యంత్ర పరికరాల కొనుగోలుకు నిధులు

యంత్ర పరికరాల కొనుగోలుకు నిధులు

ఐటీడీఏ ప్రాజెక్టు అధికారి అభిషేక్‌

డుంబ్రిగుడ: వనదన్‌ వికాస్‌ కేంద్రానికి అవసరమైన యంత్ర పరికరాలు కొనుగోలుకు నిధులు విడుదల చేస్తామని ఐటీడీఏ ప్రాజెక్టు అధికారి వి.అభిషేక్‌ తెలియజేశారు. మండలంలో ఉన్న వీడీవీకేలను ఆయన గురువారం సందర్శించారు. ఈ సందర్భంగా ఆయన మాట్లాడుతూ కేంద్రంలో ముడిసరకుల కొనుగోలు, బిస్కెట్‌ తయారీ యూనిట్‌ నిర్వహణ, ఉత్పత్తుల తయారీ, మార్కెటింగ్‌పై వీడీవీకే సభ్యులకు అవసరమై శిక్షణ అందిస్తామన్నారు. పూర్తిస్థాయిలో పరికరాలను వచ్చే నెల 15వ తేదీలోగా సిద్ధం చేసుకుని ఉత్పత్తులు ప్రారంభించాలన్నారు. వీడీవీకే ఉత్పత్తులను వారపు సంతలోనూ, దుకాణాలకు విక్రయించాలని సూచించారు. నాణ్యమైన ఉత్పత్తులను చేసి మార్కెటింగ్‌ చేయాలన్నారు. ఉత్పత్తులో నాణ్యత పాటిస్తే తగిన విధంగా లాభాలు వస్తాయని చెప్పారు. గసభ పంచాయితీ అండ్రగూడ గ్రామానికి చెందిన కిల్లో అనూషకు నాటు కోళ్లు పెంపకానికి మండల సమైక్య నుంచి లక్ష రూపాయల ఆర్థిక సహాయాన్ని డీఆర్‌డీఏ ప్రాజెక్టు అధికారి మురళీ చేతుల మీదుగా అందజేశారు. రుణాన్ని సద్వినియోగం చేసుకొని స్వయంకృషితో ఆర్థికాభివృద్ధి చెందాలని లబ్ధిదారులకు సూచించారు. నాటు కోళ్ల పెంపకం వివరాలను, ఆదాయాన్ని అడిగి తెలుసుకున్నారు. వెలుగు సిబ్బంది, వీడీవీకే సభ్యులు పాల్గొన్నారు.

1/1

యంత్ర పరికరాల కొనుగోలుకు నిధులు