న్యూఢిల్లీ :  పుష్-అప్స్, లాంగ్‌ర‌న్స్‌తో   ఫిట్‌నెస్‌లో త‌న‌కు తానే  సాటిగా నిరూపించుకున్న ఉషా సోమ‌న్ 82వ వ‌సంతంలోకి అడుగుపెట్టారు.  బ‌ర్త్‌డే సంద‌ర్భంగా ఒకేసారి ఏక‌ధాటిగా 15 పుష్అప్స్ చేసి మ‌రోసారి త‌న మార్క్ చూపించుకున్నారు.  దీనికి సంబంధించిన వీడియాలు సోష‌ల్ మీడియాలో వైర‌ల్ అవుతున్నాయి. బామ్మ‌గారి ఫిట్‌నెస్‌కి ఎంతోమంది సామాన్యుల నుంచి సెల‌బ్రిటీల వ‌ర‌కు ఫ్యాన్స్ ఉన్నారు. ఫిట్‌నేస్‌ ప్రియులకు గట్టి పోటినిస్తూ సవాలు విసురుతున్న ఉషా సోమ‌న్.. మన టాప్‌ ఇండియన్‌ మోడల్‌ మిలింద్‌ సోమన్ తల్లి. . గ‌తంలోనూ మిలింద్‌ భార్య అంకితా కొన్వర్‌తో కలిసి ఆమె ఒంటి కాలితో బాక్స్‌ జంప్స్‌ చేయడమే కాకుండా కొడుకుతో సమానంగా పుష్‌-అప్స్‌, వర్కఅవుట్స్‌ చేస్తున్న వీడియోలు సోషల్‌ మీడియాలో వైరల్‌గా మారిన సంగ‌తి తెలిసిందే. అంతేకాదు ఉష సోమన్‌ తన కొడుకు మిలింద్‌తో కలిసి చీరలో పుష్‌-అప్‌లు చేస్తున్న వీడియో కూడా ఫిట్‌నెస్ ప్రియుల‌ను ఎంత‌గానో ఆక‌ట్టుకుంది. ఇటీవల ఉష, తన కొడుకు మలింద్‌కు పోటీగా ఒకేసారి 16 పుష్‌-అప్‌లు చేసిన వీడియోను ఉమెన్స్‌ డే సందర్భంగా షేర్‌ చేశాడు. అలాగే 2016లో మహరాష్ట్రలోని నిర్వహించిన ఓ మరథాన్‌లో మలింద్‌తో పాటు ఆయన తల్లి ఉష కూడా పాల్గొన్న వీడియో మదర్స్‌ డే సందర్భంగా పంచుకున్నాడు. ఇలా వృద్ధాప్యంలో కూడా ఆరోగ్యవంతమైన ఫిట్‌నెస్‌తో యువతతో పాటు వృద్ధులకు కూడా సవాలుగా నిలిచిన తన తల్లి ఫిట్‌నెస్‌కు సంబంధించిన వీడియోలను తరచూ మలింద్‌ సోషల్‌ మీడియాలో పంచుకంటుంటాడు. (వైరల్‌: సినిమాను తలపించే పోలిస్‌ ఛేజింగ్‌! ) View this post on Instagram 3rd July 2020. 81 amazing years celebrated with birthday in lockdown. Party with 15pushups and a jaggery vanilla almond cake baked by @ankita_earthy 😀 happy birthday Aai 🤗🤗🤗 keep smiling !! . . . #livetoinspire #keepmoving #neverstop #FitnessAddict #love #health #happybirthday A post shared by Milind Usha Soman (@milindrunning) on Jul 4, 2020 at 11:48pm PDT


 ఒకప్పటి సూపర్ మోడల్ మిలింద్ సోమన్ గత ఎనిమిది రోజులుగా చేస్తున్న ‘ది గ్రేట్ ఇండియన్ రన్’ నిన్నటితో పూర్తయింది! అహ్మదాబాద్‌లో బయల్దేరి రన్నింగ్  చేసుకుంటూ ఆయన ముంబై చేరుకున్నారు.
 
 గ్రేట్. కానీ అంతకంటే గ్రేట్.. మిలింద్ అమ్మగారు, 78 ఏళ్ల ఉషా సోమన్ అతడితో పాటు కలిసి కొంతదూరం పరుగెత్తడం! మార్గం మధ్యలో మహారాష్ట్రలోని మనోర్ దగ్గర కొడుకును కలుసుకున్న ఉష అతడితో కలిసి కాళ్లకు చెప్పుల్లేకుండా, చీరతో మారథాన్‌లాంటి రన్నింగ్ చేశారు. నిజానికి ఇది ఆమెకు కొత్త కాదు. గతంలో అనేకసార్లు 100 కిలోమీటర్ల రన్నింగ్‌లో పాల్గొన్నారు. ఇక మిలింద్‌కి ఇది మూడవ ‘అహ్మదాబాద్-ముంబై’ రన్. అహ్మదాబాద్ ముంబైల మధ్య దూరం 527 కి.మీ.
  


 అహ్మదాబాద్: వృద్ధాప్యంలో ఎవరైనా కృష్ణారామ అంటూ గడిపేస్తారు. ఆమె అందరిలా కాదు. 78 ఏళ్ల వయసులోనూ కుర్రాళ్లతో పోటీ మరీ పరిగెత్తారు. తన కొడుకుతో కలిసి 'ది గ్రేట్ ఇండియన్ రన్'లో పాలు పంచుకున్నారు. ఆమె ఎవరో కాదు. భారత మాజీ సూపర్ మోడల్, బాలీవుడ్ నటుడు మిలింద్ సోమన్ తల్లి ఉష. అహ్మదాబాద్ నుంచి ముంబైకి మిలింద్ చేపట్టిన 'ది గ్రేట్ ఇండియన్ రన్'లో కొడుకుతో కలిసి ఆమె కొంత దూరం పరిగెత్తారు.
 
 కాళ్లకు చెప్పులు, బూట్లు లేకుండా చీరకట్టుకుని మరీ ఆమె రన్ లో పాల్గొనడం విశేషం. మహారాష్ట్రలోని మనోర్ ప్రాంతంలో మిలింద్ తో కలిసి ఆమె పరుగెత్తారు. తల్లితో  పరుగుపెడుతున్న వీడియోను మిలింద్ సోషల్ మీడియాలో షేర్ చేశాడు. 8 రోజుల్లోనే అతడు 'ది గ్రేట్ ఇండియన్ రన్' పూర్తి చేశాడు. పరుగు ద్వారా అహ్మదాబాద్ నుంచి ముంబైకి అతడు చేరుకోవడం ఇది మూడోసారి. కాళ్లకు జాగింగ్ బూట్లు గానీ, పాదరక్షలు గానీ లేకుండా అతడు పరుగెత్తాడు.