తెలుగు భాష రానివారు ఒక్కటిగా కలిసి ఉన్న తెలుగు ప్రజలను చీలుస్తున్నారని వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి ఆరోపించారు. సమైక్య శంఖారావం యాత్రలో భాగంగా ఆదివారం చిత్తూరు జిల్లాలోని కుప్పం నియోజకవర్గంలోని శాంతిపురంలో వైఎస్ జగన్ మోహన్ రెడ్డి ఆదివారం మధ్యాహ్నం  ప్రజలనుద్దేశించి ప్రసంగించారు. ఆంధ్రప్రదేశ్ రాష్ట్రాన్ని విభజించాలన్న కేంద్ర ప్రభుత్వ వైఖరిని వైఎస్ జగన్ ఈ సందర్బంగా ఎండగట్టారు.
  
 ఢిల్లీ అహంకారానికి తెలుగువాడి ఆత్మగౌరవానిక మధ్య నేడు పోరాటం జరగుతుందని ఆయన అభివర్ణించారు. మన ఆత్మగౌరవం ఎలా ఉంటుందో ఢిల్లీ పెద్దలకు రూచి చూపిద్దామన్నారు. మన రాష్ట్రాన్ని ఎవరైతే సమైక్యంగా ఉంచుతారో వారినే ప్రధాని పీఠంపై కూర్చోపెడదామన్నారు. హైదరాబాద్ నగరం మనందరిదని ఆయన స్పష్టం చేశారు. ఆ నగరం కోసం మనలో మనం కొట్టుకోవాలా అని ఆయన ప్రశ్నించారు. అలాగే అన్నదమ్ములా కలిసి ఉన్న మనం విడిపోతే నీటి కోసం గొడవల పడాల్సి వస్తుందన్నారు.
  
 నేటి రాజకీయ వ్యవస్థ భ్రష్టుపట్టి పోయిందని ఆయన ఆవేదన వ్యక్తం చేశారు. సమైక్యం అన్న మాట అటు సీఎం కిరణ్, ఇటు తెలుగుదేశం పార్టీ అధ్యక్షుడు చంద్రబాబుల నుంచి ఎందుకు రావడం లేదంటూ ఆయన ప్రశ్నించారు. ఇప్పటి వరకు సమైక్యంగా ఉన్న ఆంధ్రప్రదేశ్ విడిపోతే కుప్పం నుంచి శ్రీకాకుళం వరకు ఉప్పునీరు తప్ప మంచినీరు ఎక్కడని ఆయన ప్రశ్నించారు.
  
 హైదరాబాద్ నగరం మనందరిదని ఆయన స్పష్టం చేశారు. ఆ నగరం కోసం మనలో మనం కొట్టుకోవాలని ఆయన ప్రశ్నించారు. నీటి కోసం అన్నదమ్ముల్లా కలసి ఉన్న మనం గొడవలు పడాల్సి వస్తుందని అన్నారు. నేటి రాజకీయ వ్యవస్థ భ్రష్టుపట్టి పోయిందని ఆయన ఆవేదన వ్యక్తం చేశారు.  ఆంధ్రప్రదేశ్ రాష్ట్రాన్ని సమైక్యంగా ఉంచాలని డిమాండ్ చేస్తు వైఎస్ జగన్ సమైక్య శంఖారాం పేరిట యాత్రను శనివారం చిత్తూరు జిల్లాలోని కుప్పం నియోజకవర్గం నుంచి ప్రారంభించిన సంగతి తెలిసిందే.


 సాక్షి,సిటీబ్యూరో: నభూతో...అనే రీతిలో వైఎస్సార్‌సీపీ నగరంలో నిర్వహించిన ‘సమైక్య శంఖారావం’ విజయవంతం కావడం గ్రేటర్ పరిధిలోని ప్రధాన పార్టీల గుండెల్లో గుబులు రేపుతోంది. రాష్ట్ర విభజనకు అనుకూలంగా లేఖఇవ్వడం ద్వారా తెలుగుదేశం, విభజన ప్రక్రియను ప్రారంభించడం ద్వారా కాంగ్రెస్ గ్రేటర్ పరిధిలోని సమైక్యవాదుల విశ్వాసం కోల్పోగా, రాష్ట్ర సమైక్యతే తన లక్ష్యమని లక్షలాదిజనం సాక్షిగా జగన్ చేసిన ప్రతిన ఐక్యత కోసం ఆరాటపడుతున్న నగరవాసుల ఆశను చిగురించింది.
 
 అదే సమయంలో వైఎస్సార్ కాంగ్రెస్‌పార్టీ ద్వారానే రాష్ట్రం కలిసి ఉంటుందని, భవిష్యత్ ఆశాకిరణం ఆపార్టీనేనని శనివారం నిర్వహించిన సమైక్య శంఖారావం ద్వారా తేటతెల్లమైంది. నగర విశిష్టత, దశాబ్ధాల నుంచి ప్రజలు సమైక్యంగా సాగినతీరు, విభజన జరిగితే భావితరాల భవిష్య త్తు వంటి అంశాల్లో జగన్ ఇచ్చిన ‘స్పష్టత’ గ్రేటర్ లో నివసిస్తున్న అన్ని ప్రాంతాల ప్రజలను ఆలోచింప చేసిందనే అభిప్రాయం కూడా వ్యక్తమవుతోం ది. విభజన నిర్ణయం తర్వాత ఏ ప్రాంత ప్రజలకు ఎలాంటి సమాధానం చెప్పాలో తేల్చుకోలేక కొట్టుమిట్టాడుతున్న కాంగ్రెస్,టీడీపీలకు జగన్ చేసిన ప్రసంగంతో గ్రేటర్ హైదరాబాద్‌పై కూడా ఆశలు లేకుండా పోయాయని విశ్లేషకులు భావిస్తున్నారు.
  
 వారే ఆధారం..
 
  గ్రేటర్ పరిధిలోని మూడు లోక్‌సభ, 24 శాసనసభ నియోజకవర్గాల పరిధిలో హైదరాబాద్ పార్లమెంటుతోపాటు కొన్ని అసెంబ్లీ సెగ్మెంట్లను మినహాయిస్తే... సికింద్రాబాద్,మల్కాజిగిరి లోక్‌సభ స్థానాలు, మరో 14 అసెంబ్లీ స్థానాల్లో సమైక్యవాదులే గెలుపు నిర్ణేతలు. మిగతా నియోజకవర్గాల్లో మైనార్టీవర్గాల ఓటర్లు అభ్యర్థుల విజయాన్ని శాసిస్తారు. ముఖ్యమంత్రి కిరణ్  వైఖరితో ఇప్పటి కే గ్రేటర్‌లో బలమైన రాజకీయశక్తి ఎంఐఎం కాంగ్రెస్‌కు దూరం కాగా, మైనారిటీలు కూడా హస్తం పార్టీ పేరు చెబితేనే ఆమడదూరం పోతున్నారు. 2004 నుంచే మైనార్టీలు టీడీపీని నమ్మడం మానేశారు. ఇప్పుడు బాబు మోడీ జపం చేస్తుండడంతో ఆపార్టీలో ఉన్న మైనార్టీ నాయకులు రాజీనామాల బాటపట్టారు.
  
 ఈసారీ కాంగ్రెస్‌కు టీడీపీ గతే ?
 
  టీడీపీ, టీఆర్‌ఎస్,వామపక్షాలు మహాకూటమిగా 2009 ఎన్నికల్లో ఉమ్మడిగా పోటీ చేసినా...సమైక్య రాష్ట్ర నినాదంతో అప్పటి ముఖ్యమంత్రి రాజశేఖరరెడ్డి నేతృత్వంలో ఒంటరిగా పోటీచేసి రెబల్‌తో సహా 14 నియోజకవర్గాల్లో కాంగ్రెస్ విజయం సాధించింది. టీడీపీ కేవలం రాజేంద్రనగర్ నియోజకవర్గంలో స్వల్పమెజార్టీతో గెలిచింది. అది కూడా మైనార్టీల ఓట్లు కాంగ్రెస్, ఎంఐఎంలకు చీలిపోవడం వల్ల. కాంగ్రెస్ విజయం సాధించిన సికింద్రాబాద్, ముషీరాబాద్,కంటోన్మెంట్, సనత్‌నగర్, ఎల్‌బీనగర్, మల్కాజిగిరి, గోషామహల్, జూబ్లీహిల్స్, పటాన్‌చెరు, కుత్బుల్లాపూర్, ఖైరతాబాద్, ఉప్పల్, శేరిలింగంపల్లి మొదలైన నియోజకవర్గాల్లో వైఎస్ అమ్ములపొదిలోని అభివృద్ధి, సంక్షేమ, సమైక్య నినాదాలే కాంగ్రెస్ గెలుపును ప్రభావితం చేశాయి.
 
 మంత్రి దానం నాగేందర్ ప్రాతినిథ్యం వహిస్తున్న ఖైరతాబాద్‌లో గణనీయ సంఖ్యలో సమైక్యవాదులు ఉండగా, ముఖేష్ ప్రాతినిధ్యం వహిస్తున్న గోషామహల్‌లో మైనారిటీ ముస్లింలతో పాటు తెలుగేతర మైనార్టీలున్నారు. వీరు కూడా సమైక్యవాదానికే ఓటేయడం గమనార్హం. ఈ పరిస్థితుల్లో జగన్ సభ విజయం సాధించిన తీరుతో 2009 ఎన్నికల్లో గెలిచిన కాంగ్రెస్ ఎంపీ, ఎమ్మెల్యేల్లో ఆందోళన మొదలైంది. ప్రజల ముందుకు ఎలా వెళ్లాలో అర్థంకాని స్థితిలో కొట్టుమిట్టాడుతున్నారు.
  


 సభలకు అనుమతి మంజూరు చేసే విషయంలో రాష్ట్ర పోలీసులు అవలంభిస్తున్న వైఖరి విమర్శలకు తావిస్తోంది. వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి హైదరాబాద్లో నిర్వహించదలచిన 'సమైక్య శంఖారావం' సభకు శాంతి భద్రతల సమస్య సాకుతో అనుమతి నిరాకరించారు. ప్రభుత్వం, పోలీసులు కలసి ప్రజాస్వామ్య హక్కులను కాలరాశారని వైఎస్ఆర్ సీపీ నేత జూపూడి ప్రభాకరరావు విమర్శించారు. ప్రజాస్వామ్య పద్ధతిలో పోరాడి సభకు అనుమతి తెచ్చుకుంటామని స్పష్టం చేశారు.
  
 రాష్ట్ర విభజన ప్రకటన వచ్చిన తర్వాత హైదరాబాద్లో నాలుగు సభలకు అనుమతిచ్చారని, జగన్ సభకు శాంతిభద్రతల సమస్య పేరుతో అనుమతి నిరాకరించడం విడ్డూరమని ధ్వజమెత్తారు. బీజేపీ నేత నరేంద్ర మోడీ, ఏపీఎన్జీవోల సమావేశాలు నిర్వహించినపుడు వైసీపీకి ఎందుకు అనుమతివ్వరని జూపూడి ప్రశ్నించారు. ముఖ్యమంత్రి కిరణ్కుమార్ రెడ్డి సమైక్యవాది ముసుగులో ఉన్న విభజన వాదని, కుట్రలో భాగంగానే శాంతియుత పద్ధతిలో నిర్వహించదలచిన సభను అడ్డుకున్నారని మరో నేత ప్రవీణ్ కుమార్ రెడ్డి ఆరోపించారు.