పాఠశాల విద్యార్థులకు సామగ్రి బహూకరణ

పాఠశాల విద్యార్థులకు సామగ్రి బహూకరణ

చీమకుర్తి రూరల్‌: మండలంలోని బండ్లమూడి ప్రభుత్వ ఉన్నత పాఠశాల, ప్రాథమిక పాఠశాల విద్యార్థులకు ప్యాడ్లు, పెన్నులు, పెన్సిళ్లు, స్కేళ్లు బహూకరించారు. మార్తుల బాలరెడ్డి మూడో వర్ధంతి సందర్భంగా వారి కుమారులు వెంకారెడ్డి, తిరుపతిరెడ్డి బుధవారం రోటరీ క్లబ్‌ ఆఫ్‌ చీమకుర్తి తరఫున వాటిని అందించారు. హెచ్‌ఎం కాంతారావు అధ్యక్షతన నిర్వహించిన ఈ కార్యక్రమంలో రోటరీ క్లబ్‌ అధ్యక్షుడు కడవా రామకృష్ణ, సెక్రటరీ కేవీ సుధాకర్‌, మాజీ ప్రెసిడెంట్‌, సెక్రటరీలు ఆర్యవైశ్య సంఘ ప్రముఖులు, బండ్లమూడి వైస్‌ సర్పంచ్‌ గోపిరెడ్డి పద్మా ఓబుల్‌రెడ్డి, ఎంపీటీసీ యానం విజయలక్ష్మి శేషిరెడ్డి, అభివృద్ధి కమిటీ సభ్యులు, ఉపాధ్యాయులు పాల్గొన్నారు.