిరీస్‌కు ముందు ఇంగ్లండ్‌ భారత్‌తో ఐదు మ్యాచ్‌ల టీ20 సిరీస్‌ ఆడింది. ఈ సిరీస్‌ను టీమిండియా 4-1 తేడాతో కైవసం చేసుకుంది. తాజాగా ముగిసిన చివరి టీ20లో భారత్‌ 150 పరుగుల తేడాతో ఘన విజయం సాధించింది. ఈ మ్యాచ్‌లో అభిషేక్‌ శర్మ విధ్వంసకర శతకంతో విరుచుకుపడ్డాడు. అనంతరం బౌలర్లు తలో చేయి వేసి భారత్‌కు ఘన విజయాన్ని అందించారు.

స్వదేశంలో ఐదు మ్యాచ్‌ల టీ20 సిరీస్‌లో ఇంగ్లండ్‌ను మట్టి కరిపించిన టీమిండియా.. ఇప్పుడు అదే జట్టుతో వన్డేల్లో తలపడేందుకు సిద్దమైంది. ఐసీసీ ఛాంపియన్స్ ట్రోఫీ-2025 సన్నహాకాల్లో భాగంగా భారత జట్టు ఇంగ్లండ్‌తో మూడు వన్డేల సిరీస్ ఆడనుంది. ఈ సిరీస్‌లో భాగంగా తొలి వన్డే నాగ్‌పూర్ వేదికగా గురువారం(ఫిబ్రవరి 6) జరగనుంది. ఈ మ్యాచ్ కోసం ఇప్పటికే నాగ్‌పూర్‌కు చేరుకున్న ఇరు జట్లు నెట్స్‌లో తీవ్రంగా శ్రమిస్తున్నాయి. ఈ వన్డే సిరీస్‌కు టీమిండియా కెప్టెన్ రోహిత్ శర్మతో పాటు విరాట్ కోహ్లి, రిషబ్ పంత్‌, శ్రేయస్ అయ్యర్ వంటి స్టార్ ఆట‌గాళ్లు జ‌ట్టులోకి తిరిగొచ్చారు. మ‌రోవైపు ఇంగ్లండ్ జ‌ట్టులోకి సీనియ‌ర్ ఆట‌గాడు జో రూట్ ఎంట్రీ ఇచ్చాడు. ఇక ఈ మ్యాచ్‌కు ముందు విరాట్ కోహ్లికి ఓ అరుదైన రికార్డు ఊరిస్తోంది.స‌చిన్ రికార్డుపై క‌న్నేసిన కోహ్లి..నాగ్‌పూర్ వ‌న్డేలో కోహ్లి మ‌రో 96 ర‌న్స్‌ చేస్తే.. అత్యంత‌వేగంగా వ‌న్డేల్లో 14,000 పరుగుల మైలురాయిని అందుకున్న ఆట‌గాడిగా విరాట్ రికార్డుల‌కెక్కుతాడు. ప్ర‌స్తుతం ఈ రికార్డు భార‌త క్రికెట్ దిగ్గ‌జం సచిన్ టెండూల్కర్ పేరిట ఉంది. స‌చిన్ త‌న‌ 350వ వన్డే ఇన్నింగ్స్‌లో పాకిస్తాన్‌పై ఈ ఫీట్‌ను అందుకున్నాడు. కోహ్లి విష‌యానికి వ‌స్తే.. 283 వన్డే ఇన్నింగ్స్‌లలో 58.18 సగటుతో 13906 పరుగులు చేశాడు. స‌చిన్ త‌ర్వాతి స్ధానంలో శ్రీలంక లెజెండ్ కుమార్ సంగక్కర ఉన్నాడు. సంగ్క‌ర 378 ఇన్నింగ్స్‌ల‌లో 14,000 ప‌రుగుల మైలు రాయిని సాధించాడు. ఈ క్ర‌మంలో తొలి వ‌న్డేల్లో వీరిద్ద‌రి దిగ్గ‌జాల‌ను కోహ్లి అధిగ‌మించే అవ‌కాశ‌ముంది. కాగా వ‌న్డే ప్ర‌పంచ‌క‌ప్‌-2023 త‌ర్వాత కోహ్లి కేవ‌లం మూడు వ‌న్డేలు మాత్ర‌మే ఆడాడు. ఆ మూడు మ్యాచ్‌ల్లో 19.33 సగటుతో 58 (24, 14 మరియు 20)పరుగులు చేశాడు. అయితే కోహ్లి ప్ర‌స్తుతం చెప్పుకొద‌గ్గ ఫామ్‌లో అయితే లేడు. ఆస్ట్రేలియాతో జ‌రిగిన టెస్టు సిరీస్‌లో తీవ్ర నిరాశ‌ప‌రిచిన కోహ్లి.. 12 ఏళ్ల త‌ర్వాత రంజీ ట్రోఫీ బ‌రిలోకి కూడా దిగాడు. అక్క‌డ కూడా కింగ్ కోహ్లి నిరాశ‌ప‌రిచాడు. కేవ‌లం 6 ప‌రుగులు మాత్ర‌మే చేసి ఔట‌య్యాడు. దీంతో క‌నీసం ఇంగ్లండ్‌తో వ‌న్డే సిరీస్‌తోనైనా కోహ్లి త‌న ఫామ్‌ను అందుకోవాల‌ని అతడి అభిమానులు ఆశిస్తున్నారు.జట్లుభారత్: రోహిత్ శర్మ, శుభ్‌మన్ గిల్, విరాట్ కోహ్లీ, శ్రేయస్ అయ్యర్, కేఎల్ రాహుల్, హార్దిక్ పాండ్యా, అక్షర్ పటేల్, వాషింగ్టన్ సుందర్, కుల్దీప్ యాదవ్, హర్షిత్ రాణా, జస్‌ప్రీత్ బుమ్రా, మహమ్మద్ షమీ, అర్ష్‌దీప్ సింగ్, యశస్వి జైస్వాల్, రిషభ్ పంత్, రవీంద్ర జడేజాఇంగ్లండ్: హ్యారీ బ్రూక్, బెన్ డకెట్, జోరూట్, జాకోబ్ బెతెల్, లియామ్ లివింగ్‌స్టోన్, బ్రైడన్ కార్స్, జేమీ ఓవర్టన్, జోస్ బట్లర్, జేమీ స్మిత్, ఫిలిప్ సాల్ట్, జోఫ్రా ఆర్చర్, గస్ అట్కిన్సన్, ఆదిల్ రషీద్, సకీబ్ మహ్మూద్, మార్క్ వుడ్.చదవండి: సూర్యకుమార్‌.. అందుకు సమయం అసన్నమైంది: అశ్విన్‌

భారత క్రికెట్‌ నియంత్రణ మండలి(బీసీసీఐ) నమన్‌ అవార్డుల(BCCI Naman Awards 2025) వేడుక శనివారం ముంబైలో ఘనంగా జరిగింది. ఈ సందర్భంగా భారత క్రికెట్‌ దిగ్గజం, శతక శతకాల ధీరుడు సచిన్‌ టెండుల్కర్‌(Sachin Tendulkar)ను బీసీసీఐ జీవిత సాఫల్య పురస్కారంతో సత్కరించింది. అదే విధంగా.. గతేడాది అత్యుత్తమ ప్రదర్శన కనబరిచిన క్రికెటర్లకు ఈ సందర్భంగా పురస్కారాలు అందజేశారు. పురుషుల ఉత్తమ అంతర్జాతీయ క్రికెటర్‌ విభాగంలో పేస్‌ బౌలర్‌ జస్‌ప్రీత్‌ బుమ్రా(Jasprit Bumrah)కు అవార్డు దక్కింది. అన్ని ఫార్మాట్లలోనూ గతేడాది అద్బుతమైన ప్రదర్శన కనబరిచిన బుమ్రాకు బీసీసీఐ ‘పాలీ ఉమ్రిగర్‌ బెస్ట్‌ క్రికెటర్‌’ అవార్డు అందజేసింది.అదే విధంగా.. మహిళల క్రికెట్‌లో స్మృతి మంధానకు ‘పాలీ ఉమ్రిగర్‌ బెస్ట్‌ క్రికెటర్‌' దక్కింది. ఇక భారత లెజెండరీ స్పిన్నర్‌, ఇటీవలే రిటైర్మెంట్‌ ప్రకటించిన రవిచంద్రన్‌ అశ్విన్‌ను ప్రత్యేక పురస్కారంతో బీసీసీఐ సత్కరించింది. మూడు ఫార్మాట్లలో కలిపి 765 వికెట్లు తీసిన అశూ సేవలకు గుర్తింపుగా అవార్డు అందజేసింది.ఇక ఈ అవార్డుల ప్రదానోత్సవంలో టీమిండియా కెప్టెన్‌ రోహిత్‌ శర్మ, ఆల్‌రౌండర్‌ హార్దిక్‌ పాండ్యా, మహిళా క్రికెటర్లు స్మృతి మంధాన, జెమీమా రోడ్రిగ్స్‌ ప్రత్యేక ఆకర్షణగా నిలిచారు. ప్రముఖ కామెంటేటర్‌ హర్షా భోగ్లే ఈ ఈవెంట్‌కు వ్యాఖ్యాతగా వ్యవహరించారు. ఈ కార్యక్రమంలో మొత్తంగా 26 మంది క్రికెటర్లు పురస్కారాలు అందుకున్నారు.బీసీసీఐ నమన్‌ అవార్డులు-2025: విజేతల పూర్తి జాబితా1. జగ్మోహన్ దాల్మియా ట్రోఫీ: 2023-24 ఉత్తమ మహిళా క్రికెటర్ (జూనియర్ డొమెస్టిక్) [పతకం] - ఈశ్వరి అవసరే2. జగ్మోహన్ దాల్మియా ట్రోఫీ: 2023-24 ఉత్తమ మహిళా క్రికెటర్ (సీనియర్ డొమెస్టిక్) (సీనియర్ మహిళల వన్డే) [పతకం] - ప్రియా మిశ్రా3. జగ్మోహన్ దాల్మియా ట్రోఫీ: 2023-24లో విజయ్ మర్చంట్ ట్రోఫీలో అత్యధిక వికెట్లు తీసిన బౌలర్‌ (అండర్-16) [పతకం] - హేమచుదేశన్ జగన్నాథన్4. జగ్మోహన్ దాల్మియా ట్రోఫీ: 2023-24లో విజయ్ మర్చంట్ ట్రోఫీలో అత్యధిక పరుగులు సాధించిన ఆటగాడు (U-16) [పతకం] - లక్ష్య రాయచందనీ5. M. A. చిదంబరం ట్రోఫీ: 2023-24లో కూచ్ బెహార్ ట్రోఫీలో అత్యధిక వికెట్లు తీసిన బౌలర్‌(U-19) [పతకం] - విష్ణు భరద్వాజ్6. M. A. చిదంబరం ట్రోఫీ: 2023-24లో కూచ్ బెహార్ ట్రోఫీలో అత్యధిక పరుగులు చేసిన క్రికెటర్‌ (U-19) [పతకం] - కావ్య టియోటియా7. M. A. చిదంబరం ట్రోఫీ: 2023-24లో కల్నల్ CK నాయుడు ట్రోఫీలో అత్యధిక వికెట్లు తీసిన క్రికెటర్‌ (U-23) - ప్లేట్ గ్రూప్ [పతకం] - నీజెఖో రూపేయో8. M. A. చిదంబరం ట్రోఫీ: 2023-24లో కల్నల్ CK నాయుడు ట్రోఫీలో అత్యధిక వికెట్లు తీసిన బౌలర్‌ (U-23) - ఎలైట్ గ్రూప్ [పతకం] - పి. విద్యుత్9. M. A. చిదంబరం ట్రోఫీ: 2023-24లో కల్నల్ CK నాయుడు ట్రోఫీలో అత్యధిక పరుగులు (U-23) - ప్లేట్ గ్రూప్ [పతకం] - హేమ్ చెత్రి10. M. A. చిదంబరం ట్రోఫీ: 2023-24లో కల్నల్ CK నాయుడు ట్రోఫీలో అత్యధిక పరుగులు (U-23) - ఎలైట్ గ్రూప్ [పతకం] - అనీష్ కేవీ11. మాధవరావు సింధియా అవార్డు: 2023-24లో రంజీ ట్రోఫీలో అత్యధిక వికెట్లు తీసిన బౌలర్ - ప్లేట్ గ్రూప్ [పతకం] - మోహిత్ జంగ్రా12. మాధవరావు సింధియా అవార్డు: 2023-24లో రంజీ ట్రోఫీలో అత్యధిక వికెట్లు తీసిన బౌలర్ - ఎలైట్ గ్రూప్ [పతకం] - తనయ్ త్యాగరాజన్13. మాధవరావు సింధియా అవార్డు: 2023-24లో రంజీ ట్రోఫీలో అత్యధిక పరుగులు సాధించిన ఆటగాడు - ప్లేట్ గ్రూప్ [పతకం] - అగ్ని చోప్రా14. మాధవరావు సింధియా అవార్డ్: 2023-24లో రంజీ ట్రోఫీలో అత్యధిక పరుగులు సాధించిన ఆటగాడు - ఎలైట్ గ్రూప్ [పతకం] - రికీ భుయ్15. దేశీయ పరిమిత ఓవర్ల పోటీలలో ఉత్తమ ఆల్ రౌండర్‌గా లాలా అమర్‌నాథ్ అవార్డు, 2023-24 [పతకం] - శశాంక్ సింగ్16. రంజీ ట్రోఫీ 2023-24 లో ఉత్తమ ఆల్ రౌండర్‌గా లాలా అమర్‌నాథ్ అవార్డు [పతకం]- తనుష్ కోటియన్17. దేశీయ క్రికెట్‌లో ఉత్తమ అంపైర్, 2023-24 [ట్రోఫీ] - అక్షయ్ టోట్రే18. 2023-24 బీసీసీఐ దేశీయ టోర్నమెంట్‌లలో అత్యుత్తమ ప్రదర్శన - ముంబై క్రికెట్ అసోసియేషన్19. 2023-24 మహిళల వన్డేలలో అత్యధిక వికెట్లు తీసిన బౌలర్‌ [పతకం] - దీప్తి శర్మ20. 2023-24 మహిళల వన్డేలలో అత్యధిక పరుగులు సాధించిన క్రికెటర్‌ [పతకం] - స్మృతి మంధాన21. ఉత్తమ అంతర్జాతీయ అరంగేట్రం - మహిళలు [ట్రోఫీ] - ఆశా శోభన22. ఉత్తమ అంతర్జాతీయ అరంగేట్రం - పురుషులు [ట్రోఫీ] - సర్ఫరాజ్ ఖాన్23. ఉత్తమ అంతర్జాతీయ క్రికెటర్ - మహిళలు [ట్రోఫీ] - స్మృతి మంధాన24. పాలీ ఉమ్రిగర్ అవార్డు: ఉత్తమ అంతర్జాతీయ క్రికెటర్ - పురుషులు [ట్రోఫీ] - జస్‌ప్రీత్‌ బుమ్రా25. బీసీసీఐ ప్రత్యేక అవార్డు [షీల్డ్] - రవిచంద్రన్ అశ్విన్26. కల్నల్ CK నాయుడు లైఫ్‌టైమ్ అచీవ్‌మెంట్ అవార్డు [షీల్డ్] - సచిన్ టెండూల్కర్.

భారత క్రికెట్‌ నియంత్రణ మండలి (బీసీసీఐ) బ్యాటింగ్‌ దిగ్గజం సచిన్‌ టెండూల్కర్‌కు ‘జీవిత సాఫల్య’ పురస్కారం అందజేయనుంది. క్రికెట్లో దేశానికి అందించిన విశేష సేవలకు గుర్తింపుగా భారత తొలి కెప్టెన్‌ కల్నల్‌ సీకే నాయుడు పేరుమీదుగా 1994 నుంచి ఈ ‘లైఫ్‌టైమ్‌ అచీవ్‌మెంట్‌’ అవార్డును బోర్డు వార్షిక పురస్కారాల్లో ప్రదానం చేస్తున్నారు. నేడు బోర్డు నిర్వహించే కార్యక్రమంలో 51 ఏళ్ల సచిన్‌కు ఈ అవార్డు బహూకరిస్తారు. రెండు దశాబ్దాల పైచిలుకు భారత క్రికెట్‌కు వెన్నెముకగా నిలిచిన బ్యాటింగ్‌ తురుపుముక్క సచిన్‌ సుదీర్ఘ అంతర్జాతీయ కెరీర్‌లో 664 మ్యాచ్‌లాడాడు. 200 టెస్టుల్లో 15, 291 పరుగులు, 51 శతకాలు... 463 వన్డేల్లో 18,426 పరుగులు, 49 సెంచరీలు సాధించాడు. ఈ రెండు ఫార్మాట్‌లో కలిపి 100 సెంచరీలు బాదిన ఏకైక బ్యాటర్‌గా క్రికెట్‌ పుటల్లోకెక్కాడు.బుమ్రాకు పాలీ ఉమ్రిగర్‌..అదేవిధంగా గతేడాది అద్బుతమైన ప్రదర్శన కనబరిచిన పేస్‌ గుర్రం జస్ప్రీత్ బుమ్రాను ‘పాలీ ఉమ్రిగర్‌ బెస్ట్‌ క్రికెటర్‌’ అవార్డుతో బీసీసీఐ సత్కరించనుంది. 2024 ఏడాదిలో ఫార్మాట్‌తో సంబంధం లేకుండా బుమ్రా అదరగొట్టాడు. ముఖ్యంగా టెస్టు క్రికెట్‌లో అయితే బుమ్రా దుమ్ములేపాడు.గతేడాది 13 టెస్టుల్లో ఆడిన బుమ్రా 14.92 సగటుతో 71 వికెట్లు పడగొట్టాడు. ఆస్ట్రేలియాతో జరిగిన అయిదు టెస్టుల సిరీస్‌లో భారత స్పీడ్ స్టార్‌ 32 వికెట్లతో సత్తాచాటాడు. అదేవిధంగా టీ20 వరల్డ్‌కప్‌-2024ను భారత్‌ సొంతం చేసుకోవడంలో బుమ్రాది కీలక పాత్ర.మొత్తంగా 15 వికెట్లు పడగొట్టి ప్లేయర్‌ ఆఫ్‌ది సిరీస్‌గా నిలిచాడు. 2024కు గాను ఐసీసీ బెస్ట్‌​ క్రికెటర్‌ అవార్డుకు బుమ్రా ఎంపికైన సంగతి తెలిసిందే. అలాగే ఐసీసీ టెస్టు క్రికెటర్‌ ఆఫ్‌ది ఈయర్‌ అవార్డు కూడా బుమ్రా సొంతం చేసుకున్నాడు.మరోవైపు మహిళల్లో స్మృతి మంధానకు ‘పాలీ ఉమ్రిగర్‌ బెస్ట్‌ క్రికెటర్‌' అవార్డు వరించింది. గతేడాది 50 ఓవర్ల ఫార్మాట్లో 743 పరుగులు చేసింది. 2024లో వన్డేల్లో అత్యధిక పరుగులు చేసినందుకు గాను ఈ ప్రతిష్టాత్మకు అవార్డును ఆమె అందుకోనుంది. ఈ అవార్డులను బీసీసీఐ శనివారం ప్రధానం చేయనుంది.చదవండి: పాండ్యా, దూబే మెరుపులు.. సిరీస్‌ టీమిండియా వశం

భారత క్రికెటర్‌ కరుణ్‌ నాయర్‌(Karun Nair)పై టీమిండియా దిగ్గజ బ్యాటర్‌ సచిన్‌ టెండుల్కర్‌(Sachin Tendulkar) ప్రశంసల వర్షం కురిపించాడు. ఏడు ఇన్నింగ్స్‌లో ఏకంగా ఐదు శతకాలు బాదడం గాలివాటం కాదని.. కఠోర శ్రమ, అంకితభావానికి ఇది నిదర్శనమని పేర్కొన్నాడు. కరుణ్‌ వచ్చిన ప్రతీ అవకాశాన్ని సద్వినియోగం చేసుకుంటూ మరింత ముందుకు వెళ్లాలని సచిన్‌ ఆకాంక్షించాడు.ఐదు సెంచరీల సాయంతోకాగా రాజస్తాన్‌లోని జోధ్‌పూర్‌లో జన్మించిన కరుణ్‌ నాయర్‌ దేశవాళీ క్రికెట్‌లో చాలా కాలం పాటు కర్ణాటక జట్టుకు ప్రాతినిథ్యం వహించాడు. అయితే, 2023-24 సీజన్‌ నుంచి అతడు విదర్భకు ఆడుతున్నాడు. ఈ క్రమంలో దేశీ వన్డే టోర్నమెంట్‌ విజయ్‌ హజారే ట్రోఫీ 2024-25(Vijay Hazare Trophy) సీజన్‌లో 33 ఏళ్ల ఈ కుడిచేతి వాటం బ్యాటర్‌ ఆకాశమే హద్దుగా చెలరేగాడు.యాభై ఓవర్ల ఫార్మాట్లో కరుణ్‌ ఆడిన ఎనిమిది మ్యాచ్‌లలో ఏకంగా 752 పరుగులు రాబట్టాడు. ఇందులో ఐదు సెంచరీలు ఉన్నాయి. అంతేకాదు.. ఏడు ఇన్నింగ్స్‌లోనూ అజేయంగా నిలవడం మరో విశేషం. ఇక కెప్టెన్‌గానూ కరుణ్‌ నాయర్‌కు మంచి మార్కులే పడుతున్నాయి. బ్యాటర్‌గా ఆకట్టుకుంటూనే సారథిగానూ సరైన వ్యూహాలతో విదర్భను తొలిసారి ఈ వన్డే టోర్నీలో ఫైనల్‌కు చేర్చాడు.ఈ నేపథ్యంలో కరుణ్‌ నాయర్‌కు టీమిండియా సెలక్టర్లు పిలుపునివ్వాలని.. ఐసీసీ చాంపియన్స్‌ ట్రోఫీ-2025కి అతడిని ఎంపిక చేయాలని మాజీ క్రికెటర్లు డిమాండ్‌ చేస్తున్నారు. ఈ క్రమంలో సచిన్‌ టెండుల్కర్‌ సైతం కరుణ్‌ నాయర్‌ ప్రతిభను కొనియాడుతూ ట్వీట్‌ చేయడం ప్రాధాన్యం సంతరించుకుంది.వచ్చిన ప్రతి అవకాశాన్ని సద్వినియోగం చేసుకో‘‘కేవలం ఏడు ఇన్నింగ్స్‌లో ఐదు శతకాల సాయంతో 752 పరుగులు.. ఇది అసాధారణ విషయం కరుణ్‌ నాయర్‌!.. ఇలాంటి ప్రదర్శనలు కేవలం ఒక్కరోజులోనే సాధ్యం కావు. ఇందుకు ఆట పట్ల అంకిత భావం, దృష్టి ఉండాలి. కఠిన శ్రమతోనే ఇలాంటివి సాధ్యమవుతాయి. ఇదే తీరుగా ధైర్యంగా ముందుకు వెళ్లు. వచ్చిన ప్రతి అవకాశాన్ని సద్వినియోగం చేసుకో’’ అని సచిన్‌ టెండ్కులర్‌ ‘ఎక్స్‌’ వేదికగా కరుణ్‌ నాయర్‌ను అభినందించాడు.కాగా ఐసీసీ చాంపియన్స్‌ ట్రోఫీ టోర్నీకి భారత క్రికెట్‌ నియంత్రణ మండలి(బీసీసీఐ) శనివారం జట్టును ప్రకటించనుంది. కెప్టెన్‌ రోహిత్‌ శర్మతో కలిసి చీఫ్‌ సెలక్టర్‌ అజిత్‌ అగార్కర్‌ జట్టు వివరాలను వెల్లడించనున్నాడు. వెన్నునొప్పితో బాధపడుతున్న ప్రధాన పేసర్‌ జస్‌ప్రీత్‌ బుమ్రా ఈ టోర్నీ ఆడతాడా? లేదా? అన్నది ఈ సందర్భంగా తేలనుంది.నా అంతిమ లక్ష్యం అదేఇక చాంపియన్స్‌ ట్రోఫీలో ఆడేందుకు కరుణ్‌ నాయర్‌కు అవకాశం ఇవ్వాలంటూ టీమిండియా మాజీ ఆఫ్‌ స్పిన్నర్‌ హర్భజన్‌ సింగ్‌ బలంగా తన గొంతును వినిపించాడు. అయితే, మరో భారత మాజీ క్రికెటర్‌ దినేశ్‌ కార్తిక్‌ మాత్రం కరుణ్‌ను మళ్లీ టీమిండియాలోకి పునరాగమనం చేసే అవకాశం లేదంటూ కొట్టిపారేశాడు. ఇదిలా ఉంటే.. పరుగుల వరద పారిస్తున్న కరుణ్‌ నాయర్‌ మాత్రం తనకు మరోసారి భారత్‌ తరఫున ఆడాలని ఉందంటూ మనసులోని మాటను బయటపెట్టాడు.‘‘దేశం తరఫున ఆడాలని ప్రతి ఆటగాడికి ఉంటుంది. నా కల కూడా ఇంకా సజీవంగానే ఉంది. అందుకే నేను ఇంకా క్రికెట్‌లో కొనసాగుతున్నాను. ఏదో ఒకరోజు మళ్లీ టీమిండియాలో అడుగుపెడతా. నా ఏకైక, అంతిమ లక్ష్యం అదే’’ అని కరుణ్‌ నాయర్‌ ఆశాభావం వ్యక్తం చేశాడు. ఎనిమిదేళ్ల క్రితంకాగా 2016లో అంతర్జాతీయ క్రికెట్‌లో అడుగుపెట్టిన కరుణ్‌ నాయర్‌ చివరగా 2017లో టీమిండియాకు ప్రాతినిథ్యం వహించాడు. భారత్‌ తరఫున ఆరు టెస్టులు ఆడిన కరుణ్‌ నాయర్‌ ఖాతాలో 374 పరుగులు ఉన్నాయి, ఇందులో త్రిబుల్‌ సెంచరీ(303) ఉంది. ఇక రెండు వన్డేలు ఆడిన కరుణ్‌ నాయర్‌ కేవలం 46 పరుగులకే పరిమితమయ్యాడు.చదవండి: CT 2025: వన్డేల్లోనూ అదరగొడతాడు.. అతడిని సెలక్ట్‌ చేయండి: సెహ్వాగ్‌

ఇంటర్నేషనల్‌ మాస్టర్స్‌ లీగ్‌(ఐఎమ్‌ఎల్‌- International Masters League) ఎట్టకేలకు ప్రేక్షకుల ముందుకు రానుంది. గతేడాదే ఆరంభం కావాల్సిన ఈ పొట్టి ఫార్మాట్‌ లీగ్‌ వివిధ కారణాల వల్ల వాయిదా పడింది. అయితే, ఈసారి మాత్రం అలాంటి అడ్డంకులేవీ లేవంటూ నిర్వాహకులు తాజాగా ఐఎమ్‌ఎల్‌ ఆరంభ, ముగింపు తేదీలను ప్రకటించారు.ఇంటర్నేషనల్‌ మాస్టర్స్‌ లీగ్‌ ఫిబ్రవరి 22న మొదలై.. మార్చి 16న ఫైనల్‌తో పూర్తవుతుందని తెలిపారు. ఇందుకు మూడు వేదికలను కూడా ఖరారు చేసినట్లు పరోక్షంగా వెల్లడించారు. కాగా అంతర్జాతీయ స్థాయిలో సత్తా చాటి రిటైర్‌ అయిన క్రికెటర్ల మధ్య ఈ టీ20 లీగ్‌ జరుగనుంది.భారత జట్టు కెప్టెన్‌గా సచిన్‌ఇందులో ఆరు జట్లు పాల్గొనున్నాయి. భారత్‌తో పాటు శ్రీలంక, ఆస్ట్రేలియా, ఇంగ్లండ్‌, సౌతాఫ్రికా, వెస్టిండీస్‌ టైటిల్‌ కోసం తలపడనున్నాయి. ఇక ఈ టీ20 లీగ్‌లో దిగ్గజ క్రికెటర్లు కూడా పాల్గొననుండటం విశేషం. భారత జట్టుకు లెజెండరీ బ్యాటర్‌, శతక శతకాల ధీరుడు సచిన్‌ టెండుల్కర్‌(Sachin Tendulkar) కెప్టెన్‌గా వ్యవహరించనున్నాడు.మరోవైపు.. వెస్టిండీస్‌ జట్టుకు రికార్డుల ధీరుడు బ్రియన్‌ లారా, శ్రీలంక టీమ్‌కు కుమార్‌ సంగక్కర, ఆస్ట్రేలియా బృందానికి షేన్‌ వాట్సన్‌, ఇంగ్లండ్‌ జట్టుకు ఇయాన్‌ మోర్గాన్‌, సౌతాఫ్రికా టీమ్‌​కు జాక్వెస్‌ కలిస్‌ సారథ్యం వహించనున్నారు. ఆ ముగ్గురు కీలకంకాగా ఐఎమ్‌ఎల్‌కు సంబంధించి గతేడాది ఓ అధికారిక ప్రకటన విడుదలైంది. లీగ్‌ కమిషనర్‌గా ఎంపికైన టీమిండియా దిగ్గజం సునిల్‌ గావస్కర్‌(Sunil Gavaskar) మాట్లాడుతూ.. ‘‘ఎంతో మంది గొప్ప ఆటగాళ్లను మరోసారి ఒకే వేదిక మీదకు తీసుకువచ్చేందుకు ఐఎమ్‌ఎల్‌ కృషి చేస్తోంది. క్రికెట్‌ ప్రేమికులకు వినోదాన్ని అందిస్తామని మాట ఇస్తున్నాం’’ అని పేర్కొన్నాడు.ఇక ఐఎమ్‌ఎల్‌ పాలక మండలిలో గావస్కర్‌తో పాటు వెస్టిండీస్‌ లెజెండ్‌ వివియన్‌ రిచర్డ్స్‌తో పాటు సౌతాఫ్రికా మాజీ కెప్టెన్‌ షాన్‌ పొలాక్‌ కూడా ఉన్నారు. కాగా గతేడాది నవంబరు 17 నుంచి డిసెంబరు 8 వరకు ఇంటర్నేషనల్‌ మాస్టర్స్‌ లీగ్‌ తొలి ఎడిషన్‌ నిర్వహిస్తామని తొలుత ప్రకటన వచ్చింది. అయితే, అనివార్య కారణాల వల్ల వాయిదా పడ్డ ఈ లీగ్‌ను ఎట్టకేలకు ప్రారంభిస్తున్నందుకు సంతోషంగా ఉందని నిర్వాహకులు వెల్లడించారు.వేదికలు అవే?ఇంటర్నేషనల్‌ మాస్టర్స్‌ లీగ్‌కు సంబంధించిన వేదికలు ఇంకా ఖరారు కానట్లు సమాచారం. అయితే, నవీ ముంబైలోని డీవై పాటిల్‌ స్టేడియంతో పాటు.. రాజ్‌కోట్‌లోని నిరంజన్‌ షా స్టేడియం, రాయ్‌పూర్‌లోని షాహిద్‌ వీర్‌ నారాయణ్‌ సింగ్‌ అంతర్జాతీయ స్టేడియాన్ని నిర్వాహకులు పరిశీలిస్తున్నట్లు సమాచారం.డబుల్‌ ధమాకాఇదిలా ఉంటే.. ఫిబ్రవరి 19 నుంచి ఐసీసీ చాంపియన్స్‌ ట్రోఫీ-2025 మొదలుకానుంది. వన్డే ఫార్మాట్లో జరిగే ఈ మెగా టోర్నీలో ఆస్ట్రేలియా, టీమిండియా, సౌతాఫ్రికా, న్యూజిలాండ్‌, అఫ్గనిస్తాన్‌, బంగ్లాదేశ్‌, న్యూజిలాండ్‌తో పాటు ఆతిథ్య జట్టు హోదాలో పాకిస్తాన్‌ అర్హత సాధించింది. ఇక ఈ ఐసీసీ టోర్నీ మొదలైన మూడు రోజులకే ఇంటర్నేషనల్‌ మాస్టర్స్‌ లీగ్‌ కూడా ఆరంభం కానుండటం.. అందులోనూ సచిన్‌ టెండుల్కర్‌ మరోసారి బ్యాట్‌ పట్టి మైదానంలో దిగడం.. క్రికెట్‌ ప్రేమికులకు డబుల్‌ ధమాకా అనడంలో సందేహం లేదు.చదవండి: Ind vs Eng: టీమిండియా బ్యాటింగ్‌ కోచ్‌గా అతడు ఫిక్స్‌!.. వారిపై వేటు?

సిడ్నీ వేదిక‌గా ఆస్ట్రేలియాతో జ‌రుగుతున్న ఐదో టెస్టులో టీమిండియా వికెట్ కీప‌ర్ రిష‌బ్ పంత్(Rishabh Pant) బీభత్సం సృష్టించాడు. రెండో ఇన్నింగ్స్‌లో టీ20ను తలపించేలా బ్యాటింగ్ చేశాడు. భార‌త్‌ 59 పరుగులకే మూడు కీలక వికెట్లు కోల్పోయి క‌ష్టాల్లో ప‌డిన స‌మ‌యంలో క్రీజులోకి వ‌చ్చిన రిష‌బ్‌.. ఎదురుదాడికి దిగాడు.ప్ర‌త్య‌ర్ధి బౌల‌ర్ల‌ను ఈ ఢిల్లీ ఆట‌గాడు ఉతికారేశాడు. కేవ‌లం 33 బంతులు ఎదుర్కొన్న పంత్ 184.85 స్ట్రైక్ రేట్‌తో 61 పరుగులు సాధించి ఔటయ్యాడు. అతడి ఇన్నింగ్స్‌లో 6 ఫోర్లు, 4 సిక్సర్లు ఉన్నాయి. అతడి విధ్వంసకర ఇన్నింగ్స్ ఫలితంగా ప్రస్తుతం టీమిండియా 145 పరుగుల ఆధిక్యంలో కొనసాగుతోంది.ఈ నేపథ్యంలో మెరుపు హాఫ్ సెంచరీ నమోదు చేసిన పంత్‌పై భార‌త క్రికెట్ దిగ్గ‌జం సచిన్ టెండూల్క‌ర్ ప్ర‌శంస‌ల వ‌ర్షం కురిపించాడు. క‌ష్ట‌మైన వికెట్‌పై రిష‌బ్ అద్బుత‌మైన ఇన్నింగ్స్ ఆడాడ‌ని స‌చిన్ కొనియాడు."సిడ్నీలో రిష‌బ్ పంత్ విధ్వంసం సృష్టించాడు. అతడి ఇన్నింగ్స్ గురుం‍చి ఎంత చెప్పుకున్న తక్కువే. ఈ కఠినమైన వికెట్‌పై మిగితా బ్యాటర్లు 50 కంటే తక్కువ స్ట్రైక్ రేటుతో ఆడితే.. పంత్ మాత్రం ఏకంగా 184 స్ట్రైక్ రేటుతో బ్యాటింగ్ చేశాడు. ఇది నిజంగా నమ్మశక్యం కానిది. తొలి బంతి నుంచే ఆస్ట్రేలియా బౌలర్లను అతడు టార్గెట్ చేశాడు. పంత్ ఎప్పుడూ తన బ్యాటింగ్‌తో అందరిని అలరిస్తూ ఉంటాడు. అతడు ఇన్నింగ్స్ ఎంతో ప్రభావం చూపుతోందని" సచిన్ ఎక్స్‌లో రాసుకొచ్చాడు.మరోవైపు ఢిల్లీ క్యాపిటల్స్ సహా యాజమాని పార్ధ్ జిందాల్ సైతం రిషబ్‌ను పొగడ్తలతో ముంచెత్తాడు. భారత టెస్టు క్రికెట్ చరిత్రలోనే అత్యుత్తుమ టెస్ట్ వికెట్ కీపర్ బ్యాటర్ పంత్ అని అతడు ప్రశంసించాడు.కాగా ఐపీఎల్‌లో రిషబ్‌ పంత్‌ ఢిల్లీ క్యాపిటల్స్‌ తరపున అరంగేట్రం చేసిన సంగతి తెలిసిందే. గత సీజన్‌ వరకు ఢిల్లీకే ప్రాతినిథ్యం వహించిన పంత్‌.. ఈ సారి లక్నో సూపర్‌ జెయింట్స్‌కు ఆడనున్నాడు. రూ. 27 కోట్ల భారీ ధరకు లక్నో పంత్‌ను సొంతం చేసుకుంది. On a wicket where majority of the batters have batted at a SR of 50 or less, @RishabhPant17's knock with a SR of 184 is truly remarkable. He has rattled Australia from ball one. It is always entertaining to watch him bat. What an impactful innings!#AUSvIND pic.twitter.com/rU3L7OL1UX— Sachin Tendulkar (@sachin_rt) January 4, 2025 Introducing to you the greatest Indian test wicketkeeper batsman in our history come on @RishabhPant17 come on India!— Parth Jindal (@ParthJindal11) January 4, 2025

అనారోగ్యం నుంచి కోలుకున్న మాజీ క్రికెటర్‌ వినోద్‌ కాంబ్లీ(Vinod Kambli)ని టీమిండియా దిగ్గజం కపిల్‌ దేవ్‌ పరామర్శించాడు. కాంబ్లీతో ఫోన్‌లో సంభాషించి అతడికి ధైర్యం చెప్పాడు. అదే విధంగా కాంబ్లీకి చికిత్స అందించిన వైద్యులకు కపిల్‌ దేవ్‌ కృతజ్ఞతలు తెలిపాడు. కాగా ఇటీవల అస్వస్థతకు గురైన వినోద్‌ కాంబ్లీ ఆస్పత్రి పాలైన విషయం తెలిసిందే.కపిల్‌ దేవ్‌తో వీడియో కాల్‌మూత్రనాళాల ఇన్‌ఫెక్షన్‌తో రెండు వారాల క్రితం కాంబ్లీ ఆస్పత్రిలో చేరగా... అతడి మెదడులో రక్తం గడ్డకట్టినట్లు వైద్యులు నిర్ధారించారు. ఇప్పుడు రెండు వారాల చికిత్స అనంతరం కాంబ్లీ కోలుకుని బుధవారం ఆస్పత్రి నుంచి డిశ్చార్జ్‌ అయ్యాడు. ఈ సందర్భంగా కాంబ్లీకి చికిత్స అందించిన ఆకృతి ఆస్పత్రి డైరెక్టర్‌.. కపిల్‌ దేవ్‌(Kapil Dev)కు వీడియో కాల్‌ చేసి కాంబ్లీతో మాట్లాడించాడు. ఈ క్రమంలో భావోద్వేగానికి లోనైన కాంబ్లీ.. ‘‘హాయ్‌.. కపిల్‌ పాజీ ఎలా ఉన్నారు’’ అంటూ పలకరించగా.. కపిల్‌ దేవ్‌ కూడా ఆప్యాయంగా బదులిచ్చాడు. లవ్‌ యూ.. తొందర్లోనే వస్తాను‘‘నేను త్వరలోనే వచ్చి నిన్ను కలుస్తాను. మరికొన్నాళ్ల పాటు ఆస్పత్రిలోనే ఉండాలని వైద్యులు చెప్తే మాత్రం అక్కడే ఉండు. నువ్వు ఇప్పుడు బాగానే ఉన్నావు కదా! గడ్డానికి కూడా రంగేసుకున్నావు. కానీ దేనికీ ఇప్పుడే తొందరపడవద్దు. పూర్తిగా కోలుకున్న తర్వాతే మునుపటి జీవితం గడుపగలవు. డాక్టర్లు చెప్పిన జాగ్రత్తలన్నీ తప్పక పాటించు. తొందర్లోనే నేను వచ్చి​ కలుస్తాను. సరేనా.. లవ్‌ యూ’’ అని కపిల్‌ దేవ్‌ కాంబ్లీకి భరోసా ఇచ్చాడు. కాగా ఇంటికి చేరుకున్న అనంతరం కాంబ్లీ నూతన సంవత్సరం సందర్భంగా అభిమానులకు సందేశం ఇచ్చాడు. ‘‘మద్యం, మాదక ద్రవ్యాలు జీవితాన్ని నాశనం చేస్తాయి. వాటికి దూరంగా ఉంటేనే జీవితం సాఫీగా సాగుతుంది’’ అని పేర్కొన్నాడు. సచిన్‌ టెండుల్కర్‌ బాల్య మిత్రుడుమరోవైపు.. కాంబ్లీ ప్రస్తుతం ఆరోగ్యంగా ఉన్నాడని... కొన్ని జాగ్రత్తలు పాటించాలని ఆయనకు వైద్యం అందించిన డాక్టర్‌ వివేక్‌ త్రివేది పేర్కొన్నారు. కాగా ముంబైకి చెందిన వినోద్‌ కాంబ్లీ సచిన్‌ టెండుల్కర్‌(Sachin tendulkar)కు బాల్య మిత్రుడు. ఇద్దరూ ముంబై నుంచి టీమిండియాకు ప్రాతినిథ్యం వహించారు.అయితే, సచిన్‌ వచ్చిన అవకాశాలు సద్వినియోగం చేసుకుంటూ లెజెండరీ బ్యాటర్‌గా ఎదగగా.. కాంబ్లీ మాత్రం స్థాయికి తగ్గట్లు రాణించలేకపోయాడు. చెడు వ్యసనాలకు బానిసై ఆరోగ్యాన్ని కూడా పాడుచేసుకున్నాడు. ఈ క్రమంలో.. ఇటీవల తమ చిన్ననాటి కోచ్‌ రమాకాంత్‌ ఆచ్రేకర్‌ 92వ జయంతి సందర్భంగా సచిన్‌ను కలిసిన కాంబ్లీ పరిస్థితిని చూసి అభిమానులు కంటతడి పెట్టుకున్నారు. కపిల్‌ సేన ఆర్థిక సాయం!ఈ క్రమంలో అతడిని ఆదుకోవాలంటూ సోషల్‌ మీడియా వేదికగా విజ్ఞప్తులు వెల్లువెత్తగా. కపిల్‌ సారథ్యంలో 1983 వన్డే వరల్డ్‌కప్‌ గెలిచిన జట్టు కాంబ్లీకి ఆర్థిక సాయం చేసేందుకు ముందుకు వచ్చారు. అయితే, కాంబ్లీ చెడు అలవాట్లు మానేసి.. పునరావాస కేంద్రానికి వెళ్తేనే సహాయం అందిస్తామని షరతు పెట్టగా.. అతడు అందుకు అంగీకరించాడు. తాను మందు, పొగ తాగటం మానేశానని చెప్పాడు. చదవండి: IND vs AUS 5th Test: రోహిత్‌ శర్మపై వేటు.. భారత కెప్టెన్‌గా జస్ప్రీత్‌ బుమ్రా!?

భార‌త క్రికెట్ దిగ్గ‌జం త‌న‌యుడు అర్జున్ టెండూల్క‌ర్‌కు గోవా క్రికెట్ అసోసియేష‌న్ ఊహించ‌ని షాకిచ్చింది. విజయ్ హజారే ట్రోఫీ 2024-25 మ‌ధ్య‌లోనే గోవా జ‌ట్టు నుంచి అర్జున్ టెండూల్కర్‌ను జీసీఎ త‌ప్పించింది. దీంతో అత‌డు శ‌నివారం ఉత్త‌ర‌ఖాండ్‌తో జ‌రిగిన మ్యాచ్‌కు దూర‌మ‌మ‌య్యాడు.25 ఏళ్ల అర్జున్‌ గోవా రెడ్ బాల్ జ‌ట్టులో రెగ్యూల‌ర్ స‌భ్యునిగా కొన‌సాగుతున్న‌ప్ప‌టికి వైట్ బాట్ స్వ్కాడ్‌లో మాత్రం త‌న స్ధానాన్ని సుస్థిరం చేసుకోలేక‌పోతున్నాడు. కాగా అంత‌కుముందు సయ్యద్ ముస్తాక్ అలీ ట్రోఫీ-2024లో కూడా కేవ‌లం మూడు మ్యాచ్‌లు ఆడిన త‌ర్వాత అత‌డిపై జీసీఎ వేటు వేసింది.మ‌ళ్లీ ఇప్పుడు విజయ్ హజారే ట్రోఫీలో స‌రిగ్గా మూడు మ్యాచ్‌లు ఆడిన త‌ర్వాతే సెల‌క్ట‌ర్లు జ‌ట్టు నుంచి త‌ప్పించారు. ఈ టోర్నీలో ఇప్ప‌టివ‌ర‌కు మూడు మ్యాచ్‌లు ఆడిన అర్జున్ కేవ‌లం 5 వికెట్లు మాత్ర‌మే ప‌డ‌గొట్టాడు. ఒడిశాతో జ‌రిగిన తొలి మ్యాచ్‌లో అర్జున్ 3 వికెట్లు ప‌డ‌గొట్టిన‌ప్ప‌టికి.. త‌న 10 ఓవ‌ర్ల కోటాలో ఏకంగా 61 ప‌రుగులు స‌మ‌ర్పించుకున్నాడు.ఆత‌ర్వాతి రెండు మ్యాచ్‌ల్లో చెరో వికెట్ సాధించిన‌ప్ప‌ట‌కి ఆరుకు పైగా ఏకాన‌మీ రేటుతో ప‌రుగులు ఇచ్చాడు. ఈ క్ర‌మంలోనే అత‌డిపై గోవా క్రికెట్ ఆసోసియేష‌న్ వేటు వేసింది. దీంతో వైట్‌బాల్ క్రికెట్‌లో అర్జున్ భ‌విత‌వ్యం ప్ర‌శ్నార్థ‌కంగా మారింది.మ‌రోసారి ముంబైతో..కాగా అర్జున్ టెండూల్క‌ర్ ఐపీఎల్‌లో మరోసారి ముంబై ఇండియ‌న్స్ త‌ర‌పున ఆడ‌నున్నాడు. ఐపీఎల్‌-2025 మెగా వేలంలో రూ. 20 ల‌క్ష‌ల క‌నీస ధ‌ర‌కు అర్జున్‌ను ముంబై సొంతం చేసుకుంది. ఈ మెగా వేలంలో అర్జున్‌ను తొలుత ఏ ఫ్రాంచైజీ ప‌ట్టించుకోలేదు.కానీ ఆఖ‌రికి యాక్సిలరేటెడ్ రౌండ్‌లో ముంబై ద‌క్కించుకుంది. జూనియ‌ర్ టెండూల్క‌ర్ ఐపీఎల్‌-2021 సీజ‌న్ నుంచి ముంబై ఇండియ‌న్స్ ఫ్రాంచైజీలో భాగంగా ఉన్నాడు. అతడు 5 మ్యాచ్‌లలో 9.37 ఎకానమీ రేటుతో 3 వికెట్లు ప‌డ‌గొట్టాడు. అర్జున్ క‌నీసం ఈసారైనా రాణిస్తాడో లేదో వేచి చూడాలి.చదవండి: IND Vs AUS: స్టుపిడ్‌.. స్టుపిడ్‌! భారత డ్రెస్సింగ్ రూమ్‌కు వెళ్లొద్దు: పంత్‌పై సన్నీ ఫైర్‌

భారత క్రికెట్‌ దిగ్గజం సచిన్‌ టెండుల్కర్‌కు విశిష్ట గౌరవ సభ్యత్వం ఇవ్వనున్నట్లు మెల్‌బోర్న్‌ క్రికెట్‌ క్లబ్‌ (Melbourne Cricket Club-ఎంసీసీ) ప్రకటించింది. తమ ప్రతిపాదనను సచిన్‌ అంగీకరించినట్లు తెలిపింది.కాగా 1838లో స్థాపించిన ఎంసీసీ ఆస్ట్రేలియాలోనే పురాతన క్రీడా క్లబ్‌. ఈ క్లబ్‌కు చెందిన మెల్‌బోర్న్‌ క్రికెట్‌ గ్రౌండ్‌ (ఎంసీజీ)లో సచిన్‌ చేసిన పరుగుల రికార్డు ఇంకా పదిలంగానే ఉంది.ఎంసీజీలో పరుగుల వరదఈ వేదికపై మొత్తంగా ఐదు టెస్టులాడిన టెండుల్కర్‌(Sachin Tendulkar) 44.90 సగటుతో 449 పరుగులు సాధించాడు. ఇందులో ఒక శతకం, మూడు హాఫ్‌ సెంచరీలు ఉన్నాయి. ఈ నేపథ్యంలో.. సచిన్‌కు విశిష్ట సభ్యత్వం(Honorary Cricket Membership) ఇవ్వాలని ఎంసీసీ నిర్ణయించింది. ఆయన అంగీకరించడం మాకు సంతోషంఈ మేరకు.. ‘ఎంసీసీ సభ్యత్వం స్వీకరించేందుకు భారత క్రికెట్‌ జట్టు మాజీ కెప్టెన్‌, దిగ్గజ బ్యాటర్‌ సచిన్‌ అంగీకరించడం చాలా సంతోషంగా ఉంది. క్రికెట్‌కే అతడొక ఐకాన్‌ ప్లేయర్‌. అంతర్జాతీయ క్రికెట్లో అసాధారణ ఆటతీరుకు గుర్తింపుగా విశిష్ట సభ్యత్వం ఇస్తున్నాం’ అని ఎంసీసీ ‘ఎక్స్‌’లో పోస్ట్‌ చేసింది.అదే విధంగా.. ఎంసీసీ అధ్యక్షుడు ఫ్రెడ్‌ ఓల్డ్‌ఫీల్డ్‌ మాట్లాడుతూ.. ‘‘కేవలం భారత క్రికెట్‌కే కాదు.. ప్రపంచ క్రికెట్‌కు కూడా సచిన్‌ టెండుల్కర్‌ ఎనలేని సేవలు అందించారు. ఆయన మా విశిష్ట సభ్యత్వం స్వీకరించేందుకు ఒప్పుకొన్నారు. ఇంతకంటే మాకు గొప్ప విషయం మరొకటి ఉండదు’’ అని పేర్కొన్నాడు. ఇలాంటివేం కొత్త కాదుఇక.. ఆస్ట్రేలియా నుంచి సచిన్‌కు ఈ గౌరవం కొత్తేం కాదు. మనదేశంలో ‘భారతరత్న’ లాంటి ‘ఆర్డర్‌ ఆఫ్‌ ఆస్ట్రేలియా’ పురస్కారంతో 2012లోనే అక్కడి ప్రభుత్వం సచిన్‌ టెండుల్కర్‌ను సత్కరించింది. ఇదిలా ఉంటే.. బోర్డర్‌- గావస్కర్‌ ట్రోఫీ 2024-25లో భాగంగా టీమిండియా ప్రస్తుతం ఎంసీజీలోనే ఆస్ట్రేలియాతో బాక్సింగ్‌ డే టెస్టు ఆడుతోంది. అంతకు ముందు పెర్త్‌లో జరిగిన తొలి టెస్టులో భారత్‌, అడిలైడ్‌ టెస్టులో ఆసీస్‌ గెలవగా.. బ్రిస్బేన్‌లో జరిగిన మూడో టెస్టు డ్రా అయింది. దీంతో ప్రస్తుతం ఇరుజట్లు 1-1తో ఐదు మ్యాచ్‌ల టెస్టు సిరీస్‌లో సమంగా ఉన్నాయి. చదవండి: IND VS AUS: తగ్గేదేలేదన్న నితీశ్‌ రెడ్డి.. వైరలవుతున్న పుష్ప స్టయిల్‌ సెలబ్రేషన్స్‌

టీమిండియా మాజీ క్రికెటర్‌ వినోద్‌ కాంబ్లీ ఆస్పత్రి పాలయ్యాడు. తీవ్రమైన అనారోగ్యంతో శనివారం రాత్రి థానెలోని ఓ హాస్పిటల్‌లో చేరాడు. ఈ విషయం తాజాగా వెలుగులోకి వచ్చింది. వార్తా సంస్థ IANS అందించిన వివరాల ప్రకారం.. క్రికెటర్‌ వినోద్‌ కాంబ్లీ ఆరోగ్యం మరోసారి క్షీణించింది.ఈ నేపథ్యంలో ఆయనను శనివారం రాత్రి థానెలో గల ఆకృతి ఆస్పత్రిలో చేర్పించారు. ప్రస్తుతం కాంబ్లీ ఆరోగ్య పరిస్థితి నిలకడగానే ఉన్నట్లు కనిపిస్తున్నా.. కాస్త విషమంగానే ఉందని తెలుస్తోంది. ఈ మేరకు IANS ఎక్స్‌ ఖాతాలో వివరాలను పోస్ట్‌ చేసింది.కాగా ముంబైకి చెందిన వినోద్‌ కాంబ్లీ భారత క్రికెట్‌ దిగ్గజం సచిన్‌ టెండ్కులర్‌కు చిన్ననాటి స్నేహితుడు. ప్రముఖ క్రికెట్‌ కోచ్‌ రమాకాంత్‌ ఆచ్రేకర్‌ వద్ద ఓనమాలు నేర్చుకున్న వీళ్లిద్దరు అద్భుతమైన నైపుణ్యాలు కలవాళ్లే. చెడు వ్యసనాల వల్లే?అయితే, సచిన్‌ ఆటలో శిఖర స్థాయికి చేరుకోగా.. కాంబ్లీ మాత్రం పాతాళానికి పడిపోయాడు. వ్యక్తిగత క్రమశిక్షణ లేకపోవడం, చెడు అలవాట్ల వల్లనే అతడికి ఈ పరిస్థితి ఎదురైందని కాంబ్లీ సన్నిహిత వర్గాలు గతంలో వెల్లడించాయి.ఇదిలా ఉంటే.. గతంలో కాంబ్లీకి గుండెపోటు వచ్చింది. ఇతర అనారోగ్య సమస్యలు కూడా ఉన్నట్లు సమాచారం. ఇక ఇటీవల రమాకాంత్‌ ఆచ్రేకర్‌ 92వ జయంతి సందర్భంగా సచిన్‌ టెండుల్కర్‌తో కలిసి ముంబైలో వేదిక పంచుకున్న సమయంలో.. కాంబ్లీ పరిస్థితి మరింత దిగజారినట్లు కనిపించింది.సాయం తీసుకుంటా.. చెప్పినట్లు వింటాఈ నేపథ్యంలో కపిల్‌ దేవ్‌ సారథ్యంలోని 1983 వరల్డ్‌కప్‌ విజేత జట్టులోని సభ్యులు.. కాంబ్లీకి ఆర్థిక సాయం చేసేందుకు ముందుకు వచ్చారు. అయితే, అతడు రిహాబిలిటేషన్‌ సెంటర్‌కు వెళ్లి చికిత్స తీసుకుంటేనే సహాయం అందిస్తామని షరతు విధించారు. ఇందుకు అంగీకరించిన వినోద్‌ కాంబ్లీ.. తాను మద్యం, పొగతాగడం మానేశానని.. చికిత్స తీసుకుంటానని స్పష్టం చేశాడు.అయితే, తాజా సమాచారం ప్రకారం వినోద్‌ కాంబ్లీ మరోసారి తీవ్ర అనారోగ్యం బారిన పడినట్లు తెలుస్తోంది. అతడు త్వరగా కోలుకోవాలని ప్రార్థిస్తున్నట్లు అభిమానులు సోషల్‌ మీడియా వేదికగా పేర్కొంటున్నారు. కాగా భారత్‌ తరఫున అంతర్జాతీయ స్థాయిలో వినోద్‌ కాంబ్లీ 17 టెస్టులు, 104 వన్డేలు ఆడాడు. తన తొమ్మిదేళ్ల ఇంటర్నేషనల్‌ కెరీర్‌లో టెస్టుల్లో 1084, వన్డేల్లో 2477 రన్స్‌ చేశాడు. అంతేకాదు.. భారత టెస్టు క్రికెట్‌ చరిత్రలో అత్యంత వేగంగా(14 ఇన్నింగ్స్‌లో) వెయ్యి పరుగుల మార్కు అందుకున్న తొలి క్రికెటర్‌గా నిలిచాడు.చదవండి: శ్రేయస్‌ అయ్యర్‌ విధ్వంసం.. తిలక్‌ వర్మకు చేదు అనుభవం In pictures: Cricketer Vinod Kambli's condition deteriorated again, leading to his admission at Akriti Hospital in Thane late Saturday night. His condition is now stable but remains critical. pic.twitter.com/7NBektzQ54— IANS (@ians_india) December 23, 2024

గబ్బా వేదికగా ఆస్ట్రేలియాతో జరుగుతున్న మూడో టెస్టులో టీమిండియా స్టార్ ప్లేయర్ విరాట్ కోహ్లి తీవ్ర నిరాశపరిచాడు. తొలి ఇన్నింగ్స్‌లో కీలక సమయంలో బ్యాటింగ్ వచ్చిన కోహ్లి.. కేవలం 3 పరుగులు మాత్రమే చేసి ఔటయ్యాడు. క్రీజులోకి వచ్చినప్పటి నుంచే ఆసీస్ బౌలర్లను ఎదుర్కొనేందుకు కోహ్లి ఇబ్బంది పడ్డాడు. ఆఖరికి జోష్ హాజిల్‌వుడ్ బౌలింగ్‌లో వికెట్ కీపర్‌కు క్యాచ్ ఇచ్చి కోహ్లి వెనుదిరిగాడు.ఆస్ట్రేలియా గడ్డపై అద్బుతమైన రికార్డు ఉన్న కోహ్లి ఈసారి మాత్రం తన మార్క్‌ను చూపించలేకపోతున్నాడు. ఫాస్ట్ బౌలర్లు కోహ్లిని ఈజీగా ట్రాప్ చేసి పెవిలియన్‌కు పంపుతున్నారు. ఔట్‌సైడ్ ఆఫ్ స్టంప్ దిశ‌గా వెళ్లే బంతిని వెంటాడే క్ర‌మంలో విరాట్ త‌న వికెట్‌ను కోల్పోతున్నాడు. కాగా ఇప్పటివరకు ఈ సిరీస్‌లో 5 ఇన్నింగ్స్‌లు ఆడిన కోహ్లి.. మొత్తం అన్ని సార్లు వికెట్ కీపర్ లేదా స్లిప్ ఫీల్డర్ల చేతికే చిక్కాడు.ఈ నేపథ్యంలో విరాట్ కోహ్లికి భారతక్రికెట్‌ దిగ్గజం సునీల్ గవాస్కర్ కీలక సూచన చేశాడు. 2004 ఆసీస్ ప‌ర్య‌ట‌న‌లో మాస్ట‌ర్ బ్లాస‌ర్ స‌చిన్ టెండూల్క‌ర్ ఏమి చేశాడో, ఇప్పుడు విరాట్ కోహ్లి కూడా అలానే చేయాల‌ని గవాస్కర్ స‌ల‌హా ఇచ్చాడు."స‌చిన్ టెండూల్క‌ర్‌ను విరాట్ కోహ్లి ఉదాహరణగా తీసుకోవాలి. 2004 ఆసీస్ ప‌ర్య‌ట‌న‌లో సచిన్ కూడా ఇదే సమస్యలను ఎదుర్కొన్నాడు. మొదటి మూడు టెస్ట్ మ్యాచ్‌లలో అతడు ఆఫ్-స్టంప్ వెలుపల వెళ్లే బంతులను ఆడి తన వికెట్‌ను కోల్పోయాడు. మొత్తం ఆరు ఇన్నింగ్స్‌లలోనూ స్లిప్స్‌ లేదా షార్ట్ గల్లీ వద్ద ఫీల్డర్లకు చిక్కాడు. కానీ సిడ్నీ వేదికగా జరిగిన నాలుగో టెస్టులో మాత్రం సచిన్ ఆ తప్పు చేయలేదు. కవర్స్ దిశగా ఎటువంటి షాట్‌లు ఆడకూడదని నిర్ణయించుకున్నాడు. స్ట్రైట్ డ్రైవ్స్‌, మిడ్ ఆఫ్ దిశగానే షాట్లు ఆడాడు. అతడు తనకు ఇష్టమైన కవర్ డ్రైవ్ షాట్ కూడా ఆడలేదు. ఆఫ్-స్టంప్ వెలుపల బంతులను టచ్ చేయకూడదని సంకల్పంగా పెట్టుకున్నాడు. తన స్కోర్ 200 పరుగులు దాటాక సచిన్ కవర్స్ వైపు షాట్ ఆడాడు. ఇప్పుడు కోహ్లి కూడా సచిన్‌నే ఫాలో అవ్వాలి. ఆఫ్-స్టంప్ వెలుపుల బంతులను ఆడే సమంయలో మన మనస్సు నియంత్రణలో" ఉంచుకోవాలి అని ఓ ఛానల్‌కు ఇచ్చిన ఇంటర్వ్యూలో గవాస్కర్ పేర్కొన్నాడు.చదవండి: IND vs AUS: జస్ప్రీత్‌ బుమ్రా వరల్డ్‌ రి​కార్డు.. 147 ఏళ్ల టెస్టు క్రికెట్‌ హిస్టరీలోనే

బ్రిస్బేన్ వేదిక‌గా ఆస్ట్రేలియా-భార‌త్ మ‌ధ్య మూడో టెస్టు ప్రారంభ‌మైంది. అయితే వ‌ర్షం కార‌ణంగా తొలి రోజు కేవ‌లం 13.2 ఓవ‌ర్ల ఆట మాత్ర‌మే సాధ్య‌మైంది. మొద‌టి రోజు ఆట ముగిసే స‌మ‌యానికి ఆసీస్ వికెట్ న‌ష్ట‌పోకుండా 28 ప‌రుగులు చేసింది.ప్ర‌స్తుతం క్రీజులో ఓపెన‌ర్లు మెక్‌స్వీనీ(4 నాటౌట్‌), ఉస్మాన్ ఖావాజా(19 నాటౌట్‌) ఉన్నారు. ఇక ఈ మ్యాచ్‌తో టీమిండియా స్టార్ ప్లేయ‌ర్ విరాట్ కోహ్లి త‌న పేరిట అరుదైన రికార్డు లిఖించుకున్నాడు. ఆస్ట్రేలియాపై 100 మ్యాచ్‌లు(అన్ని ఫార్మాట్లు) ఆడిన రెండో ప్లేయ‌ర్‌గా విరాట్ చ‌రిత్ర సృష్టించాడు. బ్రిస్బేన్ టెస్టులో కోహ్లి మైదానంలో అడుగుపెట్టిన వెంట‌నే ఈ ఫీట్‌ను త‌న ఖాతాలో వేసుకున్నాడు. కోహ్లి ఆస్ట్రేలియాపై ఇప్పటివరకు 28 టెస్టులు, 49 వన్డేలు, 23 టీ20లు ఆడాడు.ఈ అరుదైన ఫీట్ నమోదు చేసిన జాబితాలో కోహ్లి కంటే ముందు భారత క్రికెట్ దిగ్గజం సచిన్ టెండూల్కర్ ఉన్నాడు. సచిన్ తన కెరీర్‌లో కంగారులపై 39 టెస్టులు, 71 వన్డేలతో కలిపి 110 మ్యాచ్‌లు ఆడాడు. విరాట్‌ మరో 11 మ్యాచ్‌లో ఆడితే సచిన్‌ రికార్డు బ్రేక్‌ చేసే ఛాన్స్‌ ఉంది.ఆసీస్‌పై అదుర్స్‌.. కాగా ఆల్‌ఫార్మాట్లలో ఆసీస్‌పై కోహ్లికి అద్భుతమైన రికార్డు ఉంది. ఈ 100 మ్యాచ్‌ల్లో కోహ్లి 50.24 సగటుతో 5326 పరుగులు చేశాడు. ఇందులో 17 సెంచరీలు ఉన్నాయి. అంతేకాకుండా ఆస్ట్రేలియాపై 23 ఓవర్లు బౌలింగ్ కూడా చేశాడు.ఆస్ట్రేలియాపై అత్యధిక మ్యాచ్‌లు ఆడిన ఆటగాళ్లుసచిన్ టెండూల్కర్ (భారత్)-110 మ్యాచ్‌లువిరాట్ కోహ్లి(భారత్‌)-100 మ్యాచ్‌లుడెస్మండ్ లియో హేన్స్ (వెస్టిండీస్)- 97 మ్యాచ్‌లుమహేంద్ర సింగ్ ధోని( భారత్‌)- 91 మ్యాచ్‌లువివియన్ రిచర్డ్స్ (వెస్టిండీస్)-88 మ్యాచ్‌లుజాక్వెస్ కల్లిస్(దక్షిణాఫ్రికా)-82 మ్యాచ్‌లుచదవండి: రోహిత్‌ శర్మ నిర్ణయం సరికాదు.. కమిన్స్‌ సంతోషించి ఉంటాడు: ఇంగ్లండ్‌ మాజీ కెప్టెన్‌

టీమిండియా మాజీ క్రికెటర్‌ వినోద్‌ కాంబ్లీ పశ్చాత్తాపం వ్యక్తం చేశాడు. మద్యం సేవించడం, పొగ తాగే అలవాట్ల కారణంగా తన ఆరోగ్యం పూర్తిగా పాడైపోయిందన్నాడు. అయితే, ఆరు నెలల క్రితమే ఈ చెడు వ్యసనాలను వదిలేశానని.. తన పిల్లల కోసమే ఈ నిర్ణయం తీసుకున్నట్లు తెలిపాడు. అదే విధంగా.. భారత జట్టు మాజీ కెప్టెన్‌ కపిల్‌ దేవ్‌ బృందం తనకు ఇచ్చిన ఆఫర్‌ను అంగీకరిస్తున్నట్లు కాంబ్లీ పేర్కొన్నాడు.పాతాళానికి పడిపోయాడుముంబై తరఫున టీమిండియాలో అడుగుపెట్టిన వినోద్‌ కాంబ్లీ.. దిగ్గజ ఆటగాడు సచిన్‌ టెండుల్కర్‌కు బాల్య మిత్రుడు. సచిన్‌ అంతటి స్థాయికి ఎదిగే నైపుణ్యాలున్నా.. వ్యక్తిగత క్రమశిక్షణ లోపించిన కారణంగా కాంబ్లీ పాతాళానికి పడిపోయాడని క్రికెట్‌ ప్రేమికులు భావిస్తుంటారు. ఇటీవల తమ ‘గురు’, ప్రముఖ క్రికెట్‌ కోచ్‌ రమాకాంత్‌ ఆచ్రేకర్‌ 92 జయంతి సందర్భంగా సచిన్‌ టెండుల్కర్‌తో కలిసి వినోద్‌ కాంబ్లీ వేదికను పంచుకున్నాడు.సాయం చేస్తాం.. కానీ ఓ షరతుఆ సమయంలో కాంబ్లీ ఆరోగ్య, మానసిక పరిస్థితిని చూసిన అభిమానులు చలించిపోయారు. ఆర్థిక ఇబ్బందులతో పాటు అనారోగ్యం కారణంగా కుంగిపోయిన అతడి దుస్థితికి చింతించారు. ఈ నేపథ్యంలో 1983 ప్రపంచకప్‌ విజేత, కపిల్‌ దేవ్‌ సారథ్యంలోని భారత ఆటగాళ్లు కాంబ్లీకి సహాయం అందించేందుకు ముందుకు వచ్చారు.అయితే, కాంబ్లీ పునరావాస కేంద్రానికి వెళ్లి చికిత్స తీసుకునేందుకు సిద్ధంగా ఉంటేనే.. సాయం చేస్తామనే షరతు విధించారు. ఈ నేపథ్యంలో విక్కీ లల్వానీ యూట్యూబ్‌ చానెల్‌తో ముచ్చటించిన వినోద్‌ కాంబ్లీ.. కపిల్‌ దేవ్‌ కండిషన్‌కు తాను ఒప్పుకొంటున్నట్లు తెలిపాడు.నా కుటుంబం నాతో ఉంది‘‘రిహాబిలిటేషన్‌ సెంటర్‌కు వెళ్లేందుకు నేను సిద్ధంగా ఉన్నాను. నా కుటుంబం నాతో ఉంది. కాబట్టి నాకు ఇప్పుడు ఎలాంటి భయం లేదు. తొలుత సునిల్‌ గావస్కర్‌ నాతో మాట్లాడారు. ఇక అజయ్‌ జడేజా కూడా నాకు మంచి స్నేహితుడు.అతడు నా దగ్గరికి వచ్చాడు. నీకోసం మేమంతా ఎదురుచూస్తున్నామని చెప్పాడు. బీసీసీఐ నాకు సహాయం చేస్తుందని తెలుసు. మాజీ పేసర్‌ అభయ్‌ కురువిల్లా నాతో పాటు నా భార్యతోనూ టచ్‌లో ఉన్నాడు.నిజానికి నా పరిస్థితి అస్సలు బాగా లేదు. అయినప్పటికీ నా భార్య అన్నింటినీ చక్కగా హ్యాండిల్‌ చేస్తోంది. ఆమెకు కచ్చితంగా హ్యాట్సాఫ్‌ చెప్పాల్సిందే. నాకిప్పుడు ఎలాంటి భేషజాలు లేవు. ధైర్యంగా రిహాబ్‌ సెంటర్‌కు వెళ్లి.. ఆరోగ్యంగా తిరిగి వస్తాను.ఇప్పుడు అన్నీ వదిలేశానుఆరు నెలల క్రితమే మద్యం, పొగ తాగటం మానేశాను. నా పిల్లల బాగుకోసమే నేను ఈ నిర్ణయం తీసుకున్నా. గతంలో నాకు చెడు అలవాట్లు ఉన్న మాట వాస్తవమే. కానీ ఇప్పుడు అన్నీ వదిలేశాను’’ అని వినోద్‌ కాంబ్లీ చెప్పుకొచ్చాడు. కాగా గతంలో భార్య ఆండ్రియా కాంబ్లీపై గృహహింస కేసు పెట్టినట్లు వార్తలు వచ్చాయి. అయితే, ప్రస్తుతం వాళ్లు సఖ్యతగా ఉంటున్నట్లు కాంబ్లీ మాటలను బట్టి తెలుస్తోంది.తొమ్మిదేళ్ల కెరీర్‌లోఇదిలా ఉంటే.. టీమిండియా తరఫున 17 టెస్టులు, 104 వన్డేలు ఆడిన వినోద్‌ కాంబ్లీ.. తొమ్మిదేళ్ల పాటు(1991-2000) అంతర్జాతీయ కెరీర్‌ కొనసాగించాడు. టెస్టుల్లో 1084, వన్డేల్లో 2477 పరుగులు సాధించాడు. టెస్టు క్రికెట్‌లో అత్యంత వేగంగా(14 ఇన్నింగ్స్‌లో) వెయ్యి పరుగుల మార్కు అందుకున్న భారత క్రికెటర్‌గా ఇప్పటికీ కాంబ్లీ తన రికార్డును కొనసాగిస్తున్నాడు.చదవండి: D Gukesh Prize Money: గుకేశ్‌ ప్రైజ్‌మనీ ఎన్ని కోట్లంటే?

భారత మాజీ కెప్టెన్‌, ఆల్‌రౌండ్‌ దిగ్గజం కపిల్‌ దేవ్‌ సాయానికి ఎందరు ముందుకొచ్చినా... వినోద్‌ కాంబ్లీ తన ఆరోగ్యం పట్ల తనే శ్రద్ధ చూపెట్టాలని సూచించాడు. 52 ఏళ్ల కాంబ్లీ గతితప్పిన జీవనశైలితో పాటు మద్యానికి బానిసై తీవ్ర ఆనారోగ్యం పాలయ్యాడు.కోచింగ్‌ లెజెండ్‌ రమాకాంత్‌ ఆచ్రేకర్‌ స్మారకార్థం ఇటీవల ముంబైలో జరిగిన కార్యక్రమంలో కాంబ్లీ ఓ పేషంట్‌లా కనిపించడంతో విచారం వ్యక్తం చేసిన భారత మాజీలు, దిగ్గజాలు అతని పరిస్థితి మెరుగయ్యేందుకు తమవంతు ఆర్ధిక సాయం చేస్తామని ప్రకటించారు.ఆ కార్యక్రమంలో సచిన్‌ కూడా పాల్గొని కాంబ్లీని ఆత్మీయ ఆలింగనం చేసుకున్నాడు. భారత్‌కు తొలి వన్డే ప్రపంచకప్‌ (1983లో) అందించిన కపిల్‌ దేవ్‌ కూడా తాజాగా కాంబ్లీ ఆరోగ్య పరిస్థితిపై విచారం వెలిబుచ్చారు. ‘మేమంతా అతనికి సాయం చేసేందుకు సిద్ధంగా ఉన్నాం. కానీ దీనికంటే ముఖ్యం తను కూడా తన ఆరోగ్య పరిస్థితికి తగ్గట్లుగా నడుచుకోవాలి. తిరిగి ఆరోగ్యవంతుడయ్యేందుకు స్వీయ నియంత్రణ పాటించాలి. ఒక విషయం అందరూ గుర్తు పెట్టుకోవాలి. ఒక వ్యక్తి తనను తాను చూసుకోలేకపోతే మనం మాత్రం చేయగలిగేదేమీ ఉండదు’ అని అన్నారు.కాంబ్లీ సహచరులే కాదు... అతని సీనియర్లు, పలువురు దిగ్గజ క్రికెటర్లు అతని దీన పరిస్థితి చూసి బాధపడుతున్నారని, అతని సన్నిహితులెవరైనా బాధ్యత తీసుకొని అతను మెరుగయ్యేందుకు చొరవ చూపించాలని, రిహాబిలిటేషన్‌కు పంపి యోగక్షేమాలు చూసుకోవాలని కపిల్‌ సూచించారు.సచిన్‌ బాల్యమిత్రుడు, క్రికెట్‌లో సమకాలికుడు అయిన కాంబ్లీ ఓ ప్రొఫెషనల్‌ క్రికెటర్‌ అన్న సంగతి మరిచి క్రమశిక్షణ లేని జీవితంతో క్రీడా భవిష్యత్తునే కాదు... తాజాగా ఆరోగ్యాన్ని పాడుచేసుకున్నాడు.తన కెరీర్‌లో 104 వన్డేలాడి 2477 పరుగులు, 17 టెస్టుల్లో 1084 పరుగులు చేశాడు. కెరీర్‌ ముగిశాక గాడితప్పిన జీవితం వల్ల 39 ఏళ్ల వయసులోనే అతని గుండెకు 2012లోనే శస్త్రచికిత్స జరిగింది. అయినాసరే కాంబ్లీ ఏమాత్రం మారకుండా నిర్లక్ష్యంగా ఉండటంతో ఇప్పుడు తీవ్ర అనారోగ్యానికి గురయ్యాడు.చదవండి: సిరాజ్‌ మ్యాచ్‌ ఫీజులో కోత

భారత బ్యాడ్మింటన్ స్టార్ పీవీ సింధు త్వరలోనే పెళ్లి పీటలు ఎక్క‌నున్న విష‌యం తెలిసిందే. హైద‌రాబాద్‌కు చెందిన‌ వెంకట దత్తసాయి(Venkata DattaSai) అనే వ్య‌క్తితో సింధూ త‌న‌ జీవితాన్ని పంచుకోనుంది. వీరిద్దరి వివాహం డిసెంబర్ 22న ఉదయ్‌పూర్‌లో జ‌ర‌గ‌నుంది.ఈ నేప‌థ్యంలో కాబోయే దంపతులు భార‌త‌ క్రికెట్‌ దిగ్గజం సచిన్ టెండూల్క‌ర్‌ను క‌లిసి తమ వివాహానికి ఆహ్వానించారు. ఇందుకు సంబంధించిన ఫోటోలను సచిన్ సోషల్ మీడియాలో షేర్ చేశాడు. త్వరలోనే వైవాహిక జీవితంలో అడుగుపెడుతున్న వెంకట్‌, సింధు జోడికి శుభాకాంక్షలు. మీ ఇద్దరూ జీవితాంతం అద్భుతమైన జ్ఞాపకాలతో సంతోషంగా ఉండాలని కోరుకుంటున్నాను. పెళ్లికి రావాలని మమ్మల్ని ఆహ్వానించినందుకు ధన్యవాదాలు అని సచిన్ ఎక్స్‌లో రాసుకొచ్చాడు.ఎవరీ వెంకట దత్తసాయి?హైదరాబాద్‌కు చెందిన వెంకట దత్తసాయి 2018లో గ్రాడ్యుయేషన్‌ పూర్తి చేశారు. ఫ్లేమ్‌ యూనివర్సిటీ నుంచి బీబీఏ పట్టా అందుకున్నారు. అంతకంటే ముందు.. ఫౌండేషన్‌ ఆఫ్‌ లిబరల్‌ అండ్‌ మేనేజ్‌మెంట్‌ ఎడ్యుకేషన్‌లో డిప్లొమా పూర్తి చేశారు.వెంకట దత్తసాయి ప్రస్తుతం ‘పొసిడెక్స్‌ టెక్నాలజీస్‌’ సంస్థ ఎగ్జిక్యూటివ్‌ డైరెక్టర్‌గా వ్యవహరిస్తున్నారు. అదేవిధంగా ఐపీఎల్ ఫ్రాంచైజీ ఢిల్లీ క్యాపిటల్స్‌తోనూ సాయి క‌లిసి పనిచేశాడు. అయితే వెంక‌ట సాయి కుటుంబానికి, సింధు ఫ్యామిలీకి ముందుగానే ప‌రిచయం ఉంది. ఈ క్ర‌మంలోనే ఇరు కుటంబాల పెద్ద‌లు వీరిద్దిరి పెళ్లిని నిశ్చయించారు. ఈ విష‌యాన్ని పీవీ సింధు తండ్రి పీవీ రమణ స్వయంగా నిర్దారించారు.చదవండి: IND vs AUS: ట్రావిస్‌ హెడ్‌, సిరాజ్‌లకు ఐసీసీ షాక్‌!?In badminton, the score always starts with 'love', & your beautiful journey with Venkata Datta Sai ensures it continues with 'love' forever! ♥️🏸 Thank you for personally inviting us to be a part of your big day. Wishing you both a lifetime of smashing memories & endless rallies… pic.twitter.com/kXjgIjvQKY— Sachin Tendulkar (@sachin_rt) December 8, 2024

ప్రతి మనిషి జీవితంలో ఎత్తుపళ్లాలు సహజం. వెలుగు వెంటే చీకటి.. సుఖం వెంటే దుఃఖం.. ఇలా ఒకదాని వెనుక మరొకటి రావడం సహజం. కానీ కొందరి జీవితంలో అంతా బాగుందనుకునేలోపే.. మొత్తం తలకిందులైపోతుంది. దర్జాగా కాలుమీద కాలు వేసుకుని బతికినవాళ్లు సైతం కనీస అవసరాలు కూడా తీర్చుకోలేని దుస్థితికి చేరుకుంటారు. టీమిండియా మాజీ క్రికెటర్‌ వినోద్‌ కాంబ్లీ ప్రస్తుత స్థితి ఇందుకు నిదర్శనం.ముంబై నుంచి టీమిండియాకు ప్రాతినిథ్యం వచ్చిన మేటి ఆటగాళ్లలో కాంబ్లీ ఒకడు. భారత క్రికెట్‌ దిగ్గజం అంటూ నీరజనాలు అందుకుంటున్న సచిన్‌ టెండుల్కర్‌కు బాల్య స్నేహితుడు. రమాకాంత్‌ ఆచ్రేకర్‌ వద్ద క్రికెట్‌ పాఠాలు నేర్చుకున్న వీళ్లిద్దరిలో ఒకరు ఆకాశమంత ఎత్తుకు ఎదిగితే.. మరొకరు అగాథంలో కూరుకుపోయారు. ఇందుకు కారణాలు అనేకం.ఒకప్పుడు కోటీశ్వరుడు.. ఇప్పుడిలా!కాంబ్లీ కెరీర్‌ ఊపుమీద ఉన్నపుడు అతడి పరిస్థితి బాగానే ఉండేది. అప్పట్లో అతడి నికర ఆస్తుల విలువ ఎనిమిది కోట్ల వరకు ఉండేదని జాతీయ మీడియా వర్గాల అంచనా. అయితే, ఇప్పుడు మాత్రం కాంబ్లీ దీనస్థితిలో కూరుకుపోయాడు. 2022 నుంచి పరిస్థితి మరీ దిగజారింది. ఇందుకు కాంబ్లీ క్రమశిక్షణా రాహిత్యమే కారణమనే విమర్శలు ఉన్నాయి.ఏదేమైనా.. ఆర్థికంగా, ఆరోగ్యపరంగా చితికిపోయిన వినోద్‌ కాంబ్లీ ప్రస్తుతం బీసీసీఐ ఇచ్చే నెలవారీ పెన్షన్‌ రూ. 30 వేలతో కాలం వెళ్లదీస్తున్నట్లు సమాచారం. ఇక ఇటీవల రమాకాంత్‌ ఆచ్రేకర్‌ 92వ జయంతి సందర్భంగా సచిన్‌తో కలిసి కాంబ్లీ ఒకే వేదికపై కనిపించిన తర్వాత.. మరోసారి అతడి గురించి చర్చ మొదలైంది.ముఖ్యంగా కాంబ్లీ ఆరోగ్య స్థితిపై అభిమానులు ఆందోళన వ్యక్తం చేస్తున్నారు. అతడికి సాయం అందించాలంటూ సోషల్‌ మీడియా వేదికగా భారత క్రికెటర్లకు విజ్ఞప్తి చేస్తున్నారు. ఈ నేపథ్యంలో టీమిండియా మాజీ పేసన్‌ బల్విందర్‌ సంధు చేసిన వ్యాఖ్యలు వారికి ఊరటనిచ్చాయి.కాంబ్లీని ఆదుకుంటామన్న టీమిండియా లెజెండ్‌.. కానీ ఓ కండిషన్‌!వినోద్‌ కాంబ్లీకి సాయం చేసేందుకు 83 బ్యాచ్‌ సిద్ధంగా ఉందని బల్విందర్‌ తెలిపాడు. టైమ్స్‌ ఆఫ్‌ ఇండియాతో మాట్లాడుతూ.. ‘‘కాంబ్లీ పునరావాస కేంద్రానికి వెళ్లాలని భావిస్తే తప్పకుండా సాయం చేద్దామని కపిల్‌ దేవ్‌(1983 వరల్డ్‌కప్‌ విజేత జట్టు కెప్టెన్‌) నాతో చెప్పాడు. ఆర్థికంగానూ సాయం అందిద్దామన్నాడు.అయితే, అతడు రిహాబ్‌ సెంటర్‌కు వెళ్లినపుడు మాత్రమే అక్కడి బిల్లులు చెల్లిస్తామని.. చికిత్స పూర్తయ్యేంత వరకు ఖర్చులన్నీ భరిస్తామని చెప్పాడు. ఒకవేళ కాంబ్లీ అందుకు సిద్ధంగా లేకపోతే మేమేమీ చేయలేము’’ అని బల్విందర్‌ సంధు పేర్కొన్నాడు. చదవండి: చరిత్ర సృష్టించిన వైభవ్‌ సూర్యవంశీ

బోర్డర్-గవాస్కర్ ట్రోఫీని అద్బుత‌మైన విజ‌యంతో ఆరంభించిన టీమిండియా ఇప్పుడు కంగారుల‌తో మ‌రో కీల‌క పోరుకు సిద్ద‌మైంది. ఆడిలైడ్ వేదిక‌గా శుక్ర‌వారం నుంచి భార‌త్‌-ఆస్ట్రేలియా మ‌ధ్య రెండో టెస్టు ప్రారంభం కానుంది. ఈ మ్యాచ్ డే అండ్ నైట్ మ్యాచ్‌(పింక్‌బాల్ టెస్టు)గా జ‌ర‌గ‌నుంది. ఈ మ్యాచ్ కోసం ఇరు జ‌ట్లు త‌మ ఆస్త‌శ‌స్త్రాల‌ను సిద్దం చేసుకున్నాయి. ఈ ఆడిలైడ్ టెస్టుకు ముందు టీమిండియా స్టార్ ప్లేయ‌ర్ విరాట్ కోహ్లిని ప‌లు అరుదైన రికార్డులు ఊరిస్తున్నాయి.కోహ్లి కన్నేసిన రికార్డులు ఇవే..👉ఆసీస్‌తో రెండో టెస్టులో కోహ్లి మ‌రో సెంచ‌రీ సాధిస్తే, బోర్డర్-గవాస్కర్ ట్రోఫీ చరిత్రలో అత్య‌ధిక సెంచ‌రీలు(10) చేసిన ఆట‌గాడిగా స‌చిన్ టెండూల్క‌ర్‌ను అధిగిమిస్తాడు. ప్ర‌స్తుతం ఈ ఐకానిక్ సిరీస్‌లో అత్యధిక సెంచరీలు సాధించిన జాబితాలో సచిన్ టెండూల్కర్‌(9)తో క‌లిసి కోహ్లి సంయుక్తంగా అగ్ర‌స్ధానంలో ఉన్నాడు.👉అదే విధంగా అడిలైడ్ ఓవల్‌లో విరాట్ కోహ్లి ఇప్ప‌టివ‌ర‌కు మూడు టెస్టు సెంచ‌రీలు సాధించాడు. ఇప్పుడు రెండో టెస్టులో కోహ్లి మ‌రో శ‌త‌కం న‌మోదు చేస్తే.. ఆస్ట్రేలియా గ‌డ్డ‌పై ఒకే వేదిక‌లో అత్య‌ధిక సెంచ‌రీలు చేసిన ప‌ర్యాట‌క బ్యాట‌ర్‌గా రికార్డుల‌కెక్కుతాడు. ప్ర‌స్తుతం ఈ రికార్డు ఇంగ్లండ్ లెజెండ్ జాక్ హాబ్స్ పేరిట ఉంది.చదవండి: SMT 2024: అభిషేక్ శర్మ ఊచ‌కోత‌.. టీ20ల్లో ఫాస్టెస్ట్ సెంచరీ

ప్రముఖ క్రికెట్‌ కోచ్‌ రమాకాంత్‌ విఠల్‌ ఆచ్రేకర్‌ 92వ జయంతిని ముంబైలో ఘనంగా నిర్వహించారు. ఛత్రపతి శివాజీ మహరాజ్‌ పార్క్‌లో మంగళవారం జరిగిన ఈ కార్యక్రమానికి భారత క్రికెట్‌ దిగ్గజం సచిన్‌ టెండుల్కర్‌ ప్రత్యేక అతిథిగా హాజరయ్యారు. ఈ సందర్భంగా తన ‘గురు’ ఆచ్రేకర్‌ మొమోరియల్‌ను సచిన్‌ ఆవిష్కరించారు.స్నేహితుడితో కరచాలనంఇక ఈ కార్యక్రమంలో సచిన్‌ చిన్ననాటి స్నేహితుడు, మాజీ క్రికెటర్‌ వినోద్‌ కాంబ్లీ కూడా పాల్గొన్నాడు. అయితే, సచిన్‌ కంటే ముందే కాంబ్లీ వేదిక మీదకు చేరుకోగా.. సచిన్‌ వస్తూ వస్తూ తన స్నేహితుడితో కరచాలనం చేశాడు.చేయి వదిలేందుకు ఇష్టపడని కాంబ్లీఅయితే, కాంబ్లీ మాత్రం సచిన్‌ చేతిని వదలకుండా గట్టిగా అలాగే పట్టుకున్నాడు. దీంతో పక్కనున్న వ్యక్తి కాంబ్లీ నుంచి అతడి చేతిని విడిచిపించడానికి కాస్త కష్టపడాల్సి వచ్చింది. ఆ తర్వాత సచిన్‌ తన కుర్చీ వద్దకు వెళ్లి కూర్చోగా.. కాంబ్లీ స్నేహితుడి వైపే చూస్తూ ఉండిపోయాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.కాంబ్లీపై నెటిజన్ల సానుభూతి.. ఈ పరిస్థితికి కారణం ఎవరు?ఈ నేపథ్యంలో వినోద్‌ కాంబ్లీ పరిస్థితిని చూసి నెటిజన్లు సానుభూతి వ్యక్తం చేస్తున్నారు. సచిన్‌ స్థాయికి చేరుకోగల సత్తా ఉన్నా చేజేతులా కెరీర్‌ నాశనం చేసుకుని.. ఇలాంటి దుస్థితికి చేరుకున్నాడంటూ కామెంట్లు చేస్తున్నారు. వ్యక్తిగతంగానూ క్రమశిక్షణ లోపించినందు వల్లే అతడి కెరీర్‌ అర్ధంతరంగా ముగిసిపోయిందన్న కాంబ్లీ సన్నిహిత వర్గాల మాటలను ఈ సందర్భంగా గుర్తు చేస్తున్నారు. ​కాగా కాంబ్లీ ప్రస్తుతం ఆరోగ్యపరంగా.. ఆర్థికంగా కూడా ఇబ్బందులు ఎదుర్కొంటున్నట్లు సమాచారం.కాగా భారత్‌ తరఫున అంతర్జాతీయ క్రికెట్‌లో 1993- 2000 మధ్య వినోద్‌ కాంబ్లీ 17 టెస్టులు, 104 వన్డే మ్యాచ్‌లు ఆడాడు. ఆయా ఫార్మాట్లలో 1084, 2477 రన్స్‌ చేశాడు ఈ ఎడమచేతి వాటం బ్యాటర్‌. ఇక దేశీ టోర్నీలో 2004లో మధ్యప్రదేశ్‌తో మ్యాచ్‌ సందర్భంగా ముంబైకి చివరగా ఆడాడు కాంబ్లీ.ఇదిలా ఉంటే.. 2013లో వినోద్‌ కాంబ్లీకి హార్ట్‌ ఎటాక్‌ వచ్చింది. కారులో వెళ్తున్న సమయంలో గుండెపోటు రాగా.. ఓ పోలీస్‌ అధికారి గమనించి సరైన సమయంలో ఆస్పత్రిలో చేర్చడంతో అతడు ప్రాణాలతో బయటపడ్డాడు.సెంచరీ సెంచరీల వీరుడిగా సచిన్‌మరోవైపు.. సచిన్‌ టెండుల్కర్‌ భారత క్రికెట్‌కు మారుపేరుగా ఎదిగాడు. టీమిండియా తరఫున 664 మ్యాచ్‌లు ఆడి 34357 పరుగులు సాధించాడు. ఇప్పటికీ అంతర్జాతీయ స్థాయిలో అత్యధిక రన్స్‌ చేసిన క్రికెటర్‌గా సచిన్‌ రికార్డు చెక్కుచెదరకుండా ఉంది. అంతేకాదు.. ఇంటర్నేషనల్‌ క్రికెట్‌లో వంద సెంచరీలు చేసిన ఏకైక ఆటగాడు కూడా సచినే. ఆయన సేవలను గుర్తించి భారత ప్రభుత్వం ‘భారత రత్న’తో సత్కరించింది. ఇక సచిన్‌, కాంబ్లీ ఇద్దరూ ఆచ్రేకర్‌(1932- 2019) శిష్యులే కావడం గమనార్హం.చదవండి: WTC Final: న్యూజిలాండ్‌ అవకాశాలపై నీళ్లు చల్లిన ఐసీసీ #WATCH | Maharashtra: Former Indian Cricketer Sachin Tendulkar met former cricketer Vinod Kambli during an event in Mumbai.(Source: Shivaji Park Gymkhana/ANI) pic.twitter.com/JiyBk5HMTB— ANI (@ANI) December 3, 2024

ఇంగ్లండ్‌ స్టార్‌ ఆటగాడు జో రూట్‌ క్రికెట్‌ గాడ్‌ సచిన్‌ టెండూల్కర్‌ పేరిట ఉండిన ఓ వరల్డ్‌ రికార్డును బద్దలు కొట్టాడు. టెస్ట్‌ల్లో నాలుగో ఇన్నింగ్స్‌ల్లో అత్యధిక పరుగులు చేసిన ఆటగాడిగా రికార్డు నెలకొల్పాడు. గతంలో ఈ రికార్డు సచిన్‌ టెండూల్కర్‌ పేరిట ఉండేది. నాలుగో ఇన్నింగ్స్‌ల్లో సచిన్‌ 1625 పరుగులు చేయగా.. ప్రస్తుతం రూట్‌ ఖాతాలో 1630 పరుగులు ఉన్నాయి. న్యూజిలాండ్‌తో జరిగిన తొలి టెస్ట్‌ సందర్భంగా రూట్‌ ఈ ఫీట్‌ను సాధించాడు. ఛేదనలో రూట్‌ 23 పరుగులు చేసి తన జట్టును విజయతీరాలకు చేర్చాడు.సచిన్‌ కంటే తక్కువ ఇన్నింగ్స్‌ల్లోనే..!ఫోర్త్‌ ఇన్నింగ్స్‌లో రూట్‌ సచిన్‌ కంటే తక్కువ ఇన్నింగ్స్‌ల్లోనే 1630 పరుగులు చేశాడు. రూట్‌కు ఈ మైలురాయి చేరుకునేందుకు 49 ఇన్నింగ్స్‌లు అవసరం కాగా.. సచిన్‌ 60 ఇన్నింగ్స్‌ల్లో 1625 పరుగులు చేశాడు. నాలుగో ఇన్నింగ్స్‌ల్లో అత్యధిక పరుగులు చేసిన ఆటగాళ్ల జాబితాలో టాప్‌-5 స్థానాల్లో వీరు ఉన్నారు.రూట్‌- 1630 పరుగులు (49 ఇన్నింగ్స్‌లు)సచిన్‌- 1625 (60 ఇన్నింగ్స్‌లు)అలిస్టర్‌ కుక్‌- 1611 (53 ఇన్నింగ్స్‌లు)గ్రేమ్‌ స్మిత్‌- 1611 (41 ఇన్నింగ్స్‌లు)శివ్‌నరైన్‌ చంద్రపాల్‌- 1580 (49 ఇన్నింగ్స్‌లు)కేన్‌ సచిన్‌ రికార్డును తన 150వ టెస్ట్‌లో బద్దలు కొట్టడం విశేషం. రూట్‌ ప్రస్తుతం టెస్ట్‌ల్లో 12777 పరుగులు చేసి సుదీర్ఘ ఫార్మాట్‌లో అత్యధిక పరుగులు చేసిన ఆటగాళ్ల జాబితాలో ఐదో స్థానంలో ఉన్నాడు. ఈ జాబితాలో సచిన్‌ (15921) టాప్‌లో ఉండగా.. రికీ పాంటింగ్‌ (13378), కల్లిస్‌ (13289), ద్రవిడ్‌ (13288) రూట్‌ కంటే ముందున్నారు.కాగా, క్రైస్ట్‌చర్చ్‌ వేదికగా న్యూజిలాండ్‌తో జరిగిన తొలి టెస్ట్‌లో ఇంగ్లండ్‌ 8 వికెట్ల తేడాతో గెలుపొందింది. ఈ మ్యాచ్‌లో ఇంగ్లండ్‌ ఆటగాళ్లు హ్యరీ బ్రూక్‌ (171) భారీ సెంచరీతో కదంతొక్కగా.. బ్రైడన్‌ కార్స్‌ 10 వికెట్లతో విజృంభించాడు. తొలి ఇన్నింగ్స్‌లో డకౌటైన రూట్‌ రెండో ఇన్నింగ్స్‌లో జేకబ్‌ బేతెల్‌తో (50 నాటౌట్‌) కలిసి అజేయమైన 23 పరుగులు చేసి తన జట్టును విజయతీరాలకు చేర్చాడు.

‘‘అతడొక అద్భుతమైన పిల్లాడు. కానీ తనని అందరూ అపార్థం చేసుకునేందుకు అన్ని విధాలా ఆస్కారం ఇచ్చాడు. ప్రతి ఒక్కరికి జీవితంలో ఇలాంటి కుదుపు ఒకటి అవసరం. షాక్‌ తగలాల్సిందే. అతడు చిన్ననాటి నుంచే ప్రత్యేకమైన వ్యక్తిగా ప్రశంసలు అందుకున్నాడు. అత్యంత ప్రతిభావంతమైన బ్యాటర్‌ అని కితాబులు అందుకుంటూ పెరిగాడు.ప్రపంచంలో సచిన్‌, కోహ్లి తర్వాత ఎంఆర్‌ఎఫ్‌ బ్యాట్‌ను సొంతం చేసుకున్న ఆటగాడిగా నీరాజనాలు అందుకున్నాడు. కొంతమంది అతడిని లారా అన్నారు. మరికొందరేమో మరో సచిన్‌ అని కీర్తించారు. ముంబై క్రికెట్‌ మొత్తం అతడి గురించే మాట్లాడేది. సునిల్‌ గావస్కర్‌, సచిన్‌ టెండుల్కర్‌ వంటి దిగ్గజాలను ముంబై అందించింది.అతడు కూడా వారి స్థాయికి ఎదుగుతాడని అంతా భావించారు. కానీ.. పృథ్వీకి ఊహించని షాక్‌ తగిలింది. అతడికి ఇలా జరగాల్సిందే. ఇప్పటి వరకు ఐపీఎల్‌లో అతడికి కాంట్రాక్టు ఉండేది. కానీ ఇప్పుడు అసలు తన పేరే ఎవరూ పరిగణనలోకి తీసుకోలేదు’’ అంటూ ఢిల్లీ క్యాపిటల్స్‌ ఫ్రాంఛైజీ సహ యజమాని పార్థ్‌ జిందాల్‌ అన్నాడు. భారత క్రికెటర్‌ పృథ్వీ షాను ఉద్దేశించి ఈ మేరకు వ్యాఖ్యలు చేశాడు.పృథ్వీ షా అంటే ఏమిటో ప్రపంచానికి చాటిచెప్పాలిఇప్పటికైనా పృథ్వీ కఠినంగా శ్రమించి.. మునుపటి కంటే గొప్పగా తిరిగి రావాలని పార్థ్‌ జిందాల్‌ ఆకాంక్షించాడు. ఫిట్‌నెస్‌ సాధించడంతో పాటు క్రమశిక్షణతో మెలుగుతూ పృథ్వీ షా అంటే ఏమిటో ప్రపంచానికి చాటిచెప్పాలని అతడిని ఉద్దేశించి ఇండియా టుడేతో స్పూర్తిదాయక వ్యాఖ్యలు చేశాడు.కాగా భారత్‌కు అండర్‌-19 వరల్డ్‌కప్‌ అందించిన కెప్టెన్‌ పృథ్వీ షా. 2018లో టీమిండియా తరఫున అరంగేట్రం చేసిన ఈ కుడిచేతి వాటం బ్యాటర్‌ తొలి టెస్టులోనే సెంచరీ చేశాడు. అయితే, శుభారంభాన్ని సద్వినియోగం చేసుకోలేకపోయిన పృథ్వీ షా క్రమక్రమంగా జాతీయ జట్టుకు దూరమయ్యాడు. టీమిండియాలో చోటు కరువుశుబ్‌మన్‌ గిల్‌, ఇషాన్‌ కిషన్‌, యశస్వి జైస్వాల్‌, రుతురాజ్‌ గైక్వాడ్‌ వంటి బ్యాటర్ల రాకతో ఓపెనర్‌గా మళ్లీ అవకాశాలు దక్కించుకోలేకపోయాడు. మరోవైపు.. ఐపీఎల్‌లోనూ మంచి ఆరంభమే అందుకున్నా.. ఇప్పుడు కనీస ధరకు కూడా అమ్ముడుపోని దుస్థితికి చేరుకున్నాడు. ఇటీవల సౌదీ అరేబియాలో జరిగిన మెగా వేలంలో పృథ్వీ షా రూ. 75 లక్షలకే అందుబాటులో ఉన్నా ఒక్క ఫ్రాంఛైజీ కూడా అతడి వైపు కన్నెత్తి చూడలేదు. ఆరంభం నుంచి అవకాశాలు ఇచ్చిన ఢిల్లీ కూడా పృథ్వీని మొత్తానికే వదిలించుకుంది.క్రమశిక్షణా రాహిత్యం, ఫిట్‌నెస్‌లేమిముంబై క్రికెట్‌ జట్టులోనూ పృథ్వీ షాకు సుస్థిర స్థానం లేదు. క్రమశిక్షణా రాహిత్యం, ఫిట్‌నెస్‌లేమి ఇందుకు కారణాలు. ఈ నేపథ్యంలో అతడిపై విమర్శల వర్షం కురుస్తుండగా.. పార్థ్‌ జిందాల్‌ పైవిధంగా స్పందించాడు. కాగా 2018లో ఐపీఎల్‌లో ఢిల్లీ తరఫున అడుగుపెట్టిన పృథ్వీ షా ఇప్పటి వరకు 79 మ్యాచ్‌లు ఆడి 1892 పరుగులు చేశాడు. ఇక ఐపీఎల్‌-2024లో ఢిల్లీ ఫ్రాంఛైజీ అతడి సేవల కోసం ఏకంగా రూ. 8 ​కోట్లు ఖర్చు చేసింది. కానీ పూర్తిగా నిరాశపరచడంతో వేలానికి ముందు విడిచిపెట్టింది.చదవండి: వేలంలో అమ్ముడుపోలేదు.. ఇక్కడేమో అత్యంత చెత్త రికార్డుతో శార్దూల్‌!.. రహానే దంచికొట్టినా..

టీమిండియా స్టార్‌ ఆటగాడు విరాట్‌ కోహ్లి క్రికెట్‌ గాడ్‌ సచిన్‌ టెండూల్కర్‌ పేరిట ఉన్న మరో రికార్డును బద్దలు కొట్టాడు. టెస్ట్‌ల్లో భారత్‌ తరఫున అత్యధిక క్యాచ్‌లు పట్టిన ఫీల్డర్ల జాబితాలో విరాట్‌ (116).. సచిన్‌ను (115) వెనక్కు నెట్టి మూడో స్థానానికి ఎగబాకాడు. ఈ జాబితాలో రాహుల్‌ ద్రవిడ్‌ (210 క్యాచ్‌లు) టాప్‌లో ఉండగా.. వీవీఎస్‌ లక్ష్మణ్‌ (135) రెండో స్థానంలో ఉన్నాడు.కాగా, పెర్త్‌ టెస్ట్‌లో టీమిండియా విజయం దిశగా సాగుతుంది. ఈ మ్యాచ్‌లో 534 పరుగుల లక్ష్యాన్ని ఛేదించేందుకు బరిలోకి దిగిన ఆస్ట్రేలియా నాలుగో రోజు రెండో సెషన్‌ సమయానికి 6 వికెట్ల నష్టానికి 172 పరుగులు చేసింది. ఈ మ్యాచ్‌లో ఆసీస్‌ గెలుపొందాలంటే మరో 362 పరుగులు చేయాలి. చేతిలో నాలుగు వికెట్లు మాత్రమే ఉన్నాయి. మిచెల్‌ మార్ష్‌ (39), అలెక్స్‌ క్యారీ (1) క్రీజ్‌లో ఉన్నారు. ఆసీస్‌ ఇన్నింగ్స్‌లో మెక్‌స్వీని 0, ఉస్మాన్‌ ఖ్వాజా 4, కమిన్స్‌ 2, లబూషేన్‌ 3, స్టీవ్‌ స్మిత్‌ 17, ట్రవిస్‌ హెడ్‌ 89 పరుగులు చేశారు. భారత బౌలర్లలో జస్ప్రీత్‌ బుమ్రా, మొహమ్మద్‌ సిరాజ్‌ తలో మూడు వికెట్లు పడగొట్టారు.అంతకుముందు భారత్‌ 6 వికెట్ల నష్టానికి 487 పరుగులు చేసి సెకెండ్‌ ఇన్నింగ్స్‌ను డిక్లేర్‌ చేసింది. యశస్వి జైస్వాల్‌ (161), విరాట్‌ కోహ్లి (100 నాటౌట్‌) సెంచరీలతో కదం తొక్కగా.. రాహుల్‌ 77, పడిక్కల్‌ 25, పంత్‌ 1, జురెల్‌ 1, వాషింగ్టన్‌ సుందర్‌ 29 పరుగులు చేశారు. నితీశ్‌ కుమార్‌ రెడ్డి 38 పరుగులతో అజేయంగా నిలిచాడు. ఆసీస్‌ బౌలర్లలో లయోన్‌ 2 వికెట్లు పడగొట్టగా.. స్టార్క్‌, హాజిల్‌వుడ్‌, కమిన్స్‌, మార్ష్‌ తలో వికెట్‌ తీసుకున్నారు.దీనికి ముందు ఆస్ట్రేలియా తొలి ఇన్నింగ్స్‌లో 104 పరుగులకు ఆలౌటైంది. ఆసీస్‌ ఇన్నింగ్స్‌లో మిచెల్‌ స్టార్క్‌ (26) టాప్‌ స్కోరర్‌గా నిలిచాడు. బుమ్రా (5/30), సిరాజ్‌ (2/20), హర్షిత్‌ రాణా (3/48) కలిసి ఆసీస్‌ ఇన్నింగ్స్‌ను కుప్పకూల్చారు.ఈ మ్యాచ్‌లో తొలుత బ్యాటింగ్‌ చేసిన భారత్‌ 150 పరుగులకు ఆలౌటైంది. భారత ఇన్నింగ్స్‌లో నితీశ్‌ కుమార్‌ రెడ్డి (41) టాప్‌ స్కోరర్‌గా నిలిచాడు. ఆసీస్‌ బౌలర్లలో హాజిల్‌వుడ్‌ 4, స్టార్క్‌, కమిన్స్‌, మార్ష్‌ తలో రెండు వికెట్లు పడగొట్టారు.

ఆస్ట్రేలియా గ‌డ్డ‌పై త‌న‌కు తిరుగులేద‌ని టీమిండియా స్టార్ ప్లేయర్ విరాట్ కోహ్లి మ‌రోసారి నిరూపించుకున్నాడు. పెర్త్ వేదిక‌గా ఆస్ట్రేలియాతో జ‌రుగుతున్న తొలి టెస్టులో కోహ్లి అద్బుత‌మైన సెంచ‌రీతో చెల‌రేగాడు.ఆసీస్ బౌల‌ర్ల‌ను అలవోకగా ఆడుతూ 143 బంతుల్లో సెంచరీ పూర్తి చేసుకున్నాడు. అత‌డి ఇన్నింగ్స్‌లో 8 ఫోర్లు, రెండు సిక్స్‌లు ఉన్నాయి. టెస్టుల్లో కోహ్లికి ఇది 30వ శతకం. అదేవిధంగా ఆస్ట్రేలియా గడ్డపై విరాట్‌కు 7వ సెంచరీ కావడం గమనార్హం. ఇక ఈ సెంచరీతో కోహ్లి పలు అరుదైన రికార్డులను తన పేరిట లిఖించుకున్నాడు.కోహ్లి సాధించిన రికార్డులు ఇవే..👉ఆస్ట్రేలియా గడ్డపై అత్యధిక టెస్టు సెంచరీలు చేసిన ఆటగాడిగా విరాట్ కోహ్లి రికార్డులకెక్కాడు. ఇప్పటివరకు ఈ రికార్డు సచిన్ టెండూల్కర్ (6 సెంచరీలు) పేరిట ఉండేంది. ఈ సెంచరీతో సచిన్ ఆల్‌టైమ్‌ రికార్డును కోహ్లి బ్రేక్ చేశాడు. ఈ పర్యాటక బ్యాటర్ కూడా ఈ ఫీట్ సాధించలేకపోయారు.👉అదేవిధంగా టెస్టు క్రికెట్‌లో అత్య‌ధిక సెంచ‌రీలు చేసిన జాబితాలో ఆసీస్ దిగ్గ‌జం డాన్ బ్రాడ్‌మన్‌(29)ను కోహ్లి అధిగ‌మించాడు.👉అదే విధంగా విదేశాల్లో అత్యధిక టెస్టు సెంచరీలు చేసిన భారత క్రికెటర్‌గా సునీల్ గవాస్కర్ రికార్డును విరాట్ స‌మం చేశాడు. కోహ్లి ఆస్ట్రేలియాలో 7 సెంచ‌రీలు చేయ‌గా.. గవాస్కర్ కూడా వెస్టిండీస్‌లో స‌రిగ్గా 7 సెంచరీలు నమోదు చేశాడు.

ముంబై: మహారాష్ట్ర అసెంబ్లీ ఎన్నికలకు సంబంధించి నేడు పోలింగ్‌ కొనసాగుతోంది. మహారాష్ట్రలో ఒకే విడతలో మొత్తం 288 నియోజకవర్గాలకు ఓటింగ్‌ జరుగుతోంది. ఈ నేపథ్యంలో ప్రముఖులు తమ ఓటు హక్కు వినియోగించుకుంటున్నారు.అసెంబ్లీ ఎన్నికలకు పోలింగ్‌ ప్రారంభమైన వెంటనే బారామతిలో డిప్యూటీ సీఎం, ఎన్సీపీ అభ్యర్థి అజిత్‌ పవార్ ఓటు వేశారు. ముంబైలోని రాజ్‌భవన్‌లో గవర్నర్‌ సీపీ రాధాకృష్ణన్‌ ఓటు హక్కు వినియోగించుకున్నారు. అలాగే, నాగ్‌పుర్‌లోని ఓ పోలింగ్‌ కేంద్రంలో ఆర్‌ఎస్‌ఎస్‌ చీఫ్‌ మోహన్‌ భాగవత్‌ ఓటు వేశారు. అలాగే, ఎంపీ సుప్రియా సూలే తన కుటుంబంతో కలిసి ఓటు హక్కు వినియోగించుకున్నారు.ముంబైలోని పలు పోలింగ్‌ బూత్‌లో క్రికెటర్‌ సచిన్‌ సహా ఆయన కుటుంబ సభ్యులు ఓటు వేశారు. బాలీవుడ్‌ దర్శకుడు కబీర్‌ ఖాన్‌, సినీ నటుడు రాజ్‌ కుమార్‌ రావ్‌, నటి గౌతమీ కపూర్‌, నటులు అక్షయ్‌ కుమార్‌, అలీ ఫజల్‌ ఆర్‌బీఐ గవర్నర్‌ శక్తికాంత దాస్‌ తమ ఓటు హక్కు వినియోగించుకున్నారు.#WATCH | | Former Indian Cricketer Sachin Tendulkar, his wife and their daughter cast their votes at a polling station in Mumbai#MaharashtraAssemblyElections2024 pic.twitter.com/JX8WASuy4Y— ANI (@ANI) November 20, 2024 #WATCH | Mumbai: Former Indian Cricketer Sachin Tendulkar, his wife Anjali Tendulkar and their daughter Sara Tendulkar, show their inked fingers after casting vote for #MaharashtraAssemblyElections2024 pic.twitter.com/ZjHix46qmb— ANI (@ANI) November 20, 2024 #WATCH | Filmmaker and actor Farhan Akhtar shows his inked finger after casting his vote for #MaharashtraAssemblyElections2024, at a polling booth in Bandra, Mumbai. pic.twitter.com/R9wyvbphFx— ANI (@ANI) November 20, 2024 #WATCH | Mumbai: Actor Ali Fazal shows his inked finger after casting his vote for #MaharashtraAssemblyElections2024 pic.twitter.com/GVspi9nAfA— ANI (@ANI) November 20, 2024 #WATCH | NCP-SCP MP Supriya Sule along with her family show their inked fingers after casting a vote for #MaharashtraAssemblyElections2024NCP has fielded Deputy CM Ajit Pawar and NCP-SCP has fielded Yugendra Pawar from the Baramati Assembly constituency. pic.twitter.com/x22KuN8OEI— ANI (@ANI) November 20, 2024 Superstar #AkshayKumar is among the first voters to cast their vote today.pic.twitter.com/EXKGNWZ0pq— Nitesh Naveen (@NiteshNaveenAus) November 20, 2024

టీమిండియా స్టార్‌ బ్యాటర్‌ విరాట్‌ కోహ్లి ఫామ్‌లేమితో సతమతమవుతున్నాడు. స్వదేశంలో బంగ్లాదేశ్‌, న్యూజిలాండ్‌తో టెస్టు సిరీస్‌లలో ఈ కుడిచేతి వాటం బ్యాటర్‌ స్థాయికి తగ్గట్లు రాణించలేకపోయాడు. ముఖ్యంగా స్పిన్నర్లను ఎదుర్కోవడంలో తడబడి వికెట్‌ పారేసుకున్నాడు.ఈ నేపథ్యంలో కోహ్లి బ్యాటింగ్‌ తీరుపై విమర్శలు వెల్లువెత్తాయి. ముఖ్యంగా కివీస్‌ చేతిలో టీమిండియా 3-0తో వైట్‌వాష్‌ కావడంతో భారత మాజీ క్రికెటర్లు సైతం కోహ్లిపై ఆగ్రహం వ్యక్తం చేశారు. మరికొంత మంది మాత్రం.. ‘‘ఫామ్‌ తాత్కాలికం.. క్లాస్‌ శాశ్వతం’’ అని ఈ రన్‌మెషీన్‌కు అండగా నిలిచారు.రెండు భారీ రికార్డులపై కన్నేసిన కోహ్లి.. ఈ క్రమంలో ఆస్ట్రేలియా పర్యటన రూపంలో కోహ్లి వరుస వైఫల్యాలకు చెక్‌ పెడుతూ.. తనను తాను మరోసారి నిరూపించుకునే సమయం వచ్చింది. మామూలుగానే కంగారూలతో టెస్టుల్లో చెలరేగి ఆడే ఈ ఢిల్లీ బ్యాటర్‌.. ఇలాంటి కఠిన పరిస్థితుల్లో మరింత గొప్పగా రాణిస్తాడని ఇటు టీమిండియా, అటు ఆస్ట్రేలియా మాజీ క్రికెటర్లు అంచనా వేస్తున్నారు.ఒకవేళ ఇక్కడా విఫలమైతే.. బోర్డర్‌- గావస్కర్‌ ట్రోఫీ(బీజీటీ) కోసం ఆస్ట్రేలియా పర్యటనకు రావడం ఇదే చివరిసారి అవుతుందని కూడా జోస్యం చెబుతున్నారు. ఇదిలా ఉంటే.. కోహ్లి గనుక మునుపటి ఫామ్‌ అందుకుంటే ఆస్ట్రేలియా గడ్డపై రెండు అరుదైన భారీ రికార్డులు సొంతం చేసుకునే అవకాశం ఉంది.మరో 458 పరుగులు చేస్తే!బీజీటీ 2024-25లో భాగంగా ఆసీస్‌తో ఐదు మ్యాచ్‌ల టెస్టు సిరీస్‌లో కోహ్లి గనుక 458 పరుగులు సాధిస్తే.. సచిన్‌ టెండుల్కర్‌ ఆల్‌టైమ్‌ రికార్డు బద్దలవుతుంది. కంగారూ గడ్డపై సచిన్‌ 20 టెస్టులు ఆడి 53.20 సగటుతో.. 1809 పరుగులు సాధించాడు. తద్వారా ఆస్ట్రేలియాలో టెస్టుల్లో అత్యధిక రన్స్‌ చేసిన భారత బ్యాటర్‌గా కొనసాగుతున్నాడు.మరోవైపు కోహ్లి.. ఆస్ట్రేలియాలో ఇప్పటి వరకు ఆడిన 13 టెస్టుల్లో 54.08 సగటుతో 458 పరుగులు సాధించాడు. కాబట్టి ఈసారి ఇంకో 458 పరుగులు చేశాడంటే.. సచిన్‌ టెండ్కులర్‌ను అధిగమిస్తాడు.ఇక ఆస్ట్రేలియా గడ్డపై సచిన్‌ టెండుల్కర్‌, కోహ్లి ఆరేసి శతకాలు చేసి.. ఈ ఘనత సాధించిన టీమిండియా బ్యాటర్ల జాబితాలో అగ్రస్థానంలో కొనసాగుతున్నారు. ఈసారి కోహ్లి ఒక్క సెంచరీ చేస్తే.. సచిన్‌ను వెనక్కి నెట్టి భారత్‌ తరఫున ఆస్ట్రేలియాలో అత్యధిక శతకాలధీరుడిగా అవతరిస్తాడు.కాగా.. నవంబరు 22 నుంచి పెర్త్‌ వేదికగా ఆస్ట్రేలియా- టీమిండియా మధ్య మొదటి టెస్టు ఆరంభం కానుంది. జనవరి 3-7 వరకు జరుగనున్న ఐదో టెస్టుతో టీమిండియా ఆసీస్‌ టూర్‌ ముగుస్తుంది. ఇదిలా ఉంటే.. కోహ్లి ఇటీవల స్వదేశంలో న్యూజిలాండ్‌తో మూడు టెస్టుల్లో రాబట్టిన పరుగులు 0, 70, 1, 17, 4, 1.చదవండి: ఇషాన్‌ కిషన్‌కు కళ్లు చెదిరే ధర.. రూ. 14.5 కోట్లకు ఆ జట్టు సొంతం!

టీమిండియా దిగ్గజ క్రికెటర్‌ సచిన్‌ టెండుల్కర్‌ కుమారుడు అర్జున్‌ టెండుల్కర్‌ రంజీ మ్యాచ్‌లో అదరగొట్టాడు. అరుణాచల్‌ ప్రదేశ్‌తో పోరులో ఆకాశమే హద్దుగా చెలరేగిన ఈ గోవా ఆల్‌రౌండర్‌.. ఏకంగా ఐదు వికెట్లు కూల్చాడు. అర్జున్‌ దెబ్బకు ప్రత్యర్థి జట్టు బ్యాటింగ్‌ ఆర్డర్‌ పేకమేడలా కుప్పకూలింది. 84 పరుగులకే ఆలౌట్‌ అయింది.గోవాకు ప్రాతినిథ్యంకాగా ముంబైకి చెందిన అర్జున్‌ టెండుల్కర్‌ దేశవాళీ క్రికెట్లో గోవాకు ప్రాతినిథ్యం వహిస్తున్నాడు. ఎడమచేతి వాటం కలిగిన బ్యాటర్‌ అయిన అర్జున్‌.. లెఫ్టార్మ్‌ ఫాస్ట్‌ మీడియం పేసర్‌ కూడా! ఇక 25 ఏళ్ల అర్జున్‌ రంజీ ట్రోఫీ 2024-25లో ప్లేట్‌ గ్రూపులో ఉన్న గోవా.. తాజాగా అరుణాచల్‌ ప్రదేశ్‌ జట్టుతో తలపడుతోంది.పొర్వోరిమ్‌లోని గోవా క్రికెట్‌ అసోసియేషన్‌ అకాడమీ గ్రౌండ్‌లో బుధవారం ఇరుజట్ల మధ్య మ్యాచ్‌ మొదలైంది. టాస్‌ గెలిచిన అరుణాచల్‌ ప్రదేశ్‌ తొలుత బ్యాటింగ్‌ ఎంచుకుంది. ఈ క్రమంలో ఆది నుంచే అటాక్‌ మొదలుపెట్టిన గోవా ఆల్‌రౌండర్‌ అర్జున్‌ టెండుల్కర్‌.. ప్రత్యర్థి జట్టు బ్యాటర్లను బెంబేలెత్తించాడు.టాప్‌-5 వికెట్లు అతడి ఖాతాలోనేఅర్జున్‌ ధాటికి టాపార్డర్‌తో పాటు మిడిలార్డర్‌ కకావికలమైంది. ఓపెనర్‌ నబాం హచాంగ్‌ను డకౌట్‌ చేయడంతో వికెట్ల వేట మొదలుపెట్టిన అర్జున్‌.. మరో ఓపెనర్‌ నీలం ఒబి(22), వన్‌డౌన్‌ బ్యాటర్‌ చిన్మయ్‌ పాటిల్‌(3), నాలుగో స్థానంలో వచ్చిన జే భస్వార్‌(0), ఐదో నంబర్‌ బ్యాటర్‌ మోజీ ఎటె(1)లను పెవిలియన్‌కు పంపాడు.ఫస్ట్‌క్లాస్‌ క్రికెట్‌ కెరీర్లో‌ తొలి ఐదు వికెట్ల ప్రదర్శనతద్వారా అర్జున్‌ టెండుల్కర్‌.. తన ఫస్ట్‌క్లాస్‌ క్రికెట్‌ కెరీర్లో‌ తొలి ఐదు వికెట్ల ప్రదర్శన(5 Wicket Haul) నమోదు చేశాడు. ఇక అర్జున్‌తో పాటు గోవా బౌలర్లలో కేత్‌ పింటో రెండు, మోహిత్‌ రేడ్కర్‌ మూడు వికెట్లతో రాణించారు. ఈ క్రమంలో తొలిరోజు ఆటలోనే కుప్పకూలిన అరుణాచల్‌ ప్రదేశ్‌.. 84 పరుగులకు తమ తొలి ఇన్నింగ్స్‌ను ముగించింది.ముంబై తరఫున కాగా ఐపీఎల్‌-2025 మెగా వేలానికి ముందు అర్జున్ టెండుల్కర్‌ ఈమేరకు ఉత్తమ ప్రదర్శన కనబరచడం.. అతడికి సానుకూలాంశంగా మారింది. ఈ ఆల్‌రౌండర్‌ను దక్కించుకునేందుకు ఫ్రాంఛైజీలు ఆసక్తి చూపే అవకాశం ఉంది. ఇక సచిన్‌ టెండుల్కర్‌ మెంటార్‌గా వ్యవహరిస్తున్న ముంబై ఇండియన్స్‌ తరఫున అర్జున్‌ గతేడాది ఐపీఎల్‌లో అరంగేట్రం చేశాడు. ఇప్పటి వరకు మొత్తంగా ఐదు మ్యాచ్‌లు ఆడి 13 పరుగులు చేయడంతో పాటు.. మూడు వికెట్లు తీశాడు. అయితే, రిటెన్షన్స్‌లో భాగంగా ఐదుగురిని అట్టిపెట్టుకున్న ముంబై.. అర్జున్‌ను వదిలివేసింది. ఇదిలా ఉంటే.. సౌదీ అరేబియాలోని జెద్దా వేదికగా నవంబరు 24, 25 తేదీల్లో ఐపీఎల్‌ వేలంపాట జరుగనుంది.చదవండి: ఆతిథ్య హక్కులు మావే.. మ్యాచ్‌లన్నీ మా దేశంలోనే.. పాక్‌ ప్రభుత్వ వైఖరి ఇదే!

షార్జా వేదిక‌గా జ‌రిగిన ఆఖ‌రి వ‌న్డేలో 5 వికెట్ల తేడాతో బంగ్లాదేశ్‌ను అఫ్గానిస్తాన్ చిత్తు చేసింది. త‌ద్వారా మూడు మ్యాచ్‌ల సిరీస్‌ను 2-1తో అఫ్గానిస్తాన్ సొంతం చేసుకుంది. అఫ్గాన్ విజ‌యంలో స్టార్ ఓపెన‌ర్ రహ్మానుల్లా గుర్బాజ్ కీల‌క పాత్ర పోషించాడు.ఈ మ్యాచ్‌లో రహ్మానుల్లా గుర్బాజ్ అద్బుత‌మైన సెంచ‌రీతో మెరిశాడు. 245 ప‌రుగుల ల‌క్ష్య చేధ‌న‌లో గుర్బాజ్ ఆకాశ‌మే హ‌ద్దుగా చెల‌రేగాడు. ఓవరాల్‌గా ఈ మ్యాచ్‌లో 120 బంతులు ఎదుర్కొన్న గుర్భాజ్ 5 ఫోర్లు, 7 సిక్స్‌ల‌తో 101 ప‌రుగులు చేశాడు. కాగా రహ్మానుల్లాకు ఇది ఎనిమిదో వ‌న్డే అంత‌ర్జాతీయ సెంచ‌రీ కావ‌డం విశేషం. త‌ద్వారా గుర్భాజ్ ఓ అరుదైన రికార్డును త‌న ఖాతాలో వేసుకున్నాడు.సచిన్, కోహ్లి రికార్డు బ‌ద్దలు..అంత‌ర్జాతీయ వ‌న్డేల్లో అతి పిన్న వ‌య‌స్సులోనే ఎనిమిది సెంచరీలు చేసిన రెండో ప్లేయ‌ర్‌గా గుర్భాజ్ రికార్డులెక్కాడు. గుర్భాజ్ కేవ‌లం 22 సంవత్సరాల, 349 రోజుల వ‌య‌స్సులో ఈ ఫీట్‌ను అందుకున్నాడు.ఈ క్ర‌మంలో భార‌త క్రికెట్ దిగ్గ‌జం స‌చిన్ టెండూల్క‌ర్‌, ర‌న్ మిష‌న్ విరాట్ కోహ్లిని గుర్భాజ్ ఆధిగ‌మించాడు. సచిన్ 22 ఏళ్ల 357 రోజుల వ‌య‌స్సులో ఈ రికార్డు సాధించ‌గా.. కోహ్లి 23 ఏళ్ల 27 రోజుల వ‌య‌స్సులో అందుకున్నాడు.ఇక ఈ అరుదైన రికార్డు సాధించిన జాబితాలో ద‌క్షిణాఫ్రికా స్టార్ క్రికెటర్ క్వింట‌న్ డికాక్ అగ్రస్ధానంలో ఉన్నాడు. డికాక్ 22 ఏళ్ల 312 రోజుల్లో ఈ రికార్డును నమోదు చేశాడు. కాగా అఫ్గానిస్తాన్ క్రికెట్ జ‌ట్టు వ‌న్డేల్లో సాధించిన మొత్తం సెంచరీల(30)లో గుర్భాజ్ సాధించినివే 25 శాతం కావ‌డం గ‌మనార్హం.చదవండి: అదొక పగటి కల.. భారత్‌కు పీసీబీ స్ట్రాంగ్‌ రిప్లై ఇవ్వాలి: పాక్‌ మాజీ కెప్టెన్‌

ప్ర‌పంచ క్రికెట్‌లో అత‌డొక కింగ్‌. అత‌డికి సాధ్యం కానిది అంటూ ఏదీ లేదు. తండ్రి ఆశయం కోసం ఎంతటి సవాలునైనా ఎదిరించగల సాహసి. ప్రాణంలా ప్రేమించిన తండ్రి మ‌ర‌ణం బాధిస్తున్నా.. ఆటగాడిగా తన విధిని నిర్వర్తించిన అంకితభావం గల వ్యక్తి. టెస్టు, వన్డే, టీ20 ఫార్మాట్‌ ఏదైనా సరే అత‌డు బ‌రిలోకి దిగ‌నంత‌వ‌రకే.. అత‌డు మైదానంలో అడుగుపెడితే ప్ర‌త్య‌ర్ధి బౌల‌ర్ల గుండెల్లో రైళ్లు ప‌రిగెత్తాల్సిందే.రికార్డులను తన ఇంటి పేరుగా మార్చుకుంటూ వ‌ర‌ల్డ్ క్రికెట్‌పై త‌న‌దైన ముద్ర వేసుకున్న ధీరుడు అత‌డు. క్రికెట్ దేవుడు సచిన్‌ను మ‌రిపించేలా పరుగుల ప్రవాహంతో అనేక రికార్డులు బద్దలు కొట్టడం.. మరెన్నో రికార్డుల మీద గురి పెట్టడం అతడికే చెల్లింది.కొండంత ల‌క్ష్యాన్ని కూడా సరే అవలీలగా కరిగించే ఛేజ్ మాస్టర్. వ‌ర‌ల్డ్‌క్రికెట్‌లో ఫిట్‌నెస్‌కు మారుపేరు అత‌డు. అత‌డు ఎవ‌రో కాదు టీమిండియా స్టార్ క్రికెటర్ విరాట్ కోహ్లి. "విరాట్‌ కోహ్లి నుదుటి రాతను దేవుడు రాయడు అతనే స్వయంగా తన రాత రాసుకుంటాడు". ఇది స‌చిన్ వ‌న్డే సెంచ‌రీల రికార్డును విరాట్ బ్రేక్‌ చేసిన‌ప్పుడు కామెంటేట‌ర్ సునీల్ గ‌వాస్క‌ర్ చెసిన వాఖ్య ఇది. ఇది నిజంగా అక్ష‌ర స‌త్యం. కోహ్లి నేడు త‌న 36వ పుట్టిన రోజు జ‌రుపునకుంటున్నాడు. ఈ సంద‌ర్భంగా అంత‌ర్జాతీయ క్రికెట్‌లో సాధించిన పలు అరుదైన రికార్డుల‌పై ఓ లుక్కేద్దాం.👉: అంత‌ర్జాతీయ వ‌న్డే క్రికెట్‌లో అత్య‌ధిక సెంచ‌రీలు చేసిన ఆట‌గాడిగా విరాట్ కోహ్లి రికార్డు క‌లిగి ఉన్నాడు. ఇప్ప‌టివ‌ర‌కు 295 వ‌న్డేలు ఆడిన కోహ్లి మొత్తంగా 50 సెంచ‌రీలను త‌న ఖాతాలో వేసుకున్నాడు. గ‌తేడాది జ‌రిగిన వ‌న్డే వ‌ర‌ల్డ్‌క‌ప్‌లో న్యూజిలాండ్‌పై సెంచరీ న‌మోదు చేసిన విరాట్.. ఈ అరుదైన ఫీట్‌ను త‌న పేరిట లిఖించుకున్నాడు. అంత‌కుముందు ఈ రికార్డు మాస్టర్‌బ్లాస్ట‌ర్ స‌చిన్ టెండూల్క‌ర్(49) పేరిట ఉండేది. ఆ రికార్డును ఎవ‌రూ ట‌చ్ చేయ‌లేర‌ని అంతా అనుకున్నారు. కానీ స‌చిన్ రికార్డు బ‌ద్దలు కొట్టి కోహ్లి చ‌రిత్ర‌కెక్కాడు. తన ఆటతో సచిన్‌ను కూడా ఫిదా చేసి.. క్రికెట్‌ దేవుడినే మైమరిపించాడు.👉: వన్డే క్రికెట్‌లో అత్యంత వేగంగా 13000 పరుగులు చేసిన రికార్డు కూడా కోహ్లి పేరిటే ఉంది. 2023 ఆసియాక‌ప్‌లో భాగంగా పాకిస్తాన్‌తో జ‌రిగిన మ్యాచ్‌లో కోహ్లి ఈ ఫీట్ న‌మోదు చేశాడు. కోహ్లి కేవ‌లం 278వ మ్యాచ్‌లోనే ఈ ఘ‌న‌త సాధించాడు. అంత‌కుముందు ఈ రికార్డు స‌చిన్‌(321) పేరిటే ఉండేది.👉: మూడు ఫార్మాట్లలో (టెస్ట్, వన్డే, టీ20) అత్య‌ధిక ప్లేయ‌ర్ ఆఫ్ ది సిరీస్ అవార్డులు గెలుచుకున్న ఆట‌గాడు కూడా కోహ్లినే. ఇప్ప‌టివ‌ర‌కు 538 మ్యాచ్‌లు ఆడిన కోహ్లి 21 సార్లు ఈ అవార్డును గెలుచుకున్నాడు. టెస్టుల్లో మూడుసార్లు, వన్డేల్లో 11సార్లు, టీ20ల్లో 7సార్లు ప్లేయర్ ఆఫ్ ద సిరీస్ అవార్డును కింగ్ కోహ్లి సొంతం చేసుకున్నాడు.👉: వ‌న్డే ప్ర‌పంచ‌క‌ప్ ఒక ఎడిష‌న్‌లో అత్య‌ధిక ప‌రుగులు చేసిన ఆట‌గాడిగా కోహ్లి రికార్డు క‌లిగి ఉన్నాడు. భార‌త్ వేదిక‌గా జ‌రిగిన వ‌న్డే ప్ర‌పంచ‌క‌ప్‌లో కోహ్లి ఏకంగా 765 పరుగులు చేసి ఈ ఫీట్‌ను సాధించాడు.👉: అంత‌ర్జాతీయ టీ20ల్లో అత్యధిక హాఫ్ సెంచరీలు సాధించిన జాబితాలో విరాట్ కోహ్లి పాకిస్తాన్ స్టార్ ప్లేయ‌ర్ బాబర్ అజం తో కలిసి సంయుక్తంగా అగ్రస్థానంలో ఉన్నాడు. ఇప్ప‌టివ‌కు 125 మ్యాచ్‌లు ఆడిన కోహ్లి 39 హాఫ్ సెంచ‌రీలు చేశాడు. బాబ‌ర్ కూడా స‌రిగ్గా 39 హాఫ్ సెంచ‌రీలు సాధించాడు.👉: అంతర్జాతీయ టీ20ల్లో అత్యంత వేగంగా 3500 పరుగులు చేసిన ఆటగాడిగా విరాట్ కోహ్లి రికార్డు సృష్టించాడు. ఆసియాక‌ప్‌-2022లో అఫ్గానిస్తాన్‌తో జ‌రిగిన మ్యాచ్‌లో కోహ్లి ఈ రికార్డు సాధించాడు. కేవ‌లం 96 ఇన్నింగ్స్‌లలోనే కోహ్లిఈ ఫీట్ న‌మోదు చేశాడు.

సొంతగడ్డపై న్యూజిలాండ్‌తో జరిగిన టెస్ట్ సిరీస్‌లో భారత జట్టు 3-0 తేడాతో వైట్‌వాష్‌కు గురైన సంగతి తెలిసిందే. మొత్తం మూడు టెస్టుల్లోనూ దారుణ ప్రదర్శన కనబరిచి కివీస్ ముందు టీమిండిచా మోకరిల్లింది. 92 ఏళ్ల ఇండియన్ క్రికెట్‌లో సొంతగడ్డపై రెండు కంటే ఎక్కువ టెస్టుల సిరీస్‌లో తొలిసారి వైట్‌వాష్‌కు గురై ఘోర అవమానాన్ని రోహిత్ సేన ఎదుర్కొంది. ఈ సిరీస్ అసాంతం భారత బ్యాటర్లు దారుణ ప్రదర్శన కనబరిచారు. ముంబై వేదికగా జరిగిన ఆఖరి టెస్టులో 147 పరుగుల స్వల్ప లక్ష్యాన్ని చేధించడంలో టీమిండియా చతకిల పడింది. ఈ ఓట‌మితో డ‌బ్ల్యూటీసీ ఫైన‌ల్ ఆశ‌ల‌ను టీమిండియా సంక్లిష్టం చేసుకుంది. ఇక ఈ ఘోర పరభావంపై భారత క్రికెట్ దిగ్గజం సచిన్ టెండూల్కర్ స్పందించాడు. ఈ ఓట‌మితో భార‌త జ‌ట్టు క‌చ్చితంగా ఆత్మపరిశీలన చేసుకోవాలని స‌చిన్ అభిప్రాయ‌పడ్డాడు."స్వ‌దేశంలో 3-0 తేడాతో టెస్టు సిరీస్‌ను కోల్పోవడం మింగుడు పడని విష‌యం. క‌చ్చితంగా టీమిండియా ఈ ఓటుముల‌పై ఆత్మప‌రిశీల‌న చేసుకోవాలి. ఈ ఘోర ప‌రభావానికి ప్రిపరేషన్ లోపమా, పేలవమైన షాట్ ఎంపికనా, లేక మ్యాచ్ ప్రాక్టీస్ లోపమా? క‌చ్చితంగా త‌ప్పు ఎక్క‌డ జ‌రిగిందో తెలుసుకోవాలి. శుబ్‌మ‌న్ గిల్ మొదటి ఇన్నింగ్స్‌లో అద్భుత‌మైన ప్ర‌ద‌ర్శ‌న క‌న‌బ‌రిచాడు. రిషబ్ పంత్ రెండు ఇన్నింగ్స్‌లలోనూ స‌త్తాచాటాడు. ఈ సిరీస్‌లో అత‌డు పూర్తిగా భిన్నంగా కన్పించాడు. పంత్ ఫుట్‌వర్క్ చాలా బాగుంది. అత‌డి బ్యాటింగ్‌ను చూస్తే వేరే పిచ్‌పై ఆడిన‌ట్లు అన్పించింది. పంత్ సింప్లీ సూపర్బ్ అంటూ" ఎక్స్‌లో లిట‌ల్ మాస్ట‌ర్ రాసుకొచ్చాడు.చదవండి: Wriddhiman Saha Retirement: రిటైర్మెంట్‌ ప్రకటించిన టీమిండియా స్టార్‌ క్రికెటర్‌

టీమిండియా- న్యూజిలాండ్‌ తొలి టెస్టులో ఇద్దరు యువ ఆటగాళ్లు బాగా హైలైట్‌ అయ్యారు. వారిలో ఒకరు భారత సంతతికి చెందిన కివీస్‌ క్రికెటర్‌ రచిన్‌ రవీంద్ర.. మరొకరు ముంబై బ్యాటర్‌ సర్ఫరాజ్‌ ఖాన్‌. బెంగళూరు టెస్టులో వీరిద్దరు సెంచరీలతో చెలరేగారు.టీమిండియా పరువు నిలబెట్టిన సర్ఫరాజ్‌కాగా ఈ మ్యాచ్‌లో తొలి ఇన్నింగ్స్‌లో టీమిండియా 46 పరుగులకే ఆలౌట్‌ అయిన విషయం తెలిసిందే. ఇందులో సర్ఫరాజ్‌ సాధించిన పరుగులు సున్నా. అయితే, భారత్‌ రెండో ఇన్నింగ్స్‌లో 462 పరుగులు చేయగలిగిందంటే మాత్రం అందుకు ప్రధాన కారణం సర్ఫరాజ్‌ ఖానే!అద్భుత ఆట తీరుతో కివీస్‌ బౌలర్లపై అటాక్‌ చేస్తూ మెరుపు సెంచరీ సాధించిన ఈ ముంబైకర్‌.. 195 బంతుల్లో 18 ఫోర్లు, 3 సిక్సర్ల సాయంతో 150 పరుగులు చేశాడు. జట్టు క్లిష్ట సమయంలో ఉన్న వేళ అంతర్జాతీయ కెరీర్లో తొలి శతకం సాధించి ఆటగాడిగా తన విలువను చాటుకున్నాడు. View this post on Instagram A post shared by JioCinema (@officialjiocinema) తండ్రి సొంతూరిలో కివీస్‌ తరఫున రచిన్‌ శతకంమరోవైపు.. న్యూజిలాండ్‌ తొలి ఇన్నింగ్స్‌లో ఓపెనర్‌ డెవాన్‌ కాన్వే 91 పరుగులతో శుభారంభం అందించగా.. నాలుగో స్థానంలో వచ్చిన రచిన్‌ రవీంద్ర శతక్కొట్టి జట్టును భారీ స్కోరు వైపు నడిపించాడు. తన తండ్రి సొంత ఊరైన బెంగళూరు వేదికగా టెస్టుల్లో రెండో సెంచరీ(157 బంతుల్లో 134) నమోదు చేశాడు. అతడికి తోడుగా టిమ్‌ సౌథీ(65) రాణించడంతో మొదటి ఇన్నింగ్స్‌లో కివీస్‌ 402 పరుగులు చేసి పటిష్ట స్థితిలో నిలిచింది.ఎవరిది పైచేయి అవునో?!ఇక ఈ మ్యాచ్‌లో టీమిండియా కివీస్‌కు 107 పరుగుల విజయ లక్ష్యాన్ని విధించింది. మరొక్కరోజు(ఆదివారం) మాత్రమే ఆట మిగిలి ఉండటంతో న్యూజిలాండ్‌ బ్యాటర్లు, భారత బౌలర్ల మధ్య పోటీలో ఎవరు నెగ్గుతారోనన్న ఆసక్తి నెలకొంది. ఇదిలా ఉంటే.. బెంగళూరు సెంచరీ హీరోలు సర్ఫరాజ్‌ ఖాన్‌, రచిన్‌ రవీంద్రల గురించి టీమిండియా దిగ్గజం సచిన్‌ టెండుల్కర్ చేసిన ట్వీట్‌ వైరల్‌ అవుతోంది.ఈ ఇద్దరూ అద్భుతం.. భవిష్యత్‌ వీరిదే‘‘మన మూలాలను అనుసంధానం చేసే మార్గం క్రికెట్‌కు ఉంది. రచిన్‌ రవీంద్రకు బెంగళూరుతో ప్రత్యేక అనుబంధం ఉంది. అతడి కుటుంబం అక్కడి నుంచే వలస వెళ్లింది. అక్కడే అతడు శతకం బాదాడు.ఇక సర్ఫరాజ్‌ ఖాన్‌... తన కెరీర్‌లో తొలి టెస్టు సెంచరీ సాధించడానికి ఇంతకంటే గొప్ప సందర్భం ఏముంటుంది?! టీమిండియాకు అత్యవసరమైన వేళ అతడు శతకం బాదాడు. ప్రతిభావంతులైన ఈ ఇద్దరు యువకులు భవిష్యత్తులో మరిన్ని అద్భుతాలు చేయగలరు’’ అని సచిన్‌ టెండుల్కర్‌ రచిన్‌, సర్ఫరాజ్‌లపై ప్రశంసలు కురిపించాడు. చదవండి: Rohit- Kohli: అంపైర్లతో గొడవ.. రోహిత్‌ ఆగ్రహం.. కోహ్లి ఆన్‌ ఫైర్‌!Cricket has a way of connecting us to our roots. Rachin Ravindra seems to have a special connection with Bengaluru, where his family hails from! Another century to his name.And Sarfaraz Khan, what an occasion to score your first Test century, when India needed it most!… pic.twitter.com/ER8IN5xFA5— Sachin Tendulkar (@sachin_rt) October 19, 2024

క్రికెట్‌ అభిమానులకు మరో టీ20 లీగ్‌ కనువిందు చేయనుంది. నవంబర్‌ 17 నుంచి ఇంటర్నేషనల్‌ మాస్టర్స్‌ లీగ్‌ (IML) తొలి ఎడిషన్‌ ప్రారంభం కానుంది. దిగ్గజ క్రికెటర్లు పాల్గొంటున్న ఈ లీగ్‌కు సంబంధించిన ఫిక్షర్స్‌ మరియు కెప్టెన్ల వివరాలను నిర్వహకులు ఇవాళ (అక్టోబర్‌ 8) వెల్లడించారు. నవంబర్‌ 17 నుంచి డిసెంబర్‌ 8 వరకు సాగే ఈ లీగ్‌ భారత్‌లోని మూడు వేర్వేరు వేదికలపై (ముంబై, లక్నో, రాయ్‌పూర్‌) జరుగనుంది. ఈ లీగ్‌లో మొత్తం 18 మ్యాచ్‌లు జరుగుతాయి.ఈ లీగ్‌లో భారత్‌ సహా ఆరు ఐసీసీ సభ్యు దేశాలు పాల్గొంటున్నాయి. ఈ లీగ్‌లో భారత జట్టుకు క్రికెట్‌ గాడ్‌ సచిన్‌ టెండూల్కర్‌ సారథ్యం వహించనున్నాడు. శ్రీలంక జట్టుకు కుమార సంగక్కర, ఆస్ట్రేలియాకు షేన్‌ వాట్సన్‌, సౌతాఫ్రికాకు జాక్‌ కల్లిస్‌, ఇంగ్లండ్‌కు ఇయాన్‌ మోర్గాన్‌, వెస్టిండీస్‌కు బ్రియాన్‌ లారా కెప్టెన్లు వహించనున్నారు.లీగ్‌ ఫిక్షర్స్‌..నవంబర్‌ 17- భారత్‌ వర్సెస్‌ శ్రీలంక (ముంబై, రాత్రి 7:30 గంటలకు)నవంబర్‌ 18- ఆస్ట్రేలియా వర్సెస్‌ సౌతాఫ్రికా (ముంబై, రాత్రి 7:30 గంటలకు)నవంబర్‌ 17- శ్రీలంక వర్సెస్‌ ఇంగ్లండ్‌ (ముంబై, రాత్రి 7:30 గంటలకు)నవంబర్‌ 20- వెస్టిండీస్‌ వర్సెస్‌ ఆస్ట్రేలియా (ముంబై, రాత్రి 7:30 గంటలకు)నవంబర్‌ 21- భారత్‌ వర్సెస్‌ సౌతాఫ్రికా (లక్నో, రాత్రి 7:30 గంటలకు)నవంబర్‌ 23- ఇంగ్లండ్‌ వర్సెస్‌ సౌతాఫ్రికా (లక్నో, రాత్రి 7:30 గంటలకు)నవంబర్‌ 24- భారత్‌ వర్సెస్‌ ఆస్ట్రేలియా (లక్నో, రాత్రి 7:30 గంటలకు)నవంబర్‌ 25- వెస్టిండీస్‌ వర్సెస్‌ శ్రీలంక (లక్నో, రాత్రి 7:30 గంటలకు)నవంబర్‌ 26- ఇంగ్లండ్‌ వర్సెస్‌ ఆస్ట్రేలియా (లక్నో, రాత్రి 7:30 గంటలకు)నవంబర్‌ 27- వెస్టిండీస్‌ వర్సెస్‌ సౌతాఫ్రికా (లక్నో, రాత్రి 7:30 గంటలకు)నవంబర్‌ 28- భారత్‌ వర్సెస్‌ ఇంగ్లండ్‌ (రాయ్‌పూర్‌, రాత్రి 7:30 గంటలకు)నవంబర్‌ 30- శ్రీలంక వర్సెస్‌ ఇంగ్లండ్‌ (రాయ్‌పూర్‌, రాత్రి 7:30 గంటలకు)డిసెంబర్‌ 1- భారత్‌ వర్సెస్‌ వెస్టిండీస్‌ (రాయ్‌పూర్‌, రాత్రి 7:30 గంటలకు)డిసెంబర్‌ 2- శ్రీలంక వర్సెస్‌ ఆస్ట్రేలియా (రాయ్‌పూర్‌, రాత్రి 7:30 గంటలకు)డిసెంబర్‌ 3- ఇంగ్లండ్‌ వర్సెస్‌ వెస్టిండీస్‌ (రాయ్‌పూర్‌, రాత్రి 7:30 గంటలకు)డిసెంబర్‌ 5- సెమీఫైనల్‌-1 (రాయ్‌పూర్‌, రాత్రి 7:30 గంటలకు)డిసెంబర్‌ 6- సెమీఫైనల్‌-2 (రాయ్‌పూర్‌, రాత్రి 7:30 గంటలకు)డిసెంబర్‌ 8- ఫైనల్‌ (రాయ్‌పూర్‌, రాత్రి 7:30 గంటలకు)చదవండి: PAK VS ENG 1st Test: జమాల్‌ 'కమాల్‌' క్యాచ్‌

వాషింగ్టన్‌: క్రికెట్‌ దిగ్గజం సచిన్‌ టెండూల్కర్‌ అమెరికాకు చెందిన నేషనల్‌ క్రికెట్‌ లీగ్‌ (ఎన్‌సీఎల్‌) యాజమాన్యంలో భాగస్వామి అయ్యాడు. ఈ టోర్నీలో ఇప్పటికే వివిధ దేశాలకు చెందిన దిగ్గజ క్రీడాకారులు ఏదో ఒక రూపంలో పాల్గొంటుండగా... ఇప్పుడు ఆ జాబితాలో సచిన్‌ టెండూల్కర్‌ పేరు చేరింది. అమెరికాలో క్రికెట్‌కు మరింత ఆదరణ పెంచేందుకు ఇది ఉపయోగపడుతుందని నిర్వాహకులు పేర్కొన్నారు. ‘క్రికెట్‌ నా జీవితంలో అతి ముఖ్య భాగం. అలాంటి ఈ ప్రయాణంలో ఎన్‌సీఎల్‌లో భాగం కావడం మరింత ఆనందాన్నిస్తోంది. అమెరికాలో క్రికెట్‌కు మరింత ప్రాచుర్యం లభించే విధంగా కృషి చేస్తా. కొత్త ఆలోచనలతో ముందుకు వచ్చిన ఎన్‌సీఎల్‌లో నేను భాగస్వామి కావడం సంతోషంగా ఉంది’ అని సచిన్‌ పేర్కొన్నాడు. ఎన్‌సీఎల్‌ తొలి సీజన్‌లో సునీల్‌ గవాస్కర్, వెంగ్‌సర్కార్, వెంకటేశ్‌ ప్రసాద్‌ (భారత్‌), జహీర్‌ అబ్బాస్, అక్రమ్, మొయిన్‌ఖాన్‌ (పాకిస్తాన్‌), రిచర్డ్స్‌ (వెస్టిండీస్‌), జయసూర్య (శ్రీలంక) వేర్వేరు జట్లకు కోచ్, మెంటార్‌లుగా వ్యవహరించనున్నారు. అంతర్జాతీయ క్రికెట్‌లో మార్పులను స్వాగతించే వారిలో ముందు వరుసలో ఉండే సచిన్‌... ఇప్పుడు ఈ 60 స్ట్రయిక్‌ ఫార్మాట్‌లో భాగం కానున్నారు. ఇప్పటికే విశ్వవ్యాప్తంగా టి20, టి10, హండ్రెడ్‌ ఫార్మాట్‌లు ప్రాచుర్యం పొందగా... ఇప్పుడు మరో అడుగు ముందుకు వేస్తూ ఎన్‌సీఎల్‌ సిక్స్‌టీ స్ట్రయిక్స్‌ పేరుతో మరో కొత్త ఫార్మాట్‌కు తెరలేపుతోంది. తొలి ఎడిషన్‌లో రైనా, దినేశ్‌ కార్తీక్, అఫ్రిది, షకీబ్, షమ్సీ, క్రిస్‌ లిన్, ఏంజెలో మాథ్యూస్, బిల్లింగ్స్‌ వంటి పలువురు ప్లేయర్లు పాల్గొంటారు.

ఇరానీ కప్‌ 2024లో ముంబై ఆటగాడు సర్ఫరాజ్‌ ఖాన్‌ డబుల్‌ సెంచరీతో మెరిశాడు. రెస్ట్‌ ఆఫ్‌ ఇండియాతో జరుగుతున్న మ్యాచ్‌లో సర్ఫరాజ్‌ ఈ మార్కును తాకాడు. రెండో రోజు మూడో సెషన్‌ సమయానికి సర్ఫరాజ్‌ 218 పరుగులతో అజేయంగా ఉన్నాడు. అతనికి జతగా శార్దూల్‌ ఠాకూర్‌ (25) క్రీజ్‌లో ఉన్నాడు. 133.4 ఓవర్ల అనంతరం ముంబై స్కోర్‌ 522/8గా ఉంది. ముంబై ఇన్నింగ్స్‌లో కెప్టెన్‌ అజింక్య రహానే (97), శ్రేయస్‌ అయ్యర్‌ (57), తనుశ్‌ కోటియన్‌ (64) అర్ద సెంచరీలతో రాణించారు. రెస్ట్‌ ఆఫ్‌ ఇండియా బౌలర్లలో ముకేశ్‌ కుమార్‌ నాలుగు వికెట్లు పడగొట్టగా.. యశ్‌ దయాల్‌, ప్రసిద్ద్‌ కృష్ణ తలో రెండు వికెట్లు తీశారు.సచిన్‌, ద్రవిడ్‌ సరసన సర్ఫరాజ్‌రెస్ట్‌ ఆఫ్‌ ఇండియాపై సెంచరీతో సర్ఫరాజ్‌ ఖాన్‌ క్రికెట్‌ దిగ్గజాలైన సచిన్‌ టెండూల్కర్‌, రాహుల్‌ ద్రవిడ్‌ సరసన​ చేరాడు. సర్ఫరాజ్‌కు ఇరానీ కప్‌లో ఇది రెండో సెంచరీ కాగా.. సచిన్‌, ద్రవిడ్‌ కూడా ఇరానీ కప్‌లో తలో రెండు సెంచరీలు చేశారు. ఇరానీ కప్‌లో అత్యధిక సెంచరీలు చేసిన ఘనత దిలీప్‌ వెంగ్‌సర్కార్‌, గుండప్ప విశ్వనాథ్‌కు దక్కుతుంది. ఈ ఇద్దరు ఇరానీ కప్‌లో తలో నాలుగు సెంచరీలు చేశారు. వెంగ్‌సర్కార్‌, విశ్వనాథ్‌ తర్వాత ఇరానీ కప్‌లో అత్యధిక సెంచరీలు చేసిన ఘనత హనుమ విహారి, అభినవ్‌ ముకుంద్‌, సునీల్‌ గవాస్కర్‌, వసీం జాఫర్‌లకు దక్కుతుంది. వీరంతా ఈ టోర్నీలో తలో మూడు సెంచరీలు చేశారు.చదవండి: డబుల్‌ సెంచరీ.. చరిత్ర సృష్టించిన సర్ఫరాజ్‌ ఖాన్‌

వెట‌ర‌న్ క్రికెట‌ర్లు సంద‌డి చేసేందుకు మ‌రో టీ20 క్రికెట్ లీగ్‌ పుట్టుకొచ్చింది. ఇంటర్నేషనల్ మాస్టర్స్ లీగ్ టీ20 టోర్నీ తొట్ట‌తొలి సీజ‌న్ ఈ ఏడాది జ‌ర‌గ‌నుంది. సోమ‌వారం ఇంటర్నేషనల్ మాస్టర్స్ లీగ్ మొదటి ఎడిషన్‌ను భార‌త క్రికెట్ దిగ్గ‌జం సచిన్ టెండూల్క‌ర్ లాంచ్ చేశారు. ఈ లీగ్ కమీషనర్‌గా టీమిండియా మాజీ ఓపెన‌ర్ సునీల్ గవాస్కర్ నియమితుడయ్యాడు. ఈ టోర్నీలో భారత్, ఆస్ట్రేలియా, దక్షిణాఫ్రికా, వెస్టిండీస్, ఇంగ్లండ్, శ్రీలంక మొత్తం ఆరు జ‌ట్లు పాల్గోనున్నాయి. ఈ ఆరు దేశాల నుంచి క్రికెట్ స్టార్లు పాల్గొనున్నారు. సచిన్ టెండూల్క‌ర్ కూడా ఈ లీగ్‌లో భార‌త త‌ర‌పున ఆడ‌నున్న‌ట్లు తెలుస్తోంది."క్రికెట్‌కు భార‌త్‌లోనే కాకుండా ప్రపంచ వ్యాప్తంగా ఆదరణ పెరుగుతూనే ఉంది. గ‌త ద‌శాబ్దం నుంచి టీ20 క్రికెట్‌కు మ‌రింత ఆద‌ర‌ణ పెరిగింది. ఈ పొట్టి క్రికెట్‌లో త‌మ‌కు ఇష్ట‌మైన‌ మాజీ క్రికెట‌ర్లు ఆడితే చూడాల‌న్న కోరిక అభిమానుల్లో ఉంది. వెట‌ర‌న్ క్రికెట‌ర్లు ఆడే ప్ర‌తీ లీగ్‌కు ఫ్యాన్స్ మ‌ద్ద‌తుగా నిలుస్తున్నారని స‌చిన్ ఓ ప్ర‌క‌ట‌న‌లో పేర్కొన్నాడు. కాగా లీగ్‌లోని మ్యాచ్‌లు ముంబై, లక్నో, రాయ్‌పూర్‌లలో జ‌ర‌గ‌నున్నాయి. అయితే ఇందుకు సంబంధించిన షెడ్యూల్‌ను త్వరలోనే ప్రకటించనున్నారు.

శుక్ర‌వారం నుంచి భార‌త్‌-బంగ్లాదేశ్ మ‌ధ్య రెండో టెస్టు కాన్పూర్ వేదిక‌గా ప్రారంభం కానుంది. ఈ మ్యాచ్‌లో గెలిచి సిరీస్‌ను క్లీన్ స్వీప్ చేయాల‌ని టీమిండియా భావిస్తోంది. మ‌రోవైపు ప‌ర్యాట‌క బంగ్లా జ‌ట్టు మాత్రం భార‌త గ‌డ్డపై తొలి టెస్టు విజ‌యాన్ని న‌మోదు చేయాల‌ని ప‌ట్టుద‌ల‌తో ఉంది. అయితే ఈ మ్యాచ్‌కు ముందు భార‌త స్టార్ క్రికెటర్ విరాట్ కోహ్లి ఓ అరుదైన రికార్డు ఊరిస్తోంది. కాన్పూర్ టెస్టులో కోహ్లి మ‌రో 35 ప‌రుగులు చేస్తే అంత‌ర్జాతీయ క్రికెట్‌లో 27,000 పరుగుల మైలు రాయిని అందుకున్న నాలుగో క్రికెట‌ర్‌గా నిలుస్తాడు. ఇప్ప‌టివ‌ర‌కు 514 మ్యాచ్‌లు ఆడిన కోహ్లి..26,965 ప‌రుగులు చేశాడు. ఈ అరుదైన ఫీట్ సాధించిన జాబితాలో భార‌త క్రికెట్ దిగ్గ‌జం స‌చిన్ టెండూల్క‌ర్‌(34357) , కుమార సంగ‌ర్క‌క‌ర‌(28016), రికీ పాంటింగ్‌(27483) ఉన్నారు.కోహ్లి ఫామ్‌లోకి వ‌స్తాడా?కాగా టీ20 వ‌రల్డ్‌క‌ప్‌-2024 త‌ర్వాత కోహ్లి త‌న మార్క్‌ను చూపించలేక‌పోతున్నాడు. శ్రీలంక‌తో వ‌న్డే సిరీస్‌లో విఫ‌ల‌మైన విరాట్‌.. ఇప్పుడు బంగ్లాదేశ్‌తో తొలి టెస్టులోనూ అదే తీరును క‌న‌బ‌రిచాడు. రెండు ఇన్నింగ్స్‌లు క‌లిపి కేవ‌లం 23 ప‌రుగులు మాత్ర‌మే చేశాడు. దీంతో అంద‌రి క‌ళ్లు కోహ్లిపైనే ఉన్నాయి. కాన్పూర్ టెస్టులో విరాట్ ఎలా రాణిస్తాడో అని అంద‌రూ ఆతృతగా ఎదురు చూస్తున్నారు.

టీమిండియా స్టార్‌ బ్యాటర్‌, పరుగుల యంత్రం విరాట్‌ కోహ్లిపై ఆస్ట్రేలియా మాజీ క్రికెటర్‌ బ్రాడ్‌ హాగ్‌ ఆసక్తికర వ్యాఖ్యలు చేశాడు. కోహ్లిలో మునుపటి ఊపు లేదని హాగ్‌ ఆరోపించాడు. పరుగులు సాధించడంలో విరాట్‌ లయ తప్పాడని హాగ్‌ అన్నాడు. గత కొంతకాలంగా విరాట్‌ టెస్ట్‌ల్లో అంత గొప్ప ప్రదర్శనలేమీ చేయడం లేదని తెలిపాడు. ఇలాగే ఆడితే విరాట్‌ సచిన్‌ రికార్డులు అధిగమించడం కష్టమని అభిప్రాయపడ్డాడు.మాస్టర్‌ బ్లాస్టర్‌ తన కెరీర్‌లో 200 టెస్ట్‌లు ఆడి 15,921 పరుగులు చేయగా.. 35 ఏళ్ల విరాట్‌ ఇప్పటివరకు 114 టెస్ట్‌లు ఆడి 8871 పరుగులు మాత్రమే సాధించాడని హాగ్‌ అన్నాడు. విరాట్‌ సచిన్‌ రికార్డును అధిగమించాలంటే మరో 7051 పరుగులు చేయాల్సి ఉంటుంది. ప్రస్తుత ఫామ్‌తో కోహ్లి ఇన్ని పరుగులు సాధించడం దాదాపుగా అసాధ్యమే అని హాగ్‌ అభిప్రాయపడ్డాడు. టెస్ట్‌ల్లో గత కొన్ని సంవత్సరాలుగా కోహ్లి అస్థిరమైన ఫామ్‌ అతన్ని వెనక్కు నెట్టిందని హాగ్‌ పేర్కొన్నాడు. విరాట్‌ సచిన్‌ రికార్డులకు చేరవగా వెళ్లాలంటే తదుపరి 10 టెస్ట్‌ల్లో తిరిగి తన లయను అందుకోవాల్సి ఉంటుందని అన్నాడు. తన యూట్యూబ్‌ ఛానల్‌లో మాట్లాడుతూ హాగ్‌ ఈ విషయాలను ప్రస్తావించాడు.కాగా, ఫాబ్‌ ఫోర్‌గా చెప్పుకునే విరాట్‌, రూట్‌, విలియమ్సన్‌, స్టీవ్‌ స్మిత్‌లలో జో రూట్‌ సచిన్‌ రికార్డు దిశగా దూసుకెళ్తున్నాడు. ఇటీవలికాలంలో సూపర్‌ ఫామ్‌లో ఉన్న రూట్‌ ఇప్పటివరకు 146 టెస్ట్‌లు ఆడి 12402 పరుగులు చేశాడు. రూట్‌ టెస్ట్‌ల్లో సచిన్‌ అత్యధిక పరుగుల రికార్డు బద్దలు కొట్టాలంటే మరో 3500 పైచిలుకు పరుగులు సాధిస్తే చాలు. రూట్‌ ప్రస్తుత ఫామ్‌ ప్రకారం ఇది అసాధ్యమేమి కాకపోవచ్చు. చదవండి: బంగ్లాదేశ్‌తో రెండో టెస్ట్‌.. జోరుగా ప్రాక్టీస్‌ చేస్తున్న టీమిండియా

కేఎస్‌సీఏ ఇన్విటేషనల్‌ క్రికెట్‌ టోర్నమెంట్‌లో (కెప్టెన్‌ కే తిమ్మప్పయ్య మెమోరియల్‌) క్రికెట్‌ గాడ్‌ సచిన్‌ టెండూల్కర్‌ తనయుడు అర్జున్‌ టెండూల్కర్‌ అద్బుత ప్రదర్శనతో మెరిశాడు. ఈ టోర్నీలో గోవాకు ప్రాతినిథ్యం వహిస్తున్న అర్జున్‌.. ఆతిథ్య కర్ణాటకతో జరిగిన మ్యాచ్‌లో 9 వికెట్ల ఘనత నమోదు చేశాడు. ఈ మ్యాచ్‌ తొలి ఇన్నింగ్స్‌లో 5 వికెట్లు తీసిన అర్జున్‌.. సెకండ్‌ ఇన్నింగ్స్‌లో 4 వికెట్లు పడగొట్టాడు. అర్జున్‌ చెలరేగడంతో ఈ మ్యాచ్‌లో గోవా ఇన్నింగ్స్‌ 189 పరుగుల తేడాతో ఘన విజయం సాధించింది.తొలుత బ్యాటింగ్‌ చేసిన కర్ణాటక తొలి ఇన్నింగ్స్‌లో 103 పరుగులకు ఆలౌటైంది. అర్జున్‌ 13 ఓవర్లలో 41 పరుగులి​చ్చి ఐదు వికెట్లు పడగొట్టాడు. అనంతరం అభినవ్‌ తేజ్‌రాణా సెంచరీతో (109) కదంతొక్కడంతో గోవా తొలి ఇన్నింగ్స్‌లో 413 పరుగులు చేసింది. గోవా ఇన్నింగ్స్‌లో మంతన్‌ కుట్కర్‌ అర్ద సెంచరీతో (69) రాణించాడు. భారీ వెనుకంజతో రెండో ఇన్నింగ్స్‌ ప్రారంభించిన కర్ణాటక..సెకెండ్‌ ఇన్నింగ్స్‌లోనూ పేలవ ప్రదర్శన కనబర్చింది. అర్జున్‌ 13.3 ఓవర్లలో 46 పరుగులిచ్చి 4 వికెట్లు తీయడంతో కర్ణాటక సెకెండ్‌ ఇన్నింగ్స్‌లో 121 పరుగులకు కుప్పకూలింది. ఫలితంగా ఈ మ్యాచ్‌లో గోవా భారీ తేడాతో ఘన విజయం సాధించింది. మ్యాచ్‌ మొత్తంలో అర్జున్‌ 26.3 ఓవర్లు వేసి 87 పరుగులిచ్చి 9 వికెట్లు పడగొట్టాడు. వచ్చే వారం 25వ పుట్టిన రోజు జరుపుకోబోతున్న అర్జున్‌.. సీనియర్‌ లెవెల్లో ఇప్పటివరకు 49 మ్యాచ్‌లు (మూడు ఫార్మాట్లలో) ఆడాడు. ఇందులో 68 వికెట్లు పడగొట్టాడు. లెఫ్ట్‌ అర్మ్‌ మీడియం పేసర్‌ అయిన అర్జున్‌ తన కెరీర్‌లో 13 ఫస్ట్‌ క్లాస్‌ మ్యాచ్‌లు ఆడి 21 వికెట్లు పడగొట్టాడు. చదవండి: బంగ్లాతో తొలి టెస్టు.. కోహ్లికి చుక్కలు చూపించిన బుమ్రా

టీమిండియా స్టార్‌ క్రికెటర్‌ విరాట్‌ కోహ్లి క్రికెట్‌ గాడ్‌ సచిన్‌ టెండూల్కర్‌ పేరిట ఉన్న మరో రికార్డును బద్దలు కొట్టేందుకు రెడీ అయ్యాడు. సెప్టెంబర్‌ 19 నుంచి బంగ్లాదేశ్‌తో జరుగబోయే తొలి టెస్ట్‌లో విరాట్‌ మరో 58 పరుగులు చేస్తే సచిన్‌ పేరిట ఉన్న ఫాస్టెస్ట్‌ 27000 రన్స్‌ రికార్డును (అంతర్జాతీయ క్రికెట్‌లోని మూడు ఫార్మాట్లలో) బద్దలు కొడతాడు. అంతర్జాతీయ క్రికెట్‌లో 27000 పరుగుల మార్కును అందుకునేందుకు సచిన్‌కు 623 ఇన్నింగ్స్‌లు అవసరం కాగా.. విరాట్‌కు 594 ఇన్నింగ్స్‌ల్లోనే ఆ రికార్డు బద్దలు కొట్టే అవకాశం వచ్చింది. విరాట్‌ ఇప్పటివరకు అంతర్జాతీయ క్రికెట్‌లో 593 ఇన్నింగ్స్‌లు ఆడి 26942 పరుగులు చేశాడు. సచిన్‌ ఓవరాల్‌గా 782 ఇన్నింగ్స్‌ల్లో 34357 పరుగులు చేసి అంతర్జాతీయ క్రికెట్‌లో అత్యధిక పరుగులు చేసిన ఆటగాడిగా కొనసాగుతున్నాడు. ప్రపంచ క్రికెట్‌లో ఇప్పటివరకు కేవలం ముగ్గురు మాత్రమే 27000 పరుగుల మార్కును అందుకున్నారు. వీరిలో సచిన్‌ అగ్రస్థానంలో ఉండగా.. సంగక్కర (28016), రికీ పాంటింగ్‌ (27483) ఆతర్వాతి స్థానాల్లో ఉన్నారు. బంగ్లాతో మ్యాచ్‌లో విరాట్‌ మరో 58 పరుగులు చేస్తే ఈ ఘనత సాధించిన నాలుగో క్రికెటర్‌ అవుతాడు. ఇంటర్నేషనల్‌ క్రికెట్‌లో విరాట్‌ మరో 1075 పరుగులు చేస్తే.. సచిన్‌ తర్వాత రెండో అత్యధిక రన్‌ స్కోరర్‌గా రికార్డుల్లోకెక్కుతాడు.ఇదిలా ఉంటే, రెండు మ్యాచ్‌ల టెస్ట్‌ సిరీస్‌.. మూడు మ్యాచ్‌ల టీ20 సిరీస్‌ల కోసం బంగ్లాదేశ్‌ జట్టు భారత్‌లో పర్యటిస్తున్న విషయం తెలిసిందే. తొలి టెస్ట్‌ చెన్నై వేదికగా సెప్టెంబర్‌ 19 నుంచి.. రెండో టెస్ట్‌ కాన్పూర్‌ వేదికగా సెప్టెంబర్‌ 27 నుంచి ప్రారంభమవుతాయి. మూడు టీ20లు గ్వాలియర్‌, ఢిల్లీ, హైదరాబాద్‌ వేదికలుగా అక్టోబర్‌ 6, 9, 12 తేదీల్లో జరుగనున్నాయి.తొలి టెస్ట్‌కు భారత జట్టు..రోహిత్‌ శర్మ (కెప్టెన్‌), యశస్వి జైస్వాల్‌, శుభ్‌మన్‌ గిల్‌, విరాట్‌ కోహ్లి, సర్ఫరాజ్‌ ఖాన్‌, రవిచంద్రన్‌ అశ్విన్‌, రవీంద్ర జడేజా, అక్షర్‌ పటేల్‌, కేఎల్‌ రాహుల్‌, ధృవ్‌ జురెల్‌, రిషబ్‌ పంత్‌, మొహమ్మద్‌ సిరాజ్‌, కుల్దీప్‌ యాదవ్‌, ఆకాశ్‌దీప్‌, యశ్‌ దయాల్‌, జస్ప్రీత్‌ బుమ్రాచదవండి: ట్రిపుల్‌ సెంచరీకి చేరువలో కుల్దీప్‌

భారత క్రికెట్‌లో పాతతరం నుంచి నేటివరకు తమదైన ముద్ర వేసిన ఆటగాళ్లు చాలా మందే ఉన్నారు. కపిల్‌ దేవ్‌, సునిల్‌ గావస్కర్‌, సచిన్‌ టెండుల్కర్‌, సౌరవ్‌ గంగూలీ, వీరేంద్ర సెహ్వాగ్‌, అనిల్‌ కుంబ్లే, యువరాజ్‌ సింగ్‌, రాహుల్‌ ద్రవిడ్‌, వీవీఎస్‌ లక్ష్మణ్‌, మహేంద్ర సింగ్‌ ధోని, జహీర్‌ ఖాన్‌, గౌతం గంభీర్‌, విరాట్‌ కోహ్లి, రోహిత్‌ శర్మ, రవిచంద్రన్‌ అశ్విన్‌, జస్‌ప్రీత్‌ బుమ్రా.. చెప్పుకొంటూ పోతే జాబితా పెరుగుతూనే ఉంటుంది.పీయూశ్‌ చావ్లా ఏమన్నాడంటేఇంతమంది ఆటగాళ్లలో అత్యుత్తమ ప్లేయింగ్‌ ఎలెవన్‌ను ఎంచుకోవాలంటే కష్టమే మరి! అయితే, భారత వెటరన్‌ లెగ్‌ స్పిన్నర్‌ పీయూశ్‌ చావ్లా మాత్రం తనకు ఈ విషయంలో పూర్తి స్పష్టత ఉందంటున్నాడు. అంతర్జాతీయ క్రికెట్‌లో 2006 నుంచి 2012 వరకు టీమిండియాకు ప్రాతినిథ్యం వహించాడు ఈ ఉత్తరప్రదేశ్‌ బౌలర్‌. కెరీర్‌లో మొత్తంగా 6 టెస్టుల్లో 7, 25 వన్డేల్లో 32, ఏడు టీ20లలో 4 వికెట్లు పడగొట్టాడు.స్వల్ప కాలమే టీమిండియాకు ఆడినా పీయూశ్‌ చావ్లా ఖాతాలో రెండు ప్రపంచకప్‌ ట్రోఫీలు ఉండటం విశేషం. మహేంద్ర సింగ్‌ ధోని సారథ్యంలో 2007 టీ20 వరల్డ్‌కప్‌, 2011 వన్డే వరల్డ్‌కప్‌ గెలిచిన జట్టులో పీయూశ్‌ సభ్యుడు. గత పన్నెండేళ్లుగా ఐపీఎల్‌కే పరిమితమైన ఈ వెటరన్‌ స్పిన్నర్‌.. ప్రస్తుతం ఉత్తరప్రదేశ్‌ టీ20 లీగ్‌ ఆడుతున్నాడు. కెప్టెన్‌గా ధోని.. నాలుగోస్థానంలో కోహ్లిఈ క్రమంలో శుభాంకర్‌ మిశ్రాకు ఇచ్చిన ఇంటర్వ్యూలో పీయూశ్‌ తన ఆల్‌టైమ్‌ ఇండియా వన్డే ప్లేయింగ్‌ ఎలెవన్‌ను వెల్లడించాడు. తన జట్టుకు ధోనిని కెప్టెన్‌గా ఎంచుకున్న పీయూశ్‌.. సచిన్‌ టెండుల్కర్‌, రోహిత్‌ శర్మలకు ఓపెనర్లుగా అవకాశం ఇచ్చాడు. బ్యాటింగ్‌ ఆర్డర్‌లో వీరేంద్ర సెహ్వాగ్‌కు మూడు, విరాట్‌ కోహ్లికి నాలుగో స్థానం ఇచ్చాడు. మిడిలార్డర్‌లో ఆల్‌రౌండర్లు యువరాజ్‌ సింగ్‌, కపిల్‌ దేవ్‌లను ఎంపిక చేసుకున్న పీయూశ్‌.. ఆ తర్వాత ధోనిని నిలిపాడు. స్పిన్‌ విభాగంలో అనిల్‌ కుంబ్లే, హర్భజన్‌ సింగ్‌లకు చోటిచ్చిన అతడు.. పేస్‌ దళంలో జస్ప్రీత్‌ బుమ్రా, జహీర్‌ ఖాన్‌లను ఎంపిక చేసుకున్నాడు.దాదా, గంభీర్‌కు చోటు లేదుఅయితే, వరల్డ్‌కప్‌(2007, 2011) హీరో గౌతం గంభీర్‌, స్టార్‌ కెప్టెన్‌ సౌరవ్‌ గంగూలీలకు పీయూశ్‌ తన జట్టులో చోటు ఇవ్వకపోవడం గమనార్హం. అంతేకాదు.. నంబర్‌ 3లో హిట్టయిన కోహ్లిని నాలుగో స్థానానికి ఎంచుకోవడం విశేషం. ఇదిలా ఉంటే.. 35 ఏళ్ల పీయూశ్‌ చావ్లా ఐపీఎల్‌ రికార్డు మాత్రం ఘనంగా ఉంది. ఇప్పటి వరకు 192 మ్యాచ్‌లు ఆడి 192 వికెట్లు పడగొట్టాడు. ఈ ఏడాది ముంబై ఇండియన్స్‌ జట్టుకు అతడు ప్రాతినిథ్యం వహించాడు.పీయూశ్‌ చావ్లా ఆల్‌టైమ్‌ వన్డే ప్లేయింగ్‌ ఎలెవన్‌సచిన్ టెండుల్కర్, రోహిత్ శర్మ, వీరేంద్ర సెహ్వాగ్, విరాట్ కోహ్లి, యువరాజ్ సింగ్, ఎంఎస్ ధోనీ, కపిల్ దేవ్, అనిల్ కుంబ్లే, హర్భజన్ సింగ్, జస్ప్రీత్ బుమ్రా, జహీర్ ఖాన్.చదవండి: పాకిస్తాన్‌లోనే చాంపియన్స్‌ ట్రోఫీ: ఐసీసీ చీఫ్‌ ఎగ్జిక్యూటివ్‌

భారత స్టార్‌ క్రికెటర్‌, రికార్డుల రారాజు విరాట్‌ కోహ్లి మరో అరుదైన ఘనత ముంగిట నిలిచాడు. బంగ్లాదేశ్‌తో టెస్టు సిరీస్‌ నేపథ్యంలో టీమిండియా దిగ్గజం సచిన్‌ టెండుల్కర్‌ పేరిట ఉన్న ప్రపంచ రికార్డును బద్దలు కొట్టేందుకు సిద్ధమయ్యాడు. ఇందుకోసం.. కోహ్లి మరో 58 పరుగులు సాధిస్తే చాలు..!! ఇంతకీ ఆ రికార్డు ఏమిటంటారా?!..వన్డే శతక రారాజుఢిల్లీ బ్యాటర్‌ విరాట్‌ కోహ్లి 2008లో అంతర్జాతీయ క్రికెట్‌లో అడుగుపెట్టాడు. టీమిండియా తరఫున ఇప్పటి వరకు వన్డేల్లో 50, టెస్టుల్లో 29, టీ20లో ఒక శతకం బాదాడు. మొత్తంగా 80 సెంచరీలతో సచిన్‌ టెండుల్కర్‌(100 సెంచరీలు) తర్వాతి స్థానంలో కొనసాగుతున్నాడు. అయితే, ఇప్పటికే వన్డేల్లో సచిన్‌ సెంచరీల(49) రికార్డును కోహ్లి బ్రేక్‌ చేశాడు. యాభై ఓవర్ల ఫార్మాట్లో శతకాల రారాజుగా ఆవిర్భవించాడు.27 వేల పరుగుల మైలురాయికి చేరువలోఇదిలా ఉంటే.. విరాట్‌ కోహ్లి ఇప్పటికే టెస్టుల్లో 8848, వన్డేల్లో 13906, టీ20లలో 4188 పరుగులు సాధించాడు. మొత్తంగా తన ఖాతాలో 26,942 పరుగులు జమచేసుకున్నాడు. బంగ్లాదేశ్‌తో టెస్టులో మరో 58 రన్స్‌ చేశాడంటే.. కోహ్లి అంతర్జాతీయ క్రికెట్‌లో 27 వేల పరుగుల మైలురాయిని చేరుకుంటాడు. ఈ క్రమంలోనే సచిన్‌ టెండుల్కర్‌ వరల్డ్‌ రికార్డును అతడు బద్దలు కొట్టనున్నాడు.సచిన్‌ 623 ఇన్నింగ్స్‌లో సాధిస్తేకాగా సచిన్‌ ఖాతాలో 34,357 పరుగులు ఉన్నాయి. అయితే, ఇందులో 27 వేల పరుగులు పూర్తి చేసుకునేందుకు సచిన్‌ 623 ఇన్నింగ్స్‌ ఆడాల్సి వచ్చింది. 226 టెస్టు, 396 వన్డే, ఒక టీ20 ఇన్నింగ్స్‌లో ఈ మైలురాయిని అతడు అందుకున్నాడు. తద్వారా ఇంటర్నేషనల్‌ క్రికెట్‌లో అత్యంత వేగంగా ఈ ఘనత సాధించిన క్రికెటర్‌గా నిలిచాడు.అదే జరిగితే.. 147 ఏళ్ల క్రికెట్‌ చరిత్రలో చిరస్థాయిగా కోహ్లి పేరుఅయితే, విరాట్‌ కోహ్లి ఇప్పటికి 591 ఇన్నింగ్స్‌లోనే 26,942 పరుగులు చేశాడు. బంగ్లాతో సెప్టెంబరు 19న మొదలయ్యే తొలి టెస్టులో 58 పరుగులు చేశాడంటే.. అత్యంత తక్కువ ఇన్నింగ్స్‌లో అంతర్జాతీయ క్రికెట్‌లో 27 వేలు పరుగులు చేసిన క్రికెటర్‌గా సచిన్‌ను అధిగమిస్తాడు. కేవలం 592 ఇన్నింగ్స్‌లోనే ఈ ఫీట్‌ నమోదు చేసి.. 147 ఏళ్ల క్రికెట్‌ చరిత్రలో ఈ ఘనత సాధించిన తొలి క్రికెటర్‌గా చరిత్రకెక్కుతాడు. అదీ సంగతి!కాగా ప్రపంచ టెస్టు చాంపియన్‌షిప్‌ 2023-25లో భాగంగా టీమిండియా- బంగ్లాదేశ్‌ మధ్య తొలుత రెండు మ్యాచ్‌ల టెస్టు సిరీస్‌ జరుగనుంది. ఇదిలా ఉంటే.. అంతర్జాతీయ టీ20లకు రిటైర్మెంట్‌ ప్రకటించిన కోహ్లి.. టెస్టు, వన్డేల్లో కొనసాగుతున్న విషయం తెలిసిందే.చదవండి: IND vs BAN: భార‌త్‌తో టెస్టు సిరీస్‌.. బంగ్లా జ‌ట్టు ప్ర‌క‌ట‌న‌! స్టార్ ప్లేయ‌ర్ దూరం

శ్రీలంకతో టెస్టు సిరీస్‌లో ఇంగ్లండ్ స్టార్ బ్యాటర్ జో రూట్ ప‌రుగుల వ‌రద పారించాడు. ఈ మూడు మ్యాచ్‌ల సిరీస్‌లో రూట్ 75.00 సగటుతో 375 పరుగులు చేశాడు. అత‌డి ఇన్నింగ్స్‌ల‌లో 3 సెంచ‌రీలు ఉన్నాయి. ల‌ంకతో సిరీస్‌ను 2-1తో ఇంగ్లండ్ సొంతం చేసుకోవ‌డంలో జో కీల‌క పాత్ర పోషించాడు. కాగా సిరీస్ అసాంతం అద్భుత‌మైన ప్ర‌ద‌ర్శ‌న క‌న‌బ‌ర‌చడంతో రూట్‌కు ప్లేయ‌ర్ ఆఫ్‌ది సిరీస్ అవార్డు ద‌క్కింది. రూట్‌కు ఇది టెస్టుల్లో 6వ ప్లేయ‌ర్ ఆఫ్ సిరీస్ అవార్డు కావడం విశేషం. దీంతో పలు అరుదైన రికార్డులను రూట్ తన పేరిట లిఖించుకున్నాడు.రూట్ సాధించిన రికార్డులు ఇవే..⇥టెస్టు క్రికెట్‌లో ఇంగ్లండ్ తరపున అత్యధిక ప్లేయర్ ఆఫ్‌ది అవార్డులు గెలుచుకున్న ఆటగాడిగా రూట్ రికార్డులకెక్కాడు. అంతకుముందు ఈ రికార్డు దిగ్గజ ఆటగాళ్లు గ్రాహం గూచ్, ఆండ్రూ స్ట్రాస్, జేమ్స్ ఆండర్సన్‌ల పేరిట ఉండేది. వీరిముగ్గురూ 5 సార్లు ప్లేయర్ ఆఫ్‌ది సిరీస్‌లగా నిలిచారు. తాజా సిరీస్‌లో ఆరోసారి అవార్డు గెలుచుకున్న రూట్‌.. ఈ దిగ్గజ త్రయాన్ని అధిగమించాడు.⇥ఓవరాల్‌గా టెస్టుల్లో అత్యధిక ప్లేయర్ ఆఫ్‌ది సిరీస్ అవార్డులు సొంతం చేసుకున్న జాబితాలో భారత క్రికెట్ దిగ్గజం సచిన్ టెండూల్కర్‌ను రూట్ అధగమించాడు. సచిన్ తన టెస్టు కెరీర్‌లో 5 సార్లు ప్లేయర్ ఆఫ్‌ది సిరీస్‌గా నిలిచాడు. ఈ జాబితాలో రూట్ దిగ్గజ క్రికెటర్లు మాల్కం మార్షల్, కర్ట్లీ ఆంబ్రోస్, స్టీవ్ వాలతో కలిసి సంయుక్తంగా ఆరో స్ధానంలో నిలిచాడు.చదవండి: AUS vs ENG: ఆస్ట్రేలియాతో వన్డే సిరీస్‌.. ఇంగ్లండ్‌ క్రికెట్‌ కీలక నిర్ణయం

దేశవాళీ క్రికెట్‌లో పరుగుల వరద పారిస్తూ రైజింగ్‌ స్టార్‌గా ప్రశంసలు అందుకుంటున్నాడు ముంబై బ్యాటర్‌ ముషీర్‌ ఖాన్‌. దులిప్‌ ట్రోఫీ-2024లో ఇండియా-‘బి’ జట్టుకు ప్రాతినిథ్యం వహిస్తున్న అతడు అద్భుత శతకంతో ఆకట్టుకున్నాడు. ఇండియా-‘ఏ’ జట్టుతో మ్యాచ్‌ సందర్భంగా మిగతా బ్యాటర్లంతా చేతులెత్తేయగా వన్‌డౌన్‌ బ్యాటర్‌ ముషీర్‌ ఖాన్‌ పట్టుదలగా నిలబడ్డాడు.ఫోర్ల వర్షంమొత్తంగా 373 బంతులు ఎదుర్కొని 181 పరుగులు సాధించాడు. అతడి ఇన్నింగ్స్‌లో 16 ఫోర్లు, 5 సిక్స్‌లు ఉన్నాయి. స్పిన్నర్ల బౌలింగ్‌లో దూకుడుగా ఆడుతూ ఈ మేర పరుగులు రాబట్టాడు. అయితే, చైనామన్‌ స్పి న్నర్‌ కుల్దీప్‌ యాదవ్‌ బౌలింగ్‌లో ముషీర్‌ అవుట్‌ కావడం గమనార్హం.ఇక ముషీర్‌కు తోడు టెయిలెండర్‌ నవదీప్‌ సైనీ అర్ధ శతకం(144 బంతుల్లో 56)తో రాణించాడు. ఈ క్రమంలో శుక్రవారం నాటి రెండో రోజు ఆటలో భాగంగా ఇండియా- ‘బి’ తొలి ఇన్నింగ్స్‌లో 321 పరుగుల వద్ద ఆలౌట్‌ అయింది.సచిన్‌ రికార్డు బద్దలుకాగా జట్టును పటిష్ట స్థితిలో నిలపడంలో కీలక పాత్ర పోషించిన ముషీర్‌ ఖాన్‌.. ఈ మ్యాచ్‌ సందర్భంగా అరుదైన ఘనత సాధించాడు. టీనేజ్‌లోనే దులిప్‌ ట్రోఫీలో అరంగేట్రం చేసి అత్యధిక పరుగులు సాధించిన బ్యాటర్ల జాబితాలో చోటు దక్కించుకున్నాడు. ఈ క్రమంలో టీమిండియా దిగ్గజ బ్యాటర్‌ సచిన్‌ టెండుల్కర్‌ను ముషీర్‌ వెనక్కినెట్టాడు.కాగా 1991, జనవరిలో గువాహటి వేదికగా జరిగిన దులిప్‌ ట్రోఫీలో వెస్ట్ జోన్‌కు ప్రాతినిథ్యం వహించిన సచిన్‌.. ఈస్ట్‌జోన్‌తో మ్యాచ్‌లో 159 పరుగులు చేశాడు. తాజాగా.. పందొమిదేళ్ల ముషీర్‌ సచిన్‌ను అధిగమించాడు.అన్నను మించిపోతాడేమో!దేశవాళీ క్రికెట్‌లో ముంబైకి ప్రాతినిథ్యం వహిస్తున్న ముషీర్‌ ఖాన్‌ టీమిండియా యువ సంచలనం సర్ఫరాజ్‌ ఖాన్‌కు తోడబుట్టిన తమ్ముడు. మిడిలార్డర్‌లో రాణించగల సత్తా ఉన్న స్పిన్‌ బౌలింగ్‌ ఆల్‌రౌండర్‌. గత రంజీ సీజన్‌లో ఓ ద్విశతకం బాదిన ఈ కుడిచేతి వాటం ఆటగాడు.. ఓవరాల్‌గా 529 పరుగులు సాధించాడు. అంతేకాదు... అండర్‌-19 వరల్డ్‌కప్‌ టోర్నీలోనూ సత్తా చాటాడు. ఇప్పుడు దులిప్‌ ట్రోఫీలోనూ తనదైన మార్కు చూపిస్తున్నాడు. ఈ క్రమంలో నెటిజన్లు ముషీర్‌పై ప్రశంసలు కురిపిస్తున్నారు. అన్నను మించిన తమ్ముడు అంటూ కొనియాడుతున్నారు.దులిప్‌ ట్రోఫీ అరంగేట్రంలో టీనేజ్‌లో అత్యధిక పరుగులు సాధించిన బ్యాటర్లు19 ఏళ్ల వయసులో బాబా అపరాజిత్‌- 212 పరుగులు(2013లో)19 ఏళ్ల వయసులో యశ్‌ ధుల్‌- 193 పరుగులు(2022లో)19 ఏళ్ల వయసులో ముషీర్‌ ఖాన్‌- 181 పరుగులు(2024లో)18 ఏళ్ల వయసులో సచిన్‌ టెండుల్కర్‌-159 పరుగులు (1991లో).A 6⃣ that hits the roof & then caught in the deep!Kuldeep Yadav bounces back hard and a magnificent innings of 181(373) ends for Musheer Khan 👏#DuleepTrophy | @IDFCFIRSTBankFollow the match ▶️ https://t.co/eQyu38Erb1 pic.twitter.com/OSJ2b6kmkk— BCCI Domestic (@BCCIdomestic) September 6, 2024

ఇంగ్లండ్ స్టార్ బ్యాట‌ర్ జో రూట్ టెస్టుల్లో త‌న దూకుడును కొన‌సాగిస్తున్నాడు. లార్డ్స్ వేదికగా శ్రీలంకతో జరుగుతున్న సెకెండ్ టెస్టులో రెండు ఇన్నింగ్స్‌లోనూ రూట్ సెంచరీలతో మెరిశాడు. తొలి ఇన్నింగ్స్‌లో 143 పరుగులతో సత్తాచాటిన రూట్‌.. ఇప్పుడు రెండో ఇన్నింగ్స్‌లో శతకంతో చెలరేగాడు. 121 బంతులు ఎదుర్కొన్న అతడు 10 ఫోర్లు సాయంతో 103 పరుగులు చేసి టాప్ స్కోరర్‌గా నిలిచాడు. రూట్‌కు ఇది 34వ టెస్టు సెంచరీ. తద్వారా పలు అరుదైన రికార్డులను రూట్ తన ఖాతాలో వేసుకున్నాడు.రూట్‌ సాధించిన రికార్డులు ఇవే..→టెస్టుల్లో అత్యధిక సెంచరీలు చేసిన ఇంగ్లండ్‌ క్రికెటర్‌గా రూట్ అవ‌త‌రించాడు. గతంలో ఇంగ్లండ్ మాజీ కెప్టెన్ ఆలిస్ట‌ర్‌ కుక్ పేరిట ఉన్న అత్యధిక శ‌తకాల (33) రికార్డును బ్రేక్ చేశాడు. తొలి ఇన్నింగ్స్‌లో సెంచరీతో కుక్ రికార్డును సమం చేసిన రూట్‌.. ఇప్పుడు రెండో ఇన్నింగ్స్ సెంచరీతో అతడిని అధిగమించాడు.→ఈ సెంచ‌రీతో అత‌డు మ‌రో ముగ్గురు క్రికెట‌ర్ల అత్య‌ధిక సెంచ‌రీల‌ రికార్డును సమం చేశాడు. యూనిస్ ఖాన్‌, జయవర్దనే, సునీల్‌ గవాస్కర్, లారా రికార్డును సమం చేశాడు. వీరిందరూ టెస్టుల్లో 34 సెంచరీలు చేశారు. రూట్ మరో సెంచరీ సాధిస్తే ఈజాబితాలో ఆరో స్ధానంలో ఎగబాకుతాడు. ఇక టెస్టు అత్యధిక సెంచరీలు చేసిన జాబితాలో స‌చిన్ టెండూల్క‌ర్(51) అగ్రస్ధానంలో ఉన్నాడు.→ఒకే వేదికలో అత్యధిక టెస్టు సెంచరీలు చేసిన ఇంగ్లండ్ క్రికెటర్‌గా రూట్ నిలిచాడు. రూట్ లార్డ్స్‌లో ఇప్పటివరకు 7 టెస్టు సెంచరీలు సెంచరీ చేశాడు. ఇంతకుముందు ఈ రికార్డు ఇంగ్లండ్ దిగ్గజం గ్రాహం గూచ్ పేరిట ఉండేది. గూచ్ లార్డ్స్‌లో 6 సెంచ‌రీలు చేశాడు. తాజా మ్యాచ్‌తో గూచ్ ఆల్‌టైమ్ రికార్డును రూట్ బ్రేక్ చేశాడు.→50 లేదా అంత‌కంటే ఎక్కువ అంత‌ర్జాతీయ సెంచ‌రీలు చేసిన 9వ క్రికెట‌ర్‌గా రూట్ నిలిచాడు. రూట్ ఇప్ప‌టివ‌ర‌కు అంత‌ర్జాతీయ క్రికెట్‌లో 50 సెంచ‌రీలు చేశాడు. ఈ జాబితాలో భార‌త క్రికెట్ దిగ్గ‌జం స‌చిన్ టెండూల్క‌ర్ 100 సెంచ‌రీల‌తో అగ్ర‌స్ధానంలో ఉన్నాడు.డేంజర్‌లో సచిన్ రికార్డు.. కాగా రూట్ జోరును చూస్తుంటే టెస్టుల్లో అత్యధిక పరుగులు చేసిన మాస్టర్ బ్లాస్టర్ రికార్డును బద్దలు కొట్టేలా ఉన్నాడు. స‌చిన్ త‌న టెస్టు కెరీర్‌లో 15,921 ర‌న్స్‌ చేసి అగ్ర‌స్థానంలో కొన‌సాగుతున్నాడు. అయితే ఈ జాబితాలో రూట్ 12377 ప‌రుగుల‌తో 7వ స్ధానంలో కొన‌సాగుతున్నాడు. కాగా రూట్ స‌చిన్‌కు కేవ‌లం 3,544 పరుగుల దూరంలోనే ఉన్నాడు. సచిన్ 200 టెస్టులు ఆడి త‌న కెరీర్‌ను ముగించ‌గా.. రూట్ ఇప్ప‌టివ‌ర‌కు 145 టెస్టులు మాత్ర‌మే ఆడాడు. అయితే 33 ఏళ్ల రూట్ ఫిట్‌నెస్ ప‌రంగా కూడా మెరుగ్గా ఉండ‌డంతో స‌చిన్ ఆల్‌టైమ్ టెస్టు రికార్డును బ్రేక్ చేసే అవ‌కాశం ఉంది.

భారత్‌లో అత్యధికంగా ఆర్జిస్తున్న క్రీడాకారుల్లో క్రికెటర్లే అగ్రస్థానంలో ఉంటారు. వారిలోనూ టీమిండియా లెజెండరీ ఆటగాడు, వంద సెంచరీల వీరుడు సచిన్‌ టెండుల్కర్‌, దిగ్గజ కెప్టెన్‌ మహేంద్ర సింగ్‌ ధోని, రన్‌మెషీన్‌ విరాట్‌ కోహ్లి ఎవరికీ అందనంత ఎత్తులో ఉన్నారు. అటు ఆట ద్వారా.. ఇటు పలు ప్రఖ్యాత బ్రాండ్లకు ప్రచారకర్తలుగా వ్యవహరించడం ద్వారా రెండు చేతులా సంపాదిస్తున్నారు. ఈ ముగ్గురు స్టార్లు ఒక్కొక్కొరు వెయ్యి కోట్లకు పైగా ఆస్తులు కూడబెట్టారని వినికిడి. మరి వీరికంటే ధనవంతుడైన భారత క్రికెటర్‌ మరొకరు ఉన్నారు. అతడి ఒక్కడి సంపాదనే వేల కోట్లకు పైగా ఉంటుందని అంచనా. లక్షల కో ట్ల సంపదకు అతడు వారసుడు. బిజినెస్‌ టైకూన్‌ కుమారుడుదేశంలోనే.. కాదు కాదు.. బహుశా ప్రపంచంలోనే అత్యంత సంపన్న క్రికెటర్‌ అయిన అతడు మరెవరో కాదు ఆర్యమన్‌ విక్రమ్‌ బిర్లా. దిగ్గజ వ్యాపారవేత్త కుమార్‌ మంగళం బిర్లా కుమారుడు. జూలై 9, 1997లో ముంబైలో జన్మించాడు. పుట్టుకతోనే రిచ్‌కిడ్‌ అయిన ఆర్యమన్‌.. క్రికెటర్‌గా తొలి అడుగులు వేశాడు. మధ్యప్రదేశ్‌ తరఫున 2017- 18లో రంజీ ట్రోఫీలో అరంగేట్రం చేశాడు. లెఫ్టాండ్‌ బ్యాటర్‌ అయిన ఆర్యమన్‌.. లెఫ్టార్మ్‌ స్పిన్‌ బౌలింగ్‌ కూడా చేయగలడు. ఫస్ట్‌క్లాస్‌ క్రికెట్‌లో 9 మ్యాచ్‌లు ఆడి 414 పరుగులు సాధించాడు ఆర్యమన్‌ బిర్లా. రూ. 30 లక్షలకు కొనుగోలు చేసిన రాయల్స్‌ఇందులో ఓ శతకం, ఓ హాఫ్‌ సెంచరీ ఉన్నాయి. ఇక లిస్ట్‌-ఏ క్రికెట్‌లో నాలుగు మ్యాచ్‌లు ఆడిన అతడు 36 పరుగులు చేశాడు. ఈ క్రమంలో ఆర్యమన్‌ బిర్లా.. 2018 ఐపీఎల్‌ వేలంలోకి రాగా.. రాజస్తాన్‌ రాయల్స్‌ ఫ్రాంఛైజీ రూ. 30 లక్షలకు కొనుగోలు చేసింది.అయితే, వ్యక్తిగత కారణాల దృష్ట్యా 2019లోనే క్రికెట్‌కు కూడా దూరమయ్యాడు ఆర్యమన్‌. కుటుంబ వ్యాపారాలతో బిజీ అయ్యాడు. తన సోదరి అనన్య బిర్లాతో కలిసి ఆదిత్య బిర్లా గ్రూప్‌నకు చెందిన ఓ కంపెనీ డైరెక్టర్‌గా బాధ్యతలు చేపట్టాడు. సొంతంగా ముంబైలో ఓ క్లబ్‌ కూడా కలిగి ఉన్న ఆర్యమన్‌.. పెంపుడు జంతువు ఓ స్టోర్‌ కూడా నడుపుతున్నాడు.రెండు లక్షల కోట్లకు పైగా సంపదహురున్‌ విడుదల చేసిన దేశీయ అత్యంత ధనవంతులు జాబితాలో కుమార్‌ మంగళం బిర్లా చోటు దక్కించుకోవడంతో.. ఆర్యమన్‌ బిర్లా పేరు మరోసారి ఇలా తెరపైకి వచ్చింది. ఇక హురున్‌ రిచ్‌ లిస్టులో గౌతమ్‌ అదానీ 11.6 లక్షల కోట్లతో అగ్రస్థానంలో నిలవగా.. ముకేశ్‌ అంబానీ 10.14 లక్షల కోట్ల నికర ఆస్తులతో రెండో స్థానంలో ఉన్నారు. ఇక ఆరోస్థానంలో ఉన్న కుమార్‌ మంగళం బిర్లా 2,35,200 కోట్ల నికర సంపద కలిగి ఉన్నారు. ఈ క్రమంలో ఆర్యమన్‌ నెట్‌వర్త్‌ డెబ్బై వేల కోట్లకు పైగానే ఉంటుందని వ్యాపారవర్గాలు అంటున్నాయి.చదవండి: క్రికెటర్‌ సంచలన నిర్ణయం.. 26 ఏళ్లకే ఆటకు వీడ్కోలు!

వన్డే చరిత్రలో పది అత్యుత్తమ ఇన్నింగ్స్‌ల వివరాలను స్పోర్ట్స్ టుడే సంస్థ వెల్లడించింది. ఈ జాబితాలో మ్యాక్స్‌వెల్‌ ఆఫ్ఘనిస్తాన్‌పై చేసిన అజేయ డబుల్‌ సెంచరీకి (201) టాప్‌ ప్లేస్‌ లభించింది. 1983 వరల్డ్‌కప్‌లో జింబాబ్వేపై కపిల్‌ దేవ్‌ చేసిన 175 పరుగుల ఇన్నింగ్స్‌కు రెండో స్థానం దక్కింది. 1998లో షార్జాలో ఆస్ట్రేలియాపై సచిన్‌ టెండూల్కర్‌ ఆడిన 143 పరుగుల ఇన్నింగ్స్‌ మూడో స్థానం.. 1984లో ఇంగ్లండ్‌పై వివ్‌ రిచర్డ్స్‌ ఆడిన 189 పరుగుల ఇన్నింగ్స్‌కు నాలుగో స్థానం.. 2003 వరల్డ్‌కప్‌ ఫైనల్లో భారత్‌పై రికీ పాంటింగ్‌ ఆడిన 140 పరుగుల ఇన్నింగ్స్‌కు ఐదో స్థానం.. 1997లో భారత్‌పై సయీద్‌ అన్వర్‌ ఆడిన 194 పరుగుల ఇన్నింగ్స్‌కు ఆరో స్థానం.. 2023 వరల్డ్‌కప్‌లో భారత​్‌పై ట్రవిస్‌ హెడ్‌ ఆడిన 137 పరుగుల ఇన్నింగ్స్‌కు ఏడో స్థానం.. 2012లో శ్రీలంకపై విరాట్‌ కోహ్లి ఆడిన 133 పరుగుల ఇన్నింగ్స్‌కు ఎనిమిదో స్థానం.. 2011 వరల్డ్‌కప్‌ ఫైనల్లో శ్రీలంకపై గౌతమ్‌ గంభీర్‌ ఆడిన 97 పరుగుల ఇన్నింగ్స్‌కు తొమ్మిదో స్థానం.. 2014లో శ్రీలంకపై రోహిత్‌ ఆడిన 264 పరుగుల ఇన్నింగ్స్‌కు పదో స్థానం దక్కాయి. ‌

అంతర్జాతీయ క్రికెట్‌లో వంద శతకాలు సాధించిన ఏకైక బ్యాటర్‌ సచిన్‌ టెండుల్కర్‌. టెస్టుల్లో 15,921... వన్డేల్లో 18,426 పరుగులతో ఓవరాల్‌గా రెండు ఫార్మాట్లలోనూ ఈ టీమిండియా దిగ్గజం టాప్‌ స్కోరర్‌గా కొనసాగుతున్నాడు. ఇక సచిన్‌ సాధించిన సెంచరీల రికార్డుకు చేరువగా ఉన్న ఏకైక క్రికెటర్‌ టీమిండియా రన్‌మెషీన్‌ విరాట్‌ కోహ్లి.ఇప్పటికే 80 శతకాలు బాదిన 35 ఏళ్ల ఈ కుడిచేతి వాటం బ్యాటర్‌.. మరో 20 మార్లు వంద పరుగుల మార్కును అందుకుంటే సచిన్‌ టెండుల్కర్‌ రికార్డును సమం చేస్తాడు. అయితే, వన్డేల్లో ఇప్పటి వరకు 13,906 పరుగులు సాధించి.. టాప్‌ స్కోరర్ల జాబితాలో ఉన్న కోహ్లి టెస్టు ఖాతాలో 8848 పరుగులు మాత్రమే ఉన్నాయి.ఈ నేపథ్యంలో వన్డే కింగ్‌ అయిన కోహ్లి టెస్టుల్లో మాత్రం సచిన్‌ను అందుకోవడం కష్టమే అంటున్నాడు ఆస్ట్రేలియా దిగ్గజం రిక్కీ పాంటింగ్‌. టెస్టుల్లో సచిన్‌ టెండుల్కర్‌ అత్యధిక పరుగుల రికార్డును బద్దలు కొట్టగల సత్తా ఇంగ్లండ్‌ వెటరన్‌ బ్యాటర్‌ జో రూట్‌కు ఉందని పేర్కొన్నాడు. కాగా ఇంగ్లిష్‌ జట్టుకు కెప్టెన్‌గా వ్యవహరించిన రూట్‌ ప్రస్తుతం బెన్‌స్టోక్స్‌ సారథ్యంలో ఆటగాడిగా కొనసాగుతున్నాడు.అప్పట్లో ఫామ్‌లేమితో సతమతమైన 33 ఏళ్ల ఈ రైట్‌హ్యాండర్‌.. కొంతకాలంగా నిలకడగా రాణిస్తున్నాడు. ఇటీవల వెస్టిండీస్‌తో మ్యాచ్‌ సందర్భంగా టెస్టుల్లో 32వ సెంచరీ సాధించిన రూట్‌.. 12 వేల పరుగుల మైలురాయిని దాటాడు. ఈ నేపథ్యంలో రిక్కీ పాంటింగ్‌ మాట్లాడుతూ.. ‘‘ఇంకో నాలుగేళ్ల పాటు రూట్‌ టెస్టుల్లో కొనసాగితే కచ్చితంగా ఇది సాధ్యమవుతుంది.అయివతే, ఇంగ్లండ్‌ ఏడాదికి ఎన్ని టెస్టు మ్యాచ్‌లు ఆడుతుందన్న అంశం మీదే అతడి గణాంకాలు ఆధారపడి ఉంటాయి. ఏడాదికి కనీసం 14 మ్యాచ్‌లు ఆడటం సహా అందులో సంవత్సరానికి రూట్‌ 800 నుంచి వెయ్యి పరుగుల చొప్పున సాధిస్తే అతడు సచిన్‌ రికార్డు బ్రేక్‌ చేయడం సాధ్యమే.అయితే, 37 ఏళ్ల వయసులోనూ అతడు పరుగుల దాహంతో ఉంటేనే.. అది కూడా రోజురోజుకు తన ఆటను మరింత మెరుగుపరచుకుని.. నిలకడగా రాణిస్తేనే రూట్‌కు ఈ అవకాశం ఉంటుంది. నాలుగేళ్ల క్రితం కనీసం యాభై పరుగుల మార్కు అందుకోవడానికి కష్టాలు పడ్డ రూట్‌.. ఇప్పుడు తన శైలిని మార్చేశాడు. అందుకే మరో నాలుగేళ్లపాటు అతడు ఇలాగే కొనసాగితే.. కచ్చితంగా టెస్టుల్లో అత్యధిక పరుగుల వీరుడిగా అవతరిస్తాడు’’ అని రిక్కీ పాంటింగ్‌ అంచనా వేశాడు. ఇంగ్లండ్‌ మాజీ సారథి మైకేల్‌ వాన్‌ సైతం గతంలో ఇదే అభిప్రాయం వ్యక్తం చేశాడు.కాగా టెస్టుల్లో ఆసీస్‌ మాజీ కెప్టెన్‌ పాంటింగ్‌ టెస్టుల్లో 13,378 పరుగులు సాధించి.. సచిన్‌ తర్వాతి స్థానంలో కొనసాగుతున్నాడు. ఇక ఈ జాబితాలో సౌతాఫ్రికా లెజెండ్‌ జాక్వెస్‌ కలిస్‌(13,289), టీమిండియా దిగ్గజం రాహుల్‌ ద్రవిడ్‌(13,288), ఇంగ్లండ్‌ మాజీ సారథి అలిస్టర్‌ కుక్‌(12,472), శ్రీలంక లెజెండరీ వికెట్‌ కీపర్‌ కుమార్‌ సంగక్కర(12, 400) తర్వాత ఏడో స్థానంలో రూట్‌(12,027) ఉన్నాడు.

పదిహేడేళ్ల వయసులో.. సరిగ్గా ఇదే రోజు ఓ కుర్రాడు అంతర్జాతీయ క్రికెట్‌లో తన తొలి శతకం నమోదు చేశాడు. ఎన్ని అవాంతరాలు ఎదురైనా.. తన అసాధారణ ప్రతిభతో వాటన్నింటిని దాటుకుని.. శతక శతకాల ధీరుడిగా ప్రపంచంలో ఏ క్రికెటర్‌కూ సాధ్యం కాని ఘనత సాధించాడు. అతడే.. భారత క్రికెట్‌ దిగ్గజం సచిన్‌ టెండుల్కర్‌.టీమిండియా తరఫున 1989లో పాకిస్తాన్‌తో టెస్టు సందర్భంగా అంతర్జాతీయ క్రికెట్‌లో అరంగేట్రం చేసిన సచిన్‌.. అదే ఏడాది వన్డేల్లోనూ ఎంట్రీ ఇచ్చాడు. అయితే, మొదటి 15 మ్యాచ్‌లలో ఒక్క శతకం కూడా సాధించలేకపోయిన ఈ ముంబై బ్యాటర్‌.. 1990లో ఇంగ్లండ్‌ గడ్డ మీద తన సెంచరీల ప్రయాణానికి నాంది పలికాడు.మాంచెస్టర్‌లో సెంచరీల ప్రయాణానికి నాందిమాంచెస్టర్‌ వేదికగా ఇంగ్లండ్‌తో జరిగిన రెండో టెస్టులో సచిన్‌ శతకంతో మెరిశాడు. మ్యాచ్‌ రెండో ఇన్నింగ్స్‌లో 189 బంతులు ఎదుర్కొని 119 పరుగులతో ఆఖరి వరకు అజేయంగా నిలిచాడు. ఆరో స్థానంలో బ్యాటింగ్‌కు వచ్చి.. భారత్‌ మ్యాచ్‌ను డ్రా చేసుకోవడంలో కీలక పాత్ర పోషించాడు. ఫలితం ఎలా ఉన్నా సచిన్‌ కెరీర్‌లో ఈ మ్యాచ్‌ మాత్రం చిరస్మరణీయంగా నిలిచిపోతుందనడంలో సందేహం లేదు.వందో సెంచరీ అక్కడేనాడు ఇంగ్లండ్‌ మీద తొలి సెంచరీ చేసిన ఈ కుడిచేతి వాటం బ్యాటర్‌.. ఆసియా 2012 వన్డే కప్‌ సందర్భంగా బంగ్లాదేశ్ మీద మీర్పూర్‌ వేదికగా వందో శతకం బాదాడు. మొత్తంగా టీమిండియా తరఫున 200 టెస్టులు ఆడిన సచిన్‌ టెండుల్కర్‌.. 51 శతకాలు, 68 అర్ధ శతకాల సాయంతో 15921 పరుగులు సాధించాడు.ఎవరికీ అందనంత ఎత్తులోఅదే విధంగా.. 463 వన్డేల్లో 49 సెంచరీలు, 96 హాఫ్‌ సెంచరీలు చేసి 18426 పరుగులు స్కోరు చేశాడు. ఒకే ఒక్క అంతర్జాతీయ టీ20 ఆడిన సచిన్‌ ఖాతాలో 10 పరుగులు ఉన్నాయి. ఓవరాల్‌గా అంతర్జాతీయ క్రికెట్‌లో 664 మ్యాచ్‌లు ఆడి 34,357 పరుగులు స్కోరు చేసి.. అత్యధిక పరుగుల వీరుడిగా కొనసాగుతున్నాడు. వంద శతకాలు ఖాతాలో ఉన్నా మొదటి సెంచరీ మాత్రం ఎల్లప్పుడూ ప్రత్యేకమే కదా!!

టీమిండియా మాజీ క్రికెటర్‌ వినోద్‌ కాంబ్లీ తన ఆరోగ్యానికి సంబంధించి అప్‌డేట్‌ అందించాడు. తాను పూర్తి ఫిట్‌గా ఉన్నానని.. దేవుడి దయ వల్ల అంతా బాగానే ఉందని తెలిపాడు. కాగా ముంబైకి చెందిన వినోద్‌ కాంబ్లీ భారత క్రికెట్‌ దిగ్గజం సచిన్‌ టెండుల్కర్‌కు చిన్ననాటి స్నేహితుడన్న విషయం తెలిసిందే.వీరిద్దరు కలిసి దేశవాళీ క్రికెట్‌లో ముంబై జట్టుకు ప్రాతినిథ్యం వహించారు. టీమిండియాకు కూడా కలిసే ఆడారు. అయితే, సచిన్‌ అంచెలంచెలుగా ఎదిగి ఉన్నత శిఖరాలకు చేరుకుని భారత క్రికెట్‌ ఐకాన్‌గా మారగా.. వినోద్‌ కాంబ్లీ మాత్రం అనతికాలంలోనే కనుమరుగైపోయాడు. కెరీర్‌పరంగానే కాదు.. వ్యక్తిగతంగానూ ఇబ్బందులు ఎదుర్కొన్నాడు.ఈ క్రమంలో తీవ్రమైన అనారోగ్య సమస్యలు అతడిని చుట్టుముట్టాయి. ఇందుకు అతడి క్రమశిక్షణరాహిత్యమే కారణమని వినోద్‌ కాంబ్లీ సన్నిహిత వర్గాలు గతంలో వెల్లడించాయి. ఇదిలా ఉంటే.. ఇటీవల కాంబ్లీకి సంబంధించిన వీడియో ఒకటి వైరల్‌ అయింది. అందులో.. నడవడానికి కూడా శక్తి లేని కాంబ్లీ.. ఇతరుల ఆసరాతో ఓ షాపులోకి వెళ్లినట్లు కనిపించింది. ఇది చూసిన నెటిజన్లు.. ఈ మాజీ క్రికెటర్‌కు సహాయం అందించాలంటూ సచిన్‌తో పాటు భారత క్రికెట్‌ నియంత్రణ మండలికి విజ్ఞప్తి చేశారు. అయితే, అది పాత వీడియో అని తాజాగా తేలింది. ఈ వీడియో చూసిన తర్వాత.. తాము వినోద్‌ కాంబ్లీ ఇంటికి వెళ్లామని.. అతడి ఆరోగ్యం ప్రస్తుతం బాగానే ఉందని అతడి స్కూల్‌మేట్‌ రిక్కీ, ఫస్ట్‌క్లాస్‌ క్రికెట్‌ అంపైర్‌ మార్కస్‌ తెలిపారు. నేనింకా ఫిట్‌గానే ఉన్నానుఈ క్రమంలో వినోద్‌ కాంబ్లీ సైతం.. ‘‘దేవుడి దయ వల్ల నేనింకా ఫిట్‌గానే ఉన్నాను. ఇప్పటికీ మైదానంలో దిగి బ్యాటింగ్‌ చేయగల సత్తా నాకు ఉంది’’ అని నవ్వుతూ థంబ్స్‌అప్‌ సింబల్‌ చూపించాడు. ఇందుకు సంబంధించిన దృశ్యాలు సోషల్‌ మీడియాలో చక్కర్లు కొడుతున్నాయి. అయితే, బక్కచిక్కినట్లు కనిపిస్తున్న వినోద్‌ కాంబ్లీని చూసి అతడి అభిమానులు ఉద్వేగానికి లోనవుతున్నారు. అతడికి వైద్య సహాయం అవసరముందని తెలిసిపోతుందని.. దయచేసి తనను ఆదుకోవాలని మరోసారి సచిన్‌ టెండుల్కర్‌కు మరోసారి రిక్వెస్ట్‌ చేస్తున్నారు. కాగా 1993- 2000 మధ్య కాలంలో వినోద్‌ కాంబ్లీ అంతర్జాతీయ క్రికెట్‌లో భారత్‌కు ప్రాతినిథ్యం వహించాడు. మొత్తంగా 17 టెస్టులు, 104 వన్డే మ్యాచ్‌లు ఆడి.. ఆయా ఫార్మాట్లలో 1084, 2477 పరుగులు సాధించాడు ఈ లెఫ్టాండర్‌ బ్యాటర్‌.ఇక 2000 సంవత్సరంలో టీమిండియా తరఫున చివరి వన్డే ఆడిన వినోద్‌ కాంబ్లీ.. 2004లో మధ్యప్రదేశ్‌తో మ్యాచ్‌ సందర్భంగా ముంబైకి చివరగా ఆడాడు. కాగా 2013లో వినోద్‌ కాంబ్లీకి హార్ట్‌ ఎటాక్‌ వచ్చింది. ఆ మరుసటి ఏడాదే ఆంజియోప్లాస్టీ చేయించుకున్నాడు. ఈ క్రమంలో కాంబ్లీ ఆర్థిక ఇబ్బందులతో సతమతమైనట్లు తెలుస్తోంది.@sachin_rt : plz watch #VinodKambli. Really looks in a bad shape and is in need of urgent medical help. I know you have done a lot for him but i will request you to keep your grievances aside and take up his guardianship till he gets better. Thanks 🙏pic.twitter.com/a4CbGNNhIB— Rahul Ekbote ☝️ (@rekbote01) August 9, 2024

పారిస్‌ ఒలింపిక్స్‌లో అద్వితీయ ప్రదర్శన కనబర్చిన భారత స్టార్‌ రెజ్లర్‌ వినేశ్‌ ఫొగాట్‌ రజత పతకానికి అర్హురాలేనని క్రికెట్‌ దిగ్గజం సచిన్‌ టెండూల్కర్‌ పేర్కొన్నాడు. మహిళల 50 కేజీల విభాగంలో వరస విజయాలతో ఫైనల్‌కు చేరిన ఫొగాట్‌.. వంద గ్రాములు అదనపు బరువు కారణంగా పతకానికి దూరమై రెజ్లింగ్‌ కెరీర్‌కు వీడ్కోలు పలికింది.ఈ నేపథ్యంలో సచిన్‌ సోషల్‌ మీడియాలో స్పందించాడు. ‘ప్రతి ఆటలో నిబంధనలు ఉంటాయి. వాటిని సందర్భానుసారంగా చూడాలి. అవసరమైతే మార్పులు చేయాలి. వినేశ్‌ చక్కటి ఆటతీరుతో ఫైనల్‌కు చేరింది. తుదిపోరుకు ముందు అదనపు బరువు కారణంగా అనర్హత వేటు పడి రజత పతకానికీ దూరమైంది. దీనికి సరైన కారణం కనిపించడం లేదు. ఇందులో క్రీడా స్ఫూర్తి లోపించినట్లే’ అని సచిన్‌ ఎక్స్‌లో పేర్కొన్నాడు. డ్రగ్స్‌ వంటి అనైతిక చర్యలతో అనర్హతకు గురై ఉంటే చివరి స్థానం ఇవ్వడం సబబే అని.. కానీ వినేశ్‌ న్యాయంగా పోరాడి ఫైనల్‌కు చేరిందని సచిన్‌ గుర్తు చేసుకున్నాడు. ఫొగాట్‌ రజత పతకానికి అర్హురాలే అని.. కోర్ట్‌ ఆఫ్‌ ఆర్బిట్రేషన్‌ (సీఏఎస్‌) తీర్పు తర్వాత అయినా వినేశ్‌కు పతకం వస్తుందని ఆశిస్తున్నట్లు సచిన్‌ ‘ఎక్స్‌’లో పేర్కొన్నాడు.

శ్రీలంకతో వన్డే సిరీస్‌లో టీమిండియా కెప్టెన్ రోహిత్ శర్మ తన సూపర్ ఫామ్‌ను కొనసాగిస్తున్నాడు. ఆదివారం కొలంబో వేదికగా లంకతో జరిగిన రెండో వన్డేలో రోహిత్ అద్భుతమైన హాఫ్ సెంచరీతో చెలరేగాడు. 44 బంతుల్లో 5 ఫోర్లు, 4 సిక్స్‌లతో హిట్‌మ్యాన్ 64 పరుగులు చేశాడు.ఈ క్రమంలో రోహిత్ శర్మ పలు అరుదైన రికార్డులను తన పేరిట లిఖించుకున్నాడు. అంతర్జాతీయ క్రికెట్‌లో అత్యధిక ఫిప్టీ ప్లస్ స్కోర్లు సాధించిన భారత ఓపెనర్‌గా రోహిత్ రికార్డులకెక్కాడు. రోహిత్ ఇప్పటివరకు 121 సార్లు 50 ప్లస్ పరుగులు సాధించాడు. ఇంతకుముందు ఈ రికార్డు భారత క్రికెట్ దిగ్గజం సచిన్ టెండూల్కర్ పేరిట ఉండేది. సచిన్ తన అంతర్జాతీయ కెరీర్‌లో భారత ఓపెనర్‌గా 120 సార్లు 50కిపైగా స్కోర్లు నమోదు చేశాడు. తాజా మ్యాచ్‌తో సచిన్ ఆల్‌టైమ్ రికార్డును రోహిత్ బ్రేక్ చేశాడు. ఓవరాల్‌గా ఈ ఘనత సాధించిన జాబితాలో హిట్‌మ్యాన్ ఆరో స్ధానంలో నిలిచాడు. తొలి స్ధానంలో ఆసీస్ స్టార్ ఓపెనర్ డేవిడ్ వార్నర్‌(146 ఫిఫ్టీ ప్లస్ స్కోర్లు) అగ్రస్ధానంలో ఉన్నాడు.అంతర్జాతీయ క్రికెట్‌లో అత్యధిక 50 ప్లస్ స్కోర్లు సాధించిన ఆటగాళ్లు 1. డేవిడ్ వార్నర్ - 146 (374 మ్యాచ్‌లు)2. క్రిస్ గేల్ - 144 (441 మ్యాచ్‌లు)3. సనత్ జయసూర్య - 136 (: 506 మ్యాచ్‌లు)4. డెస్మండ్ హేన్స్ - 131 ( 354 మ్యాచ్‌లు)5. గ్రేమ్ స్మిత్ - 125 (342 మ్యాచ్‌లు)6. రోహిత్ శర్మ - 121 (334 మ్యాచ్‌లు)ఇక ఈ మ్యాచ్‌లో రోహిత్ శర్మ మరో ఘనతను కూడా తన ఖాతాలో వేసుకున్నాడు. వన్డేల్లో అత్యధిక పరుగులు సాధించిన భారత ఆటగాళ్ల జాబితాలో భారత మాజీ కెప్టెన్ ఎంఎస్ ధోనీని ఈ ముంబైకర్ అధిగమించాడు. ధోనీ మొత్తం 10,773 సాధించగా.. రోహిత్ ఇప్పటివరకు వన్డేల్లో 10,831 చేరాడు. వన్డేల్లో అత్యధిక పరుగులు చేసిన ఆటగాళ్ల జాబితాలో ధోనిని వెనక్కి నెట్టి ఐదో స్ధానానికి హిట్‌మ్యాన్ చేరుకున్నాడు.

టీమిండియా దిగ్గజ క్రికెటర్‌ సచిన్‌ టెండుల్కర్‌ 2012లో అంతర్జాతీయ క్రికెట్‌లో వందో సెంచరీ కొట్టి.. శతక శతకాల ధీరుడిగా ప్రపంచ రికార్డు సాధించాడు. సమకాలీన క్రికెటర్లు ఎవరికీ సాధ్యం కాని ఫీట్‌ నమోదు చేసి.. శిఖరాగ్రాన నిలిచాడు. వన్డేల్లో 49, టెస్టుల్లో 51 సెంచరీలు తన ఖాతాలో వేసుకున్నాడు. సచిన్‌ పేరిట ఉన్న ఈ రికార్డు బద్దలయ్యే అవకాశమే లేదని భావిస్తున్న తరుణంలో.. విరాట్‌ కోహ్లి అనే కుర్రాడు తెరమీదకు వచ్చాడు.ఇప్పటికే వన్డేల్లో 50 శతకాలు బాదిన ఈ రన్‌మెషీన్‌.. సచిన్‌ రికార్డు బ్రేక్‌ చేశాడు. టెస్టుల్లో 29, టీ20లలో ఒక సెంచరీ బాది.. ఆల్‌టైమ్‌ రికార్డుకు ఎసరుపెట్టాడు. 35 ఏళ్ల వయసులోనూ ఫిట్‌నెస్‌కు మారుపేరుగా కొనసాగుతున్న కోహ్లి వరల్డ్‌కప్‌ టోర్నీల్లోనూ సత్తా చాటుతున్నాడు. వన్డే రారాజుగా కొనసాగుతున్నాడు. అయితే, ఇలాంటి రికార్డుల వీరుడికి తన ఆల్‌టైమ్‌ గ్రేటెస్ట్‌ వన్డే వరల్డ్‌కప్‌ ప్లేయింగ్‌ ఎలెవన్‌లో చోటు లేదంటున్నాడు ఆస్ట్రేలియా మాజీ స్టార్‌ మాథ్యూ హెడెన్‌.భారత్‌ నుంచి ఇద్దరు లెజెండ్స్‌ మాత్రమే ఈ టీమ్‌లో స్థానం సంపాదించడానికి అర్హులు అన్నట్లుగా తన అభిప్రాయాన్ని వెల్లడించాడు. ఈ జట్టులో ఆస్ట్రేలియా నుంచి అత్యధికంగా నలుగురిని ఎంపిక చేసుకున్న ఈ కంగారూ బ్యాటర్‌.. పాకిస్తాన్‌ నుంచి ఇద్దరి చోటు ఇచ్చాడు. ఇదిలా ఉంటే.. విరాట్‌ కోహ్లి శ్రీలంకతో వన్డే సిరీస్‌కు సిద్ధమవుతున్నాడు. గౌతం గంభీర్‌ గైడెన్స్‌లో ప్రాక్టీస్‌ చేస్తున్నాడు.మాథ్యూ హెడెన్‌ ఎంచుకున్న గ్రేటెస్ట్‌ వన్డే వరల్డ్‌కప్‌ ఆల్‌టైమ్‌ ప్లేయింగ్‌ ఎలెవన్‌ఆడం గిల్‌క్రిస్ట్‌(ఆస్ట్రేలియా), వీరేంద్ర సెహ్వాగ్‌(ఇండియా), రిక్కీ పాంటింగ్‌(ఆస్ట్రేలియా- కెప్టెన్‌), సచిన్‌ టెండుల్కర్‌(ఇండియా), బ్రియన్‌ లారా(వెస్టిండీస్‌), జాక్వెస్‌ కలిస్‌(సౌతాఫ్రికా), వకాన్‌ యూనిస్‌(పాకిస్తాన్‌), వసీం అక్రం(పాకిస్తాన్‌), షేన్‌ వార్న్‌(ఆస్ట్రేలియా), ముత్తయ్య మురళీధరన్‌(శ్రీలంక), గ్లెన్‌ మెగ్రాత్‌(ఆస్ట్రేలియా).చదవండి: SA20 2025: సౌతాఫ్రికా కెప్టెన్‌కు షాకిచ్చిన స‌న్‌రైజ‌ర్స్‌.. జట్టు నుంచి ఔట్‌

టీమిండియా టీ20 కొత్త ఓపెనింగ్‌ జోడీపై మాజీ క్రికెటర్‌ రాబిన్‌ ఊతప్ప ఆసక్తికర వ్యాఖ్యలు చేశాడు. ఈ జంటను చూస్తుంటే తనకు సౌరవ్‌ గంగూలీ- సచిన్‌ టెండుల్కర్‌ గుర్తుకువస్తున్నారని పేర్కొన్నాడు. టీ20 ప్రపంచకప్‌-2024లో భారత్‌ టైటిల్‌ విజేతగా నిలిచిన తర్వాత కెప్టెన్‌ రోహిత్‌ శర్మ, స్టార్‌ బ్యాటర్‌ విరాట్‌ కోహ్లి అంతర్జాతీయ టీ20లకు రిటైర్మెంట్‌ ప్రకటించిన విషయం తెలిసిందే.అమెరికా- వెస్టిండీస్‌ వేదికగా జరిగిన ఈ ఐసీసీ టోర్నీల్లో రోహిత్‌- విరాట్‌ ఓపెనర్లుగా బరిలోకి దిగారు. ఫలితంగా.. యువ బ్యాటర్‌ యశస్వి జైస్వాల్‌ ప్రపంచకప్‌ ప్రధాన జట్టుకు ఎంపికైనా బెంచ్‌కే పరిమితమయ్యాడు. మరోవైపు.. భవిష్య కెప్టెన్‌ శుబ్‌మన్‌ గిల్‌ రిజర్వ్‌ ప్లేయర్లలో ఒకడిగా జట్టుతో ప్రయాణించాడు. అయితే, దిగ్గజ బ్యాటర్లు కోహ్లి- రోహిత్‌ రిటైర్మెంట్‌ తర్వాత పొట్టి ఫార్మాట్లో యశస్వి- గిల్‌ జోడీ ఓపెనింగ్‌కు వస్తున్నారు.వరల్డ్‌కప్‌ టోర్నీ తర్వాత భారత ద్వితీయ శ్రేణి జట్టు జింబాబ్వే పర్యటనకు వెళ్లగా.. శుబ్‌మన్‌ గిల్‌ తొలిసారిగా టీమిండియా కెప్టెన్‌గా పగ్గాలు చేపట్టాడు. ఐదు మ్యాచ్‌ల టీ20 సిరీస్‌ను 4-1తో గెలిచాడు. ఈ టూర్‌లో యశస్వి- గిల్‌ ఎక్కువసార్లు ఓపెనింగ్‌ చేశారు. తాజాగా శ్రీలంక పర్యటనలోనూ వీరే టీమిండియా ఇన్నింగ్స్‌ ఆరంభించారు.టీమిండియా లంకతో టీ20 సిరీస్‌ను 3-0తో వైట్‌వాష్‌ చేయడంలో తమ వంతు పాత్ర పోషించారు. ఈ నేపథ్యంలో భారత మాజీ వికెట్‌ కీపర్‌ బ్యాటర్‌ రాబిన్‌ ఊతప్ప సోనీ స్పోర్ట్స్‌తో మాట్లాడుతూ.. యశస్వి- గిల్‌ జోడీని గంగూలీ- సచిన్‌లతో పోల్చాడు.వాళ్లు ఆడుతుంటే గంగూలీ- సచిన్‌ గుర్తుకువస్తారు‘‘వీళ్లిద్దరిని చూస్తే నాకు సౌరవ్‌ గంగూలీ- సచిన్‌ టెండుల్కర్‌ గుర్తుకువస్తారు. వాళ్లిద్దరు ఎలా పరస్పరం అవగాహనతో ఆడేవారో.. వీరూ అలాగే చేస్తారు. తమవైన వ్యూహాలు అమలు చేస్తూనే.. మెరుగైన భాగస్వామ్యాలు నెలకొల్పుతారు. వీళ్లిద్దరు కలిసి బ్యాటింగ్‌ చేస్తుంటే చూడముచ్చటగా ఉంటుంది. ఇక జైస్వాల్‌ గురించి చెప్పాలంటే.. త్వరలోనే అతడు వన్డేల్లో కూడా ఓపెనర్‌గా తన స్థానాన్ని సుస్థిరం చేసుకోగలడు.టెస్టు, టీ20 క్రికెట్‌లో ఇప్పటికే టీమిండియా తరఫున తానేంటో నిరూపించుకున్నాడు. వన్డేల్లోనూ రాణించగలడు. పరుగులు చేయడమే పరమావధిగా ముందుకు సాగుతున్న అతడికి ఇదేమీ అసాధ్యం కాదు’’ అని రాబిన్‌ ఊతప్ప అభిప్రాయపడ్డాడు. కాగా యశస్వి గంగూలీ మాదిరే ఎడమచేతి వాటం బ్యాటర్‌ కాగా.. గిల్‌ సచిన్‌లా రైట్‌హ్యాండ్‌ బ్యాటర్‌.

ఇంగ్లండ్‌ ఆటగాడు జో రూట్‌ తాజాగా విండీస్‌తో జరిగిన రెండో టెస్ట్‌లో సూపర్‌ సెంచరీ చేసిన విషయం తెలిసిందే. ఈ సెంచరీతో (32) రూట్‌ ప్రస్తుత తరం​ క్రికెటర్లలో అత్యధిక సెంచరీలు చేసిన ఆటగాళ్ల జాబితాలో అగ్రస్థానానికి, ఓవరాల్‌గా అత్యధిక టెస్ట్‌ సెంచరీలు చేసిన ఆటగాళ్ల జాబితాలో 11వ స్థానానికి, టెస్ట్‌ల్లో అత్యధిక పరుగులు చేసిన ఆటగాళ్ల జాబితాలో ఎనిమిదో స్థానానికి (11940) ఎగబాకాడు.టెస్ట్‌ల్లో 32 సెంచరీలు పూర్తి చేసిన అనంతరం​ రూట్‌పై ఆ దేశ మాజీ కెప్టెన్‌ మైఖేల్‌ వాన్‌ ప్రశంసల వర్షం కురిపించాడు. రూట్‌ అతి త్వరలో ఇంగ్లండ్‌ లీడింగ్‌ టెస్ట్‌ రన్‌ స్కోరర్‌గా అవతరిస్తాడని ఆశాభావం వ్యక్తం చేశాడు. త్వరలో రూట్‌ సచిన్‌ పేరిట ఉన్న అత్యధిక టెస్ట్‌ పరుగుల రికార్డును కూడా సవరిస్తాడని అభిప్రాయపడ్డాడు. ప్రస్తుతం రూట్‌ వయసు 33 ఏళ్లే అని.. మరో రెండు,మూడేళ్లలో సచిన్‌ రికార్డు బద్దలు కావడం ఖాయమని జోస్యం చెప్పాడు.కాగా, రూట్‌ ప్రస్తుతం అత్యధిక టెస్ట్‌ సెంచరీలు చేసిన ఆటగాళ్ల జాబితాలో స్టీవ్‌ స్మిత్‌, కేన్‌ విలియమ్సన్‌, స్టీవ్‌ వాలతో కలిసి సంయుక్తంగా 11వ స్థానంలో ఉన్నాడు. ఈ జాబితాలో సచిన్‌ టెండూల్కర్‌ (51) అగ్రస్థానంలో ఉండగా.. కలిస్‌ (45), పాంటింగ్‌ (41), సంగక్కర (38), ద్రవిడ్‌ (36), యూనిస్‌ ఖాన్‌ (34), గవాస్కర్‌ (34), లారా (34), జయవర్దనే (34), కుక్‌ (33) రూట్‌ కంటే ముందున్నారు. రూట్‌ మరో సెంచరీ చేస్తే.. తన దేశ అత్యుత్తమ టెస్ట్‌ క్రికెటర్‌ అలిస్టర్‌ కుక్‌ రికార్డును సమం చేస్తాడు.అలాగే రూట్‌ మరో 54 పరుగులు చేస్తే అత్యధిక పరుగులు చేసిన ఆటగాళ్ల జాబితాలో బ్రియాన్‌ లారాను (11953) అధిగమించి ఏడో స్థానానికి ఎగబాకుతాడు. ఈ జాబితాలో సచిన్‌ (15921) టాప్‌లో ఉండగా.. పాంటింగ్‌ (13378), కలిస్‌ (13289), ద్రవిడ్‌ (13288), కుక్‌ (12472), సంగక్కర (12400), లారా మాత్రమే రూట్‌ కంటే ముందున్నారు. జులై 26 నుంచి విండీస్‌తో జరుగబోయే చివరి టెస్ట్‌లో రూట్‌ పై పేర్కొన్న వాటిలో కొన్ని రికార్డులను బద్దలు కొట్టే అవకాశం ఉంది.

నాటింగ్‌హామ్ వేదిక‌గా వెస్టిండీస్‌తో జ‌రిగిన రెండో టెస్టులో ఇంగ్లండ్ స్టార్ క్రికెటర్ జో రూట్ సెంచ‌రీతో మెరిశాడు. ఈ మ్యాచ్‌లో 122 ప‌రుగులు చేసిన రూట్‌.. ఇంగ్లండ్ విజ‌యంలో త‌న వంతు పాత్ర పోషించాడు. రూట్‌కు ఇది 32వ టెస్టు సెంంచ‌రీ కావ‌డం విశేషం.ఈ నేప‌థ్యంలో రూట్‌పై ఇంగ్లండ్ మాజీ కెప్టెన్ మైఖ‌ల్ వాన్ ప్ర‌శంస‌ల వ‌ర్షం కురిపించాడు. టెస్ట్ క్రికెట్ చరిత్రలో అత్యధిక పరుగులు చేసిన భార‌త లెజెండ్‌ సచిన్ టెండూల్కర్ రికార్డును రూట్ బ్రేక్ చేస్తాడ‌ని వాన్ అభిప్రాయ‌ప‌డ్డాడు."జో రూట్ మ‌రి కొద్ది రోజుల్లోనే టెస్టుల్లో ఇంగ్లండ్ త‌రపున అత్య‌ధిక ప‌రుగులు చేసిన ఆట‌గాడిగా నిలుస్తాడు. అంతేకాదు టెస్టు క్రికెట్ హిస్ట‌రీలో లీడింగ్ ర‌న్‌స్కోర‌ర్ అయిన సచిన్ టెండూల్కర్‌ను కూడా అధిగమించే స‌త్తా రూట్‌కు ఉంది. ఇప్ప‌టికే సచిన్ రికార్డుకు రూట్ చేర‌వ‌య్యే వాడు. కానీ ఆ మ‌ధ్య కాలంలో రూట్ త‌న ఫామ్‌ను కోల్పోయి కాస్త ఇబ్బంది ప‌డ్డాడు. నిర్ల‌క్ష్యంగా షాట్‌లు ఆడుతూ త‌న వికెట్‌ను కోల్పోయేవాడు. కానీ ఈ మ్యాచ్‌లో మాత్రం అత‌డు అద్భుతంగా ఆడాడు. ఇప్పుడు మాత్రం అత‌డు త‌న‌ శైలికి భిన్నంగా బ్యాటింగ్ చేస్తున్నాడు. దూకుడుగా ఆడుతున్నాడు. ఇదే కొన‌సాగితే స‌చిన్ రికార్డును రూట్ బ్రేక్ చేసే అవ‌కాశముంద‌ని" ది టెలిగ్రాఫ్ కోసం తన కాలమ్‌లో వాన్ రాసుకొచ్చాడు. టెస్టు క్రికెట్‌లో అత్యధిక పరుగులు చేసిన జాబితాలో రూట్ ప్రస్తుతం 8వ స్ధానంలో కొనసాగుతున్నాడు.260 ఇన్నింగ్స్‌లలో రూట్ ఇప్పటివరకు 11,940 పరుగులు చేశాడు. కాగా సచిన్‌ 329 టెస్టు ఇన్నింగ్స్‌లలో 15921 పరుగులు చేసి లీడింగ్‌ రన్‌స్కోరర్‌గా కొనసాగుతున్నాడు. సచిన్‌ తర్వాతి స్ధానంలో ఆసీస్‌ మాజీ కెప్టెన్‌ రికీ పాంటింగ్‌(13378) ఉన్నాడు.

క్రికెట్‌ ప్రపంచంలో టీమిండియా దిగ్గజం సచిన్‌ టెండుల్కర్‌, వెస్టిండీస్‌ లెజెండ్‌ బ్రియన్‌ లారా రికార్డుల రారాజులుగా వెలుగొందారు. తమ తరంలోని ఆటగాళ్లకు సాధ్యం కాని అరుదైన ఘనతలెన్నో సాధించారు.అంతర్జాతీయ క్రికెట్‌లో వంద శతకాల వీరుడిగా సచిన్‌ చెక్కు చెదరని రికార్డుని సొంతం చేసుకుంటే.. టెస్టుల్లో క్వాడ్రపుల్‌ సెంచరీ(400) బాది రికార్డుల్లో తన పేరును పదిలం చేసుకున్నాడు లారా.ఇక ఈ ఇద్దరు దిగ్గజాలు పరస్పరం గౌరవ, మర్యాదలతో మెలగడమే కాకుండా చిరకాల స్నేహితులుగా కూడా కొనసాగుతున్నారు. సందర్భం వచ్చినపుడల్లా సచిన్‌పై ప్రశంసలు కురిపించే బ్రియన్‌ లారా తాజాగా ఆసక్తికర వ్యాఖ్యలు చేశాడు.తామిద్దరి కంటే కూడా అ‍త్యంత ప్రతిభావంతుడైన ఆటగాడు వేరొకరు ఉన్నారంటూ అభిమానులను ఆశ్చర్యపరిచాడు. లారా చెప్పిన క్రికెటర్‌ మరెవరో కాదు ఆల్‌రౌండర్‌ కార్ల్‌ హూపర్‌. విండీస్‌ మాజీ కెప్టెన్‌.ఈ విషయం గురించి తన పుస్తకంలో ప్రస్తావించిన లారా.. ‘‘కార్ల్‌ వంటి అత్యుత్తమ ఆటగాడిని నేను ఇంత వరకు చూడలేదు. టెండుల్కర్‌ గానీ, నేను గానీ ప్రతిభ విషయంలో అతడికి దరిదాపుల్లో కూడా లేమంటే అతిశయోక్తి కాదు.కెప్టెన్‌గానూ కార్ల్‌ కెరీర్‌ ఎంతో మెరుగ్గా ఉంది. సారథిగా ఉన్న సమయంలోనూ సగటున 50కి పైగా పరుగులు సాధించాడు. నిజానికి వివియన్‌ రిచర్ట్స్‌కి నాకంటే కూడా కార్ల్‌ అంటేనే ఎక్కువ ఇష్టం.అతడి ఆటను ఇష్టపడేవాడు. తనపైనే ప్రేమను కురిపించేవాడు’’ అని పేర్కొన్నాడు. కాగా 1987- 2003 మధ్య కాలంలో వెస్టిండీస్‌కు ప్రాతినిథ్యం వహించాడు కార్ల్‌ హూపర్‌.కుడిచేతి వాటం కలిగిన ఈ బ్యాటింగ్‌ ఆల్‌రౌండర్‌.. రైటార్మ్‌ ఆఫ్‌ బ్రేక్‌ స్పిన్నర్‌. కెరీర్‌లో మొత్తంగా 102 టెస్టులు ఆడిన హూపర్‌ 5762 పరుగులు సాధించాడు. ఇందులో 13 శతకాలతో పాటు ఒక డబుల్‌ సెంచరీ ఉంది. ఇక 114 వికెట్లు కూడా తన ఖాతాలో వేసుకున్నాడు.ఇక 227 వన్డేల్లో ఏడు సెంచరీల సాయంతో 5761 రన్స్‌ చేసిన కార్ల్‌ హూపర్‌.. 193 వికెట్లు పడగొట్టాడు. కాగా 1999 వరల్డ్‌కప్‌ టోర్నీకి ముందు రిటైర్మెంట్‌ ప్రకటించిన హూపర్‌.. 2001లో కెప్టెన్‌గా రీఎంట్రీ ఇవ్వడం గమనార్హం. 22 టెస్టుల్లో విండీస్‌కు అతడు సారథిగా వ్యవహరించాడు.కెప్టెన్‌ కాకముందు హూపర్‌ బ్యాటింగ్‌ సగటు 36.46గా ఉంటే.. నాయకుడిగా పగ్గాలు చేపట్టిన తర్వాత 46కు పైగా ఉండటం విశేషం. ఈ నేపథ్యంలోనే లారా హూపర్‌ను ఉద్దేశించి ఈ మేరకు వ్యాఖ్యలు చేశాడు.

వరల్డ్ ఛాంపియన్‌షిప్ ఆఫ్ లెజెండ్స్ 2024 టోర్నీ విజేతగా ఇండియా ఛాంపియన్స్‌ నిలిచిన సంగతి తెలిసిందే. ఈ విజయంలో భారత క్రికెట్ జట్టు మాజీ స్పిన్నర్ హర్భజన్ సింగ్‌ది కీలక పాత్ర. టోర్నీ ఆసాంతం తన స్పిన్ మయాజాలం ప్రదర్శించిన భజ్జీ.. ఇండియాకు తొట్ట తొలి టైటిల్‌ను అందించాడు.అయితే మ్యాచ్ అనంత‌రం మాట్లాడిన హార్భ‌జ‌న్‌కు ఓ మ‌హిళా ప్రేజేంట‌ర్ నుంచి ఓ అనూహ్య ప్ర‌శ్న ఎదురైంది. వ‌ర‌ల్డ్ క్రికెట్‌లో టాప్ త్రీ బ్యాట‌ర్ల‌ను ఎంచుకోమ‌ని ఆమె భ‌జ్జీని ప్ర‌శ్నించింది. ఈ క్ర‌మంలో హార్భ‌జ‌న్ ప్ర‌స్తుతం త‌రంలోని ఒక్క క్రికెట‌ర్‌కు కూడా త‌న టాప్ త్రీలో చోటు ఇవ్వ‌లేదు.భార‌త క్రికెట్ దిగ్గ‌జం సచిన్ టెండూల్కర్, వెస్టిండీస్ గ్రేట్ బ్రియాన్ లారా, ద‌క్షిణాఫ్రికా లెజెండ్ జాక్వెస్ క‌ల్లిస్‌ను త‌న వ‌ర‌ల్డ్ టాప్ త్రీ బ్యాట‌ర్ల‌గా భ‌జ్జీ ఎంచుకున్నాడు. అయితే భారత స్టార్ క్రికెట‌ర్లు రోహిత్ శ‌ర్మ‌, విరాట్ కోహ్లిలతో పాటు భారత్‌కు రెండు వ‌ర‌ల్డ్‌క‌ప్ టైటిల్స్‌ను అందించిన ధోనిని కూడా హార్భ‌జ‌న్ ఎంపిక చేయ‌కపోవ‌డం గ‌మ‌నార్హం.మ‌రో భార‌త మాజీ క్రికెట‌ర్ రాబిన్ ఉతప్ప కూడా త‌న టాప్‌-3 బ్యాట‌ర్ల‌లో విరాట్ కోహ్లి, రోహిత్ , ధోనిల‌కు చోటు ఇవ్వ‌లేదు. అత‌డు కూడా సర్ వివియన్ రిచర్డ్స్, టెండూల్కర్, లారాలను త‌న టాప్-3 బ్యాట‌ర్ల‌గా ఎంచుకున్నాడు. View this post on Instagram A post shared by Shefali Bagga (@shefalibaggaofficial)

వరల్డ్ ఛాంపియన్‌షిప్ ఆఫ్ లెజెండ్స్ 2024 అరంగేట్ర ఎడిష‌న్ విజేత‌గా ఇండియా ఛాంపియ‌న్స్ నిలిచింది. వెట‌ర‌న్ ఆల్‌రౌండ‌ర్ యువ‌రాజ్ సింగ్ సార‌థ్యంలోని భార‌త జ‌ట్టు.. ఫైన‌ల్లో 5 వికెట్ల తేడాతో పాకిస్తాన్ ఛాంపియ‌న్స్‌ను ఓడించింది. ఈ టోర్నీలో కెప్టెన్ యువ‌రాజ్ సింగ్ అద్బుత‌మైన ప్ర‌ద‌ర్శ‌న క‌న‌బ‌రిచాడు.నాయ‌కుడుగా జ‌ట్టును ముందుండి న‌డిపించ‌డ‌మే కాకుండా ఆట‌గాడిగా యువీ రాణించాడు. కీల‌క సెమీస్‌లో స‌త్తాచాటి ఇండియాను ఫైన‌ల్‌కు చేర్చాడు. అదేవిధంగా ఫైన‌ల్లో కూడా 12 ప‌రుగులతో ఆజేయంగా నిలిచి మ్యాచ్‌ను ఫినిష్ చేశాడు. ఈ ఫైన‌ల్లో విజ‌యనంత‌రం యువ‌రాజ్ సింగ్ త‌న ఆల్ టైమ్ బెస్ట్ ప్లేయింగ్ ఎలెవ‌న్‌ను ఎంచుకున్నాడు.త‌న అత్యుత్తుమ ప్లేయింగ్ ఎలెవ‌న్‌లో భార‌త్ నుంచి స‌చిన్ టెండూల్క‌ర్‌, విరాట్ కోహ్లి, రోహిత్ శ‌ర్మ‌కు మాత్ర‌మే యువీ ఛాన్స్ ఇచ్చాడు. అయితే భార‌త క్రికెట్ దిగ్గ‌జం, మాజీ కెప్టెన్‌ ఎంఎస్ ధోనికి యువ‌రాజ్‌ చోటు ఇవ్వ‌క‌పోవ‌డం అంద‌ర‌ని ఆశ్చ‌ర్యానికి గురిచేస్తోంది. ఇక యువ ఎంచుకున్న జ‌ట్టులో కోహ్లి, రోహిత్, స‌చిన్‌తో పాటు దిగ్గ‌జ క్రికెట‌ర్లు ఏబీ డివిలియర్స్, ఆడమ్ గిల్‌క్రిస్ట్, షేన్ వార్న్, ముత్తయ్య మురళీధరన్, మెక్‌గ్రాత్, వసీం అక్రమ్, ఆండ్రూ ఫ్లింటాఫ్‌ల‌కు చోటు ద‌క్కింది.యువ‌రాజ్ ఆల్‌టైమ్ ప్లేయింగ్ ఎలెవ‌న్ ఇదే.. సచిన్ టెండూల్కర్, రికీ పాంటింగ్, రోహిత్ శర్మ, విరాట్ కోహ్లీ, ఏబీ డివిలియర్స్, ఆడమ్ గిల్‌క్రిస్ట్, షేన్ వార్న్, ముత్తయ్య మురళీధరన్, మెక్‌గ్రాత్, వసీం అక్రమ్, ఆండ్రూ ఫ్లింటాఫ్. pic.twitter.com/Fim1k9uvBL— Out Of Context Cricket (@GemsOfCricket) July 13, 2024

టీ20 ప్రపంచకప్‌-2024లో టీమిండియా చాంపియన్‌గా నిలవడంతో భారత్‌ ఖాతాలో ఐదో ఐసీసీ ట్రోఫీ చేరింది. ఈ మెగా టోర్నీ ముగిసి వారం రోజులు దాటినా ఆ గెలుపు తాలుకా సంబరాలు ఇంకా కొనసాగుతూనే ఉన్నాయి.ఈ నేపథ్యంలో రోహిత్‌ సేనకు బీసీసీఐ అందించిన రూ. 125 కోట్ల భారీ నజరానా ప్రత్యేకంగా హైలైట్‌గా నిలిచింది. ఇందుకు సంబంధించిన పంపకాల గురించి కూడా నెట్టింట చర్చ జరుగుతోంది. ఆటగాళ్లకు రూ. 5 కోట్ల మేర అందించడం అందరి దృష్టిని ఆకర్షించింది.ఈ క్రమంలో 2007 టీ20 ప్రపంచకప్‌, 2011 వన్డే వరల్డ్‌కప్‌, 2013 చాంపియన్స్‌ ట్రోఫీ టైటిల్స్‌ సాధించిన ధోని సేనకు బోర్డు ఎంత క్యాష్‌ రివార్డు ప్రకటించింది? ఎవరెవరికి ఎంత మొత్తం దక్కిందన్న అంశంపై ఆరా తీస్తున్నారు నెటిజన్లు. మరి ఆ వివరాలు చూద్దామా?పొట్టి కప్‌ మొదటగా మనకే2007లో టీమిండియా తొలిసారి పొట్టి వరల్డ్‌కప్‌ గెలిచింది. ధోని సారథ్యంలో తొట్ట తొలి టీ20 ప్రపంచకప్‌ను భారత్‌ కైవసం చేసుకుంది. చిరకాల ప్రత్యర్థి పాకిస్తాన్‌ను ఓడించి ట్రోఫీని ముద్దాడింది. నాడు జట్టు మొత్తానికి కలిపి బీసీసీఐ 12 కోట్ల రూపాయల రివార్డు ప్రకటించింది.సొంత గడ్డపై వన్డే ప్రపంచకప్‌ఇక సొంతగడ్డపై 2011లో ధోని సేన మరోసారి మ్యాజిక్‌ చేసింది. ప్రఖ్యాత వాంఖడే మైదానంలో జరిగిన ఫైనల్లో శ్రీలంకను చిత్తు చేసి.. వన్డే వరల్డ్‌కప్‌ను సొంతం చేసుకుంది. ఆనాడు భారత క్రికెట్‌ నియంత్రణ మండలి తొలుత.. జట్టులోని ఒక్కో ఆటగాడికి రూ. కోటి మేర క్యాష్‌ రివార్డు అందిస్తామని తెలిపింది.అయితే, అనంతరం దీనిని రూ. 2 కోట్లకు పెంచింది. అదే విధంగా.. సహాయక సిబ్బందికి రూ. 50 లక్షలు, సెలక్టర్లకు రూ. 25 లక్షల చొప్పున క్యాష్‌ రివార్డు అందించింది.చాంపియన్స్‌ ట్రోఫీ విజేతలకు ఎంతంటే?2013లో చాంపియన్స్‌ ట్రోఫీ గెలిచిన జట్టులోని ఆటగాళ్లకు బీసీసీఐ రూ. కోటి చొప్పున నజరానా అందించింది. అదే విధంగా సహాయక సిబ్బందికి రూ. 30 లక్షల మేర కానుకగా ఇచ్చింది.మరి మొట్టమొదటి వరల్డ్‌కప్‌ గెలిచిన కపిల్స్‌ డెవిల్స్‌కు ఎంత?1983లో ఏమాత్రం అంచనాలు లేకుండా బరిలోకి దిగిన కపిల్‌ దేవ్‌ సేన ఏకంగా వన్డే వరల్డ్‌కప్‌ గెలిచి చరిత్ర సృష్టించింది. అయితే, అప్పటికే క్రికెట్‌కు పెద్దగా ఆదరణ లేకపోవడం.. బీసీసీఐ వద్ద కూడా తగినన్ని నిధులు లేక సంబరాలు కూడా సాదాసీదాగా జరిగాయి.నాడు ఒక్కో ఆటగాడికి కేవలం పాతికవేలు మాత్రమే బీసీసీఐ రివార్డుగా ఇచ్చినట్లు సమాచారం. అయితే, ప్రముఖ గాయని లతా మంగేష్కర్‌ తన మ్యూజిక్‌ కన్సర్ట్‌ ద్వారా నిధులు సమీకరించడంతో ఈ మొత్తాన్ని లక్ష రూపాయలకు పెంచినట్లు జాతీయ మీడియా కథనాలు వెల్లడించాయి.2007 టీ20 వరల్డ్‌కప్‌ గెలిచిన భారత జట్టుమహేంద్ర సింగ్‌ ధోనీ (కెప్టెన్), యువరాజ్ సింగ్ (వైస్ కెప్టెన్), అజిత్ అగార్కర్, పీయూష్ చావ్లా, గౌతం గంభీర్, హర్భజన్‌ సింగ్, జోగిందర్ శర్మ, దినేశ్ కార్తీక్, యూసుఫ్ పఠాన్, ఇర్ఫాన్‌ పఠాన్, వీరేంద్ర సెహ్వాగ్, రోహిత్ శర్మ, ఆర్పీ సింగ్, ఎస్. శ్రీశాంత్, రాబిన్ ఉతప్ప.2011 వన్డే వరల్డ్‌కప్‌ గెలిచిన భారత జట్టుమహేంద్ర సింగ్‌ ధోనీ (కెప్టెన్), సచిన్ టెండూల్కర్, వీరేంద్ర సెహ్వాగ్, యువరాజ్ సింగ్, గౌతమ్ గంభీర్, హర్భజన్ సింగ్, జహీర్ ఖాన్, మునాఫ్ పటేల్, విరాట్ కోహ్లి, సురేశ్ రైనా, శ్రీశాంత్, ఆశిష్ నెహ్రా, రవిచంద్రన్‌ అశ్విన్, పీయూష్ చావ్లా, యూసుఫ్ పఠాన్.2013 చాంపియన్స్‌ ట్రోఫీ గెలిచిన భారత జట్టు:మహేంద్ర సింగ్ ధోనీ(కెప్టెన్), రవీంద్ర జడేజా, రవిచంద్రన్ అశ్విన్, శిఖర్ ధావన్, దినేశ్ కార్తీక్(వికెట్ కీపర్), విరాట్ కోహ్లి, భువనేశ్వర్ కుమార్, వినయ్ కుమార్, అమిత్ మిశ్రా, ఇర్ఫాన్ పఠాన్, సురేశ్ రైనా, ఇషాంత్ శర్మ, రోహిత్ శర్మ, మురళీ విజయ్, ఉమేశ్ యాదవ్.1983 వరల్డ్‌కప్‌ గెలిచిన టీమిండియాకపిల్‌ దేవ్‌(కెప్టెన్‌), మొహిందర్‌ అమర్‌నాథ్‌(వైస్‌ కెప్టెన్‌), కీర్తి ఆజాద్‌, రోజర్‌ బిన్నీ, సునిల్‌ గావస్కర్‌, సయ్యద్‌ కిర్మాణీ(వికెట్‌ కీపర్‌), మదన్‌ లాల్‌, సందీప్‌ పాటిల్‌, బల్విందర్‌ సంధు, యశ్‌పాల్‌ శర్మ, రవి శాస్త్రి, క్రిష్ణమాచారి శ్రీకాంత్‌, సునిల్‌ వాల్సన్‌, దిలిప్‌ వెంగ్‌సర్కార్‌.

పాకిస్తాన్‌పై అజేయ చరిత్రను కొనసాగిస్తూ టీమిండియా మరోసారి ఐసీసీ టోర్నీలో చిరకాల ప్రత్యర్థిపై ఆధిపత్యం చాటుకుంది. టీ20 ప్రపంచకప్‌-2024లో భాగంగా న్యూయార్క్‌ వేదికగా ఆదివారం జరిగిన మ్యాచ్‌లో ఆరు పరుగుల తేడాతో గెలుపొందింది.వరల్డ్‌కప్‌లో టీమిండియా సరికొత్త చరిత్రతద్వారా టీ20 వరల్డ్‌కప్‌ చరిత్రలో ఒకే ప్రత్యర్థిపై అత్యధిక విజయాలు సాధించిన జట్టుగా టీమిండియా సరికొత్త రికార్డు సృష్టించింది. ఇప్పటి వరకు పాకిస్తాన్‌పై ఏడుసార్లు గెలుపొంది ఈ ఘనత తన పేరిట లిఖించుకుంది.ఇక దాయాది పాక్‌పై భారత్‌ విజయంలో ఈసారి బౌలర్లు కీలక పాత్ర పోషించారు. ప్రధాన పేసర్‌ జస్‌ప్రీత్‌ బుమ్రా పొదుపుగా బౌలింగ్‌ చేయడమే కాకుండా.. మూడు వికెట్లు పడగొట్టి పాకిస్తాన్‌ బ్యాటింగ్‌ ఆర్డర్‌ పతనాన్ని శాసించాడు.మరోవైపు పేస్‌ ఆల్‌రౌండర్‌ హార్దిక్‌ పాండ్యా సైతం రెండు వికెట్లతో రాణించగా.. అర్ష్‌దీప్‌ సింగ్‌, అక్షర్‌ పటేల్‌ ఒక్కో వికెట్‌ పడగొట్టి పాకిస్తాన్‌ను ఆలౌట్‌ చేయడంలో కీలకంగా వ్యవహరించారు.ఈ నేపథ్యంలో పాకిస్తాన్‌పై భారత్‌ విజయం పట్ల టీమిండియా దిగ్గజం సచిన్‌ టెండుల్కర్‌ హర్షం వ్యక్తం చేశాడు. సోషల్‌ మీడియా వేదికగా రోహిత్‌ సేనపై.. ముఖ్యంగా బౌలర్లపై ప్రశంసల వర్షం కురిపించాడు.ఆద్యంతం ఉత్కంఠ రేపిన మ్యాచ్‌!‘‘ఇండియా వర్సెస్‌ పాకిస్తాన్‌. కొత్త ఖండం.. అయినా అదే ఫలితం. టీ20 ఫార్మాట్‌ అనేది బ్యాటర్ల గేమ్‌.. అయితే, న్యూయార్క్‌లో మాత్రం బౌలర్లు కనువిందు చేశారు.ఆద్యంతం ఉత్కంఠ రేపిన మ్యాచ్‌! అమెరికాలో అద్భుత వాతావరణంలో అత్యద్భుతంగా మన ఆట తీరును చూపించారు. బాగా ఆడారు.. టీమిండియాదే విజయం’’ అని సచిన్‌ టెండుల్కర్‌ ఎక్స్‌ వేదికగా అభినందనలు తెలిపాడు.ఈ క్రమంలో సచిన్‌ చేసిన ట్వీట్‌ వైరల్‌గా మారింది. ఇదిలా ఉంటే టీమిండియా మాజీ క్రికెటర్లు ఇర్ఫాన్‌ పఠాన్‌, వీరేంద్ర సెహ్వాగ్‌ తదితరులు సైతం భారత జట్టును అభినందించారు. ఇదొక ప్రత్యేకమైన విజయమని ఆటగాళ్లను కొనియాడారు.ఇండియా వర్సెస్‌ పాకిస్తాన్‌👉వేదిక: నసావూ ఇంటర్నేషనల్‌ స్టేడియం, న్యూయార్క్‌👉టాస్‌: పాకిస్తాన్‌.. తొలుత బౌలింగ్‌👉టీమిండియా స్కోరు: 119 (19)👉పాకిస్తాన్‌ స్కోరు: 113/7 (20)👉ఫలితం: పాకిస్తాన్‌పై ఆరు పరుగుల తేడాతో టీమిండియా గెలుపు👉ప్లేయర్‌ ఆఫ్‌ ది మ్యాచ్‌: జస్‌ప్రీత్‌ బుమ్రా(3/14).చదవండి: Ind vs Pak: బుమ్రా విషయంలో ఇలా చేస్తారా?: రోహిత్‌పై విమర్శలు View this post on Instagram A post shared by ICC (@icc)

కేంద్ర విదేశాంగ శాఖ మంత్రి డాక్డర్‌ ఎస్‌ జైశంకర్‌ టీమిండియా స్టార్‌ క్రికెటర్‌ విరాట్‌ కోహ్లిపై ప్రశంసల వర్షం కురిపించాడు. క్రికెట్‌ను అమితంగా ఇష్టపడే జైశంకర్‌ను అత్యుత్తమ భారత బ్యాటర్‌ ఎవరని ప్రశ్నించగా.. విరాట్‌ కోహ్లికి తన ఓటు వేశాడు. ఈ విషయంలో జైశంకర్‌కు సచిన్‌ టెండూల్కర్‌, సునీల్‌ గవాస్కర్‌, విరాట్‌ కోహ్లి రూపంలో మూడు ఆప్షన్లు ఇవ్వగా.. విరాట్‌పైపు మొగ్గు చూపాడు. ఫిట్‌నెస్‌ మరియు వైఖరి కారణంగా కోహ్లిను ఇష్టపడతానని జైశంకర్‌ చెప్పుకొచ్చాడు. ఈ కారణాలు మినహాయించి సచిన్‌, గవాస్కర్లను పక్కకు పెట్టడానికి వేరే కారణాలు లేవని తెలిపాడు. సుశాంత్ సిన్హా యూట్యూబ్ ఛానెల్‌లో మాట్లడుతూ జైశంకర్ తన అభిప్రాయాన్ని వెల్లడించాడు.ఇదిలా ఉంటే, విరాట్‌ కోహ్లి 35 ఏళ్ల వయసులోనూ అద్భుతమైన ఫామ్‌లో ఉండి ఇరగదీస్తున్నాడు. కోహ్లి ఈ వయసులోనూ భీకర ఫామ్‌లో ఉండటానికి అతని ఫిట్‌నెస్సే కారణమని అంతా అంటుంటారు. ఆట పట్ల అతనికున్న అంకితభావం, దృక్పదం అతన్ని లేటు వయసులోనూ టాప్‌ క్రికెటర్‌గా నిలబెడుతుంది. చాలా మంది యువ క్రికెటర్లు సైతం ఫిట్‌నెస్‌ విషయంలో, యాటిట్యూడ్‌ విషయంలో విరాట్‌ను ఆదర్శంగా తీసుకుంటారు. Question:- Virat Kohli or Sachin Tendulkar or Sunil Gavaskar? (Sushant Sinha YT).External affairs Minister Dr Jaishankar:- "I have biased towards Virat Kohli because of his fitness, attitude. That's why I will pick Virat".pic.twitter.com/Y7ossf99CQ— Tanuj Singh (@ImTanujSingh) May 29, 2024పెద్దపెద్ద సెలబ్రిటీలు సైతం విరాట్‌ ఫిట్‌నెస్‌కు ముగ్దులవుతుంటారు. ప్రపంచ క్రికెట్‌లో దృవతారగా వెలగడానికి విరాట్‌ ఫిట్‌నెస్సే కారణమనడం అతిశయోక్తి కాదు. మైదానంలో అతను ప్రదర్శించే దూకుడు, చిన్న చిన్న విషయాలకు సైతం స్పందించే విభిన్నమైన తత్వం విరాట్‌ను ప్రత్యేకంగా నిలబెడుతుంది. మంత్రులే కాక దేశాధినేతలు సైతం విరాట్‌ను అభిమానించడానికి అతని ఫిట్‌నెస్‌, ఆట పట్ల అతనికున్న అంకితభావమే కారణం.ఇదిలా ఉంటే, విరాట్‌ ఇటీవల ముగిసిన ఐపీఎల్‌ 2024 సీజన్‌లో భీకర ఫామ్‌లో ఉన్నాడు. ఈ టోర్నీలో విరాట్‌ 15 మ్యాచ్‌ల్లో 61.75 సగటున సెంచరీ, 5 అర్ధసెంచరీ సాయంతో 714 పరుగులు చేసి లీడింగ్‌ రన్‌ స్కోరర్‌గా ఆరెంజ్ క్యాప్‌ను సొంతం చేసుకున్నాడు. విరాట్‌.. జూన్‌ 1 నుంచి ప్రారంభంకాబోయే టీ20 వరల్డ్‌కప్‌లో ఇదే ఫామ్‌ను కొనసాగిస్తే టీమిండియా రెండోసారి టైటిల్‌ గెలవడం ఖాయం.

దేశంలో సార్వత్రిక ఎన్నికల సమరం తుది అంకానికి చేరుకుంది. ఐదో ద‌శలో భాగంగా మహారాష్ట్రతో పాటు ఆరు రాష్ట్రాలు, రెండు కేంద్రపాలిత ప్రాంతాల్లోని 49 స్థానాలకు పోలింగ్ కొన‌సాగుతోంది. ఉదయం 7 గంటలకు ప్రారంభమైన ఓటింగ్‌.. సాయంత్రం 6 గంటలకు ముగియనుంది. ఈ నేప‌థ్యంలో ప‌లువురు క్రికెట‌ర్లు త‌మ ఓటు హ‌క్కును వినియోగించుకున్నారు. భార‌త క్రికెట్ దిగ్గ‌జం స‌చిన్ టెండూల్క‌ర్‌తో పాటు టీమిండియా స్టార్ సూర్యకుమార్ యాదవ్, వెట‌ర‌న్ అజింక్యా రహానే, అర్జున్ టెండూల్క‌ర్ సైతం ఓటు వేశారు. స‌చిన్ త‌న త‌న‌యుడు అర్జున్‌తో క‌లిసి ముంబైలోని ఓ పోలింగ్ కేంద్రంలో త‌మ‌ ఓటు హక్కు వినియోగించుకున్నారు. పోలింగ్ స్టేష‌న్ బ‌య‌ట సిరాతో ఉన్న వేలిని చూపిస్తూ ఫోటోల‌కు ఫోజులిచ్చారు. అదేవిధంగా సూర్య‌కుమార్ సైతం ఓటు వేసిన అనంత‌రం త‌న ఫోటోను సోష‌ల్ మీడియాలో షేర్ చేశాడు. మన దేశ భవిష్యత్తును నిర్ణ‌యించే ఓటు హ‌క్కును వినియోగించుకోవాల‌ని సూర్య పిలుపునిచ్చాడు. Let’s shape the future of our nation by casting our vote today. ✌️ pic.twitter.com/ZYgT69zhis— Surya Kumar Yadav (@surya_14kumar) May 20, 2024

టీమిండియా దిగ్గజం సచిన్‌ టెండుల్కర్‌ కుమారుడు అర్జున్‌ టెండుల్కర్‌పై విమర్శల వర్షం కురుస్తోంది. అతి చేస్తే పరిణామాలు ఇలాగే ఉంటాయని.. అయినా పరిస్థితులు ఎదుర్కోకుండా పారిపోవడం ఏమిటంటూ నెటిజన్లు అతడిని పెద్ద ఎత్తున ట్రోల్ చేస్తున్నారు.ఇంతకీ ఏం జరిగిందంటే.. ఐపీఎల్‌ ముంబై ఇండియన్స్‌కు ప్రాతినిథ్యం వహిస్తున్న అర్జున్‌ టెండుల్కర్‌ 2024 సీజన్‌లో ఎట్టకేలకు శుక్రవారం తన తొలి మ్యాచ్‌ ఆడాడు. లక్నో సూపర్‌ జెయింట్స్‌తో మ్యాచ్‌ సందర్భంగా ప్రధాన పేసర్‌ జస్‌ప్రీత్‌ బుమ్రా స్థానంలో తుదిజట్టులో చోటు దక్కించుకున్నాడు.ఈ మ్యాచ్‌లో కేవలం 2.2 ఓవర్లు బౌలింగ్‌ చేసిన ఈ రైటార్మ్‌ పేస్‌ ఆల్‌రౌండర్‌ 22 పరుగులు సమర్పించుకున్నాడు. ఒక్క వికెట్‌ కూడా తీయలేకపోయాడు. కాగా.. లక్నో ఇన్నింగ్స్‌లో రెండో ఓవర్‌ బౌల్‌ చేసిన అర్జున్‌.. 3 పరుగులు మాత్రమే ఇచ్చి శెభాష్‌ అనిపించుకున్నాడు.అయితే, ఐదో ఓవర్లో కాస్త అతి చేశాడు. మార్కస్‌ స్టొయినిస్‌ను ట్రాప్‌ చేసేందుకు అర్జున్‌ ఇన్‌స్వింగర్‌ సంధించగా.. బ్యాటర్‌ తప్పించుకున్నాడు. ఈ క్రమంలో బంతిని అందుకున్న అర్జున్‌ వికెట్లకు స్టొయినిస్‌ మీదకు విసిరేస్తానన్నట్లుగా దూకుడు ప్రదర్శించాడు. ఇందుకు స్టొయినిస్‌ చిరాగ్గా నవ్వుతూ కౌంటర్ ఇచ్చాడు.ఇక ఆ తర్వాత 15వ ఓవర్లో మళ్లీ బాలింగ్‌కు దిగిన అర్జున్‌ టెండుల్కర్‌ బౌలింగ్‌లో నికోలసన్‌ పూరన్‌ తొలి రెండు బంతుల్లో రెండు సిక్సర్లు బాదాడు. అయితే, ఆ తర్వాత అర్జున్‌ తనకు ఇబ్బంది ఉందంటూ ఫిజియోను పిలిపించుకున్నాడు.ఆ తర్వాత అతడితో కలిసి మైదానం వీడగా.. నమన్‌ ధిర్‌ మిగిలిన కోటా పూర్తి చేశాడు. అయితే, ఆ ఓవర్లో టెండుల్కర్‌ బౌలింగ్‌లో రెండు సిక్సర్లు బాదిన పూరన్‌.. తర్వాత నమన్‌ ధిర్‌ బౌలింగ్‌లోనూ వరుసగా సిక్స్‌, ఫోర్‌, 1, సిక్స్‌ బాది 29 పరుగులు పిండుకున్నాడు.ఈ నేపథ్యంలో అర్జున్‌ టెండుల్కర్‌ కావాలనే గాయం పేరిట తప్పించుకున్నాడంటూ నెటిజన్లు అతడిని ట్రోల్‌ చేస్తున్నారు. పూరన్‌ ఫామ్‌ చూసి భయపడిపోయిన అర్జున్‌ను కాపాడేందుకు మేనేజ్‌మెంట్‌ నమన్‌ ధిర్‌ను బలి చేసిందంటూ ఆగ్రహం వ్యక్తం చేస్తున్నారు. ఈ సందర్భంగా స్టొయినిస్‌ విషయంలో అర్జున్‌ ప్రవర్తించిన తీరు కూడా ప్రస్తావిస్తూ విమర్శిస్తున్నారు.కాగా సచిన్‌ టెండుల్కర్‌ ముంబై ఇండియన్స్‌ మెంటార్‌ అన్న విషయం తెలిసిందే. గత సీజన్‌లో అర్జున్‌ మూడు వికెట్లు తీయడంతో పాటు 13 పరుగులు చేశాడు.Arjun Tendulkar shows aggression to Marcus Stoinis.🥵💥#mivslsg #mivlsg #lsgvsmi #lsgvmi #tataipl #tataipl2024 #ipl2024 #ipl #mumbaiindians #crickettwitter pic.twitter.com/SCzAdnkzmx— AK tweets  (@ajithkumaarrrrr) May 17, 2024Arjun Tendulkar Going Back To Dressing Room After Pooran Hit Him Two Back To Back Sixes 🤡🤡🔥🔥😂😂He didn't Even Complete His Over 🤡🤡🤡#MIvsLSG #RCBvCSK #CSKvRCB pic.twitter.com/OlyNj9k1QW— Khabri_Prasang (@Prasang_) May 17, 2024

ముంబై: భారత క్రికెట్ దిగ్గజం, భారత రత్న అవార్డు గ్రహిత సచిన్ టెండూల్కర్ భద్రతా సిబ్బందిలో ఒకరు ఆత్మహత్య పాల్పడటం కలకలం రేపుతోంది. స్టేట్ రిజర్వ్ పోలీస్ ఫోర్స్‌కు (SRPF) చెందిన జవాన్ ప్రకాష్‌ కపడే తన సర్వీసు రివాల్వర్‌తో కాల్చుకుని ఆత్మహత్య చేసుకున్నట్లు అధికారులు తెలిపారు. సెలవులపై తన స్వస్థలం మహారాష్ట్రలోని జలగావ్‌జిల్లా జమ్నేర్‌కు వెళ్లిన ప్రకాష్‌.. అక్కడే ఈ ఘటనకు పాల్పినట్లు పేర్కొన్నారు. 39 ఏళ్ల కపడే తన సర్వీస్‌ గన్‌తో మెడపై కాల్చుకుని మరణించినట్లు వెల్లడించారు. మృతుడికి భార్య, ఇద్దరు పిల్లలు, వృద్ధాప్యంలో ఉన్న తల్లిదండ్రులు, ఓ సోదరుడు ఉన్నారు. బుధవారం తెల్లవారుజామున 1.30 గంటల ప్రాంతంలో ఈ ఘటన జరిగినట్లు జమ్నేర్ పోలీస్ స్టేషన్ సీఐ కిరణ్ షిండే పేర్కొన్నారు. అయితే ఆత్మహత్యకు గల ఖచ్చిత కారణాలు ఇంకా తెలియరాలేదని చెప్పారుప్రాథమిక విచారణ ద్వారా వ్య‌క్తిగ‌త కార‌ణాల వ‌ల్ల జ‌వాన్ బ‌ల‌వ‌న్మ‌ర‌ణానికి పాల్ప‌డిన‌ట్లు తేలిందన్నారు. విచారణ తర్వాత పూర్తి వివరాలు వెల్లడిస్తామని పేర్కొన్నారు. కపడే మృత‌దేహానికి పోస్టుమార్టం నిమిత్తం తరలించారు. ఆత్మహత్య ఘటనపై జమ్మేర్‌ పోలీసులు అనుమానాస్పద మృతి కేసు నమోదు చేసి దర్యాప్తు చేస్తున్నారు. కుటుంబ సభ్యులు, సహోద్యోగులు, సంబంధిత వ్యక్తులను విచారిస్తున్నారు. వీవీఐపీకి సెక్యూర్టీ క‌ల్పిస్తున్న వ్య‌క్తి ఆత్మ‌హ‌త్య చేసుకోవ‌డం వ‌ల్ల ఎస్ఆర్పీఎఫ్ వ్య‌క్తిగ‌తంగా ఈ కేసును ద‌ర్యాప్తు చేయ‌నున్న‌ది.మరోవైపు, వీవీఐవీ భద్రత కోసం నియమించిన గార్డు ఆత్మహత్యకు పాల్పడటంతో.. ఈ ఘటనపై SRPFస్వతంత్ర విచారణ చేపట్టే అవకాశం ఉందని అధికార వర్గాలు తెలిపాయి.

ఐపీఎల్‌-2024లో స‌న్‌రైజ‌ర్స్ హైదరాబాద్ ఓపెన‌ర్లు ట్రావిస్ హెడ్‌, అభిషేక్ శర్మ మ‌రోసారి విధ్వంసం సృష్టించారు. బుధవారం ఉప్పల్ వేదికగా లక్నో సూపర్ జెయింట్స్‌తో జరిగిన మ్యాచ్‌లో హెడ్‌, అభిషేక్ శర్మ ఆకాశమే హద్దుగా చెలరేగిపోయారు. వీరిద్దరి తుపాన్ ఇన్నింగ్స్‌ల ఫలితంగా 166 పరుగుల లక్ష్యాన్ని ఎస్‌ఆర్‌హెచ్ వికెట్ నష్టపోకుండా కేవలం 9.4 ఓవర్లలో చేధించింది. అభిషేక్‌ (28 బంతుల్లో 75 నాటౌట్‌; 8 ఫోర్లు, 6 సిక్సర్లు), హెడ్‌ (30 బంతుల్లో 89 నాటౌట్‌; 8 ఫోర్లు, 8 సిక్సర్లు) ఆజేయంగా నిలిచి సన్‌రైజర్స్‌కు రికార్డు విజయాన్ని అందించాడు. ఈ క్రమంలో వీరిద్దరి బ్యాటింగ్‌కు సచిన్ టెండూల్కర్ వంటి దిగ్గజం సైతం ఫిదా అయిపోయాడు. ఎక్స్ వేదికగా ఈ ఓపెనింగ్ జోడీపై సచిన్ ప్రశంసల వర్షం కురిపించాడు.ఉప్పల్‌లో ఈ రోజు విధ్వంసకర ఓపెనింగ్ భాగస్వామ్యాన్ని చూశాం. ఒకవేళ ఎస్‌ఆర్‌హెచ్‌ ఫస్ట్‌ బ్యాటింగ్‌ చేసుంటే.. తప్పకుండా ‘300’ స్కోరు చూసేవాళ్లమే’’ అని సచిన్‌ ఎక్స్‌ వేదికగా పోస్టు పెట్టాడు. ఈ విధ్వంసకర జోడీను ప్రశంసిస్తూ భారత మాజీ కెప్టెన్ మిథాలీ రాజ్ సైతం ఎక్స్‌లో పోస్ట్ చేసింది. ఈ మ్యాచ్‌లో హెడ్‌, అభిషేక్ ఓపెనింగ్ భాగస్వామ్యాన్ని ఎంత చెప్పుకున్న తక్కువే. అదే జోరులో 300 పరుగులైనా ఛేజ్ చేసేవాళ్లు అని ఎక్స్‌లో మిథాలీ రాసుకొచ్చింది.

భారత క్రికెట్ దిగ్గజం సచిన్ టెండూల్కర్ బుధవారం (ఏప్రిల్ 24) తన 51వ వసంతంలోకి అడుగుపెట్టాడు. ఈ సందర్భంగా సచిన్‌కు పుట్టినరోజు శుభాకాంక్షలు వెల్లువెత్తాయి. అభిమానులు, యువరాజ్‌ సింగ్‌, గౌతం గంభీర్‌, సురేష్‌ రైనా, ఓజా వంటి మాజీ క్రికెటర్లు సచిన్‌కు సోషల్‌ మీడియా ద్వారా పుట్టినరోజు శుభాకాంక్షలు తెలియజేశారు.ఐసీసీ, బీసీసీఐ కూడా సచిన్‌కు ఎక్స్ వేదిగా స్పెషల్ విషెస్ తెలియజేసింది. కాగా సచిన్ త‌న బ‌ర్త్‌డే సెల‌బ్రేష‌న్స్‌ను సతీమణి అంజలితో కలిసి ‘సచిన్ టెండ్కూల్కర్‌ ఫౌండేషన్‌’లో జ‌ర‌పున‌కున్నాడు. చాలా సమయం పాటు అక్కడ ఉన్న చిన్నారులతో సచిన్‌ ముచ్చటించాడు. ఈ సందర్భంగా తన బర్త్‌డే సెలబ్రేషన్స్‌కు సంబంధించిన విషయాలను సచిన్‌ అభిమానులతో పంచుకున్నాడు."ఈసారి నా బర్త్‌డే సెలబ్రేషన్స్‌ భిన్నంగా చేసుకోవడం చాల సంతోషంగా ఉంది. సచిన్ టెండూల్కర్ ఫౌండేషన్ సాయంతో ఎదుగుతున్న చిన్నారుల మధ్య కేక్‌ కట్‌ చేయడం నా అదృష్టంగా భావిస్తున్నా. వారితో ఫుట్‌బాల్ ఆడటం, నా స్టోరీలను పంచుకోవడం ఎంతో అనుభూతిని ఇచ్చింది. నాకు శుభాకాంక్షలు తెలిపిన వారిలో వీరే ఫస్ట్‌ అనుకుంటాను. ఈ మూమెంట్‌ నా జీవితంలో ఎప్పటికీ గుర్తుండిపోతుందని" తన బర్త్‌డే వేడుకల సంబంధించిన వీడియో క్లిప్‌ను సచిన్‌ ఎక్స్‌లో షేర్‌ చేశాడు. Happy birthday paaji! 🎉 From smashing bowlers on the field to smashing life goals, you're the reason I learned to aim higher in life (and sometimes on the field too 🤪) Here's wishing you loads of love, good health and happiness always 🤗❤️@sachin_rt #HappyBirthdaySachin pic.twitter.com/t6qFKgKJmZ— Yuvraj Singh (@YUVSTRONG12) April 24, 2024

క్రికెట్‌ గాడ్‌, మాస్టర్‌ బ్లాస్టర్‌ సచిన్‌ టెండూల్కర్‌ క్రికెట్‌ను 24 ఏండ్ల పాటు ఏకఛత్రాధిపత్యంగా ఏలి క్రికెట్‌లో తన పేరును సువర్ణాక్షరాలతో లిఖించుకున్నాడు. చిన్నతనంలోనే క్రికెట్‌లోకి ఎంట్రీ ఇచ్చి లెజెండ్‌గా ఎదిగిన సచిన్ రమేశ్ టెండూల్కర్ పుట్టినరోజు ( ఏప్రిల్‌, 24) ఈ రోజు. ఈ సందర్భంగా ఒక విషయం ఫ్యాన్స్‌ మధ్య ఆసక్తికరంగా మారింది.ఒక ఇంటర్వ్యూలో మీరు సొంతంచేసుకున్న దాంట్లో దేన్ని మీరు ఉన్నతంగా భావిస్తారు అని అడిగినపుడు సచిన్‌ సమాధానం తెలుస్తే క్రికెట్‌ అభిమానులు ఆశ్చర్యపోవాల్సిందే. మహ్మద్ అలీ సంతకం చేసిన బాక్సింగ్ గ్లోవ్స్, డైర్ స్ట్రెయిట్స్ మార్క్ నాప్‌ఫ్లెర్ సంతకం చేసిన గిటార్, సర్ డాన్ బ్రాడ్‌మాన్ ఆటోగ్రాఫ్ చేసిన బ్యాట్ వీటిల్లో ఏది అపురూపంగా అనిపిస్తుంది అని అడిగినపుడు "నా కోచ్ అచ్రేకర్ సార్ నుండి పొందిన 13 నాణేలు నాకు చాలా ముఖ్యమైన జ్ఞాపకాలు’’ అని సమాధాన మిచ్చాడట సచిన్‌. ఇంతకీ ఆ నాణేల కథ ఏంటి అంటే.‘క్రికెట్ దేవుడు'గా అవతరించిన సచిన్ టెండూల్కర్ ప్రయాణంలో ఎత్తుపల్లాలుకూడా ఉన్నాయి. ఈ క్రమంలో సచిన్ టెండూల్కర్‌ రాటుదేలేలా కీలక పాత్ర పోషించిన గురువు రమాకాంత్ అచ్రేకర్‌. శివాజీ పార్క్ జింఖానా మైదానంలోట్రైనింగ్‌ సెషన్‌లో కోచ్‌ అచ్రేకర్ అద్భుతమైన శిక్షణలో సచిన్‌ రాటు దేలాడు. ఆయన శిక్షణలో ఉన్నప్పుడు సచిన్ అలసిపోయినట్లు అనిపించినప్పుడల్లా అచ్రేకర్ ఒక ట్రిక్‌ వాడేవారట. క్రికెట్‌ స్టంప్ పైన ఒక రూపాయి నాణెం ఉంచేవారట. ఆ నాణెం గెలవాలంటే సచిన్ టెండూల్కర్‌ను అవుట్ చేయమని బౌలర్లను సవాలు చేశాడు. బౌలర్లు అతనిని అవుట్ చేయడంలో విఫలమైతే, అచ్రేకర్ సచిన్‌కు నాణెం ఇచ్చేవాడు. అలాగే ఆ నాణెం దక్కించు కోవాలంటే.. అవుట్‌ కాకుండా ఆడాలని సచిన్‌కు సవాల్‌ విసిరే వారట. అలా అటు బౌలర్లకూ ఇటు తనకూ ఇద్దరికీ ప్రేరణగా నిలిచేదనీ, ఇది భవిష్యత్తులో తన ఆటకు చాలా ఉపయోగపడిందని ఇంటర్వ్యూలో గుర్తు చేసుకున్నాడు సచిన్‌.'ద్రోణాచార్య' లేకపోతే నేను లేను2023, జనవరిలో సచిన్ టెండూల్కర్ ఎక్స్‌ ద్వారా కోచ్‌ అచ్రేకర్‌కి కృతజ్ఞతలు తెలిపాడు. ఆయన్ని 'ద్రోణాచార్య' అభివర్ణించాడు. తనను ప్రపంచ స్థాయి ఆటగాడిగా ఎలా మార్చాడో కూడా పంచుకున్నాడు. ‘‘టెక్నిక్, క్రమశిక్షణ, ముఖ్యంగా ఆటను గౌరవించడం నేర్పించారాయన. నేను ప్రతిరోజూ ఆయన గురించే ఆలోచిస్తాను. ఈ రోజు, ఆయన వర్ధంతి సందర్భంగా, నా జీవితంలోని ద్రోణాచార్యుడికి వందనం చేస్తున్నాను. ఆయన లేకపోతే. క్రికెటర్‌గా నేను లేను’’ అంటూ ఎమోషనల్‌ అయ్యాడు సచిన్‌.He taught me technique, discipline and most importantly, to respect the game.I think of him every day. Today, on his death anniversary, I salute the Dronacharya of my life. Without him, I wouldn’t have been the same cricketer. pic.twitter.com/JQ8uijHD9Y— Sachin Tendulkar (@sachin_rt) January 2, 2023కాగా సచిన్ టెండూల్కర్‌కు తొలుత టెన్నిస్‌పై ఆసక్తి ఉండేది. లెజెండరీ టెన్నిస్ ఆటగాడు జాన్ మెకెన్రోకి పెద్ద ఫ్యాన్‌ కూడా అయితే, తరువాతి కాలంలో సచిన్ సోదరుడు, అజిత్ టెండూల్కర్ అతనిని క్రికెట్‌కు పరిచయం చేయడంతో క్రికెట్‌పై మక్కువ పెంచుకున్నాడు. దీంతో అజిత్ ప్రఖ్యాత కోచ్ రమాకాంత్ అచ్రేకర్‌ వద్దకు సచిన్‌ను తీసుకెళ్లాడు. సచిన్‌ ఆటతీరు చేసిన అచ్రేకర్‌ అకాడమీకి ఎంపిక చేశాడు. లేదంటే క్రికెట్‌ ప్రపంచం, ఒక లెజెండ్‌ను మిస్‌ అయ్యేదేమో!

ఈరోజు (ఏప్రిల్‌ 24) క్రికెట్‌ దేవుడు సచిన్‌ టెండూల్కర్‌ బర్త్‌డే. ఈయనకు రాజకీయాలతోనూ అనుబంధం ఉంది. 2014 లోక్‌సభ ఎన్నికల్లో సచిన్‌తో ముడిపడిన ఆసక్తికర ఉదంతం చోటుచేసుకుంది. యూపీలోని వారణాసి స్థానం నుంచి బీజేపీ ప్రధాని అభ్యర్థి నరేంద్ర మోదీ ఎన్నికల బరిలో దిగిన సందర్భంలో కాంగ్రెస్‌ ఈ స్థానం నుంచి అత్యంత ఆదరణ కలిగిన సెలబ్రిటీని రంగంలోకి దించాలని భావించింది. అయితే నాడు కాంగ్రెస్‌ చేసిన ప్రయత్నాలేవీ ఫలించలేదు. ఇంతకీ నాటి ఎన్నికల్లో ఏం జరిగింది?మీడియా దగ్గరున్న వివరాల ప్రకారం 2014 లోక్‌సభ ఎన్నికల సమయంలో కాంగ్రెస్‌ ఎలక్షన్ కమిటీ వారణాసి అభ్యర్థిగా ఎవరిని నిలపాలనే దానిపై లోతుగా అధ్యయనం చేసింది. ఇందుకోసం పలు దఫాలుగా అనేక సమావేశాలు నిర్వహించింది. ఎంతగా ప్రయత్నించినప్పటికీ కాంగ్రెస్‌..మోదీకి దీటైన అభ్యర్థిని ఎంపిక చేయలేకపోయింది. ఈ నేపధ్యంలో కాంగ్రెస్‌ క్రికెటర్ సచిన్ టెండూల్కర్‌ను సంప్రదించింది. అయితే సచిన్‌.. మోదీపై పోటీ చేసేందుకు నిరాకరించారు. సచిన్ అప్పటికే రాజ్యసభకు నామినేటెడ్ సభ్యునిగా ఉన్నారు. కాంగ్రెస్‌ సీనియర్ నేత రాజీవ్ శుక్లా తమ పార్టీ తరపున వారణాసి నుండి ఎన్నికల్లో పోటీ చేయాలంటూ సచిన్‌ను కోరారు. అయితే సచిన్‌ తాను నాటి ఎన్నికల్లో పోటీ చేసేందుకు నిరాకరించారు. దీంతో కాంగ్రెస్‌ ఆనాటి లోక్‌సభ ఎన్నికల్లో స్థానిక ఎమ్మెల్యే అజయ్‌రాజ్‌ను బీజేపీ ప్రధాని అభ్యర్థి నరేంద్ర మోదీపై పోటీకి నిలిపింది. 2004 లోక్‌సభ ఎన్నికల్లో వారణాసిలో కాంగ్రెస్‌ విజయం సాధించింది. నాడు కాంగ్రెస్‌కు చెందిన రాజేష్ కుమార్ మిశ్రా రెండు లక్షల ఓట్లతో గెలిచి, పార్లమెంటుకు చేరుకున్నారు. అయితే 2009లో వారణాసి నుంచి బీజేపీ అభ్యర్థి మురళీ మనోహర్ జోషి గెలుపొందారు. నాడు కాంగ్రెస్‌ అభ్యర్థి మిశ్రా నాలుగో స్థానానికి పడిపోయారు. ఆ సమయంలో సమాజ్ వాదీ పార్టీ అభ్యర్థి అజయ్ రాయ్ మూడో స్థానంలో నిలిచారు.

ఐపీఎల్‌-2024లో హ్యాట్రిక్‌ పరాజయాల అనంతరం ముంబై ఇండియన్స్‌ కోలుకున్న తీరుపై ఆ జట్టు మెంటార్‌ సచిన్‌ టెండుల్కర్‌ హర్షం వ్యక్తం చేశాడు. రాయల్‌ చాలెంజర్స్‌ బెంగళూరుతో గురువారం నాటి మ్యాచ్‌లో సమిష్టి రాణించి గెలుపొందిన తీరు అమోఘమని కొనియాడాడు. ఆర్సీబీతో మ్యాచ్‌లో జస్‌ప్రీత్‌ బుమ్రా సంచలన ప్రదర్శన కనబరిచాడన్న సచిన్‌..  ఓపెనర్లు రోహిత్‌ శర్మ, ఇషాన్‌ కిషన్‌ దూకుడైన షాట్లతో విరుచుకుపడ్డారని ప్రశంసించాడు. ఇక గాయం నుంచి కోలుకుని తిరిగి వచ్చిన సూర్యకుమార్‌ యాదవ్‌ బాల్‌ను హిట్‌ చేస్తున్న తీరు చూసి ముచ్చటేసిందని ఈ టీమిండియా దిగ్గజం ‘స్కై’ని ఆకాశానికెత్తాడు. 𝘼 𝙎𝙆𝙔 𝙛𝙪𝙡𝙡 𝙤𝙛 s̶t̶a̶r̶s̶ 𝙨𝙞𝙭𝙚𝙨 🤩#MIvRCB #TATAIPL #IPLonJioCinema #IPLinMarathi pic.twitter.com/WUlm5lJPzL — JioCinema (@JioCinema) April 11, 2024 అదే విధంగా ఆఖర్లో కెప్టెన్‌ హార్దిక్‌ పాండ్యా సిక్సర్‌ బాది మ్యాచ్‌ను ముగించడం కన్నుల పండుగ చేసిందని సచిన్‌ టెండుల్కర్‌ ముంబై ఇండియన్స్‌ సారథిపై ప్రశంసలు కురిపించాడు. ఈ మేరకు.. ‘‘వరుస ఓటముల తర్వాత.. వరుసగా రెండు విజయాలు.. జస్‌ప్రీత్‌ బుమ్రా మరోసారి తన సత్తా ఏమిటో నిరూపించుకున్నాడు. సంచలన ప్రదర్శనతో ఆకట్టుకున్నాడు. ఇక రోహిత్‌ శర్మ, ఇషాన్‌ కిషన్‌ పవర్‌ ప్లేలో ఏమాత్రం భయపడకుండా ప్రత్యర్థి బౌలర్లపై విరుచుకుపడి గొప్ప ఆరంభం అందించారు. ఇక సూర్యకుమార్‌ యాదవ్‌ గాయం తర్వాత తిరిగి వచ్చి ఈ విధంగా హిట్టింగ్‌ చేయడం సంతోషాన్నిచ్చింది. హార్దిక్‌ పాండ్యా మ్యాచ్‌ను ఫినిష్‌ చేసిన తీరు అన్నిటికంటే మరింత గొప్పగా అనిపించింది’’ అని సచిన్‌ టెండుల్కర్‌ ట్వీట్‌ చేయగా సోషల్‌ మీడియలో వైరల్‌గా మారింది. కాగా వాంఖడే ఆర్సీబీతో మ్యాచ్‌లో టాస్‌ గెలిచిన ముంబై తొలుత బౌలింగ్‌ ఎంచుకుంది. ప్రధాన పేసర్‌,‘ప్లేయర్‌ ఆఫ్‌ ది మ్యాచ్‌’ బుమ్రా(5/21) ఐదు వికెట్లతో చెలరేగగా.. గెరాల్డ్‌ కోయెట్జీ, ఆకాశ్‌ మధ్వాల్‌, శ్రేయస్‌ గోపాల్‌ ఒక్కో వికెట్‌ పడగొట్టారు. ఈ క్రమంలో ఆర్సీబీ నిర్ణీత 20 ఓవర్లలో ఎనిమిది వికెట్ల నష్టానికి 196 పరుగులు చేసింది. అయితే, మ్యాచ్‌ సాగుతున్న కొద్దీ పిచ్‌ బ్యాటింగ్‌కు అనుకూలించిన నేపథ్యంలో.. పరిస్థితులకు తగ్గట్లుగా ముంబై బ్యాటర్లు బ్యాట్‌ ఝులిపించారు. ఓపెనర్లు ఇషాన్‌ కిషన్‌ 34 బంతుల్లోనే 69, రోహిత్‌ శర్మ 24 బంతుల్లో 38 పరుగులతో దంచికొట్టారు. ఇక వన్‌డౌన్‌లో వచ్చిన ఇంపాక్ట్‌ ప్లేయర్‌ సూర్యకుమార్‌ యాదవ్‌ తన బ్యాట్‌ పవరేంటో చూపించాడు. కేవలం 19 బంతుల్లో 5 ఫోర్లు, 4 సిక్సర్ల సాయంతో 52 పరుగులతో దుమ్ములేపాడు. ఇక హార్దిక్‌ పాండ్యా కేవలం ఆరు బంతుల్లోనే 21 పరుగులతో అదరగొట్టాడు. స్ట్రైక్‌రేటు 350గా నమోదు చేసిన ఈ ఆల్‌రౌండర్‌ సిక్స్‌ బాది ముంబైని విజయతీరాలకు చేర్చాడు. తిలక్‌ వర్మ 10 బంతుల్లో 16 రన్స్‌ చేసి పాండ్యాతో కలిసి ఆఖరి వరకు అజేయంగా ఉన్నాడు.  A @Jaspritbumrah93 special with the ball backed 🆙 by a power packed batting performance help @mipaltan win ✌ in ✌ 💙 Scorecard ▶️ https://t.co/Xzvt86cbvi#TATAIPL | #MIvRCB pic.twitter.com/ro7TeupAQj — IndianPremierLeague (@IPL) April 11, 2024 ఫలితంగా 15.3 ఓవర్లలో కేవలం మూడు వికెట్లు నష్టపోయి ముంబై లక్ష్యాన్ని ఛేదించింది. ఏడు వికెట్ల తేడాతో జయభేరి మోగించింది. కాగా ఐపీఎల్‌-2024లో ముంబైకి ఇది రెండో గెలుపు. తొలి మూడు మ్యాచ్‌లలో ఓడిన పాండ్యా సేన.. ఢిల్లీ క్యాపిటల్స్‌పై విజయంతో బోణీ కొట్టిన విషయం తెలిసిందే. చదవండి: Jasprit Bumrah: కెనడా క్రికెట్‌ జట్టులో చేరాలనుకున్న బుమ్రా.. సంచలన విషయం వెల్లడి 𝗜𝗡 comes Hardik Pandya, and 𝗢𝗨𝗧 goes the ball 💫#MIvRCB #TATAIPL #IPLonJioCinema pic.twitter.com/ufHR4tyY2u — JioCinema (@JioCinema) April 11, 2024 Two wins on the trot now for @mipaltan after a tricky start to the tournament. @Jaspritbumrah93 was sensational, once again proving why he's the best in the business. @ImRo45 and @ishankishan51's fearless batting during the powerplay overs effectively reduced the required run… pic.twitter.com/khxtvuEVAJ — Sachin Tendulkar (@sachin_rt) April 11, 2024

ఐపీఎల్‌-2024లో గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ మరోసారి అద్భుతమైన ప్రదర్శన కనబరిచాడు. ఈ ‍మెగా ఈవెంట్‌లో భాగంగా బుధవారం జైపూర్‌ వేదికగా రాజస్తాన్‌ రాయల్స్‌తో జరిగిన మ్యాచ్‌లో గిల్‌ కెప్టెన్‌ ఇన్నింగ్స్‌ ఆడాడు. ఈ మ్యాచ్‌లో 44 బంతులు ఎదుర్కొన్న గిల్‌ 6 ఫోర్లు, 2 సిక్స్‌లతో 72 పరుగులు చేశాడు. అయితే గిల్‌ తన ఇన్నింగ్స్‌లో కొట్టిన ఓ షాట్‌ మ్యాచ్‌ మొత్తానికే హైలెట్‌గా నిలిచాడు. గిల్‌ తన షాట్‌తో భారత క్రికెట్‌ దిగ్గజం సచిన్‌ టెండూల్కర్‌ను గుర్తు చేశాడు. గుజరాత్‌ ఇన్నింగ్స్‌ 5వ ఓవర్‌ వేసిన అవేష్‌ ఖాన్‌ బౌలింగ్‌లో నాలుగో బంతిని శుబ్‌మన్‌ అద్భుతమైన ఆన్-డ్రైవ్‌ షాట్‌ ఆడి సిక్స్‌గా మలిచాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. ఇది చూసిన నెటిజన్‌ వాట్‌ఏ షాట్‌ అంటూ కామెట్లు చేస్తున్నారు. కాగా  1998లో షార్జా వేదికగా ఆస్ట్రేలియాతో జరిగిన మ్యాచ్‌లో సచిన్‌ ఈ తరహా షాట్లతో అభిమానులతో అలరించాడు. అనాటి మ్యాచ్‌లో సచిన్‌ విధ్వంసం సృష్టించాడు. సచిన్‌ 131 బంతుల్లో 9 ఫోర్లు, 5 సిక్స్‌లతో ఏకంగా 143 పరుగులు చేశాడు. pic.twitter.com/a5MwVJaChL — Sitaraman (@Sitaraman112971) April 10, 2024

ఐపీఎల్‌-2024లో లక్నో సూపర్‌ జెయింట్స్‌ అదరగొడుతోంది. ఆడిన నాలుగు మ్యాచ్‌లు మూడింట విజయం సాధించి.. పాయింట్ల పట్టికలో మూడో స్ధానంలో కొనసాగుతోంది. అయితే లక్నో విజయాల వెనుక ఓ మాస్టర్‌ మైండ్‌ ఉంది. అతడే లక్నో హెడ్‌ కోచ్‌, ఆసీస్‌ లెజెండరీ క్రికెటర్‌ జస్టిన్ లాంగర్. ఈ ఏడాది సీజన్‌తో లక్నో హెడ్‌కోచ్‌గా బాధ్యతలు చేపట్టిన లాంగర్‌ తన అనుభవంతో జట్టును విజయ పథంలో నడిపిస్తున్నాడు. అయితే లాంగర్‌ తాజాగా లక్నో సూపర్‌ జెయింట్స్‌ యూట్యూబ్‌ ఛానల్‌కు ఇంటర్వ్యూ ఇచ్చాడు. ఈ క్రమంలో తన లైఫ్‌లో చూసిన అద్బుతమైన క్రికెటర్లు గురించి లాంగర్‌ చర్చించాడు.  "ఇప్పటివరకు నా జీవితంలో నేను చూసిన బెస్ట్‌ ఆటగాడు విరాట్‌ కోహ్లినే. ఈ విషయాన్ని నేను ఇప్పటికే చాలా సార్లు పబ్లిక్‌గా చెప్పాను. నాకు లెజండరీ క్రికెటర్లు వివ్ రిచర్డ్స్, అలన్ బోర్డర్‌, మార్టిన్ క్రోవ్‌లు అంటే కూడా నాకు ఇష్టం. మార్టిన్ క్రోవ్‌కు ప్రత్యర్ధిగా కూడా నేను ఆడాను. అదేవిధంగా బ్రియాన్ లారా,  సచిన్ టెండూల్కర్‌ కూడా గొప్ప ఆటగాళ్లు. కానీ విరాట్‌ ఎనర్జీ వీరిందరి కంటే అద్భుతం. అతడు చాలా ఫిట్‌గా ఉన్నాడు. విరాట్‌ మైదానంలో వికెట్ల మధ్య పరిగెత్తడం, ఫీల్డింగ్‌లో చాలా యాక్టివ్‌గా ఉంటాడు. కాబట్టి అతని ఆట చూడటం నాకు చాలా ఇష్టం. మాతో మ్యాచ్‌లో కోహ్లిని తొందరగా ఔట్‌ చేయడం ఔట్‌ చేయడం చాలా సంతోషంగా అన్పించిందని" లక్నో సూపర్‌ జెయింట్స్‌ యూట్యూబ్‌ ఛానల్‌కు ఇంటర్వ్యూలో లాంగర్‌ పేర్కొన్నాడు.  

క్రికెట్‌పై అమ్మాయిలు చూపిస్తున్న ఆసక్తి మహిళా క్రికెట్‌పై ఆశల్ని మరింత పెంచుతోంది. అంతర్జాతీయ స్థాయిలో భారతీయ క్రికెట్‌ మహిళలు స్టార్లుగా సత్తా చాటుతున్న నేపథ్యంలో తాజాగా ఒక సంచలన తార అవతరించడం విశేషంగా నిలిచింది. తొమ్మిదేళ్లకే అత్యుత్తమ ప్రతిభతో ఇంటర్నెట్‌లో హాట్‌ టాపిక్‌గా నిలుస్తోంది. దిగ్గజాలను సైతం అబ్బుర పరుస్తోంది.Always good to see young girls playing cricket. Watching videos like these brings a smile to my face. https://t.co/LaQv9ymWRx— Sachin Tendulkar (@sachin_rt) March 30, 2024 ఎడమచేతితో బ్యాటింగ్ చేస్తూ, మాస్టర్ బ్లాస్టర్ సచిన్ టెండూల్కర్‌ను ఆకట్టుకునే స్టైలిష్ బ్యాట్ స్వింగ్‌తో మైదానం నలుమూలలకు బంతిని పరుగులు పెట్టించింది. గొప్ప క్రికెటర్‌గా రాణించాలని కలలు కంటోంది. కశ్మీర్‌లోని సోపోర్‌కు చెందిన తొమ్మిదేళ్ల బాలిక హర్మత్ ఇర్షాద్ భట్. సాధారణ డ్రైవర్‌ కుమార్తె. బుమై (జైంగీర్)లో రెండో తరగతి చదువుతోంది. ఇటీవల ప్లేగ్రౌండ్‌లో అబ్బాయిల టీంతో ఆడుతూ షాట్‌లు కొడుతున్న వీడియో సోషల్‌ మీడియాలో వైరలయింది. ఆమె లాంటి పిల్లలు క్రికెట్‌ను ఆస్వాదించడం చూసి తన ఆనందాన్ని వ్యక్తం చేస్తూ, క్రికెట్‌ లెజెండ్‌ సచిన్‌ టెండూల్కర్ ఈవీడియోను రీ-ట్వీట్ చేశాడు. యువత ఆడటం క్రికెట్ ఆడటం చూడటం తనకు చాలా సంతోషానిస్తోందంటూ టూ ట్వీట్‌చేశారు. దీంతో మరింత వైరల్‌ అయింది. పలువురు ఆమె టాటెంట్‌పై ప్రశంసలు కురిపిస్తున్నారు.

సచిన్‌ టెండుల్కర్‌.. ఇరవై నాలుగేళ్ల సుదీర్ఘ కెరీర్‌లో అరుదైన ఘనతలెన్నో సాధించి క్రికెట్‌ దేవుడిగా నేటికీ నీరాజనాలు అందుకుంటున్నాడు. నభూతో న భవిష్యతి అన్న రీతిలో అంతర్జాతీయ క్రికెట్‌లో ఏకంగా వంద సెంచరీలు సాధించి శిఖరాగ్రాన నిలిచాడు. అయితే, సచిన్‌ వ్యక్తిగతంగా లెక్కకు మిక్కిలి రికార్డులు కొల్లగొట్టినా ఒక్కటంటే ఒక్క వరల్డ్‌కప్‌ ట్రోఫీని ముద్దాడటానికి 22 ఏళ్లు నిరీక్షించాల్సి వచ్చింది. తాను భాగమైన భారత జట్టు 2011లో వన్డే ప్రపంచకప్‌ గెలవడంతో సచిన్‌ టెండుల్కర్‌ చిరకాల కల నెరవేరింది. ఈ విషయాన్ని ప్రస్తావిస్తూ సచిన్‌ టెండుల్కర్‌ అప్పట్లో తనలో స్ఫూర్తిని నింపాడంటూ తాజాగా గుర్తుచేసుకున్నాడు.. నాటి అరంగేట్ర, ‘యువ’ బౌలర్‌. ‘‘ఆరోజు మేము వాంఖడే స్టేడియంలో మ్యాచ్‌ ఆడుతున్నాం. వికెట్‌ ఫ్లాట్‌గా ఉంది. వెస్టిండీస్‌ స్కోరు అప్పటి బహుశా 500/4 అనుకుంటా. నాలో.. వికెట్‌ తీయలేకపోతున్నాననే అసహనం పెరిగిపోతోంది. అప్పటికి నా వయసు 21 ఏళ్లు. ఇరవై ఒక్క ఓవర్ల పాటు వికెట్‌ తీయలేకపోవడం అదే మొదటిసారి. ఆ సమయంలో సచిన్‌ టెండుల్కర్‌ మిడాఫ్‌లో తన ఫీల్డింగ్‌ పొజిషన్‌లో నిలబడి ఉన్నాడు. నన్ను చూసి... ‘ఏమైంది అలా ఉన్నావు? ఎందుకంత నిరాశ?’ అని అడిగాడు. అందుకు బదులిస్తూ.. ‘పాజజీ.. నా బౌలింగ్‌లో ఇప్పటివరకు 21 ఓవర్లు అయినా వికెట్‌ తీయకపోవడం ఇదే తొలిసారి తెలుసా?.. అలాంటిది అరంగేట్రంలో ఇలా జరుగుతుందని అనుకోలేదు’ అని వాపోయాను. అప్పుడు వెంటనే.. ఓవర్‌ మధ్యలోనే.. నన్ను తన దగ్గరికి రమ్మని పిలిచి..  ‘నీకు తెలుసా.. నేను తొలి వరల్డ్‌కప్‌ అందుకోవడానికి 22 ఏళ్ల పాటు ఎదురుచూశాను. మరి నువ్వు నీ తొలి వికెట్‌ కోసం కనీసం 21 ఓవర్లపాటు వెయిట్‌ చేయలేవా?  అంతగా నిరాశపడొద్దు. గతంలో ఏం జరిగిందన్నది అప్రస్తుతం. ఇప్పుడు ఏం చేయగలవో ఆలోచించు’ అన్నాడు. అవును.. కదా పాజీ చెప్పింది నిజమే కదా అనిపించింది. ఆ మరుసటి బంతికే నేను డారెన్‌ బ్రావో(166)ను అవుట్‌ చేసి తొలి వికెట్‌ అందుకున్నా. ఆ తర్వాత కార్ల్‌టన్‌, డారెన్‌ సామీ వికెట్లు తీశాను. నా అరంగేట్రం అలా ప్రత్యేకంగా మారిపోయింది’’ అని హర్షం వ్యక్తం చేశాడు.  ఈ మేరకు.. బీసీసీఐ ఇంటర్వ్యూలో తన మనసులోని భావాలు పంచుకుంటూ.. మన ఆలోచనా విధానాన్ని, అంతకు ముందున్న పరిస్థితులను మార్చడానికి ఒక్క మాట చాలని తనకు ఆరోజు తెలిసిందన్నాడు. సచిన్‌ టెండుల్కర్‌ చెప్పిన ఆ స్పూర్తిదాయక మాటలు ఎప్పటికీ గుర్తుపెట్టుకుంటానని పేర్కొన్నాడు. ఇంతకీ ఆ బౌలర్‌ పేరు చెప్పలేదు కదూ! వరుణ్‌ ఆరోన్‌.. జంషెడ్‌పూర్‌కు చెందిన 34 ఏళ్ల రైటార్మ్‌ పేసర్‌. 2011లో టీమిండియా తరఫున అంతర్జాతీయ క్రికెట్‌లో అడుగుపెట్టాడు. 9 టెస్టులు, 9 వన్డేలు ఆడి.. ఆయా ఫార్మాట్లలో 18, 11 వికెట్లు తీశాడు. చదవండి: IPL 2024: అరంగేట్రంలో అదరగొట్టేందుకు!.. అందరి కళ్లు అతడిపైనే..

‘‘ఐపీఎల్‌లో నేను ఎంఎస్‌ ధోనితో కలిసి ఎన్నడూ ఆడలేదు. అయితే, టీమిండియాలో ఉన్నపుడు మాత్రం మేము సహచర ఆటగాళ్లం. సెలబ్రేషన్స్‌ సమయంలో నన్ను ఎత్తుకోగల ఆటగాళ్లలో ధోని ముందు వరుసలో ఉండే వాడు.  ఎంత బరువైనా సరే అతడు అలవోకగా ఎత్తగలడు. ఇక నేను హెడ్‌కోచ్‌గా ఉన్నపుడు ధోని కెప్టెన్‌గా ఉండేవాడు. ఓసారి మేము వన్డే మ్యాచ్‌ కోసం రాంచికి వెళ్లాము. అక్కడ ఆప్షనల్‌ ప్రాక్టీస్‌ సెషన్‌ నిర్వహించేందుకు సిద్ధమయ్యాను. నిజానికి రాంచి అతడి స్వస్థలం. ఆప్షనల్‌ ప్రాక్టీస్‌కు రాకుండా తను ఇంటి వద్ద విశ్రాంతి తీసుకోవచ్చు. కానీ.. అతడు గ్రౌండ్‌కు వచ్చేశాడు. నాకు ఆశ్చర్యంగా అనిపించి.. ‘ఇక్కడేం చేస్తున్నావు? తదుపరి మ్యాచ్‌కు మనకు ఇంకా రెండ్రోజుల సమయం ఉంది. ఎందుకు వచ్చావు?’ అని అడిగాను. అందుకు బదులుగా.. ‘లేదు.. లేదు.. నేను తప్పకుండా ఇక్కడ ఉండాల్సిందే’ అని ధోని జవాబు ఇచ్చాడు. సచిన్‌ కూడా అచ్చం ఇలాగే! నేను ముంబై ఇండియన్స్‌తో ఉన్నపుడు.. సచిన్‌ కూడా ఆన్షనల్‌ ప్రాక్టీస్‌ సెషన్‌ సమయంలో సచినే ముందు బస్సెక్కడం గమనించా.  25 నుంచి 26 ఏళ్లుగా క్రికెట్‌ ఆడుతున్న సమయంలోనూ అదే అంకితభావం. ఈ విషయంలో వీరిద్దరూ వాళ్లకు వాళ్లే సాటి. వాళ్లకు బ్రేక్‌ అవసరం లేదనుకుంటారు. ఇంకొన్ని ఏళ్లపాటు ఎంఎస్‌ ధోని.. చెన్నై సూపర్‌ కింగ్స్‌లో ఆటగాడిగా కొనసాగినా మనం ఆశ్చర్యపోనక్కర్లేదు. ఆట పట్ల అతడికి ఉన్న ప్రేమ అలాంటిది. అందుకే ఎప్పుడూ జట్టుకు అందుబాటులో ఉండాలనే ఆలోచిస్తూ ఉంటాడు’’ అని టీమిండియా మాజీ కెప్టెన్‌, దిగ్గజ స్పిన్నర్‌ అనిల్‌ కుంబ్లే అన్నాడు. సీఎస్‌కేను ఏకంగా ఐదుసార్లు చాంపియన్‌గా నిలిపిన కెప్టెన్‌ మహేంద్ర సింగ్‌ ధోనికి ఇదే ఆఖరి ఐపీఎల్‌ సీజన్‌ అన్న వార్తల నడుమ.. కుంబ్లే జియో సినిమా షోలో ఈ మేరకు వ్యాఖ్యలు చేశాడు. క్రికెట్‌ విషయంలో దిగ్గజ బ్యాటర్‌ సచిన్‌ టెండుల్కర్‌, ధోని ఆలోచనలు, అంకితభావం ఒకే విధంగా ఉంటాయని వారితో తనకున్న అనుభవాలు పంచుకున్నాడు. ధోనికి ఐపీఎల్‌-2024 చివరి సీజన్‌ కాబోదని.. మరికొన్నేళ్లపాటు అతడికి లీగ్‌లో కొనసాగే సత్తా ఉందని అనిల్‌ కుంబ్లే అభిప్రాయపడ్డాడు. ఈ వికెట్‌ కీపర్‌ బ్యాటర్‌ ఇప్పట్లో అలసిపోడంటూ 42 ఏళ్ల ధోనిని ఉద్దేశించి ప్రశంసలు కురిపించాడు. కాగా మార్చి 22న ఐపీఎల్‌-2024 సీజన్‌ ఆరంభం కానుంది. సీఎస్‌కే- ఆర్సీబీ మధ్య చెపాక్‌లో తొలి మ్యాచ్‌ జరుగనుంది. చదవండి: అతడితో పోలికా?.. బుమ్రానే బెస్ట్‌ బౌలర్‌: పాక్‌ మాజీ పేసర్‌

రంజీ ట్రోఫీ 2023-24 సీజన్‌ ఆరంభం నుంచి అద్బుత ప్రదర్శన కనబరుస్తున్న ముంబై యువ ఆటగాడు ముషీర్‌ ఖాన్‌.. ఇప్పుడు ఫైనల్లో కూడా అదరగొట్టాడు. వాంఖడే వేదికగా విదర్భతో జరుగుతున్న తుది పోరులో ముషీర్‌ ఖాన్‌ అద్బుతమైన సెంచరీతో చెలరేగాడు. తొలి ఇన్నింగ్స్‌లో కేవలం 6 పరుగులు చేసి నిరాశపరిచిన ముషీర్‌.. రెండో ఇన్నింగ్స్‌లో మాత్రం శతకంతో మెరిశాడు. 326 బంతుల్లో 10 ఫోర్లతో ముషీర్‌ 136 పరుగులు చేశాడు. ముషీర్‌ 326 బంతుల్లో 10 ఫోర్లతో  136 పరుగులు చేశాడు. ఇక ఈ మ్యాచ్‌లో సెంచరీతో చెలరేగిన ముషీర్‌ ఖాన్‌ ఓ అరుదైన రికార్డును తన పేరిట లిఖించుకున్నాడు.  రంజీ ట్రోఫీ ఫైనల్స్‌లో అత్యంత పిన్న వయసులో సెంచరీ చేసిన ముంబై ఆటగాడిగా ముషీర్‌ చరిత్ర సృష్టించాడు. 19 ఏళ్ల 14 రోజుల వయస్సులో ముషీర్‌ ఈ అరుదైన ఫీట్‌ సాధించాడు. కాగా ఇప్పటివరకు ఈ రికార్డు భారత క్రికెట్‌ దిగ్గజం సచిన్‌ టెండూల్కర్‌ పేరిట ఉండేది. 1994-95 రంజీ సీజన్‌ ఫైనల్లో 21 ఏళ్ల 11 నెలల వయసులో సచిన్‌ సెంచరీ చేశాడు. తాజా మ్యాచ్‌తో 29 ఏళ్ల సచిన్‌ రికార్డును ముషీర్‌ బ్రేక్‌ చేశాడు. అయితే ఈ మ్యాచ్‌ను సచిన్‌ ప్రత్యక్షంగా స్టాండ్స్ లో నుంచి వీక్షిస్తున్న సమయంలోనే ముషీర్‌ ఈ ఘనత సాధించడం గమనార్హం. కాగా ఈ మ్యాచ్‌ను వీక్షించేందుకు టీమిండియా కెప్టెన్‌ రోహిత​ శర్మ, సచిన్‌ టెండూల్కర్‌, సునీల్‌ గవాస్కర్‌ వంటి దిగ్గజాలు వాంఖడేకు వెళ్లారు. ఇక ఈ ఏడాది సీజన్‌లో కేవలం మూడు మ్యాచ్‌లు ఆడిన ముషీర్‌.. 108.25 సగటుతో 433 పరుగులు చేశాడు. అతడి ఇన్నింగ్స్‌లలో ఓ డబుల్‌ సెంచరీ కూడా ఉంది. ఇక ఫైనల్లో ముంబై విజయం ముంగిట నిలిచింది. వాంఖడేలో జరుగుతున్న తుది పోరులో ముంబై విదర్భ ముందు 538 పరుగుల భారీ లక్ష్యాన్ని ఉంచింది. 538 పరుగుల భారీ లక్ష్యంతో బరిలోకి దిగిన విదర్బ.. మూడో రోజు ఆట ముగిసే సమయానికి వికెట్‌ నష్టపోకుండా 10 పరుగులు చేసింది.

International Women’s Day: గత కొన్నేళ్లుగా క్రీడా రంగంలో మహిళల ప్రాతినిథ్యం పెరగడం హర్షణీయమని టీమిండియా దిగ్గజం సచిన్‌ టెండుల్కర్‌ అన్నాడు. వారికి మరింత ప్రోత్సాహం అందిస్తే క్రీడలకు సంబంధించిన అన్ని విభాగాల్లోనూ రాణించగలరని పేర్కొన్నాడు. అంతర్జాతీయ మహిళా దినోత్సవం సందర్భంగా.. తన కెరీర్‌లోని ప్రత్యేక క్షణాలను పంచుకుంటూ సచిన్‌ టెండుల్కర్‌ ఈ మేరకు ఎక్స్‌ వేదికగా వ్యాఖ్యలు చేశాడు. ‘‘గడిచిన కొన్నేళ్లలో భారత్‌, ప్రపంచవ్యాప్తంగా క్రీడా రంగంలో స్త్రీల ప్రాతినిథ్యం పెరుగుతోంది. 2008లో.. 26/11 (ముంబై పేలుళ్ల) ఘటన తర్వాత ఇంగ్లండ్‌తో మ్యాచ్‌లో ఇండియా గెలిచింది. జాతి మొత్తానికి అదో భావోద్వేగపూరిత సందర్భం. ఆ సమయంలో గ్రౌండ్‌ స్టాఫ్‌ మెంబర్స్‌లో ఒకరైన మహిళ నా దగ్గరకు వచ్చి అందరి తరపునా శుభాకాంక్షలు తెలిపి.. తన ఆనందాన్ని పంచుకున్నారు. నా జీవితంలో అదొక మరుపురాని అనుభూతి. మళ్లీ ఇన్నేళ్ల తర్వాత 2024లో.. జసింత కళ్యాణ్‌ ఇండియాలో మొట్టమొదటి మహిళా పిచ్‌ క్యూరేటర్‌గా అవతరించారు. ఆమె ఒక అడుగు ముందుకు వేశారు. భవిష్యత్తులో మరింత మంది ముందుకు రావాలని కోరుకుంటున్నాను.  అడ్డంకులు అధిగమించి.. భవిష్యత్‌ తరాలకు స్ఫూర్తిగా నిలుస్తున్న  ఇలాంటి రోల్‌ మోడల్స్‌ను అంతర్జాతీయ మహిళా దినోత్సవాన ప్రశంసించుకుందాం’’ అని సచిన్‌ టెండుల్కర్‌ వుమెన్స్‌ డే విషెస్‌ తెలియజేశాడు.  ఎవరీ జసింత కళ్యాణ్‌? కర్ణాటకకు చెందిన జసింత బెంగళూరులోని హరొబెల్‌ అనే గ్రామంలో జన్మించారు. ఆమె తండ్రి రైతు. ఇక చిన్నతనం నుంచే ఆర్థిక పరిస్థితుల కారణంగా ఇబ్బంది పడ్డ జసింత.. ఉపాధి కోసం బెంగళూరులో అడుగుపెట్టారు. కర్ణాటక క్రికెట్‌ అసోసియేషన్‌లో రిసెప్షనిస్ట్‌గా చేరి.. అనంతరం అడ్మినిస్ట్రేటర్‌గా విధులు నిర్వర్తించే స్థాయికి చేరుకున్నారు. ఈ క్రమంలో ఆట కంటే పిచ్‌పైనే ఎక్కువగా దృష్టి సారించిన జిసింత అభిరుచిని గమనించిన అసోసియేషన్‌ కార్యదర్శి బ్రిజేష్‌.. స్టేడియంలో పనిచేసే మాలీలపై బాస్‌గా బాధ్యతలు అప్పగించాడు.  ఈ క్రమంలో పిచ్‌ క్యూరేటర్‌ ప్రశాంత్‌రావు జసింత ఆసక్తిని గమనించి పిచ్‌ తయారీలో మెళకువలు నేర్పాడు. అలా అంచెలంచెలుగా ఎదిగి అనుభవం గడించిన జసింత.. భారత దేశంలోనే మొదటి మహిళా క్యూరేటర్‌గా పేరు తెచ్చుకున్నారు. మహిళా ప్రీమియర్‌ లీగ్‌లో భాగంగా బెంగళూరు పిచ్‌ల తయారీని ఆమె పర్యవేక్షిస్తున్నారు.  Over the years, the rise of women in sport, in India and across the world, has been very encouraging. In 2008, in the aftermath of 26/11, India won the match against England, and it was an emotional moment for the entire nation. One of the first people with whom I was able to… pic.twitter.com/lw0lbRT5hy — Sachin Tendulkar (@sachin_rt) March 8, 2024

Ind vs Eng 5th Test- Yashasvi Jaiswal: టీమిండియా యువ ఓపెనర్‌ యశస్వి జైస్వాల్‌ ఆకాశమే హద్దుగా దూసుకుపోతున్నాడు. స్వదేశంలో ఇంగ్లండ్‌తో ఐదు మ్యాచ్‌ల టెస్టు సిరీస్‌లో పరుగుల వరద పారిస్తున్నాడు.  సొంతగడ్డపై ఇప్పటికే రెండు డబుల్‌ సెంచరీలు బాదిన యశస్వి జైస్వాల్‌.. ధర్మశాలలో జరుగుతున్న ఆఖరి టెస్టులోనూ తనదైన షాట్లతో అలరిస్తున్నాడు. సిక్సర్ల వర్షం కురిపిస్తూ బ్యాట్‌తో వీరవిహారం చేస్తున్నాడు. ఈ క్రమంలో దిగ్గజ బ్యాటర్‌ సచిన్‌ టెండుల్కర్‌ పేరిట ఉన్న అరుదైన రికార్డును జైస్వాల్‌ బద్దలు కొట్టాడు. ఇంగ్లండ్‌తో తాజా టెస్టులో.. భారత ఇన్నింగ్స్‌లో తొమ్మిదవ ఓవర్‌ ముగిసే సరికి యశస్వి జైస్వాల్‌ మూడు సిక్స్‌లు కొట్టాడు. తద్వారా ఒకే ప్రత్యర్థి జట్టుపై అత్యధిక సిక్సర్లు బాదిన టీమిండియా బ్యాటర్‌గా జైస్వాల్‌ అవతరించాడు. సచిన్‌ రికార్డు బద్దలు కొట్టి గతంలో సచిన్‌ టెండుల్కర్‌ ఆస్ట్రేలియా మీద 25 సిక్సులు కొట్టగా.. జైస్వాల్‌ తాజాగా ఇంగ్లండ్‌పై 26వ సిక్సర్‌ను బాది.. అతడిని అధిగమించాడు. ఇక సచిన్‌కు ఇందుకోసం 74 ఇన్నింగ్స్‌ అవసరం కాగా.. జైస్వాల్‌ కేవలం 9 ఇన్నింగ్స్‌లోనే ఈ సిక్సర్ల రికార్డు క్రియేట్‌ చేయడం విశేషం. కాగా ధర్మశాల మ్యాచ్‌ తొలి ఇన్నింగ్స్‌లో హాఫ్‌ సెంచరీ పూర్తి చేసుకున్న జైస్వాల్‌ 57 పరుగుల వ్యక్తిగత స్కోరు వద్ద.. షోయబ్‌ బషీర్‌ బౌలింగ్‌లో స్టంపౌట్‌గా వెనుదిరిగాడు. ఒకే ప్రత్యర్థిపై అత్యధిక సిక్స్‌లు బాదిన భారత బ్యాటర్లు 26* - యశస్వి జైస్వాల్‌ ఇంగ్లండ్‌ మీద(9 ఇన్నింగ్స్‌) 25- సచిన్‌ టెండుల్కర్‌ ఆస్ట్రేలియా మీద(74 ఇన్నింగ్స్‌) 22- రోహిత్‌ శర్మ సౌతాఫ్రికా మీద(20 ఇన్నింగ్స్‌) 21- కపిల్‌ దేవ్‌ ఇంగ్లండ్‌ మీద(39 ఇన్నింగ్స్‌) 21- రిషభ్‌ పంత్‌ ఇంగ్లండ్‌ మీద (21 ఇన్నింగ్స్‌). Yashasvi goes BIG & how! 🔥 Follow the match ▶️ https://t.co/jnMticF6fc#TeamIndia | #INDvENG | @ybj_19 | @IDFCFIRSTBank pic.twitter.com/NRqpSKAg2K — BCCI (@BCCI) March 7, 2024

లోకల్‌ టాలెంట్‌ను వెలికి తీసి సాన పెట్టడమే లక్ష్యంగా పురుడుపోసుకున్న ఇండియన్‌ స్ట్రీట్‌ ప్రీమియర్‌ టీ10 లీగ్‌ (ఐఎస్‌పీఎల్‌)  ఇవాళ (మార్చి 6) ప్రారంభమైంది. ఈ లీగ్‌లో మొత్తం ఆరు జట్లు పోటీపడనుండగా.. ఈ జట్లను టాలీవుడ్‌, బాలీవుడ్‌, కోలీవుడ్‌కు చెందిన ప్రముఖ తారలు కొనుగోలు చేశారు. Sachin & Raina in the frame in ISPL. - The iconic duo of 2011 World Cup. pic.twitter.com/bArjQcB0a4 — Johns. (@CricCrazyJohns) March 6, 2024 మెగా పవర్‌ స్టార్‌ రామ్‌చరణ్‌ ఫాల్కన్‌ రైజర్స్‌ హైదరాబాద్‌ జట్టును కొనుగోలు చేయగా.. బిగ్‌ బీ అమితాబ్‌ బచ్చన్‌ మఝీ ముంబైను.. అక్షయ్‌ కుమార్‌ శ్రీనగర్‌ వీర్‌ను.. హృతిక్‌ రోషన్‌ బెంగళూరు స్ట్రయికర్స్‌ను.. సైఫ్‌ అలీ ఖాన్‌-కరీనా కపూర్‌ టైగర్స్‌ ఆఫ్‌ కోల్‌కతాను.. తమిళ సూపర్‌ స్టార్‌ సూర్య చెన్నై సింగమ్స్‌ జట్లను కొనుగోలు చేశారు. .@sachin_rt x @AlwaysRamCharan ft. Naatu Naatu.pic.twitter.com/2OeKsz0HcN — CricTracker (@Cricketracker) March 6, 2024 ఐఎస్‌పీఎల్‌ ప్రారంభానికి ముందు జరిగిన ప్రత్యేక కార్యక్రమంలో క్రికెట్‌ దిగ్గజం సచిన్‌, సూర్య, అక్షయ్‌ కుమార్‌లతో కలిసి హైదరాబాద్‌ జట్టు ఓనర్‌ రామ్‌చరణ్‌ సందడి చేశారు.చెర్రీ వీరందరితో ట్రిపుల్‌ ఆర్‌ ఫేమ్‌ నాటు నాటు పాటకు స్టెప్పులేయించాడు.  Sachin Tendulkar in action. 😍pic.twitter.com/a4cZsm2qof — Mufaddal Vohra (@mufaddal_vohra) March 6, 2024 Suriya in action! 🔥 pic.twitter.com/OB9kj4IiZ6 — Mufaddal Vohra (@mufaddal_vohra) March 6, 2024 అనంతరం సచిన్‌ సారథ్యంలోని టీమ్‌ మాస్టర్స్‌ ఎలెవెన్‌ జట్టు..  అక్షయ్‌ కుమార్‌ నేతృత్వంలోని టీమ్‌ ఖిలాడీతో ప్రాక్టీస్‌ మ్యాచ్‌ ఆడింది. ఈ మ్యాచ్‌లో సచిన్‌.. అమిర్‌ హుసేన్‌ అనే  దివ్యాంగ క్రికెటర్‌తో కలిసి ఇన్నింగ్స్‌ ప్రారంభించాడు. అక్షయ్‌ కుమార్‌ వేసిన తొలి ఓవర్‌లోనే సచిన్‌ భారీ సిక్సర్‌ బాదాడు. Kareena Kapoor and Saif Ali Khan at the ISPL inauguration. pic.twitter.com/BuH2koP5zo — Mufaddal Vohra (@mufaddal_vohra) March 6, 2024 దీనికి సంబంధించిన వీడయో ప్రస్తుతం నెట్టింట వైరలవుతుంది. కాగా, ఈ ప్రాకీస్‌ మ్యాచ్‌ అనంతరం లీగ్‌ తొలి మ్యాచ్‌ మొదలైంది. రాత్రి 7 గంటలకు ప్రారంభమైన ఈ మ్యాచ్‌లో అమితాబ్‌ జట్టు మఝీ ముంబై.. అక్షయ్‌ కుమార్‌ జట్టైన శ్రీనగర్‌ వీర్‌తో తలపడుతుంది.  Suriya hugging Sachin Tendulkar. - A beautiful moment in ISPL. pic.twitter.com/U5b8ThihXb — Johns. (@CricCrazyJohns) March 6, 2024 SACHIN TENDULKAR LEAD TEAM WON THE ISPL FRIENDLY MATCH.....!!! 👌 pic.twitter.com/JZLtOHfIyr — Johns. (@CricCrazyJohns) March 6, 2024

దేశవాళీ క్రికెట్‌ విషయంలో భారత క్రికెట్‌ నియంత్రణ మండలి తీసుకున్న నిర్ణయంపై దిగ్గజ బ్యాటర్‌ సచిన్‌ టెండుల్కర్‌ హర్షం వ్యక్తం చేశాడు. అగ్రశ్రేణి ఆటగాళ్లు ఫస్ల్‌క్లాస్‌ క్రికెట్‌ బరిలో దిగడం ద్వారా డొమెస్టిక్‌ టోర్నీలకు మరింత ఆదరణ పెరుగుతుందన్నాడు. తనకు అవకాశం వచ్చినప్పుడల్లా ముంబై తరఫున ఆడేందుకు ఎంతో ఆతురతగా ఎదురుచూసే వాడినని సచిన్‌ టెండుల్కర్‌ గుర్తు చేసుకున్నాడు. కాగా జాతీయ జట్టు తరఫున విధుల్లో లేనపుడు సెంట్రల్‌ కాంట్రాక్ట్‌ క్రికెటర్లు కచ్చితంగా రెడ్‌ బాల్‌ క్రికెట్‌(ఫస్ట్‌క్లాస్‌) ఆడాల్సిందేనని బీసీసీఐ ఇటీవల నిబంధన విధించిన విషయం తెలిసిందే. ఫిట్‌నెస్‌ కారణాల దృష్ట్యా ఇబ్బందిపడే వారు మినహా ప్రతి ఒక్కరు.. ముఖ్యంగా యువ ఆటగాళ్లు రంజీ బరిలో దిగాల్సిందేనని బోర్డు ఆటగాళ్లకు ఆదేశాలిచ్చింది. హెడ్‌కోచ్‌, కెప్టెన్‌, సెలక్టర్లు చెప్పినపుడు ఏ ఆటగాడైనా సరే దేశవాళీ క్రికెట్‌ ఆడాల్సి ఉంటుందని పేర్కొంది.  ఈ నేపథ్యంలో 2023-24 ఏడాదికిగానూ ప్రకటించిన వార్షిక కాంట్రాక్టులలో ముంబై బ్యాటర్‌ శ్రేయస్‌ అయ్యర్‌, జార్ఖండ్‌ వికెట్‌ కీపర్‌ ఇషాన్‌ కిషన్‌లకు మొండిచేయి చూపింది. రంజీ బరిలో దిగాలన్న కోచ్‌ ఆదేశాలను పెడచెవిన పెట్టారనే కారణంతో వారిద్దరిపై వేటు పడినట్లు తెలిసింది. ఈ క్రమంలో సచిన్‌ టెండుల్కర్‌ ఎక్స్‌ వేదికగా రంజీ ట్రోఫీ ప్రాధాన్యం గురించి వివరిస్తూ.. ‘‘తాజా రంజీ ట్రోఫీ సెమీ ఫైనల్స్‌ ఆసక్తిని రేకెత్తిస్తున్నాయి. ముంబై జట్టు పడిలేచిన కెరటంలా ఫైనల్‌కు దూసుకువచ్చింది. మరో సెమీస్‌ మ్యాచ్‌లో చివరి రోజు వరకు ఆట కొనసాగుతున్న వైనం ముచ్చటగా ఉంది. ఈ మ్యాచ్‌లో మధ్యప్రదేశ్‌ విజయానికి 90కి పైగా పరుగులు, విదర్భకు నాలుగు వికెట్లు కావాలి. నిజానికి నా కెరీర్‌ ఆసాంతం ఎప్పుడు ముంబైకి ఆడే అవకాశం వచ్చినా కచ్చితంగా బరిలో దిగే వాడిని. అక్కడి డ్రెస్సింగ్‌ రూంలో దాదాపు 7-8 మంది టీమిండియా ఆటగాళ్లు ఉండేవారు. వారితో కలిసి అక్కడ రూం షేర్‌ చేసుకోవడం మరింత సరదాగా ఉండేది. టీమిండియా తరఫున టాప్‌ ప్లేయర్లుగా ఉన్నవాళ్లు దేశవాళీ క్రికెట్‌లో వారి వారి జట్లకు ఆడితే ఆదరణ పెరుగుతుంది. యువ ఆటగాళ్లకు స్ఫూర్తిదాయకంగా ఉంటుంది. కొత్త ప్రతిభ వెలుగులోకి వస్తుంది. అంతేకాదు ఫామ్‌లేమితో ఇబ్బంది పడేవాళ్లు తిరిగి బేసిక్స్‌ నుంచి మొదలుపెట్టి పొరపాట్లను సరిచేసుకునే అవకాశం దొరుకుతుంది. స్టార్‌ క్రికెటర్లు డొమెస్టిక్‌ టోర్నీల్లో ఆడితే క్రమక్రమంగా అభిమానులు కూడా దేశవాళీ జట్లకు మద్దతుగా నిలుస్తారు. నిజంగా దేశవాళీ క్రికెట్‌కు కూడా బీసీసీఐ సమాన ప్రాధాన్యం ఇవ్వడం చాలా సంతోషంగా ఉంది’’ అని సుదీర్ఘ నోట్‌ షేర్‌ చేశాడు. కాగా సచిన్‌ టెండుల్కర్‌ మంగళవారం ఈ మేరకు పోస్ట్‌ చేయగా.. బుధవారం నాటి ఆటలో భాగంగా రంజీ సెమీస్‌లో మధ్యప్రదేశ్‌పై విదర్భ 62 పరుగుల తేడాతో విజయం సాధించింది.   The Ranji Trophy semi-finals have been riveting! @MumbaiCricAssoc’s march into the finals was aided by a brilliant batting recovery, while the other semi-final hangs in the balance going into the last day - Madhya Pradesh need 90+ runs to win, Vidarbha need 4 wickets.… — Sachin Tendulkar (@sachin_rt) March 5, 2024

కాబోయే వధూవరులు అనంత్‌ అంబానీ- రాధికా మర్చంట్‌లకు టీమిండియా దిగ్గజ క్రికెటర్‌ సచిన్‌ టెండుల్కర్‌ తనదైన శైలిలో శుభాకాంక్షలు తెలిపాడు. అందమైన జంట విషయంలో 'LBW' అంటే వేరే అర్థం ఉందంటూ సరికొత్త నిర్వచనం ఇచ్చాడు. కాగా భారత కుబేరుడు ముకేశ్‌ అంబానీ- నీతా అంబానీల చిన్న కుమారుడు అనంత్‌ అంబానీ, ఎన్‌కోర్‌ హెల్త్‌కేర్‌ సీఈఓ వీరేన్‌ మర్చంట్‌ కుమార్తె రాధికను పెళ్లాడనున్న విషయం తెలిసిందే. ఈ క్రమంలో అంబానీల స్వస్థలం గుజరాత్‌లోని జామ్‌నగర్‌లో ముందుస్తు పెళ్లి వేడుకలను అత్యంత వైభవంగా నిర్వహించారు. మార్చి 1-3 వరకు మూడు రోజుల పాటు జరిగిన ప్రీ వెడ్డింగ్‌ వేడుకలకు వ్యాపార దిగ్గజాలు సహా సినీ, క్రీడా ప్రముఖులంతా విచ్చేశారు. సచిన్‌ టెండుల్కర్‌ సైతం సతీమణి అంజలి, కుమార్తె సారాతో కలిసి ఈ సెలబ్రేషన్స్‌లో పాలు పంచుకున్నాడు. ఈ నేపథ్యంలో.. ‘‘అనంత్‌, రాధిక విషయంలో ‘LBW’ అంటే ప్రేమ(Love), ఆశీర్వాదాలు(Blessings), అభినందనలు(Wishes). అందమైన జంటకు శుభాకాంక్షలు’’ అని సచిన్‌ టెండుల్కర్‌ కాబోయే జంట ఫొటోను సోషల్‌ మీడియాలో షేర్‌ చేసి విషెస్‌ తెలిపాడు. అన్నట్లు క్రికెట్‌ పరిభాషలో.. LBW అంటే లెగ్‌ బిఫోర్‌ వికెట్‌. బ్యాటర్‌ ఏమాత్రం ఏమరపాటుగా ఉన్నా బౌలర్‌ సంధించే బంతిని సరిగ్గా అంచనా వేయలేక వికెట్ల ముందే అతడికి దొరికి పోయి పెవిలియన్‌ చేరాల్సిందే!  స్పెషల్‌ అట్రాక్షన్‌గా సారా అనంత్‌- రాధిక ప్రీ వెడ్డింగ్‌ వేడుకలో సచిన్‌ టెండుల్కర్‌ కుమార్తె సారా టెండుల్కర్‌ ప్రత్యేక ఆకర్షణగా నిలిచింది. తల్లిదండ్రులతో కలిసి సంప్రదాయ దుస్తుల్లో మెరిసిపోయింది. ముఖ్యంగా ఎరుపు వర్ణం లెహంగాలో ముద్ద మందారంలా చక్కగా కనిపించింది. ఆ ఫొటోలను సారా ఇన్‌స్టాలో షేర్‌ చేయగా వైరల్‌ అవుతున్నాయి. చదవండి: Anant- Radhika: రోహిత్‌ తిరుగు పయనం.. భయ్యాకు కోపం వచ్చిందంటే! The 'LBW' here stands for Love, Blessings, and Wishes for Anant and Radhika! Best wishes to the beautiful couple. pic.twitter.com/L14RvNefXH — Sachin Tendulkar (@sachin_rt) March 4, 2024

వ్యాపార దిగ్గజం, రిలయెన్స్‌ ఇండస్ట్రీస్‌ అధినేత ముకేశ్‌ అంబానీ రెండవ కుమారుడు అనంత్‌ అంబానీ-రాధిక మర్చంట్‌ల ప్రీ-వెడ్డింగ్‌ ఈవెంట్‌కు అన్ని రంగాలకు చెందిన సెలబ్రిటీలు దేశ విదేశాల నుంచి తరలివస్తున్నారు. ఇవాల్టి నుంచి (మార్చి 1) మూడు రోజుల పాటు జరిగే ఈ ముందస్తు పెళ్లి వేడకల్లో సినీ, క్రీడారంగాలకు చెందిన స్టార్లు ప్రత్యేక ఆకర్షణగా నిలవనున్నారు. వీరిలో మరి ముఖ్యంగా క్రికెటర్లు హైలైట్‌ కానున్నారు. View this post on Instagram A post shared by Viral Bhayani (@viralbhayani) MS Dhoni on his way to attend Anant Ambani and Radhika Merchant pre-wedding. - The evergreen Thala...!!! 😍🔥 pic.twitter.com/33siMgvZd0 — Mufaddal Vohra (@mufaddal_vohra) March 1, 2024 అంబానీ గ్రూప్‌ అధినేతకు క్రికెట్‌ సంబంధిత వ్యాపారాల్లో నేరుగా పెట్టుబడులు ఉండటంతో దేశ విదేశాలకు చెందిన స్టార్‌ క్రికెటర్లు ఈ ఈవెంట్‌కు హాజరవుతున్నారు. భారత క్రికెట్‌ దిగ్గజం సచిన్‌ టెండూల్కర్‌, స్టార్‌ క్రికెటర్ ఎంఎస్‌ ధోని సతీసమేతంగా ఈ వేడుకల్లో పాల్గొననున్నారు. View this post on Instagram A post shared by Viral Bhayani (@viralbhayani) ప్రస్తుత టీమిండియా సభ్యులు రోహిత్‌ శర్మ, పాండ్యా బ్రదర్స్‌, కేఎల్‌ రాహుల్‌, సూర్యకుమార్‌ యాదవ్‌ ఈ వేడుకల్లో పాల్గొనేందుకు స్వస్థలాల నుంచి బయల్దేరారు. మాజీ క్రికెటర్‌ జహీర్‌ ఖాన్‌, విదేశీ ఆటగాళ్లు డ్వేన్‌ బ్రేవో, ట్రెంట్‌ బౌల్ట్‌, సామ్‌ కర్రన్‌, రషీద్‌ ఖాన్‌, పూరన్‌ ఇదివరకే వేడుక జరుగనున్న జామ్‌ నగర్‌కు చేరుకున్నారు. ఈ ప్రీ వెడ్డింగ్‌ ఈవెంట్‌కు 1000 కోట్లకు పైగా ఖర్చు చేయనున్నట్లు సమాచారం. Rohit Sharma on his way to attend the Pre-wedding of Anant Ambani. [Manav Manglani Instagram] pic.twitter.com/jwUMfMPGVd — Johns. (@CricCrazyJohns) March 1, 2024 Cricketers attending the Pre-wedding of Anand Ambani: Sachin, Dhoni, Rohit, Zaheer, Bravo, Hardik, Ishan, Surya, Krunal, Rashid, Sam Curran, Graeme Smith. pic.twitter.com/lUOVIrRhgW — Johns. (@CricCrazyJohns) March 1, 2024 Ishan Kishan has left for Anant and Radhika pre-wedding in Jamnagar. pic.twitter.com/4yhSRLvmdT — Mufaddal Vohra (@mufaddal_vohra) March 1, 2024 Dwayne Bravo, Ishan Kishan, and Nicholas Pooran strike a pose in Mumbai ahead of the pre-wedding celebrations of Anant Ambani and Radhika Merchant. 📸: Dwayne Bravo pic.twitter.com/SWmY6aDn6u — CricTracker (@Cricketracker) March 1, 2024

టీమిండియా దిగ్గజం సచిన్‌ టెండుల్కర్‌ ప్రస్తుతం కశ్మీర్‌ పర్యటనలో ఉన్నాడు. భూతల స్వర్గంలో గల్లీ క్రికెట్‌ ఆడుతూ, జవాన్లను పలకరిస్తూ ఆహ్లాదంగా గడుపుతున్నాడు.  Cricket & Kashmir: A MATCH in HEAVEN! pic.twitter.com/rAG9z5tkJV — Sachin Tendulkar (@sachin_rt) February 22, 2024 కుటుంబంతో కలిసి కశ్మీర్‌ అందాలను ఆస్వాదిస్తూ.. ఇందుకు సంబంధించిన ఫొటోలు, వీడియోలను ఎప్పటికప్పుడు సోషల్‌ మీడియాలో పంచుకుంటున్నాడు. ఈ క్రమంలో ‘క్రికెట్‌ గాడ్‌’ సచిన్‌ టెండుల్కర్‌ తాజాగా షేర్‌ చేసిన వీడియో అభిమానుల హృదయాలను తాకింది. ఇంతకీ అందులో ఏముంది?!... జమ్మూ కశ్మీర్‌కు చెందిన అమిర్‌ హుసేన్‌ లోనీ అనే దివ్యాంగ క్రికెటర్‌ పేరు అప్పట్లో సోషల్‌ మీడియాలో ట్రెండ్‌ అయిన విషయం తెలిసిందే. చిన్ననాటి నుంచే క్రికెట్‌పై మక్కువ పెంచుకున్న అమిర్‌.. దురదృష్టవశాత్తూ ఎనిమిదేళ్ల వయసులో ఓ ప్రమాదంలో రెండు చేతులను పోగొట్టుకున్నాడు. అయినప్పటికీ ధైర్యం కూడదీసుకుని.. అడుగడుగునా ఎదురవుతున్న సవాళ్లను దాటుకుంటూ.. రాష్ట్ర పారా క్రికెట్‌ జట్టు కెప్టెన్‌గా ఎదిగాడు. రెండు చేతులు లేకున్నా తన మెడ భాగం, భుజం మధ్య బ్యాట్‌ పెట్టకుని క్రికెట్‌ ఆడే అమిర్‌.. కాళ్లతో బౌలింగ్‌ చేయగలడు. And Amir has made the impossible possible. I am so touched watching this! Shows how much love and dedication he has for the game. Hope I get to meet him one day and get a jersey with his name. Well done for inspiring millions who are passionate about playing the sport. https://t.co/s5avOPXwYT — Sachin Tendulkar (@sachin_rt) January 12, 2024 ఈ క్రమంలో అమిర్‌ హుసేన్‌ గురించి తెలుసుకున్న క్రికెట్‌ దిగ్గజం సచిన్‌ టెండుల్కర్‌.. ఆట పట్ల అతడి అంకిత భావానికి ఫిదా అయ్యాడు. అమిర్‌ను కలిసే అవకాశం వస్తే.. అతడి పేరుతో ఉన్న జెర్సీని అడిగి మరీ బహుమతిగా అందుకుంటానని సచిన్‌ పేర్కొన్నాడు. తాజాగా తన పర్యటనలో భాగంగా అమిర్‌ హుసేన్‌ను కలిశాడు సచిన్‌. తన సంతకంతో కూడిన బ్యాట్‌ను అతడికి గిఫ్టుగా ఇచ్చాడు. అంతేకాదు.. అమిర్‌ ఎలా బ్యాటింగ్‌ చేస్తాడో అడిగి మరీ మెళకువలు నేర్చుకున్నాడు. ఇందుకు సంబంధించిన వీడియోను పంచుకుంటూ.. ‘‘అమిర్‌ నిజమైన హీరో.. నువ్విలాగే ఎల్లప్పుడూ అందరికీ స్ఫూర్తిదాయకంగా ఉండాలి. నిన్ను కలవడం ఎంతో సంతోషంగా ఉంది’’ అని సచిన్ టెండుల్కర్‌ క్యాప్షన్‌ జతచేశాడు. ఈ నేపథ్యంలో అమిర్‌ హుసేన్‌తో పాటు అతడిని ఆప్యాయంగా అక్కున చేర్చుకున్న సచిన్‌పై ప్రశంసలు కురుస్తున్నాయి. వీడియోపై మీరూ ఓ లుక్కేయండి! To Amir, the real hero. Keep inspiring! It was a pleasure meeting you. pic.twitter.com/oouk55lDkw — Sachin Tendulkar (@sachin_rt) February 24, 2024

టీమిండియా దిగ్గజం సచిన్‌ టెండుల్కర్‌ కోసం విమానమే మినీ స్టేడియంలా మారిపోయింది. ఫ్లైట్‌లో క్రికెట్‌ గాడ్‌ను చూడగానే అభిమానులంతా ఆనందంతో ఉప్పొంగిపోయారు. సచిన్‌ నామస్మరణతో విమానంలో కేరింతలు కొట్టారు. దిగ్గజ ఆటగాడు సామాన్యుడిలా ఎకానమీ క్లాస్‌లో ప్రయాణించడం చూసి అతడి నిరాడంబరతకు ఫిదా అయ్యారు. సచిన్‌ టెండుల్కర్‌ సైతం తనను విష్‌ చేసిన వారికి నమస్కరిస్తూ హుందాతనాన్ని చాటుకున్నాడు. ఇందుకు సంబంధించిన వీడియో నెట్టింట వైరల్‌గా మారింది. కాగా సచిన్‌ టెండుల్కర్‌ ప్రస్తుతం ట్రావెల్‌ మూడ్‌లో ఉన్నాడు. కుటుంబంతో కలిసి కశ్మీర్‌ సందర్శనకు వెళ్లినట్లు ఆయన సోషల్‌ మీడియా పోస్టుల ద్వారా తెలుస్తోంది. ఎక్స్‌ వేదికగా ఈ విషయాన్ని వెల్లడిస్తూ.. ‘‘భూతల స్వర్గం కశ్మీర్‌’’ అంటూ విమానం నుంచి కశ్మీర్‌ అందాలు వీక్షిస్తున్న వీడియోను సచిన్‌ పంచుకున్నాడు. కాగా భారత క్రికెట్‌ చరిత్రలో తన పేరును సువర్ణాక్షరాలతో లిఖించుకున్న క్రికెటర్‌ సచిన్‌ టెండుల్కర్‌. అంతర్జాతీయ క్రికెట్‌లో శతకాల సెంచరీ కొట్టిన ఏకైక బ్యాటర్‌గా రికార్డు సాధించిన టెండుల్కర్‌.. 24 ఏళ్ల సుదీర్ఘ కెరీర్‌లో మరెన్నో ఘనతలు సాధించాడు. టీమిండియా తరఫున మొత్తంగా   మూడు ఫార్మాట్లలో కలిపి 664 మ్యాచ్‌లు ఆడి.. 34, 357 పరుగులు సాధించాడు. ఇందులో 51 టెస్టు సెంచరీలు, 49 వన్డే శతకాలు ఉన్నాయి.  ఇలాంటి అరుదైన ఘనతలు సాధించి ఆధునిక తరం క్రికెటర్లలో ఎవరూ కూడా తనను అందుకోలేనంత ఎత్తులో నిలిచి క్రికెట్‌గాడ్‌గా పేరొందాడు సచిన్‌. ఇక సచిన్‌ వారసత్వాన్ని అందిపుచ్చుకున్న అతడి కుమారుడు అర్జున్‌.. ఆల్‌రౌండర్‌గా అదృష్టాన్ని పరీక్షించుకుంటున్నాడు. ఇదిలా ఉంటే.. వన్డే వరల్డ్‌కప్‌​-2023 సందర్భంగా టీమిండియా సూపర్‌స్టార్‌ విరాట్‌ కోహ్లి 50వ శతకం నమోదు చేసి సచిన్‌ వన్డే సెంచరీల రికార్డును బ్రేక్‌ చేశాడు.   The closest thing to heaven on earth is Kashmir. 🏔️ pic.twitter.com/kSsNEQxxW1 — Sachin Tendulkar (@sachin_rt) February 20, 2024 ‘Sachin Sachin’ Chant in the Flight 😍 pic.twitter.com/AltxQVhvLH — Cricketopia (@CricketopiaCom) February 20, 2024

Virat Kohli And Anushka Sharma Son Akaay: టీమిండియా స్టార్‌ బ్యాటర్‌ విరాట్‌ కోహ్లి- బాలీవుడ్‌ హీరోయిన్‌ అనుష్క శర్మల కుటుంబంలోకి మరో కొత్త సభ్యుడు వచ్చాడు. తమ గారాలపట్టి వామికకు చిట్టి తమ్ముడినిచ్చింది విరుష్క జంట. ఈ నేపథ్యంలో క్రీడా, సినీ ప్రముఖులు, అభిమానుల నుంచి ఈ జోడీకి శుభాకాంక్షలు వెల్లువెత్తుతున్నాయి.  టీమిండియా దిగ్గజం సచిన్‌ టెండుల్కర్‌ ఎక్స్‌ వేదికగా స్పందిస్తూ.. ‘‘అకాయ్.. మీ అందమైన కుటుంబంలో అడుగుపెట్టిన అత్యంత విలువైన వ్యక్తి. శుభాకాంక్షలు విరాట్‌, అనుష్క. ప్రకాశించే చంద్రుడన్న అర్థం గల తన పేరు లాగే అతడు.. మీ ప్రపంచాన్ని సంతోషం, అందమైన జ్ఞాపకాలతో నింపేయాలి. లిటిల్‌ చాంప్‌.. ఈ ప్రపంచంలోకి నీకు స్వాగతం’’ అని విరుష్కను విష్‌ చేశాడు. ఇండియా హాయిగా నిద్రపోతుంది ఇక కోహ్లి ప్రాతినిథ్యం వహిస్తున్న రాయల్‌ చాలెంజర్స్‌ బెంగళూరు ఫ్రాంఛైజీ తమదైన శైలిలో శుభాకాంక్షలు తెలిపింది. ‘‘ఇప్పుడు నలుగురు సభ్యులు.. అనుష్క, విరాట్‌లకు కంగ్రాట్స్‌. ఆర్సీబీ కుటుంబంలోకి అకాయ్‌ను సాదరంగా ఆహ్వానిస్తున్నాం. అత్యంత సంతోషకరమైన వార్త ఇది. ఈరోజు ఇండియా మొత్తం హాయిగా నిద్రపోతుంది’’ అని ఆర్సీబీ ట్వీట్‌ చేసింది. అదే విధంగా ముంబై ఇండియన్స్‌ సహా మాజీ క్రికెటర్‌ ఇర్ఫాన్‌ పఠాన్‌, వెటరన్‌ ఓపెనర్‌ శిఖర్‌ ధావన్‌, బాలీవుడ్‌ నటుడు రితేశ్‌ దేశ్‌ముఖ్‌ తదితరులు విరుష్కను విష్‌ చేశారు. ఫిబ్రవరి 15న జననం కాగా గత గురువారమే తన భార్య అనుష్క శర్మ మగబిడ్డకు జన్మనిచ్చినట్టు, కుమారుడికి ‘అకాయ్‌’గా నామకరణం చేసినట్లు కోహ్లి సోషల్‌ మీడియా ద్వారా ప్రకటించాడు. ‘ఫిబ్రవరి 15న మా జీవితాల్లోకి వామిక సోదరుడు అకాయ్‌ వచ్చాడు. ఈ సంతోషాన్ని మీతో పంచుకుంటున్నాం.  ఈ ఆనందకర క్షణాల్లో మీ దీవెనలు మాకు కావాలి. మా ఏకాంతాన్ని గౌరవించండి’ అని కోహ్లి విజ్ఞప్తి చేశాడు. కోహ్లి, అనుష్కకు 2017 డిసెంబర్‌లో వివాహం కాగా... 2021 జనవరిలో కూతురు వామిక పుట్టింది. వ్యక్తిగత కారణాలతోనే కోహ్లి ప్రస్తుతం ఇంగ్లండ్‌తో జరుగుతున్న టెస్టు సిరీస్‌కు పూర్తిగా దూరమయ్యాడు. అయితే, సిరీస్‌కు దూరంగా ఉండటానికి గల అసలు కారణం వెల్లడికాకపోవడంతో విరాట్‌ తల్లికి అనారోగ్యం, అనుష్క ప్రెగ్నెన్సీలో ఇబ్బందులు అంటూ వివిధ రకాలుగా సోషల్‌ మీడియాలో ప్రచారం జరిగింది. ఈ నేపథ్యంలో ఆర్సీబీ ఈమేరకు ట్వీట్‌ చేయడం గమనార్హం. చదవండి: Shoaib Malik’s 3rd wife: షోయబ్‌ మాలిక్‌ భార్యకు చేదు అనుభవం Congratulations to Virat and Anushka on the arrival of Akaay, a precious addition to your beautiful family! Just like his name lights up the room, may he fill your world with endless joy and laughter. Here's to the adventures and memories you'll cherish forever. Welcome to the… https://t.co/kjuoUtQ5WB — Sachin Tendulkar (@sachin_rt) February 20, 2024 ❤️ pic.twitter.com/BgpfycayI4 — Virat Kohli (@imVkohli) February 20, 2024

శ్రీలంకతో వన్డే సిరీస్‌లో భాగంగా తొలి మ్యాచ్‌లో అఫ్గనిస్తాన్‌ ఆల్‌రౌండర్‌ మహ్మద్‌ నబీ ఆకాశమే హద్దుగా చెలరేగాడు. ఆతిథ్య లంక విధించిన 382 పరుగుల భారీ లక్ష్యాన్ని ఛేదించే క్రమంలో.. 55 పరుగులకే అఫ్గన్‌ ఐదు వికెట్లు కోల్పోయిన వేళ తన వంతు సాయం చేసేందుకు ముందుకు వచ్చాడు. ఒంటరి పోరాటం చేస్తున్న ఐదో నంబర్‌ బ్యాటర్‌ అజ్మతుల్లా ఒమర్జాయ్‌(149- నాటౌట్‌)కు తోడైన నబీ.. తన వన్డే కెరీర్‌లో రెండో సెంచరీ నమోదు చేశాడు. 130 బంతులు ఎదుర్కొన్న అతడు 15 ఫోర్లు, 3 సిక్సర్ల సాయంతో 136 పరుగులు సాధించాడు. ఒమర్జాయ్‌తో కలిసి అరుదైన రికార్డు ఈ క్రమంలో ఒమర్జాయ్‌తో కలిసి అరుదైన ఘనత సాధించిన నబీ.. తన అద్భుత శతకంతో టీమిండియా దిగ్గజం సచిన్‌ టెండుల్కర్‌ పేరిట ఉన్న రికార్డునూ బద్దలు కొట్టాడు. కాగా శ్రీలంకతో మ్యాచ్‌లో అజ్మతుల్లా ఒమర్జాయ్‌- మహ్మద్‌ నబీ కలిసి 242 పరుగుల భాగస్వామ్యం నమోదు చేశారు. అఫ్గనిస్తాన్‌ తరఫున ఆరో వికెట్‌కు ఇదే అత్యధిక భాగస్వామ్యం కావడం విశేషం. సచిన్‌కు ఎంతో ప్రత్యేకం ఆ సెంచరీ ఇక మహ్మద్‌ నబీ 39 ఏళ్ల 39 రోజుల వయసులో ఈ వన్డే సెంచరీ సాధించాడు. తద్వారా.. అత్యధిక వయసులో వన్డేల్లో శతకం బాదిన క్రికెటర్ల జాబితాలో సచిన్‌ను అధిగమించాడు. 2012లో బంగ్లాదేశ్‌తో మిర్పూర్‌ వన్డేలో.. 38 ఏళ్ల 327 రోజుల వయసులో సచిన్‌ టెండుల్కర్‌ సెంచరీ చేశాడు. అతడి అంతర్జాతీయ కెరీర్‌లో అదే వందో శతకం కావడం విశేషం. జాబితాలో ముందున్నది వీళ్లే ఇదిలా ఉంటే.. అత్యధిక వయసులో వన్డే శతకం సాధించిన జాబితాలో ఖుర్రం ఖాన్‌(132 రన్స్‌- యూఏఈ- 43 ఏళ్ల 162 రోజులు), సనత్‌ జయసూర్య(107 రన్స్‌- శ్రీలంక- 39 ఏళ్ల 212 రోజులు), క్రిస్‌ గేల్‌(162 రన్స్‌- 39 ఏళ్ల 159 రోజులు), ఎడ్‌ జోయిస్‌(116 రన్స్‌- 39 ఏళ్ల 111 రోజులు), జెఫ్రీ బాయ్‌కాట్‌(105- రన్స్‌- 39 ఏళ్ల 51 రోజులు) నబీ కంటే ముందున్నారు. కాగా శ్రీలంకతో తొలి వన్డేలో ఒమర్జాయ్‌, నబీ పోరాడినా ఫలితం లేకుండా పోయింది. 42 పరుగుల తేడాతో అఫ్గనిస్తాన్‌ ఓటమిపాలైంది.

న్యూజిలాండ్‌ స్టార్‌ ఆటగాడు కేన్‌ విలియమ్సన్‌ టెస్ట్‌ క్రికెట్‌లో టాప్‌ రికార్డులన్నీ బద్దలు కొట్టే దిశగా దూసుకెళ్తున్నాడు. సుదీర్ఘ ఫార్మాట్‌లో ఇప్పటికే పలు రికార్డులు బద్దలు కొట్టిన కేన్‌.. తాజాగా మరిన్ని రికార్డులు నమోదు చేశాడు. ప్రస్తుతం సౌతాఫ్రికాతో జరుగుతున్న మ్యాచ్‌లో రెండు ఇన్నింగ్స్‌ల్లో రెండు సెంచరీలు (118, 109) చేసిన కేన్‌.. ఈ ఘనత (ట్విన్‌ సెంచరీలు) సాధించిన ఐదో న్యూజిలాండ్‌ బ్యాటర్‌గా రికార్డుల్లోకెక్కాడు.  సెకెండ్‌ ఇన్నింగ్స్‌ సెంచరీతో టెస్ట్‌ సెంచరీల సంఖ్యను 31కి పెంచుకున్న కేన్‌.. అత్యధిక సెంచరీలు (అన్ని ఫార్మాట్లలో కలిపి 44 సెంచరీలు) చేసిన యాక్టివ్‌ ప్లేయర్స్‌ జాబితాలో నాలుగో స్థానానికి ఎగబాకాడు. ఈ జాబితాలో విరాట్‌ కోహ్లి (80 సెంచరీలు) టాప్‌లో ఉండగా.. డేవిడ్‌ వార్నర్‌ (49 సెంచరీలు), జో రూట్‌ (46), రోహిత్‌ శర్మ (46), స్టీవ్‌ స్మిత్‌ (44) ఆతర్వాతి స్థానాల్లో ఉన్నారు. కేన్‌ (44).. స్మిత్‌తో కలిసి సంయుక్తంగా నాలుగో స్థానంలో ఉన్నాడు. తాజా సెంచరీతో కేన్‌ మరో రికార్డు కూడా సాధించాడు. టెస్ట్‌ల్లో అత్యంత వేగంగా 31 సెంచరీలు (170 ఇన్నింగ్స్‌ల్లో) పూర్తి చేసిన రెండో ఆటగాడిగా రికార్డుల్లోకెక్కాడు. ఈ జాబితాలో సచిన్‌ అగ్రస్థానంలో (165 ఇన్నింగ్స్‌ల్లో) ఉండగా.. స్టీవ్‌ స్మిత్‌, విలియమ్సన్‌తో కలిసి సంయుక్తంగా రెండో స్థానాన్ని ఆక్రమించాడు. కేన్‌ గత 10 ఇన్నింగ్స్‌ల్లో స్కోర్లు ఇలా ఉన్నాయి. 132, 1, 121*, 215, 104, 11, 13, 11, 118, 109. ఈ న్యూజిలాండ్‌ మాజీ కెప్టెన్‌ ప్రస్తుతం టెస్ట్‌ల్లో నంబర్‌ వన్‌ బ్యాటర్‌గా కొనసాగుతున్నాడు.  కాగా, మౌంట్‌ మాంగనూయ్‌ వేదికగా సౌతాఫ్రికాతో జరుగుతున్న టెస్ట్‌లో న్యూజిలాండ్‌ గెలుపు దిశగా పయనిస్తుంది. మూడో రోజు ఆట ముగిసే సమయానికి ఆ జట్టు 528 పరుగుల ఆధిక్యంలో కొనసాగుతుంది. మహా అద్భుతం జరిగితే తప్ప ఈ మ్యాచ్‌లో ప్రత్యర్ధి సౌతాఫ్రికా గెలవలేదు.  కేన్‌ ఈ మ్యాచ్‌ రెండు ఇన్నింగ్స్‌ల్లో సెంచరీలు చేసి న్యూజిలాండ్‌ గెలుపుకు పునాది వేయగా.. యువ ఆటగాడు రచిన్‌ రవీంద్ర తొలి ఇన్నింగ్స్‌లో డబుల్‌ సెంచరీ (240) చేసి తనవంతు పాత్ర పోషించాడు. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ 511 పరుగులకు ఆలౌట్‌ కాగా.. సౌతాఫ్రికా తమ తొలి ఇన్నింగ్స్‌లో 162 పరుగులకే కుప్పకూలింది. భారీ లీడ్‌తో సెకెండ్‌ ఇన్నింగ్స్‌ కొనసాగిస్తున్న కివీస్‌.. మూడో రోజు ఆట ముగిసే సమయానికి 4 వికెట్ల నష్టానికి 179 పరుగులు చేసింది.    

రంజీ ట్రోఫీ సీజన్‌ 2023-24లో సచిన్‌ టెండూల్కర్‌ తనయడు, గోవా ఆల్‌ ఆల్‌రౌండర్‌ అర్జున్ టెండూల్కర్ తన పేలవ ఫామ్‌ను కొనసాగిస్తున్నాడు. తాజాగా తమిళనాడుతో జరిగిన మ్యాచ్‌లోనూ అర్జున్‌ పేలవ ప్రదర్శన కనబరిచాడు. ఈ మ్యాచ్‌లో బ్యాటింగ్‌, బౌలింగ్ రెండింటిలోనూ అర్జున్‌ విఫలమయ్యాడు. బౌలింగ్‌లో కనీసం ఒక్క వికెట్‌ కూడా తీయలేకపోయిన జూనియర్‌ టెండూల్కర్‌.. బ్యాటింగ్‌లో రెండు ఇన్నింగ్స్‌లు కలిపి కేవలం 9 పరుగులు మాత్రమే చేశాడు. ఓవరాల్‌గా ఈ ఏడాది సీజన్ రంజీ ట్రోఫీలో ఇప్పటి వరకు ఐదు మ్యాచ్‌లు ఆడిన అర్జున్ టెండూల్కర్.. 9 ఇన్నింగ్స్‌లలో 182 పరుగులు మాత్రమే చేశాడు. అతడి ఇన్నింగ్స్‌లలో కేవలం రెండు హాఫ్ సెంచరీలు మాత్రమే ఉన్నాయి. అటు బౌలింగ్‌లోనూ అంతంతమాత్రమే. కేవలం బౌలింగ్‌లో నాలుగు వికెట్లు మాత్రమే తీసాడు.                                                      కాగా తన ఫస్ట్‌క్లాస్‌ కెరీర్‌ను ముంబై తరపున ఆరంభించిన అర్జున్‌.. ఇప్పుడు గోవాకు ప్రాతినిథ్యం వహించాడు. జట్టులో పెద్దగా అవకాశాలు రాకపోవడంతో ముంబై క్రికెట్‌ ఆసోషియేషన్‌ నుంచి ఎన్‌వోసీ తీసుకుని గోవా జట్టుతో చేరాడు. అక్కడ అవకాశాలు వచ్చిననప్పటికీ వాటిని సద్వినియోగ పరుచుకోవడంలో విఫలమవుతున్నాడు. తన ఫస్ట్‌క్లాస్‌ కెరీర్‌లో ఇప్పటివరకు 12 మ్యాచ్‌లు ఆడిన అర్జున్ టెండూల్కర్.. 882 పరుగులతో పాటు 16 వికెట్లు పడగొట్టాడు. కాగా ఐపీఎల్‌లో ముంబై ఇండియన్స్‌ తరపున అర్జున్‌ ప్రాతినిథ్యం వహిస్తున్న సంగతి తెలిసిందే. చదవండి: AUS vs NZ: ఆస్ట్రేలియా జట్టు ప్రకటన.. డేవిడ్‌ వార్నర్‌కు ఛాన్స్‌

మనం స్కూటర్‌పై వెడుతుంటే పక్కన కారులో మన అభిమాన హీరో లేదా క్రికెటర్‌ కనిపిస్తే ‘ఇది కలా? నిజమా?’ అనుకుంటాం. సచిన్‌ టెండూల్కర్‌ వీరాభిమానికి కూడా ఇలాంటి అనుభవమే ఎదురైంది. టూ వీలర్‌పై వెళుతున్న హరీష్‌కుమార్‌ను కారులో వెళుతున్న వ్యక్తి ‘ఎయిర్‌పోర్ట్‌కు ఎలా వెళ్లాలి?’ అని అడిగాడు. సమాధానం చెప్పడానికి రెడీ అయిన హరీష్‌ అటువైపు చూసి స్వీట్‌ షాక్‌కు గురయ్యాడు. అతడు ఎవరో కాదు సచిన్‌ టెండూల్కర్‌. రోడ్డు మీద నుంచి క్లౌడ్‌ 9లోకి వెళ్లిన హరీష్‌ ‘నమ్మలేకపోతున్నాను. థ్యాంక్యూ గాడ్‌’ అన్నాడు. ఆటోగ్రాఫ్‌ ఇచ్చి సెల్ఫీ దిగిన సచిన్‌ హెల్మెట్‌ ధరించి డ్రైవ్‌ చేస్తున్నందుకు హరీష్‌ను అభినందించాడు. ‘నేను కూడా సీటు బెల్ట్‌ ధరించాను చూడు’ అన్నాడు.   హరీష్‌ ధరించిన ముంబై ఇండియన్స్‌ జెర్సీ వెనుక ‘టెండూల్కర్‌ 10 ఐ మిస్‌ యూ’ అనే అక్షరాలు కనిపిస్తాయి. కారులో వస్తున్న సచిన్‌కు ఆ అక్షరాలు కనిపించాయి. అభిమానితో కాసేపు ఆప్యాయంగా మాట్లాడేలా చేశాయి. ఈ వీడియో క్లిప్‌ను సచిన్‌ టెండూల్కర్‌ ఫేస్‌బుక్‌లో పోస్ట్‌ చేశాడు. ఇది క్విక్‌గా వైరల్‌ అయింది. అయిదు మిలియన్‌లకు పైగా వ్యూస్‌ వచ్చాయి.  

రాజకీయ కురువృద్ధుడు, బీజేపీ అగ్రనేత ఎల్‌.కె. అద్వానీని కేంద్ర ప్రభుత్వం దేశ అత్యున్నత పౌర పురస్కారం భారత రత్నతో సత్కరించింది. ఈ విషయాన్ని ప్రధాని నరేంద్రమోదీ శనివారం ‘ఎక్స్‌ (ట్విటర్‌)’ వేదికగా వెల్లడించారు. అద్వానీ గొప్ప రాజనీతిజ్ఞుడని దేశాభివృద్ధిలో ఆయన పాత్ర కీలకమని కొనియాడారు. అద్వానీకి భారతరత్న ప్రదానం చేయడం తనకెంతో భావోద్వేగ క్షణమని పేర్కొన్నారు. ఆయనతో ఫోన్‌లో మాట్లాడి శుభాకాంక్షలు తెలిపినట్లు చెప్పారు. కాగా ఇప్పటివరకూ 50 మంది ‍ప్రముఖులు ‘భారతరత్న’ను అందుకున్నారు. వీరిలో 17 మందికి మరణానంతరం భారతరత్న లభించింది. భారతరత్న పొందిన వారిలో క్రికెట్ గాడ్‌గా పేరొందిన సచిన్ టెండూల్కర్ పేరు కూడా ఉంది. భారత తొలి ప్రధాని జవహర్‌లాల్‌ నెహ్రూ మొదలుకొని మాజీ రాష్ట్రపతి ప్రణబ్‌ ముఖర్జీ వరకు... ఇలా పలువురు ‘భారతరత్న’ పురస్కారం అందుకున్నారు.   ఈ జాబితాలో ఇటీవల ప్రముఖ గాంధేయ సోషలిస్ట్ నేత, బీహార్ మాజీ ముఖ్యమంత్రి కర్పూరి ఠాకూర్ పేరు కూడా చేరింది. చదవండి: బీజేపీ ‘రథ యాత్రికుడు’ అద్వానీ! ఇప్పటివరకు ‘భారతరత్న’ అందుకున్నవారు 1. చక్రవర్తి రాజగోపాలాచారి (రాజకీయవేత్త, రచయిత, న్యాయవాది, స్వాతంత్ర్య సమరయోధుడు)- 1954 2. సర్వేపల్లి రాధాకృష్ణన్ (తత్వవేత్త, రాజకీయవేత్త, భారత మాజీ రాష్ట్రపతి)- 1954 3. చంద్రశేఖర్ వెంకట రామన్ (భౌతిక శాస్త్రవేత్త)- 1954 4. భగవాన్ దాస్ (స్వాతంత్ర్య పోరాట యోధుడు, తత్వవేత్త, విద్యావేత్త)- 1955 5. మోక్షగుండం విశ్వేశ్వరయ్య (సివిల్ ఇంజనీర్, రాజకీయవేత్త, మైసూర్ దివాన్)- 1955 6. జవహర్‌లాల్ నెహ్రూ (స్వాతంత్ర్య సమర యోధుడు, రచయిత, భారత మాజీ ప్రధాని)- 1955 7. గోవింద్ వల్లభ్ పంత్ (స్వాతంత్ర్య సమరయోధుడు)- 1957 8. ధోండో కేశవ్ కర్వే (సంఘ సంస్కర్త, ఉపాధ్యాయుడు)- 1958 9. బిధాన్ చంద్ర రాయ్ (వైద్యుడు, రాజకీయ నేత , పరోపకారి, విద్యావేత్త, సామాజిక కార్యకర్త) - 1961 10. పురుషోత్తం దాస్ టాండన్ (స్వాతంత్ర్య సమర యోధుడు)- 1961 11. రాజేంద్ర ప్రసాద్ (స్వాతంత్ర్య సమర యోధుడు, న్యాయవాది, రాజకీయవేత్త, పండితుడు, భారత మాజీ రాష్ట్రపతి)- 1962 12. జాకీర్ హుస్సేన్ (స్వాతంత్ర్య పోరాట యోధుడు)- 1963 13. పాండురంగ్ వామన్ కేన్ (ఇండాలజిస్ట్, సంస్కృత పండితుడు)-1963 14. లాల్ బహదూర్ శాస్త్రి (మరణానంతరం) (స్వాతంత్ర్య సమర యోధుడు, భారత మాజీ ప్రధాని) – 1966 15. ఇందిరా గాంధీ (రాజకీయనేత, భారత మాజీ ప్రధానమంత్రి)-1971 16. వరాహగిరి వెంకట గిరి (స్వాతంత్ర్య సమరయోధుడు, భారత మాజీ రాష్ట్రపతి)-1975 17. కుమారస్వామి కామరాజ్ (మరణానంతరం) (రాజకీయవేత్త, తమిళనాడు మాజీ ముఖ్యమంత్రి) - 1976 18. మదర్ మేరీ థెరిసా బోజాక్షియు (మదర్ థెరిసా) (మిషనరీస్ ఆఫ్ ఛారిటీ వ్యవస్థాపకురాలు) - 1980 19. వినోబా భావే (మరణానంతరం) (స్వాతంత్ర్య పోరాట యోధుడు, సంఘ సంస్కర్త)-1983 20. ఖాన్ అబ్దుల్ గఫార్ ఖాన్ (స్వాతంత్ర్య పోరాట యోధుడు)-1987 21. మరుదూర్ గోపాలన్ రామచంద్రన్ (మరణానంతరం) (రాజకీయనేతగా మారిన నటుడు)-1988 22. భీమ్ రావ్ రామ్‌జీ అంబేద్కర్ (మరణానంతరం) (సంఘ సంస్కర్త)-1990 23. నెల్సన్ రోలిహ్లాహ్లా మండేలా (వర్ణవివక్ష వ్యతిరేక పోరాట నేత)- 1990 24. రాజీవ్ గాంధీ (మరణానంతరం) (రాజకీయనేత, భారత మాజీ ప్రధాని)-1991 25. సర్దార్ వల్లభాయ్ పటేల్ (మరణానంతరం) (స్వాతంత్ర్య పోరాట యోధుడు)- 1991 26. మొరార్జీ రాంచోడ్జీ దేశాయ్ (స్వాతంత్ర్య పోరాట వీరుడు, భారత ప్రధాని)- 1991 27. మౌలానా అబుల్ కలాం ఆజాద్ (మరణానంతరం) (స్వాతంత్ర్య పోరాటంలో పాల్గొన్నారు)-1992 28. జహంగీర్ రతన్‌జీ దాదాభాయ్ టాటా (పారిశ్రామికవేత్త)- 1992 29. సత్యజిత్ రే (చిత్ర నిర్మాత)- 1992 30. గుల్జారీ లాల్ నందా (స్వాతంత్ర్య పోరాట యోధుడు)- 1997 31. అరుణా అసఫ్ అలీ (మరణానంతరం) (స్వాతంత్ర్య ఉద్యమంలో పాల్గొన్నారు)- 1997 32. ఎ.పి.జె. అబ్దుల్ కలాం ( శాస్త్రవేత్త, భారత మాజీ రాష్ట్రపతి)-1997 33. మదురై షణ్ముఖవడివు సుబ్బులక్ష్మి (కర్ణాటక శాస్త్రీయ గాయని)-1998 34. చిదంబరం సుబ్రమణ్యం (స్వాతంత్ర్య పోరాట యోధుడు)- 1998 35. జయప్రకాష్ నారాయణ్ (మరణానంతరం) (స్వాతంత్ర్య పోరాట యోధుడు, సంఘ సంస్కర్త)- 1999 36. అమర్త్య సేన్ (ఆర్థికవేత్త)- 1999 37. ప్రకాష్ గోపీనాథ్ బోర్డోలోయ్ (మరణానంతరం) (స్వాతంత్ర్య పోరాట యోధుడు) – 1999 38. రవిశంకర్ (సితార్ వాద్యకారుడు) - 1999 39. లతా దీనానాథ్ మంగేష్కర్ (గాయని)- 2001 40. ఉస్తాద్ బిస్మిల్లా ఖాన్ (హిందుస్తానీ క్లాసికల్ షెహనాయ్ ప్లేయర్)- 2001 41. భీంసేన్ గురురాజ్ జోషి (హిందుస్తానీ క్లాసికల్ సింగర్)- 2009 42. సిఎన్ఆర్ రావు (కెమిస్ట్, ప్రొఫెసర్)- 2014 43. సచిన్ రమేష్ టెండూల్కర్ (క్రికెటర్)- 2014 44. అటల్ బిహారీ వాజ్‌పేయి (రాజకీయ నేత, భారత మాజీ ప్రధాని)- 2015 45. మదన్ మోహన్ మాలవీయ (మరణానంతరం) (పండితులు, విద్యా సంస్కర్త)- 2015 46. ​​నానాజీ దేశ్‌ముఖ్ (మరణానంతరం) (సామాజిక కార్యకర్త)- 2019 47. భూపేంద్ర కుమార్ హజారికా (మరణానంతరం) (ప్లేబాక్‌ సింగర్, గేయ రచయిత, సంగీతకారుడు, కవి, చలనచిత్ర నిర్మాత) - 2019 48. ప్రణబ్ ముఖర్జీ (రాజకీయనేత, భారత మాజీ రాష్ట్రపతి)- 2019 49. కర్పూరి ఠాకూర్ (మరణానంతరం) (రాజకీయనేత, బీహార్ మాజీ ముఖ్యమంత్రి) – 2024 50. ఎల్‌కే అద్వానీ(రాజకీయ నేత, భారత మాజీ ప్రధాని)-2024

కన్నడ స్టార్‌ సుదీప్‌ తెలుగువారికి కూడా సుపరిచితమే. రాజమౌళి తెరకెక్కించిన ఈగ సినిమాతో తెలుగువారికి మరింత దగ్గరయ్యాడు. ప్రస్తుతం తమిళం, కన్నడ సినిమాలతో ఆయన బిజీగా ఉన్నారు. గతేడాది కబ్జా సినిమాతో అలరించిన కిచ్చా.. ప్రస్తుతం మ్యాక్స్‌ అనే చిత్రంలో నటిస్తున్నారు. అయితే తాజాగా నెటిజన్ల్‌తో ఆయన చిట్‌చాట్‌ నిర్వహించారు. ట్విటర్‌ వేదికగా ఆస్క్‌ కిచ్చా అనే సెషన్‌లో పాల్గొన్నారు.  ఈ సెషన్‌కు హాజరైన పలువురు నెటిజన్స్‌ ఆసక్తికర ప్రశ్నలు సంధించారు. ఇటీవల సచిన్‌ను కిచ్చా సుదీప్ కలిశారు. ఈ సందర్భంగా ఆ ఫోటోను షేర్ చేసిన నెటిజన్‌.. కిచ్చాను ఇలా అన్నారు. సచిన్‌తో ఉన్న ఫోటోను షేర్ చేస్తూ.. అన్న ఈ ఫోటో గురించి ఒక్కమాటలో చెప్పండి.. సచిన్‌ను కలిసినప్పుడు మీకు ఎలాంటి ఫీలింగ్ కలిగింది' అని అడిగాడు. దీనికి సుదీప్ రిప్లై ఇచ్చారు. ఈ ఫోటోను చూస్తే 'జస్ట్‌ లుకింగ్‌ లైక్‌ ఏ వావ్ అంటూ.. ఇది నా జీవితంలో మధురమైన జ్ఞాపకం' అంటూ బదులిచ్చారు. అయితే ఈ ట్వీట్‌ చూసిన మాస్టర్ బ్లాస్టర్‌ సచిన్ టెండూల్కర్‌ సైతం కిచ్చా సుదీప్ రిప్లై ఇచ్చారు.  మిమ్మల్ని కలవడం చాలా ఆనందంగా ఉంది. ఆ రోజు తీసిన మన ఫోటో ఎంతో అద్భుతంగా ఉంది. మీరు ఎల్లప్పుడూ మంచి ఆరోగ్యం, జీవితంలో ఆనందం ఉండాలని కోరుకుంటున్నా' అంటూ సచిన్ ట్వీట్ చేశారు. ఇది చూసిన కన్నడ స్టార్‌ హీరో ఫ్యాన్స్ ఆనందం వ్యక్తం చేస్తున్నారు. తమ హీరోకు సచిన్‌ రిప్లై ఇచ్చారంటూ కామెంట్స్ పెడుతున్నారు. అయితే ఈ ట్వీట్‌కు కన్నడ స్టార్ హీరో సుదీప్‌ సైతం స్పందించారు. 'వావ్.. నేను ఇది ఊహించలేదు... మీరు నాకు మరో మరపురాని క్షణాన్ని అందించారు సార్' అంటూ తనదైన శైలిలో రిప్లై ఇచ్చారు. ప్రస్తుతం ఈ ట్వీట్స్ సోషల్ మీడియాలో వైరల్‌గా మారాయి.  This pic is just looking like a wowwwwwwwww... 😁 One fond memory my friend . https://t.co/y4C1a0LkPi — Kichcha Sudeepa (@KicchaSudeep) January 16, 2024 It was lovely meeting you. Aur uss din kisine hamara ye photo bhi kitna acha KICHCHA tha. Always wishing you good health and happiness in life. 😊 https://t.co/D3o1ZvwOUM — Sachin Tendulkar (@sachin_rt) February 2, 2024 Woaaa!!! ♥️♥️.. Didn't expect this ... You jus gifted me another memorable moment... Mch luv and wshs always @sachin_rt sir. https://t.co/tWXaV8Givs — Kichcha Sudeepa (@KicchaSudeep) February 2, 2024

క్రికెట్‌ దిగ్గజం సచిన్‌ టెండూల్కర్‌ ఒకనాటి సహచరుడు, టీమిండియా మాజీ ఆటగాడు ప్రశాంత్‌ వైద్యపై నాన్‌ బెయిలబుల్‌ వారెంట్‌ జారీ అయ్యింది. చెక్‌ బౌన్స్‌ కేసులో నాగ్‌పూర్‌ పోలీసులు (బజాజ్‌ నగర్‌) వైద్యను అరెస్ట్‌ చేశారు. అనంతరం పోలీసులు వైద్యను ప్రత్యేక కోర్టు ముందు హాజరుపరచగా.. పూచికత్తుపై అతన్ని విడుదల చేశారు. నాగ్‌పూర్‌కు చెందిన ఓ వ్యాపారిని చీట్‌ చేసిన కేసులో పోలీసులు ఈ మాజీ క్రికెటర్‌ను అదుపులోకి తీసుకున్నారు. వివరాల్లోకి వెళితే..  నాగ్‌పూర్‌కు చెందిన వ్యాపారి నుంచి వైద్య 1.9 కోట్లు విలువ చేసే స్టీల్‌ కొనుగోలు చేసి, అందుకు బదులుగా చెక్‌లకు ఇచ్చాడు. అయితే చెక్‌లు బౌన్స్‌ కావడంతో సదరు వ్యాపారి వైద్యను పలు మార్లు నగదు చెల్లించాల్సిందిగా కోరాడు. డబ్బు చెల్లించాలని వైద్యను ఎన్ని సార్లు విన్నవించుకున్నా స్పందన లేకపోవడంతో ఆ వ్యాపారి కోర్టును ఆశ్రయించాడు. కోర్టు పలు నోటీసులు ఇచ్చిన అనంతరం వైద్యపై నాన్‌ బెయిలబుల్‌ వారెంట్‌ జారీ చేసింది. దీంతో రంగంలోకి దిగిన బజాజ్‌ నగర్‌ పోలీసులు వైద్యను అరెస్ట్‌ చేసి కోర్టులో సబ్మిట్‌ చేశారు.  56 ఏళ్ల ప్రశాంత్‌ వైద్య 1995-96 మధ్యలో సచిన్‌ టెండూల్కర్‌, వినోద్‌ కాంబ్లీలతో కలిసి 4 వన్డే మ్యాచ్‌ల్లో (4 వికెట్లు) టీమిండియాకు ప్రాతినిథ్యం వహించాడు. అప్పట్లో వైద్య భారత జట్టులో ఉత్తమ ఫాస్ట్‌ బౌలర్‌గా గుర్తింపు తెచ్చుకున్నాడు. వైద్య మహారాష్ట్రకు చెందినప్పటికీ బెంగాల్‌ తరఫున దేశవాలీ క్రికెట్‌ ఆడాడు. వైద్య తన ఫస్ట్‌క్లాస్‌ కెరీర్‌లో 56 మ్యాచ్‌లు ఆడి 171 వికెట్లు పడగొట్టాడు. వైద్య ప్రస్తుతం విదర్భ క్రికెట్ అసోసియేషన్ డెవలప్‌మెంట్ కమిటీకి నేతృత్వం వహిస్తున్నాడు.    

గత కొన్ని రోజులుగా భారత క్రికెట్‌ సర్కిల్స్‌లో వినిపిస్తున్న పేరు ముషీర్‌ ఖాన్‌. ఈ 18 ఏళ్ల ముంబై కుర్రాడు అండర్‌-19 ప్రపంచకప్‌లో వరుస సెంచరీలతో విరుచుకుపడుతూ టాక్‌ ఆఫ్‌ ద కంట్రీగా మారాడు. క్రికెట్‌కు సంబంధించి ఏ ఇద్దరు ముగ్గురి మధ్య డిస్కషన్‌ జరిగినా ముషీర్‌ ఖాన్‌ పేరు వినిపిస్తుంది. అంతలా ముషీర్‌ ఓవర్‌నైట్‌ స్టార్‌ అయిపోయాడు. అయితే, ముషీర్‌ ఇంత హైప్‌ ఊరికే రాలేదు. వరల్డ్‌కప్‌ అతను పారించిన పరుగుల వరద, అతను ఆడిన షాట్లు, దూకుడు, టెక్నిక్‌.. ఇలా ఎన్నో కారణాల వల్ల అతనికి ఈ స్థాయి క్రేజ్‌ వచ్చింది.  తాజాగా ఓ అభిమాని వరల్డ్‌కప్‌లో ముషీర్‌ ఆడిన కొన్ని షాట్లను ఎడిట్‌ చేసి సోషల్‌మీడియాలో పోస్ట్‌ చేశాడు. ఈ వీడియో ప్రస్తుతం ఇంటర్నెట్‌ను షేక్‌ చేస్తుంది. అంతలా ఆ వీడియోలో ఏముందని అనుకుంటున్నారా..? అయితే ఈ వీడియోను మీరు కూడా చూసేయండి.  Musheer khan channels his inner Ms Dhoni, Sachin Tendulkar, Suryakumar yadav #U19WorldCup2024 #IndianCricket pic.twitter.com/WJJLoyy4RU — Sahil (@Vijayfans45) January 31, 2024 నిలకడ, దూకుడు, వైవిధ్యంతో పాటు బలమైన టెక్నిక్‌ కలిగిన ముషీర్‌.. తనలో భారత క్రికెట్‌ దిగ్గజాల టాలెంట్‌ అంతా కలగలుపుకుని ఉన్నాడు. కెరీర్‌లో అత్యుత్తమ ఫామ్‌లో ఉన్నట్లు కనిపిస్తున్న ముషీర్‌ ప్రస్తుత వరల్డ్‌కప్‌లో తాను ఆడిన ప్రతి షాట్‌ను ఎంతో కాన్ఫిడెంట్‌గా ఆడాడు. ముషీర్‌ కాన్ఫిడెన్స్‌ ఏ స్థాయిలో ఉందంటే.. అతను అచ్చుగుద్దినట్లు సచిన్‌, ధోని, సూర్యకుమార్‌ యాదవ్‌ ట్రేడ్‌మార్క్‌ షాట్లను ఆడాడు. ముషీర్‌ ఈ షాట్లు ఆడిన విధానం చూసి అంతా నివ్వెరపోతున్నారు. ఇంత చిన్న వయసులో ఈ కుర్రాడు దిగ్గజాలు ఆడిన షాట్లను ఎంత చక్కగా ఇమిటేట్‌ చేస్తున్నాడంటే ఆశ్చర్యపోతున్నారు. ఈ వీడియో ప్రస్తుతం వైరలవుతుంది.  ఇదిలా ఉంటే, ప్రస్తుతం భారత క్రికెట్‌ సర్కిల్స్‌లో ముషీర్‌తో పాటు అతని అన్న సర్ఫరాజ్‌ ఖాన్‌ పేరు కూడా వినిపిస్తుంది. దేశవాలీ క్రికెట్‌లో పరుగుల వరద పారించి, అభినవ బ్రాడ్‌మన్‌గా కీర్తించబడిన సర్ఫరాజ్‌ సుదీర్ఘ నిరీక్షణ తర్వాత టీమిండియా చోటు దక్కించుకున్నాడు. సర్ఫరాజ్‌ ఇంగ్లండ్‌తో రేపటి నుంచి ప్రారంభంకాబోయే రెండో టెస్ట్‌లో అరంగేట్రం చేయడం ఖాయమని తెలుస్తుంది. సర్ఫరాజ్‌, ముషీర్‌ల పేర్లు ఒకేసారి దేశం మొత్తం మార్మోగుతుండటంతో వీరి తండ్రి ఆనందోత్సాహాలతో ఉప్పొంగిపోతున్నాడు.  ముషీర్‌.. ప్రస్తుత వరల్డ్‌కప్‌లో ఇప్పటివరకు 4 మ్యాచ్‌లు ఆడి 81.25 సగటున 2 సెంచరీలు (ఐర్లాండ్‌పై 106 బంతుల్లో 118 పరుగులు, యూఎస్‌ఏపై 76 బంతుల్లో 73 పరుగులు), ఓ హాఫ్‌ సెంచరీ (యూఎస్‌ఏపై 76 బంతుల్లో 73 పరుగులు) సాయంతో 325 పరుగులు చేసి లీడింగ్‌ రన్‌స్కోరర్‌గా కొనసాగుతున్నాడు. ముషీర్‌ అన్న సర్ఫరాజ్‌ సైతం 2016 అండర్‌-19 వరల్డ్‌కప్‌లో లీడింగ్‌ రన్‌ స్కోరర్‌గా నిలిచాడు. ప్రస్తుత అండర్‌-19 వరల్డ్‌కప్‌ ఎడిషన్‌లో వరుస విజయాలతో దూసుకుపోతున్న యువ భారత్‌.. అనధికారికంగా సెమీస్‌ బెర్త్‌ను ఖరారు చేసుకుంది. ఈ టోర్నీలో భారత్‌ ఇప్పటివరకు ఒక్క మ్యాచ్‌ కూడా ఓడిపోలేదు. యంగ్‌ ఇండియా తమ తదుపరి సూపర్‌ సిక్స్‌ మ్యాచ్‌లో (ఫిబ్రవరి 2) నేపాల్‌ను ఢీకొంటుంది.  

‘‘నా జీవితంలో మొట్టమొదటిసారి... సాహిత్య సహవాస్‌ కాలనీలో ఉన్న నా స్నేహితులందరినీ పిలిచి.. మ్యాచ్‌ చూడాలని చెప్పాను. ఎందుకంటే అప్పుడు నేనే మా కాలనీ ప్రధాన బ్యాటర్‌ని.  మా వాళ్లంతా నా ఆట కోసం ఎంతో ఆసక్తిగా ఎదురుచూస్తుండగా.. నేను మొదటి బంతికే అవుటయ్యాను. అందరిలోనూ నిరాశ. మరి గల్లీ క్రికెట్‌లో కొన్సి మినహాయింపులు ఉంటాయి కదా. అందుకు తగ్గట్లుగానే.. బంతి కొంత తక్కువ ఎత్తులో వచ్చిందని నా బ్యాటింగ్‌ తీరును సమర్థించుకున్నాను. ఆ తదుపరి మ్యాచ్‌కు కూడా వాళ్లను రమ్మన్నాను. ఈసారి కూడా సున్నాకే అవుట్‌. బంతి ఎత్తులో వచ్చిందని తప్పు నాది కాదు.. పిచ్‌దేనని తప్పించుకున్నా. అయితే, మూడో మ్యాచ్‌కు మాత్రం వాళ్లను పిలవలేదు. వాళ్ల సమయాన్ని వృథా చేయడం ఎందుకులే అనిపించింది. అయితే, ఈసారి నేను ఒక్క పరుగు చేసి అవుటయ్యాను. 5-6 బంతులు ఆడిన తర్వాత ఒక్క పరుగు చేసి మైదానం వీడాను. అయినప్పటికీ నాకు ఎంతో సంతోషంగా అనిపించింది. శివాజీ పార్కు నుంచి బాంద్రాకు బస్సులో వెళ్లేటపుడు ఎంతో సంతృప్తిగా అనిపించింది.  నేను ఒక్క పరుగైనా చేశాననే ఆనందం. అప్పుడే నాకు ఆ ఒక్క పరుగు విలువ తెలిసింది. అలాంటి ఒక్క పరుగు వల్లే గెలుపోటములు కూడా ఆధారపడి ఉంటాయని తర్వాత చాలా మంది నాకు చెప్పారు. ఏదేమైనా తొలి రెండు మ్యాచ్‌లలో డకౌట్‌ అయి, ఆ తర్వాత ఒక పరుగైనా చేయడం నాకు సంతృప్తిని ఇవ్వడంతో పాటు నా ఆలోచనా ధోరణిని మార్చింది’’ అని టీమిండియా క్రికెట్‌ దిగ్గజం సచిన్‌ టెండుల్కర్‌ అన్నాడు. ఇండియన్‌ స్ట్రీట్‌ లీగ్‌ ఈవెంట్లో భాగంగా యువ క్రికెటర్లను ఉద్దేశించి ఈ మేరకు స్పూర్తిదాయక ప్రసంగం చేశాడు. గల్లీ క్రికెట్‌ ఆడేటపుడే బ్యాటర్‌గా తనకు ఒక్క పరుగు విలువ తెలిసి వచ్చిందని... ఆట పట్ల నిబద్ధత, అంకితభావం ఉంటే అనుకున్న లక్ష్యాలు సాధించవచ్చని సచిన్‌ ఈ సందర్భంగా పేర్కొన్నాడు. కాగా టీమిండియా తరఫున సుమారు 24 ఏళ్ల పాటు క్రికెట్‌ ఆడిన సచిన్‌ టెండుల్కర్‌ లెజెండరీ బ్యాటర్‌గా అనేక ఘనతలు సాధించాడు. ముఖ్యంగా అంతర్జాతీయ క్రికెట్‌లో వంద సెంచరీల వీరుడిగా ఇంత వరకూ ఎవరికీ సాధ్యం కాని రికార్డు నమోదు చేసి.. శిఖరాగ్రాన నిలిచాడు.  

India vs England, 1st Test: యువ జట్టును ఒంటిచేత్తో గెలిపించాల్సిన బాధ్యత టీమిండియా కెప్టెన్‌, ఓపెనర్‌ రోహిత్‌ శర్మపై ఉందని మాజీ క్రికెటర్‌ సంజయ్‌ మంజ్రేకర్‌ అన్నాడు. భారత దిగ్గజ బ్యాటర్‌ సచిన్‌ టెండుల్కర్‌ చాలా ఏళ్ల పాటు ఇలాంటి పాత్ర పోషించాడని... ప్రస్తుతం రోహిత్‌ కూడా అదే పని చేయాలని సూచించాడు. కాగా ఇంగ్లండ్‌తో ఐదు మ్యాచ్‌ల టెస్టు సిరీస్‌ను భారత్‌ ఓటమితో మొదలుపెట్టిన విషయం తెలిసిందే. హైదరాబాద్‌లో జరిగిన మ్యాచ్‌లో రోహిత్‌ సేన విజయం నల్లేరు మీద నడకలా సాగుతుందనుకుంటే.. అనూహ్యరీతిలో పరాజయం పాలైంది.  ముఖ్యంగా లక్ష్య ఛేదనలో (రెండో ఇన్నింగ్స్‌) టీమిండియా తడ‘బ్యాటు’కు గురైన తీరు అభిమానుల ఆగ్రహానికి కారణమైంది. మాజీ క్రికెటర్లు సైతం రోహిత్‌ సేన ఆట తీరును విశ్లేషిస్తూ విమర్శలు గుప్పిస్తున్నారు. జైస్వాల్‌ ఆడలేకపోవడానికి కారణం అదే ఈ నేపథ్యంలో భారత మాజీ బ్యాటర్‌ సంజయ్‌ మంజ్రేకర్‌ ఈఎస్‌పీఎన్‌క్రిక్‌ఇన్ఫోతో మాట్లాడుతూ తన అభిప్రాయాలు పంచుకున్నాడు. ‘‘యశస్వి జైస్వాల్‌ తొలి ఇన్నింగ్స్‌లో 100 స్ట్రైక్‌రేటుతో 80 పరుగులు సాధించాడు. కానీ రెండో ఇన్నింగ్స్‌లో అతడి స్ట్రైక్‌రేటు 40 మరీ నలభైకి పడిపోయింది. ఇందుకు కారణం.. అతడు ఒత్తిడిలో కూరుకుపోవడమే! ఇలాంటి సందర్భాల్లోనే రోహిత్‌ శర్మ.. సచిన్‌ టెండుల్కర్‌ మాదిరి జట్టును గట్టెక్కించే ప్రయత్నం చేయాలి. టెండుల్కర్‌ ఎన్నో ఏళ్లపాటు జట్టుకు సేవ చేసిన విధంగా... కష్ట సమయంలో తానున్నానంటూ బాధ్యతగా ఆడుతూ భారం మీద వేసుకోవాలి. నిజానికి ఈ మ్యాచ్‌లో టీమిండియా అతి జాగ్రత్తగా ఆడింది. వాళ్లని దూకుడుగా ఆడనివ్వాలి యశస్వి జైస్వాల్‌, శుబ్‌మన్‌ గిల్‌ లేదంటే శ్రేయస్‌ అయ్యర్‌... ఇలాంటి వాళ్లకు అటాకింగ్‌ ప్లేయర్లుగా గుర్తింపు ఉంది. ఎలాంటి పరిస్థితుల్లోనైనా వాళ్లు ఇలాగే ఆడాలి కదా! తమ సహజ శైలికి అనుగుణంగా బ్యాటింగ్‌ చేయాలి. ఒకవేళ వాళ్లు మంచి ఆడినప్పటికీ జట్టు ఓడిపోతే.. అప్పుడు అభిమానులు కూడా పరిస్థితిని అర్థం చేసుకోగలుగుతారు. కనీసం మనవాళ్లు ప్రయత్నించారు కదా అని సరిపెట్టుకుంటారు’’ అని సంజయ్‌ మంజ్రేకర్‌ అభిప్రాయపడ్డాడు. కాగా ఇంగ్లండ్‌తో తొలి టెస్టులో రోహిత్‌ శర్మ మొత్తం కలిపి 63 పరుగులు మాత్రమే చేయగలిగాడు. ఇక ఇరు జట్ల మధ్య విశాఖపట్నం వేదికగా ఫిబ్రవరి 2 నుంచి రెండో టెస్టు ఆరంభం కానుంది. చదవండి: కుర్రాళ్లకు అనుభవం లేదు.. మరో 70-80 చేయాల్సింది: ద్రవిడ్‌ 

భార‌త టెన్నిస్ స్టార్ రోహ‌న్ బొప్ప‌న్న సరికొత్త చరిత్ర సృష్టించాడు. అత్యంత వృద్ధ వ‌య‌సులో  పురుషుల డబుల్స్‌లో నెం1 ర్యాంక్‌ను అందుకున్న టెన్నిస్‌ ప్లేయర్‌గా రికార్డులకెక్కాడు. 43 ఏళ్ల వయస్సులో రోహ‌న్ ఈ అరుదైన ఘనతను అందుకున్నాడు. ఆస్ట్రేలియన్‌ ఓపెన్‌  క్వార్టర్‌ డబుల్స్‌లో విజయనంతరం బోపన్న నంబర్‌ వన్‌గా నిలిచాడు. బుధవారం జరిగిన క్వార్టర్స్‌లో అర్జెంటీనా జోడీ మాక్సిమో గొంజాలెజ్, ఆండ్రెస్ మోల్టెనీని మాథ్యూ ఎబ్డెన్-బోపన్న జోడి చిత్తు చేసింది. ఏక పక్షంగా సాగిన మ్యాచ్‌లో బొప్ప‌న్న జోడి 6-4, 7-6 స్కోరుతో విజయం సాధించి సెమీస్‌లో అడుగుపెట్టింది.ఇక లేటు వయస్సులో వరల్డ్‌నెం1గా నిలిచిన బొప్ప‌న్నపై సర్వాత్ర ప్రశంసల వర్షం కురుస్తోంది. భారత క్రికెట్‌ దిగ్గజం సచిన్‌ టెండూల్కర్‌ సైతం రోహన్‌ ప్రశంసించాడు. "వయస్సు ఒక సంఖ్య మాత్రమే. కానీ 'నంబర్ 1' అనేది మరొక సంఖ్య కాదు. అభినందనలు రోహన్! పురుషుల డబుల్స్‌లో ఈ వయస్సులో నెం1గా నిలవడం నిజంగా గ్రేట్‌"అని ఎక్స్‌(ట్విటర్‌)లో సచిన్‌ రాసుకొచ్చాడు. చదవండి: బజ్‌బాల్‌తో మాకు సంబంధం లేదు.. గెలవాలంటే అదొక్కటే: రోహిత్‌ Age is just a number but ‘Number 1’ is not just another number. Congratulations Rohan! Being the oldest World Number 1 in Men’s Doubles is a stellar feat. #AusOpen #AO2024 pic.twitter.com/5rEBxdl1km — Sachin Tendulkar (@sachin_rt) January 24, 2024

భారత దేశ చరిత్రలో చిరస్మరణీయమైన ఘట్టానికి సమయం అసన్నమైంది. అయోధ్య నగరంలోని భవ్య రామమందిరంలో బాలరాముడి ప్రాణప్రతిష్టకు మరి కాసేపట్లో తెరలేవనుంది. సోమవారం మధ్యాహ్నం 12: 20 గంటలకు ప్రాణ ప్రతిష్ఠ కార్యక్రమం జరగనుంది. రామ జన్మభూమిలో జరిగే ఈ చారిత్రాత్మక ఘట్టాన్ని కళ్లారా చూసేందుకు ప్రముఖులు ఆయోద్యకు క్యూ కడుతున్నారు. దీంతో అయోధ్య పురి మొత్తం భక్తులతో నిండిపోయింది. భార‌త క్రికెట్ దిగ్గ‌జాలు స‌చిన్ టెండూల్క‌ర్, అనిల్‌ కుంబ్లే, వెంకటేశ్‌ ప్రసాద్‌ అయోధ్యకు చేరుకున్నారు. అయోధ్య రామ మందిర్ కథనాల కోసం ఇక్కడ క్లిక్ చేయండి Sachin Tendulkar reached Ayodhya#RamMandirPranPrathistha | #AyodhyaRamMandirpic.twitter.com/HuHQE9NxhR — Don Cricket 🏏 (@doncricket_) January 22, 2024 వీరితో పాటు టీమిండియా స్టార్‌ క్రికెటర్‌ విరాట్‌ కోహ్లి కూడా అయోధ్యకు చేరుకున్నట్లు తెలుస్తోంది. అదే విధంగా భారత స్టార్‌ ఆల్‌రౌండర్‌ ,రవీంద్ర జడేజా కూడా అయోధ్య పుర వీధుల్లో కన్పించాడు.. ఇందుకు సంబంధించిన వీడియోలు ప్రస్తుతం సోషల్‌ మీడియాలో వైరల్‌గా మారాయి.  Virat Kohli reaches Ayodhya for Ram Mandir Pran Pratishtha 🛕#ViratKohli #RamMandir #Ayodhya #CricketTwitter pic.twitter.com/k132x5UNv9 — InsideSport (@InsideSportIND) January 22, 2024

సచిన్‌ టెండూల్కర్‌తో పాటు భారత్‌, ఇతర దేశాలకు చెందిన క్రికెట్‌ దిగ్గజాలు మరోసారి బరిలోకి దిగారు. మధుసూదన్ సాయి గ్లోబల్ హ్యుమానిటేరియన్ మిషన్‌ ఆధ్వర్యంలో జరిగిన 'వన్‌ వరల్డ్‌ వన్‌ ఫ్యామిలీ' కప్‌లో వీరంతా రెండు టీమ్‌లుగా విడిపోయి ఫ్రెండ్లీ మ్యాచ్‌ ఆడారు. ఈ మ్యాచ్‌ ద్వారా సేకరించబడే డబ్బును మధుసూదన్ సాయి గ్లోబల్ మిషన్‌ వారు నిరుపేదల కోసం వినియోగిస్తారు. Sachin Ramesh Tendulkar is Back Guys 🔥🐐pic.twitter.com/170aFmQQ9Q — Arun Vijay (@AVinthehousee) January 18, 2024 ఐక్యత యొక్క శక్తిని, మానవత్వం యొక్క బలాన్ని, సామాజిక బాధ్యత యొక్క భావాన్ని వెదజల్లడానికి ఈ ఫ్రెండ్లీ క్రికెట్‌ మ్యాచ్‌ నిర్వహిస్తున్నట్లు నిర్వహకులు తెలిపారు.  Sachin Tendulkar rolling his arms after a long time and got a wicket.pic.twitter.com/4WiqVlCsZu— Mufaddal Vohra (@mufaddal_vohra) January 18, 2024 మ్యాచ్‌ విషయానికొస్తే.. కర్ణాటకలోని ముద్దెనహళ్లిలో జరిగిన ఈ మ్యాచ్‌లో సచిన్‌ కెప్టెన్సీలోని వన్‌ వరల్డ్‌, యువరాజ్‌ సింగ్‌ నాయకత్వంలోని వన్‌ ఫ్యామిలీ జట్లు తలపడ్డాయి. తొలుత బ్యాటింగ్‌ చేసిన వన్‌ ఫ్యామిలీ.. 20 ఓవర్లలో 6 వికెట్ల నష్టానికి 180 పరుగులు చేసింది. Watching Sachin Tendulkar play live for the first time and he has taken a wicket in his 2nd over. 🐐 - 50 years old, he still got it. #OWOFCup pic.twitter.com/MWSglJHdqO — Johns. (@CricCrazyJohns) January 18, 2024 ఇంగ్లండ్‌ ఆటగాడు డారెన్‌ మ్యాడీ (51) అర్ధసెంచరీతో రాణించగా.. లంక మాజీ వికెట్‌కీపర్‌ కలువితరణ 22, టీమిండియా మాజీ ఆటగాళ్లు యూసఫ్‌ పఠాన్‌ 38, యువరాజ్‌ సింగ్‌ 23 పరుగులు చేశారు. వన్‌ వరల్డ్‌ బౌలర్లలో హర్భజన్‌ సింగ్‌ 2 వికెట్లు పడగొట్టగా.. సచిన్‌, ఆర్పీ సింగ్‌, అశోక్‌ దిండా, మాంటీ పనేసర్‌ తలో వికెట్‌ దక్కించుకున్నారు.  అన్న బౌలింగ్‌లో సిక్సర్‌ కొట్టి గెలిపించిన ఇర్ఫాన్‌ పఠాన్‌  181 పరుగుల లక్ష్యాన్ని ఛేదించేందుకు బరిలోకి దిగిన వన్‌ వరల్డ్‌.. అల్విరో పీటర్సన్‌ (74), సచిన్‌ టెండూల్కర్‌ (27), నమన్‌ ఓఝా (25), ఉపుల్‌ తరంగ (29) రాణించడంతో 19.5 ఓవర్లలో విజయతీరాలకు చేరింది. యూసఫ్‌ పఠాన్‌ బౌలింగ్‌లో అతని సోదరుడు ఇర్ఫాన్‌ పఠాన్‌ ఆఖరి ఓవర్‌ ఐదో బంతికి సిక్సర్‌ బాది తన జట్టును గెలిపించాడు. One World needed 3 in 2 balls: Irfan Pathan smashed a six against Yusuf Pathan, after that Irfan hugged Yusuf. pic.twitter.com/1QPPfcVkNG — Mufaddal Vohra (@mufaddal_vohra) January 18, 2024 వన్‌ ఫ్యామిలీ బౌలర్లలో చమింద వాస్‌ 3 వికెట్లు పడగొట్టగా.. ముత్తయ్య మురళీథరన్‌, యువరాజ్‌ సింగ్‌, జేసన్‌ క్రేజా తలో వికెట్‌ దక్కించుకున్నారు. చాలాకాలం తర్వాత క్రికెట్‌ దిగ్గజాలు బరిలోకి దిగడ​ం చూసి అభిమానులు ఆనందం వ్యక్తం చేస్తున్నారు. ఈ మ్యాచ్‌కు సంబంధించిన పోస్ట్‌లు ప్రస్తుతం సోషల్‌మీడియాలో వైరలవుతున్నాయి. Sachin's Team Won the match 💙💥 pic.twitter.com/T4cRvUmMsO — 𝑺𝒉𝒆𝒃𝒂𝒔 (@Shebas_10dulkar) January 18, 2024

సాక్షి, న్యూఢిల్లీ: క్రికెట్‌ దిగ్గజం సచిన్‌ టెండూల్కర్‌ డీప్‌ ఫేక్‌ బారిన పడ్డారు. ఓ ఇన్వెస్ట్‌మెంట్‌ యాప్‌ కోసం ఆయన ప్రచారం చేస్తున్నట్లుగా ఓ వ్యక్తి సోషల్‌ మీడియాలో వీడియోను పోస్ట్‌ చేశాడు. ‘స్వైవార్డ్‌ ఏవియేటర్‌ క్వెస్ట్‌’యాప్‌లో నా కుమార్తె గేమ్‌ ఆడుతుంది. ఈ గేమ్‌ ద్వారా రోజుకు 2100 డాలర్లు సంపాదిస్తోంది. చాలా మంది ఈ యాప్‌ ద్వారా గేమ్‌ ఆడి డబ్బు సంపాదిస్తున్నారు’అంటూ ఓ వీడియో ఇంటర్నెట్‌లో చక్కర్లు కొడుతోంది. దీనిపై సచిన్‌ టెండూల్కర్‌ సోమవారం స్పందించారు. డీప్‌ ఫేక్‌ల వ్యాప్తిని అరికట్టడానికి ప్రభుత్వాల నుంచి సత్వర చర్యలు చాలా కీలకం’అంటూ ‘ఎక్స్‌’లో ట్వీట్‌ చేశారు. కేంద్ర సహాయ మంత్రి రాజీవ్‌ చంద్రశేఖర్‌లతో పాటు మహారాష్ట్ర సైబర్‌ క్రైంలకు ఆయన ట్యాగ్‌ చేశారు. సచిన్‌ ట్వీట్‌పై మంత్రి రాజీవ్‌ చంద్రశేఖర్‌ స్పందించారు. ఏఐ, డీప్‌ ఫేక్‌ వంటి వాటి నుంచి ప్రజలకు రక్షణ కలి్పంచేందుకు త్వరలోనే పటిష్టమైన ఐటీ చట్టాలను అమల్లోకి తీసుకోస్తున్నట్లు పేర్కొన్నారు.

సోషల్‌ మీడియాలో డీప్‌ఫేక్‌ వీడియోలకు అదుపులేకుండా పోతోంది. ఇప్పటికే ఎంతో మంది సెలబ్రిటీలు డీప్‌ఫేక్‌ బారిన పడగా.. టీమిండియా క్రికెట్‌ దిగ్గజం సచిన్‌ టెండుల్కర్‌ కూడా తాజాగా ఆ బాధితుల జాబితాలో చేరాడు. ఓ గేమింగ్‌ అప్లికేషన్‌ను సచిన్‌ ప్రమోట్‌ చేస్తున్నట్లుగా నకిలీ వీడియోను రూపొందించి నెట్టింట వదిలారు సైబర్‌ నేరాలకు అలవాటు పడ్డ మాయగాళ్లు. ఇది కాస్తా తన వరకు చేరడంతో.. ఎక్స్‌ వేదికగా స్పందించాడీ బ్యాటింగ్‌ లెజెండ్‌. ఇవన్నీ నకిలీ వీడియోలు ‘‘ఈ వీడియోలు నకిలీవి. టెక్నాలజీని ఇంతలా దుర్వినియోగం చేయడం చూస్తుంటే మనసు కలచివేస్తోంది. ఇలాంటి వీడియోలు, యాడ్స్‌, అప్లికేషన్లు గనుక మీ దృష్టికి వస్తే ప్రతి ఒక్కరు తప్పక రిపోర్టు చేయండి’’ ని సచిన్‌ టెండుల్కర్‌.. తన ఫాలోవర్లకు సూచించాడు. అదే విధంగా.. ‘‘ఇలాంటి ఫిర్యాదుల పట్ల సోషల్‌ మీడియా ప్లాట్‌ఫామ్‌లు కూడా వేగంగా స్పందించి సత్వరమే చర్యలు తీసుకోవాలి. డీప్‌ఫేక్స్‌, తప్పు సమాచారవ్యాప్తికి అడ్డుకట్ట వేయాలి’’ అని సోషల్‌ మీడియా ప్లాట్‌ఫామ్‌ మేనేజ్‌మెంట్లకు విజ్ఞప్తి చేశాడు సచిన్‌ టెండుల్కర్‌. గిల్‌తో ఉన్నట్లుగా ఫొటో మార్ఫ్‌ చేసి కాగా సచిన్‌ టెండుల్కర్‌ కుమార్తె సారా టెండుల్కర్‌ కూడా డీప్‌ఫేక్‌ బారిన పడిన విషయం తెలిసిందే. టీమిండియా స్టార్‌ ఓపెనర్‌ శుబ్‌మన్‌ గిల్‌తో ఆమె సన్నిహితంగా ఉన్నట్లు ఫొటోను సృష్టించారు. తన తమ్ముడు అర్జున్‌ టెండుల్కర్‌తో సారా దిగిన ఫొటోను మార్ఫ్‌ చేసి లీక్‌ చేశారు. అంతేకాదు ఆమె పేరిట ఫేక్‌ అకౌంట్లు సృష్టించి గిల్‌ పట్ల ప్రేమను చాటుకుంటున్నట్లుగా పోస్టులు పెట్టారు. ఈ విషయంపై స్పందించిన సారా టెండుల్కర్‌ సాంకేతికతను దుర్వినియోగం చేస్తూ తన వ్యక్తిగత గోప్యతకు భంగం కలిగిస్తున్న వారిపై తక్షణమే చర్యలు తీసుకోవాలని ఎక్స్‌ నిర్వాహకులకు విజ్ఞప్తి చేసింది.  చదవండి: చరిత్రకు ఆరు పరుగుల దూరంలో కోహ్లి.. కొడితే!

రంజీట్రోఫీ-2024 సీజన్‌ను సచిన్‌ టెండూల్కర్‌ తనయడు అర్జున్ టెండూల్కర్‌ పేలవంగా ఆరభించాడు. ఈ టోర్నీలో గోవాకు ప్రాతనిథ్యం వహిస్తున్న అర్జున్‌.. త్రిపురతో జరుగుతున్న మ్యాచ్‌లో తన మార్క్‌ను చూపించలేకపోయాడు. తొలుత బౌలింగ్‌లో రెండు వికెట్లు పడగొట్టనప్పటికీ భారీగా పరుగులు సమర్పించుకున్నాడు. అనంతరం బ్యాటింగ్‌లో కేవలం 11 పరుగులు మాత్రమే చేసి నిరాశపరిచాడు. జట్టు కష్టాల్లో ఉన్నప్పుడు క్రీజులోకి వచ్చిన అర్జున్‌ జట్టున ఆదుకోవడంలో విఫలమయ్యాడు.  కాగా ఈ రంజీ సీజన్‌ ఆరంభానికి ముందు గతేడాది జరిగిన విజయ్‌ హాజారే ట్రోఫీలో అర్జున్‌ అద్బుతమైన ప్రదర్శన కనబరిచాడు. 11 వికెట్లతో అర్జున్‌ అదరగొట్టాడు.దీంతో ఫస్ట్‌క్లాస్‌ క్రికెట్‌ టోర్నీ రంజీ ట్రోఫీలో కూడా అతడిపై భారీ అంచనాలు నెలకొన్నాయి.  కానీ తొలి మ్యాచ్‌లో మాత్రం అర్జున్‌ అంచనాలను అందుకోలేకపోయాడు. ఇక మ్యాచ్‌ విషయానికి వస్తే.. గోవా తమ తొలి ఇన్నింగ్స్‌లో కేవలం 135 పరుగులకే కుప్పకూలింది. త్రిపుర బౌలింగ్‌లో ఏకే సర్కార్‌ 4 వికెట్లతో గోవా పతనాన్ని శాసించాడు. అతడితో పాటు మురా సింగ్‌, రానా దత్తా తలా 3 వికెట్లు సాధించారు.  

తొలి టెస్టులో ఓటమికి టీమిండియా బదులు తీర్చుకుంది. కేప్‌టౌన్‌ వేదికగా జరిగిన రెండో టెస్టులో 7 వికెట్ల తేడాతో దక్షిణాఫ్రికాను టీమిండియా చిత్తు చేసింది. దీంతో రెండు మ్యాచ్‌ల సిరీస్‌ను 1-1తో భారత జట్టు సమం చేసింది. అంతేకాకుండా కేప్‌టౌన్‌లో తమ తొలి టెస్టు విజయాన్ని టీమండియా నమోదు చేసింది.  ఇక భారత్‌ విజయంలో టీమిండియా పేసర్లు మహ్మద్‌ సిరాజ్‌, జస్ప్రీత్‌ బుమ్రా కీలక పాత్ర పోషించారు. తొలి ఇన్నింగ్స్‌లో సిరాజ్‌ 6 వికెట్లతో సౌతాఫ్రికా పతనాన్ని శాసించగా.. రెండో ఇన్నింగ్స్‌లో బుమ్రా సైతం 6 వికెట్లతో సఫారీలను చావు దెబ్బతీశాడు. ఓవరాల్‌గా ఈ టెస్టులో సిరాజ్‌ 7 వికెట్లు, బుమ్రా 8 వికెట్లు పడగొట్టారు. ఈ క్రమంలో ప్రోటీస్‌ జట్టుతో సిరీస్‌ను సమం చేసిన రోహిత్‌ సేనను భారత క్రికెట్‌ దిగ్గజం సచిన్‌ టెండూల్కర్‌ అభినందించాడు. అదే విధంగా రెండో ఇన్నింగ్స్‌లో సెంచరీతో చెలరేగిన ప్రోటీస్‌ ఓపెనర్‌ ఐడైన్‌ మార్‌క్రమ్‌పై లిటిల్‌మాస్టర్‌ ప్రశంసల వర్షం కురిపించాడు.  'సిరీస్‌ను సమం చేసిన టీమిండియాకు అభినందనలు. అదేవిధంగా మార్క్రామ్ ఆడిన విధానం అద్భుతం. అతడి గురించి ఎంత మాట్లాడుకున్న తక్కువే. ఇటువంటి పిచ్‌పై కొన్ని సార్లు బౌలర్లపై ఎటాక్‌ చేయడమే సరైన నిర్ణయం. మార్క్రామ్ అదే చేసి చూపించాడు. ఇక బుమ్రా కూడా అద్బుతంగా బౌలింగ్‌ చేశాడు. ఇటువంటి పిచ్‌పై ఎలా బౌలింగ్‌ చేయాలన్నది బుమ్రా చేసి చూపించాడని" సచిన్‌ ఎక్స్‌(ట్విటర్‌)లో రాసుకొచ్చాడు. Congratulations to #TeamIndia for levelling the series! Markram’s approach was fantastic because sometimes attack is the best form of defence on a pitch like this. Well bowled by Bumrah, who showed us exactly, how bowling in the channel consistently is all that’s required on such… pic.twitter.com/e1HDLq0IgR — Sachin Tendulkar (@sachin_rt) January 4, 2024

కేప్‌టౌన్‌ వేదికగా దక్షిణాఫ్రికా-భారత్‌ మధ్య రెండో టెస్టు రసవత్తరంగా ప్రారంభమైంది. తొలి రోజే ఆసక్తికర మలుపులు చోటు చేసుకున్నాయి. న్యూలాండ్స్‌ పిచ్‌పై ఇరు జట్ల పేసర్లు నిప్పులు చేరిగారు. ఫలితంగా మొదటి రోజే ఏకంగా 23 వికెట్లు నేలకూలాయి. తొలి ఇన్నింగ్స్‌లో మొదట బ్యాటింగ్‌ చేసిన సౌతాఫ్రికా.. టీమిండియా పేసర్‌ సిరాజ్‌ దాటికి కేవలం 55 పరుగులకే కుప్పకూలింది. సిరాజ్ 6 వికెట్లతో చెలరేగగా.. బుమ్రా, ముఖేస్‌ కుమార్‌ తలా రెండు వికెట్లతో తమ వంతు పాత్ర పోషించారు. ఆ తర్వాత తమ తొలి ఇన్నింగ్స్‌ను ప్రారంభించిన టీమిండియాది కూడా అదే తీరు. ఒక దశలో స్కోరు 153/4 వద్ద పటిష్ట స్ధితిలో నిలిచింది. దీంతో తొలి రోజును భారీ అధిక్యంతో భారత్‌ ముగిస్తుందని అభిమానులంతా భావించారు. కానీ ఇక్కడే అసలు ట్విస్ట్‌ చేసుకుంది. చివరి 11 బంతుల్లో ఒక్క పరుగు కూడా తీయకుండా జట్టు 6 వికెట్లు కోల్పోయింది. దీంతో భారత్‌ ఇన్నింగ్స్‌ అదే స్కోరు వద్ద టీమిండియా ఆలౌటైంది. సచిన్‌ రియాక్షన్‌ ఇదే.. ఇక ఒకే రోజులో 23 వికెట్లు కోల్పోవడంపై భారత క్రికెట్‌ దిగ్గజం సచిన్ టెండూల్కర్ స్పందించాడు. "ఒకే రోజు 23 వికెట్లతో ఈ ఏడాది క్రికెట్‌ ఆరంభమైంది. ఇది ఇప్పటికి నేను నమ్మలేకపోతున్నాను. సౌతాఫ్రికా ఆలౌటైనప్పుడు నేను ఫ్లైట్‌ ఎక్కాను. నేను ఇంటికి వచ్చి టీవీలో చూస్తే దక్షిణాఫ్రికా 3 వికెట్లు కోల్పోయి బ్యాటింగ్‌ చేస్తోంది. నేను ఆశ్చర్యపోయాను. ఈ గ్యాప్‌లో నేను ఏమి మిస్సయ్యాను?" అని సచిన్‌ ఎక్స్‌( ట్వీట్‌) చేశాడు. Cricket in ‘24 begins with 23 wickets falling in a single day. Unreal! Boarded a flight when South Africa was all out, and now that I'm home, the TV shows South Africa has lost 3 wickets. What did I miss?#SAvIND — Sachin Tendulkar (@sachin_rt) January 3, 2024

గత కొన్నేళ్లుగా టెస్టుల్లో తనదైన ముద్ర వేస్తూ ముందుకు సాగుతున్నాడు ఆస్ట్రేలియా స్పిన్నర్‌ నాథన్‌ లియోన్‌. ఆసీస్‌ తరఫున టెస్టుల్లో అత్యధిక వికెట్లు తీసిన రెండో స్పిన్‌ బౌలర్‌గా చరిత్రకెక్కిన అతడు.. మరో నాలుగేళ్ల పాటు కెరీర్‌ కొనసాగించాలని భావిస్తున్నాడు. సొంతగడ్డపై పాకిస్తాన్‌తో టెస్టు సిరీస్‌ సందర్భంగా 500 వికెట్ల క్లబ్‌లో చేరిన ఈ ఆఫ్‌ స్పిన్నర్‌.. ఈ ఘనత సాధించిన ఓవరాల్‌ బౌలర్ల జాబితాలో ఎనిమిదో స్థానంలో ఉన్నాడు. అదే విధంగా ఈ మైలురాయి అందుకున్న స్పిన్నర్ల జాబితాలో నాలుగో స్థానంలో కొనసాగుతున్నాడు. ఇక సుదీర్ఘ కెరీర్‌లో ఎంతో మంది బ్యాటర్లను ఎదుర్కొన్న నాథన్‌ లియోన్‌.. ముగ్గురు మాత్రం తనకు కఠిన సవాల్‌ విసిరారని పేర్కొన్నాడు. టీమిండియా దిగ్గజం సచిన్‌ టెండుల్కర్‌ సహా రికార్డుల వీరుడు విరాట్‌ కోహ్లి, సౌతాఫ్రికా లెజెండ్‌ ఏబీ డివిలియర్స్‌ తాను ఫేస్‌ చేసిన బౌలర్లలో అత్యుత్తమ బ్యాటర్లు అని తెలిపాడు. కాగా కోహ్లి- లియోన్‌ ముఖాముఖి పోరులో రన్‌మెషీన్‌దే పైచేయి కావడం విశేషం. టెస్టుల్లో ఇప్పటి వరకు కోహ్లి లియోన్‌ బౌలింగ్‌లో కేవలం ఏడుసార్లు అవుట్‌ కాగా.. 75కు పైగా సగటుతో పరుగులు సాధించాడు. అదే విధంగా వన్డేల్లో లియోన్‌ బౌలింగ్‌లో 96కు పైగా స్ట్రైక్‌రేటుతో 100 పరుగులు సాధించిన కోహ్లి.. ఒక్కసారి కూడా అవుట్‌ కాలేదు. మరోవైపు.. టెస్టుల్లో లియోన్‌పై డివిలియర్స్‌ది కూడా పైచేయే! అతడి బౌలింగ్‌లో 171 సగటుతో 342 పరుగులు సాధించిన ఏబీడీ.. కేవలం రెండుసార్లు వికెట్‌ సమర్పించుకున్నాడు. అయితే, టెండుల్కర్‌కు మాత్రం నాథన్‌ లియోన్‌ బౌలింగ్‌లో మెరుగైన రికార్డు లేదు. టెస్టుల్లో ఈ ఆఫ్‌ స్పిన్నర్‌ బౌలింగ్‌లో కేవలం సగటు 29 కలిగి ఉన్న సచిన్‌ నాలుగుసార్లు అవుటయ్యాడు. కాగా నాథన్‌ లియోన్‌ తదుపరి పాకిస్తాన్‌తో మూడో టెస్టు సందర్భంగా మైదానంలో దిగనున్నాడు. సిడ్నీ వేదికగా బుధవారం నుంచి ఈ మ్యాచ్‌ ఆరంభం కానుంది. ఈ నేపథ్యంలో మీడియాతో మాట్లాడిన నాథన్‌ లియోన్‌.. తాను ఎదుర్కొన్న గొప్ప బ్యాటర్ల జాబితాలో ముందుగా విరాట్‌ కోహ్లి పేరు చెప్పాడు. సచిన్‌ టెండుల్కర్‌, ఏబీ డివిలియర్స్‌లను అవుట్‌ చేసేందుకు కూడా తానెంతో కష్టపడాల్సి వచ్చేదని ఈ సందర్భంగా వెల్లడించాడు.  చదవండి: Aus Vs Pak: నా రికార్డు బ్రేక్‌ చేసే సత్తా అతడికే ఉంది: ఆసీస్‌ దిగ్గజ బౌలర్‌

ప్రపంచ క్రికెట్‌లో దిగ్గజ బ్యాటర్‌ అనగానే గుర్తొచ్చే పేరు సచిన్‌ టెండుల్కర్‌. పదహారేళ్ల వయసులో.. 1989లో టీమిండియా తరఫున అరంగేట్రం చేసిన ‘మాస్టర్‌ బ్లాస్టర్‌’ 2013లో ఆటకు వీడ్కోలు పలికాడు. ఇరవై నాలుగేళ్లపాటు సాగిన ఈ సుదీర్ఘ ప్రయాణంలో అతడు లెక్కకుమిక్కిలి ఘనతలు సాధించిన విషయం తెలిసిందే. అంతర్జాతీయ క్రికెట్‌లో ఏకంగా వంద సెంచరీలు చేసిన ఆటగాడిగా కొనసాగుతున్న ఈ లెజెండ్‌.. అత్యధిక పరుగుల వీరుడిగానూ చెక్కు చెదరని రికార్డును తన పేరిట లిఖించుకున్నాడు. వీటితో పాటు మరెన్నో అరుదైన ఫీట్లు నమోదు చేసి అత్యుత్తమ క్రికెటర్‌గా నేటికీ నీరాజనాలు అందుకుంటున్నాడు. అయితే, ఆస్ట్రేలియన్లు మాత్రం వెస్టిండీస్‌ లెజెండ్‌ బ్రియన్‌ లారానే సచిన్‌ కంటే మెరుగైన ఆటగాడని భావిస్తారట. సౌతాఫ్రికా మాజీ కెప్టెన్‌ అలీ బచర్‌ ఈ మాట అంటున్నాడు. అయితే, తన దృష్టిలో మాత్రం సచిన్‌.. లారా కంటే ఎంతో గొప్ప క్రికెటర్‌ మాత్రమే కాదు.. మంచి మనిషి కూడా అని పేర్కొన్నాడు. అందుకే సచిన్‌ గొప్ప బ్యాటర్‌ అంటాను ఈ మేరకు హిందుస్థాన్‌ టైమ్స్‌తో మాట్లాడుతూ.. ‘‘సచిన్‌ టెండుల్కర్‌ అసాధారణ ఆటగాడు. అందరిలా కాకుండా.. అతడు వేరొక గ్రహం నుంచి వచ్చాడనే అనుకుంటా. అతడు ఆడిన గొప్ప ఇన్నింగ్స్‌ ఎన్నో చూశాను. అయితే, వాటన్నింటి కంటే కూడా వ్యక్తిగా అతడు మిగత వారి కంటే ఎంతో ఉత్తముడు. అతడు మైదానంలోపల లేదంటే వెలుపల.. ఎవరితోనైనా వాదనకు దిగడం చూశారా? నేనైతే ఎప్పుడూ అలాంటివి చూడలేదు. అందుకే అతడు మిగతా వాళ్లకంటే గొప్పవాడు. ఆనందజీవి అని చెబుతాను. మీకు తెలుసా.. ఆస్ట్రేలియన్లు సచిన్‌ కంటే లారా బెటర్‌ అని భావిస్తారు. నేనైతే ఆ మాటను రబ్బిష్‌ అని కొట్టిపారేస్తా. బ్రియన్‌ లారా నాలుగు మిలియన్ల మంది ముందు ఆడితే.. ఈ మనిషి(సచిన్‌ను ఉద్దేశించి) 1.4 బిలియన్ల మంది కోసం ఆడాడు. అలాంటపుడు అతడిపై ఎంత ఒత్తిడి ఉంటుందో ఒక్కసారైనా ఆలోచించారా? అదీ అతడి గొప్పతనం’’ అని అలీ బచర్‌.. సచిన్‌ టెండుల్కర్‌పై ప్రశంసల వర్షం కురిపించాడు. కాగా అలీ సౌతాఫ్రికా తరఫున పన్నెండు టెస్టు మ్యాచ్‌లు ఆడాడు. పరుగుల వీరుడు సచిన్‌ టెండుల్కర్‌ అంతర్జాతీయ కెరీర్‌ సచిన్‌ టెండుల్కర్‌ టెస్టుల్లో 15,921 పరుగులు సాధించాడు. ఇందులో 51 శతకాలు ఉన్నాయి. ఇక వన్డేల్లో 18426 రన్స్‌ తీశాడు. ఇందులో 49 సెంచరీలు ఉన్నాయి. టీమిండియా తరఫున ఆరు ప్రపంచకప్‌ టోర్నీల్లో ప్రాతినిథ్యం వహించాడు. 2011లో వన్డే వరల్డ్‌కప్‌ గెలిచిన జట్టులో సభ్యుడు. చదవండి: 2024 ఏడాదిలో టీమిండియా షెడ్యూల్‌ ఇదే.. ఈ సారైనా కల నెరవేరేనా?

2023 ఏడాదిని భారత క్రికెట్‌ జట్టు ఓటమితో ముగిచింది. సెంచూరియన్‌ వేదికగా సౌతాఫ్రికాతో జరిగిన తొలి టెస్టులో ఇన్నింగ్స్‌ 32 పరుగుల తేడాతో టీమిండియా పరాజయం పాలైంది. దీంతో దక్షిణాఫ్రికా గడ్డపై తొలిసారి టెస్టు సిరీస్‌ను గెలవాలనకున్న టీమిండియాకు మరోసారి నిరాశే ఎదురైంది. ఇక ఈ ‍బ్యాక్సింగ్‌ డే టెస్టులో ఆతిథ్య దక్షిణాఫ్రికా బ్యాటింగ్‌, బౌలింగ్‌ రెండు విభాగాల్లోనూ అదరగొట్టింది. రెండో ఇన్నింగ్స్‌లో సఫారీ పేసర్ల దాటికి భారత్‌ కేవలం 131 పరుగులకే కుప్పకూలింది. రెండో ఇన్నింగ్స్‌లో విరాట్‌ కోహ్లి(76) మినహా మిగితా బ్యాటర్లంతా దారుణంగా విఫలమయ్యారు. దక్షిణాఫ్రికా బౌలర్లలో నండ్రే బర్గర్‌ 4 వికెట్లతో చెలరేగగా.. జానెసన్‌ 3, రబాడ రెండు వికెట్లు సాధించారు. అంతకుముందు దక్షిణాఫ్రికా తొలి ఇన్నింగ్స్‌లో 408 పరుగులు చేసింది. ప్రోటీస్‌ ఓపెనర్‌ డీన్‌ ఎల్గర్‌(185) అద్బుత సెంచరీతో మెరిశాడు. ఇక బాక్సింగ్‌ డే టెస్టులో అద్భుత విజయం సాధించిన దక్షిణాఫ్రికా పై భారత క్రికెట్‌ దిగ్గజం సచిన్‌ టెండూల్కర్‌ ప్రశంసల వర్షం కురిపించాడు. "ఈ మ్యాచ్‌లో దక్షిణాఫ్రికా అద్భుతమైన ప్రదర్శన కనబరిచింది. బ్యాటింగ్‌, బౌలింగ్‌లోనూ అదరగొట్టింది. తొలి ఇన్నింగ్స్‌ తర్వాత సౌతాఫ్రికా కొంచెం ఒత్తిడిలోకి వెళ్తుందని నేను భావించాను. కానీ వారి పేస్‌ అటాక్ అంచనాలను మించిపోయింది. రెండో ఇన్నింగ్స్‌లో ప్రోటీస్‌ పేసర్లు సంచలన ప్రదర్శన చేశారు. మ్యాచ్ జరుగుతున్న కొద్దీ పిచ్ బ్యాటింగ్‌కు అనుకూలంగా మారింది. కానీ భారత బ్యాటర్లు తమ చెత్త షాట్‌ సెలక్షన్‌ వల్ల వికెట్లను కోల్పోయారు. పరిస్థితులను అర్దం చేసుకోవడంలో విఫలమయ్యారు. ఈ మ్యాచ్‌ మొత్తంలో ఎల్గర్, జాన్సెన్, బెడింగ్‌హామ్, విరాట్‌ కోహ్లి, కేఎల్‌ రాహుల్‌ మాత్రమే బ్యాట్‌తో రాణించగల్గారు. పరిస్థితులను అర్దం చేసుకుని సరైన టెక్నిక్‌తో బ్యాటింగ్‌ చేశారు" సచిన్‌ ఎక్స్‌(ట్విటర్‌)లో రాసుకొచ్చాడు. చదవండి: IND vs SA: గెలుపు జోష్‌లో ఉన్న సౌతాఫ్రికాకు బిగ్‌ షాక్‌..

South Africa vs India, 1st Test- Centurion: సౌతాఫ్రికాతో తొలి టెస్టులో టీమిండియా వికెట్‌ కీపర్‌ బ్యాటర్‌ కేఎల్‌ రాహుల్‌ సెంచరీతో మెరిశాడు. సహచరులంతా ప్రొటిస్‌ పేస్‌ దళానికి బెంబేలెత్తిన వేళ జట్టును ఆదుకునేందుకు తానున్నానంటూ ముందుకు వచ్చి సత్తా చాటాడు. తొలి రోజు ఆట సందర్భంగా అర్ధ శతకం పూర్తి చేసి ఆలౌట్‌ గండం నుంచి తప్పించిన ఈ కర్ణాటక బ్యాటర్‌.. సెంచూరియన్‌ వేదికగా బుధవారం శతకం సాధించాడు. అప్పుడు 123... భారత ఇన్నింగ్స్‌లో 65.6వ ఓవర్‌ వద్ద గెరాల్డ్‌ కొయెట్జీ బౌలింగ్‌లో సిక్సర్‌తో వంద పరుగుల మార్కు అందుకున్నాడు. ఈ సందర్భంగా కేఎల్‌ రాహుల్‌ ప్రపంచ రికార్డు నెలకొల్పాడు. సెంచూరియన్‌లో అత్యధిక సెంచరీలు చేసిన పర్యాటక జట్టు బ్యాటర్‌గా చరిత్ర సృష్టించాడు. టీమిండియా 2021/22 టూర్‌ సందర్భంగా సెంచూరియన్‌లో 123(260 బంతుల్లో) పరుగులు సాధించిన రాహుల్‌.. తాజాగా 101(133 బంతులు) చేశాడు.  ఇక రాహుల్‌ అద్భుత సెంచరీ కారణంగా భారత్‌ తొలి ఇన్నింగ్స్‌లో 245 పరుగులు చేయగలిగింది. .@klrahul has come out with a positive mindset! What are your predictions for the total? 🤔 Tune-in to Day 2 of the #SAvIND 1st Test LIVE NOW | Star Sports Network#Cricket pic.twitter.com/yDdVCX4TBD — Star Sports (@StarSportsIndia) December 27, 2023 సౌతాఫ్రికాతో తొలి టెస్టు సందర్భంగా కేఎల్‌ రాహుల్‌ సాధించిన ఘనతలు 1. సెంచూరియన్‌లో అత్యధిక శతకాలు బాదిన పర్యాటక జట్టు ఏకైక బ్యాటర్‌ 2. సౌతాఫ్రికా గడ్డ మీద అత్యధిక సెంచరీలు చేసిన ఆసియా బ్యాటర్ల జాబితాలో చోటు(సచిన్‌ టెండుల్కర్‌ 5, అజర్‌ మహ్మూద్‌, టి సమరవీర, విరాట్‌ కోహ్లి, కేఎల్‌ రాహుల్‌-2) ఇక టెస్టుల్లో రాహుల్‌కు ఇది ఎనిమిదో సెంచరీ. విదేశీ గడ్డపై అత్యుత్తమ శతకం అని చెప్పొచ్చు. ఇక సెంచూరియన్‌ మ్యాచ్‌లో రాహుల్‌ నాండ్రీ బర్గర్‌ బౌలింగ్‌లో బౌల్డ్‌ అయి పెవిలియన్‌ చేరాడు. అతడి ఇన్నింగ్స్‌లో 14 ఫోర్లు, 4 సిక్స్‌లు ఉన్నాయి. చదవండి: న్యూజిలాండ్‌పై బంగ్లాదేశ్‌ సంచలన విజయం.. కివీస్‌ గడ్డపై తొలి గెలుపు

India Vs South Africa 1st Test: సౌతాఫ్రికాతో టెస్టు సిరీస్‌ సందర్భంగా టీమిండియా స్టార్‌ బ్యాటర్‌ విరాట్‌ కోహ్లి అరుదైన రికార్డు ముంగిట నిలిచాడు. మాజీ ఓపెనర్‌ వీరేంద్ర సెహ్వాగ్‌ పేరిట ఉన్న రికార్డు బద్దలు కొట్టేందుకు సిద్ధమయ్యాడు. కాగా మూడు టీ20, మూడు వన్డే, రెండు మ్యాచ్‌ల టెస్టు సిరీస్‌ ఆడేందుకు భారత జట్టు ప్రొటిస్‌ దేశానికి వెళ్లింది. పరిమిత ఓవర్ల సిరీస్‌లో మరోసారి సత్తా చాటి ఇందులో భాగంగా సూర్యకుమార్‌ యాదవ్‌ సారథ్యంలో టీ20 సిరీస్‌ను 1-1తో సమం చేసిన టీమిండియా.. కేఎల్‌ రాహుల్‌ కెప్టెన్సీలో వన్డేలను 2-1 తేడాతో గెలుచుకుంది. కెప్టెన్‌ రోహిత్‌ శర్మ, విరాట్‌ కోహ్లి, జస్‌ప్రీత్‌ బుమ్రా తదితర కీలక ఆటగాళ్లు లేకుండానే సౌతాఫ్రికాతో పరిమిత ఓవర్ల సిరీస్‌ ఆడి ఈ విజయాలు సాధించింది. అయితే, వరల్డ్‌కప్‌-2023 ఫైనల్‌ ఓటమి తర్వాత విశ్రాంతి తీసుకున్న ఈ ముగ్గురు స్టార్లు టెస్టు సిరీస్‌కు మాత్రం అందుబాటులోకి వచ్చారు. కాగా సఫారీ గడ్డపై ఇంతవరకు టెస్టు సిరీస్‌ గెలిచిన ఘనత ఏ భారత జట్టుకూ లేదు. అయితే, రోహిత్‌ సేన ఆ అపవాదును చెరిపివేయాలని భావిస్తోంది. ఈ సిరీస్‌లో కోహ్లి 70 పరుగులు చేశాడంటే ఇందుకోసం ఇప్పటికే బాక్సింగ్‌ డే నాటి తొలి టెస్టుకు పూర్తి స్థాయిలో సన్నద్ధమైంది. ఇక ఈ మ్యాచ్‌ సందర్భంగా విరాట్‌ కోహ్లి అరుదైన ఫీట్‌ నమోదు చేసే అవకాశం ఉంది. కాగా సౌతాఫ్రికాతో టెస్టుల్లో కోహ్లి ఇప్పటి వరకు 14 ఇన్నింగ్స్‌ ఆడి 1236 పరుగులు సాధించాడు. ఈ రెండు మ్యాచ్‌ల సిరీస్‌లో భాగంగా అతడు..  70 రన్స్‌ చేయగలిగితే... సఫారీ జట్టుతో టెస్టుల్లో అత్యధిక పరుగులు సాధించిన రెండో భారత బ్యాటర్‌గా చరిత్ర సృష్టిస్తాడు. తద్వారా మాజీ ఓపెనర్‌ వీరేంద్ర సెహ్వాగ్‌ను అధిగమించి దిగ్గజ బ్యాటర్‌ సచిన్‌ టెండుల్కర్‌ తర్వాతి స్థానాన్ని ఆక్రమిస్తాడు. (ఒకవేళ ఈ సిరీస్‌లో పూర్తిగా విఫలమై కేవలం 15 పరుగులకే పరిమితమైతే సెహ్వాగ్‌ తర్వాతి స్థానంలో ఉన్న రాహుల్‌ ద్రవిడ్‌ను కూడా అధిగమించలేడు). సౌతాఫ్రికాతో టెస్టుల్లో అత్యధిక పరుగులు సాధించిన భారత బ్యాటర్లు 1.సచిన్‌ టెండుల్కర్‌- 24 టెస్టుల్లో 1741 రన్స్‌ 2.వీరేంద్ర సెహ్వాగ్‌- 15 టెస్టుల్లో 1306 పరుగులు 3.రాహుల్‌ ద్రవిడ్‌- 21 టెస్టుల్లో 1252 పరుగులు 4.విరాట్‌ కోహ్లి- 14 ఇన్నింగ్స్‌లో 1236 పరుగులు 5.వీవీఎస్‌ లక్ష్మణ్‌- 17 మ్యాచ్‌లలో 976 పరుగులు 6. సౌరవ్‌ గంగూలీ- 17 మ్యాచ్‌లలో 947 పరుగులు 7. అజింక్య రహానే- 13 టెస్టుల్లో 884 పరుగులు. చదవండి: స్టార్‌ బౌలర్లకు షాకిచ్చిన అఫ్గన్‌ బోర్డు.. రెండేళ్ల నిషేధం! ఐపీఎల్‌ ఫ్రాంఛైజీలకు ఎదురుదెబ్బ

ఐపీఎల్‌-2024 సీజన్‌కు ముందు రోహిత్‌ శర్మను కెప్టెన్సీ నుంచి తప్పించి ముంబై ఇండియన్స్‌ వార్తల్లోకెక్కిన సంగతి తెలిసిందే. రోహిత్‌ స్ధానంలో హార్దిక్‌ పాండ్యాను తమ జట్టు కొత్త సారథిగా ముంబై ఫ్రాంచైజీ నియమించింది. ప్రస్తుతం క్రికెట్‌ వర్గాల్లో ఇదే హాట్‌టాపిక్‌. రోహిత్‌ను కెప్టెన్సీ నుంచి తొలిగించడంపై భిన్నభిప్రాయాలు వ్యక్తమవుతున్నాయి. అయితే ముంబై ఫ్రాంచైజీకి సంబంధించి మరో వార్త ఇప్పుడు సోషల్‌ మీడియాలో వైరల్‌ అవుతోంది. రోహిత్‌ను కెప్టెన్సీ నుంచి తప్పించడం పట్ల ఆసంతృప్తిగా ఉన్న క్రికెట్‌ గాడ్‌ సచిన్‌ టెండూల్కర్‌ ముంబై ఇండియన్స్‌ మెంటార్‌ పదవికి రాజీనామా చేయనున్నాడన్నది ఆ వార్త సారంశం. సచిన్‌ తన నిర్ణయాన్ని ముంబై యాజమాన్యానికి తెలియజేసినట్లు ఓ పోస్ట్‌ సోషల్‌ మీడియాలో తెగ చక్కెర్లు కొడుతోంది. క్లారిటీ ఇదిగో.. ఇక ఇదే విషయంపై మాస్టర్‌ బ్లాస్టర్‌ను ఓ జాతీయ మీడియా ఛానల్‌ సంప్రదించినట్లు తెలుస్తోంది. అయితే అవన్నీ వట్టి రూమర్సే అని సచిన్‌ కొట్టిపారేసినట్లు సమాచారం. వచ్చే సీజన్‌లో కూడా ముంబై మెంటార్‌గా సచిన్‌ కొనసాగనున్నట్లు పలు రిపోర్టులు పేర్కొంటున్నాయి. కాగా 2014 సీజన్‌ నుంచి ముంబై ముంబై మెంటార్‌గా సచిన్‌ తన సేవలు అందిస్తున్నాడు. అదే విధంగా 5 సీజన్ల పాటు ముంబై ఇండియన్స్‌కు సచిన్‌ ప్రాతినిథ్యం వహించాడు. తన ఐపీఎల్‌ కెరీర్‌లో 78 మ్యాచ్‌లు ఆడిన టెండూల్కర్‌.. 2334 పరుగులు చేశాడు. చదవండి: Asia Cup 2023: సెమీస్‌లో భారత్‌ను ఓడించి.. కట్‌చేస్తే ఇప్పుడు ఏకంగా ఛాంపియన్స్‌గా 🚨Breaking News🚨 Sachin Tendulkar stepped down from mentor role of Mumbai Indians. RIP MUMBAI INDIANS pic.twitter.com/qKq17TQF60 — Shubham 𝕏 (@DankShubhum) December 16, 2023

ఓ ప్లేయర్‌ అద్భుతంగా ఆడుతూ ఉంటే.. ఆ క్రీడలో దిగ్గజాలతో పోలిక పెట్టి మాట్లాడుతూ విశ్లేషణలు సహజం. అయితే, కొన్నిసార్లు ఆ పోలిక వాళ్లకు చేకూర్చే మేలు కంటే.. నష్టమే ఎక్కువగా ఉంటుందని చెప్పవచ్చు. కొంతమంది టీమిండియా యువ క్రికెటర్ల విషయంలో ఇలాగే జరిగింది. ప్రస్తుతం.. అంతర్జాతీయ టీ20లలో రింకూ సింగ్‌ అదరగొడుతున్న తరుణంలో దిగ్గజ కెప్టెన్‌ మహేంద్ర సింగ్‌ ధోనితో అతడి ఆట తీరును పోలుస్తున్నారు విశ్లేషకులు. ధోని స్టైల్లో మ్యాచ్‌ ముగిస్తున్న తీరుకు ఫిదా అవుతూ నయా ఫినిషర్‌ వచ్చేశాడంటూ ప్రశంసలు కురిపిస్తున్నారు. అయితే, మరికొందరు మాత్రం ఇప్పుడే ధోని వారసుడిగా ట్యాగ్‌ వేసి రింకూపై ఒత్తిడి పెంచొద్దనే అభిప్రాయాలు వ్యక్తం చేస్తున్నారు. విధ్వంసకర బ్యాటింగ్‌తో ప్రత్యర్థి జట్టు బౌలర్లపై విరుచుకుపడుతున్న రింకూపై ఇలాంటి ప్రశంసలు ఒత్తిడి పెంచే అవకాశం ఉందని పేర్కొంటున్నారు. హార్దిక్‌ వారసుడంటూ.. గతంలో వెంకటేశ్‌ అయ్యర్‌, పృథ్వీ షా విషయంలో ఇలాంటి పోలికలు కొంపముంచాయంటూ వారి పేర్లను ఉదాహరిస్తున్నారు. కాగా ఐపీఎల్‌లో కోల్‌కతా నైట్‌రైడర్స్‌కు ప్రాతినిథ్యం వహిస్తున్న వెంకటేశ్‌ అయ్యర్‌.. ఐపీఎల్‌ 2021లో అద్భుత ప్రదర్శనతో ఆకట్టుకున్న విషయం తెలిసిందే. ఈ క్రమంలో టీమిండియా తరఫున అరంగేట్రం చేసిన ఈ ఆల్‌రౌండర్‌ హార్దిక్‌ పాండ్యా స్థానాన్ని భర్తీ చేయగలడంటూ ప్రశంసల వర్షం కురిసింది. గాయాల బెడదతో సతమతమవుతున్న పాండ్యా కెరీర్‌ సందిగ్దంలో పడిన సమయంలో వెంకటేశ్‌ అతడి వారసుడిగా భారత జట్టులో చోటు ఖాయం చేసుకోవడం ఖాయమనే అభిప్రాయాలు వ్యక్తమయ్యాయి. జట్టులో చోటే కరువు కానీ.. పాండ్యా రీఎంట్రీ ఇచ్చి.. వైస్‌ కెప్టెన్‌ స్థాయికి ఎదిగిన తర్వాత వెంకటేశ్‌ అయ్యర్‌కు జట్టులో స్థానమే కరువైంది. గతేడాది ఫిబ్రవరిలో చివరగా వెంకటేశ్‌ టీమిండియా తరఫున ఆడాడు. సచిన్‌ అంతటి వాడవుతాడు ఇక పృథ్వీ షా.. ఈ ముంబై బ్యాటర్‌ దేశవాళీ క్రికెట్‌లో రాణిస్తున్న సమయంలోనే దిగ్గజ బ్యాటర్‌ సచిన్‌ టెండుల్కర్‌తో పోలిక తెచ్చారు విశ్లేషకులు. భవిష్యత్తులో కచ్చితంగా టీమిండియా ఓపెనర్‌గా అద్భుతాలు చేస్తాడని ఈ అండర్‌-19 వరల్డ్‌కప్‌ విన్నింగ్‌ కెప్టెన్‌ను కొనియాడారు. తన కెప్టెన్సీలో ఆడిన వాళ్లు స్టార్లు.. అతడేమో ఇలా కానీ.. సీన్‌ రివర్స్‌ అయింది.. పృథ్వీ కెప్టెన్సీలో ఆడిన శుబ్‌మన్‌ గిల్‌, ఇషాన్‌ కిషన్‌ భారత జట్టులో తమ స్థానం సుస్థిరం చేసుకున్నారు. ముఖ్యంగా శుబ్‌మన్‌ ఇప్పటికే మూడు ఫార్మాట్లలో ఓపెనర్‌గా పాతుకుపోయి.. భావి భారత జట్టు కెప్టెన్‌గా, తదుపరి సూపర్‌స్టార్‌గా నీరాజనాలు అందుకుంటున్నాడు. అయితే, పృథ్వీ షాకు టీమిండియాలో ఎంట్రీ కాదు.. కనీసం ఐపీఎల్‌లో అయినా స్టార్‌ బ్యాటర్‌గా గుర్తింపు దక్కడం లేదు. వరుస వైఫల్యాలతో చతికిలపడ్డ పృథ్వీని గాయాలు వేధిస్తుండటంతో దెబ్బమీద దెబ్బ పడుతోంది. అతడు మళ్లీ భారత జట్టులో పునరాగమనం చేయడం దాదాపు అసాధ్యంగా కనిపిస్తోంది. ఇప్పుడు రింకూ విషయంలో ఇలా.. ఉత్తరప్రదేశ్‌కు చెందిన లెఫ్టాండ్‌ బ్యాటర్‌ రింకూ సింగ్‌. అనేక కష్టనష్టాలకోర్చి క్రికెటర్‌గా తన ప్రయాణం మొదలుపెట్టాడు. కోల్‌కతా నైట్‌రైడర్స్‌ మేనేజ్‌మెంట్‌ దృష్టిలో పడటంతో అతడి దశ తిరిగింది. అంచెలంచెలుగా ఎదిగి టీమిండియా స్థాయికి ఇంటింటికీ సిలిండర్లు మోస్తూ తండ్రి సంపాదిస్తే.. తాను స్వీపర్‌గా పనిచేసేందుకు కూడా సిద్ధపడి కుటుంబాన్ని ఆదుకోవాలని నిర్ణయించుకున్న రింకూ.. ఎన్ని ఆటంకాలు ఎదురైనా ఆటను మాత్రం వీడలేదు. అంచెలంచెలుగా ఎదిగి తాజా ఐపీఎల్‌ సీజన్‌లో గుజరాత్‌ టైటాన్స్‌తో మ్యాచ్‌లో వరుసగా ఆరు సిక్సర్లు బాది కేకేఆర్‌ను గెలపించిన తీరు నభూతో అనిపించింది. ఈ క్రమంలో.. 2023, ఆగష్టులో ఐర్లాండ్‌తో టీ20 సందర్భంగా అతడు టీమిండియా తరఫున అరంగేట్రం చేశాడు. నయా ఫినిషర్‌గా కితాబులు ప్రస్తుతం స్వదేశంలో ఆస్ట్రేలియాతో టీ20 సిరీస్‌తో బిజీగా ఉన్న రింకూ.. మొత్తంగా 7 మ్యాచ్‌లు ఆడి 216.95 స్ట్రైక్‌రేటుతో 128 పరుగులు సాధించాడు. ఆరో స్థానంలో బ్యాటింగ్‌ చేస్తూ తనదైన శైలిలో ఫినిషింగ్‌ టచ్‌ ఇస్తూ జట్టుకు విజయాలు అందిస్తున్నాడు. ఈ నేపథ్యంలోనే ధోనితో పోలిక తెస్తూ రింకూ ఆట తీరును కొనియాడుతూ తాత్కాలిక కెప్టెన్‌ సూర్యకుమార్‌ యాదవ్‌ సహా పలువురు మాజీ క్రికెటర్లు కామెంట్లు చేస్తున్నారు. త్వరలోనే వన్డే క్రికెట్‌లోనూ అతడు అడుగుపెడతాడని జోస్యం చెబుతున్నారు. పోలికలు వద్దు.. మద్దతు ముఖ్యం అయితే, మరికొంత మంది మాత్రం.. రింకూను ఇప్పుడు ప్రశంసిస్తున్న వాళ్లు కష్టకాలంలో అతడికి అండగా నిలబడితే చాలని.. పోలికలకు బదులు నైతికంగా మద్దతునివ్వడం అతి ముఖ్యమని పేర్కొంటున్నారు. రింకూ ధోని స్థాయికి ఎదిగే సత్తా ఉన్నవాడే అయినా కెరీర్‌ ఆరంభంలోనే పోలికలు తెచ్చి అతడిపై అనవసరపు ఒత్తిడి పెంచొద్దని హితవు పలుకుతున్నారు. కాగా పటిష్ట ఆసీస్‌తో ఇప్పటి వరకు ఆడిన రెండు టీ20లలో రింకూ ధనాధన్‌ ఇన్నింగ్స్‌ ఆడాడు.  వరుసగా.. 22(14 బంతుల్లో), 31(9 బంతుల్లో) పరుగులు సాధించాడు. చదవండి: క్రికెటర్లు అలా ఎందుకు మాట్లాడతారో అర్థం కాదు.. నేనైతే 2011లో: గంభీర్‌

Who Is Mrudula Jadeja: దేశంలో అత్యధికంగా ఆర్జిస్తున్న ఆటగాళ్ల జాబితాలో క్రికెటర్లే ముందు వరుసలో ఉంటారు. అందులోనూ టీమిండియా దిగ్గజం సచిన్‌ టెండుల్కర్‌ మొదలు మహేంద్ర సింగ్‌ ధోని, విరాట్‌ కోహ్లి, రోహిత్‌ శర్మ సంపాదన గురించి ప్రత్యేకంగా చెప్పనక్కర్లేదు. ఈ నలుగురు బ్యాటర్లు వెయ్యి కోట్లకు పైగా విలువ చేసే ఆస్తులతో సంపన్న క్రికెటర్లుగా ప్రసిద్ధికెక్కారు. ఆటలో అద్భుతంగా రాణించి.. తద్వారా వచ్చిన కీర్తిప్రతిష్టలతో తమ ఇమేజ్‌ను క్యాష్‌ చేసుకుంటూ ఆర్థికంగా మరింత పరిపుష్టి చెందుతున్నారు. (PC: Mrudula Jadeja Instagram) రెండు చేతులా సంపాదన అటు క్రికెట్‌ ద్వారా.. ఇటు వివిధ ప్రఖ్యాత బ్రాండ్లకు ప్రచారకర్తలుగా పనిచేస్తూ రెండు చేతులా సంపాదిస్తున్నారు. ఇక వీరు నివసించే ఇళ్ల విలువ కూడా వారి స్థాయికి తగ్గట్లే ఉంటుందని ప్రత్యేకంగా చెప్పనక్కర్లేదు.  (PC: Mrudula Jadeja Instagram) ముంబైలో ఖరీదైన కలల సౌధం ‘క్రికెట్‌ గాడ్‌’ సచిన్‌ టెండ్కులర్ ఆర్థిక రాజధాని ముంబైలో తన కలల సౌధాన్ని నిర్మించుకున్నాడు.  బాంద్రాలో ఉన్న ఈ ఇంటి విలువ సుమారు 80 కోట్ల రూపాయలకు పైమాటే!   (PC: Mrudula Jadeja Instagram) రాంచిలో ధోని ఫామ్‌హౌజ్‌ ఇక టీమిండియాకు మూడు ఐసీసీ టైటిళ్లు అందించిన మహేంద్ర సింగ్‌ ధోని స్వస్థలం రాంచిలో తన ఫామ్‌హౌజ్‌లో నివాసం ఉంటున్నాడు. ఈ విలాసవంతమైన భవనం విలువ రూ. 6 కోట్లు ఉంటుందని అంచనా! (PC: Mrudula Jadeja Instagram) రోహిత్‌ నివాసం విలువ 30 కోట్లు ఇదిలా ఉంటే..  ప్రస్తుత టీమిండియా కెప్టెన్‌ రోహిత్‌ శర్మ కూడా ముంబైలో విలాసవంతమైన భవనంలో నివసిస్తున్నాడు. 53 అంతస్తుల బిల్డింగ్‌లో 29వ ఫ్లోర్‌లో రోహిత్‌ ఉంటున్న నివాసం విలువ సుమారు రూ. 30 కోట్లు ఉంటుందని తెలుస్తోంది. (PC: Mrudula Jadeja Instagram) గురుగ్రామ్‌లో క్రికెట్‌ ఐకాన్‌ కోహ్లి లావిష్‌ హోం అదే విధంగా.. ఆధునిక క్రికెట్‌ తరానికి ఐకాన్‌ అయిన విరాట్‌ కోహ్లి, తన భార్య, బాలీవుడ్‌ స్టార్‌ హీరోయిన్‌ అనుష్క శర్మతో కలిసి ఖరీదైన ఇంటిలో నివాసం ఉంటున్నాడు. గురుగ్రామ్‌లో ఉన్న ఈ లావిష్‌ బిల్డింగ్‌ విలువ రూ. 80 కోట్లు ఉన్నట్లు సమాచారం. (PC: Mrudula Jadeja Instagram) ప్యాలెస్‌లో నివసిస్తున్న భారత క్రికెటర్‌ ఎవరంటే? అయితే, ఈ నలుగురు రిచెస్ట్‌ క్రికెటర్ల కంటే ఖరీదైన భవనంలో నివసిస్తున్న భారత క్రికెటర్‌ మరొకరు ఉన్నారు. ఆమె పేరు మృదుల జడేజా. పేరు చూసి టీమిండియా స్టార్‌ ఆల్‌రౌండర్‌ రవీంద్ర జడేజా బంధువు అనుకునేరు?! కుటుంబంతో మృదుల (PC: Instagram) కానే కాదు.. మృదుల జడేజా ఓ ‘యువరాణి’!! గుజరాత్‌లోని రాజవంశానికి చెందిన అమ్మాయి. ఆమె తండ్రిపేరు మంధాతసిన్హ్‌ జడేజా. మృదులకు ఓ సోదరుడు కూడా ఉన్నాడు. తల్లిదండ్రులు, సోదరుడితో కలిసి ఆమె చారిత్రాత్మక రంజిత్‌ విలాస్‌ ప్యాలెస్‌లో నివాసం ఉంటున్నారు. (PC: Mrudula Jadeja Instagram) 6 ఎకరాల్లో.. 150కి పైగా గదులతో ఆ ప్యాలెస్‌ రాజ్‌కోట్‌లో సుమారు 225 ఎకరాల్లో విస్తరించి ఉన్న ఎస్టేట్‌లో.. ఆరు ఎకరాల స్థలంలో ఈ భవనం ఉంది. మృదుల కుటుంబానికి చెందిన ప్యాలెస్‌లో 150కి పైగా గదులు ఉన్నాయి. అంతేకాదు.. వారి గ్యారేజ్‌లో ఎన్నో విలాసవంతమైన వింటేజీ కార్లు కూడా కొలువు దీరి ఉన్నాయి. మిగతా రాజకుటుంబాలు తమ నివాసాలను హెరిటేజ్‌ హోటళ్లుగా మలుస్తున్న తరుణంలో రంజిత్‌ విలాస్‌ ప్యాలెస్‌ను మాత్రం తమ పూర్వీకుల రాజసానికి గుర్తుగా అలాగే ప్రైవేట్‌ ప్రాపర్టీగా ఉంచేశారు. ఇక తమ రాజభవానికి సంబంధించిన ఫొటోలను మృదుల జడేజా అప్పుడప్పుడు సోషల్‌ మీడియా ద్వారా షేర్‌ చేస్తూ ఉంటారు. ​​​​​​​(PC: Mrudula Jadeja Instagram) సౌరాష్ట్ర జట్టు సారథి మృదుల జడేజా ఆల్‌రౌండర్‌. దేశవాళీ క్రికెట్‌లో సౌరాష్ట్ర మహిళా జట్టుకు ఆమె సారథ్యం వహించారు. తన కెరీర్‌లో పరిమిత ఓవర్ల క్రికెట్లో 46(వన్డే), టీ20 ఫార్మాట్లో  36, ఫస్ట్‌క్లాస్‌ క్రికెట్‌లో ఒక మ్యాచ్‌ ఆడారు. కుడిచేతి వాటం గల బ్యాటర్‌ అయిన 32 ఏళ్ల మృదుల.. రైటార్మ్‌ మీడియం పేసర్‌ కూడా!! గతంలో.. పురుష, మహిళా క్రికెటర్ల వేతనాలకు మధ్య వ్యత్యాసాలపై గళమెత్తిన వాళ్లలో మృదుల కూడా ఒకరు. కాగా మృదుల జడేజా కేవలం క్రికెటర్‌ మాత్రమే కాదు.. గోల్ఫ్‌ పట్ల కూడా ఆమెకు మంచి అవగాహన ఉంది!! View this post on Instagram A post shared by Mridulakumari Jadeja (@mridulajadeja) View this post on Instagram A post shared by Mridulakumari Jadeja (@mridulajadeja)

తన పేరిట జరుగుతున్న దుష్ప్రచారంపై క్రికెట్‌ దిగ్గజం సచిన్‌ టెండుల్కర్‌ కుమార్తె సారా స్పందించింది. సోషల్‌ మీడియా ప్లాట్‌ఫామ్‌ ‘ఎక్స్‌’లో తనకు ఎటువంటి ఖాతా లేదని స్పష్టం చేసింది. కొంతమంది కావాలనే డీప్‌ఫేక్‌ ఫొటోలతో తన పరువుకు భంగం కలిగించేలా వ్యవహరిస్తున్నారని ఆవేదన వ్యక్తం చేసింది. ఇలాంటి ఫేక్‌ అకౌంట్లను వెంటనే తొలగించాలని ఎక్స్‌ అధినేత ఎలన్‌ మస్క్‌కు సారా విజ్ఞప్తి చేసింది. కాగా సచిన్‌ తనయగానే కాకుండా తనకంటూ ప్రత్యేక గుర్తింపు ఉండాలన్న తపనతో సారా టెండుల్కర్‌ మోడలింగ్‌ రంగంలోకి అడుగుపెట్టింది. ఈ క్రమంలో ఇన్‌స్ట్రాగ్రామ్‌లో యాక్టివ్‌గా ఉంటూ ఎప్పటికప్పుడు తన ఫొటోలు అభిమానులతో పంచుకోవడం ఆమెకు అలవాటు. అయితే, ఎక్స్‌(ట్విటర్‌)లోనూ సారా టెండ్కులర్‌ పేరిట బ్లూ టిక్‌తో ఓ అకౌంట్‌ ఉంది. పేరడి అకౌంట్‌గా పేర్కొన్న ఈ ఖాతాలో సారా ఫొటోలు షేర్‌ చేయడమే గాకుండా.. టీమిండియా క్రికెటర్‌ శుబ్‌మన్‌ గిల్‌ పట్ల ఆమెకు ప్రత్యేక శ్రద్ధగా ఉన్నట్లుగా కొన్నిరోజులుగా పోస్టులు పెడుతున్నారు. వన్డే వరల్డ్‌కప్‌-2023లో టీమిండియాను సపోర్టు చేస్తూ సారా స్టేడియాలకు వెళ్లిన విషయం తెలిసిందే. గిల్‌తో ఆమె ప్రేమలో ఉందన్న వదంతులకు ఇలాంటి ఘటనలు మరింత బలాన్నిచ్చాయి. ఈ నేపథ్యంలో సారా పేరిట ఉన్న ఎక్స్‌ ఖాతాలో గిల్‌కు ఆమె విషెస్‌ చెబుతున్నట్లు.. అతడు అవుటైన సందర్భాల్లో బాధ పడిటన్లు పోస్టులు పెట్టారు. ఇక మరో ఖాతాలో తన తమ్ముడు అర్జున్‌తో సారా ఉన్న ఫొటోల్లో గిల్‌ ముఖంతో మార్ఫింగ్‌ చేసి వైరల్‌ చేశారు. ఇలాంటి పరిణామాల నేపథ్యంలో కలత చెందిన సారా టెండుల్కర్‌ ఇన్‌స్టా వేదికగా తీవ్ర ఆవేదన వ్యక్తం చేసింది. ‘‘మన సంతోషాలు, బాధలు.. రోజూవారీ కార్యకలాపాలు అభిమానులతో పంచుకోవడానికి దొరికిన ఒక అద్భుత మాధ్యమం సోషల్‌ మీడియా. కానీ కొంతమంది సాంకేతికను దుర్వినియోగం చేస్తూ అభూత కల్పనలతో ఇంటర్నెట్‌ను నింపేస్తున్నారు. నాకు సంబంధించిన కొన్ని డీప్‌ఫేక్‌ ఫొటోలు నా దృష్టికి వచ్చాయి. అవన్నీ వాస్తవదూరాలు. అంతేకాదు ఎక్స్‌లో నా పేరిట ఖాతా తెరిచి ప్రజలను తికమకకు గురిచేస్తున్నారు. నిజానికి నాకు ఎక్స్‌ ఖాతా లేనేలేదు. ఇలాంటి అకౌంట్లను పరిశీలించి వాటిని నిషేధిస్తారని భావిస్తున్నా. నిజాన్ని దాచి అబద్ధాలు ప్రచారం చేయడం ద్వారా వినోదం అందించాల్సిన అవసరం లేదు. నమ్మకం, వాస్తవాల ఆధారంగా నడిచే కమ్యూనికేషన్‌ను ఎంకరేజ్‌ చేద్దాం’’ అని సారా పేర్కొంది. కాగా ఇటీవలి కాలంలో డీప్‌ఫేక్‌ ఫొటోలు, వీడియోలు వైరల్‌ అవుతున్న విషయం తెలిసిందే. ప్రముఖ హీరోయిన్‌ రష్మిక మందన్న డీప్‌ఫేక్‌ వీడియో దుమారం రేపగా.. కత్రినా కైఫ్‌, కాజోల్‌ వంటి నటీమణులకు సంబంధించిన వీడియోలు సైతం వైరల్‌ అయ్యాయి. ఈ నేపథ్యంలో నిందితులపై కఠిన చర్యలకు ఉపక్రమిస్తాంటూ కేంద్రం హామీ ఇచ్చింది.

వన్డే వరల్డ్‌కప్‌ 2023 ఫైనల్లో టీమిండియా ఆస్ట్రేలియా చేతిలో 6 వికెట్ల తేడాతో ఓటమిపాలైన విషయం తెలిసిందే. ఈ టోర్నీ ఆధ్యాంతం అద్భుతంగా రాణించిన విరాట్‌ కోహ్లి ప్లేయర్‌ ఆఫ్‌ ద టోర్నీ అవార్డు గెలుచుకున్నాడు. ఈ ఎడిషన్‌లో 11 మ్యాచ్‌లు ఆడిన కోహ్లి 95.62 సగటున 3 సెంచరీలు, 6 అర్ధసెంచరీల సాయంతో 765 పరుగులు చేశాడు. కోహ్లి వన్డే వరల్డ్‌కప్‌లో ప్లేయర్‌ ఆఫ్‌ ద టోర్నీ అవార్డు గెలుచుకోవడం ఇదే తొలిసారి. అతను టీ20 వరల్డ్‌కప్‌లో మాత్రం రెండుసార్లు ఈ ఘనతను సాధించాడు. 2014, 2016 ఎడిషన్లలో ప్లేయర్‌ ఆఫ్‌ ద టోర్నీ అవార్డును గెలుచుకున్నాడు.  కోహ్లి ఈ ఎడిషన్‌లో ఆటగాడిగా సూపర్‌ సక్సెస్‌ అయినప్పటికీ.. టీమిండియాను ఛాంపియన్‌గా నిలబెట్టలేకపోయాడు. క్రికెట్‌ గాడ​్‌ సచిన్‌ టెండూల్కర్‌కు సైతం గతంలో ఇలాంటి అనుభవమే ఎదురైంది. 2003 ఎడిషన్‌లో సచిన్‌ కూడా ప్లేయర్‌ ఆఫ్‌ ద టోర్నీ అవార్డు గెలుచుకున్నప్పటికీ టీమిండియాకు టైటిల్‌ను అందించలేకపోయాడు. క్రికెట్‌కు సంబంధించి ప్రతి విషయంలోనూ సచిన్‌ అడుగుజాడల్లో నడిచే కోహ్లి ఈ విషయంలోనూ తన ఆరాధ్య ఆటగాడినే ఫాలో అయ్యాడు.  Sad to experience both these moments in past 20 years. 💔 pic.twitter.com/8txpsrKw1l — Abhishek Ojha (@vicharabhio) November 19, 2023 ఇదిలా ఉంటే, అహ్మదాబాద్‌లోని నరేంద్ర మోదీ స్టేడియం వేదికగా ఆస్ట్రేలియాతో జరిగిన ఫైనల్లో టీమిండియా టాస్‌ ఓడి తొలుత బ్యాటింగ్‌ చేసి నామమాత్రపు స్కోర్‌కే (240) పరిమితమైంది. ఛేదనలో ఆసీస్‌ ఆదిలోనే 3 వికెట్లు కోల్పోయినప్పటికీ అనంతరం అద్భుతంగా పుంజుకుని ఆరోసారి వరల్డ్‌ ఛాంపియన్‌గా నిలిచింది. ట్రవిస్‌ హెడ్‌ (137).. లబూషేన్‌ (58 నాటౌట్‌) సహకారంతో ఆసీస్‌కు చిరస్మరణీయ విజయాన్నందించాడు. వీరిద్దరు నాలుగో వికెట్‌కు 192 పరుగలు భాగస్వామ్యాన్ని నమోదు చేసి ఆసీస్‌ను గెలిపించారు. భారత బౌలర్లలో బుమ్రా, షమీ, సిరాజ్‌ తలో వికెట్‌ పడగొట్టారు. అంతకుముందు బ్యాటింగ్‌లో రోహిత్‌ శర్మ (47), విరాట్‌ కోహ్లి (54), కేఎల్‌ రాహుల్‌ (66) ఓ మోస్తరుగా రాణించారు. ఆసీస్‌ బౌలర్లు స్టార్క్‌ (3/55), హాజిల్‌వుడ్‌ (2/60), కమిన్స్‌ (2/34), మ్యాక్స్‌వెల్‌ (1/35), జంపా (1/44) కట్టుదిట్టంగా బౌలింగ్‌ చేసి టీమిండియా పతనాన్ని శాశించారు. 

ఒక్క అడుగు.. ఇంకొక్క అడుగు అంటూ ఊరించిన విజయం ఈసారి కూడా అందని ద్రాక్షగానే మిగిలిపోయింది. పుష్కరకాలం తర్వాత సొంతగడ్డపై వన్డే ప్రపంచకప్‌ ట్రోఫీని గెలవాలన్న టీమిండియా కల ఆస్ట్రేలియా కారణంగా చెదిరిపోయింది. ఐసీసీ టోర్నీల్లో తమకు తామే సాటి అన్న విషయాన్ని మరోసారి నిరూపించిన కంగారు జట్టు రికార్డు స్థాయిలో ఆరోసారి విజేతగా నిలవగా.. మూడోసారి కప్‌ను ముద్దాడాలని భావించిన భారత జట్టుకు నిరాశ ఎదురైంది. అత్యధిక పరుగుల వీరుడుగా విరాట్‌ కోహ్లి.. అత్యధిక వికెట్లు పడగొట్టిన ధీరుడిగా మహ్మద్‌ షమీ.. కెప్టెన్‌గానే కాకుండా బ్యాటర్‌గానూ రాణించిన రోహిత్‌ శర్మ.. మిడిలార్డర్‌లో స్థాయికి తగ్గట్లు ఆడిన శ్రేయస్‌ అయ్యర్‌, కేఎల్‌ రాహుల్‌.. తమ పని తాము చేసుకుపోతూ విజయాల్లో తమ వంతు పాత్ర పోషించిన బౌలింగ్‌ దళం.. జస్‌ప్రీత్‌ బుమ్రా, మహ్మద్‌ సిరాజ్‌, రవీంద్ర జడేజా, కుల్దీప్‌ యాదవ్‌.. చిన్నపిల్లాడిలా ఏడ్చేసిన సిరాజ్‌ ఒక మ్యాచ్‌లో ఒకరు హీరోగా నిలిస్తే.. మరో మ్యాచ్‌లో ఇంకొకరు.. అంతా కలిసి సమష్టిగా రాణించి లీగ్‌ దశతో పాటు సెమీ ఫైనల్లోనూ జట్టును అజేయంగా నిలిపారు. ఉవ్వెత్తున ఎగిసే కెరటాల్లా టాప్‌గేర్‌లో ఫైనల్‌కు దూసుకెళ్లారు. కానీ.. తుదిమెట్టుపై ఊహించని ఫలితంతో డీలా పడ్డారు. ఇప్పుడు కాక.. ఇంకెప్పుడు.. దిగాలుగా రోహిత్‌, కోహ్లి అహ్మదాబాద్‌లో లక్ష మందికి పైగా అభిమానుల సమక్షంలో ఆస్ట్రేలియా చేతిలో ఎదురైన ఓటమిని జీర్ణించుకోలేక సిరాజ్‌ చిన్నపిల్లాడిలా ఏడిస్తే.. రోహిత్‌, కోహ్లి సైతం దిగాలుగా తలలు దించుకున్నారు.  ఇంతదాకా వచ్చి.. ఇప్పుడు కాక ఇంకెప్పుడు అన్న పరిస్థితిలో దాదాపుగా తమ ఫైనల్‌ వన్డే వరల్డ్‌కప్‌ ఆడిన ఈ దిగ్గజ బ్యాటర్ల మనసులో దాగిన ఆవేదన వారి ముఖాల్లో స్పష్టంగా కనిపించింది. దీంతో అశేష అభిమానులతో పాటు భారత మాజీ క్రికెటర్ల హృదయాలు కూడా ముక్కలయ్యాయి. జట్టును ఓదార్చిన సచిన్‌ అయితే, ఆటలో గెలుపోటములు సహజమంటూ ఫ్యాన్స్‌తో పాటూ వారూ రోహిత్‌ సేనకు అండగా నిలబడుతున్నారు. ఈ నేపథ్యంలో టీమిండియా దిగ్గజం సచిన్‌ టెండుల్కర్‌ మైదానంలోకి వచ్చి భారత ఆటగాళ్లను ఓదార్చిన దృశ్యాలు అభిమానులను విశేషంగా ఆకట్టుకుంటున్నాయి.  తన వన్డే సెంచరీల రికార్డు బ్రేక్‌ చేసిన కోహ్లిని ఆత్మీయంగా హత్తుకున్న సచిన్‌.. మిగతా ఆటగాళ్లతో కరచాలనం చేస్తూ వారిని అనునయించే ప్రయత్నం చేశాడు. ఇక్కడిదాకా సాగిన మీ ప్రయాణం అద్బుతం అంటూ ఓటమి బాధలో కూరుకుపోయిన జట్టును ఓదార్చాడు. నిజమే కదా.. ఆట అన్నాక ఒకరు గెలవడం.. మరొకరు ఓడిపోవడం సహజమే.. అయితే, ఆ ఓడిపోయిన వాళ్లుగా మన జట్టు ఉండటం విషాదం!! చదవండి: CWC 2023: విరాట్‌ కోహ్లికి మూడు, షమీకి రెండు.. అవార్డుల జాబితా  Sachin Tendulkar with the Indian team. pic.twitter.com/6JshYuzDsd — Mufaddal Vohra (@mufaddal_vohra) November 19, 2023 View this post on Instagram A post shared by ICC (@icc)

అహ్మదాబాద్‌: భారత క్రికెట్‌ దిగ్గజం సచిన్‌ టెండూల్కర్‌ వన్డేల్లో తన 49 సెంచరీల రికార్డును చెరిపేసిన కింగ్‌ కోహ్లికి అమూల్యమైన బహుమతిని బహూకరించాడు. 24 ఏళ్ల కెరీర్‌లో తన 10 నంబర్‌ జెర్సీ అంతర్జాతీయ క్రికెట్‌లో లిఖించిన చరిత్ర అందరికీ తెలిసిందే. ఫైనల్‌కు ముందు సచిన్‌ స్వయంగా చేసిన ఆటోగ్రాఫ్‌ జెర్సీని కోహ్లికి అందజేశాడు. ఈ జెర్సీని సచిన్‌ 2012లో జరిగిన ఆసియా కప్‌లో పాకిస్తాన్‌తో జరిగిన ఆఖరి వన్డే సందర్భంగా ధరించాడు. ‘ఈ ప్రత్యేక సందర్భంలో ప్రత్యేక అనుభూతినిచ్చే గిఫ్ట్‌ను సచిన్‌... విరాట్‌కు అందజేశాడు’ అని బీసీసీఐ సచిన్, కోహ్లిల ఫోటోతో పోస్ట్‌ చేసింది. న్యూజిలాండ్‌తో జరిగిన సెమీస్‌ మ్యాచ్‌లో విరాట్‌ కోహ్లి 50వ సెంచరీతో సచిన్‌ రికార్డు (49)ను బద్దలు కొట్టాడు.   

ICC CWC Final 2023: క్రికెట్‌ అభిమానులు ఎంతో ఆతృతగా ఎదురు చూస్తున్న వన్డే వరల్డ్‌కప్‌-2023 తుది‌ సమరానికి సమయం ఆసన్నమైంది. మరికొన్ని గంటల్లో అహ్మదాబాద్‌ వేదికగా ఈ ఫైనల్‌ పోరుకు తెరలేవనుంది. నరేంద్ర మోదీ స్టేడియంలో జరగనున్న ఈ టైటిల్‌ పోరులో భారత్‌-ఆస్ట్రేలియా జట్లు తాడోపేడో తేల్చుకోనున్నాయి. ఇక ఈ మ్యాచ్‌కు ముందు టీమిండియా యువ ఓపెనర్‌ శుబ్‌మన్‌ గిల్‌ను ఓ అరుదైన రికార్డు ఊరిస్తోంది. ఆసీస్‌తో మ్యాచ్‌లో గిల్‌ మరో 31 పరుగులు సాధిస్తే ఒక క్యాలెండర్ ఇయర్‌లో వన్డేల్లో అత్యధిక పరుగులు చేసిన ఆటగాడిగా రికార్డులకెక్కుతాడు. తద్వారా క్రికెట్‌ దిగ్గజం, మాస్టర్ బ్లాస్టర్ సచిన్ టెండూల్కర్‌ను అధిగమిస్తాడు. కాగా 2023  క్యాలెండర్ ఇయర్‌లో గిల్‌ ఇప్పటివరకు 1580 పరుగులు చేశాడు. అంతకుమముందు 1996 ఏడాదిలో సచిన్‌ 1611 పరుగులు చేశాడు. ఈ మ్యాచ్‌తో సచిన్‌ వరల్డ్‌ రికార్డును గిల్‌ బ్రేక్‌ చేసే ఛాన్స్‌ ఉంది. ఇక గిల్‌ ప్రస్తుతం అద్భుతమైన ఫామ్‌లో ఉన్న విషయం తెలిసిందే. ఇప్పటివరకు ఈ టోర్నీలో 8 మ్యాచ్‌లు ఆడిన గిల్‌.. 350 పరుగులు సాధించాడు. రోహిత్‌ శర్మతో కలిసి జట్టుకు అద్భుతమైన ఆరంభాలను అందిస్తున్నాడు. ఒక క్యాలెండర్ ఇయర్ వన్డేల్లో అత్యధిక పరుగులు చేసిన ఆటగాళ్లు వీరే.. ►సచిన్ టెండూల్కర్ (1996)- 1,611 పరుగులు ►శుబ్‌మన్‌ గిల్ (2023)-1,580 పరుగులు ► విరాట్ కోహ్లీ (2011)-1381 పరుగులు ►మహేల జయవర్ధనే (2001)-1,260 పరుగులు ►కేన్ విలియమ్సన్ (2015)- 1,224 పరుగులు చదవండి: CWC 2023 Final: అతడే మాకు అతిపెద్ద సవాల్‌.. హోరెత్తే స్టేడియాన్ని నిశ్శబ్దంగా మార్చడమే లక్ష్యం: ఆసీస్‌ కెప్టెన్‌

వైవిద్య భరిత ప్రేమ కథా చిత్రాలతో పాటు యాక్షన్‌తో కూడిన కమర్షియల్‌ చిత్రాలను తెరకెక్కించడంలో దర్శకుడు గౌతమ్‌మీనన్‌ దిట్ట. కోలివుడ్‌లో మిన్నలే చిత్రంతో కెరీర్‌ను ప్రారంభించిన ఆయన తాజాగా శింబు కథానాయకుడిగా నటించిన వెందు తనిందదు కాడు చిత్రం సక్సెస్‌ఫుల్‌గా సాగుతోంది. కాగా విక్రమ్‌ కథానాయకుడిగా ఈయన దర్శకత్వం వహించిన ధ్రువనక్షత్రం చిత్రం పలు ఆటంకాలను ఎదుర్కొని సుదీర్ఘకాలం తర్వాత ఈనెల 24వ తేదీన తెరపైకి రానుంది. అయినప్పటికీ ఈ చిత్రంపై మంచి అంచనాలు నెలకొన్నాయి. నటి రీతూ వర్మ నాయకిగా నటించిన ఇందులో రాధికా శరత్‌కుమార్‌, సిమ్రాన్‌, నటుడు పార్థిబన్‌ ముఖ్యపాత్రలు పోషించారు. కాగా బుధవారం ఇండియా, న్యూజిలాండ్‌ మధ్య సాగిన ప్రపంచ క్రికెట్‌ కప్‌ సెమీఫైనల్స్‌ పోటీని విశ్లేషించే విధంగా ఒక టీవీ చానల్‌ కార్యక్రమంలో గౌతమ్‌ మీనన్‌ పాల్గొన్నారు. నటుడు, దర్శకుడు ఆర్జే బాలాజీ అడిగిన పలు ప్రశ్నలకు గౌతమ్‌మీనన్‌ బదులిచ్చారు. ఈ సందర్భంగా క్రికెట్‌ నేపథ్యంలో చిత్రం చేస్తారా..? అన్న ఆర్జే బాలాజీ ప్రశ్నకు గౌతమ్‌ మీనన్‌ బదులిస్తూ ఆల్రెడీ ఆ ప్రయత్నంలో ఉన్నానని, అందుకు కథ కూడా సిద్ధం చేస్తున్నట్లు తెలిపారు. ప్రఖ్యాత క్రికెట్‌ క్రీడాకారులు సచిన్‌ టెండూల్కర్‌, వినోద్‌ కాంబ్లేల మధ్య స్నేహం ఇతివృత్తంగా ఈ చిత్ర కథ ఉంటుందన్నారు. వారు క్రికెట్‌ క్రీడాకారులుగా జిల్లా స్థాయి నుంచి రాష్ట్ర స్థాయికి ఎలా చేరుకున్నారు అనే పలు ఆసక్తికరమైన అంశాలతో ఈ చిత్ర కథ ఉంటుందని తెలిపారు. ఈ చిత్రంలో నటించే హీరోలు ఎవరన్నది ఇప్పుడు ఆసక్తిగా మారింది.  

వన్డే వరల్డ్‌కప్‌ 2023లో భాగంగా న్యూజిలాండ్‌తో జరిగిన తొలి సెమీఫైనల్లో టీమిండియా ఆటగాడు విరాట్‌ కోహ్లి 50 వన్డే సెంచరీలు పూర్తి చేసి చరిత్ర సృష్టించిన విషయం తెలిసిందే. విరాట్‌ ఈ ఘనత సాధించిన అనంతరం అతని భార్య, బాలీవుడ్‌ నటి అనుష్క శర్మ తీవ్ర భావోద్వేగానికి లోనైంది. అనుష్క శర్మ తన ఇన్‌స్టాగ్రామ్‌ స్టోరీలో ఇలా రాసుకొచ్చింది.  ‘దేవుడు ఉత్తమ స్క్రిప్ట్‌ రైటర్‌ కోహ్లి! నీ తలరాతను గొప్పగా రాశాడు. నీ ప్రేమను దక్కించుకున్న నేను దేవుడికి కృతజ్ఞతలు తెలుపుతున్నాను. నిన్ను చూస్తుంటే, నీ ప్రదర్శనను గమనిస్తుంటే నాకనిపిస్తుంది. ఆడేకొద్దీ, పెరిగే కొద్దీ నీ సత్తా సామర్థ్యం పెరుగుతోంది. ఆటకోసం నిరంతరం నిజాయితీగా శ్రమించే నీవు నిజంగా దేవుడి బిడ్డవే’ అంటూ భావోధ్వేగ సందేశాన్ని పోస్ట్‌ చేసింది. ఈ పోస్ట్‌ ప్రస్తుతం నెట్టింట వైరలవుతుంది. ఇదిలా ఉంటే, న్యూజిలాండ్‌తో జరిగిన సెమీఫైనల్లో భారత్‌ 70 పరుగుల తేడాతో గెలుపొంది, నాలుగో సారి వరల్డ్‌కప్‌ ఫైనల్స్‌కు చేరిన విషయం తెలిసిందే. అనంతరం నిన్న జరిగిన రెండో సెమీఫైనల్లో ఆస్ట్రేలియా.. సౌతాఫ్రికాను 3 వికెట్ల తేడాతో ఓడించి ఎనిమిదో సారి ఫైనల్స్‌కు అర్హత సాధించింది. అహ్మదాబాద్‌ వేదికగా భారత్‌-ఆసీస్‌ల మధ్య నవంబర్‌ 19న తుది సమరం జరుగనుంది.

భారత్‌, న్యూజిలాండ్‌ మధ్య నిన్న జరిగిన వరల్డ్‌కప్‌ 2023 సెమీఫైనల్‌ మ్యాచ్‌కు ఎంతో మంది విశిష్ట అతిథులు హాజరయ్యారు. వారిలో ఫుట్‌బాల్‌ దిగ్గజం డేవిడ్‌ బెక్‌హమ్‌ ప్రత్యేక ఆకర్షణగా నిలిచాడు. బెక్‌హమ్‌ యూనిసెఫ్‌ ప్రతినిధి హోదాలో ఇండియాలో పర్యటిస్తున్నాడు. షెడ్యూల్‌లో భాగంగా అతను వరల్డ్‌కప్‌ సెమీఫైనల్‌ మ్యాచ్‌కు హాజరయ్యాడు. ఈ సందర్భంగా బెక్‌హమ్‌.. క్రికెట్‌ గాడ్‌, యూనిసెఫ్‌ ప్రతినిథి అయిన సచిన్‌ టెండూల్కర్‌ను కలిసాడు. వీరిద్దరు చాలా సేపు ముచ్చటించారు. సచిన్‌ ఫుట్‌బాల్‌కు వీరాభిమాని కావడంతో వీరిద్దరి మధ్య కెమిస్ట్రీ బాగా కుదరింది. సచిన్‌, బెక్‌హమ్‌లు క్రికెట్‌, ఫుట్‌బాల్‌కు సంబంధించిన చాలా విషయాలు మాట్లాడుకున్నారు. సచిన్‌ బెక్‌హమ్‌ను ముంబై ప్రేక్షకులకు పరిచయం చేస్తూ వాంఖడే స్టేడియం​ మొత్తం తిప్పాడు. యూనిసెఫ్‌ ప్రతినిధి హోదాలో బెక్‌హమ్‌కు ఐసీసీ గౌరవ వందనం తెలుపుతూ మ్యాచ్‌కు ముందు మైదానంలోకి ఆహ్వానించింది. Fantastic footage 👍 https://t.co/Uh8hM4GFsS — Michael Vaughan (@MichaelVaughan) November 15, 2023 అనంతరం టీమిండియా, కివీస్‌ క్రికెటర్లంతా బెక్‌హమ్‌ను పరిచయం చేసుకున్నారు. బెక్‌హమ్‌ కింగ్‌ విరాట్‌ కోహ్లితో ప్రత్యేకంగా ముచ్చటించాడు. ఈ మొత్తం తంతుకు సంబంధించిన వీడియోను ఐసీసీ సోషల్‌మీడియాలో షేర్‌ చేయగా.. ఇంగ్లండ్‌ మాజీ కెప్టెన్‌ మైఖేల్‌ వాన్‌ దాన్ని రీట్వీట్‌ చేశాడు. ఈ వీడియో నిన్నటి నుంచి నెట్టింట హల్‌చల్‌ చేస్తుంది. కాగా, బెక్‌హమ్‌ ప్రస్తుతం ఇంటర్‌ మయామీ అనే ఫుట్‌బాల్‌ క్లబ్‌కు‌ కో ఓనర్‌గా ఉన్నాడు. ఆల్‌టైమ్‌ గ్రేట్‌, అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ ప్రస్తుతం ఈ క్లబ్‌కే ప్రాతినిథ్యం వహిస్తున్నాడు.   ఇదిలా ఉంటే, న్యూజిలాండ్‌తో జరిగిన సెమీఫైనల్లో టీమిండియా 70 పరుగుల తేడాతో విజయం సాధించింది. ఈ మ్యాచ్‌లో కోహ్లి (113 బంతుల్లో 117; 9 ఫోర్లు, 2 సిక్సర్లు), శ్రేయస్‌ (70 బంతుల్లో 105; 4 ఫోర్లు, 8 సిక్సర్లు) అద్బుత శతకాలతో పాటు మొహమ్మద్‌ షమీ (9.5-0-57-7) సూపర్‌ బౌలింగ్‌తో మెరవడంతో భారత్‌ తిరుగలేని విజయం సాధించి, నాలుగోసారి ఫైనల్స్‌కు చేరింది.