న్యూఢిల్లీ: భారత్‌ చేతిలో పరాభవం తర్వాత పాక్‌ ఆటగాళ్లపై తీవ్రస్థాయిలో అటు అభిమానులు, ఇటు పాకిస్తాన్‌ మాజీ క్రికెటర్లు విరుచుకుపడుతున్నారు. ఈ విమర్శల తాకిడి షోయబ్‌ మాలిక్‌ భార్య, భారత టెన్నిస్‌ స్టార్‌ సానియా మీర్జాను తాకాయి. నైట్‌ క్లబ్‌లో షోయబ్‌ సహా పలువురు క్రికెటర్లతో ఆమె డైనింగ్‌ టేబుల్‌ పంచుకున్న ఫొటోపై పాకిస్తాన్‌ నటి వీణా మాలిక్‌ వ్యంగ్యాస్త్రాలు సంధించింది. ‘మీ అబ్బాయిని కూడా తీసుకెళ్లావా? జాగ్రత్త... జంక్‌ ఫుడ్‌ ఆటగాళ్లకు మంచిదికాదన్న సంగతి ప్లేయర్‌వైన నీకు తెలియదా’ అని సానియాను దెప్పిపొడుస్తూ వీణా మాలిక్‌ ట్వీట్‌ చేసింది. దీనికి టెన్నిస్‌ స్టార్‌ స్పందించింది. ‘వీణా... నేను నా కుమారుణ్ని అక్కడికి తీసుకెళ్లలేదు. వాడినెలా చూసుకోవాలో నీకంటే, అందరికంటే నాకే బాగా తెలుసు. ఇకపోతే నేనేమీ పాక్‌ జట్టు డైటీషియన్‌ను (పోషకాహార నిపుణులు) కాదు. ప్రిన్సిపాల్‌నో, టీచర్‌నో అంతకంటే కాదు. నీ స్థానంలో నేను ఉండి ఉంటే మ్యాగజిన్‌ కవర్‌పై ప్రచురితమైన నీ అశ్లీల చిత్రాలు నీ పిల్లలకు ఎంత ప్రమాదకరమో అనే విషయం గురించి ఆలోచించేదాన్ని’ అని ట్వీట్‌ చేసింది. ఈ వ్యవహారంపై సానియా భర్త షోయబ్‌ నిర్వేదం చెందాడు. ఆటగాళ్ల కుటుంబ సభ్యుల్ని కూడా విమర్శించడం తగదని హితవు పలికాడు. ‘మేం మ్యాచ్‌ ముందురోజు క్లబ్‌కు వెళ్లలేదు. రెండ్రోజుల ముందు వెళ్లిన ఫొటో అది. దాన్ని పట్టుకొని నిందించడమేంటి. 20 ఏళ్లుగా పాక్‌ క్రికెట్‌కు సేవలందించిన నన్ను ఇలా అవమానిస్తే ఎలా’ అని అసంతృప్తి వ్యక్తం చేశాడు. 

ప్రముఖ టెన్నిస్‌ క్రీడాకారిణి సానియా మీర్జా ట్విటర్‌లో తనపై వస్తున్న విమర్శలపై తీవ్ర స్థాయిలో మండిపడ్డారు. తన కుమారుడిని ఎలా చూసుకోవాలో తనకు బాగా తెలుసని స్పష్టం చేశారు. తొలుత పాకిస్తాన్‌ నటి వీణా మాలిక్‌ సానియాను ఉద్దేశించి ట్విటర్‌లో ఒక పోస్ట్‌ చేశారు. ‘సానియా నీ కుమారుడిని హుక్కాబార్‌కు తీసుకెళ్లావు. అలాంటి చోట్లకు బాబును తీసుకెళ్లడం అంత మంచిది కాదు. నువ్వు వెళ్లిన బార్లో జంక్ ఫుడ్ అమ్ముతుంటారు. ఇలాంటి ఆహారం నీలాంటి క్రీడాకారులకు అనారోగ్యకరం. ఓ తల్లిగా ఈ విషయాలపై మీకు తెలుసుండాలి’అని వీణా మాలిక్‌ ట్వీట్‌ చేశారు.  దీనిపై స్పందించిన సానియా.. ‘మా అబ్బాయిని నా కంటే జాగ్రత్తగా ఎవరూ చూసుకోలేరు. నాకు మా అబ్బాయిని ఎక్కడికి తీసుకు వెళ్లాలో తెలుస’ని  పేర్కొన్నారు. అంతేకాకుండా పాకిస్థాన్‌ క్రికెటర్లు ఏం తింటారో పట్టించుకోవడానికి తాను ఆ టీమ్‌ డైటీషియన్ కాదని ఎద్దేవా చేశారు. తాను వారి తల్లిని కాదని, టీచర్ ను అంతకన్నా కాదని వీణా మాలిక్‌పై తీవ్ర స్థాయిలో మండిపడ్డారు. ట్విటర్‌లో తనపై వ్యంగ్యంగా కామెంట్లు చేసే నెటిజన్లు వారి ప్రస్టేషన్‌ తగ్గించుకోవడాని వేరే మార్గాలు చూసుకోవాలని సానియా చురకలు అంటించారు. ఐసీసీ వరల్డ్‌ కప్‌లో భాగంగా ఆదివారం పాకిస్తాన్‌ టీమిండియా చేతిలో ఓటమిపాలైన విషయం తెలిసిందే. దీంతో పాక్‌కు చెందిన పలువురు నెటిజన్లు సానియా గతంలో హుక్కాబార్‌కు వెళ్లిన దృశ్యాలను సోషల్‌ మీడియాలో ఉంచి ట్రోల్‌ చేస్తున్న సంగతి తెలిసిందే.

న్యూఢిల్లీ : భారత్‌లో డబ్బు, పేరు ప్రతిష్టలు సంపాదించిన విషయం విస్మరిస్తూ పాక్‌ నటి వీణా మాలిక్‌ గల్లంతైన ఐఏఎఫ్‌ విమానం ఏఎన్‌-32పై వివాదాస్పద ట్వీట్‌ చేశారు. ప్రధాని నరేంద్ర మోదీ రాడార్‌ కామెంట్‌ను ప్రస్తావిస్తూ ఐఏఎఫ్‌ ఏఎన్‌-32 విమానం వాస్తవంగా కూలిపోలేదని, వాతావరణం మేఘావృతం కావడంతో దాన్ని గుర్తించలేకపోతున్నారని ఆమె ట్వీట్‌ చేశారు. ఆకాశంలో మేఘాలు దట్టంగా అలుముకోవడంతో రాడార్లు గల్లంతైన ఐఏఎఫ్‌ ఏఎన్‌-32 విమానాన్ని కనుగొనలేకపోతున్నారని స్మైలీ ఇమేజ్‌తో ఆమె చేసిన ట్వీట్‌ వైరల్‌ అవుతోంది. అసోంలోని జోర్హాట్‌లో సోమవారం సాయంత్రం 13 మంది సిబ్బందితో టేకాఫ్‌ అయిన భారత వైమానిక దళానికి చెందిన విమానం ఆచూకీ గల్లంతైన సంగతి తెలిసిందే. అదృశ్యమైన విమానాన్ని గుర్తించేందుకు ఇస్రో శాటిలైట్లు, నావల్‌ పీ-8ఐ గూఢచర్య విమానాలు రంగంలోకి దిగాయి. కాగా భారత్‌లో ప్రముఖ రియాలిటీ షో బిగ్‌ బాస్‌లో పాల్గొన్న అనంతరం ప్రాచుర్యంలోకి వచ్చిన వీణా మాలిక్‌ వివాదాస్పద వ్యాఖ్యలు చేయడం ఇదే తొలిసారి కాదు. ఐఏఎఫ్‌ పైలట్‌ అభినందన్‌ వర్ధమాన్‌ పాక్‌ దళాలకు పట్టుబడిన సందర్భంలోనూ ఆమె చేసిన ట్వీట్‌ దుమారం రేపింది.

ముంబై: భారత్‌- పాకిస్థాన్‌ సరిహద్దులో ఉద్రిక్తతల నేపథ్యంలో ఇరు దేశాల నాయకులతో పాటు సెలబ్రిటీల మధ్య కూడా మాటల యుద్ధం నడుస్తోంది. పాకిస్థాన్‌ నటి వీణా మాలిక్‌ తమ దేశ సైన్యాన్ని పొడుగుతూ, భారత్‌ ఆర్మీని విమర్శిస్తూ ట్విటర్‌లో కామెంట్లు, ఫొటోలు పెట్టారు. పాక్ ఆర్మీ బందీగా పట్టుకున్న భారత పైలట్‌ అభినందన్‌ను వెక్కిరిస్తూ తాజాగా వ్యాఖ్యలు చేశారు. (తలొగ్గిన పాక్‌.. రేపు అభినందన్‌ విడుదల) వీణా మాలిక్‌​ కామెంట్లపై బాలీవుడ్‌ నటి స్వర భాస్కర్‌ దీటుగా స్పందించారు. ‘వీణాజీ.. దుర్బలమైన మీ మనస్తత్వం చూసి సిగ్గుపడుతున్నాం. మీ ఆనందం ఎక్కువసేపు నిలవదు. మా పైలట్‌ రియల్‌ హీరో. చాలా ధైర్యవంతుడు, సమర్థవంతుడు. కారాగారాన్ని కూడా హుందాగా స్వీకరించారు. వింగ్‌ కమాండర్ అభినందన్‌ను ప్రశ్నించిన పాకిస్థాన్‌ ఆర్మీ మేజర్‌ చూపిన సభ్యత కూడా మీరు చూపలేకపోయార’ని వీణా మాలిక్‌కు గట్టి కౌంటర్‌ ఇచ్చారు. పాక్‌లోని ఉగ్రవాద స్థావరాలపై భారత్‌ మెరుపు దాడుల నేపథ్యంలో స్పందించిన బాలీవుడ్‌ నటులపై కూడా అంతకుముందు వీణా మాలిక్‌ వ్యంగ్యాస్త్రాలు సంధించారు. ‘తేరె ప్యార్‌ మైన్‌’ సినిమాతో బాలీవుడ్‌లో తెరంగ్రేటం చేసిన వీణా మాలిక్‌ పలు హిందీ సినిమాల్లో నటించారు. హిందీ రియాల్టి షో బిగ్‌బాస్‌ నాలుగో సీజన్‌లో పోటీ పడ్డారు. ‘నగ్నసత్యం’ అనే తెలుగు సినిమాలోనూ నటించారు. 


 బిగ్ బాస్ టీవీ షోతో భారతీయ ప్రేక్షకులకు చేరువైన పాకిస్థానీ నటి వీణామాలిక్. బాలీవుడ్ సినిమాల్లోనూ అలరించిన ఈ బ్యూటీ పెళ్లి తరువాత సినిమాలకు దూరమైంది. అసద్ ఖటక్ అనే వ్యాపార వేత్తను 2013లో పెళ్లాడిన వీణ పూర్తిగా కుంటుబానికి అంకితమైంది. అయితే కొంత కాలంగా తిరిగి సినీ రంగంలోకి రావాలని ప్రయత్నిస్తున్న వీణాకు కుటుంబ సభ్యులు అడ్డు చెపుతున్నారు. తన అభిప్రాయానికి భర్త అసద్, అతని కుటుంబ సభ్యుల నుంచి తీవ్ర వ్యతిరేకత వ్యక్తమవుతుండటంతో విడాకులు తీసుకునేందుకు నిర్ణయించుకుంది ఈ పాకిస్థానీ బ్యూటి.
 
 కొంతకాలంగా భర్తనుంచి విడిగా ఉంటున్న వీణామాలిక్, విడాకుల కోసం లాహోర్ కోర్టును ఆశ్రయించింది. అయితే కోర్టు పంపిన సమన్లకు వీణా భర్త అసద్ నుంచి ఎలాంటి రిప్లై రాకపోవటంతో, కోర్టు వీణాకు అనుకూలంగా తీర్పు నిచ్చింది. ఈ విషయంపై మీడియా వీణా మాలిక్ను సంప్రదించే ప్రయత్నం చేసినా ఆమె స్పందించేందుకు నిరాకరించింది. ప్రస్తుతం భర్త నుంచి చట్టపరంగా వేరుపడిన ఈ హాట్ బ్యూటీ త్వరలోనే సిల్వర్ స్క్రీన్ రీ ఎంట్రీకి ప్లాన్ చేసుకుంటుంది.


 లాహోర్: కిక్రెట్ చూసే భారతీయులందరికి తెలిసిన అడ్వర్టజ్మెంట్స్ ఒకటి ఉంది. అదే మౌకా మౌకా.. అంటూ ప్రతి వరల్డ్ కప్ సమయంలో వచ్చే యాడ్. పాక్ అభిమాని టపాసులు చేతిలో పట్టుకొని వరల్డ్‌ కప్‌లో భారత్ పై విజయం సాధిస్తే పేలుద్దామని చూస్తుంటాడు. అయితే ఆ తర్వాత భారత్ గెలవడం ఆ టపాసులను యధావిధిగా తీసుకెళ్లి దాచిపెడుతుంటాడు.. ఈ యాడ్ భారత్‌కు పాకిస్తాన్‌పై వరల్డ్ కప్‌లో ఉన్న తిరుగులేని రికార్డును సూచిస్తుంది.
 
 అయితే ఇప్పుడు దాని ప్రస్తావన ఎందుకంటారా?..గురువారం భారత్ పై వెస్టిండీస్ విజయం సాధించి పైనల్‌లోకి దూసుకు పోయింది. ఈ మ్యాచ్‌లో వెస్టిండీస్ గెలుపు కన్నా భారత్ పైనల్‌కు చేరలేదన్న ఆనందం పాక్ వాసుల్లో ఎక్కువగా కనిపించింది. మరీ ముఖ్యంగా బాలీవుడ్‌లో పలు చిత్రాల్లో నటించి, పేరు ప్రఖ్యాతలు తెచ్చుకున్న పాకిస్తానీ నటి వీణా మాలిక్ ఇప్పుడు భారత్‌కు ఓ మేసేజ్ ఇచ్చింది. ఎంత అద్భుతమైన మ్యాచ్..వెస్టిండీస్‌ మీరు సాధించారు. డియర్ ఇండియా, పాకిస్తాన్ నుంచి మీకో మెసేజ్ ...'మౌకా మౌకా' అంటూ ట్విట్ చేసింది. అయితే వరల్డ్‌ కప్‌లో భారత్‌పై ఎలాగూ గెలిచే సత్తా పాకిస్తాన్‌కు లేకపోవడంతోనే..కనీసం ఇలాగైనా వీణామాలిక్ తృప్తిపడిందంటూ... నెటిజన్లు సదరు నటిపై సెటైర్లు వేస్తున్నారు.
  
 
 What a match..... West Indies you done it... Dear India here is message from Pakistan... "Mouka Mouka"


 దుబాయ్: పాకిస్థాన్ కోర్టు తనకు 26 ఏళ్ల జైలు శిక్ష విధించడంపై నటి వీణామాలిక్ దిగ్భ్రాంతి వ్యక్తం చేశారు. 26 ఏళ్ల జైలు అంటే జీవితఖైదు విధించినట్టేనని ఆమె పేర్కొన్నారు. ఉన్నత న్యాయస్థానాలపై తనకు నమ్మకముందని తెలిపారు. తుది తీర్పులో తనకు న్యాయం జరుగుతుందన్న విశ్వాసాన్ని ఆమె వ్యక్తం చేసింది. తానేమీ తప్పు చేయలేదని ఆమె పేర్కొంది.
 
 దైవ దూషణతో కూడిన కార్యక్రమాన్ని ప్రసారం చేసినందుకు పాక్ మీడియా గ్రూప్ యో టీవీ అధిపతి మీర్ షకీల్-ఉర్-రె హ్మాన్, నటి వీణామాలిక్, ఆమె భర్త బషీర్, టీవీ యాంకర్ షయిష్టా వాహిదిలకు 26ఏళ్ల పాటు జైలు శిక్ష విధిస్తూ పాకిస్థాన్ కోర్టు తీర్పు చెప్పింది. జైలుశిక్షతో పాటు రూ.13 లక్షల జరిమానా చెల్లించాలని కోర్టు తన తీర్పులో పేర్కొంది.


 ఇస్లామాబాద్: దైవ దూషణతో కూడిన కార్యక్రమాన్ని ప్రసారం చేసినందుకు పాక్ మీడియా గ్రూప్ జియో టీవీ అధిపతి మీర్ షకీల్-ఉర్-రె హ్మాన్, నటి వీణామాలిక్, ఆమె భర్త బషీర్, టీవీ యాంకర్ షయి ష్టా వాహిదిలకు 26ఏళ్ల పాటు జైలు శిక్ష విధిస్తూ యాంటీ టైజమ్ కోర్టు తీర్పు చెప్పింది. జైలుశిక్షతో పాటు రూ.13 లక్షల జరిమానా చెల్లించాలని కోర్టు తన తీర్పులో పేర్కొంది.
  


  వీణామాలిక్ సమస్త ప్రపంచాన్ని మరిచిపోయి ఆనందసాగరంలో తేలియాడుతున్నారు. ఇంతకీ ఈ శృంగార నాయిక ఆనందానికి కారణం ఏంటనుకుంటున్నారా! ఆ ఆనందానికి కారణం ఆమె ‘అమ్మ’ కావడమే. వాషింగ్టన్‌లోని వర్జినీయా హస్పిటల్‌లో ఆమె ఓ పండంటి బిడ్డకు జన్మనిచ్చారు. ఈ విషయాన్ని ఆమె భర్త అసద్ బాషిర్‌ఖాన్ కఠాక్ ట్విట్టర్ ద్వారా తెలియజేశారు. తమ కుమారుడికి అబ్రాం ఖాన్ కఠాక్ అని నామకరం చేసినట్లు వీణామాలిక్ ట్విట్టర్ ద్వారా తెలిపారు. అంతేకాకుండా, తమ కుమారుడి పేరు మీద ఓ ట్విట్టర్ అకౌంట్‌ను కూడా తెరిచారామె. ఆ తాజా ట్విట్టర్‌లో ‘ప్రపంచానికి స్వాగతం... నేను వచ్చాను’ అని తన బిడ్డ పేరుతో తానే ఓ సందేశాన్ని పోస్ట్ చేశారు.
  


 వాషింగ్టన్: పాకిస్తానీ నటి, బాలీవుడ్ తార వీణా మాలిక్ ఓ పండంటి బిడ్డకు జన్మనిచ్చింది. వాషింగ్టన్ లోని వర్జినీయా హస్పిటల్ సెంటర్ లో ప్రసవించినట్టు ఆమె భర్త అసద్ బాషిర్ ఖాన్ కఠాక్ తెలిపారు. భారతీయ రియాల్టీ షో 'బిగ్ బాస్'  ద్వారా పరిచయమై.. వీణామాలిక్ పలు బాలీవుడ్ చిత్రాల్లో నటించింది. 
  
 తమ కుమారుడికి అబ్రాం ఖాన్ కఠాక్ అని పేరు పెట్టినట్టు సోషల్ మీడియా వెబ్ సైట్ లో ఓ సందేశాన్ని అసద్ బాషిర్ పోస్ట్ చేశారు. అంతేకాకుండా తన కుమారుడి పేరు మీద ట్విటర్ అకౌంట్ ను కూడా తెరిచారు. తన కుమారుడి పేరుతో తెరచిన ట్విటర్ అకౌంట్ లో 'ప్రపంచానికి స్వాగతం.. నేను వచ్చాను' అంటూ ఓ సందేశాన్ని పోస్ట్ చేశారు. 


 బాలీవుడ్.. కోటి కలల సామ్రాజ్యం. వెండితెర మీద వెలిగిపోవాలని, కోట్ల కొద్దీ డబ్బు సంపాదించుకోవాలని చాలామంది ఆశపడుతుంటారు. గ్లామర్ ఒలికిస్తే చాలు.. హిందీ తెరను ఏలొచ్చని వచ్చి వాలిపోతుంటారు. హీరోయిన్గా కాకపోయినా.. కనీసం ఐటెం సాంగుల్లో అయినా కనిపించి పేరు సంపాదించాలని భావించేవాళ్లకూ కొదవ లేదు. అయితే.. ఇలా వచ్చేవాళ్లలో ఇప్పుడు పొరుగుదేశం పాకిస్థానీ పాపలు ఎక్కువ మంది ఉంటున్నారట. ఎటూ ఎంతోకొంత హిందీ వచ్చి ఉండటం వారికి అడ్వాంటేజ్ అవుతోంది. ఇతర సమస్యలు ఎన్ని ఉన్నా.. పాకిస్థానీ అందగత్తెలు వెల్లువలా వస్తూనే ఉన్నారు. ఇలా వచ్చేవాళ్లను ఒక్కసారి చూస్తే..
 
 హుమైమా మాలిక్:
 పాకిస్థానీ సినీ పరిశ్రమ నుంచి ఇటీవలి కాలంలో వచ్చిన నటి హుమైమా. ఇప్పుడు ఈమె ఇమ్రాన్ హష్మితో కలిసి రాజా నట్వర్లాల్ చిత్రంలో చేసింది. పాకిస్థానీ నటీమణుల్లో ఎక్కువ సంపాదించేది ఈమే అని చెబుతారు. సీరియల్ కిస్సర్గా పేరున్న హష్మితో ఈమె కొన్ని హాట్ సీన్లు బాగానే పండించిందట.
 
 సారా లోరెన్:
 మోనాలిసా పేరుతో ముందుగా ప్రాచుర్యం పొందిన సారా.. 2003లోనే రబియా జిందా రహేగీ అనే టీవీ సీరియల్లో నటించింది. ఆ తర్వాత కూడా వరుసపెట్టి మెహర్ బానో ఔర్ షా బానో, శాండల్, రియాసత్, దుపట్టా, ఉమ్రావో జానే అదా సీరియళ్లలో కూడా చేసింది. 'కజరారే'తో ఒక్కసారిగా వెలుగులోకి వచ్చింది. అది ఫ్లాపయినా, నిషా, మర్డర్ 3 లాంటి సినిమాలతో తానేంటో చూపించింది.
 
 మీరా:
 పాకిస్థాన్ నుంచి దిగుమతి అయ్యి.. బాలీవుడ్ తలుపు తట్టిన మరో నటి మీరా. తన తొలి సినిమా నజర్లోనే ఆమె విశ్వరూపం చూపించింది. ఆ సినిమాలే అష్మిత్ పటేల్తో కలిసి చేసిన మేరే దిల్ మే పాటతో మీరా అంటే ఏంటో అందరికీ తెలిసింది. అయితే ఆ తర్వాత పలు వివాదాల్లో కూరుకుపోయింది. ఇప్పుడు ఆమెపై ఓ అరెస్టు వారెంటు కూడా జారీ అయ్యిందట.
 
 వీణా మాలిక్:
 పాకిస్థానీ క్రికెటర్ మహ్మద్ ఆసిఫ్తో సంబంధాలతో వార్తల్లోకి వచ్చిన వీహా మాలిక్ మ్యాచ్ ఫిక్సింగ్ వ్యవహారం ప్రపంచానికి అంతటికీ తెలిసింది. ఇక బిగ్ బాస్ గొడవతో ఒక్కసారిగా గుర్తింపు వచ్చింది. అష్మిత్ పటేల్తో ప్రేమ వ్యవహారం కూడా వార్తల్లోకి ఎక్కింది.


  ‘ముంబై 125 కి.మీ.. ఈ లోపు ఏం జరిగింది?’ ఆనే ఆసక్తికరమైన కథాంశంతో తెరకెక్కుతోన్న హారర్ చిత్రం ‘ముంబై 125 కి.మీ’. వీణామాలిక్, కరణ్‌వీర్ బోరా జంటగా నటించారు. ప్రముఖ సంగీత దర్శకుడు మణిశర్మతో కలిసి హేమంత్ మధుకర్ స్వీయ దర్శకత్వంలో  ఈ చిత్రాన్ని నిర్మిస్తున్నారు. టాప్ మ్యూజిక్ డెరైక్టర్‌గా ఖ్యాతిగాంచిన మణిశర్మ ఈ చిత్రం ద్వారా నిర్మాతగా మారడం విశేషం. ప్రస్తుతం ఈ సినిమా నిర్మాణానంతర కార్యక్రమాలు జరుపుకుంటోంది.
  
   సెప్టెంబర్ 26న హిందీ, తెలుగు, తమిళ భాషల్లో ఈ చిత్రాన్ని విడుదల చేయడానికి నిర్మాతలు సన్నాహాలు చేస్తున్నారు. హేమంత్ మధుకర్ మాట్లాడుతూ- ‘‘మణిశర్మ నేపథ్య సంగీతం ఈ చిత్రానికి హైలైట్. ఆగస్ట్‌లో ఆడియోను విడుదల చేస్తాం’’ అని తెలిపారు. భారతదేశంలో తొలిసారిగా రియల్ 3డి, డాల్ఫీ అత్మోస్ సౌండ్ టెక్నాలజీతో తెరకెక్కుతోన్న చిత్రమిదని మణిశర్మ చెప్పారు. ప్రతాప్‌సింగ్, అపర్ణ బాజ్‌పాయ్ తదితరులు ఇందులో ఇతర పాత్రధారులు.
  


 హిందీలో పలు చిత్రాల్లో నటించిన పాకిస్తానీ భామ వీణా మాలిక్ ‘సిల్క్’ చిత్రం ద్వారా కన్నడ రంగానికి పరిచయమైంది. ఈ చిత్రాన్ని ‘రెడ్ మిర్చి’ టైటిల్‌తో కన్నడ దర్శకుడు కనసుగార కరణ్ తెలుగులోకి అనువదించారు. ఈ నెలాఖరున చిత్రాన్ని విడుదల చేయాలనుకుంటున్నారు. ఈ సందర్భంగా కరణ్ మాట్లాడుతూ -‘‘సినిమా రంగంలో అగ్రస్థానానికి ఎదగడం కోసం ఓ నటి ఏం చేసింది? అనేదే ఈ చిత్రకథ. ఇందులో వీణా మాలిక్ అద్భుతంగా నటించింది. అలాగే, ప్రతినాయకురాలి పాత్రను సన చేసింది. కన్నడంలో ఈ చిత్రం 150 రోజులాడింది. తెలుగులో కూడా ఘనవిజయం సాధిస్తుందనే నమ్మకం ఉంది’’ అని చెప్పారు. ఈ చిత్రానికి సంగీతం: జెస్సీ గిఫ్ట్, మాటలు-పాటలు: భారతీబాబు, కెమెరా: జై ఆనంద్, సమర్పణ: పి.వి.ఎల్, దర్శకత్వం: త్రిశూల్.


 కథానాయిక కావాలనేది ఆ అమ్మాయి కల. ఎన్నో ఆశలతో నగరానికి చేరుకుంది. కొంతమంది స్వార్థపరులు, రాజకీయ నాయకులు ఆమెకు మరో రకంగా సినిమా చూపించారు. ఈ నేపథ్యంలో రూపొందిన చిత్రం ‘నగ్న సత్యం’.
 
 వీణామాలిక్ కథానాయికగా కూరపాటి రామారావు దర్శకత్వంలో చదవలవాడ తిరుపతిరావు సమర్పణలో చదలవాడ శ్రీనివాసరావు నిర్మించిన ‘నగ్నసత్యం’ ప్రచార చిత్రం ఆవిష్కరణ హైదరాబాద్‌లో జరిగింది. చదలవాడ శ్రీనివాసరావు మాట్లాడుతూ -‘‘ఏపీ ఫిలిం చాంబర్ ఆఫ్ కామర్స్‌లోని కొన్ని దుష్టశక్తుల కారణంగా గత పదహారేళ్లుగా మా అనురాధ ఫిలిమ్స్ సంస్థలో సినిమాలు తీయలేకపోయాం.
 
 
 ‘నగ్న సత్యం’ షూటింగ్ పూర్తయి చాలా కాలమైంది. సెన్సార్ బోర్డ్ కూడా సెన్సార్ చేయడానికి తిరస్కరించింది. గట్టిగా పోరాడటంతో కనికరించి సెన్సార్ చేశారు. ఎన్నో నగ్న సత్యాలను ఈ సినిమాలో చూడొచ్చును’’ అన్నారు.
  
  


 
 హాట్‌హాట్ పోజులు, వివాదాస్పద వ్యాఖ్యలతో ఎప్పుడూ వార్తల్లో ఉండే పాక్ నటి వీణా మాలిక్ అభిమానులకు ఇది చేదు కబురు. ఇక నుంచి మత, సామాజికపరమైన కార్యక్రమాలు మినహా సినిమాల్లో నటించబోనని ఈమె ప్రకటించింది. ఒక ఇస్లామిక్ గురువు బోధనలు తనలో పరివర్తన తెచ్చాయని చెప్పింది. ‘ఇక నుంచి భారత్, పాక్ సినిమాలేవీ చేయను. గతంలో ఒప్పుకున్న ప్రాజెక్టుల నుంచి కూడా వైదొలుగుతాను’ అని ఈ 29 ఏళ్ల బ్యూటీ తెలిపింది. అసద్ బషీర్ ఖాన్ ఖట్టక్ అనే దుబాయి వ్యాపారిని వీణ గత సంవత్సరం పెళ్లి చేసుకోవడం తెలిసిందే. ‘ఇస్లాం పండితుడు మౌలానా సాహిబ్ నా జీవితాన్ని సమూలంగా మార్చేశారు. 
 
  
 
  ఇక నుంచి బుర్ఖా వేసుకుంటానని ఆయనకు మాటిచ్చాను.  నా నిర్ణయాన్ని అభిమానులు, స్నేహితులు ప్రశంసించారు. అందరిలాగే నేనూ తప్పులు చేశాను. అందుకు భగవంతుణ్ని క్షమాపణలు కోరుతున్నాను’ అని వివరించారు. ఇక నుంచి సంప్రదాయ జీవితానికే కట్టుబడి ఉండే శక్తిని దేవుడు తనకు ఇవ్వాలని అభిమానులు ప్రార్థించాలని కూడా కోరింది.  పాకిస్థాన్ ప్రజల సంక్షేమం కోసం చేతనైనంత కృషి చేస్తానని తెలియజేసింది. ఇవన్నీ ఇలా ఉంటే పాకిస్థాన్ టీవీ షోలో అసద్‌తో కలిసి ఒక కార్యక్రమం నిర్వహించడానికి వీణ సిద్ధమవుతోందట. ఇందుకోసం ఇది వరకే చానెళ్లను సంప్రదించిందని సమాచారం. అన్నట్టు అసద్ కూడా పాకిస్థాన్ జాతీయుడే. ఒక భారతీయ సినిమా పత్రికకు టాప్‌లెస్‌గా పోజివ్వడం, బిగ్‌బాస్‌లో అస్మిత్ పటేల్‌తో సన్నిహితంగా మెలగడం వంటివి వీణామాలిక్‌కు విపరీత ప్రచారం తెచ్చిపెట్టాయి.
 
  
 
  


 పాకిస్థాన్ మోడల్, బాలీవుడ్ తార వీణా మాలిక్ అభిమానులకు చేదు వార్త అందించింది. కమర్షియల్ సినిమాల్లో ఇక నుంచి నటించను. రిటైర్మెంట్ తీసుకుంటున్నాను అని ఆదివారం ప్రకటించింది. అయితే మత, సామాజిక సందేశాలున్న చిత్రాల్లో నటిస్తాను అని వీణా వెల్లడించింది.
 మక్కాలో ప్రార్థన (ఉమ్రా) నిర్వహించిన తర్వాత మసాలా చిత్రాలకు గుడ్ బై చెప్పనున్నట్టు తెలిపింది. ఇక నుంచి చిత్రాల్లో నటించకూడదని నిర్ణయం తీసుకున్నాను అని వెల్లడించింది.  గత సంవత్సరం దుబాయ్ లోని వ్యాపారవేత్త అసద్ బషీర్ ను వీణా మాలిక్ పెళ్లాడిన సంగతి తెలిసిందే. ఇటీవల భర్త, కుటుంబ సభ్యులతో కలిసి మక్కాలో పూజలు నిర్వహించింది.


 సోషల్ మీడియా అకౌంట్లతో తలెత్తే ఇబ్బందులు సామాన్యులకే కాదు..సెలబ్రీటిలకు కూడా తప్పడం లేదు. డబ్బులు, చీప్ పాపులారిటీ కోసం తన మాజీ మేనేజర్ ప్రశాంత్ సింగ్ తనను బ్లాక్ మెయిల్ చేస్తున్నారు అని పాకిస్థానీ మోడల్, బాలీవుడ్ తార వీణా మాలిక్ ఆరోపించారు. తన ఫేస్ బుక్, ట్విటర్ అకౌంట్లను హ్యాక్ చేసి వివాదస్పద ఫోటోలను పోస్ట్ చేస్తున్నారని ప్రశాంత్ పై వీణా మాలిక్ నిప్పులు చెరిగారు. తనపై చేస్తున్న ఆరోపణల్లో వాస్తవం లేదు. అతనో అబద్దాల కోరు అని వీణా అన్నారు. బాయ్ ఫ్రెండ్ అంటూ ఆయన చేస్తున్న ప్రచారంలో వాస్తవం లేదు వీణా మాలిక్ ఖండించారు. ఆయన తనకు సోదరుడు లాంటి వాడు. తనను ఆయన కూడా సోదరిగానే చూశాడు అని వీణా మాలిక్ అన్నారు. 
  
 దుబాయ్ వ్యాపారవేత్త అసద్ బషీర్ ఖాన్ కట్టక్ ను వివాహామాడిన తర్వాత తాను బిజీగా మారాను. తన సోషల్ నెట్ వర్కింగ్ సైట్స్ కు సంబంధించిన పాస్ వర్డ్స్ ను మార్చడం మరిచిపోయాను అని అన్నారు. సింగ్ భారతీయుడు. తన వద్ద 10 వేల రూపాయలకు ఉద్యోగం చేసేవాడు. అతను తన పరిధిలోనే ఉండాలి అని ఆగ్రహం వ్యక్తం చేశారు. అడ్వాన్స్ గా సింగ్ కు 3 లక్షల రూపాయలు చెల్లించానన్నారు. తనపై తప్పుడు ఆరోపణలు చేస్తున్న ఆయనపై చట్ట పరమైన చర్యలు తీసుకుంటాం అని అన్నారు.  ఇస్లామాబాద్ లోన జియో న్యూస్ చానెల్ తో మాట్లాడుతూ.. ప్రస్తుతం  వైవాహిక జీవితంతో సంతోషంగా ఉన్నాను. తనను కాపాడుకోవడం ఎలానో తనకు భర్తకు తెలుసు అని వీణా ఓ ప్రశ్నకు జవాబిచ్చారు. 


 వివాదాలకు కేంద్ర బిందువులాంటి బాలీవుడ్ తార, పాకిస్థానీ మోడల్ వీణామాలిక్ పై మాజీ ప్రియుడు ప్రశాంత్ సింగ్ కేసు నమోదు చేశాడు. ముంబైలోని ఆరేయ్ పోలీస్ స్టేషన్ లో సెక్షన్ 507 కింద వీణాపై కేసు నమోదైంది. ఆరేయ్ పోలీస్ స్టేషన్ పరిధిలోని గార్డెన్ వ్యూ బిల్లింగ్ లో వీణా, ప్రశాంత్ లిద్దరూ కలిసి సహజీవనం చేశారు. ఆ సమయంలో వీణా ఖర్చులన్ని ప్రశాంత్ భరించాడు. అయితే వారిద్దరి మధ్య ఉన్న రిలేషన్ షిప్ వివాదానికి కారణమైంది. 
  
 ఇద్దరి మధ్య ఉన్న రిలేషన్ ఎవరికైనా చెబితే.. అత్యాచారం, లైంగిక వేధింపులకు పాల్పడినట్టు కేసు పెడుతానని తనను వీణామాలిక్ బెదిరించింది అని ప్రశాంత్ వెల్లడించారు. తనపై బెదిరింపులకు పాల్పడుతున్న వీణా మాలిక్ పై ముందు జాగ్రత్త చర్యగా కేసు నమోదు చేశానన్నారు. 
  
 దుబాయ్ చెందిన వ్యాపారవేత్తను వివాహమాడినట్టు వీణా మాలిక్ ఇటీవల ట్వీట్ చేసిన సంగతి తెలిసిందే. బాలీవుడ్ ప్రముఖులకు విందును భారీ ఎత్తున ఏర్పాటు చేసేందుకు ప్లాన్ చేస్తున్న తరుణంలో కేసు నమోదవ్వడం వీణాకు చేదు అనుభవంగా మారింది. 
  


 పాకిస్తానీ మోడల్, నటి వీణామాలిక్ ఒంటరి జీవితానికి స్వస్తిపలికి ఓ ఇంటి ఇల్లాలైంది. ఇటీవల తనే ట్విట్టర్ ద్వారా తన అభిమానుల గుండెల్లో ఈ పెళ్లి బాంబు పేల్చారు. ‘నా జీవితానికి ఓ భాగస్వామి దొరికాడోచ్’ అంటూ ట్విట్టర్ ద్వారా చాటింపేసేశారామె. దుబాయ్‌కి చెందిన ఓ ప్రముఖ వ్యాపారవేత్తతో ఎమిరేట్స్ కోర్టులో వీణా పెళ్లి జరిగిందని సమాచారం. భగవంతుడి దయవల్ల పెళ్లి తంతు ముగిసిందని, త్వరలోనే పూర్తి స్థాయి పెళ్లి వేడుకను జరుపుకుంటానని, అలాగే... మక్కా యాత్రకు కూడా వెళ్లనున్నామని వీణా ట్వీట్ చేశారు. 
  
 వీణామాలిక్ అంటే... వివాదాలకు కేంద్రబిందువు. ‘బిగ్ బాస్ 4’ గేమ్ షోలో పాల్గొని అనేక వివాదాలతో ముద్దుగుమ్మ వెలుగులోకొచ్చింది. హిందీ నటుడు అస్మిత్ పటేల్‌తో సాహచర్యం, ఎఫ్‌హెచ్‌ఎం మ్యాగజైన్‌పై నగ్న ప్రదర్శన... ఇవన్నీ వీణాను ప్రపంచస్థాయిలో పాపులర్ చేశాయి. ‘డర్టీ పిక్చర్’ సినిమాలోని స్పెషల్‌రోల్‌తో ప్రేక్షకులకు మరింత చేరువయ్యారు వీణా. ప్రస్తుతం ఈ పాకిస్తానీ సుందరి ఓ తెలుగు సినిమాలో కూడా నటిస్తున్నారు. వీణామాలిక్ పెళ్లివార్త... ఆమెను ఇష్టపడే యువతకు నిజంగా చేదు వార్తే.
  


 తన అందాల ప్రదర్శనతో బాలీవుడ్ను షేక్ చేసిన పాకిస్తాన్ బ్యూటీ వీణా మాలిక్ పెళ్లి చేసుకున్నట్లు వార్తలు జోరుగా షికార్లు చేస్తున్నాయి. అసద్ బషీర్ అనే వ్యాపారవేత్తను ఈ అమ్మడు పెళ్లాడినట్లు సమాచారం. ప్రస్తుతం ఈ  వార్త బాలీవుడ్ లో హాట్ టాపిక్ గా మారింది.తన జీవిత భాగస్వామితో ఉంగరాలు మార్చుకున్న ఫోటోలను వీణా మాలిక్ తన ట్విట్టర్ అకౌంట్లో పెట్టింది.  'ఐ ఫౌండ్ మై సోల్ మేట్... మై ఫ్రెండ్.. మై పార్టనర్!!!' అంటూ ఆమె ట్వీట్ చేసింది. ఈ రోజు తనకు చాలా సంతోషంగా ఉందని, తన ఉద్దేశ్యం ప్రకారం ప్రపంచంలోనే  హ్యాపియస్ట్ గర్ట్ తానేనంటూ చెప్పుకొచ్చింది.
 
 కాగా వీణా మాలిక్ తన సొంత ట్విట్టర్ ఖాతాలో పొందుపరిచిన సమాచారం మేరకు అసద్ బషీర్ ఖతక్ను (డిసెంబర్ 25న) దుబాయిలోని ఎమిరేట్స్ కోర్టులో వివాహం చేసుకున్నట్లు తెలుస్తోంది. అయితే అతగాడి ముఖం కనిపించే ఫోటో మాత్రం ట్విట్టర్లో పెట్టలేదు.  తండ్రి అహ్మద్ అలీ మాలిక్ స్నేహితుడి కుమారుడినే వీణా పెళ్లాడినట్లు సమాచారం. అసద్ బషీర్ దుబాయిలో వ్యాపారం నిర్వహిస్తుండగా, అతని కుటుంబం నార్వేలో ఉంటోంది. త్వరలో అందరినీ పిలిచి వివాహ రిసెప్షన్ ఏర్పాటు చేయనుందట. అయితే నిత్యం వార్తల్లో ఉండే వీణా ఎందుకిలా సీక్రెట్ గా మ్యారేజ్ చేసుకోవాల్సి వచ్చిందో తేలాల్సి ఉంది.


 నటి సిల్క్‌స్మిత జీవిత చరిత్ర చాలా ప్రాచుర్యం పొందింది. శృంగారతారగా ఆమె దక్షిణాది, ఉత్తరాది చిత్రాల్లో రాణించారు. అయితే అర్ధాంతరంగా కన్నుమూశారు. సిల్క్‌స్మిత జీవిత ఇతివృత్తంతో బాలీవుడ్‌లో ది దర్టీ పిక్చర్ పేరుతో రూపొందిన చిత్రం ఘన విజయం సాధించింది. ఆమె పాత్రను పోషించిన విద్యాబాలన్ జాతీయ ఉత్తమ నటి అవార్డు అందుకున్నారు.
 
 సిల్క్ జీవిత కథతో ఇటీవల మలయాళంలో క్లైమాక్స్ పేరుతో మరో చిత్రం తెరకెక్కింది. స్మిత పాత్రను సానాఖాన్ పోషించింది. ఈ చిత్రం తమిళంలో ఒరునడిగైయిన్ డైరీ పేరుతో అనువాదం అయింది. తాజాగా కన్నడంలో సిల్క్ జీవిత కథతో సిల్క్ సక్కత్ మగ పేరుతో ఒక చిత్రం తెరకెక్కుతోంది.
 
 ఇందులో పాకిస్తాన్ నటి వీణామాలిక్ నటిస్తోంది. త్రిసూల్ దర్శకత్వం వహిస్తున్న ఈ చిత్రాన్ని 16 భాషలలో అనువదించి విడుదల చేయనున్నారు. ఈ చిత్రాన్ని పలు భాషలలో విడుదల చేయడానికి నిర్మాతలు ముందుకొస్తున్నారని త్రిసూల్ తెలిపారు.