బ్యాంకులు నిత్య అవసరాలు. ప్రజల దైనందిన ఆర్థిక కార్యకలాపాలు బ్యాంకుల మీద ఆధారపడే సాగుతున్నాయంటే అతిశయోక్తి కాదు! దేశంలో ఇటు ప్రభుత్వ రంగ బ్యాంకులతోపాటు అటు ప్రైవేటు రంగంలోనూ పెద్ద కమర్షియల్‌ బ్యాంకులతోపాటు పేమెంట్‌ బ్యాంకులని, స్మాల్‌ ఫైనాన్స్‌ బ్యాంకులని వివిధ రకాల బ్యాంకులు సేవలు అందిస్తున్నాయి.బ్యాంకుల వర్గీకరణ ఇలా.. దేశ బ్యాంకింగ్‌ వ్యవస్థలో పేమెంట్ బ్యాంకులు (Payments Banks), చిన్న ఫైనాన్స్ బ్యాంకులు (Small Finance Banks – SFBs), పెద్ద బ్యాంకులు / యూనివర్సల్ బ్యాంకులు (Universal Banks) అని రకాలు ఉంటాయి.వీటిలో చిన్న లావాదేవీలు, డిజిటల్ చెల్లింపులు వంటి ప్రాథమిక సేవలు అందించేవి పేమెంట్‌ బ్యాంకులు. వీటికి రుణాలు ఇచ్చే అవకాశం ఉండదు. ఉదాహరణకు ఫినో పేమెంట్స్‌ బ్యాంక్‌, ఎయిర్‌టెల్‌ పేమెంట్స్‌ బ్యాంక్‌.. వంటివి.చిన్న ఫైనాన్స్ బ్యాంకులు చిరు వ్యాపారులు, రైతులు, తక్కువ ఆదాయ వర్గాలకు బ్యాంకింగ్ సేవలు అందిస్తుంటాయి. అయితే పరిమిత కార్యకలాపాలకే అనుమతి ఉంటుంది. ఏయూ స్మాల్‌ ఫైనాన్స్‌ బ్యాంక్‌, ఉజ్జీవన్‌ స్మాల్‌ ఫైనాన్స​ బ్యాంక్‌ వంటివి ఉదాహరణలు.ఇక పెద్ద బ్యాంకులు.. వీటినే యూనివర్సల్ బ్యాంకులు అని వ్యవహరిస్తుంటారు. ఇవి వ్యక్తులకు, కార్పొరేట్లకు, పరిశ్రమలకు పూర్తి స్థాయి బ్యాంకింగ్ సేవలు అందిస్తాయి. ఉదాహరణకు ఎస్‌బీఐ, హెచ్‌డీఎఫ్‌సీ, ఐసీఐసీఐ బ్యాంక్‌ వంటి సంస్థలు.ఆయా బ్యాంకులు తమ సేవలను విస్తృతపరుచుకుంటూ కాలక్రమంలో అప్‌గ్రేడ్‌ అ‍య్యేందుకు కేంద్ర బ్యాంకు ఆర్బీఐకి దరఖాస్తు చేస్తుంటాయి. వాటి అర్హతను పరిశీలించి ఆర్బీఐ ఆ మేరకు అనుమతులు జారీ చేస్తుంటుంది. అలా కేంద్ర బ్యాంకు 2025లో కొన్ని పేమెంట్‌ బ్యాంకులకు స్మాల్‌ ఫైనాన్స్‌ బ్యాంకులుగా, స్మాల్‌ ఫైనాన్స్‌ బ్యాంకులకు యూనివర్సల్‌ బ్యాంకులుగా(పెద్ద బ్యాంకులు) అనుమతులు ఇచ్చింది.ఏయూ స్మాల్‌ బ్యాంకుకు ‘యూనివర్సల్’ అనుమతిరిజర్వ్‌ బ్యాంక్‌ 2025లో ఏయూ ఫైనాన్స్‌ స్మాల్‌ బ్యాంకుకు (AU Small Finance Bank) యూనివర్సల్ బ్యాంక్ స్థితికి మారటానికి అనుమతి పొందింది. త్వరలో పెద్ద బ్యాంకుగా సేవలు అందించేందుకు లైసెన్స్‌ లభించనుంది. దశాబ్ద కాలంలో యూనివర్సల్‌ బ్యాంక్‌గా అనుమతి పొందిన ఏకైక బ్యాంక్‌ ఇదే కావడం గమనార్హం. మరి కొన్ని బ్యాంకులు దరఖాస్తు చేసినప్పటికీ అవి కొన్ని పెండింగ్‌లో ఉండగా మరికొన్నింటిని ఆర్బీఐ తిరస్కరించింది.పెద్ద బ్యాంకులతో పోటీగా వడ్డీ రేట్లుఏయూ స్మాల్‌ ఫైనాన్స్‌ బ్యాంకు గ్రామీణ, పట్టణ ప్రాంతాల్లో విస్తృతమైన సేవలు అందిస్తోంది. పెద్ద బ్యాంకులతో పోటీగా వడ్డీ రేట్లు అందిస్తూ డిపాజిటర్లను ఆకట్టుకుంటోంది. ఇందులో సేవింగ్స్‌ అకౌంట్స్‌పై అత్యధికంగా 6.5 శాతం వరకూ వడ్డీ ఇస్తోంది. అలాగే ఫిక్స్‌డ్‌ డిపాజిట్లపైనా 8.5 శాతం దాకా వడ్డీ చెల్లిస్తోంది.పేమెంట్‌ బ్యాంకుకు ప్రమోషన్‌2025లో ఆర్బీఐ మరో పేమెంట్‌ బ్యాంకుకు కూడా ప్రమోషన్‌ ఇచ్చింది. ఫినో పేమెంట్స్‌ బ్యాంకు (Fino Payments Bank) స్మాల్‌ ఫైనాన్స్ బ్యాంక్‌గా మారటానికి ఆర్బీఐ నుంచి సూత్రప్రాయ అనుమతి పొందింది. దీంతో ఫినో బ్యాంక్‌ రానున్న రోజులలో పెద్ద డిపాజిట్లు, రుణాలు, బీమా సేవలను అందించగల స్థితికి చేరుతుంది.ఆర్బీఐ తీసుకున్న ఈ నిర్ణయాలను చిన్న ఫైనాన్స్ రంగంలో నాణ్యత , సేవా విస్తరణను ప్రోత్సహించేందుకు తీసుకున్న ముందడుగు అని ఆర్థిక నిపుణులు అభిప్రాయపడుతున్నారు. వినియోగదారులు త్వరలో మరింత అనుకూలమైన బ్యాంకింగ్ సదుపాయాలను పొందగలుగుతారని భావిస్తున్నారు.

స్మాల్ ఫైనాన్స్ బ్యాంకులు (SFBs) కీలకమైన నియంత్రణ మార్పుల కోసం రిజర్వ్ బ్యాంక్ ఆఫ్ ఇండియా (RBI)ని సంప్రదించాయి. ముఖ్యంగా ప్రస్తుతం ఉన్న రుణ పరిమితిని రెట్టింపు చేయాలని, సహ-రుణాలలో (co-lending బ్యాంకులు, ఎన్‌బీఎఫ్‌సీలతో కలిసి వచ్చే రుణాలు) పాల్గొనడానికి అనుమతించాలని, పోర్ట్‌ఫోలియో నిర్మాణంలో సడలింపులు కల్పించాలని కోరుతున్నాయి.ప్రస్తుతం వినియోగదారులకు గరిష్టంగా ఇచ్చే రుణ పరిమితిని రూ.25 లక్షల నుంచి రూ.50 లక్షలకు రెట్టింపు చేయాలని స్మాల్‌ ఫైనాన్స్‌ బ్యాంకులు ఆర్‌బీఐని విజ్ఞప్తి చేస్తున్నాయి. ఈ పరిమితిని 2014లో నిర్ణయించారు. ఇది రెట్టింపు అయితే చిన్న వ్యాపారాలకు, మైక్రో ఎంటర్‌ప్రైజెస్‌కు పెద్ద మొత్తంలో రుణాలు అందించేందుకు వీలు అవుతుందని అధికారులు చెబుతున్నారు. స్మాల్‌ ఫైనాన్స్‌ బ్యాంకుల వ్యాపార పరిధిని పెంచుకోవడానికి ఇది ఎంతో తోడ్పడుతుందని భావిస్తున్నారు.సెప్టెంబర్‌లో నిర్వహించిన సమీక్ష సమావేశం అనంతరం స్మాల్‌ ఫైనాన్స్‌ బ్యాంకులు ఈ అంశంపై ఏకాభిప్రాయానికి వచ్చి ఇటీవల ఆర్‌బీఐని సంప్రదించాయి. ఈ సమావేశంలో వారి వ్యాపార వృద్ధికి అడ్డుగా ఉన్న అంశాలపై చర్చించినట్లు తెలిసింది. దీంతో పాటు ఎస్‌ఎఫ్‌బీలు తమ రుణ పోర్ట్‌ఫోలియో నిర్మాణంలో మార్పులు కోరుతూ నిబంధనలను సులభతరం చేయాలని ఆర్‌బీఐని అభ్యర్థించాయి.ఇతర ఆర్థిక సంస్థలతో కలిసి సహ-రుణాలలో (co-lending) పాల్గొనడానికి ఎస్‌ఎఫ్‌బీలను అనుమతించాలని కోరుతున్నాయి. సహ-రుణాల ద్వారా విస్తృత స్థాయి కస్టమర్లకు చేరువయ్యే అవకాశం ఉంటుంది. ఇది వారి ఆర్థిక స్థిరత్వాన్ని పెంచుతుంది. ఈ అభ్యర్థనలు బ్యాంకుల వృద్ధికి, ప్రస్తుత వ్యాపార నమూనా సామర్థ్యాన్ని పెంచడానికి, చిన్న తరహా వ్యాపారాలకు మరింత సమర్థవంతంగా సేవలు అందించడానికి దోహదపడతాయని నమ్ముతున్నారు.ఇదీ చదవండి: ర్యాంక్‌ వారీగా ఐపీఎస్ అధికారుల వేతనాలు

జియో ఫైనాన్షియల్‌ సర్వీసెస్‌ (ముకేశ్‌ అంబానీకి చెందిన) సె​ప్టెంబర్‌తో ముగిసిన త్రైమాసికానికి (2025–26లో క్యూ2) రూ. 695 కోట్ల కన్సాలిడేటెడ్‌ లాభాన్ని ప్రకటించింది. క్రితం ఆర్థిక సంవత్స రం ఇదే త్రైమాసికంలో లాభం రూ. 689 కోట్లతో పోల్చితే 0.9% పెరిగింది.క్యూ2లో మొత్తం ఆదాయం రూ.981 కోట్లుగా నమోదైంది. క్రితం ఏడాది ఇదే త్రైమాసికంలో ఆదాయం రూ. 694 కోట్లు గా ఉంది. అంటే ఆదా యం 40% వృద్ధి చెందింది. వడ్డీ ఆదా యం దాదాపు రెట్టింపు రూ.392 కోట్లుగా నమోదైంది. క్రితం ఏడాది ఇదే త్రైమాసికంలో వడ్డీ ఆదాయం రూ.205 కోట్లుగానే ఉంది.ఏయూ స్మాల్‌ ఫైనాన్స్‌ బ్యాంక్‌.. ఫర్వాలేదు ఏయూ స్మాల్‌ ఫైనాన్స్‌ బ్యాంక్‌ సెప్టెంబర్‌తో ముగిసిన త్రైమాసికంలో (2025–26 క్యూ2) రూ.561 కోట్ల లాభాన్ని ప్రకటించింది. క్రితం ఆర్థిక సంవత్సరం ఇదే త్రైమాసికంలో లాభం రూ.571 కోట్లతో పోల్చి చూస్తే 2 శాతం తగ్గింది. ఆదాయం ఇదే కాలంలో 9 శాతం వృద్ధితో రూ.2,857 కోట్లుగా నమోదైంది. ప్రధానంగా వ్యయాలు 11 శాతం ఎగసి రూ.1,647 కోట్లకు చేరడం లాభాలపై ప్రభావం చూపించింది.వసూలు కాని మొండి రుణాలకు (ఎన్‌పీఏలు) చేసిన కేటాయింపులు 29 శాతం పెరిగి రూ.481 కోట్లుగా ఉన్నాయి. క్యూ2లో డిపాజిట్లు 21 శాతం పరిగి రూ.1.32 లక్షల కోట్లకు చేరాయి. సంజయ్‌ అగర్వాల్‌ను ఎండీ, సీఈవోగా మరో మూడేళ్ల కాలానికి కొనసాగించాలని బోర్డు నిర్ణయించింది. వాటాదారులు, ఆర్‌బీఐ ఆమోదం తెలిపితే 2026 ఏప్రిల్‌ 19 నుంచి 2029 ఏప్రిల్‌ 18 వరకు ఎండీ, సీఈవోగా కొనసాగేందుకు అవకాశం ఉంటుంది.

యూనివర్సల్‌ బ్యాంకు (పూర్తి స్థాయి బ్యాంకు)గా కార్యకలాపాలు నిర్వహించుకునేందుకు ఏయూ స్మాల్‌ ఫైనాన్స్‌ బ్యాంకుకు రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) నుంచి సూత్రప్రాయ ఆమోదం లభించింది. ఆర్‌బీఐ మార్గ దర్శకాలకు అనుగుణంగా 2024 సెపె్టంబర్‌ 3న ఏయూ స్మాల్‌ ఫైనాన్స్‌ బ్యాంక్‌ యూనివర్సల్‌ బ్యాంకింగ్‌ లైసెన్స్‌ కోసం దరఖాస్తు చేసుకుంది. అర్హత ప్రమాణాలు పరిశీలించిన ఆర్‌బీఐ తాజాగా దీన్ని మంజూరు చేసింది. దీంతో ఆర్‌బీఐ నుంచి పూర్తి స్థాయి బ్యాంకింగ్‌ లైసెన్స్‌ పొందిన తొలి స్మాల్‌ ఫైనాన్స్‌ బ్యాంకుగా అవతరించింది.ఇదీ చదవండి: కరెంట్‌ బిల్లు పరిధి దాటితే ఐటీఆర్‌ ఫైల్‌ చేయాల్సిందే!బ్యాంకు ఎండీ సీఈవో సంజయ్‌ అగర్వాల్‌ మాట్లాడుతూ.. ‘యూనివర్సల్‌ బ్యాంక్‌గా కార్యకపాలు నిర్వహించుకునేందుకు ఆర్‌బీఐ నుంచి సూత్రప్రాయంగా ఆమోదం పొందడం ద్వారా చరిత్ర సృష్టించాం. వ్యాపార విస్తరణ సామర్థ్యాన్ని పెంచుకోవడమే కాకుండా మరింత బాధ్యతాయుతంగా వ్యవహరిస్తాం’ అన్నారు. దాదాపు దశాబ్దకాలం తర్వాత మళ్లీ ఆర్‌బీఐ యూనివర్సల్‌ బ్యాంకింగ్‌ లైసెన్స్‌ ఇవ్వడం ఇదే తొలిసారి. అంతక్రితం 2014 ఏప్రిల్‌లో బంధన్‌ బ్యాంక్, ఐడీఎఫ్‌సీ బ్యాంక్‌ (ప్రస్తుతం ఐడీఎఫ్‌సీ ఫస్ట్‌ బ్యాంక్‌)లకు ఆర్‌బీఐ బ్యాంకింగ్‌ లైసెన్స్‌ మంజూరు చేసింది.

ప్రభుత్వ రంగ జీవిత బీమా దిగ్గజం లైఫ్‌ ఇన్సూరెన్స్‌ కార్పొరేషన్‌ (ఎల్‌ఐసీ)తో వ్యూహాత్మక భాగస్వామ్య ఒప్పందం కుదుర్చుకున్నట్లు ఏయూ స్మాల్‌ ఫైనాన్స్‌ బ్యాంక్‌ (ఏయూ ఎస్‌ఎఫ్‌బీ) తెలిపింది. దీని ప్రకారం ఎల్‌ఐసీ టర్మ్‌ పాలసీలు, ఎండోమెంట్‌ ప్లాన్లు, హోల్‌ లైఫ్‌ పాలసీలు మొదలైన వాటిని తమ శాఖల్లో విక్రయించనున్నట్లు పేర్కొంది.21 రాష్ట్రాలు, 4 కేంద్ర పాలిత ప్రాంతాల్లో తమకు 2,456 పైగా బ్యాంకింగ్‌ టచ్‌పాయింట్లు ఉన్నట్లు బ్యాంక్‌ ఈడీ ఉత్తమ్‌ టిబ్రెవాల్‌ తెలిపారు. ఈ ఒప్పందంతో ఓవైపు బ్యాంకింగ్, బీమా, దీర్ఘకాలిక ఆర్థిక ప్లానింగ్‌ సొల్యూషన్స్‌ అన్నింటినీ ఒకే దగ్గర అందించే సంస్థగా తమ బ్యాంక్‌ స్థానం పటిష్టమవుతుందని మరోవైపు గ్రామీణ, సెమీ–అర్బన్‌ ప్రాంతాల్లో ఎల్‌ఐసీ పాలసీల విస్తృతి మరింతగా పెరుగుతుందని వివరించారు. బ్యాంకింగ్, భద్రత, దీర్ఘకాలిక ఆర్థిక ప్రణాళికను ఒకే ప్లాట్ఫామ్ కింద సమీకృతం చేస్తూ, పూర్తి-స్పెక్ట్రమ్ ఫైనాన్షియల్ సర్వీసెస్ ప్రొవైడర్‌గా మారడానికి ఏయూ స్మాల్‌ ఫైనాన్స్‌ బ్యాంక్‌ సాగిస్తున్న ప్రయాణంలో ఈ సహకారం ఒక మైలురాయిని సూచిస్తుంది. ఎల్ఐసీకి కూడా ఈ భాగస్వామ్యం విశ్వసనీయమైన, కస్టమర్-సెంట్రిక్ బ్యాంకింగ్ భాగస్వామి ద్వారా విస్తృత పరిధిని అందిస్తుంది.సంజయ్ అగర్వాల్ 1996లో స్థాపించిన ఏయూ స్మాల్ ఫైనాన్స్ బ్యాంక్ భారతదేశంలో అతిపెద్ద స్మాల్ ఫైనాన్స్ బ్యాంక్‌గా, షెడ్యూల్డ్ కమర్షియల్ బ్యాంకుగా పనిచేస్తుంది. 2025 మార్చి 31 నాటికి బ్యాంక్ 1.13 కోట్లకు పైగా కస్టమర్లకు సేవలు అందించింది. బ్యాలెన్స్ షీట్ పరిమాణం రూ .1.57 లక్షల కోట్లు. 'ఎఎ /స్టేబుల్‌' క్రెడిట్ రేటింగ్‌ ఈ బ్యాంకుకు ఉంది.

భారతీయ రిజర్వ్‌ బ్యాంక్‌(ఆర్‌బీఐ) నిబంధనలు పాటించలేదనే కారణంతో ప్రముఖ బ్యాంకులైన స్టేట్ బ్యాంక్ ఆఫ్ ఇండియా (ఎస్‌బీఐ), జన స్మాల్ ఫైనాన్స్ బ్యాంకుపై జరిమానా విధించింది. ఆర్థిక క్రమశిక్షణను అమలు చేయడానికి, నిర్దేశించిన మార్గదర్శకాలకు బ్యాంకులు కట్టుబడి ఉండేలా ఈ జరిమానా విధిస్తున్నట్లు తెలిపింది.బ్యాంకుల రుణాలు, అడ్వాన్స్‌లు, అనధికార ఎలక్ట్రానిక్ బ్యాంకింగ్ లావాదేవీల్లో కస్టమర్ ప్రొటెక్షన్‌కు సంబంధించిన అంశాలు, కరెంట్ అకౌంట్‌ ఖాతాలు ఓపెన్‌ చేయడంలో నిబంధనల ఉల్లంఘనలను గుర్తించినట్లు ఆర్‌బీఐ తెలిపింది. దాంతో ఎస్‌బీఐకి రూ.1.72 కోట్ల జరిమానా విధిస్తున్నట్లు పేర్కొంది. జన స్మాల్ ఫైనాన్స్ బ్యాంక్ బ్యాంకింగ్ రెగ్యులేషన్ యాక్ట్, 1949 ప్రకారం నిబంధనలను ఉల్లంఘించినందుకు రూ.1 కోటి జరిమానా విధిస్తున్నట్లు చెప్పింది. ఈ జరిమానాలు బ్యాంకింగ్ రంగంలో మరింత జవాబుదారీతనాన్ని నిర్ధారించడానికి దిద్దుబాటు చర్యగా పనిచేస్తాయని పేర్కొంది.ఇదీ చదవండి: సరిహద్దు రాష్ట్రాల్లో ఉద్యోగులకు వర్క్‌ ఫ్రం హోంబ్యాంకింగ్ వ్యవస్థపై ప్రభావంరెగ్యులేటరీ నిబంధనల అమలు ఆర్థిక సంస్థలపై ఆర్‌బీఐ కఠినమైన పర్యవేక్షణను ప్రతిబింబిస్తుంది. అంతర్గత నియంత్రణలను బలోపేతం చేయడానికి, కస్టమర్ రక్షణ యంత్రాంగాలను మెరుగుపరచడానికి బ్యాంకులను ప్రోత్సహిస్తుంది. ఈ చర్యలు ఇతర బ్యాంకులకు హెచ్చరికగా కూడా పనిచేస్తాయని కొందరు భావిస్తున్నారు. ఆర్‌బీఐ మార్గదర్శకాలకు కట్టుబడి ఉండాలని, వాటిని పాటించడంలో లోపాలను నివారించాలని కోరుతున్నారు.

ప్రయివేట్‌ రంగ సంస్థ ఏయూ స్మాల్‌ ఫైనాన్స్‌ బ్యాంక్‌(ఎస్‌ఎఫ్‌బీ) గతేడాది(2024–25) చివరి త్రైమాసికంలో పటిష్ట ఫలితాలు సాధించింది. జనవరి–మార్చి(క్యూ4)లో నికర లాభం 18 శాతం ఎగసి రూ. 504 కోట్లను తాకింది. ఇందుకు ఇతర ఆదాయం దోహదపడింది. అంతక్రితం ఏడాది(2023–24) ఇదే కాలంలో రూ. 428 కోట్లు ఆర్జించింది.మొత్తం ఆదాయం సైతం రూ. 3,385 కోట్ల నుంచి రూ. 5,031 కోట్లకు జంప్‌చేసింది. నికర వడ్డీ ఆదాయం(ఎన్‌ఐఐ) 57 శాతం దూసుకెళ్లి రూ. 2,094 కోట్లను తాకింది. నికర వడ్డీ మార్జిన్లు 0.7 శాతం మెరుగుపడి 5.8 శాతానికి చేరాయి. పూర్తి ఏడాదికి బ్యాంక్‌ నికర లాభం 32 శాతం ఎగసి రూ. 2,106 కోట్లయ్యింది.2023–24లో రూ. 1,591 కోట్లు మాత్రమే ఆర్జించింది. వాటాదారులకు షేరుకి రూ. 1 చొప్పున డివిడెండ్‌ ప్రకటించింది. కాగా.. స్థూల మొండిబకాయిలు (ఎన్‌పీఏలు) 1.67 శాతం నుంచి 2.28 శాతానికి, నికర ఎన్‌పీఏలు 0.55 శాతం నుంచి 0.74 శాతానికి పెరిగాయి. వెరసి ప్రొవిజన్లు, కంటింజెన్సీలు రూ. 118 కోట్ల నుంచి రూ. 635 కోట్లకు భారీగా పెరిగాయి.మహీంద్రా లాజిస్టిక్స్‌ లాభం జూమ్‌ప్రయివేట్‌ రంగ కంపెనీ మహీంద్రా లాజిస్టిక్స్‌ గతేడాది(2024–25) చివరి త్రైమాసికంలో ప్రోత్సాహకర ఫలితాలు సాధించింది. జనవరి–మార్చి(క్యూ4)లో స్టాండెలోన్‌ నికర లాభం 67 శాతం జంప్‌చేసి రూ. 13 కోట్లను అధిగమించింది. అంతక్రితం ఏడాది(2023–24) ఇదే కాలంలో దాదాపు రూ. 8 కోట్లు మాత్రమే ఆర్జించింది.మొత్తం ఆదాయం సైతం రూ. 1,183 కోట్ల నుంచి రూ. 1,293 కోట్లకు బలపడింది. అయితే మార్చితో ముగిసిన పూర్తి ఏడాదికి నికర లాభం 30 శాతం క్షీణించి దాదాపు రూ. 44 కోట్లకు పరిమితమైంది. 2023–24లో రూ. 62 కోట్లు ఆర్జించింది. కాగా.. టర్నోవర్‌ 10 శాతం వృద్ధితో రూ. 5,013 కోట్లను తాకింది. 2023–24లో రూ. 4,530 కోట్ల ఆదాయం అందుకుంది.

హైదరాబాద్, బిజినెస్‌ బ్యూరో: ఆర్థిక అనిశ్చితి నేపథ్యంలో పసిడి రుణాలకు డిమాండ్‌ పెరుగుతోందని ఏయూ స్మాల్‌ ఫైనాన్స్‌ బ్యాంక్‌ (ఏయూ ఎస్‌ఎఫ్‌బీ) డిప్యూటీ సీఈవో రాజీవ్‌ యాదవ్‌ తెలిపారు. రాబోయే 3–5 ఏళ్లలో తమ బ్యాంకు వృద్ధి వ్యూహాల్లో గోల్డ్‌ లోన్లు కీలక పాత్ర పోషించగలవని సాక్షి బిజినెస్‌ బ్యూరోకు వివరించారు. ఆకర్షణీయమైన వడ్డీ రేట్లు, ఇరవై నిమిషాల్లోపే రుణాల మంజూరుతో కస్టమర్లకు మరింత మెరుగైన సేవలు అందించడంపై దృష్టి పెడుతున్నట్లు ఆయన చెప్పారు. మరిన్ని వివరాలు ఆయన మాటల్లోనే.. ద్రవ్యోల్బణం, వడ్డీ రేట్లు అధిక స్థాయిలో ఉన్నప్పటికీ పసిడికి డిమాండ్‌ పటిష్టంగానే ఉంది. ఐబీఈఎఫ్‌ అధ్యయనం ప్రకారం, పసిడిపై దిగుమతి సుంకాలను తగ్గించడంతో ఈ ఆర్థిక సంవత్సరం జూలై–సెపె్టంబర్‌ మధ్య కాలంలో గోల్డ్‌కు డిమాండ్‌ 18 శాతం పెరిగింది. ఆర్థిక అనిశి్చతులతో పాటు ఫైనాన్సింగ్‌ ఆప్షన్‌గా బంగారం రుణాలపై అవగాహన పెరుగుతున్న నేపథ్యంలో దేశీయంగా గోల్డ్‌ లోన్లకు డిమాండ్‌ పెరుగుతోంది. వరల్డ్‌ గోల్డ్‌ కౌన్సిల్‌ ప్రకారం భారత్‌లో కుటుంబాల వద్ద 25,000 టన్నుల పైగా బంగారం ఉన్నట్లు అంచనా.ప్రస్తుత ఆర్థిక పరిస్థితుల్లో సత్వరం, తక్కువ వడ్డీ రేటుపై రుణాలు తీసుకోవాలనుకునే వ్యక్తులు, వ్యాపారవర్గాలకు బంగారం రుణాలు ఆకర్షణీయమైన ఆప్షన్‌గా మారాయి. మేము తక్కువ డాక్యుమెంటేషన్, సరళతరమైన ప్రక్రియతో కస్టమర్లకు సేవలు అందిస్తున్నాం. 12.99 శాతం నుంచి ప్రారంభమయ్యే వడ్డీ రేటు, 20 నిమిషాల్లోపే వేగవంతంగా రుణ వితరణ, వ్యక్తిగత పరిస్థితులను బట్టి సరళతరమైన రీపేమెంట్‌ ఆప్షన్లు మొదలైన మార్గాల్లో మేము కస్టమర్లకు సరీ్వసులు అందిస్తున్నాం. విశ్వసనీయత, పారదర్శకత, సౌకర్యానికి పెద్ద పీట వేస్తున్నాం. గ్రామీణ, పట్టణ ప్రాంతాల్లో భిన్నమైన ధోరణులు.. గ్రామీణ, పట్టణ ప్రాంతాల్లో గోల్డ్‌ లోన్‌ ధోరణులు భిన్నంగా ఉంటున్నాయి. గ్రామీణ ప్రాంతాల్లో ఎక్కువగా వ్యవసాయ ఖర్చులు, చిన్న వ్యాపారాలు, అత్యవసర పరిస్థితుల కోసం బంగారం రుణాలు తీసుకుంటున్నారు. ప్రత్యామ్నాయ రుణ సాధనాల లభ్యత పరిమితంగా ఉండటం వల్ల అత్యవసర పరిస్థితుల కోసం గ్రామీణ ప్రాంతాల కస్టమర్లు బంగారం రుణాలపై ఆధారపడుతుంటారు. ఇక పట్టణ ప్రాంతాల విషయానికొస్తే.. గోల్డ్‌ లోన్లను నిర్వహణ మూలధన అవసరాలు, ఔత్సాహిక వ్యాపారవేత్తల వెంచర్లు, లైఫ్‌ స్టయిల్‌ ఖర్చులు మొదలైన వాటికోసం తీసుకుంటున్నారు.పట్టణ ప్రాంతాల కస్టమర్లు సౌకర్యం, వేగానికి ప్రాధాన్యమిస్తూ సత్వరమైన, టెక్‌ ఆధారిత సొల్యూషన్స్‌ను కోరుకుంటున్నారు. దానికి అనుగుణంగానే మేమూ సరీ్వసులు అందిస్తున్నాం. పసిడి ధరలు ఆల్‌–టైమ్‌ గరిష్ట స్థాయిల్లో ఉన్న నేపథ్యంలో ఇటు బ్యాంకు అటు కస్టమర్ల ప్రయోజనాలను పరిరక్షించేలా ఏయూ ఎస్‌ఎఫ్‌బీ పటిష్టమైన రిస్క్‌ మేనేజ్‌మెంట్‌ విధానాలు పాటిస్తుంది. మెరుగైన లోన్‌–టు–వేల్యూ (ఎల్‌టీవీ) నిష్పత్తులను పాటిస్తుంది. ఎప్పటికప్పుడు పసిడి ధరల ధోరణులు, మార్కెట్‌ పరిస్థితులను నిశితంగా పరిశీలిస్తూ, పాలసీలను అలాగే పథకాలను తదనుగుణంగా మార్చుకుంటూ ఉంటోంది. వృద్ధి ప్రణాళికలు .. మా పసిడి రుణాల పోర్ట్‌ఫోలియో ప్రస్తుత ఆర్థిక సంవత్సరం రెండో త్రైమాసికంలో సుమారు రూ. 1,986 కోట్లుగా ఉంది. క్యూ1లో ఇది రూ. 1,791 కోట్లు. వచ్చే 3–5 ఏళ్లలో బ్యాంకు వృద్ధి వ్యూహాల్లో గోల్డ్‌ లోన్లు కీలక పాత్ర పోషించనున్నాయి. మా రిటైల్, ఎంఎస్‌ఎంఈ పోర్ట్‌ఫోలియోలను విస్తరించడంలో పసిడి రుణాలు గణనీయంగా తోడ్పడే అవకాశముంది. టెక్నాలజీని వినియోగించుకుంటూ, బ్రాంచ్‌ నెట్‌వర్క్‌ను విస్తరించి, స్థానిక మార్కెట్‌ పరిస్థితులకు అనుగుణంగా ఆఫర్లను అందించడం ద్వారా మా గోల్డ్‌ లోన్‌ పోర్ట్‌ఫోలియోను మరింతగా పెంచుకునే ప్రణాళికలు ఉన్నాయి.

ముంబై: కొన్ని స్మాల్‌ ఫైనాన్స్‌ బ్యాంక్‌లు (ఎస్‌ఎఫ్‌బీలు) విపరీత పోకడలు పోతూ.. అట్టడుగు వర్గాలకు చెందిన రుణ గ్రహీతల నుంచి భారీ వడ్డీ రేట్లను వసూలు చేస్తున్నాయని ఆర్‌బీఐ డిప్యూటీ గవర్నర్‌ స్వామినాథన్‌ వ్యాఖ్యానించారు. ముందస్తుగానే కొన్ని వాయిదాల మొత్తాన్ని రుణ గ్రహీతల నుంచి తీసుకుని, వాటిని రుణంలో సర్దుబాటు చేయడం లేదన్నారు. పైగా అధిక ఫీజులు వసూలు చేస్తున్నట్టు చెప్పారు.వ్యాపార వృద్ధి కోసం స్థిరమైన, బాధ్యతాయుత వ్యాపార విధానాలను పాటించాలని స్మాల్‌ ఫైనాన్స్‌ బ్యాంక్‌లకు సూచించారు. ఎస్‌ఎఫ్‌బీలపై బెంగళూరులో ఆర్‌బీఐ నిర్వహించిన కార్యక్రమంలో భాగంగా స్వామినాథన్‌ మాట్లాడారు. కొన్ని ఎస్‌ఎఫ్‌బీల బోర్డులో కనీసం ఇద్దరు హోల్‌టైమ్‌ డైరెక్టర్లను కూడా లేకపోవడాన్ని ఆర్‌బీఐ గుర్తించినట్టు చెప్పారు. కేవలం ఒకే ఒక్క పూర్తి కాల డైరెక్టర్‌ కలిగి ఉండడం కొన్ని సందర్భాల్లో సమస్యలకు దారితీయవచ్చంటూ.. మరింత మంది హోల్‌టైమ్‌ డైరెక్టర్ల నియామకంపై దృష్టి పెట్టాలని సూచించారు. డిపాజిట్ల విషయంలో జాగ్రత్త.. అధిక వ్యయంతో కూడిన టర్మ్‌ డిపాజిట్లపై ఆధారపడడం లేదంటే కేవలం కొన్ని సంస్థల బల్క్‌ డిపాజిట్లపై ఆధారపడడం పట్ల ఎస్‌ఎఫ్‌బీలను స్వామినాథన్‌ హెచ్చరించారు. ఇలా ఏదో ఒక విభాగంలో ఎక్కువ డిపాజిట్లు తీసుకోవడం పట్ల ఉండే రిస్‌్కను మదింపు వేయాలని సూచించారు.సామాజిక బాధ్యత.. సమాజంలో అట్టడుగు వర్గాల వారికి ఆర్థిక సేవల విస్తరణకు, యువ పారిశ్రామికవేత్తల సాకారానానికి ఎస్‌బీఎఫ్‌లు కీలక పాత్ర పోషించాలని స్వామినాథన్‌ సూచించారు. సమ్మిళిత వృద్ధి దేశ ఆర్థిక పురోగతికి ఎంతో అవసరమన్నారు. సమాజంలోని బలహీన వర్గాలకు అందుబాటు ధరలకే రుణాలను కేంద్ర ప్రభుత్వ పథకాల కింద అందించేందుకు కృషి చేయాలని సూచించారు.

బ్యాంకింగ్‌ వ్యవస్థలో ఇప్పుడు డిపాజిట్ల పోరు మొదలైంది. రుణాలు ఇస్తున్నంత జోరుగా డిపాజిట్ల సమీకరణ జరగడం లేదంటూ ఆర్‌బీఐ పదేపదే హెచ్చరించడం తెలిసిందే. ఈ నేపథ్యంలో ఫిక్స్‌డ్‌ డిపాజిట్‌ రేట్ల మోత మోగుతోంది. అధిక వడ్డీ రేట్ల రేసులో స్మాల్‌ ఫైనాన్స్‌ బ్యాంకులు, ఎన్‌బీఎఫ్‌సీలు ముందుండటం గమనార్హం!డిపాజిట్ల సమీకరణలో స్మాల్‌ ఫైనాన్స్‌ బ్యాంకులు (ఎస్‌ఎఫ్‌బీలు) దూసుకెళ్తున్నాయి. దాదాపు అరడజను ఎస్‌ఎఫ్‌బీలు ఫిక్స్‌డ్‌ డిపాజిట్ల (ఎఫ్‌డీ)పై 8% శాతం పైగా వడ్డీరేటును ఆఫర్‌ చేస్తూ డిపాజిటర్లను ఆకర్షిస్తున్నాయి. ఎస్‌బీఐ, హెచ్‌డీఎఫ్‌సీ బ్యాంక్‌ వంటి బడా బ్యాంకులు, ఇతర వాణిజ్య బ్యాంకులతో పోలిస్తే ఏకంగా 1 శాతం పైగానే అధికంగా వడ్డీరేటును ఆఫర్‌ చేస్తుండటం గమనార్హం. గత కొన్నేళ్లుగా డిపాజిట్‌ రేట్లు నేలచూపులు చూడటంతో పాటు షేర్లు, మ్యూచువల్‌ ఫండ్‌లు, బాండ్లు ఇతరత్రా ప్రత్యామ్నాయ పెట్టుబడి అవకాశాలు ఆకర్షించడంతో ఇన్వెస్టర్లు తమ పొదుపు నిధులను చాలా వరకు అటువైపు మళ్లిస్తున్నారు. దీంతో కొంతకాలంగా బ్యాంకుల్లో డిపాజిట్లు వెలవెలబోతున్న పరిస్థితి నెలకొంది. దీనిపై ఆర్‌బీఐ తీవ్రంగా దృష్టి పెట్టడంతో బ్యాంకులు మళ్లీ రేట్ల పెంపు, ప్రత్యేక స్కీమ్‌ల ద్వారా డిపాజిట్ల సమీకరణ వేట మొదలు పెట్టాయి.ఇదీ చదవండి: ‘తొందరపాటు నిర్ణయాలు తీసుకోం’జులై నుంచి జోరు...ఈ ఏడాది జూన్‌లో డిపాజిట్లు, రుణ వృద్ధి మధ్య అంతరం ఆల్‌టైమ్‌ గరిష్టానికి ఎగబాకడంతో రేట్ల పెంపు మొదలైంది. బ్యాంకులన్నీ వరుస కట్టడంతో జులై నుంచి ఇది వేగం పుంజుకుంది. ఈ రేసులో ఎస్‌ఎఫ్‌బీలు బ్యాంకులతో పోటాపోటీగా వడ్డీరేట్లను ఆఫర్‌ చేస్తున్నాయి. ఉత్కర్ష్‌, సూర్యోదయ ఎస్‌ఎఫ్‌బీలు 2–3 ఏళ్ల వ్యవధి ఫిక్సిడ్‌ డిపాజిట్లపై 8.5% వడ్డీని ఇస్తున్నాయి. ఈక్విటాస్‌ కూడా రెండేళ్ల నుంచి మూడేళ్లలోపు ఎఫ్‌డీలపై 8.5% వడ్డీరేటును అందిస్తోంది. యూనిటీ ఎస్‌ఎఫ్‌బీ అయితే 1,001 రోజుల ఎఫ్‌డీపై ఏకంగా 9% వడ్డీ ఇస్తుండటం విశేషం. ఈ విషయంలో వాణిజ్య బ్యాంకులు వెనుకబడుతున్నాయి. ఎస్‌బీఐ 444 రోజుల ప్రత్యేక డిపాజిట్‌ స్కీమ్‌పై అత్యధికంగా 7.25% వడ్డీ ఆఫర్‌ చేస్తోంది. హెచ్‌డీఎఫ్‌సీ బ్యాంక్‌ గరిష్ట డిపాజిట్‌ రేటు 7.4%. అయితే, ఈ బ్యాంకులు సీనియర్‌ సిటిజన్లకు అదనంగా అర శాతం వడ్డీ ఇస్తున్నాయి. కాగా, బ్యాంకింగేతర ఫైనాన్స్‌ సంస్థలు (ఎన్‌బీఎఫ్‌సీ) కూడా 8% పైగా వడ్డీ ఆఫర్‌ చేస్తూ బ్యాంకులతో పోటీ పడుతున్నాయి. మణిపాల్‌ హౌసింగ్‌ ఫైనాన్స్‌ 1–3 ఏళ్ల ఎఫ్‌డీలపై 8.25% వడ్డీ ఇస్తుండగా.. బజాజ్‌ ఫైనాన్స్‌ 42 నెలల డిపాజిట్‌కు 8.65% వడ్డీ రేటు అందిస్తోంది.

న్యూఢిల్లీ: ఏయూ స్మాల్‌ ఫైనాన్స్‌ బ్యాంక్‌ (ఏయూఎస్‌ఎఫ్‌బీ) పూర్తి స్థాయి బ్యాంక్‌ లైసెన్స్‌ కోసం రిజర్వ్‌ బ్యాంక్‌ ఆఫ్‌ ఇండియాకు (ఆర్‌బీఐ) దరఖాస్తు సమర్పించింది. కనీస నికర విలువ రూ. 1,000 కోట్లతో సహా నిర్దిష్ట ప్రమాణాలకు అనుగుణంగా ఉన్న చిన్న ఆర్థిక బ్యాంకులు.. పూర్తి స్థాయి బ్యాంక్‌లుగా మారడానికి ఏప్రిల్‌లో ఆర్‌బీఐ దరఖాస్తులను ఆహ్వానించింది. ఇందుకు అనుగుణంగా దరఖాస్తు సమర్పించినట్లు ఏయూ స్మాల్‌ ఫైనాన్స్‌ బ్యాంక్‌ ఒక బీఎస్‌ఈ రెగ్యులేటరీ ఫైలింగ్‌లో తెలిపింది.ప్రైవేట్‌ రంగంలో చిన్న ఫైనాన్స్‌ బ్యాంకులు (ఎస్‌ఎఫ్‌బీ) పూర్తి స్థాయి బ్యాంకుగా మారడానికి సంబంధించిన లైసెన్సింగ్‌ మార్గదర్శకాలను నవంబర్‌ 2014లో ఆర్‌బీఐ జారీ చేసింది. జైపూర్‌కు చెందిన ఏయూ స్మాల్‌ ఫైనాన్స్‌ బ్యాంక్‌ ఈ ఏడాది మొదట్లో ఫిన్‌కేర్‌ స్మాల్‌ ఫైనాన్స్‌ బ్యాంక్‌ను కొనుగోలు చేసింది. ఈ ఏడాది ఏప్రిల్‌ 1 నుండి విలీనం అమల్లోకి వచ్చింది. దీనితో విలీన సంస్థ మొత్తం వ్యాపార పరిమాణం రూ. 1.8 లక్షల కోట్లు దాటింది.

తెలుగు రాష్ట్రాల్లో యూనిటీ స్మాల్‌ ఫైనాన్స్‌ బ్యాంకు తన కార్యకలాపాలు ప్రారంభిస్తున్నట్లు ప్రకటించింది. మొదటి దశలో భాగంగా తెలంగాణలోని హైదరాబాద్‌లో 5 బ్రాంచిలను ఆవిష్కరిస్తున్నట్లు కంపెనీ ఎండీ, సీఈఓ ఇందర్‌జిత్‌ కామోత్రా తెలిపారు.ఈ సందర్భంగా ఆయన మాట్లాడుతూ..‘యూనిటీ స్మాల్‌ ఫైనాన్స్‌ బ్యాంక్‌ సేవలను తెలుగు రాష్ట్రాల్లో ప్రారంభిస్తున్నందుకు సంతోషంగా ఉంది. ఈ బ్యాంకు ద్వారా సూక్ష్మ, చిన్న, మధ్య తరహా పరిశ్రమ (ఎంఎస్‌ఎంఈ) వర్గాలు రుణాలు పొందవచ్చు. ప్రాథమికంగా హైదరాబాద్‌లో 5 బ్రాంచిలను ప్రారంభిస్తున్నాం. త్వరలో ఆంధ్రప్రదేశ్‌లోని విజయవాడ, విశాఖపట్నంలోనూ బ్యాంకు బ్రాంచీలు మొదలుపెడతాం. దేశ వ్యాప్తంగా యూనిటీ బ్యాంకుకు 182 శాఖలున్నాయి. వచ్చే ఏడాదిన్నరలో వీటిని 300కు పెంచాలని లక్ష్యంగా నిర్ణయించుకున్నాం. వీటితోపాటు 130కి పైగా అసెట్‌ బ్రాంచీలు ఏర్పాటు చేస్తాం. మొత్తం బ్యాంకుకు రూ.7,500 కోట్ల డిపాజిట్లు, రూ.8,500 కోట్ల రుణాలున్నాయి’ అని చెప్పారు.ఇదీ చదవండి: ధరలు తగ్గించిన ఏకైన దేశం ఇండియా

యూనిటీ స్మాల్‌ ఫైనాన్స్‌ బ్యాంక్‌ ఖాతాదారులకు శుభవార్త చెప్పింది. సేవింగ్‌ అకౌంట్లపై అందించే వడ్డీ రేట్లు పెంచుతున్నట్లు తెలిపింది.  యూనిటీ స్మాల్ ఫైనాన్స్ బ్యాంక్ ప్రకారం.. రూ.20 లక్షల నుంచి రూ.5 కోట్ల వరకు చేసే డిపాజిట్లపై 7.50 శాతం వడ్డీని రూ.5లక్షల నుంచి రూ.20 కోట్ల వరకు చేసే డిపాజిట్లపై 7.25 శాతం వడ్డీని అందిస్తున్నట్లు వెల్లడించింది.   యూనిటీ బ్యాంక్ రూ. 1 లక్ష వరకు డిపాజిట్‌లపై సంవత్సరానికి 6.00 శాతం, రూ. 1 లక్ష కంటే ఎక్కువ రూ. 5 లక్షల వరకు ఉన్న నిల్వలకు సంవత్సరానికి 7.00శాతం వడ్డీ రేటును అందిస్తుంది. రూ. 5 కోట్ల కంటే ఎక్కువ ఖాతాలను ఉంచే హెచ్‌ఎన్‌ఐలకు 7.75శాతం వార్షిక వడ్డీ లభిస్తుంది. ప్రతి స్లాబ్‌పై నెలవారీ వడ్డీని అందిస్తుంది.  యూనిటీ స్మాల్ ఫైనాన్స్ బ్యాంక్ సాధారణ పౌరులకు 7 రోజుల నుండి 10 సంవత్సరాల మధ్య వడ్డీ రేట్లను 4.50శాతం నుండి 9శాతం వరకు అందిస్తున్నట్లు తెలిపింది. ఫిక్స్‌డ్ డిపాజిట్లపై, యూనిటీ బ్యాంక్ సీనియర్ సిటిజన్‌లకు 9.50శాతం, సాధారణ పెట్టుబడిదారులకు 1001 రోజులకు 9.00శాతం వడ్డీ రేటును అందిస్తోంది.

ఫిన్‌కేర్ స్మాల్ ఫైనాన్స్ బ్యాంక్‌తో విలీనవుతున్న ఏయూ స్మాల్ ఫైనాన్స్ బ్యాంక్ రూ. 1 లక్ష కోట్ల డిపాజిట్లతో సంవత్సరాన్ని ముగించాలని భావిస్తోంది. జైపూర్‌ కేంద్రంగా ఉన్న ఈ బ్యాంకు కార్యకలాపాలు ప్రారంభించి 2027 నాటికి పదేళ్లు పూర్తి చేసుకుంటుంది. ఈ సందర్భంగా 2027 మార్చి నాటికి రూ. 2 లక్షల కోట్ల డిపాజిట్లను సాధించాలని లక్ష్యంగా పెట్టుకున్నట్లు బ్యాంకు వ్యవస్థాపకుడు, ఎండీ, సీఈవో సంజయ్ అగర్వాల్ పేర్కొన్నారు. ఎప్పటిలాగే రిటైల్‌ రుణాలు కొనసాగిస్తూనే భవిష్యత్తులో యూనివర్సల్ బ్యాంక్ లైసెన్స్ కోసం దరఖాస్తు చేసుకోనున్నట్లు ఆయన చెప్పారు. ఏయూ స్మాల్‌ ఫైనాన్స్‌ బ్యాంకు 2023 సెప్టెంబర్ నాటికి రూ. 75,000 కోట్లకు పైగా డిపాజిట్లను కలిగి ఉంది. ఇక ఫిన్‌కేర్‌ స్మాల్‌ ఫైనాన్స్‌ బ్యాంకు వద్ద రూ. 10,000 కోట్ల డిపాజిట్లు ఉన్నాయి. తాము 28-30 శాతం స్థిరమైన వృద్ధితో ఎదిగామని, ఇదే వృద్ధితో కొనసాగితే 2027 నాటికి డిపాజిట్లను రూ. 2 లక్షల కోట్లకు పెంచుకోగలమని విశ్వాసం వ్యక్తం చేశారు. ఏడేళ్లలో రూ.లక్ష కోట్ల డిపాజిట్లను సాధించడం ఏ బ్యాంకుకు అయినా వేగవంతమైన వృద్ధిరేటు అవుతుందని అగర్వాల్ అభిప్రాయపడ్డారు. సాంప్రదాయ బ్యాంకుల మాదిరిగా కాకుండా తాము ఆస్తి విభాగంలో ఇతర బ్యాంకుల కంటే ప్రధానంగా ఎన్‌బీఎఫ్‌సీలతో పోటీ పడుతున్నామని, కానీ డిపాజిట్ల విషయానికి వస్తే తాము అన్ని బ్యాంకులతో పోటీ పడతామని వివరించారు.

న్యూఢిల్లీ: ఆర్‌బీఐ సూచించిన విధంగా బ్యాంకింగేతర ఆర్థిక సంస్థలు, స్మాల్‌ ఫైనాన్స్‌ బ్యాంక్‌లు రుణ వితరణలో అప్రమత్తంగా వ్యవహరించాలని కేంద్ర ఆర్థిక మంత్రి నిర్మలా సీతారామన్‌ సూచించారు. ఎర్రటి గీతను (హద్దులను/పరిమితులను) గౌరవించాలని, అత్యుత్సాహంతో దూకుడుగా వ్యవహరించరాదని కోరారు. వ్యక్తిగత రుణాలు, క్రెడిట్‌కార్డ్‌ రుణ విభాగంలో (అన్‌సెక్యూర్డ్‌) బ్యాంకులు, ఎన్‌బీఎఫ్‌సీలు గడిచిన కొన్నేళ్లలో భారీ వృద్ధిని చూపిస్తుండడం తెలిసిందే. ఫలితంగా ఈ విభాగంలో ఎన్‌పీఏలు క్రమంగా పెరుగుతున్నాయి. దీంతో రిస్క్‌ నియంత్రణకు గాను ఆర్‌బీఐ ఇటీవలే నిబంధనలు కఠినతరం చేయడం తెలిసే ఉంటుంది. వ్యక్తిగత రుణాలు, క్రెడిట్‌ కార్డ్‌ల రుణాలకు గాను రిస్క్‌ వెయిటేజీని 0.25 శాతం మేర పెంచింది. దీనివల్ల బ్యాంకుల వరకే రూ.84,000 కోట్లను అదనంగా పక్కన పెట్టాల్సి రావచ్చని అంచనా. ‘డేట్‌ విత్‌ టెక్‌’ కార్యక్రమంలో పాల్గొన్న సందర్భంగా మంత్రి సీతారామన్‌ ఈ అంశాన్ని ప్రస్తావించారు. ‘‘ఉత్సాహం మంచిదే. కానీ, కొన్ని సందర్భాల్లో ఇదీ మరీ ఎక్కువైతే జీర్ణించుకోవడం కష్టం. దీంతో జాగ్రత్తగా ఉండాలని, దూకుడుగా వ్యవహరించడం ద్వారా తర్వాత రిస్‌్కలు చవిచూడొద్దన్న ఉద్దేశంతోనే ఆర్‌బీఐ స్మాల్‌ ఫైనాన్స్‌ బ్యాంక్‌లు, ఎన్‌బీఎఫ్‌సీలను అప్రమత్తం చేసింది’’అని మంత్రి సీతారామన్‌ వివరించారు.   డేటా సురక్షితం అకౌంట్‌ అగ్రిగేటర్లతో (ఏఏ) పంచుకునే కస్టమర్ల డేటా దేశంలో పూర్తి సురక్షితంగా ఉంటుందని మంత్రి సీతారామన్‌ హామీనిచ్చారు. డేటా భద్రత విషయంలో వ్యక్తమవుతున్న ఆందోళనను తొలగించే ప్రయత్నం చేశారు. ‘‘అకౌంట్‌ అగ్రిగేటర్లు డేటా బ్యాంక్‌ కలిగి ఉంటారనే అభిప్రాయాలు ఉండేవి. నిజానికి వారు డేటా కలిగి ఉండరు. వారి ద్వారా డేటా బదిలీ అవుతుంది. ఏఏ ద్వారా బ్యాంక్‌ కానీ, కస్టమర్‌ కానీ డేటా కలిగి ఉండరు. కేవలం రుణాల మంజూరీకే దీన్ని వినియోగించుకుంటారు’’అని మంత్రి చెప్పారు.

భారతదేశంలో సుదీర్ఘ చరిత్ర కలిగిన హొసింగ్​ ఫైనాన్స్​ దిగ్గజం హెచ్​డీఎఫ్​సీ, ప్రైవేట్‌ బ్యాంకింగ్ రంగానికి చెందిన హెచ్‌డీఎఫ్‌సీలో 2023 జులైలో విలీనమైంది. ఇదే తరహాలో ఇప్పుడు మరో రెండు ప్రైవేట్ బ్యాంకుల విలీనం జరుగుతోంది. విలీనానికి సిద్దమవుతున్న ఆ రెండు బ్యాంకులు ఏవి? ఇతర వివరాలు ఈ కథనంలో తెలుసుకుందాం. స్మాల్ ఫైనాన్స్ బ్యాంకుల్లో అగ్రగామిగా కొనసాగుతున్న ఏయూ స్మాల్ ఫైనాన్స్ బ్యాంక్ (AU SFB).. షేర్ల డీల్‌లో ఫిన్‌కేర్ స్మాల్ ఫైనాన్స్ బ్యాంకును (Fincare SFB) 2024 ఫిబ్రవరి 01 నాటికి విలీనం చేసుకోవడానికి సిద్ధమైంది. రెండు చిన్న ఫైనాన్స్ బ్యాంకుల మధ్య జరుగుతున్న మొదటి పెద్ద విలీనం ఇదే అని ఏయూ స్మాల్ ఫైనాన్స్ బ్యాంక్ ప్రకటించింది. భారతదేశంలో ఫిన్‌కేర్ స్మాల్ ఫైనాన్స్ బ్యాంకు మొత్తం 1292 బ్యాంకింగ్ అవుట్‌లెట్‌లను కలిగి ఉంది. ఇందులో గ్రామీణ ప్రాంతాల్లో 339, సెమీ-అర్బన్ ప్రాంతాల్లో 640, పట్టణ ప్రాంతాల్లో 179, మెట్రో ప్రాంతాల్లో 73 అవుట్‌లెట్‌లు ఉన్నాయి. ఏయూ స్మాల్ ఫైనాన్స్ బ్యాంక్ తన పోర్ట్‌ఫోలియోను విస్తరించడంతో భాగంగా ఈ విలీన ప్రక్రియ చేపడుతోంది. దీంతో వ్యాపార యూనిట్లకు క్రెడిట్ యాక్సెస్‌ను చేరువ చేసేందుకు ఈ విలీనం ఎంతగానో ఉపయోగపడుతుందని ఏయూ స్మాల్ ఫైనాన్స్ బ్యాంక్ తెలిపింది. ఇదీ చదవండి: మెటాలో జాబ్.. రూ.6.5 కోట్ల వేతనం - ఎందుకు వదిలేసాడో తెలుసా? 2023 సెప్టెంబర్ 30 నాటికి ఏయూ స్మాల్ ఫైనాన్స్ బ్యాంక్, ఫిన్‌కేర్ స్మాల్ ఫైనాన్స్ బ్యాంక్ మొత్తం ఆస్తుల విలువ వరుసగా రూ. రూ.95977 కోట్లు, రూ.14777 కోట్లు. ఈ రెండు బ్యాంకులు విలీనం జరిగిన తరువాత ఈ సంఖ్య మరింత పెరిగే అవకాశం ఉందని తెలుస్తోంది.

దేశంలోని బ్యాంకులు ప్రస్తుతం వారానికి 6 రోజులు పనిచేస్తున్న సంగతి తెలిసిందే. రెండు, నాలుగో శనివారాలు, ఆదివారాలు, పబ్లిక్‌ హాలిడేస్‌లో బ్యాంకులు మూతపడతాయి. రానున్న రోజుల్లో వారానికి 5 రోజులే పనిదినాలు ఉండేలా ప్రతిపాదనలు సైతం ఉన్నాయి. ఈ నేపథ్యంలో కస్టమర్లు బ్యాంక్‌ హాలిడేస్‌ గురించి ఆందోళన చెందుతుంటారు.  దేశంలోని స్మాల్‌ ఫైనాన్స్ బ్యాంకుల్లో అతిపెద్దదైన ఏయూ స్మాల్ ఫైనాన్స్ బ్యాంక్ (AU Small Finance Bank) కస్టమర్ల కోసం అన్ని రోజులూ సేవలు అందించనుంది. ఇందుకోసం వినూత్నమైన పరిష్కారాన్ని తీసుకొచ్చింది. దేశంలో 24x7 లైవ్ వీడియో బ్యాంకింగ్ సేవను ప్రారంభించిన మొదటి బ్యాంక్‌గా ఏయూ స్మాల్‌ ఫైనాన్స్‌ నిలిచింది.  తాము తీసుకొచ్చిన 24x7 వీడియో బ్యాంకింగ్ సదుపాయం బ్యాంక్‌ బ్రాంచ్‌లు అందుబాటులో లేనివారికి, టెక్నాలజీ మీద అవగాహన ఉన్నవారికి, బిజీగా ఉండే ప్రొఫెషనల్‌లకు, సీనియర్ సిటిజన్‌లకు అనుకూలంగా ఉంటుందని ఏయూ స్మాల్‌ ఫైనాన్స్‌ బ్యాంకు ఒక పత్రికా ప్రకటనలో తెలిపింది. 24x7 వీడియో బ్యాంకింగ్ ఫీచర్లు ఏయూ స్మాల్ ఫైనాన్స్ బ్యాంక్ 24x7 వీడియో బ్యాంకింగ్ ద్వారా కస్టమర్లు నేరుగా బ్యాంకు సిబ్బందితో వీడియో కాల్‌లో మాట్లాడవచ్చు. అన్ని రోజులూ ఎప్పుడైనా వీడియో కాల్‌ చేసి బ్యాంకింగ్‌ సేవలు పొందవచ్చు. ఈ బ్యాంక్‌ గతంలోనే వీడియో బ్యాంకింగ్‌ సదుపాయం తీసుకువచ్చినప్పటికీ ఇప్పుడు దాన్ని 24x7 కస్టమర్లకు సేవలు అందించేలా విస్తరించింది. ఏయూ స్మాల్ ఫైనాన్స్ బ్యాంక్ 24x7 వీడియో బ్యాంకింగ్ ద్వారా కస్టమర్లు డెమోగ్రాఫిక్ అప్‌డేట్‌లు చేయించుకోవచ్చు. ఆర్థిక లావాదేవీలు నిర్వహించవచ్చు. కొత్త ఖాతాలను తెరవవచ్చు. అంతేకాకుండా క్రెడిట్ కార్డ్‌లు, లోన్‌లపై విచారణతోపాటు ఇతర బ్యాంకింగ్‌ సమస్యలు ఉన్నా రియల్ టైమ్ సేవలు పొందవచ్చు. భద్రత, ఇతర ప్రయోజనాలు వీడియో బ్యాంకింగ్‌ సేవల ద్వారా డేటా లీక్‌ అవుతుందని, మోసాలు జరుగుతాయని కస్టమర్లు భయపడాల్సిన పని లేదని ఏయూ స్మాల్ ఫైనాన్స్ బ్యాంక్ చెబుతోంది. కస్టమర్ల సమాచారాన్ని, లావాదేవీలను రక్షించడానికి ఎన్‌క్రిప్షన్, ఫేషియల్ రికగ్నిషన్, ఓటీపీ, వీడియో ధ్రువీకరణ వంటి అధునాతన చర్యలను తీసుకుంటున్నట్లు బ్యాంక్‌ పేర్కొంటోంది. ఇదీ చదవండి: Bank Charges: బ్యాంక్‌ కస్టమర్లకు దిమ్మతిరిగే విషయం.. చార్జీలు ఎన్ని రూ.వేల కోట్లు కట్టారో తెలుసా? 

ముంబై: జైపూర్‌ కేంద్రంగా పనిచేసే ఏయూ స్మాల్‌ ఫైనాన్స్‌ బ్యాంక్‌ జూన్‌తో ముగిసిన త్రైమాసికంలో మెరుగైన పనితీరు చూపించింది. నికర లాభం క్రితం ఏడాది ఇదే కాలంతో పోల్చినప్పుడు 44 శాతం వృద్ధి చెందిన రూ.387 కోట్లుగా నమోదైంది. ఆదాయం సైతం క్రితం ఏడాది ఇదే కాలంతో పోలి్చనప్పుడు రూ.1,979 కోట్ల నుంచి రూ.2,773 కోట్లకు పెరిగింది. నికర వడ్డీ ఆదాయం 28 శాతం వృద్ధితో రూ.1,246 కోట్లకు చేరుకుంది. కానీ, నికర వడ్డీ మార్జిన్‌ క్రితం ఏడాది ఇదే త్రైమాసికంలో 5.9 శాతంగా ఉంటే, తాజాగా సమీక్షా త్రైమాసికంలో 5.7 శాతానికి పరిమితమైంది. డిపాజిట్లను ఆకర్షించేందుకు ఎక్కువ వడ్డీ రేటును ఆఫర్‌ చేయడమే, నికర వడ్డీ మార్జిన్‌ క్షీణతకు దారితీసినట్టు బ్యాంక్‌ సీఈవో సంజయ్‌ అగర్వాల్‌ తెలిపారు. సేవింగ్స్, ఫిక్స్‌డ్‌ డిపాజిట్లపై రేట్లను తగ్గించినా కానీ, రానున్న రోజుల్లో నికర వడ్డీ మార్జిన్‌పై ఒత్తిడి ఉంటుందని స్పష్టం చేశారు. డిపాజిట్ల సమీకరణ విషయంలో బ్యాంక్‌ల మధ్య పోటీ మొదలైనట్టు అంగీకరించారు. నిధుల వ్యయాలు 5.96 శాతం నుంచి 6.58 శాతానికి పెరిగిపోవడంతో, డిపాజిట్లపై రేట్లను తగ్గించక మరో దారి లేదన్నారు. దీంతో పూర్తి ఆర్థిక సంవత్సరానికి నికర వడ్డీ మార్జిన్‌ 5.5–5.7 శాతానికి తగ్గొచ్చని చెప్పారు. క్రెడిట్‌ కార్డ్‌ల రుణ పుస్తకం రూ.1,000 కోట్లను దాటిందని, ఈ విభాగంలో భవిష్యత్తులో బలమైన వృద్ధిని చూడనునున్నట్టు చెప్పారు. రుణాలు 29 శాతం పెరిగి రూ.63,635 కోట్లకు చేరాయి. స్థూల ఎన్‌పీఏలు 1.76 శాతానికి తగ్గగా, నికర ఎన్‌పీఏలు 0.55 శాతానికి పరిమితమయ్యాయి.  

న్యూఢిల్లీ: బ్యాంకులు డిజిటలైజేషన్‌పై దృష్టి సారించాలని అలాగే ఒత్తిడితో కూడిన రుణాలపై (మొండిబకాయిలకు దారితీసే అవకాశమున్న ఖాతాలు)  నిఘా ఉంచాలని ఆర్థిక శాఖ సహాయ మంత్రి భగవత్‌ కే కరాద్‌ సూచించారు. ఆర్థిక అక్షరాస్యత, అన్ని వర్గాలను ఫైనాన్షియల్‌ చట్రంలోకి తీసుకురావడంపై కూడా బ్యాంకులు దృష్టి పెట్టాలన్నారు. ఈఎస్‌ఏఎఫ్‌  స్మాల్‌ ఫైనాన్స్‌ బ్యాంక్‌ జోనల్‌ కార్యాలయాన్ని ప్రారంభించిన అనంతరం ఆయన మీడియాతో మాట్లాడారు. ఇంకా ఆయన ఏమన్నారంటే, బ్యాంకులు నిరర్థక ఆస్తులను సకాలంలో గుర్తించాలి. బ్యాంకింగ్‌ వ్యవస్థ పటిష్టంగా ఉండేలా మొండిబకాయిలకు తగిన కేటాయింపులు (ప్రొవిజనింగ్స్‌) చేయాలి. టెక్నాలజీ వినియోగంపై పూర్తి స్థాయి దృష్టి సారింపు అవసరం. భవిష్యత్తు అంతా దీనిపైనే ఆధారపడి ఉంటుంది. డిజిటల్‌ బ్యాంకింగ్‌ను ప్రోత్సహించాల్సిన అవసరం ఉంది.

కోచి: జియోజిత్‌ ఫైనాన్షియల్‌ సర్వీసెస్‌ సంస్థ ఇసాఫ్‌ స్మాల్‌ ఫైనాన్స్‌ బ్యాంక్‌తో ఒప్పందం చేసుకుంది. ఈ భాగస్వామ్యంలో భాగంగా ఇసాఫ్‌ స్మాల్‌ ఫైనాన్స్‌ బ్యాంక్‌ కస్టమర్లకు 3 ఇన్‌ 1 డీమ్యాట్‌ బండిల్డ్‌ అకౌంట్‌ను ఆఫర్‌ చేస్తున్నట్టు జియోజిత్‌ ఫైనాన్షియల్‌ సర్వీసెస్‌ ప్రకటించింది. ఇదీ చదవండి: ఏ ఆసుపత్రిలో అయినా క్యాష్‌ లెస్‌ ట్రీట్‌మెంట్‌.. ఐసీఐసీఐ లాంబార్డ్‌ ఆఫర్‌ దీని కింద ఈసాఫ్‌ స్మాల్‌ ఫైనాన్స్‌ బ్యాంక్‌ సేవింగ్స్‌ ఖాతాదారులు జియోజిత్‌ డీమ్యాట్, ట్రేడింగ్‌ అకౌంట్‌ను ఉచితంగా ప్రారంభించుకోవచ్చు. ఆన్‌లైన్‌లో కేవలం 15 నిమిషాల్లో ఖాతా తెరవొచ్చని జియోజిత్‌ ఫైనాన్షియల్‌ తెలిపింది. 3 ఇన్‌ 1 ఖాతా కింద.. డీమ్యాట్‌ ఖాతా తెరిచేందుకు ఎలాంటి చార్జీలు ఉండవని, సౌకర్యమైన బ్రోకరేజీ ప్లాన్లు పొందొచ్చని ప్రకటించింది. ఇదీ చదవండి: పెరగనున్న వడ్డీ రేట్లు.. మరో పావు శాతం రెపో పెంపు ఖాయం!

న్యూఢిల్లీ: పబ్లిక్‌ ఇష్యూ చేపట్టే బాటలో రెండు కంపెనీలు దాఖలు చేసిన ప్రాస్పెక్టస్‌లకు క్యాపిటల్‌ మార్కెట్ల నియంత్రణ సంస్థ సెబీ తాజాగా చెక్‌ పెట్టింది. ఫైనాన్షియల్‌ రంగ కంపెనీలు బీవీజీ ఇండియా లిమిటెడ్, ఫిన్‌కేర్‌ స్మాల్‌ ఫైనాన్స్‌ బ్యాంక్‌ ఇండియా దరఖాస్తులను సెబీ తిప్పి పంపింది. కాగా.. మౌలిక సదుపాయాల రంగ కంపెనీ ఆర్‌అండ్‌బీ ఇన్‌ఫ్రా ప్రాజెక్ట్‌ దాఖలు చేసిన ప్రాస్పెక్టస్‌కు సెబీ ఈ నెల 3న గ్రీన్‌సిగ్నల్‌ ఇచ్చింది. వెరసి కంపెనీ పబ్లిక్‌ ఇష్యూ ద్వారా నిధుల సమీకరణ చేపట్టేందుకు దారి ఏర్పడింది. సమీకృత సర్వీసుల కంపెనీ బీవీజీ ఇండియా 2021 సెప్టెంబర్‌లో సెబీకి ముసాయిదా పత్రాలను దాఖలు చేసింది. వీటి ప్రకారం రూ. 200 కోట్ల విలువైన ఈక్విటీని కొత్తగా జారీ చేయనుంది. వీటికి జతగా ప్రమోటర్లు, పీఈ ఇన్వెస్టర్‌ సంస్థ 3ఐ గ్రూప్‌.. మరో 71.96 లక్షలకుపైగా షేర్లను ఆఫర్‌ చేయనున్నారు. అయితే సెబీ ప్రాస్పెక్టస్‌కు చెక్‌ పెట్టింది.   రూ. 1,330 కోట్ల కోసం ఐపీవో ద్వారా రూ. 1,330 కోట్ల సమీకరణకు ఫిన్‌కేర్‌ స్మాల్‌ ఫైనాన్స్‌ బ్యాంక్‌ 2021 మే నెలలో సెబీకి ప్రాస్పెక్టస్‌ దఖలు పరచింది. జులైలో సెబీ గ్రీన్‌సిగ్నల్‌ ఇచ్చినప్పటికీ ఇష్యూ చేపట్టలేదు. సెబీ అనుమతి పొందిన తదుపరి ఏడాదిలోగా నిధుల సమీకరణను పూర్తి చేయవలసి ఉన్న సంగతి తెలిసిందే. ఐపీవో చేపట్టేందుకు లభించిన గడువు 2022 జులైలో ముగియడంతో ఆగస్ట్‌లో తిరిగి సెబీకి ముసాయిదా ప్రాస్పెక్టస్‌ను దాఖలు చేసింది. వీటి ప్రకారం రూ. 625 కోట్ల విలువైన ఈక్విటీని కొత్తగా జారీ చేయనుంది. అంతేకాకుండా ప్రమోటర్లు, కంపెనీ ప్రస్తుత వాటాదారులు మరో 1.7 కోట్ల షేర్లను విక్రయానికి ఉంచనున్నారు. అయితే ఈ నెల తొలి వారంలో బీవీజీ ఇండియా, ఫిన్‌కేర్‌ స్మాల్‌ ఫైనాన్స్‌ ప్రాస్పెక్టస్‌లను సెబీ తిప్పి పంపింది.   ఎయిరాక్స్‌ నేలచూపు మెడికల్‌ పరికరాల తయారీ కంపెనీ ఎయిరాక్స్‌ టెక్నాలజీస్‌ పబ్లిక్‌ ఇష్యూ ప్రయత్నాలను విరమించుకుంది. ఐపీవో ద్వారా రూ. 750 కోట్ల సమీకరణ కోసం 2022 సెప్టెంబర్‌లో సెబీకి సమర్పించిన ప్రాస్పెక్టస్‌ను వెనక్కి తీసుకుంది. ప్రాస్పెక్టస్‌ ప్రకారం కంపెనీ ప్రమోటర్లు సంజయ్‌ భరత్‌ కుమార్‌ జైస్వాల్, ఆషిమా సంజయ్‌ జైస్వాల్‌ షేర్లను విక్రయించేందుకు సిద్ధపడ్డారు. పీఎక్స్‌ఏ ఆక్సిజన్‌ జనరేటర్‌ తయారీలో ఉన్న కంపెనీ గత నెలలో ప్రాస్పెక్టస్‌ను వెనక్కి తీసుకుంది.

ముంబై: ఏయూ స్మాల్‌ ఫైనాన్స్‌ బ్యాంక్‌ డిసెంబర్‌ త్రైమాసికానికి ఆకర్షణీయమైన ఫలితాలను ప్రకటించింది. నికర లాభం క్రితం ఏడాది ఇదే కాలంతో పోల్చినప్పుడు 30 శాతం పెరిగి రూ.393 కోట్లుగా నమోదైంది. ఆస్తుల నాణ్యత మెరుగుపడ డం, మొండి బకాయిలకు (ఎన్‌పీఏలు) కేటాయింపులు తగ్గడం లాభాల వృద్ధికి కలిసొచ్చింది. మొ త్తం ఆదాయం 36 శాతం పెరిగి రూ.2,413 కోట్లు గా నమోదైంది. ప్రధానంగా నికర వడ్డీ ఆదాయం 41 శాతం జంప్‌ చేసి రూ.1,153 కోట్లకు చేరింది. నికర వడ్డీ మార్జిన్‌ 6.3 శాతంగా నమోదైంది.    ఆస్తుల నాణ్యత మెరుగు మొత్తం రుణాల్లో స్థూల ఎన్‌పీఏలు 1.81 శాతంగా (రూ.1,019 కోట్లు) ఉన్నాయి. అంతక్రితం ఏడాది ఇదే కాలంలో ఇవి 2.60 శాతం (రూ.1,058 కోట్లుగా) ఉండడం గమనార్హం. నికర ఎన్‌పీఏలు 1.29 శాతం (రూ.520 కోట్లు) నుంచి 0.51 శాతానికి (రూ.285 కోట్లు) పరిమితమయ్యాయి. డిసెంబర్‌ త్రైమాసికంలో రూ.176 కోట్ల కేటాయింపులు చేసింది. రుణ వ్యాపారంలో బలహీన వృద్ధిని చూపించింది. పరిశ్రమ వ్యాప్తంగా రుణాల మంజూరు జోరుగా ఉంటే, ఏయూ స్మాల్‌ ఫైనాన్స్‌ బ్యాంకు డిసెంబర్‌ త్రైమాసికంలో 7 శాతం వృద్ధిని నమోదు చేసింది. మొత్తం రుణాలు రూ.56,335 కోట్లుగా, డిపాజిట్లు 5 శాతం పెరిగి రూ.61,101 కోట్ల చొప్పున ఉన్నాయి. కాసా రేషియో 38 శాతానికి చేరింది. నిధులపై వ్యయాలు 6 శాతంగా ఉన్నాయి. మొత్తం రుణాల్లో 90 శాతం రిటైల్‌ విభాగంలో ఉంటే, 93 శాతం రుణాలు సెక్యూర్డ్‌గా బ్యాంక్‌ తెలిపింది.

హైదరాబాద్, బిజినెస్‌ బ్యూరో: ఉజ్జీవన్‌ స్మాల్‌ ఫైనాన్స్‌ బ్యాంక్‌ తాజాగా తెలంగాణకు కార్యకలాపాలు విస్తరిస్తోంది. తొలుత అయిదు శాఖలను ప్రారంభించనుంది. వీటిలో నాలుగు వచ్చే వారంలోనూ, మరొకటి వచ్చే నెలలో ప్రారంభించనున్నట్లు బ్యాంక్‌ ఎండీ, సీఈవో ఇతిరా డేవిస్‌ సోమవారమిక్కడ విలేకరుల సమావేశంలో తెలిపారు. వచ్చే ఏడాది వీటి సంఖ్యను రెట్టింపు చేసుకోనున్నట్లు, అలాగే తమ టాప్‌ 10 మార్కెట్లలో తెలంగాణ కూడా ఒకటిగా నిలవగలదని ఆశిస్తున్నట్లు ఆయన చెప్పారు. అటు వచ్చే ఏడాది ఆంధ్రప్రదేశ్‌లోకి కూడా కార్యకలాపాలు విస్తరించనున్నట్లు డేవిస్‌ తెలిపారు. ప్రస్తుతం 71 లక్షలకు పైగా కస్టమర్లకు సర్వీసులు అందిస్తున్నామని,  కొత్త వాటితో కలిపి ప్రస్తుతం తమకు దేశవ్యాప్తంగా 25 రాష్ట్రాలు, కేంద్ర పాలిత ప్రాంతాల్లో కలిపి 598 శాఖలు ఉంటాయని వివరించారు.   పసిడి, ట్రాక్టర్‌ లోన్స్‌పై దృష్టి.. బంగారం రుణాలు, ద్విచక్ర వాహనాల రుణాలు, ట్రాక్టర్‌ లోన్స్‌పైనా దృష్టి పెడుతున్నట్లు డేవిస్‌ చెప్పారు. ప్రస్తుతం తమ పోర్ట్‌ఫోలియోలో సూక్ష్మ రుణాల విభాగం 71 శాతంగా ఉండగా మిగతాది అఫోర్డబుల్‌ హౌసింగ్‌ మొదలైన విభాగాల్లో ఉంటోందని పేర్కొన్నారు. వచ్చే అయిదేళ్లలో సూక్ష్మ రుణాల పోర్ట్‌ఫోలియోను 50 శాతానికి తగ్గించుకోవడం ద్వారా సెక్యూర్డ్, అన్‌సెక్యూర్డ్‌ రుణాల మధ్య సమతౌల్యం సాధించాలని భావిస్తున్నట్లు ఆయన తెలిపారు. ఈ ఏడాది ఆఖరు నాటికి శాఖల సంఖ్యను 625కి పెంచుకోనున్నామని డేవిస్‌ చెప్పారు. తెలంగాణ శాఖల్లో తొలుత 30 మంది వరకు సిబ్బంది ఉంటారు. మరోవైపు, మాతృ సంస్థను విలీనం చేసుకునే రివర్స్‌ మెర్జర్‌ ప్రక్రియ జూన్‌–సెప్టెంబర్‌ మధ్యలో పూర్తి కావచ్చని భావిస్తున్నట్లు వివరించారు.

బ్యాంకులో ఫిక్స్‌డ్‌ డిపాజిట్‌.. ఇప్పటికీ సామాన్య, మధ్య తరగతి ఆదాయ వర్గాల వారికి విశ్వసనీయమైన సాధనం. సమీపంలోని బ్యాంకు శాఖలో డిపాజిట్‌ చేసుకోవడం, అవసరం ఏర్పడినప్పుడు వెళ్లి తీసుకోవడం సౌకర్యాన్నిచ్చే అంశం. బ్యాంకులో డిపాజిట్‌ అయితే ఎక్కడికీ పోదు? అన్న నమ్మకం ఎక్కువ మందిలో కనిపిస్తుంది. ఎఫ్‌డీలపై అధిక వడ్డీ రేటును కొన్ని బ్యాంకులు ఆఫర్‌ చేయడం గమనించే ఉంటారు. ఈ విషయంలో వాణిజ్య బ్యాంకుల కంటే  స్మాల్‌ ఫైనాన్స్‌ బ్యాంకులు (ఎస్‌ఎఫ్‌బీ) కొంచెం అధిక రేటును ఆఫర్‌ చేస్తుంటాయి. మరి అధిక రాబడి కోసం ఈ సాధనాలను ఎంపిక చేసుకోవడం ఎంత వరకు సురక్షితం అన్న ప్రశ్న రావచ్చు. అలాగని, అధిక వడ్డీ రేటును ఆఫర్‌ చేస్తున్నాయంటే ఏదో సందేహించాల్సిందే? అని భావించడం కూడా సరికాదు. ఎందుకు అధిక వడ్డీ రేటును ఆఫర్‌ చేస్తున్నాయన్నది ఇక్కడ గమనించాలి. ఆర్‌బీఐ నియంత్రణల పరిధిలో పనిచేసే బ్యాంకులు ఏవైనా, వాటిల్లో డిపాజిట్‌ చేసే విషయంలో సందేహించక్కర్లేదు. డిపాజిట్‌పై ఇన్సూరెన్స్‌ అమల్లో ఉందా? అన్నది విచారించుకోవాలి. అంతేకాదు, డిపాజిట్‌కు ముందు ముఖ్యమైన అంశాలు కొన్నింటిని విశ్లేషించుకోవాలి. అప్పుడే రాబడితోపాటు, భరోసా ఉండేలా చూసుకోవచ్చు. రిస్క్‌–రాబడి.. చాలా వరకు స్మాల్‌ ఫైనాన్స్‌ బ్యాంకులు (ఎస్‌ఎఫ్‌బీలు) ఏడాది కాల ఎఫ్‌డీలపై 7–7.25% రాబడిని ఆఫర్‌ చేస్తున్నాయి. పెద్ద బ్యాంకులు ఐసీఐసీఐ బ్యాంకు, యాక్సిస్‌ బ్యాంకు, కోటక్‌ మహీంద్రా బ్యాంకు కంటే కనీసం ఒక శాతం ఎక్కువ. వడ్డీ రేటు వ్యత్యాసం అన్నది ఎస్‌ఎఫ్‌బీలు, ప్రభుత్వరంగ బ్యాంకుల మధ్య 1.5–2% వరకు ఉంది. అందుకే కొందరు ఇన్వెస్టర్లకు ఎస్‌ఎఫ్‌బీలు ఆఫర్‌ చేస్తున్న ఫిక్స్‌డ్‌ డిపాజిట్‌ రేటు ఆకర్షణీయంగా అనిపించొచ్చు. రేటు ఆకర్షణీయంగానే ఉన్నా, భద్రత విషయంలో సందేహంతో వెనుకాడాల్సిన అవసరం లేదు. అన్ని ఇతర షెడ్యూల్డ్‌ కమర్షియల్‌ బ్యాంకుల మాదిరే, ఎస్‌ఎఫ్‌బీలు సైతం ఆర్‌బీఐ నియంత్రణల పరిధిలోనే పనిచేస్తాయి. కనుక ఈ బ్యాంకుల్లో డిపాజిట్‌ చేసిన వారికి కూడా.. రూ.5 లక్షల వరకు డిపాజిట్‌ ఇన్సూరెన్స్‌ అండ్‌ క్రెడిట్‌ గ్యారంటీ కార్పొరేషన్‌ (డీఐసీజీసీ) కవరేజీ ఉంటుంది. పెద్ద వాణిజ్య బ్యాంకులతో పోలిస్తే ఎస్‌ఎఫ్‌బీల వ్యాపార నమూనా అధిక రిస్క్‌ తో ఉంటుంది. అందుకనే అవి డిపాజిట్లపై కాస్తంత అధిక వడ్డీ రేటును ఆఫర్‌ చేస్తుంటాయి. ఆర్‌బీఐ నిబంధనల ప్రకారం.. ఎస్‌ఎఫ్‌బీలు తమ మొత్తం రుణాల్లో 75 శాతాన్ని ప్రాధాన్య రంగాలకు ఇవ్వాల్సి ఉంటుంది. వ్యవసాయం, ఎస్‌ఎంఎంఈలు ప్రాధాన్య రంగాల కిందకు వస్తాయి. అలాగే, ఎస్‌ఎఫ్‌బీల రుణ పుస్తకంలో 50 శాతం రుణాలు.. ఒక్కోటీ రూ.25 లక్షలు, అంతకులోపే ఉండాలని నిబంధనలు చెబుతున్నాయి. దీని కారణంగా ఎస్‌ఎఫ్‌బీల రుణాల్లో అన్‌సెక్యూర్డ్‌ రుణాలు 50–75 శాతం వరకు ఉంటాయి. కానీ, పెద్ద వాణిజ్య బ్యాంకుల్లో అన్‌సెక్యూర్డ్‌ రుణాలు మొత్తం రుణాల్లో 30 శాతం కంటే తక్కువే ఉంటాయి. ఎటువంటి హామీ/తనఖా లేని రుణాలు అన్‌సెక్యూర్డ్‌ కిందకు వస్తాయి. అందుకనే ఎస్‌ఎఫ్‌బీల వ్యాపారంలో రిస్క్‌ ఎక్కువ. కనుక ఎస్‌ఎఫ్‌బీలు రుణాల రిస్క్‌ను బ్యాలన్స్‌ చేసుకునేందుకు.. వాణిజ్య బ్యాంకులతో పోలిస్తే 1.5–2.5% అధిక రేటుపై రుణాలు మంజూరు చేస్తుంటాయి. ఉదాహరణకు బ్యాంక్‌ ఆఫ్‌ బరోడా గృహ రుణ రేటు 6.9 % నుంచి మొదలవుతోంది. అదే ఎస్‌ఎఫ్‌బీల్లో ఈ రేటు 8.5% నుంచి ఉంటోంది. ఇలా రుణాలపై అధిక రేటును ఎస్‌ఎఫ్‌బీలు వసూలు చేస్తుంటాయి. డిపాజిట్‌లపై మెరుగైన రేటును ఆఫర్‌ చేయడానికి ఇది కూడా ఒక కారణమే. ఇక ఎస్‌ఎఫ్‌బీలు మొదలై 5–6 ఏళ్లే అవుతోంది. కనుక డిపాజిట్ల సమీకరణ దశలోనే అవి ఇంకా ఉన్నాయి. ఎక్కువ మంది కస్టమర్లను ఆకర్షించడం, అధిక డిపాజిట్‌ బేస్‌ వచ్చే వరకు ఫిక్స్‌డ్‌ డిపాజిట్లపై ఎక్కువ రేటును ఆఫర్‌ చేయడం సహజంగానే చూడాలి. ఎంత వరకు ఇన్వెస్ట్‌ చేయవచ్చు..? మీకు సమీపంలోని ఎస్‌ఎఫ్‌బీ శాఖకు వెళ్లి డిపాజిట్‌ చేసుకోవచ్చు. ఈ సంస్థలు ఇంకా పూర్తి స్థాయి టెక్నాలజీ వనరులను సమకూర్చుకోలేదు. కనుక నేరుగా వెళ్లి ఎఫ్‌డీ చేసుకోవడం మంచిదే. అత్యవసరాల్లో తిరిగి డిపాజిట్‌ను వెనక్కి తీసుకోవడం ఆలస్యం కాకుండా ఉంటుంది. ఇక ఎంత మొత్తం వరకు డిపాజిట్‌ చేసుకోవచ్చు? అన్న సందేహం రావచ్చు. ఒక వ్యక్తి తన పొదుపు నిధులు మొత్తాన్ని ఒకే బ్యాంకు శాఖలో డిపాజిట్‌ చేసుకోవడం సూచనీయం కాదు. పైగా ఎస్‌ఎఫ్‌బీలో డిపాజిట్‌ చేసుకోవడానికి ముందు బ్యాంకు కార్యకలాపాలు ఎలా కొనసాగుతున్నాయో? ఒక అంచనాకు రావాలి. నమ్మకం ఏర్పడిన తర్వాతే డిపాజిట్‌కు వెళ్లాలి. అధిక రాబడుల కోసం మిగులు నిధుల వరకే డిపాజిట్‌కు పరిమితం కావాలి. డిపాజిట్‌ మొత్తానికి భద్రత కోరుకునేట్టు అయితే.. అప్పుడు ఒక బ్యాంకు పరిధిలోలో రూ.5 లక్షలకు మించి డిపాజిట్‌ చేయవద్దు. ఎందుకంటే డీఐసీజీసీ కింద బ్యాంకు సంక్షోభం పాలైతే ఒక బ్యాంకు పరిధిలో ఒక డిపాజిట్‌ దారుకు గరిష్టంగా వచ్చేది రూ.5 లక్షలకే పరిమితం. అందుకుని రూ.5 లక్షల చొప్పున వేర్వేరు బ్యాంకుల్లో డిపాజిట్‌చేసుకోవాలి. దీర్ఘకాలానికి కాకుండా 1–3 ఏళ్ల వరకు డిపాజిట్‌ చేసుకుని, కాల వ్యవధి ముగిసిన తర్వాత రెన్యువల్‌ చేసుకోవడం మంచిది. ఆయా అంశాలపై ఒక నిర్ణయానికి ముందు వీటిపై సమగ్ర సమచారం పొందాలి. నిపుణులను సంప్రదించి ఒక నిర్ణయం తీసుకోవాలి. బ్యాంకు ఎంపిక ఎలా? స్మాల్‌ ఫైనాన్స్‌ బ్యాంకుల ఆర్థిక సామర్థ్యాన్ని తెలుసుకోవాలంటే వాటి అధికారిక వెబ్‌ సైట్ల నుంచి గణాంకాలు పొందొచ్చు. బ్యాంకు సామర్థ్యం ఏపాటిదో అవగాహన తెచ్చుకునేందుకు వాటి స్థూల మొండిబాకీలు (నాన్‌ పెర్‌ఫార్మింగ్‌ అసెట్స్‌–ఎన్‌పీఏలు) ఏ స్థాయిలో ఉన్నాయి? బ్యాంకు రుణ పుస్తకం, డిపాజిట్ల బేస్‌ గత మూడేళ్ల కాలంతో పోలిస్తే, గడిచిన ఆర్థిక సంవత్సరంలో ఎలా ఉందన్నది చూడాలి. నికర వడ్డీ ఆదాయం, మార్జిన్‌లు మెరుగుపడ్డాయా లేక క్షీణించాయా? గమనించాలి. ఎస్‌ఎఫ్‌బీలు చిన్న గా (పరిమాణం పరంగా) ఉన్నందున వాణిజ్య బ్యాంకులతో పోలిస్తే అవి అధిక వృద్ధిని నమోదు చేయగలవు. రుణాలు, డిపాజిట్లలో 25–35% వరకు, నికర వడ్డీ ఆదాయంలో 20–25% వృద్ధి ఉందంటే సానుకూలంగా చూడొచ్చు. ఎస్‌ఎఫ్‌బీలలో ఏయూ ఎస్‌ఎఫ్‌బీ మినహా మిగిలినవి సూక్ష్మ రుణ కార్యకలాపాలనే ఎక్కు వగా నిర్వహిస్తున్నాయి. దీంతో కరోనా సమయంలో వీటికి ఎక్కువ షాక్‌లు తగిలాయి. వాటి ఎన్‌పీఏలు ఐదేళ్ల సగటును మించి పోయాయి. వ్యాపార కార్యకలాపాలు తిరిగి గాడిన పడిన తర్వాత ఇవి తగ్గుముఖం పట్టడం సహజం. ఎస్‌ఎఫ్‌బీలు అన్నీ కూడా తగినన్ని నిధులతో ఉన్నందున ఆందోళన అనవసరం.

ముంబై: యూనిటీ స్మాల్‌ ఫైనాన్స్‌ బ్యాంక్‌ కార్యకలాపాలను ప్రారంభమయ్యాయి. దీనితో  రూ. 7,000 కోట్ల రుణ కుంభకోణంతో కూరుకుపోయిన  పంజాబ్‌ అండ్‌ మహారాష్ట్ర కోఆపరేటివ్‌ (పీఎంసీ) బ్యాంక్‌... రానున్న కాలంలో యూనిటీ బ్యాంక్‌లో విలీనం కావడానికి మార్గం సుగమం అయ్యింది. సెంట్రమ్‌ గ్రూప్,  పేమెంట్స్‌ యాప్‌ భారత్‌పే 51:49 భాగస్వామ్యంతో యూనిటీ స్మాల్‌ ఫైనాన్స్‌ బ్యాంక్‌ ఏర్పాటయ్యింది. అక్టోబర్‌ 12న సంస్థ ఆర్‌బీఐ లైసెన్స్‌ పొంది రికార్డు సమయంలో కార్యకలాపాలు ప్రారంభించింది. పీఎంసీ బ్యాంక్‌ను యూనిటీ బ్యాంక్‌ స్వాధీనం చేసుకోవాలన్న ప్రతిపాదన ఉంది. ఆర్‌బీఐ దీనికి ఆమోదముద్ర వేయాల్సి ఉంది. ఒక బ్యాంక్‌ మరొక బ్యాంక్‌ను స్వాధీనం చేసుకోవలంటే, ఆ బ్యాంక్‌ మొదట వ్యాపార కార్యకలాపాలు నిర్వహిస్తూ ఉండాలి.   

కోవిడ్‌-19 రాకతో అనేక కుటుంబాలు చిన్నభిన్నమయ్యాయి. కరోనా వైరస్‌ కారణంగా అనేక కుటుంబాలు ఆర్థికంగా కూడా దెబ్బతిన్నాయి. అనేక కుటుంబాలు అప్పులు ఊబిలో చిక్కుకున్నాయి. ఇన్సురెన్స్‌ కలిగిన కుటుంబాలు కాస్త అప్పులబారిన పడకుండా నిలిచాయి. ప్రస్తుతం చాలా మంది హెల్త్‌ ఇన్సురెన్స్‌ల వైపు మొగ్గుచూపుతున్నారు. తాజాగా సూర్యోదయ స్మాల్‌ ఫైనాన్స్‌ బ్యాంక్‌ సరికొత్త  హెల్త్ అండ్ వెల్నెస్ సేవింగ్స్ అకౌంట్‌ను అందుబాటులోకి తెచ్చింది.   బ్యాంకులో సేవింగ్‌ అకౌంట్‌ను తీసుకున్న ఖాతాదారులకు ఆకర్షనీయమైన వడ్డీ రేట్లను అందించనుంది. అంతేకాకుండా మూడు ప్రధాన ఆఫర్లను ఖాతాదారులకు సూర్యోదయ బ్యాంకు ఇవ్వనుంది. ఈ బ్యాంకులో ఖాతా తీసుకున్న ఖాతాదారులకు రూ. 25 లక్షల టాప్‌ అప్‌ ఆరోగ్య భీమా లభిస్తుంది. దీంతో పాటుగా వార్షిక ఆరోగ్య సంరక్షణ ప్యాకేజీ, ఆన్‌ కాల్‌ అత్యవసర అంబులెన్స్‌ వైద్య సంరక్షణ సేవలను సూర్యోదయ స్మాల్‌ ఫినాన్స్‌ బ్యాంకు అందిస్తుంది. అకౌంట్‌ను ఓపెన్‌ చేసిన ఒక సంవత్సర కాలంపాటు టాప్‌ ఆప్‌ హెల్త్‌ ఇన్సూరెన్స్‌, హెల్త్‌కేర్‌ ప్యాకేజీలను ఉచితంగా ఇవ్వనుంది. 2022 మార్చి 31 వరకు దేశవ్యాప్తంగా 102 ప్రదేశాలలో 20 కి.మీ దూరం వరకు ఉచిత అంబులెన్స్ సేవను ఖాతాదారులకు అందిస్తోంది. ఈ ఆఫర్లను పొందాలంటే ఖాతాదారులు సగటున నెలసరి బ్యాలెన్స్‌ రూ. 3 లక్షల వరకు మెయింటెన్‌ చేయాల్సి ఉంటుందని బ్యాంకు పేర్కొంది. అంతేకాకుండా హెల్త్‌ డిక్లరేషన్‌ ఫారమ్‌కు అనుగుణంగా ఖాతాదారుడు అర్హతను సాధించాల్సి ఉంటుంది.  హెల్త్‌ అండ్‌ వెల్నెస్‌ సేవింగ్‌ ఖాతా ప్రయోజనాలు.. కాంప్లిమెంటరీ టాప్‌-అప్‌ హెల్త్‌ ఇన్సూరెన్స్‌ ప్లాన్‌ రూ. 25 లక్షలు. 5 లక్షల కంటే ఎక్కువ వైద్య ఖర్చులు అయితేనే ఈ అమౌంట్‌ను పొందవచ్చును. ఈ హెల్త్‌ ఇన్సూరెన్స్‌తో సెల్ఫ్‌తో పాటుగా భార్యకు, ఇద్దరి పిల్లలకు వర్తించనుంది.  ఉచితంగా ఆన్‌లైన్ డాక్టర్ సంప్రదింపులు, ఉచిత ఆరోగ్య పరీక్షలు, ఆన్‌లైన్ ఫార్మసీ వోచర్‌లు, నెట్‌వర్క్ డిస్కౌంట్ కార్డ్‌తో సహా నలుగురు సభ్యుల వరకు టాప్‌ అప్‌ హెల్త్‌ ఇన్సూరెన్స్‌ అందుబాటులో ఉండనుంది.  మార్చి 31, 2022 వరకు ఎమర్జెన్సీ అంబులెన్స్‌ సేవలు. సేవింగ్‌ అకౌంట్‌పై 6.25 శాతం వడ్డీ లభిస్తుంది.  ఖాతాదారులకు రూపే ప్లాటినం డెబిట్‌ కార్డును అందిస్తోంది. ఖాతాదారులు ఏటీఎమ్‌ నుంచి ప్రతిరోజు రూ. 1.5 లక్షల వరకు నగదును విత్‌డ్రా చేయవచ్చును.

ముంబై: స్మాల్‌ ఫైనాన్స్‌ బ్యాంక్‌ ఏర్పాటుకు సంబంధించి సెంట్రమ్‌ ఫైనాన్షియల్‌ సర్వీసెస్‌కు రిజర్వ్‌ బ్యాంక్‌ శుక్రవారం సూత్రప్రాయ అనుమతులు ఇచ్చింది. తద్వారా ఆర్థిక సంక్షోభంలో చిక్కుకున్న పంజాబ్‌ అండ్‌ మహారాష్ట్ర కోఆపరేటివ్‌ బ్యాంక్‌ (పీఎంసీ)ని సెంట్రమ్‌ టేకోవర్‌ చేయడానికి మార్గం సుగమం అయింది. ప్రైవేట్‌ రంగంలో చిన్న ఫైనాన్స్‌ బ్యాంకుల ఏర్పాటు మార్గదర్శకాలకు అనుగుణంగా సంస్థకు సూత్రప్రాయ అనుమతినిచ్చినట్లు రిజర్వ్‌ బ్యాంక్‌ తెలిపింది. రియల్‌ ఎస్టేట్‌ సంస్థ హెచ్‌డీఐఎల్‌కు భారీగా ఇచ్చిన రుణాల విషయంలో ఆర్థిక అవకతవకలకు పాల్పడిందన్న ఆరోపణలతో పీఎంసీ బ్యాంకును ఆర్‌బీఐ తన అధీనంలోకి తీసుకున్న సంగతి తెలిసిందే. పునర్‌నిర్మాణానికి పెట్టుబడులు పెట్టేందుకు ఆసక్తి గల సంస్థల నుంచి పీఎంసీ బ్యాంకు ఆసక్తి వ్యక్తీకరణ పత్రాలు (ఈవోఐ) ఆహ్వానించింది. బ్యాంకును టేకోవర్‌ చేసేందుకు దరఖాస్తులు సమర్పించిన నాలుగు సంస్థల్లో ఒకటైన సెంట్రమ్‌ ఫైనాన్షియల్‌ సర్వీసెస్‌కు తాజాగా స్మాల్‌ ఫైనాన్స్‌ బ్యాంక్‌ ఏర్పాటుకు అనుమతి దక్కింది. హెచ్‌డీఐఎల్‌కు పీఎంసీ సుమారు రూ. 6,500 కోట్లు్ల పైగా రుణాలిచ్చింది.

సాక్షి, న్యూఢిల్లీ: స్టాక్‌ మార్కెట్లు బుల్‌జోష్‌లో సాగుతున్న నేపథ్యంలో పలు కంపెనీలు పబ్లిక్‌ ఇష్యూ బాట పడుతున్నాయి. తాజాగా శ్యామ్‌ మెటాలిక్స్‌ ఈ నెల 14 నుంచీ ఐపీవో చేపడుతుండగా.. మరో రెండు కంపెనీలు ఉత్కర్ష్‌  స్మాల్‌ ఫైనాన్స్‌ బ్యాంక్, గ్లెన్‌మార్క్‌ లైఫ్‌సైన్సెస్‌ కంపెనీలకు మార్కెట్ల నియంత్రణ సంస్థ సెబీ గ్రీన్‌సిగ్నల్‌ ఇచ్చింది. పబ్లిక్‌ ఇష్యూకి అనుమతించమంటూ సెబీకి.. ఉత్కర్ష్‌  స్మాల్‌ బ్యాంక్‌ మార్చిలో ప్రాథమిక పత్రాలతో దరఖాస్తు చేయగా.. గ్లెన్‌మార్క్‌ లైఫ్‌ ఏప్రిల్‌లో ప్రాస్పెక్టస్‌ను దాఖలు చేసింది.   ఉత్కర్ష్‌  బ్యాక్‌గ్రౌండ్‌  ఐపీవోలో భాగంగా ఉత్కర్ష్‌ స్మాల్‌ ఫైనాన్స్‌ బ్యాంక్‌ రూ. 750 కోట్ల విలువైన ఈక్విటీని తాజాగా జారీ చేయనుంది. అంతేకాకుండా మరో రూ. 600 కోట్ల విలువైన షేర్లను ప్రమోటర్‌ సంస్థ ఉత్కర్ష్‌ కోర్‌ఇన్వెస్ట్‌ విక్రయానికి ఉంచనుంది. వారణాసి కేంద్రంగా కార్యకలాపాలు సాగిస్తున్న ఉత్కర్ష్‌ ఐపీవో(ఈక్విటీ జారీ) నిధులను టైర్‌-1 పెట్టుబడుల పటిష్టతకు, భవిష్యత్‌ పెట్టుబడులకు వినియోగించనున్నట్లు ప్రాస్పెక్టస్‌లో  పేర్కొంది. 2009 నుంచి మైక్రోఫైనాన్స్‌ సంస్థగా కార్యకలాపాలు కొనసాగించిన ఉత్కర్ష్‌  తదుపరి 2017లో స్మాల్‌ ఫైనాన్స్‌ బ్యాంకుగా ఆవిర్భవించింది. 2020 సెప్టెంబర్‌ నాటికి 528 బ్యాంకింగ్‌ ఔట్‌లెట్లతో 2.74 మిలియన్‌ కస్టమర్లకు సేవలు అందిస్తోంది. మైక్రోఫైనాన్స్‌ ద్వారానే అధిక మొత్తంలో రుణాలను విడుదల చేస్తోంది. ప్రధానంగా బీహార్, ఉత్తరప్రదేశ్, జార్ఖండ్‌లలో కార్యకలాపాలు విస్తరించింది.   గ్లెన్‌మార్క్‌ లైఫ్ సైన్సెస్ ఇష్యూ సైజ్‌: రూ. 1,160. 1,160 కోట్ల రూపాయల విలువైన ఈక్విటీ షేర్లను, రూ .2 చొప్పున 73.05 లక్షల షేర్లకు ఆఫర్ ఫర్ సేల్ జారీ చేయాలని గ్లెన్‌మార్క్‌  లైఫ్ సైన్సెస్ యోచిస్తోంది. వాటా విధానం ప్రకారం, ప్రమోటర్, ప్రమోటర్ గ్రూప్ సమిష్టిగా 13.15 కోట్ల షేర్లు  ఉన్నాయి. గ్లెన్‌మార్క్ లైఫ్ సైన్సెస్ 2017-18 ఆర్థిక సంవత్సరంలో రూ .43 లక్షల నష్టాన్ని నమోదు చేసింది. అంతకుముందు ఆర్థిక సంవత్సరంలో కంపెనీ నికర లాభం 313 కోట్ల రూపాయలు.  చదవండి :  Petrol, diesel prices: పెట్రో బాంబు, రికార్డు ధర

ముంబై: బ్యాంకులు, స్మాల్‌ ఫైనాన్స్‌ బ్యాంకుల (ఎస్‌ఎఫ్‌బీ) ఏర్పాటుకు సంబంధించిన లైసెన్సులకు ఎనిమిది దరఖాస్తులు వచ్చినట్లు రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) తెలిపింది. ‘ఆన్‌ ట్యాప్‌’ (ఎప్పటికప్పుడు దరఖాస్తులు చేసే విధానం) లైసెన్సింగ్‌ మార్గదర్శకాల కింద బ్యాంకుల ఏర్పాటుకు నాలుగు దరఖాస్తులు, స్మాల్‌ ఫైనాన్స్‌ బ్యాంకుల ఏర్పాటుకు నాలుగు దరఖాస్తులు వచ్చినట్లు గురువారం వెల్లడించింది.   దరఖాస్తు సంస్థలు ఇవీ... ► యూఏఈ ఎక్సే్ఛంజ్‌ అండ్‌ ఫైనాన్షియల్‌ సర్వీసెస్‌ లిమిటెడ్, ది రిప్యాట్రియట్స్‌ కోఆపరేటివ్‌ ఫైనాన్స్‌ అండ్‌ డెవలప్‌మెంట్‌ బ్యాంక్‌ లిమిటెడ్‌ (రెప్కో బ్యాంక్‌), చైతన్య ఇండియా ఫిన్‌ క్రెడిట్, పంకజ్‌ వైష్‌ బ్యాంక్‌ లైసెన్సుకు  దరఖాస్తు చేశాయి. ► చిన్న ఫైనాన్స్‌ బ్యాంకుల  లైసెన్సింగ్‌ కోసం మార్గదర్శకాల ప్రకారం దరఖాస్తుదారులు–– విసాఫ్ట్‌ టెక్నాలజీస్‌ ప్రైవేట్‌ లిమిటెడ్, కాలికట్‌ సిటీ సర్వీస్‌ కో–ఆపరేటివ్‌ బ్యాంక్‌ లిమిటెడ్, అఖిల్‌ కుమార్‌ గుప్తా,  ద్వారా క్షేత్రీయ గ్రామీణ్‌ ఫైనాన్షియల్‌ సర్వీసెస్‌ ప్రైవేట్‌ లిమిటెడ్‌. ► ప్రైవేటు బ్యాంకుల ఏర్పాటుకు సంబంధించి 2016 ఆగస్టు 1వ తేదీన అలాగే  ఎస్‌ఎఫ్‌బీల ఏర్పాటుకు 2019 డిసెంబర్‌ 5వ తేదీన మార్గదర్శకాలు జారీ అయ్యాయి. దీని ప్రకారం బ్యాంకుల ఏర్పాటుకు తొలి కనీస పెయిడ్‌–అప్‌ ఓటింగ్‌ ఈక్విటీ మూలధనం రూ.500 కోట్లు ఉండాలి. అలాగే కనీస నెట్‌వర్త్‌ రూ.500 కోట్లును నిర్వహించాల్సి  ఉంటుంది. ఎస్‌ఎఫ్‌బీల విషయంలో ఇది రూ.200 కోట్లు. అర్బన్‌ కో–ఆపరేటివ్‌ బ్యాంక్‌ ఎస్‌ఎఫ్‌బీగా మా రాలని కోరుకుంటే, నెట్‌ వర్త్‌ తొలుత రూ.100 కోట్లు ఉంటే సరిపోతుంది. ఐదేళ్లలో ఈ మొత్తం రూ.200 కోట్లకు పెరగాల్సి ఉంటుంది.    ► బ్యాంకులు, స్మాల్‌ ఫైనాన్స్‌ బ్యాంకుల ఏర్పాటుకు సమర్పించే దరఖాస్తులను మదింపుచేసి, తగిన సలహాలను సమర్పించడానికి ఆర్‌బీఐ గత నెల్లో ఒక స్టాండింగ్‌ ఎక్స్‌టర్నల్‌ అడ్వైజరీ కమిటీ (ఎస్‌ఈఏసీ)ని ఏర్పాటు చేసింది. ఐదుగురు సభ్యుల కమిటీకి సెంట్రల్‌ బ్యాంక్‌ మాజీ గవర్నర్‌ శ్యామలా గోపీనాథ్‌ నేతృత్వం వహిస్తారు. కమిటీ కాలపరిమితి మూడేళ్లు. ఆర్‌బీఐ సెంట్రల్‌ బోర్డ్‌ డైరెక్టర్‌ రేవతీ అయ్యర్, ఆర్‌బీఐ మాజీ ఎగ్జిక్యూటివ్‌ డైరెక్టర్‌ అలాగే ప్రస్తుత ఎన్‌పీసీఐ చైర్మన్‌ బీ మహాపాత్ర, కెనరా బ్యాంక్‌ మాజీ చైర్మన్‌ టీఎన్‌ మనోహరన్, ఎస్‌బీఐ మాజీ ఎండీ అలాగే పీఎఫ్‌ఆర్‌డీఏ మాజీ చైర్మన్‌ హేమంత్‌ జీ కాంట్రాక్టర్‌లు కమిటీలో ఉన్నారు.  

ముంబై: తానిచ్చే రుణాలపై రిటర్న్స్, తన వద్ద డిపాజిట్లపై చెల్లించే వడ్డీల విషయంలో ప్రభుత్వ, ప్రైవేటు రంగ బ్యాంకులతో పోల్చితే చిన్న ఫైనాన్స్‌ బ్యాంకులు (ఎస్‌ఎఫ్‌బీ) ఎంతో మెరుగైన స్థితిలో ఉన్నాయి. రుణ నాణ్యత విషయంలోనూ వాటికి అవే సాటిగా కొనసాగుతున్నాయి. క్రెడిట్‌ రేటింగ్‌ ఏజెన్సీ– కేర్‌ రేటింగ్స్‌ విడుదల చేసిన ఒక విశ్లేషణాత్మక నివేదికలో కొన్ని ముఖ్యాంశాలు చూస్తే...  -తానిచ్చే రుణాలపై 19.87 శాతం రిటర్న్స్‌ను చిన్న ఫైనాన్స్‌ బ్యాంకులు పొందుతున్నాయి. ప్రభుత్వ రంగ బ్యాంకుల విషయంలో ఈ రేటు 8.16 శాతంగా ఉంది. ప్రైవేటు రంగ బ్యాంకులు 10.10 శాతం రిటర్న్స్‌ పొందుతుండగా, ఫారిన్‌ బ్యాంకింగ్‌కు 8.45 శాతం వడ్డీ వస్తోంది.   -నిధుల సమీకరణ వ్యయం మాత్రం చిన్న ఫైనాన్స్‌ బ్యాంకుల విషయంలో అత్యధికంగా 8.66 శాతంగా ఉంది. ప్రభుత్వ రంగ బ్యాంకులపై నిధుల సమీకరణ భారం 4.92 శాతంగా ఉంటే, ప్రైవేటు, విదేశీ బ్యాంకుల విషయంలో ఈ వడ్డీరేట్లు వరుసగా 5.41 శాతం, 3.73 శాతాలుగా ఉన్నాయి.   -ఒక్క డిపాజిట్లపై ఎస్‌ఎఫ్‌బీలు చెల్లించే  వడ్డీ 8.20 శాతం. ఈ విషయంలో ప్రభుత్వ రంగ బ్యాంకులు 4.96 శాతం వడ్డీని చెల్లిస్తుండగా,  ప్రైవేటు రంగ బ్యాంకులు 5.26 శాతం ఇస్తున్నాయి. ఫారిన్‌ బ్యాంకుల విషయంలో మరీ తక్కువగా 3.65 శాతంగా ఉంది.   -ఒక్క అసెట్స్‌ చూస్తే ప్రభుత్వ రంగ బ్యాంకులకు రిటర్న్స్‌ మైనస్‌ 0.23 శాతంగా ఉంది. ప్రైవేటు బ్యాంకింగ్‌ విషయంలో ఇది 0.51 శాతం ఉంటే, ఎస్‌ఎఫ్‌బీలు మాత్రం అత్యధికంగా 1.70 శాతం రిటరŠస్న్‌ ఉన్నాయి. మల్టీ నేషనల్‌ కంపెనీ రుణదాతలు 1.55 శాతం రిటర్న్స్‌ పొందుతున్నారు. నగదు, ప్రభుత్వ బాండ్లు, తనఖాలు, లెటర్స్‌ ఆఫ్‌ క్రెడిట్, ఇంటర్‌ బ్యాంక్‌ రుణాలు అసెట్స్‌ విభాగం  లోకి వస్తాయి.   -ఈక్విటీ ఆదాయాలపై చెల్లింపుల విషయానికి వస్తే,  15 శాతంతో చిన్న ఫైనాన్స్‌ బ్యాంకులు మంచి పనితీరును ప్రదర్శిస్తున్నాయి. ఈ విషయంలో ప్రభుత్వ రంగ బ్యాంకులు మైనస్‌ 4.16 శాతంతో ఉంటే, ప్రైవేటు బ్యాంకింగ్‌ ఆదాయం 3.30 శాతంగా ఉంది. ఫారిన్స్‌ బ్యాంకింగ్‌ తమ ఇన్వెస్టర్లకు 8.76 శాతం చెల్లిస్తోంది.   -చిన్న ఫైనాన్స్‌ బ్యాంకుల నికర వడ్డీ మార్జిన్ల విలువ 2019–20 ఆర్థిక సంవత్సరంలో 8.34 శాతం. ప్రభుత్వ రంగ బ్యాంకులు, ప్రైవేటు బ్యాంకులు, ఫారిన్‌ బ్యాంకుల విషయంలో ఈ శాతాలు వరుసగా 2.27 శాతం, 3.42 శాతం, 3.26 శాతాలుగా ఉన్నాయి.   -బ్యాంకింగ్‌ ప్రమాణాల విషయంలోనూ ఇవి మెరుగైన స్థానంలో ఉన్నాయి. క్యాపిటల్‌ అడిక్వెసీ రేషియో 20.2 శాతంగా ఉంటే, ఎన్‌పీఏల భారం 1.9 శాతంగా ఉంది. ప్రభుత్వ రంగ బ్యాంకులు, ప్రైవేటు బ్యాంకులు, ఫారిన్‌ బ్యాంకుల విషయంలో క్యాపిటల్‌ అడిక్వెసీ వరుసగా 12.9 శాతం, 16.5 శాతం, 17.7 శాతంగా ఉన్నాయి. ఇక ఎన్‌పీఏల విషయంలో ఈ రేట్లు వరుసగా 10.3 శాతం, 5.5 శాతం, 2.3 శాతాలుగా ఉన్నాయి.   10 ఎస్‌ఎఫ్‌బీల క్రియాశీలక పాత్ర  2016 తరువాత 10 చిన్న ఫైనాన్స్‌ బ్యాంకులు దేశంలో క్రియాశీలంగా పనిచేస్తున్నాయి. రుణ లభ్యత సరిగా లేని రంగాలకు అలాగే చిన్న వ్యాపారాలు, రైతులకు సకాలంలో తగిన రుణ సౌలభ్యత కల్పించడం లక్ష్యంగా చిన్న ఫైనాన్స్‌ బ్యాంకులు పనిచేస్తున్నాయి. ఈ 10 ఎస్‌ఎఫ్‌బీల మొత్తం బ్యాలెన్స్‌ షీట్‌ 2019–20 ఆర్థిక సంవత్సరానికి 1.33 లక్షల కోట్లు. మొత్తం బ్యాంకింగ్‌ వ్యవస్థలో వీటి వాటా 0.7 శాతం. ఈ విషయంలో ఒక్క 2019–20 ఆర్థిక సంవత్సరంలో 58 శాతం వృద్ధి రేటు నమోదుకావడం గమనార్హం. మొత్తం బ్యాంకింగ్‌ బ్యాలెన్స్‌ షీట్‌లో వృద్ధి 8.5 శాతం మాత్రమే. ఇక మొత్తం  1.33 లక్షల కోట్ల బ్యాలెన్స్‌ షీట్‌లో రూ.5,151 కోట్లు మూలధనం. రూ.11,047 కోట్లు నిల్వలు. డిపాజిట్లు రూ.82,488 కోట్లు. వీటిలో టర్మ్‌ డిపాజిట్ల విలువ రూ.69,823 కోట్లు. రిటర్న్స్, చెల్లించే వడ్డీల విషయంలో అధిక ధర ఎందుకు ఉందన్న అంశాన్ని కూడా నివేదిక వివరించింది. ఈ బ్యాంకుల మొత్తం డిపాజిట్లలో 60 శాతం ఏడాదికన్నా తక్కువ కాలానికి సంబంధించినవే. ఒకటి నుంచి మూడేళ్ల మధ్య డిపాజిట్లు 37.5 శాతంగా ఉన్నాయి. ప్రభుత్వ రంగ బ్యాంకుల విషయంలో ఇందుకు సంబంధించి శాతాలు వరుసగా 40.4 శాతం, 22.8 శాతాలుగా ఉన్నాయి. ఇక ఇచ్చే రుణాల విషయంలో ఏడాది కన్నా తక్కువ కాలానికి సంబంధించిన రుణాలు 38.1 శాతం. 1 నుంచి మూడేళ్ల మధ్య రుణాలు 42.4 శాతంగా ఉన్నాయి. ప్రభుత్వ రంగ బ్యాంకుల విషయంలో ఇవి వరుసగా 25.2 శాతం, 40.3 శాతాలుగా ఉన్నాయి. 

ఇటీవల పబ్లిక్‌ ఇష్యూకి వచ్చిన ఈక్విటాస్‌ స్మాల్‌ ఫైనాన్స్‌ బ్యాంక్‌ లిస్టింగ్‌లో ఇన్వెస్టర్లను నిరాశపరచింది. స్టాక్‌ ఎక్స్ఛేంజీలలో 6 శాతం తక్కువగా రూ. 31 వద్ద ట్రేడింగ్‌ ప్రారంభమైంది. ఇష్యూ ధర రూ. 33తో పోలిస్తే ఇది 6 శాతం తక్కువకాగా.. ప్రస్తుతం ఎన్‌ఎస్‌ఈలో స్వల్ప నష్టంతో రూ. 32.45 వద్ద ట్రేడవుతోంది. ఇంట్రాడేలో రూ. 32.65 వద్ద గరిష్టాన్ని తాకగా.. రూ. 30 వద్ద కనిష్టాన్ని చవిచూసింది.  రెండు రెట్లు కొద్ది రోజుల క్రితం పబ్లిక్‌ ఇష్యూకి వచ్చిన ఈక్విటాస్‌ స్మాల్‌ ఫైనాన్స్‌ బ్యాంక్‌ రూ. 517 కోట్లు సమకూర్చుకుంది. ఇష్యూకి దాదాపు రెండు రెట్లు అధికంగా స్పందన లభించింది. ఆఫర్‌లో భాగంగా 11.6 కోట్ల షేర్లను విక్రయానికి ఉంచగా.. 22.6 కోట్ల షేర్లకోసం దరఖాస్తులు లభించాయి. రిటైల్‌ విభాగం రెండు రెట్లు అధికంగా సబ్‌స్క్రిప్షన్‌ సాధించింది. ఇష్యూ నిధులను భవిష్యత్‌ అవసరాలకు అనుగుణంగా టైర్‌-1 క్యాపిటల్‌ను పటిష్ట పరచుకునేందుకు వినియోగించనున్నట్లు బ్యాంక్‌ ఇప్పటికే తెలియజేసింది. ఈక్విటాస్‌ హోల్డింగ్స్‌ ప్రమోటర్‌గా కలిగిన ఈక్విటాస్‌ స్మాల్‌ బ్యాంక్‌ ఆర్‌బీఐ నిబంధనలకు అనుగుణంగా ఐపీవోను చేపట్టింది. లైసెన్సింగ్‌ మార్గదర్శకాల ప్రకారం కార్యకలాపాలు ప్రారంభించిన మూడేళ్లలోగా స్టాక్‌ ఎక్స్ఛేంజీలలో లిస్ట్‌కావలసి ఉంది. గత రెండేళ్లలో గత రెండేళ్ల కాలంలో అంటే 2018-20 మధ్య కాలంలో ఈక్విటాస్‌ స్మాల్‌ బ్యాంక్‌ ఆదాయంలో 29 శాతం వృద్ధిని సాధించింది. వార్షిక ప్రాతిపదికన డిపాజిట్లు 39 శాతం, రుణ విడుదల 31 శాతం చొప్పున పుంజుకున్నాయి. స్థూల మొండిబకాయిలు(ఎన్‌పీఏలు) 2.72 శాతాన్ని తాకగా.. నికర ఎన్‌పీఏలు 1.66 శాతానికి చేరాయి.

ఈక్విటాస్‌ స్మాల్‌ ఫైనాన్స్‌ బ్యాంక్‌ పబ్లిక్‌ ఇష్యూ మంగళవారం(20) ప్రారంభంకానుంది. ఇష్యూకి ధరల శ్రేణి రూ. 32-33కాగా.. 450 షేర్లను ఒక లాట్‌గా కేటాయించారు. దీంతో రిటైల్‌ ఇన్వెస్టర్లు కనీసం 450 షేర్లకు దరఖాస్తు చేసుకోవలసి ఉంటుంది. ఇష్యూ ద్వారా కంపెనీ రూ. 518 కోట్లవరకూ సమకూర్చుకోవాలని భావిస్తోంది. నేడు యాంకర్‌ ఇన్వెస్టర్లకు షేర్లను విక్రయించడం ద్వారా కొంతమేర నిధులను సమీకరించనుంది. ఇష్యూ నిధులతో టైర్‌-1 క్యాపిటల్‌ను పటిష్టపరచుకోనుంది. తద్వారా భవిష్యత్‌ అవసరాలకు వినియోగించుకోనున్నట్లు ప్రాస్పెక్టస్‌లో కంపెనీ పేర్కొంది. కంపెనీ తొలుత పబ్లిక్‌ ఇష్యూ ద్వారా రూ. 1,000 కోట్లు సమీకరించాలని ఆశించింది. కనీస పెట్టుబడుల నిష్పత్తి మెరుగుపడటంతోపాటు, క్యాపిటల్‌ మార్కెట్‌ పరిస్థితుల ఆధారంగా ప్రణాళికలను సవరించుకున్నట్లు విశ్లేషకులు తెలియజేశారు. ప్రమోటర్‌ వాటా పబ్లిక్‌ ఇష్యూలో భాగంగా ఈక్విటాస్‌ స్మాల్‌ ఫైనాన్స్‌ బ్యాంక్‌ 7.2 కోట్ల షేర్లను విక్రయానికి ఉంచనుంది. వీటికి అదనంగా రూ. 280 కోట్ల విలువైన షేర్లను సైతం జారీ చేయనుంది. ఐపీవో తదుపరి బ్యాంక్‌లో ప్రమోటర్ల వాటా 82 శాతానికి పరిమితంకానుంది. 2021 సెప్టెంబర్‌కల్లా ఈ వాటాను 40 శాతానికి తగ్గించుకోవలసి ఉన్నట్లు నిపుణులు పేర్కొన్నారు. నిబంధనల ప్రకారం ఆపై 2028 సెప్టెంబర్‌కల్లా 26 శాతానికి పరిమితం చేసుకోవలసి ఉన్నట్లు వివరించారు. మూడో కంపెనీ పబ్లిక్‌ ఇష్యూ పూర్తయ్యాక ఈక్విటాస్‌ స్మాల్‌ ఫైనాన్స్‌ బ్యాంక్‌.. దేశీ స్టాక్‌ ఎక్స్ఛేంజీలలో లిస్టయిన మూడో కంపెనీగా నిలవనుంది. ఎన్‌బీఎఫ్‌సీ ఈక్విటాస్‌ హోల్డింగ్స్‌కు పూర్తి అనుబంధ సంస్థ ఇది. ఇప్పటికే ఏయూ స్మాల్‌ ఫైనాన్స్‌ బ్యాంక్‌, ఉజ్జీవన్‌ స్మాల్‌ ఫైనాన్స్‌ బ్యాంక్‌ ఎక్స్ఛేంజీలలో లిస్టింగ్‌ పొందాయి. క్రిసిల్‌ నివేదిక ప్రకారం బ్యాంకింగ్‌ ఔట్‌లెట్స్‌ ద్వారా 2019లో ఈక్విటాస్‌ స్మాల్‌ బ్యాంక్‌ తొలి ర్యాంకులో నిలిచింది. ఈ విభాగంలో నిర్వహణలోని ఆస్తులు, డిపాజిట్ల రీత్యా రెండో పెద్ద సంస్థగా ఆవిర్భవించింది. దేశీయంగా ఏయూఎంలో 16 శాతం మార్కెట్‌ వాటాను కలిగి ఉంది. 

విదేశీ మార్కెట్ల బలహీనతల ప్రభావంతో నష్టాలతో ప్రారంభమైన దేశీ స్టాక్‌ మార్కెట్లు నేలచూపులతో కదులుతున్నాయి. సెన్సెక్స్‌ 275 పాయింట్లు క్షీణించి 37,865కు చేరగా.. నిఫ్టీ 91 పాయింట్ల నష్టంతో 11,124 వద్ద ట్రేడవుతోంది. ఈ నేపథ్యంలో విభిన్న వార్తల కారణంగా ఐనియోస్‌ స్టైరొల్యూషన్‌ కౌంటర్‌లో ఇన్వెస్టర్లు అమ్మకాలకు క్యూకట్టగా.. ఏయూ స్మాల్‌ ఫైనాన్స్‌ బ్యాంక్‌ కౌంటర్‌కు డిమాండ్‌ పెరిగింది. వివరాలు చూద్దాం.. ఐనియోస్‌ స్టైరొల్యూషన్‌  స్టాక్‌ ఎక్స్ఛేంజీల నుంచి డీలిస్ట్‌ చేసేందుకు డిస్కవర్‌ చేసిన రూ. 1100 ధరను కంపెనీ ప్రమోటర్లు తిరస్కరించినట్లు వెలువడిన వార్తలు ఐనియోస్‌ స్టైరోల్యూషన్‌ కౌంటర్‌లో భారీ అమ్మకాలకు దారితీసింది. దీంతో ఐనియోస్‌ కౌంటర్‌ ఎన్‌ఎస్‌ఈలో 20 శాతం డౌన్‌ సర్క్యూట్‌ను తాకింది. రూ. 175 కోల్పోయి రూ. 700 వద్ద ఫ్రీజయ్యింది. కంపెనీలో ప్రస్తుత యూకే ప్రమోటర్‌ సంస్థ ఐనియోస్‌ స్టైరొల్యూషన్‌ ఏపీఏసీకు 75 శాతం వాటా ఉంది.  ఈ నెల 7న ప్రమోటర్లు షేరుకి రూ. 480 ధరలో డీలిస్ట్‌ చేసేందుకు బోర్డు అనుమతించినట్లు ఎక్స్ఛేంజీలకు తెలియజేసింది. ఈ నేపథ్యంలో డీలిస్ట్‌ చేసేందుకు కౌంటర్‌ ఆఫర్‌ ఇవ్వబోమంటూ ప్రమోటర్లు తాజాగా పేర్కొన్నట్లు తెలుస్తోంది. ఏయూ స్మాల్‌ ఫైనాన్స్‌ బ్యాంక్‌ ఈ ఆర్థిక సంవత్సరం(2020-21) తొలి క్వార్టర్‌లో ఏయూ స్మాల్‌ ఫైనాన్స్‌ బ్యాంక్‌ ఆకర్షణీయ ఫలితాలు సాధించింది. క్యూ1(ఏప్రిల్‌-జూన్‌)లో నికర లాభం 6 శాతం బలపడి రూ. 201 కోట్లను తాకింది.  నికర వడ్డీ ఆదాయం 24 శాతం ఎగసి రూ. 1184 కోట్లకు చేరింది. స్థూల మొండిబకాయిలు 2.08 శాతం నుంచి 1.69 శాతానికి తగ్గాయి. ఈ నేపథ్యంలో ఏయూ స్మాల్‌ ఫైనాన్స్‌ బ్యాంక్‌ కౌంటర్‌ ఎన్‌ఎస్‌ఈలో 5 శాతం అప్పర్‌ సర్క్యూట్‌ను తాకింది. రూ. 38 జమ చేసుకుని రూ. 792 వద్ద ఫ్రీజయ్యింది. గత ఐదు రోజుల్లో ఈ షేరు 21 శాతం ర్యాలీ చేయడం గమనార్హం!

సాక్షి,ముంబై: ఉజ్జీవన్ ఫైనాన్షియల్ సర్వీసెస్ అనుబంధ సంస్థ ఉజ్జీవన్‌ స్మాల్‌ ఫైనాన్స్‌ బ్యాంక్‌ బంపర్‌ లిస్టింగ్‌ను నమోదు చేసింది. విశ్లేషకుల అంచనాలను మించి లిస్టింగ్‌లో దూసుకు పోయింది.  స్టాక్‌మార్కెట్లలో గురువారం లిస్ట్‌ అయిన ఉజ్జీవన్ స్మాల్ ఫైనాన్స్ బ్యాంక్ షేర్లు ఏకంగా 60 శాతం ప్రీమియంతో రూ. 62 వద్ద లిస్ట్‌ అయింది. గత వారం తన 750 కోట్ల ఐపీవోలో 165 రెట్లు సబ్‌స్క్రైబ్‌  అయిన సంగతి తెలిసిందే. ధరల శ్రేణి ఒక్కో షేరుకు రూ.36-37 కాగా ఈ ఇష్యూ 166 రెట్లు ఓవర్‌ సబ్‌స్క్రైబ్‌ అయింది. దీంతో గ్రే మార్కెట్లో ఈ స్టాక్‌పై అంచనాలు అధికమయ్యాయి. ఉజ్జీవన్‌ స్మాల్‌ ఫైనాన్స్‌ బ్యాంక్‌ ఇష్యూ ధర రూ.37లతో పోలిస్తే 50 శాతం ప్రీమియంతో షేర్లు లిస్టింగ్‌ జరగవచ్చని నిపుణలు అంచనా వేశారు. అయితే ఈ అంచనాలను మించి ఇష్యూ ధర కంటే 60 శాతం అధికం కావడం విశేషం. అలాగే  పేరెంట్‌ కంపెనీ ఉజ్జీవన్ ఫైనాన్షియల్ సర్వీసెస్ మార్కెట్ క్యాప్ రూ.4,300 కోట్ల కన్నా ఎక్కువ. 

సాక్షి, న్యూఢిల్లీ: ప్ర‌ధాన‌మంత్రి మోదీ నేతృత్వంలోని ఎన్‌డీఏ ప్ర‌భుత్వం ప్ర‌తిష్టాత్మ‌కంగా తీసుకొచ్చిన అట‌ల్ పెన్షన్ యోజ‌న(ఏపీవై) ప‌థ‌కం లబ్దిదారులకు గుడ్‌ న్యూస్‌  చెప్పింది. ఇకపై   పేమెంట్‌ బ్యాంక్స్‌,  స్మాల్‌ ఫైనాన్స్‌  బ్యాంకుల్లో కూడా ఈ సామాజికపథకం  లబ్దిని పొందొచ్చని తెలిపింది.   ఏపీవై ఖాతాదారుల సౌకర్యార్థం ఈ వెసులు బాటును కల్పించినట్టు   ఆర్థికమంత్రిత్వ శాఖ వెల్లడించింది. ఏపీవై పథకంలో పంపిణీ ఇప్పటికే ఉన్న చానెల్స్ను బలోపేతం చేయడానికి,  కొత్తగా చెల్లింపులు బ్యాంకులు,  చిన్న ఫైనాన్స్ బ్యాంకులను చేర్చినట్టు ఆర్థిక మంత్రిత్వ శాఖ ఒక ప్రకటనలో తెలిపింది.  దీంతో  సామాన్యులకు కూడా పెన్షన్‌ సదుపాయాన్ని అందుబాటులోకి తెచ్చిన ఈ సామాజిక భద్రతా పథకం అటల్ పెన్షన్ యోజన   ఫలితం పొందవచ్చని తెలిపింది. దీని ప్రకారం ఆర్‌బీఐ అనుమతి లభించిన పేమెంట్‌  బ్యాంకులు,  ఇతర చిన్న  ఫైనాన్స్‌ సంస్థల ద్వారా ఈ పథకం లబ్దిదారులు పెన్షన్‌  పొందవచ్చు. ప్రస్తుతం 11 చెల్లింపు బ్యాంకులు, 10 స్మాల్ ఫైనాన్స్ బ్యాంకులు  తమ కార్యకలాపాలను ప్రారంభించేందుకు రిజర్వ్ బ్యాంక్ ఆఫ్ ఇండియా (ఆర్‌బీఐ)  ఆమోదం లభించినట్టు  తెలిపింది.  పెన్షన్ ఫండ్ రెగ్యులేటరీ అండ్ డెవలప్మెంట్ అథారిటీ ఆధ్వర్యంలో  2018, జనవరి15న చిన్న బ్యాంకులు,  చెల్లింపు బ్యాంకులతో  న్యూఢిల్లీలో నిర్వహించిన ఒక ఓరియంటేషన్ సమావేశంలో ఈ  పథకం అమలుపై చర్చించినట్టు  వెల్లడించింది.  


 ♦ స్మాల్‌ ఫైనాన్స్‌ బ్యాంకుల్లో అధిక రేటు
 ♦ ఒకటి నుంచి రెండు శాతం వరకు ఎక్కువ
 ♦ దీర్ఘకాలంలో రాబడుల్లో తేడా బాగానే ఉంటుంది
 
 సంప్రదాయ ఇన్వెస్టర్లకు రిస్క్‌ అంటే ఏ మాత్రం సహించదు. ఎంతసేపటికీ భద్రతకే వారి పెద్దపీట. అదే సమయంలో భద్రతతో కూడిన మెరుగైన రాబడుల కోసం చూస్తుంటారు. ఈ తరహా ఇన్వెస్టర్లు సాధారణ బ్యాంకుల్లో ఫిక్స్‌డ్‌  డిపాజిట్లు చేయటానికి బదులు... స్మాల్‌ ఫైనాన్స్‌ బ్యాంకుల పేరుతో ఇటీవల కొత్తగా మార్కెట్లోకి వచ్చిన బ్యాంకుల్ని పరిశీలించొచ్చు. ఇవి కొంచెం ఎక్కువ వడ్డీ రేటునే ఆఫర్‌ చేస్తున్నాయి.ప్రస్తుతం ప్రభుత్వ రంగ, ప్రైవేటు బ్యాంకుల్లో ఫిక్స్‌డ్‌ డిపాజిట్ల (ఎఫ్‌డీ)లపై వడ్డీ రేటు ఏడాది మించితే 7 శాతాన్ని దాటడం లేదు.
 
  మూడేళ్లు దాటిన కాల వ్యవధిగల డిపాజిట్లపై 7 శాతం కూడా ఆఫర్‌ చేయడం లేదు. కానీ, స్మాల్‌ ఫైనాన్స్‌ బ్యాంకుల్లో వడ్డీ రేటు కాస్త ఎక్కువే ఉంది. ఇవి 9 శాతం వరకు వడ్డీ రేటు ఆఫర్‌ చేస్తున్నాయి. కొత్తగా వచ్చిన బ్యాంకులు కావడంతో ఇన్వెస్టర్లను ఆకర్షించేందుకు కొంచెం అదనంగా వడ్డీని అందిస్తున్నాయి. అయినప్పటికీ ఇవి రిజర్వ్‌ బ్యాంకు అడుగుజాడల్లోనే నడవాల్సి ఉంటుంది. కాబట్టి భద్రత విషయంలో అంత భయమేమీ అక్కర్లేదు. రిస్క్‌ తీసుకోకుండా... బ్యాంకుల్లోనే ఉంచుకోవాలని ఆశించే వారికి ఇవి తగినవే.
 
 ఉదాహరణకు రూ.లక్షను పదేళ్ల కాలానికి డిపాజిట్‌ చేద్దామనుకుంటే... 9 శాతం వడ్డీ రేటుపై ఇన్వెస్ట్‌ చేస్తే 10 ఏళ్ల తర్వాత అది రూ.2.45 లక్షలు అవుతుంది. అంటే రూ.1.45 లక్షల మేర వృద్ధి చెందుతుంది. అదే రూ.లక్షను తీసుకెళ్లి 6.9 శాతం వడ్డీ రేటుకు ఏ ప్రభుత్వ బ్యాంకో లేదా ప్రైవేటు బ్యాంకులోనో ఇన్వెస్ట్‌ చేశారనుకోండి. అప్పుడు పదేళ్ల తర్వాత ఆ మొత్తం రూ.2 లక్షలు అవుతుంది. వడ్డీ రేటు అధికంగా ఉండటం వల్ల స్మాల్‌ బ్యాంకులో ఎఫ్‌డీ ద్వారా రూ.45 వేలను అధికంగా పొందే అవకాశం ఇక్కడ ఉంది.
 
 గమనించాల్సిన అంశాలివీ...
 ఎఫ్‌డీ చేసే ముందు ఎంత కాలానికి చేస్తున్నారు? ఏ కాలానికి, ఎంత వడ్డీ రేటు అమల్లో ఉంది? అనే విషయాలను వివరంగా అడిగి తెలుసుకోవాలి. మరీ ముఖ్యంగా సెక్షన్‌ 80సీ కింద ఆదాయ పన్ను ప్రయోజనం పొందేందుకు ఇన్వెస్ట్‌ చేస్తుంటే ఐదేళ్లకు తక్కువ కాకుండా ఉండాలి. ఐదేళ్ల లోపు డిపాజిట్లకు ఈ పన్ను మినహాయింపు లేదు. ఇక ఎఫ్‌డీలపై వడ్డీ ఆదాయం ఒక ఏడాదిలో రూ.10వేలు మించితే టీడీఎస్‌ విధిస్తారన్న సంగతి గుర్తుంచుకోవాలి. ఉపసంహరణ సమయంలో వచ్చే ఆదాయం మీ మొత్తం ఆదాయంలో కలుస్తుంది.
 
  పన్ను పరిధిలో ఉంటే ఆ రేటు ప్రకారం టీడీఎస్‌ విధిస్తారు. పన్ను పడే ఆదాయం లేకుంటే 60 ఏళ్లలోపు వారు ఫామ్‌ 15జీ, ఆపైన వయసున్న వారు ఫామ్‌ 15హెచ్‌ ఇవ్వాల్సి ఉంటుంది. బ్యాంకుల్లో చేసే చిన్న డిపాజిట్లకు హామీ ఉంటుంది. అంటే రూ.లక్ష వరకు డిపాజిట్‌ ఇన్సూరెన్స్‌ అండ్‌ క్రెడిట్‌ గ్యారంటీ కార్పొరేషన్‌ కింద బ్యాంకులు చెల్లించడంలో చేతులు ఎత్తేసినా ఆ మేరకు ఖాతాదారులకు డబ్బులు వెనక్కి వచ్చేస్తాయి. ఒకవేళ బ్యాంకుల్లో కాకుండా కంపెనీల ఎఫ్‌డీ పథకాల్లో ఇన్వెస్ట్‌ చేసేట్టు అయితే ఆయా కంపెనీల గత కాలపు పనితీరు, గుర్తింపును పరిశీలించాల్సి ఉంటుంది.


 లిస్టింగ్‌కు వస్తున్న తొలి స్మాల్ ఫైనాన్స్ బ్యాంక్!
 
 
 ముంబై: ఫైనాన్షియల్ సేవల రంగంలోని ‘ఈక్విటాస్’ పబ్లిక్ ఇష్యూ ఈ నెల 5న మొదలవుతోంది. స్మాల్ ఫైనాన్స్ బ్యాంక్ (ఎస్‌ఎఫ్‌బీ) లెసైన్సు కోసం దరఖాస్తు చేసిన ఈ సంస్థ... దానికి సంబంధించిన ప్రక్రియ మొత్తం పూర్తిచేసింది. త్వరలో ఆర్‌బీఐ నుంచి తుది లెసైన్స్ పొందనున్నట్లు తెలియజేసింది. అదే జరిగితే... దేశీ స్టాక్ మార్కెట్లో లిస్టయిన తొలి స్మాల్ ఫైనాన్స్ బ్యాంక్ ఇదే అవుతుంది. వచ్చే ఏడాది ఏప్రిల్‌లోగా లెసైన్సు పొంది కార్యకలాపాలు ఆరంభిస్తామని కంపెనీ ఎండీ పి.ఎన్.వాసుదేవన్ చెప్పారు. కంపెనీకి ప్రస్తుతం 539 బ్రాంచులున్నాయి. దీని పరిధిలో ఈక్విటాస్ మైక్రోఫైనాన్స్, ఈక్విటాస్ ఫైనాన్స్, ఈక్విటాస్ హౌసింగ్ ఫైనాన్స్ కార్యకలాపాలు నిర్వహిస్తున్నాయి. ఇపుడు ఈ మూడింటినీ విలీనం చేసి ఎస్‌ఎఫ్‌బీగా మారుస్తారు.
  
 ఐపీఓ వివరాలివీ...
 ఐపీఓ ద్వారా కంపెనీ రూ.2,200 కోట్లు సమీకరిస్తోంది. షేరు ధర రూ.109-110గా ఉంటుంది. ఐపీఓ అనంతరం కంపెనీలో ఎఫ్‌ఐఐల వాటా 35 శాతానికి దిగివస్తుంది. ఈ ఆర్థిక సంవత్సరంలో తొలి ఐపీఓ ఇదే కావటం గమనార్హం.
  


 చిన్న ఫైనాన్స్ బ్యాంకులకు ఆర్‌బీఐ సూత్రప్రాయ అనుమతులు
 లిస్టులో ఉజ్జీవన్, ఈక్విటాస్ తదితర 10 సంస్థలు
  
  ముంబై : సూక్ష్మ పరిశ్రమలు, సన్నకారు రైతులకు ప్రాథమిక బ్యాంకింగ్ సేవల్ని అందించే లక్ష్యంతో చిన్న ఫైనాన్స్ బ్యాంకుల ఏర్పాటుకు సంబంధించి 10 సంస్థలకు రిజర్వ్ బ్యాంక్ బుధవారం సూత్రప్రాయంగా అనుమతులు ఇచ్చింది. ఈ జాబితాలో ఉజ్జీవన్ ఫైనాన్షియల్ సర్వీసెస్, ఈక్విటాస్ హోల్డింగ్స్ మొదలైన సంస్థలు ఉన్నాయి. సూత్రప్రాయ అనుమతులు 18 నెలల పాటు వర్తిస్తాయని, ఈలోగా చిన్న ఫైనాన్స్ బ్యాంకుల (ఎస్‌ఎఫ్‌సీ) ఏర్పాటుకు విధివిధానాలను ఆయా సంస్థలు పూర్తి చేయాల్సి ఉంటుందని ఆర్‌బీఐ ఒక ప్రకటనలో పేర్కొంది. అటుపైన వీటికి పూర్తి స్థాయి లెసైన్సులు లభిస్తాయి. మొత్తం 72 సంస్థలు దరఖాస్తు చేసుకున్నాయి.
 
 డీహెచ్‌ఎఫ్‌ఎల్, ఐఐఎఫ్‌ఎల్, ఎస్‌కేఎస్ మైక్రోఫైనాన్స్, యూఏఈ ఎక్స్చేంజ్ అండ్ ఫైనాన్షియల్ సర్వీసెస్ మొదలైనవి కూడా పోటీపడ్డాయి. గత నెలలోనే 11 పేమెంట్ బ్యాంకులకు అనుమతించిన ఆర్‌బీఐ అంతక్రితమే రెండు కొత్త బ్యాంకులకూ ఆమోదముద్ర వేసిన సంగతి తెలిసిందే. ప్రస్తుత లెసైన్సింగ్ రౌండు అనుభవాలను బట్టి తదుపరి లెసైన్సుల జారీ విధివిధానాల్లో తగు మార్పులు, చేర్పులు చేయాలని ఆర్‌బీఐ భావిస్తోంది.
 
  విధివిధానాలివీ..
  కొత్తగా రాబోయే ఎస్‌ఎఫ్‌సీలు.. డిపాజిట్ల స్వీకరణ, బ్యాంకింగ్ పరిధిలో లేని చిన్న రైతులు.. లఘు, చిన్న, మధ్య తరహా సంస్థలు, అసంఘటిత రంగాలకు రుణాలివ్వడం తదితర ప్రాథమిక బ్యాంకింగ్ సేవలు అందిస్తాయి. ఇవి దేశవ్యాప్తంగా ఎక్కడైనా కార్యకలాపాలు సాగించవచ్చు. వీటి లోన్ పోర్ట్‌ఫోలియోలో దాదాపు సగభాగం.. సుమారు రూ. 25 లక్షల దాకా ఇచ్చే రుణాలు ఉండాలి.  మిగతా వాణిజ్య బ్యాంకులకు వర్తించే నగదు నిల్వల నిష్పత్తి(సీఆర్), స్టాట్యుటరీ లిక్విడిటీ రేషియో(ఎస్‌ఎల్‌ఆర్) తదితర నిబంధనలు అన్నీ వీటికి కూడా వర్తిస్తాయి. ప్రైవేట్ రంగ బ్యాంకులకు వర్తించే విదేశీ ప్రత్యక్ష పెట్టుబడుల (ఎఫ్‌డీఐ) పరిమితులు వీటికీ ఉంటాయి.
 
 ప్రస్తుతం ప్రైవేట్ బ్యాంకుల్లో 74% ఎఫ్‌డీఐలకు అనుమతులు ఉన్నాయి. అత్యున్నత స్థాయిలో ఫిర్యాదుల పరిష్కారానికి ప్రత్యేక వ్యవస్థ ఉండాలి. ప్రస్తుత విధివిధానాలకు తగు మార్పులు, చేర్పులు చేసి.. ఈ ఆర్థిక సంవత్సరం ప్రైవేట్ రంగంలో మరిన్ని యూనివర్సల్ బ్యాంకు లెసైన్సుల జారీకి సంబంధించి విధానాలు ఆవిష్కరించగలమని ఆర్‌బీఐ పేర్కొంది. ప్రాథమిక  దరఖాస్తులను ఆర్‌బీఐ మాజీ డిప్యూటీ గవర్నర్ ఉషా తోరట్ సారథ్యంలోని ఎక్స్‌టర్నల్ అడ్వైజరి కమిటీ(ఈఏసీ).. పరిశీ లించి..  ఇంటర్నల్ స్క్రీనింగ్ కమిటీకి(ఐఎస్‌సీ) సిఫార్సు చేసింది. అటుపైన వ్యాపార ప్రతిపాదనలు, నిర్వహణ సామర్థ్యం తదితర అంశాల్లో ఐఎస్‌సీ కూడా వీటిని మదింపు చేసి ఆర్‌బీఐ కమిటీ ఆఫ్ సెంట్రల్ బోర్డు(సీసీబీ)కి నివేదించింది. వాటికి అనుగుణంగా తాజా అనుమతులను ఆర్‌బీఐ ఇచ్చింది.
  
  
 జాబితాలోని సంస్థలు..
 ఉజ్జీవన్ ఫైనాన్షియల్ సర్వీసెస్ (బెంగళూరు)
 ఈక్విటాస్ హోల్డింగ్స్
 ఔ ఫైనాన్షియర్స్ (జైపూర్)
 క్యాపిటల్ లోకల్ ఏరియా బ్యాంక్ (జలంధర్)
 దిశ మైక్రోఫిన్  (అహ్మదాబాద్)
 ఈఎస్‌ఏఎఫ్ మైక్రోఫైనాన్స్ (చెన్నై)
 జనలక్ష్మి ఫైనాన్షియల్ (బెంగళూరు)
 ఆర్‌జీవీఎన్ (నార్త్‌ఈస్ట్) మైక్రోఫైనాన్స్ (గువాహటి)
 సూర్యోదయ్ మైక్రోఫైనాన్స్ (ముంబై)
 ఉత్కర్ష్ మైక్రోఫైనాన్స్ (వారణాసి)


 త్వరలో స్మాల్ ఫైనాన్స్ బ్యాంక్ మార్గదర్శకాలు
 * ఉచిత నగదు పథకాలతో జాగ్రత్త..
 * ఐడీఆర్‌బీటీ అవార్డుల కార్యక్రమంలో ఆర్‌బీఐ గవర్నర్ రఘురామ్ రాజన్
 హైదరాబాద్, బిజినెస్ బ్యూరో: అధునాతన సాంకేతిక పరిజ్ఞానాన్ని వినియోగించుకొని ప్రజల వ్యక్తిగత ఆర్థిక అవసరాలను తీర్చే పథకాలను ప్రవేశపెట్టడంపై బ్యాంకులు దృష్టిసారించాలని ఆర్‌బీఐ గవర్నర్ రఘురామ్ రాజన్ సూచించారు. టెక్నాలజీని వినియోగించుకోవడం ద్వారా అందుబాటు చార్జీలతో అత్యధిక జనాభాకి అవసరాలను తీర్చే పథకాలను ప్రవేశపెట్టొచ్చన్నారు. బుధవారం హైదరాబాద్‌లో ఐడీఆర్‌బీటీ  టెక్నాలజీ అవార్డుల కార్యక్రమంలో ముఖ్య అతిథిగా పాల్గొన్న  రాజన్ కీలకోపన్యాసం చేశారు. ఈ సందర్భంగా ఆయన మాట్లాడుతూ వ్యక్తిగత అవసరాలను తీర్చడానికి ప్రత్యేక బ్యాంకులను ఏర్పాటు చేస్తున్నట్లు తెలిపారు.
 
 ఇందులో భాగంగా ఇప్పటికే పేమెంట్ బ్యాంకుల ఏర్పాటుకు సంబంధించి మార్గదర్శకాలను జారీ చేశామని, త్వరలోనే చిన్న ఖాతాదారుల అవసరాలను తీర్చే స్మాల్ ఫైనాన్స్ బ్యాంకులకు సంబంధించిన మార్గదర్శకాలను విడుదల చేయనున్నట్లు తెలిపారు. మొబైల్, ఐటీ వంటి కంపెనీలకు పేమెంట్ బ్యాంకులు ఏర్పాటు చేయడానికి అనుమతిస్తున్నామని, ఇవి వాణిజ్య బ్యాంకులతో ఒప్పందం కుదుర్చకోవడం ద్వారా మరిన్ని పథకాలను ప్రజలకు అందుబాటులోకి తీసుకురావచ్చన్నారు. జనధన యోజన కింద ప్రారంభిస్తున్న ఖాతాలను  ఆధార్‌కార్డు ల అనుసంధానం ద్వారా ప్రభుత్వ సబ్సిడీలు నేరుగా ప్రజల ఖాతాల్లోకి వెళ్తాయని, ఈ నిధులను వినియోగించుకుంటున్న తీరును సాంకేతికంగా పరిశీ లించడం ద్వారా అందుకుతగ్గ  పథకాలను ప్రవేశపెట్టాలన్నారు.
  
 మోసపూరిత మెసేజ్‌ల పట్ల జాగ్రత్త...
 టెక్నాలజీతో ఎంత ప్రయోజనాలున్నాయో అదే సమయంలో ఇది దుర్వినియోగం అయ్యే ప్రమాదం ఉండటంతో ఈ విషయంలో బ్యాంకులతో పాటు, ఖాతాదారులు కూడా అప్రమత్తతతో ఉండాలన్నారు. గతవారం జేపీమోర్గాన్ చేజ్ అకౌంట్లను హ్యాక్ చేయడం ద్వారా అనేక ఖాతాలను కోల్పోవాల్సి వచ్చిందన్నారు. ఇనిస్టిట్యూట్ ఫర్ డెవలప్‌మెంట్ అండ్ రీసెర్చ్ ఇన్ బ్యాంకింగ్ టెక్నాలజీ(ఐడీ బీ ఆర్‌టీ) వంటి సంస్థల సహకారం తీసుకోవడం ద్వారా ఇలాంటి మోసాలకు అడ్డుకట్ట వేయొచ్చన్నారు. అలాగే ఇప్పుడు ఆర్‌బీఐ పేరుతోనే లేదా నైజీరియా, బ్రిటన్ వంటి దేశాల నుంచి భారీ నగదు ప్రైజు వచ్చిందని వస్తుందన్న మెసేజ్‌లు, ఈ-మెయిల్స్‌పట్ల ప్రజలు అప్రమత్తంగా ఉండాలన్నారు.
 
 కొంత డబ్బు కడితే మీకు భారీ మొత్తం అందిస్తామంటున్న మేసేజ్‌లకు స్పందించే ముందు ఉచితంగా ఏదీ రాదన్న విషయం గుర్తు పెట్టుకోవాలన్నారు. ఆర్‌బీఐ కానీ, మరేవరైనా కానీ ఉచితంగా ఎటువంటి నగదు ఇవ్వవని, ఆర్‌బీఐ ఎప్పుడూ ఇటువంటి మెసేజ్‌లను పంపించదన్నారు. సాంకేతిక పరిజ్ఞానాన్ని వినియోగించుకొని చేసే ఇటువంటి మోసాలపై అందరూ జాగురకతతో వ్యవహరించాలని సూచించారు. ఈ కార్యక్రమంలో ఐడీఆర్‌బీఐ చైర్మన్, ఆర్‌బీఐ డిప్యూటి గవర్నర్ ఆర్.గాంధీ, ఐడీఆర్‌బీటీ డెరైక్టర్ బి.సాంబమూర్తి, ఐడీఆర్‌బీటీ డిజిగ్నేటెడ్ డెరైక్టర్ ఎ.ఎస్.రామశాస్త్రితో పాటు వివిధ బ్యాంకుల సీఎండీలు, ఎగ్జిక్యూటివ్ డెరైక్టర్లు పాల్గొన్నారు. ఈ సందర్భంగా టెక్నాలజీ వినియోగంలో మంచి పనితీరు కనపర్చిన బ్యాంకులకు రాజన్ అవార్డులను అందచేశారు.
  
 రాజన్‌కు యూరోమనీ అవార్డ్
 ముంబై: ఆర్‌బీఐ గవర్నర్ రఘురామ్ రాజన్‌కు యూరోమనీ సెంట్రల్ బ్యాంక్ గవర్నర్ ఆఫ్ ద ఇయర్ అవార్డ్ లభించింది. లోటుతో కొట్టుమిట్టాడుతున్న భారత ఆర్థిక వ్యవస్థను కఠినమైన ద్రవ్య విధానాలతో రఘురామ్ రాజన్ సమర్థవంతంగా ఎదుర్కొన్నారని యూరోమనీ ప్రశంసించింది. వంద కోట్ల ప్రజల కోసం మందగమనంలో ఉన్న ఆర్థిక వ్యవస్థ కోలుకోవడానికి తన వంతు ప్రయత్నాలు చేస్తున్నారని వివరించింది. విదేశీ నిధులు భారత్ నుంచి వెలుపలికి తరలుతుండడం, రూపాయి రికార్డ్ స్థాయిలో పతనాన్ని చేరుకోవడం, గతంలో ఆసియా దేశాల సంక్షోభం మాదిరి సంక్షోభం భారత్‌లో కూడా తలెత్తనున్నదన్న ఆందోళనలను ఆయన సమర్థవంతంగా ఎదుర్కొ న్నారని యూరోమనీ తెలిపింది.