న్యూయార్క్‌ : దీపావళి సందర్భంగా భారతీయులకు శుభాకాంక్షలు తెలుపుతూ ఐక్యరాజ్యసమితి రెండు స్టాంపులను విడుదల చేసింది. ‘హ్యాపీ దీవాళి. చెడు మీద మంచి సాధించిన విజయానికి గుర్తుగా భారతీయులు జరుపుకొనే వెలుగుల పండుగ సందర్భంగా యూన్‌ స్టాంప్స్‌’  అంటూ ట్వీట్‌ చేసింది. శుభాకాంక్షలతో పాటు హ్యాపీ దీవాళి అనే అక్షరాలతో కూడిన లైటింగ్‌లో ఉన్న ఐక్యరాజ్య సమితి ప్రధాన కార్యాలయం, దీపాలతో కూడిన స్టాంపు షీటు ఫొటోను తన అధికారిక ట్విటర్‌లో పోస్ట్‌ చేసింది.1.15 డాలర్ల విలువైన ఈ స్టాంపులను అంతర్జాతీయ ఎయిర్‌మేల్‌ లెటర్లకు ఉపయోగించుకోవచ్చు. Happy Diwali! During the festival of lights, which is celebrated in India & by followers of many faiths across the world, clay lamps are lit to signify the victory of good over evil. Find Diwali @UNStamps here: https://t.co/jetZGjk2Ar pic.twitter.com/qT6LTXkkAf — United Nations (@UN) November 7, 2018 కాగా యూఎన్‌ ట్వీట్‌పై ఐక్యరాజ్య సమితిలో భారత శాశ్వత రాయబారి సయ్యద్‌ అక్బరుద్దీన్‌ స్పందించారు. ‘ మేమెంతో ప్రత్యేకంగా భావించే, చెడుపై మంచి విజయానికి గుర్తుగా చేసుకునే పండుగ సందర్భంగా స్టాంప్స్‌ విడుదల చేసినందుకు ధన్యవాదాలు’ అని ఆయన ట్వీట్‌ చేశారు.


 - జిల్లాకు చేరిన రూ.6 కోట్ల 38 లక్షల విలువైన స్టాంపులు
 అనంతపురం టౌన్‌ : జిల్లా స్టాంప్స్‌ అండ్‌ రిజిస్ట్రేషన్‌ శాఖకు ఎట్టకేలకు రూ.6 కోట్ల 38 లక్షలు విలువ చేసే వివిధ రకాల స్టాంపులు వచ్చాయి. స్టాంపుల కొరతతో జిల్లా వ్యాప్తంగా ప్రజలు ఇబ్బందులు పడుతున్న నేపథ్యంలో ఈ విషయమై సాక్షి వరుస కథనాలు ప్రచురించింది. దీంతో జిల్లా యంత్రాంగంలో చలనం వచ్చింది. నెలల తరబడి స్టాంపులు లేకపోవడంతో తలెత్తుతున్న సమస్యలపై ఉన్నతాధికారులకు నివేదికలు పంపారు.
 
 సబ్‌ రిజిస్ట్రార్‌ కార్యాలయాల వారీగా ఎన్ని స్టాంపులు కావాలో అందులో పొందుపరిచారు. ఈ నేపథ్యంలో మంగళవారం రూ.6 కోట్ల 38 లక్షలు విలువ చేసే స్టాంపులు వచ్చాయి. అనంతపురం జిల్లా రిజిస్ట్రార్‌ పరిధిలోని 11 కార్యాలయాలకు రూ.3 కోట్ల 78 లక్షలు, హిందూపురం రిజిస్ట్రార్‌ పరిధిలోని 9 కార్యాలయాలకు రూ.2 కోట్ల 60 లక్షలు విలువైన సాంపులు సరఫరా అయ్యాయి.