వంజంగిలో సక్రమంగాపారిశుధ్య పనులు

వంజంగిలో సక్రమంగాపారిశుధ్య పనులు

డీఎల్‌పీవో కుమార్‌

పాడేరు: ప్రముఖ పర్యాటక ప్రాంతమైన వంజంగిలో పారిశుధ్య పనులు సక్రమంగా నిర్వహించాలని డివిజనల్‌ పంచాయతీ అధికారి పి.ఎస్‌.కుమార్‌ ఆదేశించారు. ఆయన బుధవారం సాయంత్రం వంజంగిలో పర్యటించారు. అక్కడ పారిశుధ్య పనులను పరిశీలించారు. ఎంపీడీవో, ఈఓపీఆర్డీ తరచుగా వంజంగిని సందర్శించి పారిశుధ్య పనులను పర్యవేక్షించాలన్నారు. అదనపు పారిశుధ్య సిబ్బందిని నియమించాలని సూచించారు. ప్లాస్టిక్‌, ఇతర వ్యర్థ్యాలను ప్రతి రోజు తొలగించాలని, పర్యాటకులకు అసౌకర్యం కలగకుండా చూడాలన్నారు. వంజంగిలో రిసార్ట్స్‌, టెంట్లు నిర్వహిస్తున్న యజమానులు విడిది చేసే పర్యాటకుల నుంచి విధిగా గుర్తింపు కార్డులు సేకరించాలని ఆదేశించారు. ప్రతి రిసార్ట్‌లో తప్పనిసరిగా సీసీ కెమెరాలు ఉండేలా చూడాలన్నారు. రిజిస్టర్లు సక్రమంగా నిర్వహించాలన్నారు. ఆయనతో పాటు ఎంపీడీవో డేవిడ్‌రాజు, ఈఓపీఆర్డీ రమేష్‌ తదితరులున్నారు.