ప్రజలకు సేవ చేస్తే దేవుడికి చేసినట్లే..

ప్రజలకు సేవ చేస్తే దేవుడికి చేసినట్లే..

ఒంగోలు టౌన్‌ : ప్రజలకు సేవ చేయడమంటే దేవుడికి సేవ చేసినట్లేనని స్థానిక ప్రభుత్వ వైద్య కళాశాల ప్రిన్సిపాల్‌ డాక్టర్‌ ఏడుకొండలు అన్నారు. బుధవారం మెడికల్‌ కాలేజీలో నిర్వహించిన సెమీ క్రిస్మస్‌ వేడుకల్లో ఆయన ముఖ్య అతిథిగా పాల్గొని మాట్లాడారు. ప్రజలకు సేవ చేసే అరుదైన అవకాశాన్ని వైద్యులకు ఆ దేవుడు ఇచ్చాడని చెప్పారు. ప్రేమపూర్వక సమాజమే లక్ష్యంగా విద్యార్థులు పని చేయాలన్నారు. కళాశాలకు మంచి పేరు తీసుకురావాలన్నారు. కార్యక్రమంలో జీజీహెచ్‌ సూపరింటెండెంట్‌ డాక్టర్‌ జమున, అనాటమి హెచ్‌ఓడీ డా.సుధాకర్‌బాబు, ఐఎంఏ రాష్ట్ర కమిటీ సభ్యుడు డాక్టర్‌ జాలాది మాణిబాబు పాల్గొన్నారు. అనంతరం దైవ సేవకుడు డాక్టర్‌ ప్రదీప్‌ సుందరం దైవ సందేశం వినిపించారు.